|
اتمنى من ادارة المنتدى الموقرة تحط موضوعي في المواضيع المميزة وتغيير اسم الموضوع الى تم اعادتي من جورجيا لتنبيه الاعضاء وللعضو بعد ذلك الخيار .. بعد عودتي سمعت عن اشخاص كثير عادو قبلي وبعض الاشخاص الذين عادو بعدي ايضا لذا وجب التحذير صحيح انو نسبتا قليلة ولكن لا ضير في وضع هذا التحذير امام باقي الاعضاء ودمتم بخير :) |
لعلها خيرة باذن الله ومعوض باذن الله تجربتي الشخصية مرتين الأولى في جوازات مطار تبليسي الي لاحظته الموظفين قشرين ويدقرون جيت للموظف طلب مني حجوزات فندق وسئلني عن التأمين الطبي والتطعيمات توكلنا بعد ماخلص فتح جوازي وحط الختم على طرف الجواز وجلس يناظر فيني وأنا أرد عليه بأبتسامة أخذ ثواني قليلة بعدها ختم على الجواز مدري هو كان محتار يرجعني ولا وش 😬 المرة الثانية في مطار تبليسي جلست ادقر في كل الموظفين اشوف اروح وين واشوف وش يطلبون عاد انا جاي بايعها ماعندي الا تامين طبي وتقرير توكلنا التطعيمات وماحجزت الا اول ليلة واشوف الي قدامي كانت عايلة ومعاهم اطفال صغار استقعد لهم استقعاد مب طبيعي ف الاخير دخلهم انا انحشت منه والي شفته الموظفات سلسين في التعامل جيت عند الكونتر وزوجتي راحت عند كونتر ثاني قلت اذا مثلا رفضت الموظفه ودخلت زوجتي بقول للموظفه شلون تدخل زوجتي وهي معي بنفس الرحله كيف ترجعوني الشاهد بالموضوع خطة عقيمة لكن ذا الي طلع معي وقتها🤣 انا عند الكونتر وزوجتي بالكونتر الي جنبي وانا الموظفة العجيز فتحت الجواز قاعده تطقطق بالكمبيوتر طلبتني فقط تطعيمات كورونا وختمت لي مباشرة ودخلت زوجتي الموظفه ماطلبت منها الا فقط تكشف وهذا اجراء روتيني عشان تطابق ومشينا 😂 الشاهد بالموضوع خلكم على الموظفات خدومين ومايدقرون واجد وتوزعوا على الكونترات وشف قبلها من بعيد من الي يدقر انحش منه شف لك كونتر ثاني وموفقين دائم |
تعامل سيء. واستخفاف ، كان فيه فكرة للسفر لها والان تم الغاء الفكرة نهائيا،اصلا عمري مارتحت لهالدوله ، |
الله يعينكم شئ مزعج بصراحة خاصةً أنه بدون سبب دليل على بدائية السياحة عندهم موظف مثل هذا المفروض ما يكون بالواجهة يعطي سمعة سيئة عن البلد باتخاذ قرارات سلبية كهذه معوضين خير وتصحبكم المتعة في حلكم وترحالكم :e306: |
تصرف سيء جدا الله يعوضكم خير |
انا هالدولتين من غير شي مو مرتاحه لهم جورجيا واذربيجان والحين اقرا المواقف و المعاملات مع السواح اتراجع اكثر عن زيارتهم الحمدلله على كل حال خيره ومعوض خير ان شاء الله |
السلام عليكم الموضوع فيه الشي الكثير اخي العزيز هل انت سعودي او مقيم هل سافرت قبل كذا لهذي الدولة وحدث لك شي فيها جاري في الخطوط السعودية سوبر فايز عرضت عليه هذي السالفة وقال مستحيل يرجعون أشخاص من دون سبب انا لي في المطارات ٣٥ سنه ولم نسمع او نعمل كذا بدون سبب حدث واحد قبل فترة في لندن اول مافتحو التأشيرة الاكترونية ارجعو نص الطائرة وذلك لعدم تطبيق الإجراءات اللازمة التأشيرة أرسلنا طائرة واعدناهم للرياض على حساب الخطوط لان الغلط مشترك بين الركاب والخطوط كل راكب يتم ارجاعة لبلدة يوضح له السبب هذا عرف المطارات في العالم وسلامت روسكم تم الإرسال من SM-N960F باستخدام Tapatalk |
سالفة الإرجاع إلى بلدك بدون سبب يذكر من دولة جورجيا قديمة عندنا في عُمان أرجعوا الكثير من العوائل العمانية وبدون سبب حسب ما سمعت ومسلسل الإرجاع بدأ تقريبًا من قبل كورونا وأتفق مع أختي أبرار حتى أنا جورجيا وأذربيجان مستبعدة من رأسي ولا أفكر السفر لها حتى يتغير الوضع فيها وهناك الكثير من العمانيين قاطعوا السفر إلى جورجيا |
الله يعوضكم خير موقف مزعج جداً و لعله كان خيراً لكم لست اول شخص ولا اخر شخص يعاد من جورجيا لهم سوابق كثيرة في إعادة المسافرين اخ محمود كرماً اجبني على هذه الأسئلة هل تحدث معك ضابط الجوازات في كونتر الاستقبال ام تم تحويلك مباشرة للمكتب دون ان تتحدث مع احد ؟ ما هي جنسيتك ؟؟ هل لديك لحيه طويله ؟؟؟؟؟؟؟ |
على كثر السفرات الصراحة ما صارت لي إلا مره وحده في نهاية 2015 تاريخ 28 ديسمبر في مطار امستردام مع موظف الجوازات الظاهر شافنا شباب و قال خليجيين وحولنا مكتب تحقيق وطلبوا تذاكر العودة و الفنادق و الاماكم إلي مفكرين نزورها ومشى الموضوع الحمدلله لكن بعد ساعة و نص او أكثر شوي على كل حال على حد علمي انه مستحيل ناس تحجز تذاكر و ترجع على نفس الطيارة من غير سبب إلأ إذا الجماعة كتبوا في التقرير سبب معين |
| الساعة الآن 08:42 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO