|
اقتباس:
اهلا باختنا العزيزة تعلمنا منك طال عمرك .. وش تتوقعين من شركه خرفشانيه مثلها المضحك انك لو تشري تذكره جديدة ون وي من اسطنبول للرياض مثلا ارخص من سعر تعديلهم |
اقتباس:
ثمان ايام مرت بسرعة ولكنها كافيه لمدينه واحده ... اهم شي ختمنا اسطنبول .. وصرت اعرف اوصف للناس اقولهم رح امينونو :7: التسوق ممتع صراحه بتجيك دوخه من كثر اسواقهم .. ولكن بالنسبه للوالده -حفظها الله- ..التنقل مزعج حتى التكاسي مشكلتها الوقت .. عادي مشوار الساعه او الساعه ونص .. وهذا متعب جدا لكبار السن الا ان كانت الخطه التمركز في منطقه حيويه والتحرك حولها وزي ماقلت لك لاتقول حي افضل من حي كلها نسخ ولصق \ (التلميذ الذي فاق استاذه ) جاء الوقت اللي تستفيدين من تقاريري الدنيا دواره ههههههههههه افكر اسوي الدخول لمواضيعي برسوم تحياتي لسموك :7: |
اقتباس:
اتفق معك تماما ... والغريب ان هذه الاسعار لاتتناسب مع مستوى البلد يعني بلد مثل في اوربا الغربيه مثلا تتقبل ان تكون الاسعار مرتفعه لكن بلد عادي كتركيا دخل الفرد فيها منخفض .. من غير المقبول ان تكون وجبه الفرد فيها بهذه الاسعار .. وسالفه المطاعم في موسكو التي ذكرتها استغفال عيني عينك .. واستقصاد ..ليس للسياح بالعموم بل للخليجيين ولكن لاتتعجب وانت تقرأ وتطلع على ثقافه ربعنا الخليجيين عن ( السياحة ) والتي ترتبط لدى الكثير بالصرف المفرط / في العالم كله ..البحث عن البديل بسعر معتدل امر مقبول الا عند بعض ربعنا لاتكلمت عن هالموضوع قال انت رايح تتقشف وانت وانت والنتيجه منيو خاص للجماعه في موسكو |
حياك الله أبو لجين طالما الموضوع فيه نقاشات متنوعة فأسمح لي أكتب حول موضوع أسعار المنيو البعض يكرر عبارة منيو للخليجي وآخر للتركي الحقيقة أن هذه العبارة فيها مبالغة أو بالأصح عدم دقة سافرت لكثير من المدن التركية سواء كانت مدن مشهورة أو مغمورة المنيو إما يكون شاشة أو لوحة عند المدخل أو باركود مثبت في كل طاولة بالمطعم أو المقهى فبالتالي لا مجال في تعديل الأسعار حسب شكل الزبون هذا الأمر ليس برغبة من إدارة المكان وإنما قرار رسمي صدر مطلع سنة 2024 وأي مطعم لا يلتزم بهذا الأمر يتحمل مخالفات ولربما من ذهب في السنتين الأخيرة لاحظ هذا الأمر ويوجد في كل محركات البحث نص القرار وتاريخ تطبيقه لذلك فكرة المنيو حسب شكل السائح أمر فيه تجني أو لربما يكون شيء مضى دور السائح فقط التأكد من طلباته تتأكد ما نزلوا طلب إضافي على الطاولة أو تتأكد ما نزلوا لك طلبات إضافية بالفاتورة أما الأسعار مخزنة في الايباد ولا يتحكم بها الشخص بيطلع شخص يقول أبداً عطوني منيو مختلف وثاني يقول ما صارت معي لكن ولد عمي صارت له ما نقدر نبني على مثل هذه المواقف وما ندري وش خلفياتها شخصياً أتحدث عن واقع أمامي ليس كلام مستهلك من هذا وذاك بعض السياح لا يشوف منيو ولا يعرف وش طلب يعبي الطاولة ولو سألته بكم ووش طلباتك ما ينتبه لشيء وإذا انصدم بالفاتورة عالية يبدأ يكرر الإسطوانة المستهلكة ذولا نصابين وعنصريين والمنيو للخليجي غير أهل البلد الأتراك باختصار هذا هو الواقع السعر ثابت عليك وعلى غيرك ولكن لا يضيف لك طلبات ما طلبتها سواء على الطاولة أو يضيفها على الفاتورة طرحت هذا الرأي ليتوازن مع مشاركة سابقة كتبت سابقاً هناك مبالغة في وصف جودة الأكل التركي وأكتب الآن هناك مبالغة في أن المنيو يكون حسب الجنسية |
اقتباس:
اهلا شيخ نواف .. اتفق معك من حيث المبدأ .. ولكني اشير الى ان الاخ الذي كتب بوجود منيو حسب الجنسيه كان يشير الى المطاعم التركيه في موسكو ... حسب مافهمت |
اقتباس:
اهلا بالعمده نواف كل شخص يبدي رايه حسب تجربته من واقع تجربة خمس زيارات ما شفت الطلبات والاسعار بالايباد او الشاشات او البار كود الا في مطعم نصرت والباقين كلهم منيو ورقي انا من الناس اللي اسعر معاهم طلباتي قبل ما اطلب واسجل الطلب مع السعر وبالنهايه لازم يزود علي ولازم اتناقش معه ويرجع الفاتوره لسعرها الاصلي وناهيك عن فتح علب الماء من دون اذن منا ويحسبها علينا لو لك قرابة ساكنين في اسطنبول بتعرف ان الخليجي له منيو والتركي والسايح الاجنبي له منيو ما اخفيك كسائح انا ماهو المفروض علي اني انشغل في حساب المطاعم والكافيهات والدخوليات والمواقف وحتى العروض اللي في المجمعات فيه موظف متعاون يعطيك العروض وفيه موظفين ما يعلمونك لكن المفروض اني جاي استانس واغير جو وما يجيني شعور اني فريسه لهم او مصدر دخل لهم تخيل اننا متعشين في مطعم ميت موت ( ان شاء الله اني كتبت اسمه صح ) اللي بشارع تقسيم وبعدها باسبوع نفس الطلب ويشهد علينا الله اننا دفعنا الدبل ( دبل قيمة العشاء الاول ) ملاحظاتي كلها عن تجربه لي ولا انقل عن احد او من السوشل ميديا تركيا دولة جميله ومسلمه وقريبه واكلها جميل وفيه مقومات السياحه ولكن لابد من كلمة الحق في الجشع اللي فيها هذا مافي جعبتي ودمتم بود |
| الساعة الآن 11:59 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO