|
ليالي اسطنبوليه .... ابولجين اوغلو صباح الخير ايها المسافرون الافاضل ايتها المسافرات الماجدات .. ايها الشعب الكريم ويامرحبا بكم في هذه السردية الاسطنبولية التي ستبدأ ان شاء الله الجمعة 1 اغسطس 2025 :::: توطئة : بعد بحث بسيط وسريع عن وجهة جديدة وقريبه ولطيفه وتحقق لي فصله عن جو العمل ... مع استبعاد نصف خريطة العالم اللي يمين الخليج العربي :7: ولانني لم ازر تركيا الا عبور ( ليلة في اسطنبول) قررت حفظني الله ان تكون الوجهه اسطنبول / حصلت على تذكره بسعر اعتبره رمزي ..من القصيم / قربا مربط الشنطة مني ... ان قولي مطابق لاسفاري / هذه السفره الاولى لي في مرحله ( الصراع مع الذات ) لي فتره ملاحظ على نفسي ( فقدان الشغف ) وهي مرحله ماابي اصل لها .. لذلك كسرت عدم رغبتي بالسفر واغلقت عيني ونفذت الدفع |
حسب مااراه بالمنتدى لن استطيع ان اقدم محتوى مميز في هالمتصفح :24:في المنتدى - ماشالله - هوامير تقارير حقيقين ... لذلك هالمتصفح كأني داخل مايسمى في عالم السياسه ( صراع الفيلة ) لكني بحاول ان اضيف شي .. وابدرس رفع الصور .. / اول صورة ابنزلها لكم ( محرك الطيارة ) قبل تنزل هاللقطه تحديدا صايره سنه عند المسافرين |
اعترف كنت احلم ان اكون نجم في عالم (تقارير السفر ) لكني انصدمت ... بعد تقرير الاخت ابرار عن ( رحله اليابان ) بعد هذا التقرير .. كسرنا لابتوباتنا :7: |
حياكم الله أبا لجين نحن بالانتظار لقراءة تقريركم الشيق إذا هكذا بدايته الجميلة قبل البدء فكيف ستكون بعدها مما تخطه يمينك:e32b: الجميل في المنتدى أن لكل مشارك اسلوبه الخاص في الكتابة والسرد فيجعلك تتنقل بين المواضيع كأنك نحلة تحط على كل زهرة تأخذ منها الشيء المميز بانتظار السرد من منظروك الخاص وصورك الجميلة وخاصة محرك الطائرة :17: |
حياك الله أبو لجين فهد أكيد بنستمتع بتقريرك يكفي أسلوبك ومفرداتك وسردك ثق تماماً أننا دوماً في انتظار حضورك |
بالانتظار ::18: |
أهلاً بالفرزدق :14: رحلة سعيدة ان شاءالله بكم السعر الرمزي للتذكرة |
لكل تقرير نكهته الخاصه ومعلوماته المختلفه بانتظار التقرير |
حي الله ابو لجين الكريم حي الله اخونا الاعرابي القح رحلة موفقة ان شاء الله واعدك انك سوف تدمن على تركيا ولد خالي كان كل سفراتة اوربا وكان ينطر لتركيا انها بلد غير مناسبة له اجبرتة يسافر معنا الشمال التركي ذهل من ماراه من جمال الطبيعة والاحسن الاكل وحرية الحركة :e134::e134: سوف نشاهد في تقريرك اشياة لم نراها في تقاررينا :e134:باقي من الزمن يومين:e134: هيا شمر عن ساعديك |
والله متحمسين للتقرير كمل |
بالانتضار على احر من الجمر يبو لوجين اوغلو :18: |
اقتباس:
اهلا اهلا ... الله حيووووه ... الصوره ذي صايره ترند .. بعضهم يجي عند الي جنب الجناح ويقول ممكن يصور ويمد جواله للنافذه ويحشرهم حتى يصور ( المحرك ) لازم تكون الصوره ارض خضراء مااحد يصور المحرك فوق ( بيشه ) :17: |
اقتباس:
اهلا شيخ نواف .. الله حيوووه .. من بعدك طال عمرك ...لو ماشفتك بالموضوع كان بهرت الامور شوي .. ... مشكلتك انك حافظ تركيا وماحولها :1: |
اقتباس:
اهلا .. اهلا .. الله حيوه مادوي اعلم اخاف يحسدوننا المناطق الثانية التذكره بالف وميتين .. عبور القاهره .. والرجوع ليله بالقاهره تنويع .. اعجبني / كان بالامكان تزود 200 او 300 ريال وتكون العوده اسرع .. لكن التغيير جميل |
اقتباس:
الله محييك |
اقتباس:
اقول لها وقد طارت شٌعاعا ... من اسطنبول .. ويلك لن تُراعي *(تحمس )* الله حيوووه.. اهلا ياصديقي الجميل .... / اسطنبول حاضرة في المشهد بقوة ان قرأناها ( بعيون محبيها او على الاقل المنصفين ) بعيدا عن جماعه التهاويل اللي يتخيلون العالم حلبات مصارعة :17: الان باقي من الزمن 23 ساعه .. وقد اعددت العدة واخرجت الباور بانك ( النيكل ) وهو مرافق شخصي غدا ان شاء الله .. الساعه 8 صباحا .. ستتحرك الطايره ( اجمل لحظات الرحله بالنسبه لي) اذا اتجهنا عكس المدرج .. ثم اعتدلت في اخره واشتغلت التوربينات وبدا التسارع .. المشهد (شاعري ) لحظه مرورك امام صالة المغادره من بعيد .. بسرعه قريب 260 كلم .. لحظات ثم لانكون هنا .. تفتقدنا الامكنة .. ويلتهمنا الغياب .. اتخيل دايم فتاة شقراء خلف زجاج المطار .. تلوح بيدها .. ثم تنهار اذا ابتعدت ههههههههههههه هههههههههههههههه الحقيقه اني دققت عشان اتأكد واكشتفت انها ماكانت فتاه .. كان موظف خدمات ارضيه يعد البوردنقات :17: / وصباحك خير اخوك الفاتح من اغسطس ابولجين اوغلو :1::1: |
اقتباس:
ياهلا والله بالشيخ عبدالرحمن الله حيوووه ... |
مرحلة اختيار الفندق تجولت في BOOKING و AIRBNB بوكنج يظل الخيار الافضل من حيث السعر والمصداقية الاخر ... اسعاره مضروبه من جد ( قياسا لمعدل الاسعار في بوكنج) وركزت على الموقع .. لان الشباب خبراء تركيا في السوشيال ميديا يتكلمون عن المواصلات وان فيها شوي ازعاج من السائقين .. فقلت نسكن بدايه ( اول 3 ليالي ) في مكان حيوي .. وقريب من كل شي ... وحصلت فندق 3 نجوم تقييمه 8.1 ... وعليه 4700 وهو عدد كبير يوكد المصداقيه ( لان بعض الفنادق سالفه 20 او 50 تقييم او حتى 100 ) كلها فشتك ووهميه .. سعره طلع ( مع خصم جينيوس ) 140 ريال ..سعر عادل بالنسبه لشخص لوحده .. نبي نزوره ونعلمكم بعلومه ماعلمتكم بالاسم .. عشان ( الشو ) ابيكم تسألوني :25: |
اقتباس:
جرب المسافر مع عرض الراجحي ينتهي اليوم أعتقد حجزت فندق 4 نجوم بسيركجي بعد شهرين ان شاءالله اسمه غراند سيركجي أقل موقع حصلته 480 ريال تقريباً مع الأفطار حجز مسترد بالمسافر نفس الغرفه ونفس المميزات الأخرى أخذته 300 ريال فرق كبير طبعاً قارنت مع مواقع كثيره غير بوكنق واقودا سواء أجنبيه أو عربية |
طرح مميز يابو لجين وتوصل بالسلامة تقاريرك دوم لها طابع مختلف قريب من القلب :e032: |
اسكن في سيركجي منطقة متوسطة وكل المواصلات متوفرة وكل الاماكن السياحية حولك يعني كل شي رجلي مشي مشي |
وقتك حار في النهار لكن في الظل براد |
يالله حي ابولجين ..طيب ما دامك اول مره تروح . علمنا وينهو بوه الفندق ووش اسمه علشان ما تتورط |
اليوم الاول الوصول قادما من القاهرة الى صبيحه المطار زحمه جدا لكن الاجراء سريع 20 دقيقه تقريبا وعدينا الجوازات والشنط وصلت على طول / بدأت حالة ( الذيب 7 ) وهي محاوله بداية الرحله مثل الخواجات بأقل التكاليف : الاتصالات : لقيت تركش تيليكوم وهي شركه مشهوره كم ياولد 10 جيجا قال 53 دولار وهو سعر ( بن كلب ) قياسا للعالم الاسلامي برا :32: مع اني ماسبق وطلعت من المطارات حول العالم الا معي انترنت .. حتى تشعر بالامان لكن هالمره (ّذيب 7 مود شغال )... قلت ابدهاش ياولد .. رح لتقسيم وبتلقا علم / حصلت ( شركات ) سيارات صغيره وكبيره الصدمه ان السعر شبه موحد .. 4000 ليره يعني 400 ريال وهو اغلى سعر مر علي في العالم من المطار لوسط البلد عديتهم وانا ( اشتمهم في سري ) :32: / برا المطار واحد تركي يتكلم لهجه حجازيه هومشرف السيارات تكاسي وفانات .. العلم قال على 3000 ..مع ان الوقت حسب كلامه فوق ساعه كامله لان اليوم جمعه وزحمه ... واشغل الذاكره كلها واتذكر نصيحه واحد اجنبي يتكلم في تقريره عن الباص الى ( تقسيم ) واطلع من المطار كله 200 متر من البوابه قطع الشارع والقا الباصات الجميله ..تقسيم قال تقسيم .. كم قال بـ 280 ليره .. كم الوقت قال ساعه وشوي .. حط شنطتك وامتطينا الباص الجميل فيه فقط اتراك واجانب ( سعودييني اصدقائي بالطياره ) تلاقطتهم التكاسي على 4000 وانا سلمت والحمد لله :32: وانطلقنا على الباص السعيد وساعه ونص الى تقسيم الان حول 6 عصرا ( صلاة المغرب فوق 8 ) |
نزلنا من الباص الجميل .. واحصل امام الموقف .. محل يبيع شرائح واخذ الشريحه 10 جيجا .. 89 ريال ... اقل من المطار بـ 55 % / اشتريتها وحسيت اني عدت للعالم .. / الان فندقي في منطقه الفاتح تبعد عن موقف باصات تقسيم 8 كلم اخذت تكسي بالعداد .. مجموع الرحله للفندق اقل من سعر المطار بـ 75 % اعتبرتها صفقه جميله .. لليوم الاول وصلت الفندق وهو فندق ممتاز 3 نجوم في منطقه هادئه جدا لكن يعيب المنطقه اللي انا فيها كلها ( طلعات ونزلات ) لازم تكون لياقتك مثل حقين الهايكنج .. وبريكاتك كويسه .. يعني عادي تدحدر شوي وانت تمشي وبعدين تطلع زاوية 80% سنود / يميزها انها منطقه حيويه جدا سوبرماركات مطاعم مشاوي وشاورما ومحلات حلويات وكل ماتحتاجه .. وجواري بازار كبير جدا :32: وكان التعب واصل حده فنمت من امس الى اليوم الظهر بلافعاليات فقط مرحله سبات.. |
الحمد لله على السلامة ذيب احيك على المقارنة قصمنجي ههههههه وش وداك الفاتح كان سكنت في سيرجكي ممتازة ومتوسطة |
غريبة فاتت عليك الشرائح الألكترونية ؟ شرايح برق 20 قيقا ب 34 ريال |
مقارنة جميلة برافو عليك أبو لجين بداية حلوة للرحلة |
هلا ابو لجين الحمد لله ع السلامه فعلا الباص ارخص وسبق اني استخدمته واول ما ركبت نمت ع طول الشرائح الاكترونيه ارخص وافضل لكن يبيلها حوسه ع شان تشغلها |
على موقع الفندق المفروض تصير بلوقر مطاعم وتحط توصياتك :e142: |
ما شاء الله أبولجين على هالصرفيات والتبذير أتوقع ترجع (للديرة) والملغ اللي معك متضاعف . أنت عائد من عصر العقيلات |
ما عليك زود بولجين بولجين يكفي ابداعك بالسرد والكتابات تغني عن تقرير كامل واكيد بنستانس بطريقتك ونتابعك بشغف رحلة سعيدة |
مقارنات بالاسعار مفيده جدا لكل سائح |
لعبتها صح قصيمي :) ههههههه حلوة الشقرا شنو اسم الفندق |
اقتباس:
جدا والله .. وبشكل ماتوقعته في اسطنبول انطباعي عنها انها بارده ...مايضبط الجو الا قبل الغروب بساعتين |
اقتباس:
santa sofia hotel كنت حاجز الى 4 اغسطس ومددت الى الاحد القادم تعاملهم جميل واعطوني غرفه واسعة وهادئه ( الهدوء = نصف العالم عندي) مااعرف انام حول الشوارع وكم غيرت فنادق في سفراتي عشان الازعاج هذا كأنك نايم بثلاجه ... سايلنت :24: والترام والمترو 200 متر حولك وكل شي تحتاجه |
اقتباس:
اهلا بن قوت .... والله مع الترام هذا ... المناطق ماهي بعيد عن بعضها |
اقتباس:
للامانه سمعت عنها .. بس مااعرف لها يافلان ولكن بالطياره وحنا نازلين فيه شباب سعودي جنبي يتكلمون عنها وانها مااشتغلت معهم .. حتى بمصر .. مادري هي برق او لا .. ولكن نفس الفكره .. حقتها ... انا اذا ماشريت شريحه وقصيتها وحطيت شريحتي السعوديه بكرتونها ثم تسلفت الدبوس حق الايفون من الموظف ... مااستانس ... طقوس السفر :24: |
اقتباس:
انت الاجمل ... يااحسن رابع واحد في العالم :e118: |
اقتباس:
اتفق معك يالامير ( وخصــــــــــوصا ) انه والتاكسي نفس الوقت تقريبا .... والفرق ماهو شوي صراحه / الشرائح اتفق معك .. معرضه انها ماتشتغل او ماتعرف اعداداتها فتبلش ماهنا احسن من اشتر وركب وشغل :e13d: |
| الساعة الآن 11:59 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO