شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة جورجيا و اذربيجان (https://www.arabtrvl.com/vb/f306.html)
-   -   رحلة جديدة .. جورجيا .. ستنطلق الجياد :-) (https://www.arabtrvl.com/vb/t50478.html)

أبولجيـن فهد 09-07-2022 01:34 AM

رحلة جديدة .. جورجيا .. ستنطلق الجياد :-)
 
السلام عليكم ورحمة الله
اخواني المسافرون الجميلين
اخواتي المسافرات الماجدات
ايها الشعب الكريم:32:

من هنا من بريده المقدسه احييكم انا ابولجين فهد ..(اكرم خزام ) معلنا عن الرحله القادمه
( التي مر اختيارها بخيارات كثيره ) وتمخض الجبل فولد ( جورجيا ) ...

باعتبار ان شرق اسيا تذاكره وصلت لحد غير معقول بمتوسط 5000 ريال .. والوجهات هناك دافيه ان لم نقل حاره بعد ..
ولذلك كانت المفاضله في الدول الاخرى ( الغير شنجنيه ) باعتبار الشنجن ( معامله كأنك رايح تتوظف) .. وتبقى تنسيق مسبق

كان الى قبل 3 ايام خياري الوحيد الشمال التركي .. ابشوف طرابزون اللي يقولون .. والصراحه ان فيها مناظر خياليه ...
وبقدرة قادر ( وجدت نفسي حاجز لتبليسي ) .. الطياره من بريده هذي اول المميزات ...والرحله شبه مباشرة ( ترانزيتها في دبي ساعه ونص ) وارياف باتومي لها نفس طبيعه ارياف الشمال التركي ..

المهم اني عزمت وجزمت والخيرة فيما اختاره الله

أبولجيـن فهد 09-07-2022 01:40 AM

اول التفاصيل ايها المسافرون المزركشين
** بحسب المصادر الموثوقه متطلبات دخول جورجيا
(مع تغليب الحرص حتى ماتحدث مفاجات ) .... :
- مسحه كورونا قبل اقل من 72 ساعه
-تأمين طبي ( يشمل كوفيد ) وبقيمه تغطيه كالمعتاد 30 الف يورو
-الجواز الصحي يثبت انك اخذ الجرعات ( يمكن طباعته من توكلنا )
-اثبات سكن ( حجوزات فنادق ) ( قد تطلب )
:::::::::
وهنا نجي لتفاصيل الترتيبات :


- التذكره بسعر 2000 ريال ( بريده دبي تبليسي ) ترانزيت سريع سريع (ساعه ونص ) الناقل ( فلاي دبي ) بسم الله عليها :1:
/
الرخصه الدوليه تجديدها بــ 119 من عند تطبيق دايركت فيزا
\
التأمين الطبي من التعاونية ( تأمين السفر - كوفيد ) هو المعتمد اقل شي شهر بـ (195 ريال )
/
طباعه الجواز الصحي والاحتفاظ بنسخه منه على الايفون

طبعا الرحله مدة اسبوعين
مسافر واحد كالمعتاد
نجرب الصمت اسبوعين
:7:

أبولجيـن فهد 09-07-2022 01:47 AM

فيه سالفه عابره لكنها مهمه ... الادوية والجورجيين سالفه
معي دواء ( كبسولات يوميه ) .. واكتشفت انه لازم تاخذ معك
وصفه (طبيه بالانجليزي ) موضح فيها اسم العلاج واستخدامه

مريت المستشفى واخذت الوصفه وختمتها من الدكتور
وهذي للامانه اول مره تمر علي هالحاله ..
::::

البعض ممكن يستغرب .. او يتهمني بالمبالغه
ولكن لك عزيزي القاري اقول ... هل تعلم يارعاك الله
ان هناك مواطن تم ايقافه بسبب حمله لبنادول !!
وتدخلت السفاره وظهرت القضيه بالاعلام


** هل تعلم يارعاك الله ان سفارتنا في جورجيا اصدرت بيانا رسميا تحذر فيه المواطنين من حمل الادويه الا برفقه وصفه طبيه باللغه الانجليزيه وبكميه تكفي فقط مده الرحله

هذي من عجائب الاسفار
:10:

أبولجيـن فهد 09-07-2022 01:52 AM

لعلي هذه المره استطيع ان انزل الصور .. ابسوي تقرير
::
نظرة عامة .. جورجيا بلد سياحي جميل ومناخها جميل جدا وتعتبر بلد اقتصادي ويمكن ان نقول ( انه رخيص ايضا ) متوسط سعر الفنادق معتدل جدا .. والخيارات في تبليسي وحدها فوق الالف فندق ...
-المواصلات هناك تطبيقات مثل اوبر ( اوبر لايعمل هناك ) باسعار رخيصه جدا

* السكن في الارياف تجربه فريده جدا
* هذي ثاني سفره لي لجورجيا .. الاولى كانت 2016

سهم الشمال 09-07-2022 02:16 AM

أخوي

هل المسحة ضرورية
وهل الجواز الصحي ضروري
وهل التأمين مطلوب

أسمع ناس تقول محد يطلبها

نـــواف 09-07-2022 02:30 AM

اهلا بك أبو لجين فهد

رحلة سعيدة مقدماً
ونسأل الله لك التوفيق والسداد

طالما سافرت لها من قبل
فأكيد عندك إلمام بالبلد والمجتمع

أتفق معك ريف باتومي امتداد للشمال
ولربما الشمال يتفوق في النطاق الجغرافي
فبالتالي عدد الأرياف في الشمال التركي أكثر
أما الطبيعة والجبال فهي واحدة ومتشابهة بين الاثنتين

متطلبات السفر لجورجيا

3 جرعات ( اطبع الجواز الصحي )
حجز أول ليلة يكفي
تذكرة ذهاب وعودة
تأمين السفر ( أي شركة يكفي )
التسجيل في المنصة الجورجية

وبالنسبة للتسجيل مرتبط بكورونا
والبعض يقول لم يعد متطلب للدخول هناك
طالما مجاني ريح راسك وعبي النموذج واطبع الرد

بإذن الله موفق في رحلتك

أبولجيـن فهد 09-07-2022 06:25 PM

اقتباس:

المشاركة الأصلية كتبت بواسطة سهم الشمال (المشاركة 574775)
أخوي

هل المسحة ضرورية
وهل الجواز الصحي ضروري
وهل التأمين مطلوب

أسمع ناس تقول محد يطلبها

انت نبهتني بموضوعك وانت مادريت
دخلت الرابط اللي انت حطيته وسجلته وجاني رد
طويل باللغه الانجليزيه ومحتواه ان كل اللي انت قلت
ذولي مطلوبات ...

اطبع اوراقك وخلها معك
احتمال كبير جدا يطلبونها منك لاتحط نفسك بمشكله عشان 200 ريال ( لاتاخذ الا تأمين التعاونيه لانه هو اللي يشمل كورونا )

أبولجيـن فهد 09-07-2022 06:27 PM

اقتباس:

المشاركة الأصلية كتبت بواسطة نـــواف (المشاركة 574781)
اهلا بك أبو لجين فهد

رحلة سعيدة مقدماً
ونسأل الله لك التوفيق والسداد

طالما سافرت لها من قبل
فأكيد عندك إلمام بالبلد والمجتمع

أتفق معك ريف باتومي امتداد للشمال
ولربما الشمال يتفوق في النطاق الجغرافي
فبالتالي عدد الأرياف في الشمال التركي أكثر
أما الطبيعة والجبال فهي واحدة ومتشابهة بين الاثنتين

متطلبات السفر لجورجيا

3 جرعات ( اطبع الجواز الصحي )
حجز أول ليلة يكفي
تذكرة ذهاب وعودة
تأمين السفر ( أي شركة يكفي )
التسجيل في المنصة الجورجية

وبالنسبة للتسجيل مرتبط بكورونا
والبعض يقول لم يعد متطلب للدخول هناك
طالما مجاني ريح راسك وعبي النموذج واطبع الرد

بإذن الله موفق في رحلتك

اهلا نواف حياك الله ... اشكرك طال عمرك ...
وبالنسبه لرابط التسجيل ماكنت ادري عنه الا امس دخلت المنتدى ولقيته وسجلته ... والرد جاني ( ورقه واحده ) باللغه الانجليزيه فيها شروط السفر وتحذيراته وفيها رقم تسلسل فوق ( ورقه عادي وليس نموذج ) .. هل هذي هي ؟
او انهم بيرسلون نموذج اخر لاحقا ؟

نـــواف 09-07-2022 06:45 PM

اهلا بك

هي الورقة نعم صحيح وغالباً مكتوب بالبداية اسمك
وعموماً هو تسجيل دخول روتيني وليس موافقة
اطبع الكلام في ورقة بالإضافة لنسخة بجوالك
هو إجراء مرتبط بكورونا ومؤخراً الغوا القيود
لكن طالما مجاني وياخذ دقيقتين طلعه
عشان لا تتوتر في شيء ما يسوى

واصل رحلتك ومتابعين معك
وإذا احتجت شيء اكتبه وبنتفاعل معك


يالتوفيق

Shoog323 09-07-2022 08:25 PM

اقتباس:

المشاركة الأصلية كتبت بواسطة سهم الشمال (المشاركة 574775)
أخوي

هل المسحة ضرورية
وهل الجواز الصحي ضروري
وهل التأمين مطلوب

أسمع ناس تقول محد يطلبها

توني جيت جميع المسافرين اللي معي تذمروا بسبب خسارة فلوس التأمين كلهم ماحد طلب منهم اي تأمين
لكن الاطفال الذين لم يتلقوا لقاح مطلوبة في المطارات السعودية تأمين التعاونية فقط ضد مخاطر كوفيد
المسحة غير مطلوبة
الجواز الصحي غير مطلوب
التأمين الصحي بعد فتح متطلبات كرونا غير مطلوب

انا رحت وجيت ماحد سألني عن التأمين

Shoog323 09-07-2022 08:27 PM

اقتباس:

المشاركة الأصلية كتبت بواسطة أبولجيـن فهد (المشاركة 574812)


انت نبهتني بموضوعك وانت مادريت
دخلت الرابط اللي انت حطيته وسجلته وجاني رد
طويل باللغه الانجليزيه ومحتواه ان كل اللي انت قلت
ذولي مطلوبات ...

اطبع اوراقك وخلها معك
احتمال كبير جدا يطلبونها منك لاتحط نفسك بمشكله عشان 200 ريال ( لاتاخذ الا تأمين التعاونيه لانه هو اللي يشمل كورونا )

غير صحيح التعاونية مطلوب للأطفال فقط من المطارات السعودية ضد مخاطر كوفيد البالغين لا غير مطلوب
مطلوب فقط جوازك عند الدخول خذ مني تو جيت وجميع المسافرين اللي معاي ماحد طلب منهم التأمين والدخول سهل

محمد عسيري20 10-07-2022 10:17 AM

اخوي ابو لجين … يعطيك الف عافية على المعلومات المهمه والمفيده

انا ومع شخص واحد شباب قررنا لأول مره الذهاب الي جورجيا لانها ارخص تذكرة طيران
ياليت تفيدنا في الاماكن المناسبه مع ناحية الطبيعه والشواطئ

أبولجيـن فهد 10-07-2022 03:09 PM

اقتباس:

المشاركة الأصلية كتبت بواسطة نـــواف (المشاركة 574815)
اهلا بك

هي الورقة نعم صحيح وغالباً مكتوب بالبداية اسمك
وعموماً هو تسجيل دخول روتيني وليس موافقة
اطبع الكلام في ورقة بالإضافة لنسخة بجوالك
هو إجراء مرتبط بكورونا ومؤخراً الغوا القيود
لكن طالما مجاني وياخذ دقيقتين طلعه
عشان لا تتوتر في شيء ما يسوى

واصل رحلتك ومتابعين معك
وإذا احتجت شيء اكتبه وبنتفاعل معك


يالتوفيق


أهلا بالامير مساك الله بالخير .. شكرا لك لتفاعلك
وبالنسبه لهالمتطلبات ( لست حديث عهد بسفر) ولكني احب
اني اكون نظامي جدا .. حقين الجمارك ذولي لايمكن التنبأ بما يفعلون خصوصا وان هالامر مكتوب حتى في صفحه الناقل الجوي ...

أبولجيـن فهد 10-07-2022 03:15 PM

اقتباس:

المشاركة الأصلية كتبت بواسطة Shoog323 (المشاركة 574819)
غير صحيح التعاونية مطلوب للأطفال فقط من المطارات السعودية ضد مخاطر كوفيد البالغين لا غير مطلوب
مطلوب فقط جوازك عند الدخول خذ مني تو جيت وجميع المسافرين اللي معاي ماحد طلب منهم التأمين والدخول سهل

انتي تجربه جيده وتتكلمين من واقع مانقول لا ..
ولكنني تعودت شخصيا على الحرص والنظاميه صراحه
لنبعد عن المفاجات واقرأي ان شئت ( هذا الكلام من صفحه فلاي دبي ) بما ان رحلتي ترانزيت دبي
All passengers travelling to Dubai (irrespective of the country they are travelling from) will need to present one of the following on arrival in Dubai:

a printed or digital copy of a valid vaccination certificate (with a QR code except the US COVID-19 Vaccination Record Card) in English or Arabic showing the passenger has been fully vaccinated with a vaccine approved by the World Health Organization or the United Arab Emirates (AstraZeneca (Vaxzevria), AstraZeneca (SK Bioscience), Covaxin, Covishield, Covovax, Janssen, Moderna (Spikevax), Nuvaxovid (Novavax), Pfizer-BioNTech (Comirnaty), Sinopharm, Sinovac and Sputnik V are accepted vaccines); or
a printed or digital copy of a valid negative COVID-19 PCR test certificate (with a QR code) in English or Arabic from a test (based on molecular diagnostic testing intended for the qualitative detection of nucleic acid for SARS-COV-2 viral RNA) taken by an approved health service no more than 48 hours prior to the scheduled departure of the passenger’s inbound flight to Dubai; or
a valid medical certificate (with a QR code) in English or Arabic issued by a relevant authority which shows the passenger has recovered from Coronavirus SARS Cov-19 within a period of

الخلاصه انه مطلوب تامين وجواز صحي ومسحه لدخول الامارات (لو اضطريت تدخل دبي او الغيت الرحله الثانيه او او او )
سوالف المطارات ماتنتهي ....
لذلك لاتوهقين الناس خلينا نظاميين ( مثل المدرسين المصاريه ) :1:

أبولجيـن فهد 10-07-2022 03:17 PM

بمعنى 195 ريال ماتسوى علي لو اقابل الرقيب : جوليانا وهي معصبه وترتكز على الكرسي وتقول ( شو مي ميدكال انشورنس بليز ) وخمس دقائق وانا بغرفه مشرف الامن بالمطار :24:

عبدالرحمن الصلال 11-07-2022 02:56 AM

ههههههههههههههههههههههه اضحكني ردك الله يسعدك يبو لجين

كرونا نكبت العالم المهم اذا وصلت لجورجيا لاتهتم من ناحية الاسعار .. اسال مجرب ولاتسأل طبيب

أبولجيـن فهد 11-07-2022 11:23 PM

[SIZE="5"

**** تحديث اليوم 11-7-2022
دخلت تبليسي ومعي معامله
ورقه الحكومه الجورجيه
وصورة الجواز الصحي
وفحص بي سي ار ( مسحه )
وتامين من التعاونيه فيه عشرين ختم
وحجوزات فنادق اول ليلتين
وسالفه طويله

جيت الرقيب جوليانا اعطتني نظره بارده وختمت جوازي

* ماادري حظ او الرقيب بتسلم الورديه
انا اعد الشي اللي شفته دون ادنى مسئوليه

][/SIZE]

q8ya metnaqla 11-07-2022 11:39 PM

سالفة الادوية وايد بايخه صراحه ما ادري ليش جذي يسون
حلوه تفاصيلك يا بولجين

أبولجيـن فهد 12-07-2022 03:24 PM

تحديث اليوم 12-7 الظهر الجو حار … ماهو دافي
الا حار …. لكن عاد انتم كائنات صحراويه جايين من
الجزيره العربيه هههههههه ….

أبولجيـن فهد 12-07-2022 03:32 PM

اقتباس:

المشاركة الأصلية كتبت بواسطة q8ya metnaqla (المشاركة 575048)
سالفة الادوية وايد بايخه صراحه ما ادري ليش جذي يسون
حلوه تفاصيلك يا بولجين

اهلا بزعيمة المسافرين :24:
علمتنا الحياه ان الدول الفقيره هي اللي تزيد التعقيدات
لدخولها …. بدلا من التسهيلات واستقطاب السياح
عمي افندي يعتبر البنادول ( العلاج العالمي ) يعتبره مخدرات

ههههههه
فقير ومسلط الله عليه :24:

أبولجيـن فهد 12-07-2022 03:34 PM

تطبيق Bolt زي اوبر حملوه وانطلقي ايتهاالجياد
واعبري الفيافي :14:

نـــواف 12-07-2022 04:37 PM

اقتباس:

المشاركة الأصلية كتبت بواسطة أبولجيـن فهد (المشاركة 575112)
تحديث اليوم 12-7 الظهر الجو حار … ماهو دافي
الا حار …. لكن عاد انتم كائنات صحراويه جايين من
الجزيره العربيه هههههههه ….

ميزة الأيام هذي النهار طويل
يمكن الغروب قريب الساعة التاسعة

حاول تأخر طلعتك من الفندق
أو وقت الظهيرة خلها استراحة بالفندق

عموماً تبليسي دائماً مشمسة
بس المدن الثانية ممكن غيوم وأمطار

متابعين تحديثاتك

نـــواف 12-07-2022 04:39 PM

اقتباس:

المشاركة الأصلية كتبت بواسطة أبولجيـن فهد (المشاركة 575116)
تطبيق Bolt زي اوبر حملوه وانطلقي ايتهاالجياد
واعبري الفيافي :14:

صادق تطبيقات التكاسي عندهم رخيصة
وإذا تبغى فوق الرخص رخص حمل yandex go

q8ya metnaqla 12-07-2022 06:27 PM

اقتباس:

المشاركة الأصلية كتبت بواسطة أبولجيـن فهد (المشاركة 575115)


اهلا بزعيمة المسافرين :24:
علمتنا الحياه ان الدول الفقيره هي اللي تزيد التعقيدات
لدخولها …. بدلا من التسهيلات واستقطاب السياح
عمي افندي يعتبر البنادول ( العلاج العالمي ) يعتبره مخدرات

ههههههه
فقير ومسلط الله عليه :24:

هههههه الله يسمع منك
هههههههه الله يهديهم بس هذا اللي نقدر نقوله

q8ya metnaqla 12-07-2022 06:33 PM

اقتباس:

المشاركة الأصلية كتبت بواسطة أبولجيـن فهد (المشاركة 575112)
تحديث اليوم 12-7 الظهر الجو حار … ماهو دافي
الا حار …. لكن عاد انتم كائنات صحراويه جايين من
الجزيره العربيه هههههههه ….

هههههههه متعودين مو غريبه هالاجواء علينا

q8ya metnaqla 12-07-2022 06:34 PM

اقتباس:

المشاركة الأصلية كتبت بواسطة أبولجيـن فهد (المشاركة 575116)
تطبيق Bolt زي اوبر حملوه وانطلقي ايتهاالجياد
واعبري الفيافي :14:

اقتباس:

المشاركة الأصلية كتبت بواسطة نـــواف (المشاركة 575125)


صادق تطبيقات التكاسي عندهم رخيصة
وإذا تبغى فوق الرخص رخص حمل yandex go


مع اخوي نواف ياندكس رخصه مو طبيعي استعملته في روسيا

سهم الشمال 12-07-2022 06:42 PM

بالتوفيق
ومتابعين جديدك

أبولجيـن فهد 15-07-2022 12:42 AM

تحديث 14-7 -2022

متواجد حاليا قرب منطقه اسمها غومي
60 كيلومتر قبل باتومي للقادم من تبليسي
ساكن في قلب الارياف … نزل بسيط وسط
الغابات … الهدوء بالليل تجربة مرررره حلوه

كونت صداقات جديده
عائله لطيفه يتحدثون الانجليزيه بطلاقه

الجو 22-24 بالنهار والليل بارد
الغيوم من العصر على راس الجبل

الوصول لمنطقه غومي متعب قليلا لتعرجات الطريق
صعودا

* استاجرت سياره من تبليسي ماادري يمكن ذكرت هالامر
* قطارات مافيه ***
القطار من العاصمه لباتومي فل ( مافيه حجز الى يوم 20-7 كلام الموظفه يوم جيتها قبل امس)

** الارياف تحتاج سياره او واصل لباتومي افضل
** مزرعتنا ههههههه فيها شاي طبيعي شريت منه طلزج
** بديت اتاقلم
** مارست المشي في الارياف .. ودك تمشي عشره كيلو من الحماس

** تجربه الارياف الجورجيه تعيفك المدن الاسمنتيه الباهته

وكتبه ابولجين فهد
وسط غابه ما.. جوار نهر ما …

لمحه :


** صديقتي ايداه عمرها 6 سنوات جبت لها كيسه حلويات قالت بانجليزيه فصيحه
- ابخبيها بغرفتك حتى ماياخذونها
سمحت لها وكل شوي تروح للغرفه تاخذ من حلوياتها
ههههههههه صنعت جوي من جد ..

البنات الصغيرات يرسمن الحياة



q8ya metnaqla 15-07-2022 08:51 AM

ما شاء الله اجواء حلوه
احلى شي في هالجو الحلو
الله القطار فل
ياحلوها ايداه

أبولجيـن فهد 16-07-2022 10:38 PM


تحديث يوم 16-7
باتومي سواحل البحر الاسود

الجو خيال … النهار بارد 22-23 تقريبا وبالمساء لسعه برد
وامطار وغيوم … الجلسه امام البحر العصر تعمل فورمات لتفسيتك …
* مطاعم الحلال موجودة
* الجيد منها حسب تقييمات جوجل مابس عده مطاعم
ولكنها مزدحمه .. امس جست احدها قالت النادله بعد ساعه

** تطبيق Bolt شغال هنا ومن نص البلد للبحر لايزيد عن 5 لاري
** 100 دولار = 285 لاري تقريبا
** فيه قرب الممشى على البحر ( وهو اهم موقع بياتومي)
سيارات فان عليها لوحات ( ينظمون رحلات جماعيه لمعالم سياحيه .. ابراج … قلاع .. انهار قريبه ) تروح مع مجموعه يعني * ماجربتها للامانه لان معي سياره


** الممشى لحاله سياحه
** المولات جيت اشهرها Batumi mall وما اعجبني

** بكره ان شالله سنكسر البيرق واتوجه الى كوتايسي وهذي 150 كيلو تقريبا جايه بالنص بينباتومي وتبليسي

:e134::e134:

أبولجيـن فهد 16-07-2022 10:45 PM

لا اله الا الله .....
عدد ماخلق الله

أبولجيـن فهد 16-07-2022 10:46 PM

[CENTERمحاوله اولى لاضافه الصور ومع صوره القديسه ااايده …
طلعت الصوره ؟!!!

تشوفونها :7:
][/CENTER]

أبولجيـن فهد 16-07-2022 10:49 PM

[IMG]https://www.arabtrvl.com/up/uploads/...0090503781.png[/IMG]

أبولجيـن فهد 16-07-2022 10:55 PM

المزرعه في الارياف [IMG]https://www.arabtrvl.com/up/uploads/...119117591.jpeg[/IMG]

أبولجيـن فهد 16-07-2022 10:56 PM

الطريق الى المزرعه لحاله سياحه 😃[IMG]https://www.arabtrvl.com/up/uploads/...119145992.jpeg[/IMG]

أبولجيـن فهد 16-07-2022 10:58 PM

الصور تجي مايله ليه مدري لكن
احسن من لاشي
:e503:

q8ya metnaqla 16-07-2022 11:07 PM

بولجين عدل الصور تكون انت مصورهم مايلين

أبولجيـن فهد 16-07-2022 11:14 PM

اقتباس:

المشاركة الأصلية كتبت بواسطة q8ya metnaqla (المشاركة 575609)
بولجين عدل الصور تكون انت مصورهم مايلين

لاوالله طال عمرك
بالجوال الصور عاديه
ابحترف رفع صور :1: وابلشكم

أبولجيـن فهد 16-07-2022 11:19 PM

https://www.arabtrvl.com/up/uploads/...0271826371.png

أبولجيـن فهد 16-07-2022 11:20 PM

…من شرفه منزل الاسره …………https://www.arabtrvl.com/up/uploads/...296730551.jpeg


الساعة الآن 04:13 PM

Powered by vBulletin® Copyright ©2000 - 2022, Jelsoft Enterprises Ltd.
Search Engine Friendly URLs by vBSEO