|
اقتباس:
والله ياصديقي ماهنا تميز ... مدري ليه اشوفهم كلهم صفة وحده ماهنا فروقات .. كلهم مثل بعض ونفس المنيو ... حتى السوري الشاب اللي يحطونه يناديك ( نسخه مع كل مطعم ) :24: |
اقتباس:
بداية الحفله كلامك = عندي صفر وبعدها ماني معلق .. علشان الاصدقاء والصديقات اللي هنا |
اقتباس:
تحياتي لسموك |
محطات عبر الأيام بداية اسطنبول مدينه مزدحمه جدا .. وهي مثل بانكوك الا ربع المشاوير فيها مزعجه جدا جدا .. لذلك البديل الافضل والاسرع ( كرت المواصلات ) اللذي يمكنك من ركوب المترو والترام والباصات ..تشتريه وتشحنه بطريقه سهله ومرنه واجهزه الشحن منتشره عند مواقف الترام والمترو و و الخ من الاماكن التي زرتها : ساحة اورتاكوي : وهي مكان جميل مطل على البحر وحيوي جدا .. مع القوارب الكبيره ( رحلات بحرية ) وانواع المطاعم وخاصه صديق السفر ( ستار بكس) .. وحولها العديد من الاسواق ومحلات الهدايا .. مكان جميل لقضاء مساء جميل ... هذه الايام مايصلح الا في اخر العصر الوصول لها مزعج شوي ... الترام لايصل اليها يجب ان تنزل وتواصل بالباص ( كل خمس دقائق ) يتوقف جوار الساحه 200 متر / لاتشيل هم التسوق .. على طول كذا محطه للترام يمين ويسار كلها اسواق ومحلات وساحات مزدحمه / التوقف على الجسر بين الجزئين ( مضيق بحري) جميل جدا / برج غلاطه او غلطه فتحت التكتك وقلت نشوف اراء جديده عن المواقع والناس كلها تتكلم عن برج غالاطه .. وهو برج اثري في اعلى قمة جبل .. والصراحه تبون رأي الشخصي انه مكان سخيف جدا ولايسوى الطلوع له في اعلى الجبل .. لكن الناس مهايطيه وحقين تصوير .. يقلب الواحد الكاميره وموسيقى خلفيه ويصور لك البرج وكأنه شي وااااااو .. والحقيقه انه برج بايخ وباهت ولافيه شي جديد والارتفاع له يحتاج من الشخص ان يكون بسيقان نعامه ولياقه سلقه صيد هههههههههههههه بالطلوع تبلش .. وتتحرك في سيقانك عضلات ماسبق وتحركت وبالنزول ( تحدي حقيقي) لنظام البريك الانساني فيك .. لكن يالله .. معلم سياحي لازم تقول ان زرته ... العزاء في هالصعود الشاهق انك اذا نزلت .. فيه منطقه تسوق جميله اسفل المرتفع .. على البحر .. / السوق المصري سوق جميل وتقليدي وسياحي مقابل البحر .. يبعد عن محطه الترام 300 متر .. بامكانك الوصول له بسهوله .. وساحاته لطيفه واهم شي بياعين الايسكريم .. مطل على الساحه جامع كبير على الطراز العثماني .. يصورونه الخواجات .. وبعض ربعنا لقيتهم يصورونه تهاويل :14::14: |
المطاعم في اسطنبول بالعموم ( اللي عليها رفيو كثير ) وشكلها جيد ..اسعارها دبل الاسعار عندنا وعليك الحساب وكميات الاكل يحسسونك انك فلبينيه من قلها ماهي واجد / اسعار الترام رمزيه بالريالات بس والله ماركزت فيها تحط البطاقه وتسحب اوتوماتيك .. / استخدم فيزا من الراجحي .. سعرها مساوي لما يتم سحبه .. بدون فروقات عمله كبعض العملات الاخرى .. |
هههههههههه حلوة سالفة برج غلاطة الصعود والنزول اشوه ان في سوق حلو عقب هالبرج |
الوعد اذا رجعت تدهن سيقانك بفكس |
بالفعل يابو لجين بعض المعالم ما ودك تزورها عليها كلام واجد لكن ما تستاهل الشريحة الالكترونية مهمة للانترنت داخل المطار عدا ذلك الشريحة العادية من البلد أفضل منها جربت AIRALO ما أعجبتني لكن المرة الجاية بجرب برق متابعين :e032: |
اقتباس:
برق جربتها ممتازه جداً تركيا الآن حذت حذو بعض الدول بحظر الشرائح الألكترونية لأنها كسرت السوق لذالك الأفضل تفعيل الشريحة قبل الدخول للدولة قبل تركب الطيارة فعلها ودربك خضر |
صح كلامك برج غلاطة الصعود لها متعب جدااا بس اللي يهون المشوار الكافيهات وتنوع المحلات فيها ارتاكوي من اجمل مناطق اسطنبول بس لازم الواحد يتحمل زحمة الباصات :( متابعين معاك :e306: |
بخصوص الشرائح الإلكترونية فيه فرق بين الشرائح الإلكترونية والسيم كارد من الدولة نفسها الشرائح الإلكترونية ك كمية قيقات مقارنه بالسعر اغلى سعر واقل حجم من السيم كارد من الدولة نفسها وانا كنت محتاج الشريحة الإلكترونية بسبب احتياجي للرد على الاتصالات من الرقم السعودي اما اللي ما يحتاج يرد على رقمه السعودية اثناء بقاءه في تركيا فافضل له السيم كارد ارخص واكثر قيقا بخصوص مطاعم الفطور في تركيا اعتقد انها وصلت الى قمه الاسعار اغلى من المطاعم عندنا بالذات المطاعم اللي تحسب بالست منيو والجودة اقل من السعر واغلبها معلبات يحطها لك في صحن واتكلم عن مطاعم اسطنبول نصيحة لك ابعد عن المطاعم اللي اخذت شهره لانها رفعت اسعارها بشكل خرافي برج غلطه مافيه شي يميزه الا وجوده في شارع الاستقلال الحيوي مثله مثل اغلب المزارات التركيه اللي من وجهة نظري لمحبين التاريخ او لمتابعين المسلسلات التركيه اعتقد ان الجشع بالاسعار بدا يدب في تركيا وبدات التكلفه تكون قريبه من بعض الدول الاوربيه ابو لجين عطنا بعض الصور نحتاج نشتاق لاسطنبول استمتع ياوحش وترى يبيلك يومين الين ترفع لياقتك وبعدها تنطلق انطلاقة الحصان |
حياك الله ابو لجين السفر متعة وترحال وفرجة لو لم تكن استنبول وجة سياحية ماقصدها 35 مليون سائح سنويا برج غلطة حلاتة في الوصول لة مغامرة وفرجة وانت تطلع او تنزل الغلاء في جميع دول العالم حتى عندنا تدبلت الاسعار |
حياك ابو لجين جولات حلوة هنا وهناك اسطنبول تحتاج مشي للاستكشاف من باب العلم هذه بعض التجارب يوجد مترو في وسط مطار صبيحة تبدل قبل آخر محطة مع مترو مرمراي وبعد محطتين ستكون في سيركجي قلب الفاتح مثل هذه الوسائل تصلح للأفراد أما العوائل لا أنصح أتفق معكم بخصوص برج غلاطة مشاهدته من بعيد أجمل من تكون عنده وخصوصاً لما تكون في جولة بحرية مسائية في السابق الوصول لارتكوي صعب أما الآن رحلة بحرية من امينونو توصل لها اكشاك انطلاق السفن مقابل ساحة السوق المصري لي سنوات اجرب شريحة airalo الحقيقة تجاربي فيها ممتازة والنت قوي كل المدن التركية اللي زرتها ما واجهت مشكلة لكن ما ادري كيف وضعها وجودتها في الدول الأخرى اكتب بقوقل ماب lokantasi مطاعم طبخها أقرب للطبخ المنزلي تعتبر مطاعم شعبية ولكن سعرها معقول هذا أحد الفروع مو بعيد عنك https://maps.app.goo.gl/dWSHBVZFqCZBexhE7 هذه مجموعة أماكن مو بعيده عنك لعلها تفيدك الأماكن عبارة عن مطاعم وكافيهات سعرها معقول مطعم كوفتجي يوسف https://maps.app.goo.gl/PWQPyif8Q3Ws4sGS9 كافيه وسط حديقة جولهانة مدعوم من البلدية https://maps.app.goo.gl/rdWcw7bgVdUTjAai7 كافيه وجلسات عثمانية فيها فكرة حلوة https://maps.app.goo.gl/N7FbTKNPCHX5Gz748 كافيه بإطلالة مميزة يحتاج شوي صعود لكن طالما لحالك بدون عائلة فالوضع ميسر https://maps.app.goo.gl/RyjzT9WKQfXW1WYf9 شارع صغير جميل جنب فندقك عبارة عن تصاميم بيوت بشكل انتيكه حاول تزوره في المساء أفضل من النهار https://maps.app.goo.gl/oTdGVe31ji8xuw3e9 إذا تحب الكفتة هذا أشهر المحلات ما قد جربته لكن معروف ويمدحونه https://maps.app.goo.gl/n7Eh4jG5MKv7qaXf8 لو مليت من الأكل التركي وحبيت تاكل من المطبخ الهندي هذا خيار جيد وبالطبع أسعاره أعلى https://maps.app.goo.gl/XjNquSVGVGtyedKF7 هذه مختارات تقريباً حولك ليس بالضرورة تعتمدها بالجدول بس إقرأ عنها ولو اعجبك شيء روح له |
اقتباس:
ابصير كما قال الشاعر له ايطلا ظبي وساقا نعامه :24::24: |
اقتباس:
هذه من دراما .. الصبا ... بزماني كنت اتخيلها تودعني .. وتنهار باخر لحظه ورا زجاج صاله المغادره . . الشي اللي مازلت اسويه حتى اليوم ( النظره الاخيرة على المطار ) قبل دخول الطائرة .. صارت عندي سنة ههههههه الفندق طول الله عمرك santa sofia hotel |
اقتباس:
الاعلام والهبه والتوجه ( تصنع الاحداث ) بالتأمل تجد انك تستطيع ان تحول اماكن في مدننا وقرانا بالسعوديه اماكن سياحيه وتاخذ على دخولها فلوس بعد ... تبي لك شوي دعايه من كم مشهور .. واكباس تحت البرج او المعلم الاثري ولوحه كبيره نحاس بالانجليزي والفرنسي تتحدث عن بناء البرج عام 1786 او اي تاريخ من عندك ( من بيدقق ) وهات ياسياحه ... .. العالم البارح ماسكه سرا وعلى 60 ريال التذكره .. والاوربيين الات المشي ذولي .. صافين بيطلعون فوق :::: الشرائح الالكترونية صايره هبه .. مع ان السم كارد اضمن والفرق ماهو هكالزود ... عالم فنتاستك |
اقتباس:
صدقيني كل العالم يزين بالشتاء ... لو كان الجو بارد كان هون من تعب الصعود .. لكن الجو دفا والصعود حاد جدا .. لكن اهي تجربه وبالفعل الباصات مزعجه لكن وش تسوي .. التاكسي اغلى بكثير .. وياصل بنفس الوقت ... لان البلد كله زحمه |
اقتباس:
اهل بشيخ العرب والله اخونا الواتس اب ماخلا للاتصال مكان ... يفي بالغرض ويزود لذلك السم كارد افضل بلاش من دوشه اشتغلت مااشتغلت .. اليوم خلصت العشر قيقا اللي معي .. لقيت عرض عند تركيا سيل .. 100 جيجا بميه وعشرين ريال .. شف الفرق ... 100 جيجا رقم كبير جدا يكفيك شهر واكثر ماهو عشر ايام / اما غلاء اسعار المطاعم فمبالغ فيها جدا جدا ... قياسا بالسعوديه ... والمفترض ان تركيا = او اقل من الرياض لكنك تتفاجا هنا بالغلاء في المطاعم العاديه فكيف بالمطاعم الفخمه / اليوم بديت احس ان لياقتي عاليه .. اصعد الدرج وانا اشرب كوب قهوتي عادي .. :17::17: |
رحلات .. ومواني وجدت شركات كثيره .. في السوشيال ميديا وراسلت 2 او 3 منهم واتس اب .. لديهم رحلات ليليه ( سهرات ) في الباخره ( برامج متنوعه )... ورحلات الى بورصه وجزر وغيرها .. باسعار رمزيه للشخص .. ابجرب بكره ان شاء الله الرحله البحريه والعشاء معهم .. ** رحلات بورصه البيضاء يسمونها من 9 ص الى 8 مساء يقول بـ 600 ليره ... ياان السعر لقطه ياانهم بيخطفوننا :13: علما اني شفت السفن حقتهم .. فخمه ... كأنهن خوات التايتانك |
لو معك دولار واحد في اسطنبول :10: اركب الترام وعلى محطه ( امينونو ) مقابل السوق المصري وانزل واتجه لمكاتب العبارات بدولار واحد ( 40 ليره ) الجداول واضحه بالوجهات والتوقيت .... تركب وتوديك شواطيء اخرى في اسطنبول ( ماجربتها ابجربها بعد يومين) ان شاء الله ليس مهما وين بيودونك .. في النهايه الرحله بدولار .. خذ لك جوله بحريه و صور ولا نزلوا الناس انزل وتمش وارجع بدولار ثاني وصلى الله وبارك :14: |
|
|
|
|
|
ضبطت الصور ابشركم فتح مبين هالتقرير :25: |
التسوق في اسطنبول بدايه ...اسطنبول كلها سوق مفتوح بكل مكان وحي ولكن فيه اماكن ومولات يرشحها الكثيرين في السوشيال ميديا احدها .. اليوم زرته olivium outlet center مول كبير من عدة طوابق والطابق الاعلى مطاعم متنوعه محلات كثيره وجميع الانواع موجوده والاسعار جيدة خامات ممتازه وماركات ... الطابق السفلي كارفور ... هذي معلومه على الطاير للي يدور عن سوبرماركت تشبه سوبرماركاتنا |
معلومه لله ثم للتاريخ : طيران النيل اقتصادي وحليو وياماشالله .. اسعاره رخيصه ... وكل الامور ( الى هنا ) تمام ... فكرت اني اقدم الرحله 24 ساعه بجلس بالقاهره يومين .. تواصلت مع " المسافر " .. خمس دقائق وجاني الرد المضحك التعديل بألف وسبعميه وشوي :1: يعني اعلى من سعر التذكره 150% ... تخيلتوا .. / الحكمة بالموضوع ...لاتسافرون مع النيل المصريه وسلامتكم :1: |
سعر التعديل نكتة طيران النيل مثل العبارات المصرية فيفتي فيفتي :32: |
اقتباس:
هههههههههه |
توثيق تاريخي : خلاصة رحلة اسطنبول ... "شذرات وقطوف ..8 اغسطس سنة 2025 .. " * اسطنبول من المحطات التي يجب ان تزورها في حياتك كسائح .. لكنها ليست من تلك التي تعود اليها يبي لها 5-7 ايام حتى تختم فعالياتها وتستكشفها كامله / * فيها اكثر تجمع مطاعم في التاريخ الحديث ومطاعمها متشابهه كأنها فروع لمطعم واحد :e33b: / * التسوق جميل جدا والاسعار معتدله ..المولات ( ارخص من المحلات ) في الشوارع والميادين السياحيه \ * 99% من حلويات تركيا تنبع من السوق المصري في امينونو رح هناك وقفل باب الحلاقيم كلهم :1: *المواصلات ان لم تتحرك عبر المترو فستتعب كثيرا من غلاء الاسعار ونفسيات اهل التكاسي الصفراء .. عادي تطلبه بالتطببيق ب400 ليره واذا وصلك زمجر بصوت بغيض ( واااااان سااااونزد ) مايمديك تعترض الا هو مختفي *اماكن السكن : لاتقل سكنت هنا لو اني سكنت في الحي الاخر افضل .. كلها واحد نسخ لصق نفس المحلات نفس المطاعم نفس محلات التحف والهدايا .. / وكتبه ابولجي في ليله القش :24: وهي الليله اللتي تسبق رحله العوده .. وتبلش فيها بشنطتك ويصير نص اغراضك برا .. كيف جيت فيها ماتدري الى مصر .. غدا صباح وانتهت الرحله على خير والحمد لله :e134::e134::e134: |
ملخص جميل للرحلة أبو لجين عيب أصحاب التكاسي أخلاقهم الشينة وبالفعل الأحياء تتشابه حتى محلات الهدايا نفس المنتجات الغلاء في أسعار المطاعم غير مقبول عند السياح ويجب على وزارة السياحة التدقيق عليهم لأن هذا أسلوب طارد والحمد لله أني لا أفضل المطبخ التركي ما فيه بهارات واضحة ولا نكهة مميزة قش هدومك في ليلة القش وعلى أم الدنيا منور يا باشا وتوصل بالسلامة :34: |
تم إضافة التقرير للمواضيع المميزة في صدر المنتدى :e032::e032: |
اشكرك طال عمرك …….. لطف منك الله يحفظك |
الحمد لله على السلامة أتوقع كان لك زيارات جيدة ولكن توقيت الرحلة خذل المتعة أتفق تماماً مع أبو غسان الأكل التركي مظهر بلا محتوى تفنن بطريقة التقديم بس كنكهة لا يعجبني وعلى الرغم من كبر رقعة البلد ولكن المنيو ثابت أضف لذلك محلات الحلويات أعتقد ماخذه صيت أكثر من اللازم ما زلت أرى بعض المحلات عندنا أفضل أعلم أن هذا الرأي لا يوافق البعض ولكن تبقى وجهات نظر وتجارب لا أكثر |
تركيا للأسف أصبحت أغلى لأسباب متعددة ولكن ما زال لها روادها وزوارها وكما يقولون لولا إختلاف الاذواق لبارت السلع شكرا على التقرير المفيد |
ممتاز يا بولجين وبدينا انشوف الصورر مع التقرير 👏🏽👏🏽👏🏽 ابيه مو من صجهم هذا سعر التعديل 🤣🤣🤣 |
خلصت بسرعة بولجين بس استانسنا في السرد والصور والنقاط اللي ذكرتها عن المطاعم والأسواق و النقل والخ ماقصرت اعتقد الأغلبية متفق على ان الأكل التركي مو لذيذ لان حتى اهلي اللي راحوا قالوا نفس الكلام صراحه اللي يرددني ازور إسطنبول معاملة التكاسي والمطاعم لو كنت بروحي عادي بستخدم المواصلات العامة بس أمي خاطرها تروح لها واللي مشوقني أزورها سوقها تستاهل يا بولجين اضافة التقرير للمتميزين 👏🏽👏🏽👏🏽 ان شاء الله ننطرك في تقارير ورحلات قادمة 🛫 |
ما شاء الله قاربت الرحلة ع الانتهاء وتونا بادين معك اهم شي انك غيرت جو واستمعت انا اتفق مع الشباب ان اللي يستهلك مخبى السايح في تركيا ويزود من صرفيته ارتفاع فواتير المطاعم وخصوصا ع السايح العربي ولا احد يجي يقول كل العالم مرتفع سعره لان ارتفاع الاسعار والمشتريات في اغلب الاسواق بس ع الخليجي معلومه / اكثر من 70 بالميه من المطاعم التركية في شارع اربات في موسكو عندها منيو للناس ومنيو مرتفع او مدبل للسياح الخليجين اتمنى من هيئة السياحه تلتفت ع هذا الموضوع وينحل |
اقتباس:
الله يسلمك .. اتفق معك ..جدا اما سالفه لحلويات .. صدقني الناس يصنعها الاعلام والترويج ... عدد المحلات اللي يبيعون الحلا التركي المليان سكر يعكس انقياد الجموع للتوجيه الاعلامي .. صارت عقيده رح واشتر حلا .. ولنا في الحلاوة العمانيه مدري البحرينيه ذيك اللي تقل ضمغ مثال :32: |
| الساعة الآن 01:27 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO