|
اقتباس:
وكانت اجواء الطقس حلوه لا حر ولا رطوبه ونسمات جميله بس ما يخلونا نقعد الشرطة ممنوع الجلوس على الارصفة عند باب الوقف واللي يشوفونه شايل الكمام يقولون له حط الكمام ما خلونا نشم الهوا ههههه لا اكيد ننزل الكمام من ورا الشرطي لا تعلمه |
اقتباس:
اللهم آمين من ذوقك اخوي والله اجواء الحرم غييير غيير عن كل مكان بالعالم يعافيك ربي وجزاك الله خير |
نكمل معاكم… وبعد صلاة الفجر رجعنا الغرفة وطلبنا الريوق وعلى مايوصل الريوق نصور الاجواء برة https://www.arabtrvl.com/up/uploads/...062964429.jpeg الغيم فرحة لنا لان نشتاق للمطر والجو البارد https://www.arabtrvl.com/up/uploads/...629603191.jpeg https://www.arabtrvl.com/up/uploads/...629610992.jpeg https://www.arabtrvl.com/up/uploads/...629615633.jpeg https://www.arabtrvl.com/up/uploads/...629620464.jpeg https://www.arabtrvl.com/up/uploads/...629626585.jpeg https://www.arabtrvl.com/up/uploads/...629641138.jpeg وبعد الريوق اخذنا لنا غفوة للساعه 9ونص واغراضنا كلها جاهزة بوحسين متواعد مع سايق يوصلنا للمطار بسيارة فان بسعر 200 ريال وعلى الساعه 10 خلصنا التشيك اوت واللي ماكو بس قال نزلو الجناط قلت له اي قال خلاص مع السلامة طبعنا اوراق فحص ال pcr للمطار بالفندق وبعدها كلنا تحت ومشينا https://www.arabtrvl.com/up/ucp.php?go=fileuser&page=2 نودع الساعه https://www.arabtrvl.com/up/uploads/...296513211.jpeg https://www.arabtrvl.com/up/uploads/...296567512.jpeg https://www.arabtrvl.com/up/uploads/...629660113.jpeg مناظر الجبال بين مكة وجدة https://www.arabtrvl.com/up/uploads/...629664914.jpeg واقتربنا للمطار الجديد https://www.arabtrvl.com/up/uploads/...296702515.jpeg https://www.arabtrvl.com/up/uploads/...296751116.jpeg وهذا المطار https://www.arabtrvl.com/up/uploads/...296854419.jpeg اول ماندخل يشيكون على فحص ال pcr وبعدين لكاونترات الخطوط السعودية https://www.arabtrvl.com/up/uploads/...296900820.jpeg وهذا يرشد المسافرين ويرد على المستفسرين https://www.arabtrvl.com/up/uploads/...641617451.jpeg https://www.arabtrvl.com/up/uploads/...641623672.jpeg شنو هذا :60: هذا ماي زمزم 3 عبوات واحنا ننزل الجناط من التاكسي بوحسين شافهم بالسيارة فسأل السايق هذا لمين قاله للبيع العبوة ب30 قلت حق بوحسين ناخذ من داخل المطار رد علي السايق مافي بالمطار بعدين قال له بوحسين غالي ب30 رد على بوحسين انه نفس سعر المطار :16: قلت له توك تقول مافي بالمطار قال بوحسين عطنا اياهم ودفع له 100 ريال المهم يوم دخلنا لا اللي عند الباب قالو ليش جايبين ماي زمزم ولا اللي يدفع العربانه انزين شنو صار صار ان ممنوع تدخل العبوات في الطيارة غير مسموح دخلو جناطنا وظلوو هالعبوات بالعربانه ماندري وين نوديهم المهم بعدين عطيناهم عامل النظافه وفتحنا واحد شربنا منه ووزعنا الباقي على القاعدين على الكراسي بجذيه نقول ان السايق نصب علينا اكيد كانو مرجعينهم ناس قبلنا وهو يعرف ان ممنوع بس باعهم لنا غشاش حقدت عليه مو مشكله الفلوس بس ليش الغش واحنا مكرمينك ومعطينك زود وماخلفنا وعدنا نطرناك علشان تودينا المطار المهم طبعا الله يحاسبه على فعلته وبعد مادخلنا الجناط واخذنا البوردينق نقدر الحين نطلب كرسي من الاستعلامات قبل البوردينق مايعطونك ومشينا مع اللي يدز الكرسي وودانا للجوازات وبعدها للقطار ومنا للبوابات https://www.arabtrvl.com/up/uploads/...641630313.jpeg المطار كبير يعني مشي تعب بوابة سكة القطار https://www.arabtrvl.com/up/uploads/...641638385.jpeg https://www.arabtrvl.com/up/uploads/...641640816.jpeg شاشة الاستعلامات عن الرحلات https://www.arabtrvl.com/up/uploads/...641652498.jpeg https://www.arabtrvl.com/up/uploads/...641643937.jpeg وطلع مافي سوق حرة ولا مطاعم ولا مركز تسوق ابداا بس هالكافيه وفي لمقابله باسكن روبنز https://www.arabtrvl.com/up/uploads/...641655959.jpeg وشرينا هالكيكة مع كباتشينو علشان نقعد الراس وهذه طيارتنا مستعدة https://www.arabtrvl.com/up/uploads/...796985651.jpeg والحمدلله وصلنا الكويت وعلى طول رحنا الكاونتر قال ليش ماسويتو المسحة فوق قلنا ماشفنا المكان وقال الشرطي لازم نفتح تطبيق مناعة وتطبيق اشلونك اشلونك هذا يحسب لكم الحجر المنزلي وقال لكم 3 ايام للفحص علشان نشيل الحجر المهم اخذنا جناطنا وعلى البيت والتطبيق اشتغل يحسب لنا ايام الحجر وكل شوي يسالونا ويتحققون من وجودنا العيال راحو سوو الفحص بس وصلنا البيت وانا وابوحسين اخذنا موعد يجون لنا البيت يوم الاحد الساعه 6.30 يعني عقب يوم واحد والحمدلله يوو وفحصنا باللعاب هالمرة ارسلو النتيجة الساعه 2 الفجر وبعد ساعه ارسلو لنا ان تم الانتهاء من الحجر الحمدلله كلنا سلبي والحمدلله على سهالة الامور لادائنا العمرة بعد هالسنتين الموبؤة الحمدلله على كل حال وحال شكراا للكل لمروركم العطر اللي عطر تقريري :e030::e030::e030::e030::e030: |
ما شاء الله يا أم حسين الحمد لله على السلامة و الحمد لله على التمام و أن شاء الله يكتب لكم القبول في عمرتكم "أما موقف السواق .. مع الآسف غير جيد (يمثل نفسه فقط) و لكن الواحد وش يقول غير حسبنا الله و نعم الوكيل ... و الله يعوضكم و يكتب أجركم طالما وزعتوه على العمال و المتواجدين بالمطار ... شكراً لك أختي أم حسين على مشاركتنا الفائدة من تجربتك في رحلة العمرة |
الحمد لله على السلامة وعمرة مقبولة بإذن الله نأسف للتصرف الفردي سواء كان من مواطن أو مقيم |
اقتباس:
وربي يتقبل منا ومنكم اي والله السواق لقاها فرصة للنصب واكيد تصرف فردي والحمدلله شربنا منه وشربو المسافرين يمكن فيها اجر اكثر من اللي اخذه العفوو وهذا شي قليل لمنتدانا الغالي شكراا لمرورك العطر |
اقتباس:
مثل ماقلت تصرف فردي ما يحتاج تتأسف يااخوي شكراا لذوقك ومرورك العطر |
الحمدلله ع السلامة وتقبل الله عمرتكم أم حسين تقرير في منتهى الروعه والحمدلله بعد معناه الله أكرمنا بمطار رائع للغاية كل الشكر والتقدير |
اقتباس:
تقبل الله منا ومنكم صالح الاعمال من ذوقك التقرير عجبك والحمدلله مطار جميل وعالمي شكراا لمرورك العطر |
ما شاء الله الحمدلله على السلامة أختي الغالية أم حسين تقبل الله طاعاتكم وصالح أعمالكم وبارك الله بجهودج الطيبة على التقرير المفصل والله شوقتينا للعمرة وعشت معاكم بخطوة بخطوة الحمدلله الأمور سهالات واحنا مصتصعبين الوضع الله يرزقنا عمرة قريبة ويرزق كل من يتمنى سلامتج يا الغالية ما تشوفين شر ربي يشفيج ويعافيج والله يرحم أمواتكم وأمواتنا وأموات المسلمين ويجعل الماء صدقة عنكم وعن أمواتكم ويسامح السائق ويحفظج الرحمن ويسعدج ويرعاج |
| الساعة الآن 05:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO