|
عمرة المحصنين 2021 السلام عليكم ورحمة الله وبركاته اولا نبارك للمملكة العربية السعودية وللشعب السعودي وبالأخص ادارتنا واعضاء المنتدى الكرام 🇸🇦🇸🇦 باليوم الوطني السعودي 🇸🇦🇸🇦 وعساها في عز وازدهار ورخاء شكراا من القلب للجهود المميزة في التنظيم والترتيب والاهتمام بالمعتمرين وراحتهم بداية من موظفين ومضيفين الخطوط السعودية الى اصغر موظف قابلناه تاريخ العمرة يوم الخميس 16 / 9 / 2021 الى 18 / 9 / 2021 طبعا التذاكر مع الشركات الشخص 204 دينار مع الفندق ليلتين والتأمين الصحي الفندق موفنبيك مع الافطار طبعنا الاوراق المطلوبه كما وصلني والارشادات من مكتب السفر اللي ارسلوها لولدي حسين 🇸🇦🇸🇦 ارشادات اضافية لمساعدتك اخي حسين رابط منصه مقيم لرفع تفاصيل التطعيم والجرعات قبل السفر ب 24 ساعة https://muqeem.sa/#/vaccine-registra...cinatedVisitor تطبيق توكلنا بمجرد وصول المملكة يجب التسجيل فيه متاح علي الاب ستور/ بلاي ستور بتسجل فيه ان حضرتك متواجد فى المملكة لاداء العمرة مركز عناية فى الطريق لمكة بتدش المركز تاخد اسورة فيها ميعاد العمرة .. تم الغاء كويت مسافر في رحلات العوده للكويت لحاملي تطبيق مناعه او هويتي باللون الاخضر لعمل مسحة في العودة معمل مركز الابراج وده مكانة ف ابراج البيت قريب من فندق الموفنبيك 🇸🇦🇸🇦 الاوراق المطلوبة لكل شخص 1- شهادة تطعيم الجرعتين 2- فحص pcr قبل 72 ساعه 3- صورة التسجيل في منصة مقيم 4- صورة من التأمين الصحي طبعا جواز السفر مو البطاقة المدنية مثل ماكان معمول فيه قبل زمن الكرونا ✈🇸🇦✈🇸🇦✈🇸🇦 جهزنا كل شي منصة مقيم ما افتحت لنا تاريخ السفر الا قبلها بيومين سجلنا فيها https://www.arabtrvl.com/up/uploads/...952639481.jpeg الاربعاء المغارب رحنا عملنا المسحة سعر المسحة ب 20 دينار كويتي للشخص عملناها الساعه الساعه 6 المغرب وطلعت النتيجة الساعه 10.30 الحمدلله سلبية للكل صورنا الاوراق وضفناهم للملف بعد هالتجهيز طيارتنا الساعه 4.50 مساء رحنا المطار الساعه 2.30 وخلصنا من الكاونتر وطلبت منهم وييل شير حتى بمطار جدة يكون لي طلب المطلوب عندنا شهادة التطعيم او برنامج هويتي https://www.arabtrvl.com/up/uploads/...952645052.jpeg فحص ال pcr https://www.arabtrvl.com/up/uploads/...001445061.jpeg الجواز التأمين https://www.arabtrvl.com/up/uploads/...618446354.jpeg https://www.arabtrvl.com/up/uploads/...618400891.jpeg الحمدلله خلصنا الاجراءات ورحنا الكافيهات واخذنا كباتشينو وبعدها اذن رحنا نصلي العصر https://www.arabtrvl.com/up/uploads/...618432832.jpeg https://www.arabtrvl.com/up/uploads/...618439983.jpeg https://www.arabtrvl.com/up/uploads/...618452445.jpeg وبعدها البوابة https://www.arabtrvl.com/up/uploads/...618457426.jpeg وطيارتنا بوينغ https://www.arabtrvl.com/up/uploads/...618463937.jpeg وصور جوازاتنا مع الطيارة https://www.arabtrvl.com/up/uploads/...618469478.jpeg لدخول الطائرة تفتيش عادي وانتظرنا الدخول دخلونا الكراسي المتحركة اول شي مع مرافقينا وممر السعادة https://www.arabtrvl.com/up/uploads/...184782710.jpeg قعدنا بالكراسي الوسط اربعتنا https://www.arabtrvl.com/up/uploads/...184830711.jpeg وقرينا دعاء السفر https://www.arabtrvl.com/up/uploads/...184895712.jpeg https://www.arabtrvl.com/up/uploads/...184937313.jpeg المكان مو حلوو طلبنا التغيير قالو بس نخلص من الركاب روحو قعدوا باللي تبونه طبعا كلنا رحنا ورا وكل واحد اخذ له عند الشباك المكان فاضي ورا الطيارة فاضية https://www.arabtrvl.com/up/uploads/...185264919.jpeg وزعوا علينا المعقمات https://www.arabtrvl.com/up/uploads/...184999614.jpeg https://www.arabtrvl.com/up/uploads/...185052315.jpeg https://www.arabtrvl.com/up/uploads/...185113116.jpeg https://www.arabtrvl.com/up/uploads/...185181417.jpeg https://www.arabtrvl.com/up/uploads/...185289720.jpeg وبعدها طارت الطيارة شعور جمييل عقب الكرونا نكون على الطيارة مرة ثانيه الحمدلله والشكر لله على النعم والصحة والعافية |
السلام عليكم و رحمة الله و بركاته ... ما شاء الله تبارك الرحمن .. الحمد لله جعلها عمرة مقبولة و باين أن الأجراءات سهالات و تنظيم من الجهات الصحية في كلا البلدين الكويت و السعودية ... الله يبارك في جهود الجميع |
ما شاء الله تبارك الله عمرة مقبولة بإذن الله وتقبل الله صالحات أعمالكم أم حسين الصور الجوية ما شاء الله رووووعة سبحان الله الخالق |
ووصلنا بالسلامة الى مطار الملك عبدالعزيز بجدة مطار جديد كبيرر جداا وانا تعرفوني صج انه حلوو بس يتعب وهالمره انا كنت على كرسي ما اقدر امشي وايد المهم طلعت ولقيت موظفين معاهم كراسي قال لهم بوحسين وين الكرسي اخذوا اسمي وقال اي موجود الاسم المهم قعد يمشي ويمشون معانا ربعي والله مسافه موهينة https://www.arabtrvl.com/up/uploads/...165135521.jpeg اعتقد احنا كنا اخر بوابة https://www.arabtrvl.com/up/uploads/...165141522.jpeg اعتقد اللي عنده رحلة مواصله ترانزيت لازم ياخذ وقت اكثر من ساعه لان الممر طويل ووراه بعد ….. https://www.arabtrvl.com/up/uploads/...516514533.jpeg https://www.arabtrvl.com/up/uploads/...165149084.jpeg واخيراا وصلنا للقطار اللي بينقلنا لمحطة الجوازات واستلام الامتعة https://www.arabtrvl.com/up/uploads/...516516816.jpeg https://www.arabtrvl.com/up/uploads/...165171237.jpeg داخل القطار https://www.arabtrvl.com/up/uploads/...165178189.jpeg https://www.arabtrvl.com/up/uploads/...651825410.jpeg وصلنا الجوازات الحمدلله مو بعيد عن محطة نزول الركاب من القطار بالجوازات يصورونكم وبعضهم شاف الاوراق والتأمين وبعضهم بس الجواز وبصمونا للاصابع وبعدها قالو لازم تنزلون توكلنا وانا معاندتهم اقول حق ولدي بس للسعوديين مو للزوار وحسين يقول لي يعني يمه انتي افهم من المرة هذه وضيفتها المهم واحنا نمشي اقول للي يدزني هني في عنايه قال في بس سكر الحين وشفنا مكتبهم مسكر المهم هني قامو ايوون لنا اصحاب التكاسي ويقولون نوصلكم للفندق مع الوقوف عند مكتب عنايه بالمسفلة والانتظار ب 450 ريال اللي يدزني قال تعالو وفي اشارات لتاكسي المطار نزلنا بالاصنصير والا مكتب التاكسي اخذنا منهم وصل او رقم لتكسي فان والسعر على العداد وهذا مكان التكاسي ولونهم الاخضر المميز في موظف قلنا له نبي فان https://www.arabtrvl.com/up/uploads/...651869511.jpeg وهذا المطار من بره ما قدرت اصوره عدل https://www.arabtrvl.com/up/uploads/...651919612.jpeg https://www.arabtrvl.com/up/uploads/...651958613.jpeg https://www.arabtrvl.com/up/uploads/...165198514.jpeg https://www.arabtrvl.com/up/uploads/...652009615.jpeg والى مكة https://www.arabtrvl.com/up/uploads/...652037916.jpeg وطبعا الكل نزل تطبيق توكلنا بالسيارة لان فيها انترنت طلبنا من السايق الباسورد وهذا مكتب عناية شايفين الزحمة احنا عنده تقريبا الساعه 9.30 وهو يسكر 10.30 https://www.arabtrvl.com/up/uploads/...652065717.jpeg كان في موظف واقف بره ويدخل الناس بس لما شاف الحريم والعوايل قاعدين بره قال ماراح ادخلكم مابي عوايل هني بس واحد من كل عايلة يدخل ومعاه صور توكلنا للكل علشان نعطيه الاساور للعايله الكل نزل عنده التطبيق وارسلو له رقم التحقق او الكود الا انا مو راضي يرسلون لي الكود عشر مرات احاول وماكو فايدة بعدين حطيت رقم ولدي حسين ودزوا له الرقم بسرعه والحمدلله صورنا له التطبيق وارسلناه له وهذا كله بمساعدة رجل امن واقف هناك ساعدنا جزاه الله خير وحسين دخل بروحه وخلص الاجراءات المهم واخذنا الاسوارة وتوكلنا الى الفندق بحط لكم عن تطبيق توكلنا تنزلون التطبيق وتسجلون فيه بالبطاقه ورقم سري انت تحطه https://www.arabtrvl.com/up/uploads/...843479023.jpeg اذا انت مقيم تسجل كمقيم واحنا سجلنا كزائر / خليجي https://www.arabtrvl.com/up/uploads/...843471522.jpeg اخترنا جواز السفر وكتبنا الرقم https://www.arabtrvl.com/up/uploads/...865084441.jpeg وكملنا الاجرائات بخيارات الدوله وتحطون رقمكم اللي تابع لدولتكم البرنامج يعطيك اختيار الدوله وهو ينزل لك الكود توافقون على الشروط والملاحظات وبعدها لازم تفتحون البلوتوث والموقع علشان يتابع بالخريطه مكانكم وخلصنا وتوضيح للي مافهم علي ☺ توكلنا تسجيل توكلنا بحساب جديد (الزائر/الخليجي) 1. بعد تحميل التطبيق الرسمي لتوكلنا، قم بفتح التطبيق. 2. قم باختيار نوع التسجيل (زائر/خليجي). 3. قم بتعبئة الحقول المطلوبة بالبيانات المناسبة والتي تشمل: * نوع الهوية. * رقم جواز السفر أو الهوية. * الجنسية. * تاريخ الميلاد. * رقم الهاتف. وهذه الاسوارة اللي تسمح لكم بالدخول للحرم والاسواق والروضة بالمدينة ولاداء الصلوات بالحرم باجي الايام يعني لا تشيلونه الا لما بتطلعون من مكة https://www.arabtrvl.com/up/uploads/...165213219.jpeg وهذه الشاشه اللي بالسيارة عند كل راكب فيها برامج وايد بس مالنا خلق تنفع للاطفال وتشوفون فيها العداد مبين وهذا حسابنا 212 ريال عطيناه من عندنا 250 ريال https://www.arabtrvl.com/up/uploads/...652102918.jpeg يعني نصيحة اخذوا تاكسي المطار افضل 👍🏻 |
اقتباس:
منورنا يابو معتز وتقبل الله منا ومنكم صالح الاعمال والطاعات الحمدلله الامور سهالة في البلدين الله يبارك بجهودهم خلك قريب :9::e435: |
اقتباس:
منور التقرير ياالمسافر سبحان الله المنظر للغيوم ونور الشمس ابداع الخالق خليك قريب:e449::e449: |
https://www.arabtrvl.com/up/uploads/...165135521.jpeg كود: المهم قعد يمشي ويمشون معانا ربعي والله مسافه موهينة:3::3::3: |
تقبل الله طاعتكم احلى سفره من بعد الكورونا الى مكه لما رحت العمره ماطلبوا برنامج توكلنا واعتمدوا على برنامج مناعه الكويتي وعطونا الاسوار الاجراءات تتغير بين فتره وفتره |
ما شاء الله تقبل الله طاعتكم شحلوها العمره عقب كورونا تغسل الچبد والحلو السهلات والتنظيم ما شاء الله |
اقتباس:
الحمدلله انا ماتعبت :1: |
اقتباس:
اي والله وايد حلووة العمرة تغسل الجبد ايي تذكرين سألتج عن توكلنا وسألت بومعتز بومعتز قال في توكلنا والحمدلله سهالة نزلناه بسرعه بس انا معاندني ههههه يمكن زعل علي البرنامج لاني قلت بس حق المواطنين ههه منورة التقرير اموون |
اقتباس:
اتينن والتنظيم وايد سهل الامور منورة التقرير ابرار |
اهلا بك اختي توبليرون رحلة موفقة وعمرة مقبولة وما أقول إلا السعودية تشرفت بقدومك مطار جدة الجديد آآآه بس .. في فمي ماء لكن بلتزم الصمت لحين نزول أقرب تقرير لي موفقين ومرة أخرى تشرفنا بقدومك |
اقتباس:
منورة بوجودكم احنا اللي نتشرف بزيارة المملكة ومكة بالتحديد الله يعينك ننتظر تقريرك وانا بكتب ملاحظاتي بعد في العودة منور التقرير |
…. ووصلنا فندق الموفنبيك طبعا المواقف وتحميل الجناط كله بالسرداب وهذا الاستقبال في الدور p11 https://www.arabtrvl.com/up/uploads/...279927516.jpeg الاستقبال واللوبي كله مجدد وحتى مداخل الاصنصيرات وفي محلات للبيع عطور وايسكريم موفنبيك وتمور نشوف اللوبي كله https://www.arabtrvl.com/up/uploads/...279893669.jpeg محل العطور فاتح https://www.arabtrvl.com/up/uploads/...799356818.jpeg https://www.arabtrvl.com/up/uploads/...279888498.jpeg هني وقت صلاة الفجر مسكرين https://www.arabtrvl.com/up/uploads/...279874786.jpeg https://www.arabtrvl.com/up/uploads/...279837681.jpeg https://www.arabtrvl.com/up/uploads/...279848122.jpeg https://www.arabtrvl.com/up/uploads/...799312917.jpeg محل الكمال للورد الطائفي يقول انهم يعطرون الحرم منه https://www.arabtrvl.com/up/uploads/...279867825.jpeg قعدات ورا الاستقبال مكان هادي https://www.arabtrvl.com/up/uploads/...279861224.jpeg https://www.arabtrvl.com/up/uploads/...279854943.jpeg https://www.arabtrvl.com/up/uploads/...279881297.jpeg ناس خدومين جداا والحين الغرفة 1706 https://www.arabtrvl.com/up/uploads/...799166114.jpeg الممر وعلى يمين الباب تكرمون الحمام https://www.arabtrvl.com/up/uploads/...799218415.jpeg https://www.arabtrvl.com/up/uploads/...279910113.jpeg اهم شي الخزنة https://www.arabtrvl.com/up/uploads/...798994510.jpeg الفرش نظيف والتكييف بارد https://www.arabtrvl.com/up/uploads/...799034511.jpeg https://www.arabtrvl.com/up/uploads/...799062612.jpeg وطبعا الريوق من ضمن الحجز بس مافي بوفيه نطلب الرقم 7 ويكون الطلب عندك بالغرفة بس تحدد طريقة البيض الريوق يبدأ من الساعه 6 احنا نطلبه الساعه 6 الا بس علشان ننام بعد الريوق الشاي والقهوة موجودين بالغرفة https://www.arabtrvl.com/up/uploads/...530440811.jpeg وهذا طلبنا والطاوله صغيرة في صحن بيض وصحن فول غير الموجود بالصورة شايفين الأكل وايد راهي https://www.arabtrvl.com/up/uploads/...530445842.jpeg https://www.arabtrvl.com/up/uploads/...530445842.jpeg https://www.arabtrvl.com/up/uploads/...530460774.jpeg باليومين تقريبا نفس الريوق والغدا طلبت منهم برياني لحم كان لذيذ جداا https://www.arabtrvl.com/up/uploads/...530467765.jpeg https://www.arabtrvl.com/up/uploads/...530475416.jpeg اللي معاه ماكو دقوس طماط ضروري عندنا بالكويت :29: https://www.arabtrvl.com/up/uploads/...530482657.jpeg قزرتها بالتباسكو طبعا مع الوجبه https://www.arabtrvl.com/up/uploads/...530496259.jpeg الأكل وايد يزيد قمت احط النظيف في كيس واعطيه بوحسين يوديه حق المحتاجين وهذا كل ما يمكن اتكلم عنه عن الفندق ونسيت اقول لكم اني طلبت ويلشير اخذه معاي للحرم وجابو لنا واحد وقالو خلوه معاكم لاخر يوم وهذا اللي حصل |
الموفنبيك وايد حلو وراقي غريبه ليش مافي بوفيه للريوق فندق التوحيد في بوفيه عليكم بالعافيه البرياني شكله لذيذ |
ما شاء الله أختيار جيد لفندق موفنبيك بحكم موقعه و يفتح على ساحة الحرم مباشرة .. |
عمرة مقبولة ام حسين الحمد لله على الوصول وعودة لتقارير ام حسين باادق التفاصيل يعني لو واحد يتبع تقريرك في عمرة مايضيع ولايحتاج مساعدة بارك الله فيك مطار جدة القديم كان ضيق وصغير والجديد كبير ومسافة كبيرة عكس عكاس هههههه موفنبيك احسن فندق للكبار السن ومن يحتاج كراسي يفتح على الحرم تقبل الله منا ومنكم |
عمرة مقبولة أم حسين مطار جدة تحفة عوضونا عن المطار القديم سعر التاكسي الاخضر الرسمي مناسب جداً ومريح اما الاجراءات تتغير وتتطور للأفضل اختيار موفق لفندق موفنبيك واضح الرحلة كلها سهالات |
ما شاء الله تبارك الله عمرة مقبولة أختي أم حسين والله يرزق الجميع يارب. ألف شكر على التقرير المفيد لأي زائر ومعتمر. والله يرفع عنا وتتيسر الأمور أكثر. |
عمرة مقبوله أختي ام حسين ماشاء الله مبينه اموركم تمام التمام سعر التاكسي اللي جابكم من جدة لمكة ممتاز واختياركم للفندق موفق ماشاء الله وكل هالاشياء ماتعدل شي عند عمرتكم وصلاتكم في بيت الله الحرام ،، الله يتقبل منكم ويكتبها للجميع متابعين معك بقية التقرير |
ما شاء الله الفندق مرتب واشوف الفطور جميل ومتنوع أتوقع بسبب كورونا يرسلونه للغرف ولا عادة هذي الفنادق الافطار عندهم بوفيه متابعين معك |
عمره مقبوله ان شاء الله .. ما شاء الله عليك يا ام حسين .. تقرير شامل وكامل الله يعطيك العافية |
ما شاء الله خوش تجديد للفندق وايد تغير علي عن اخر مره اعتقد في 2017 عليكم بالعافيه |
اقتباس:
اهوو فيه قبل وماشاءالله كان بوفيهم كبيير بس الحين علشان الكرونا بس بالغرف البرياني لذيذ ووايد يعافيج ربي |
اقتباس:
ممتاز موقعه مع المول |
اقتباس:
تسلم من ذوقك اخوي وتعودت اكتب التفاصيل للكل يستفيد اي المطار كبيير يبي اللي يمشي بس الفندق ممتاز وخدماته ممتازه وصاير احلى من قبل بالتجديد شكراا للمرور |
اقتباس:
اي والله تحفة المطار مطار عالمي صار وتستاهل جدة هالمطار الرائع التاكسي وايد مناسب على العداد وطلع اقل من 250 ريال واحنا عطيناه 250 يستاهل على نطرته لنا وراح جاب لنا ماي من البقاله واحنا نازلين عند عنايه انصح الكل ياخذ من تاكسي المطار احسن من شجع سواقين السيارات اللي واقفين فوق اكيد الإجراءات تتغير للاسهل والاحسن كنا مستصعبين الوضع طلع كله سهالات خلانا نطمع ونفكر بالسفر عدل بعد الكرونا :14: شكراا للمرور |
اقتباس:
والله يكتبها للجميع العفوو ونتمنى الكل يستفيد باذن الله وتتسهل الامور للكل اللهم امين شكراا للمرور |
اقتباس:
الحمدلله الامور ممتازه والتاكسي ممتاز سعر وانترنت وقيادة مطمئنة وسائق خلوق اي والله افضل شي اننا اعتمرنا ودعينا لموتانا اللي راحو بهالسنتين منهم امي واخوي الله يرحمهم ويغفر لهم ولموتانا وموتى المسلمين متابعه جميله اتمناها لكم |
اقتباس:
ايي الريوق متنوع وراهي ومثل ماقلت علشان الكرونا يوصل للغرف متابعه ممتعه اتمناها لكم شكراا للمرور |
اقتباس:
من ذوقك اخوي يعافيك ربي وشكراا للمرور |
اقتباس:
يعافيج ربي |
نكمل معاكم بعد اجازة الويك اند :e110::e110::e110::e110: … نرجع لأول يوم واكيد بعد الوصول للفندق والدخول للغرف جددنا الوضوء وطلعنا نعتمر الوضع سهالة بس شافو الاسوارة دخلنا الكراسي المتحركة تكون داخل الحاجز بالقرب من الكعبه وفي كذا شخص من المنظمين يرشدونا للخط الاخضر للمسار علشان لحد يروح صوب الكعبه وخارج الحاجز هناك باقي المعتمرين خلصنا انا وبوحسين وصلينا خلف مقام ابراهيم وطبعا الصلاة خلف الحاجز وقعدنا ننطر حسين وزوجته وصورنا الكعبة ان شاءالله تعجبكم الصور اول دخول لصحن المطاف https://www.arabtrvl.com/up/uploads/...523346991.jpeg https://www.arabtrvl.com/up/uploads/...567399771.jpeg https://www.arabtrvl.com/up/uploads/...523386166.jpeg المرشد هني ما يخليكم توقفون وايد عند الركن اليماني يقول سلموو وانتو ماشين https://www.arabtrvl.com/up/uploads/...234307214.jpeg https://www.arabtrvl.com/up/uploads/...523395588.jpeg https://www.arabtrvl.com/up/uploads/...523400079.jpeg https://www.arabtrvl.com/up/uploads/...523361912.jpeg https://www.arabtrvl.com/up/uploads/...523368743.jpeg https://www.arabtrvl.com/up/uploads/...523374814.jpeg وبعد الانتهاء من الطواف والصلاة صورت هالصور https://www.arabtrvl.com/up/uploads/...523379875.jpeg https://www.arabtrvl.com/up/uploads/...234057510.jpeg https://www.arabtrvl.com/up/uploads/...523412411.jpeg ليش لابس نعال بوسط الصحن ؟ https://www.arabtrvl.com/up/uploads/...234196312.jpeg https://www.arabtrvl.com/up/uploads/...234260713.jpeg https://www.arabtrvl.com/up/uploads/...234260713.jpeg https://www.arabtrvl.com/up/uploads/...234307214.jpeg ولما وصل حسين وزوجته وبعد ماصلو وشربنا من ماي زمزم كل مطارة واقف عليها واحد يصب للناس محد يصب بروحه ومتوزعين بكل مكان اللي يصبون ماي زمزم https://www.arabtrvl.com/up/uploads/...523433515.jpeg جزاه الله خير بوحسين ماقصر يدز الكرسي طوال السعي بين الصفا والمروة الحمدلله ماكان زحمة بس بالنسبة لزمن الكرونا نقول زحمة ولاتنسون انها ليلة الجمعة خلصنا وطلعنا من الخلف https://www.arabtrvl.com/up/uploads/...234373516.jpeg https://www.arabtrvl.com/up/uploads/...234437417.jpeg هالطريج يطلعنا على الساحة مقابل مخرج فندق الايمان والصفوة والحمدلله توقيت عمرتنا تقريبا ساعه ونص سهالات والحمدلله راح بوحسين وحسين للحلاقين وحلقو على سنة رسولنا محمد صل الله عليه وسلم رحنا نتعشى بالمطاعم اللي داخل الوقف وبعدها احنا قصرنا من شعرنا ونووم لوقت صلاة الفجر ساعتين تقريبا يتبع |
اذن للفجر بتلفوني قمت بسرعه قلت هذا اكيد الاذان من ميكرفون الغرفة ههههه ما انتبهت انه من تلفوني اذان الفجر للكويت المهم قمت وتجهزت وقعدت بوحسين واذن عندنا بالغرفة نزلنا وقلنا بننطر العيال على ما يأذن الثاني والحمدلله رحنا والجوو بالساحة الفجر حلوو ويشرح الصدر وهذا من مصلى الحريم https://www.arabtrvl.com/up/uploads/...234547919.jpeg https://www.arabtrvl.com/up/uploads/...234501118.jpeg https://www.arabtrvl.com/up/uploads/...234601720.jpeg ورجعنا الفندق بعد الصلاة طلبنا الريوق اللي شفتوه ونووم بس النوم ما يانا لأن جيرانا عايلة قاعدين سوالف وضحك من الفجر لحد الظهر نبي ننام ماكوو المهم هذه صور للمطل من غرفتنا ما يطل على الحرم هذه مواقف * كدي * https://www.arabtrvl.com/up/uploads/...567404892.jpeg https://www.arabtrvl.com/up/uploads/...567412923.jpeg https://www.arabtrvl.com/up/uploads/...567420444.jpeg الساعه 10 كنا طالبين دكتور علشان نسوي فحص ال pcr للعودة ويانا الدكتور وخلصنا وقال النتيجة بعد 24 ساعه قلت له احنا بنطلع من الفندق الساعه 10 ماتطلع اسرع قال اتصلو على الدكتور هني ويعطيكم النتيجة واتس اب https://www.arabtrvl.com/up/uploads/...982252313.jpeg احنا ممكن كنا نروح المستوصف اللي عند فندقنا بس مسكرين الجمعه العصر يفتحون قلنا يمكن ما يمدي تطلع النتيجة ونتأخر على طيارتنا المهم النتيجة طلعت الساعه 2 الفجر والصبح يوم السبت طبعنا الاوراق من الفندق صلاة الجمعة راح بوحسين وانا صليت بالغرفة بوحسين قال بياكل من الطازج وانا طلبت من الفندق البرياني وحسين اطلبو من البيك وطلعنا نتسوق انا وحسين وزوجته خوش تمشية https://www.arabtrvl.com/up/uploads/...567426655.jpeg ومنو مايحب مكة https://www.arabtrvl.com/up/uploads/...567429786.jpeg https://www.arabtrvl.com/up/uploads/...567440678.jpeg افنيو الابراج روعه لماركات العطور وفي ملابس ماركات عالميه بس مو وايد ما صورت وايد خلصنا بسرعة ورجعنا نريح وهذه صور بعد للمطل https://www.arabtrvl.com/up/uploads/...056744639.jpeg https://www.arabtrvl.com/up/uploads/...674512810.jpeg https://www.arabtrvl.com/up/uploads/...674582411.jpeg https://www.arabtrvl.com/up/uploads/...674649112.jpeg https://www.arabtrvl.com/up/uploads/...674726913.jpeg وعقب صلاة العصر نمت لاذان المغرب صلاتنا بالحرم للمغرب انا وابوحسين https://www.arabtrvl.com/up/uploads/...674782414.jpeg وبعد الصلاة تمشينا انا وابوحسين واخذنا كابتشينو بهذا الكافيه ناسيه اسمه المهم هو اخر السوق https://www.arabtrvl.com/up/uploads/...567503719.jpeg https://www.arabtrvl.com/up/uploads/...674857415.jpeg https://www.arabtrvl.com/up/uploads/...674924116.jpeg https://www.arabtrvl.com/up/uploads/...674924116.jpeg https://www.arabtrvl.com/up/uploads/...674976217.jpeg https://www.arabtrvl.com/up/uploads/...675008418.jpeg https://www.arabtrvl.com/up/uploads/...675061920.jpeg وتراميسيو وكابتشينو وتمشينا انا وبوحسين وشرينا عطور لنا وتمشي لحد ما اذن العشاء ورحنا الحرم نصلي العشاء وحسين وزوجته بعد صلاة المغرب راحو مكة مول يقولون زحمة وهذا من ساحة الحرم https://www.arabtrvl.com/up/uploads/...598159381.jpeg العمل في الحرم متواصل ما شاءالله https://www.arabtrvl.com/up/uploads/...598164362.jpeg |
https://www.arabtrvl.com/up/uploads/...598170243.jpeg https://www.arabtrvl.com/up/uploads/...598175244.jpeg https://www.arabtrvl.com/up/uploads/...598181465.jpeg https://www.arabtrvl.com/up/uploads/...598194297.jpeg https://www.arabtrvl.com/up/uploads/...598199998.jpeg https://www.arabtrvl.com/up/uploads/...598203369.jpeg https://www.arabtrvl.com/up/uploads/...982150911.jpeg التمشية بجانب الوقف https://www.arabtrvl.com/up/uploads/...982219512.jpeg وطلب لنا حسين العشا من الطازج وطلعت صمونة كلها مقليه بالقسماط الصراحة لذيذة وخفيفة مو دسمة وايد https://www.arabtrvl.com/up/uploads/...982308614.jpeg https://www.arabtrvl.com/up/uploads/...982334615.jpeg https://www.arabtrvl.com/up/uploads/...982361416.jpeg وصور ليليه للمطل https://www.arabtrvl.com/up/uploads/...982414117.jpeg https://www.arabtrvl.com/up/uploads/...982468718.jpeg https://www.arabtrvl.com/up/uploads/...982539119.jpeg https://www.arabtrvl.com/up/uploads/...982580720.jpeg ونووم ورانا قعدة حق صلاة الفجر |
الله يكتب لي زياره قريبه للحرم 🙏🏽 عليكم بالعافيه اهم شي مافي يهال حتى لو زحمه |
ما شاء الله تفاصيل جميلة .. و روحانية بالقرب من الحرم الله يتقبل عمرتكم و يجيب دعواتكم |
تقبل الله عمرتكم أم حسين وغفر الله لموتاكم وموتى المسلمين عشنا معكم في هذا التقرير المفصل روحانيات المسجد الحرام ومكة الطاهرة الله يعطيكم العافية وبارك الله فيكم |
| الساعة الآن 07:18 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO