|
مساء سعيد على الجميع بما فيهم شخصي الكريم :58: |
مساء الخير على الجميع ،، انا شاب وعمري 32 سنة تربية الابناء خصوصا وليس البنات ، خصوصا في سن المراهقة ( المرحلة المتوسطة والثانوية ) ، ما ينفع يربيهم الا الرجال حمّالين الثقيلات ، شدتهم وقسوتهم او جلدهم ههههه هي المطلوبة في هذا السن بالذات ، والدي الله يطول بعمره اذكره كان حريص وشديد جدّا في التربية معي واخواني والمتابعة لدرجة وصلت شدته لأبناء اخواته - يصير خالهم يعني - وكانوا البعض من اخواته - حريم - يتكلمون او يعترضون تصرفه مع عيالهم للعلم ما زال للآن والدي - الله يطول في عمره - يتصل علي اذا كنت خارج البيت ويسأل وينك ؟ ومع من ههه ؟ واذا ما رديت عليه لأي سبب الله يكرمكم دورة مياه او اتعشى او اتغدى ولا اقدر ارد تجيه افكار هذا اكيد صار له شيء او بلاء ههههههه وحرصه هذا ما زال على قلبي زي العسل والله . النتيجة : - ولله الحمد كملت تعليمي - بكالوريوس هندسة - وموظف ولله الحمد واطمح ايضا لإكمال تعليمي ان احتجت او تطوري بالدورات الاحترافية او حتى البدء بالتجارة الخ.. - ولله الحمد ما ادخن ولا اعسل الخ… واحد اهم اسباب ذلك خوفي من الوالد لدرجة الرعب هههه - ايام المراهقة - رغم كافة المغريات حولي . في المقابل ما ودي اذكر وش صار على الابناء - الرجال الي بعمري - وش صار في مستقبلهم بسبب تربية الحريم وتقصير آباءهم في المتابعة او الحرص الله يستر على الجميع . في الاخير هي اسباب والتوفيق بيد الله سبحانه ،، |
مساء النور يا غالي في زمانك اتفق معك ممكن ينفع هذا الأسلوب أما الآن لو تعاملت معه بهذي الطريقة ممكن يترك لك البيت أو يطيح بشلة ماش التوازن مطلوب في التربية شدة بدون ضرب وتنازلات بحدود أهم شيء في المراهق تدقق على أصحابه تعطيه حرية اختيارهم ولك حرية الحذف بعد التدقيق ولا تقصر عليهم بشيء وفر لهم كل شيء بمقابل أنهم يعطونك نتائج أولادي في الجامعة سنة ثالثة ولازلت أعطيهم مكافأت مالية عند تحقيق الهدف كل ترم 500 ريال لمعدل 3 الى 3.5 من 4 1000 ريال لمعدل 3.5 فأعلى من 4 |
اقتباس:
ما شاء الله ابو غسان يتربون في عزّك و الله يحفظهم لك ويرزقك برهم صحيح التوازن مطلوب لكن نصيحة ، كمل حرصك في المتابعة والتدقيق حتى وان كبروا محسوبك تخرجت من الجامعة بمعدل 3.5 من 5 على ايامي يعتبر لا بأس به يدخلك افضل الشركات ولكن تدري سبب نزوله ايش ؟ - ضمنت الكلية الي ابيها بعد التحضيري - عوضت فلتي فترة الجامعة بعد التحجير او الحرص الزائد من الوالد الله يحفظه ايام مراهقتي ( كثرة السهر والتمشية والخروج وعدم المذاكرة الا ايام الاختبارات الخ… ) . - قلة المتابعة او التحجير من الوالد يمكن بسبب كبري في العمر او يمكن تطمن على مستقبلي او يمكن بسبب تقدمه في العمر الخ… يعلم الله الوالد ما كان مقصر معي سواء ايام المراهقة او الجامعة او حتى وانا بهذا العمر ويفداه دمّي هو ووالدتي الغالية يطول لي بأعمارهم . دمت بود أبو غسّان 🌹 |
أخوي nsd أنتهى الزمن اللى تتكلم عنه الزمن الحالي و خصوصاً في تربية الأبناء (أولاد أو بنات) هم معاك بالبيت ساعات معينة و بقائهم مع أصحابهم أو مدارسهم أو جامعاتهم ساعات أطول لازم مسك العصى من النص لا أفراط و لا تفريط و مهم جداً تفعيل مبدأ الثواب و العقاب (ليس العقاب الجسدي) و أيضاً عدم الغدق في العطاء أو الأمساك عن البذل لأن نتائج كلا التصرفين وخيمة و تعود على الجميع بمصائب حفظ الله الجميع و بارك لنا و لكم في ذريتنا |
أخي أبو معتز وأخي أبو غسّان المحترمين ، أخوكم الصغير ما زال أعزب وأنتم سبقتوني بالزواج و أدرى مني وأعلم بهذا الجيل وتربيته ومنكم نستفيد ، بارك الله لكم في ذريتكم ورزقكم برهم ونجاحهم ، حفظكم الله جميعا ودمتم بود 🌹 |
اقتباس:
خليتنا نكب العشاء و نقول ما في الجعبة أنا توقعت الحين عبود و عزوز يروكضون بالبيت :32::32: نسأل الله أن يرزقك الزوجة و الذرية الصالحة |
اقتباس:
اللهم آمين الله يرفع قدرك ، هههههههههه انا قبلك كبيت العشاء وعطيتك تفاصيل حياتي يا رجال النفس تتعب من الكتمان فضفض وانا اخوك وش اخبار عبود وعزوز الحين عسى بس ما جابوا لك الجنان 😂 حفظكم الله جميعا |
صباح سعيد على الجميع :e306::e306: |
مسائكم جميلة كما جمال قلوبكم الجميلة واسعد الله اوقاتكم بكل خير |
| الساعة الآن 04:52 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO