|
بحاول انزل بعض الصور |
مافي فايده حاولت انزل الصور ماعرفت عطونا الطريقه بالتفصيل تكفون |
إليك أخي نجم السياحة الطريقة وهي بسيطة جدا : تذهب للأعلى وتضغط على مركز التحميل تسجيل الدخول بنفس اسمك ورقم السري ثم ترفع الصور كالتالي بعدها تنسخ الرابط كما هو موضح بعدها تضعه ضمن الموضع هكذا |
في حاجه ناقصه سؤالي الصور بعد رفعها وين تروح ؟ لازم يكون في خانه مجلد عشان احفظها مو معقوله كل مره اعمل ها الطريقه شغله متعبه |
اليوم الثالث/ 1 / صبحنا على امطار خير وبركه ولذلك كان من الصعوبه الذهاب لزيارة القرى المجاوره . ماتضمن الشوارع زلقه ولا طين .. وحتى الحدائق ماتعرف تجلس . فلذلك توجهنا نحو اكبر مول في سراييفو مول scc تابع لمجموعة الشدي السعودية مول مكون من سبعة ادوار يتضمن ماركات عالمية ومحليه وكافيهات ومطاعم وملاهي فطرنا فيه معجنات مع شاي وتمشينا بالنسبه للمنتجات البوسنيه الملابس والماركات كانت عاديه. 2/ بعد المول وانتهاء المطر توجهنا نحو تلفريك سراييفو تلفريك جميل مطل على سراييفو الشخص ٣٠ مارك رايح جاي حوالي ٧٠ ريال ويعتبر سعر غالي في الأعلى كافي مطل جميل وجلسه ولا احلى خصوصا مع انخفاض درجة الحراره بسبب المطر . 3/ نزول المطر خلى الجو بارد ونزلت درجة الحراره إلى 16 تقريبا مع المغرب . وعشان نزول التلفريك يكون بجوار منطقة (بشارشيا) فكملنا ليلتنا فيها والعشاء عندها في مطعم تركي بجوار مجسم السبيل .. طلبنا إسكندر ودجاج فيليه مشوي .. وكانت التكلفه 120 ريال لشخصين . وكان الأكل جيد . |
برنامج اليوم الثالث/ مول scc تلفريك سراييفو منطقة (بشارشيا) والعشاء فيها |
هلا يا نجم مركز التحميل اتوماتيك يحط الصور كلها تحت معرفك حكاية الالبوم قديمة هذي أحدث بحيث تلقى كل الصور في المركز شوف الموضوع هذا https://www.arabtrvl.com/vb/t50538.html |
هلا ابوغسان انا رفعت الصور وموجوده في ملفي الشخصي لكن بعدين اضغط على الصوره ما يطلع لي الرابط !!! عشان احطه في المشاركه يمكن عشان من جوال ؟ لازم لاب توب ولا كمبيوتر ؟ |
اليوم الرابع / 1/ ذهبنا للفطور في واحد من أجمل وارقى مطاعم سراييفو مطعم حديقة الأمراء مطعم على مطل جميل على سراييفو الفطور للاسف طلع ضعيف .. فقط بيض ولحم مارتاديلا ناشف وجبنه ولما لاحظ عامل المطعم انزعاجنا من الفطور رشح لنا صنف .. وطلبناه طلع سميد وعليه لبن .. اكله كذا غريبه وطعمها ماعجبنا . عموما الجلسه في المطعم تسوى وتنسيك الفطور الضعيف .. تكلفة الفطور 70 ريال. 2/ بعدها انطلقنا نحو جبل (ايقمان) الطريق أخضر في أخضر ومناظر جميله رائعة إلى ان تصل للقمه تقريبا ويجيك منتزه (ايقمان) بساط أخضر كبير فيها العاب اطفال وجلسات ناس تجري وناس حاطه فرشه وناس تطبخ وناس تشوي انصح تاخذ معاك فرشه وشاي وقهوه وتمدد رجليك هناك واذا بتطبخ خذ راحتك جلسه جميله جدا ورائعه والجو بارد منعش .. بعدها تلاقي فندق فخم اسمه فندق (مونتي) أغلب استخدامه للنزلاء في وقت الشتاء للتزلج .. وبعدها تروح لتلفريك ايقمان عند جبل (بيلا شنيستا) وهناك تلاقي مجموعه من الفنادق والشقق .. برضوا اساسا موجوده لوقت التزلج لكن مفتوحه للي حابب يسكن فيها ياخذ يوم او يومين المنطقة هادئه بزياده ولا فيها خدمات او تمشيات كثيره يوجد كافيه ومطعم حقها يوم فقط من وجهة نظري .. جلسه جميله وجو بارد ممتع .. وفي دبابات اللي يحب يتمشى ويأخذ جوله حول المكان مكان يستحق الزياره . 3 / بعد اللفلفه بين الطرق الخضراء الجميله والمناظر الخلابه رجعنا لشقتنا ورحنا تعشينا برقر في مطعم اسمه (سماش برقر) في السوق القديم (بشارشيا) 50 ريال الشخصين وكان برقر ممتاز . |
برنامج اليوم الرابع/ الفطور في مطعم حديقة الأمراء جبل ايقمان وجبل بيلا شنيستا العشاء في سماش برقر |
| الساعة الآن 06:48 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO