|
اقتباس:
|
شاطي باتومي اليومhttps://www.arabtrvl.com/up/uploads/...0313698861.png |
اقتباس:
|
امهم تشرح لي عن الشاي في المزرعه واشكاله عند القطف - بعد التجفيف - بعد الغلي وعن تاريخ صناعه في الاتحاد السوفيتي السابق وهي بالمناسبه تلقي كورسات عن صناعه الشاي التقليديه لبعض المحموعات اللي يجونها من اوربا * شربت عندها شاهي ماسبق ومر عليhttps://www.arabtrvl.com/up/uploads/...327135141.jpeg بحياتي ** شريت منها نص كيلو ( طازج قدام عينك من المزرعه) |
ما شاء الله بولجين ما عرفة شلون تعرف افضل جودة اذا الواحد بيشتري؟؟ |
صرت محترف يابو لجين تعطي كورسات يعني ما هي هينة الشاي عندها يعدل المزاج :59: |
اقتباس:
والله ياسيدتي الجواب ماستشربه لا ما ستعرفه:e134: الشاهي اللي اخذته من مزرعتهم ومراحل القطف والتجفيف قدامي السيده صاحبه المنزل مهتمه بالموضوع اكثر من مجرد مزارعه وسردت لي تاريخه من عهد ستالين وجاي لذلك طبيعي ان تكون بضاعتها فاخره |
اقتباس:
شلون نعرف جودته ؟؟ |
اقتباس:
الطازج حسب مارايت ياخذ 5 دقايق تقريبا يتلون تدريجيا بخلاف المصبوغ ( الشواهي اللي عندنا ) تلون سريع حتى انك في حال وضعتها بكوب شفاف تشوف الاصباغ تفوح منها بشكل سريع النقطه الاخرى الطعم ليس مرا مع انها وضعت كميه تقديريه مقاربه لما نضعه في بيوتنا وخلاصه ذلك كله ان تشتري من منتج مباشره في اي مكان بالعالم حاول تاخذ من صاحب المزرعه ( المعلب يمر بمراحل معالجه ) وعموما هي ( ترف موقت ) بمعنى لو اشتريت مره لن تشتري المرات الاخرى … |
تقرير لطيف وظريف :1: انا ناطره تبلشنا بالصور على قولتك |
رجعت عندي مشكله ميلان الصور :32: |
|
|
تقرير يوم 17-7 * الايام اللي يقولون لك فيها روح ( مدينه كوتايسي) .. اضفها الى باتومي واستمتع بالاجواء البحريه * كوتايسي مدينه داخليه مافيها شي يستحق سوى منطقه الكهوف وهي تبعد عن المدينه حوالي ساعه بالسياره * التنقل متعب جدا * متحف كوتايسي رحت له فعليا مافيه شي * ليالي تبليسي جميله جدا خصوصا المناطق المطله على النهر مساء *لايكذبون عليك ويصفصفون كلام … المناطق اللي حول النهر بالليل ماتصلح للعائلات المحافظه خاصه اللي معهم مراهقين الا اللي يبي الشباب الصغار يشوفون مناظر خادشه * المحلات الشعبيه في تبليسي كلها تلاقي فيها عجوز وعود معصبين … يدبل السعر وهو يزحر زحير بلغته العوجاء … ان قلت لا ( شتمك بالجورجي وريحة الخمر تفوح منه ) * العرب لهم سعر خاص للاسف عند التكاسي والمحلات * كثير من الريفيو في جوجل ماب عن المطاعم الحلال يشتكي الخليجيون والعرب عموما من اضافة طلبات ( وهميه للفاتوره) ** التسوق في تبليسي ( حتى في المولات ) سعره معقول جدا ( ليس مرتفع ) ** قاعده من قواعد الحياه الدنيا البراد يزين اي ديره :-) |
قاعده صحيحيه البراد والخضار يزينون اي ديره |
نصيحه لله عز وجل تاكد جيدا من المطعم اللي تاكل فيه هناك بعض المطاعم يكتب حلال تسويق فقط يكتب حلال وضمن قائمه خنزير ؟! بيفهمني ان لكل شي قدر لحاله او ادوات لحالها . عالم سيء |
الاستغلال في المحلات الصغيره كثير جدا فاصل في السعر وكن ذكيا … عادي في البقاله يدبل عليك سعر الشي مرتين او ثلاث وان كشفته ستسمع زحيره وشتيمه خفيفه ( بالجورجي) مع ابتسامه لعينه منه لعجوزه اللي معه بالمحل سبحان الله كثر شيبانهم اللي يدورون القبسه :32::32: |
سالفه : قابلت امس شباب من ريعنا يقول جينا لشقه حاجزينها من بوكنج لقيناه مأجرها ….. والله مادرى عن بوكنج كله ههههههه |
ماادري اشفيهم عقب كورونا ينوا يعني انت ديرتك محتاجه سواح وانت يا صاحب الحلال تبي الرزق شلون الله يرزقكم وجذي معاملتكم مع الناس وغشكم 👎🏽👎🏽 شي يخلي الواحد يفكر اكثر من مره عشان يزورهم |
اقتباس:
عاد مو من عوايد بوكينغ غريبه |
عالم غريب يازميلتنا وصدقيني يشفع لهم فقط باتومي واريافها ورخص تكلفه السياحه فيها بشكل عام ( تذاكر - فنادق) اما غيرها فطبيعه الناس هنا - خاصة تبليسي - ليست ودوده |
ممكن لو سمحت تعطينا اسم المزرعة واسم السكن لصاحبة المزرعة عشان نسكن عندهم زي حضرتكم |
ياسلام استمتعنا بالتقرير ... هل من مزيد شكرا بحجم الكون يبو لجين |
ماشاء الله يابو لجين عجبني انك ماانتظرت وعلى طول حجزت وسافرت مشكلة غلاء اسعار شرق اسيا غريبه يعني لكن تجي عروض احيانا لشركات الطيران الخليجية الاماراتيه , الاتحاد , القطرية اخويانا مالهم نفس يسوون شي .. سالفه الادوية سمعت عنها من قبل واول ماشفت الموضوع حسبته جديد كنت بنبهك عليه ومثل ماقلت اغرب شي تسمع عنه .. وش النشاطات اللي سويتها خلال الايام اللي راحت ولا كلها تمشيه وروقان في هالاجواء الحلوه كيف تقييمك للشاي ؟ سكنت وين ؟ وكيف الاسعار ايجار السيارة مقبول ولا غالي عندهم ؟ متابعين معك وشف لك حل مع الصور :1: |
اقتباس:
اهلا حياك الله شرق اسيا قبل شهر ماعاد فيها عروض بل تتسابق الشركات بزود الاسعار ... حتى لم تنفع الحيل المعتاده معهم ( السفر الى دوله ثم لاخرى عبر طيران اسيا مثلا ) :32: -- الادويه نعم السالفه موجوده لكنها فقط عند المشاكل لواستدعوك الى مكتب الامن حينها تبدا السالفه * كان معي علاج اخذت له تقرير طبي من المستشفى / * اما النشاطات فوالله يافلان كمسافر منفرد مخلي الامور فري .. اصحي متى ماصحيت .. ( في الاخير هي اجازتي هنا او هناك ) .. ولكن بشكل عام في باتومي كانت الواجهه البحريه فرصه للتسدح خاصه وان الجو خيالي ( غائم وبارد ) والمغرب الساعه 9 / قضيت معظم ايام السفر في الارياف وسط الخضار والانهار ورخص الاسعار ( نظام حضرمي ) هههههههه والمسافر اللي مامعه سياره خاصه ماسافر *التجول داخل الريف في الوجهات القريبه نظام يومي * ممارسه الرياضه اليوميه (المشي ) . هناك لا حطيت السماعات اشوي والا اصل حدود تركيا من الحماس :e134: الشاهي تقييمه 120% السكن سكنت باسعاررخيصه جدا .. ( عبر airbnb) وفي المدن اسكن في اماكن ماتصلح لكم يالخليجيين ههههه ماعندي مشكله بالسكن مع عائلات محليه وربعنا مايسكنون الا بالفنادق (اختلاف وجهات النظر ) * مع وجود عائق اللغه لكن بعضا منهم يتحدثون الانجليزيه بطلاقه وهي فرصه لتجربه ثقافه اخرى عن قرب *السياره طلعت علي مجانا لاني اخذتها عبر نقاط احد البطاقات الائتمانيه ولكن بشكل عام الايجار حوالي 150 ريال يوميا للسياره الصغيره والبنزين السوبر عبيت الفل بـ 185 لاري هذي علومي وسلامتك |
ومضة : "كلما سافرت اكثر كلما قلت تكاليف السفر كثيرا " / الدهشه ربع السفر.. وتكون في اعلى مستوياتها في اول سفراتك |
اقتباس:
تجي عروض سريعه لشرق آسيا بس يبي لك تشيك على طول مع الخطوط الاماراتيه والاتحاد والقطرية والعمانية داخله معهم الحين ، خصوصا إذا انت مو ملتزم بوقت معين بتلاقي . ( الخطوط السعودية دايم عروضها بعد مايخلص الصيف) دامها اجازه اصحى وقت ماتبي وافطر وروق وانزل وتمشى بالاجواء الزينه وانسى اللواهيب اللي عندنا والرطوبة وعيش يومك .. بتشتاق للاجواء هذي اول ماترجع وتنزل من الطيارة وتقول في نفسك ....... :1::1: السيارة مهمه خصوصا في التنقلات داخل الارياف عكس المدن اللي تقدر تستخدم فيها المواصلات العامه وسعرها ممتاز انا استفدت مره من نقاط البطاقه الإئتمانيه ودفعت بس قيمة التأمين . متابعين معك . |
تقرير جميل كجمال صاحب التقرير اذا ممكن اسم المزرعة او موقعها .. وهل السكن متوفر للعائلة في المزرعة .؟؟ |
القوقاز الله يعطيكم العافية |
جورجيا مازالت تدقق على الادوية وخصوصا البنادول يعتبرونه مواد مخدره احس انهم متخلفين :23: افضل شي بالسفر تكون معاك سيارتك الخاصه تلف على راحتك والوقت اللي تبيه بدون اي ارتباط مع سواق او تاكسي |
اجواء المزرعه جميلة جدا والجو مبين وايد حلو |
اقتباس:
المشكله الواحد يخاف يروح ويتورط هناك ,, :24: |
انطلقنا معك اخي فهد وتجولنا في تقريرك الجميل رجعتنا لزمن الميذاع الرادو زمان نبحر بخيالنا اكثر من عيوننا لم تروق لي جورجيا بعد ما سمعت وشاهدة التعقيدات والمضايقات :28: هل السفر وحيدا ممتع لك وهل سافرت مع ناس وما الفرق بينهما :6: شكرا لك على نقل تجربتك |
اقتباس:
ودي انك تجي وتعلمنا بعلومك بعدما سافرت ( تعال واحكي لنا التجربه والدهشه .. وغزواتك في بلاد الفرنجه ) |
اقتباس:
اهلا بالياقوت بن قوت والله انت استاذنا بالسفر ولكن بشكل عام اقول : ( في كل بلد الخير وضده ) وباعتقادي ان سلوك الشخص في السفر هو المسبب للمتاعب ويمكن تلافي 90% من الاشكالات ببعض الحذر والابتعاد عن الاماكن السيئه وبقراءة الاوراد الشرعيه . وجورجيا بشكل عام امنه جدا جدا خاصه الارياف لحد انك تنام عند الناس ببيوتهم وتلاعب كلبهم وانت ودك ترميه بشوزن :14: / السفر منفرد هو ستايلي المفضل لي في السفر اعتبارات عديدة ( تنهدت زي الادباء ) :24: السفر ملحمه وجدانيه تبدا من المطار واجواء الراحلين / يغريني جدا شعور الغرباء والحنين ووجوه العابرين في الساحات / التنقل في البلد بالسياره مهم عندي ومعظم الاصدقاء لو راح معك يفضل عدم التنقل الكثير / السفر مع الاخرين يمكن اخر مره عام 2015 وكان مع صديق واحد لاندونيسيا ولم اكررها رغم انه جميل جدا في السفر / بعد الايفون لا اعتقد انك تحتاج الى اشخاص يسامرونك في رحلتك الميمونه / اما مع اكثر من واحد (فباختصار )والله مااعرف يافلان ولا ادري كيف يمشي 5 مع بعض ..يمكن عمره سريعه 48 ساعه مقبوله اما رحله اسبوعين فهذي ماهي رحله هذي غاغه :24: |
السفر ملحمه وجدانيه تبدا من المطار واجواء الراحلين يكفي هذا السطر منك ابو لجين اوجزت واشبعت سؤالي ولكل شخص طقوس في سفراتة وترحالة |
| الساعة الآن 09:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO