|
رد: رحلتي الجميله لطوكيو 2015 جزء رائع ماشاء الله متااابع وياااك يالغالية تشكرآت مميزتنا هداوة |
رد: رحلتي الجميله لطوكيو 2015 صباح الخير تعرفين تقاريرك ما اغيب عنها الا ظروف مستمتعين بالتقرير هل شيبويا تنصحين فيها للسكن |
رد: رحلتي الجميله لطوكيو 2015 ههههههههههههههههههههههههههههه فكره حلوه الظاهر جيه بسوي وبعطيج معلومات وبخبرج قصص هم مابيعرفونها :harhar1: :yolks00520::(127): حبيت الصور.. حسيت الجو رايق وفعلا هالمرشده اختصرت لكم الوقت بس مو كنه طوكيو على طول زحمه؟ اشوف بالشارع.. ومحل دزني.. ماتضايقتوا من الزحمه؟ |
رد: رحلتي الجميله لطوكيو 2015 اقتباس:
أنا أستغربت لما شفت الإشارة المرورية http://i1050.photobucket.com/albums/...psm6ok0t5k.jpg لأني قرأت خبر قديم جدا إن اليابان إحتفلت الظاهر في 2006م بإزالة آخر اشارة مرورية بسبب وعي الشعب وإحترامهم للحقوق والنظام موضوع رائع وأنا بصراحة أحب اليابان وكوريا الجنوبية كثييير بسبب تطوراتهم العالمية الله يعطيك العافية |
رد: رحلتي الجميله لطوكيو 2015 وينك هداوي .. عسى المانع خير متحمسين لجزء جديد |
رد: رحلتي الجميله لطوكيو 2015 اقتباس:
وانا أفرح بشوفتكم حتى لو ماعندكم تعليق صبحوا ولامسوا عليه بس ابا أحس بوجودكم بس طبعا علقوا :sly: :(155): اقتباس:
صباح النور والسرور ليش معصب من صباح الله خير أدري وعذرك معاك ، وانته بالذات دوم وافي وماتقصر بس عاد هداوه تحب تتدلع عليكم هيه نعم أنصح فيها جميله وحيه اقتباس:
فيها زحمه بس مب هاذيج الزحمه المزعجه ماعدا في الويك اند في شيبويا زحمه وايد بس كنا مستانسين ونحن وياهم بعد مسوين وياهم زحمه :(56): اقتباس:
اشاعه بعدهم عندهم اشارات والله يعافيك ويسلمك اقتباس:
فديتج أدري تأخرت شوي وايد مضغوطه هاليومين وممحصله وقت أنزل يديد بس ابشري اليوم فيه يديد وباجر بعد |
رد: رحلتي الجميله لطوكيو 2015 نكمل معاكم جولاتنا في اليوم الأول همسه كل جزء بعطيكم ياه بخبركم كيف خططناله ورتبنا البرنامج فيه وكيف عشناه واذا فعلا التزمنا بالخطه اللي حطيناها وفي هذا اليوم كان هذا برنامجنا الساعه 2 الذهاب الى قصر الامبراطور وعقب زيارة محطة طوكيو الرئيسيه وعقب رحلة ساكورا كروز هاي الرحله سايا مقترحتنها قبل السفر ووافقنا عليها وهي حجزتها لنا قبل لانوصل طوكيو مدتها ساعه ونص ونمشي فيها بين أزهار الساكورا ، واسم الرحله Sakura Cruise وبعد رحلة الكروز نتعشى عند مجمع المطاعم في برج سكاي تري وبعدها زيارة البرج يوم حافل تفاصيل هاليوم بعد ماقطعنا التذاكر من محل دزني ستور سرنا نتمشى لين المحطه تقاطع شيبويا http://i1050.photobucket.com/albums/...psadvygvgf.jpg http://i1050.photobucket.com/albums/...psloctwmxa.jpg دخلنا المحطه عشان نشتري بطاقة القطار http://i1050.photobucket.com/albums/...ps11za63i3.jpg محطاتهم كبيره ونظيفه وفيها محلات وغيره http://i1050.photobucket.com/albums/...pslantscdx.jpg شفت هاي الدعايه وكنت بسأل عن العرض ونسيته http://i1050.photobucket.com/albums/...psrmkuxvuh.jpg كان هناكنوعينمن البطاقات http://i1050.photobucket.com/albums/...pssptmuvoy.jpg ماحصلنا سيوكا وحصلنا الثانيه وكلهم تقريبا نفس الشي http://i1050.photobucket.com/albums/...psxuktszks.jpg وخذينا بطاقه لكل واحد منا ودفعنا في البدايه 5000 ين لكل بطاقه و3000 ين لبطاقة سايا انتوا تقدرون تحطون فيها المبلغ اللي يناسبكم وهاي البطاقه تعاد تعبئتها من تخلص من المكاين http://i1050.photobucket.com/albums/...pswxtjupwc.jpg الحلو فيها انه نستخدمها في الدخله والطلعه كل مابغينا نركب الاندر جراوند وحق الباصات وحق بعض انواع القطارات واحتجنا نعبيها مره وحده في آخر يوم وحطينا فيها شويه عقب مااشترينا البطاقات انطلقنا لأول وجهه وهي قصر الامبراطور 1-قصر طوكيو الإمبراطوري Tokyo Imperial Palace http://i1050.photobucket.com/albums/...pseak6juss.jpg القصر الإمبراطوري في اليابان هو جنة شنتو حيث البحيرات الصغيرة المليئة بأوراق الزنبق وأسماك الزينة وأشجار الصفصاف الجميلة يسمح للزائرين الدخول إلى المناطق الداخلية في 23 ديسمبر و 2 يناير فقط في أي وقت آخر يمكنك إلقاء نظرة على هذه الكنوز من بعيد. معلومة مدهشة: يقدر قيمة أرض القصر الإمبراطوري ماديًا أكثر من قيمة عقارات لندن مجتمعة. قصر الامبراطور واللي يميزه حدائقه الكبيره والشاسعه مقر سكن الإمبراطور الياباني وهو عبارة عن مساحة شاسعة تضم حديقة مفتوحة للشعب والحدائق جدا كبيره وجميله أما أسماء الحدائق في الداخل فهي Fukiage Garden + East Garden +Ninomaru Garden Kitanomaru Imperial Household Agency Visit Guide > Sites > Imperial Palace كيف نوصله طبعنا من محطتنا لين محطة Otemachi Station 大手町駅 المحطات مكتوبه ع العواميد وعليك تعرف أي لاين تاخذ الرقم ناخذ خط Hanzomon Line نحن وايد تأخرنا يوم سرنا نشتري التذاكر وهذا ماكان في الخطه وبالتالي تأخرنا في السيره للقصر لما وصلنا المحطه شفنا لوحه مكتوب عليها قصر الامبراطور تبعناها وطلعنا من المحطه ومشينا مسافه وعبرنا الشارع وشفنا في ويهنا القصر قبل الدخول للقصر كان المنظر جميل نهر واشجار الساكورا مصطفه تمينا فتره نتصور في هالمكان وعقب دخلنا وكان الدخول مجاني القصر كبير وحدائقه كبيره ويباله وقت طويل موقف ظريف ونحن نمشي بندخل القصر كنت أمشي عدال بوعيسى فجأه تجدم بوعيسى وانا تميت أمشي وراه وهو يمشي مكمل طريجه مشت عداله حرمه شويه كبيره في العمر وأعتقد هنديه ولابسه شيلتها بوعيسى يمشي وعينه ع القصر وبعفويه قام مسك ايد الحرمه ومشى يتحسبها أنا وأنا وراهم أمشي ، الحرمه ساكته وتتطالع بوعيسى هي لحظات مسك ايدها بس الظاهر حس النعومه اختلفت ههههههههههههه وينقز مسكين من مكانه ويسحب ايده ويركض صوبي مصدوم ويقول فكرتج انتي ههههههههههههههه قال من مسكت ايدها حسيت هاي مب ايدح http://www.travelzad.com/vb/images/smilies/).gif عاد انا تميت أضحك عليه وخبرت سايا هلكت من الضحك طبعا أنا ضحكت عشانها عيوز ولو كانت بنت جان استوت علوم http://www.travelzad.com/vb/images/smilies/41jg.gifhttp://www.travelzad.com/vb/images/smilies/003.gif نكمل جولتنا دخلنا ونحن نمشي اشوف المكان وايد كبير ويباله وقت فتميت افكر شفت لازم نرجع ومانكمل جولتنا في القصر ولا بتروح علينا رحلة الكروز ومابنوصل في الوقت المحدد تكلمت وياسايا وهي أيدتني اضطرينا نطلع عقب ماتشاورنا ونحن بعدنا ماشفنا شي من القصر عباره مازرناه يعني دقيناه ورجعنا ههههههههههه هذا بس المدخل نحن مادخلنا داخل ولاشفنا شي بس هنيه عاد بدينا نتعب من المشي وخصوصا انا لأني ماشيه أكثر عنهم انا وبوعيسى مشينا قبل أول مانشينا حوالين الفندق أكثر من ساعه وعقب مشينا كلنا في منطقة شيبويا وعقب مشينا مسافه لين القصر وداخل القصر ورجعتنا للمحطه ياويلي تكسرت ريولنا حتى بنتي عزكم الله عقت بوتها حضرتها لابسه بوت يديد وكسر ريولها وتمت تمشي حافيه وصاتي الكم اخذوا احذيه رياضيه مريحه اليابان كلها مشي وجولتنا الثانيه كانت لمحطة القطار الرئيسيه بعد هاي اضطرينا نلغيها بسبب تأخرنا تابعوني في وجهتنا الثالثه وهي ساكورا كروز |
رد: رحلتي الجميله لطوكيو 2015 الله على جمال هالساكورا روعه روعه حبيت لون الشجر يجنننن لوبروح اليابان بس ابي اشوف هالشجر العجيب وموقف ابوعيسى ماله حل خخخخخخخخخخخخ الحمدالله انها عيوز ولاكان صج اعلوم ههههههههه وبنتج انا حاسه فيها كشخت في بوت في امستردام يجنن حده كشخه مع اللبس مشيت بس شوي قلت لزوجي مقدر بموت من الم رجلي ابي ارجع الفندق اغيره فصخت البوت وعطيته الكونسيرج في الفندق استااااانس يقولي جميل جدا استغرب ان احنا عطيناه يقول شكله غالي قلت اهم شي صحتي حرام احطه في الشنطه وياخذ مساحه وانا مب لابسته اهم شي الشوز يكون مريح مب مهم انه كشخه واحب ترتيبج ودقتج وتخطيطج جد احنا نتعلم منج يعطيج الصحه والعافيه ويخليج لنا يااحلى هدهد |
رد: رحلتي الجميله لطوكيو 2015 والله يام عيسى تقريرك يبيله قعده صح وقلم وورق لتسجل كل المعلومات البرنامج كان 11 يوم ماشاء الله مازرتو مدن اخرى غير طوكيو الاماكن السياحية قريبه من بعض وإلا مشاوير وهل اقدر اخذ جولات عن طريق الفندق المرشده سعرها غالي متابعين معاك ام عيسى لتقريرك الجميل ومالك إلا دعوه في ظهر الغيب هذا اذا بستفيد من التقرير واذا لا برضو راح ادعيلك الف شكر |
رد: رحلتي الجميله لطوكيو 2015 ماشاء الله عليك معلومات موثقه بالصور:(153): وأنا وراهم أمشي ، الحرمه ساكته وتتطالع بوعيسى :(155)::(155)::(155)::(155): وش عندها هالعجوز ساكته.. كنه اعجبها الوضع منتظرينك بالجزء الجديد.. واذا عنك ظروف خذي راحتك.. متى ماروقتي احنا بانتظارك:yolks00260: |
رد: رحلتي الجميله لطوكيو 2015 صباح الخير والله مو معصب بس الايقونه جت بالخطأ الصوره من وين أخذتيها من مطل http://i1050.photobucket.com/albums/...psloctwmxa.jpg تحصل هالمواقف كثير زين ما طاح بخليجيه ولا تصير علووم هل لما الغيتي الفعاليه عوضتيها بأيام ثانيه أم أن الجدول مره مزحوم شكرا لك |
رد: رحلتي الجميله لطوكيو 2015 اقتباس:
الصراحه في هاي السفره لبسنا الابوات وجواتي الرياضه ورغم هذا وايد تعبنا وعورتنا ريولنا من كثر المشي اللي مشيناه اللهم آمين ويسعدج ربي اقتباس:
مع القلم والورقه يبالك بهانس عدالها تمزمز فيها ، مايستوي جيه ع الناشف هههههههههه مب قريبه ولابعيده الصراحه كنا نسير بالقطار وبسرعه نوصل أتوقع شي جولات عن طريق الفندق بس أنا ما سألت ممتأكده بصراحه شفت سعرها معقول تقريبا 360 درهم في اليوم وطول اليوم ويانا ، يعني لو خذينا عن طريق شركه سياحيه أكيد بيكون أغلى ومابتكون عندنا هاي المرونه اللي نحصلها ويانا ، يعني ع كيفنا مب مقيدين وأي دعوه تدعونها لي لكم بالمثل انشاءالله وأحسن عنها اقتباس:
أكيد عاجبنها واحد زي الاشطه ميود ايدها ، هذا حلم وفاقت منه هههههههههههههه أظن تمت طول الجوله وياجمعتها ممركزه وهي تتذكر مسكت بوعيسى خصوصا انه بوعيسى مسكها عدل وهوس عليها بعد ههههههههههههههههههههههههههههههه الحمدالله مروقه بس شوي مسؤوليات البيت ضاغطتني وماوصلوا خداماتي لين الحين الود ودي كل يوم أعطيكم يديد بس غصبن عني اقتباس:
صباح النور والله يافيصل لو تغيرون هاي الايقونات بتسوون فينا زين خصوصا هاذيل الكبار ونبا فواصل وورود مثل قبل بالنسبه للصوره هاي بالذات ماشاءالله عليك زخيتني فيها ، هاي الصوره ما أدري من وين سارقتنها :(47): لقيت ويالصور :(141): تخيل مسك خليجيه ، عاد العلوم بتيه منها ممني انا بتفرج بس :(34): في اماكن عوضناها واماكن ماقدرنا تابعني وبتعرف :harhar1: |
رد: رحلتي الجميله لطوكيو 2015 رجعنا من نفسه المحطه اللي يينا منها وهي Otemachi Station 大手町駅 ومنها سرنا لمحطة اكيهابارا وهي Akihabara Station 秋葉原駅 نزلنا من المحطه وتمت سايا تسأل وين مكان المرفأ اللي تطلع منه السفينه وماطولنا وسرنا ع طول في اتجاه السفينه استقبلونا بترحيب ولكن كانت الصدمه الأولى وهي السفينه كانت عباره مركب صغير وكراسي مصطفين فيها كنا نتوقع شي أحلى من جيه بس قلنا ممشكله أهم شي الرحله اللي كلنا متحمسين لها وهي شوفت الساكورا عطيناهم حجزنا ودفعنا وما أتذكر كم دفعنا وركبنا المركب اللي كان متروس وتفرقنا في مقاعدنا لانه نحن يايين آخر الناس انطلقت السفينه وكانت الصدمه الثانيه الرحله جدا بايخه وماتستاهل العنوه واشجار الساكورا ماكانت وايد مميزه في هالمكان وعقب شفنا انه أشجار الساكورا في كل مكان في طوكيو يعني مافي داعي الواحد يطلعها رحلة خاصه ويخسر عليها ويضيع وقته لو تمينا في القصر جان أحسن http://www.travelzad.com/vb/images/smilies/16.gif عشان جيه ما اهتميت أييبلكم تفاصيل هالسفينه من ناحية سعرها أو موقعهم الاكتروني لأنه ماتستاهل أصلا وايد ملينا ونحن فيها وكنا نبا نطلع منها ونستغل باقي اليوم بس ماقدرنا وانربطنا فيها ساعه ونص وخلصت رحلتنا البايخه الساعه 6 ونص مقتطفات من الرحله http://i1050.photobucket.com/albums/...psdrekp5ss.jpg http://i1050.photobucket.com/albums/...psbku05qnc.jpg http://i1050.photobucket.com/albums/...pssphcfl5s.jpg http://i1050.photobucket.com/albums/...psaikconab.jpg http://i1050.photobucket.com/albums/...pszdqvlovq.jpg ما أدري شو كان يشرح ماشفنا شي مميز كنا نمشي في قناه مائيه محجوزه بين جدران وكم شيرة ساكورا فيها وغير جيه مافي شي مهم http://i1050.photobucket.com/albums/...pswtnhlsgd.jpg http://i1050.photobucket.com/albums/...psf858jymm.jpg http://i1050.photobucket.com/albums/...psjgzkzdcb.jpg http://i1050.photobucket.com/albums/...psncufjkxz.jpg http://i1050.photobucket.com/albums/...psuqdzex6s.jpg كان منظر ورد الساكورا وهو طايح ع الماي أحلى شي سكاي تري |
رد: رحلتي الجميله لطوكيو 2015 ما شاء الله الرموز اللي في محطة القطار هل هي سهلة ؟ ما أدري أحس شكلها من الصورة بيكون فيه لخبطة http://i819.photobucket.com/albums/z...oticon-044.gif http://i1050.photobucket.com/albums/...ps2nk1kyrb.jpg الله يعطيك العافية |
رد: رحلتي الجميله لطوكيو 2015 ياحسافه القصر اللي تركتوه.. ولابعد كراسي مزحومه.. ومو جنب بعض كان منظر ورد الساكورا وهو طايح ع الماي أحلى شي اتوقع احلى شي انكم جلستوا وريحتوا شوي من هالمشي:(155): وبالنسبه لظروفك .. الله يكون بعونك .. وربي يعوضك في بشاكير احسن من اللي شردوا بس اهم شي قبل رمضان:(37): |
رد: رحلتي الجميله لطوكيو 2015 ياسلام يا أم عيسى .. جولات جميلة وترتيبات راااائعة .. قصر الإمبراطور .. هل يقيم داخله ؟ فعلا أشجار الساكورا غااااااية في الجمال .. تقييمك لجولة الكروز يساعد كثيرا في اتخاذ قرار تجربتها من عدمه .. هناك صور من مكان مرتفع جدا ( جمييييلة ) هل هي من الفندق ؟ مستمتعين كثيرا بحكايتك اليابانية ... |
رد: رحلتي الجميله لطوكيو 2015 جزء رائع أم عيسى متااابع وياااك يالغالية شكرا لك |
رد: رحلتي الجميله لطوكيو 2015 تجربه ام عيسي لكن هل فيه موسم تكون الرحله افضل من غيرها شكرا لك |
رد: رحلتي الجميله لطوكيو 2015 محلات زهور الساكورا شكلهن واايد حلو ... بس غريبة ما فيهن ريحة ام عيسى كلنا ما فينا لياقة حق المشي بس لو قالو سوق خخخخخخ تعرفين الحمد الله على كل حال ليش جيه شوارعهم دومها زحمة حشى الواحد ما يقدر يتنصخ :yolks00590: يلا نبا نشوف اسواقهم |
رد: رحلتي الجميله لطوكيو 2015 اقتباس:
فهل يوجد خطأ في العملة المقصودة أو القيمة ؟! فقط للتأكيد على المعلومة للمتابعين وأنا دايما أشتريها في يومها بشباك تذاكر ديزني فهل يختلف السعر ؟ ويعطيج العافية أختـي على التقرير الحلو متابع وبكمل قرائتي للتقرير |
رد: رحلتي الجميله لطوكيو 2015 :(125): |
رد: رحلتي الجميله لطوكيو 2015 بسم الله ام عيسى وينج عسى ما شر |
رد: رحلتي الجميله لطوكيو 2015 ما شاء الله عليكم بالف عافيه ام عيسى ربي يحفظكم ويخليكم لبعض اعتذر لوصولي متأخرة جدا:(125)::(125)::(125)::(125)::(125): لكن تأتي متأخرا خيرا من ان لا تصل ابدا :(60): وااااااااااااي مت من الضحك على سالفه العيوز لو هي شابه ما أعتقد خليتيه يهووووووووس على ايدها خخخخخخخ :(123): وهالصورة اتونس حيل معبرة وايد حبيتها ولو كانت بنت جان استوت علوم http://www.travelzad.com/vb/images/smilies/41jg.gifhttp://www.travelzad.com/vb/images/smilies/003.gif تبارك الرحمن معلومات كثيرة وقيمه يعطيك مليون عافيه سهلتي على اللي بيسافر اليابان يحفظ تقريرك ويتوكل على الله بس انا احس اني بضيع هناك :(123): انا اي سفرة بدون زوجي ما أحس بالأمان الله يخليلكم بو عيسى سفر والبس بوت وشي كشخه :(123): لاااااااااااا مستحيل لو اقولك شنو البس بالسفر عشان المشي ما تصدقين عندي تكرمين نعال مريح اشتريه بدينار ونص بس لكن راحتي اهم من الكشخه خصوصا ان ضغطي بسرعه يرتفع فلازم شي مريح وان كشخت لبست جوتي رياضه مره فقط لا تتكررررر ما احب الضيق:(111): احب الهواء يطسسسسسسسسس على رويلاتي وكل ما اشوف ماي ارش عليها خخخخخخخخخخ حالتي حاله :200: كملي متابعينك ،،،،،،،،،،، |
رد: رحلتي الجميله لطوكيو 2015 آسفه آسفه آسفه ادري اني متأخره عليكم بس عندي ظروف مانعتني عنكم بس امهلوني هالاسبوع وان شاءالله بكمل التقرير ومابهدكم احبكم ياحلى متابعين |
رد: رحلتي الجميله لطوكيو 2015 في انتظارك ام عيسى |
رد: رحلتي الجميله لطوكيو 2015 اقتباس:
|
رد: رحلتي الجميله لطوكيو 2015 واحنا بنتظارك:(114): |
رد: رحلتي الجميله لطوكيو 2015 يامركب الهند هداوه فين ... طال انتظاري وشوقي جريح >> لليابان ننتظرك يام عيسى وترجعين بالسلامه |
رد: رحلتي الجميله لطوكيو 2015 تقرير مميز ما شاء الله تابعي :(114): |
رد: رحلتي الجميله لطوكيو 2015 يسعدني صباحكم شحالكم يالغاليين مره وحشتوني من كم يوم وانا مريضه فيي احتقان وحرارتي مرتفعه واليوم أشوف نفسي أهون شوي باذن الله بحاول اليوم أكمل وياكم :(148): اقتباس:
اعتقد مافيها خربطه من االبدايه من تتعرف عليها خلاص عقب بتعرف تمشي ع الباقي وعموما هم يساعدون هناك الله يعافيك اقتباس:
فعلا حسافه ع القصر اللي فوتناه عشان هالكروز البايخ يوم شفنا الكراسي مزحومه مايلسنا بين الناس ، انا وبناتي يلسنا جدام عدال المرشد السياحي لقينا كرسي طويل بروحه وبوعيسى يلس بروحه وسايا يلست بروحها في صوب ثاني هيه والله انه كأنج حسيتي فينا كانت ريولنا تعورنا والله لين الحين متلعوزين ما أدري ليش لين الحين ماوصلوا الخدم ، صارلهم أكثر من شهر والمكتب كل يوم يقول بكره ولابعده ارمضان ع الابواب وشكلي بنكرف يارب يوصلون قبل ارمضان الصراحه الوضع صعب أقول لبوعيسى خلينا نتخلى عن السكن في الفيلا الكبيره ونسكن شقه صغيره ونفتك من الخدم ومذلتهم اقتباس:
بالنسبه للامبراطور والله ممتأكده اذا هو ساكن ولا لأ والكروز فعلا مايسوى وهاي هي الفايده من تقاريرنا انه تعطيكم الايجابيات والسلبيات من رحلاتنا والخيار لكم فضحتني هاي الصوره كل الصور من تصويري ماعدا هاي اللي وايد من فوق نسيت من وين جبتها بس الباقي اللي خذيناها من فوق كانت من ستاربكس اللي كان مقابل تقاطع شيبويا وكان في الدور العلوي من المبنى اقتباس:
العفو أخويي والله لايحرمني من متابعتكم ومشاركاتكم انتوا نكهة تقاريري وسبب استمراريتي اقتباس:
مافهمت يافيصل سؤالك ؟ اقتباس:
أنا شراتج استغربت انه مافيهن ريحه لاتتعشمين وايد أسواقهم مب حلوه الزحمه مب دوم ومب في كل مكان يعني منطقة شيبويا تزدحم أكثر في الويك اند ، بس الصراحه كنا نستانس ع زحمتهم اقتباس:
هيه والله كلامك صحيح فيه خطأ مطبعي مني عدلته ناقص صفر ، ماشاءالله ع خبيرنا عجبتني نباهتك اعتقد السعر مايفرق انما يوفر عليك الوقت والطوابير عن شباك التذاكر الله يعافيك وراجعين نكمل وياكم ان شاءالله اقتباس:
الله يعافيج حبيبتي اللهم آمين ويخليلج بوعيالج زين انج وصلتي ولحقتي عمرج ولاجان صارت علوم هههههههههههه امزح وياج وحياج الله في أي وقت أكيد مابرضى جان كسرتله ايديه وايديها هههههههههههه أنا تخيت هالشعور يعني عادي اسافر بدون بوعيسى ، وحتى عادي اسافر بروحي أي مكان بس انا ما أحب أكون بدون رفيق الصراحه وهذا اللي اكتشفته أخيرا انه سبب الام ريولنا في رحلتنا لليابان هو الاختيار الخاطئ للاحذيه اقتباس:
ياهلا وسهلا فيك أخويي مجدي وان شاءالله راجعين نتابع |
رد: رحلتي الجميله لطوكيو 2015 خلي سؤالي علي جنب اهم شيء رجعتي لنا |
رد: رحلتي الجميله لطوكيو 2015 ماااااا شاااء الله يا أم عيسى دائما تقاريرك موسوعة و مرجع للسائح العربي الله يبارك في جهدك و تعبك الصراحة عمري ما اقتنعت بزيارة اليابان و ممكن فقط أزورها في رحلة عمل بس ممكن بعد تقريرك أغير رأيي متابعين بشغف |
رد: رحلتي الجميله لطوكيو 2015 اقتباس:
ههههههههههههههههههههههه ليش ، ابا أعطيك الجواب أنا لو أغيب عنكم يظل قلبي وفكري عندكم اقتباس:
اللهم آمين شكلي بآخذ نسبه من حكومة اليابان اذا بنشط السياحه عندهم :(34): البلد جميله وانا فعلا متشوقه لزيارتها مره ثانيه وباذن الله بعيد زيارتها وانا سعيده بتواجدكم ومشاركتهم :(125): |
رد: رحلتي الجميله لطوكيو 2015 نتابع معاكم جولتنا في اليوم الاول في طوكيو والحين الى وجهتنا الاخيره وهي برج سكاي تري http://i1050.photobucket.com/albums/...psm9hembrx.jpg http://i1050.photobucket.com/albums/...ps9lgmla2n.jpg معلومات عنه يعد أطول برج للبث الإذاعي بالعالم يحتوي على أكواريوم ومرصد و300 متجر ومطاعم عند قاعدة البرج تفاصيل هذا اليوم رجعنا من نفس المحطه اللي يينا منها Akihabara Station 秋葉原駅 وانطلقنا الى برج سكاي تري Soramachi and Skytree في محطة Oshiage Station 押上駅 من توصلون المحطه بتدخلون ع طول في مبنى المطاعم اصلا المحطه في المبنى التابع لسكاي تري أول ماوصلنا ع طول سرنا طابق المطاعم ، نسيت أي طابق كنا يوعانين وقلنا بندور مطعم مناسب شفنا قائمة المطاعم الموجوده وبالصدفه حصلنا مطعم هندي ويقدم أكل حلال من القايمه هاي عرفنا هو في أي طابق وسرناله أكلهم كان زين وخدمتهم بعد ماشاءالله زحمه عندهم ومطعمهم بعد كان صغير عقب ماهدأت المعده أنا وبوعيسى دوخنا هههههههههههههه سرنا صوب البرج عشان نقطع التذاكر ونصعد يوم وصلنا شفنا زحمه وطابور طويل بوعيسى قال انا بسير الكوفي وانتوا اصعدوا وقفت فتره وياهم وعقب حسيت اني مسطله ومب قادره أصلب طولي وانتظر وياهم قلتلهم انتوا كملوا وانا بسير أيلس ويا ابوكم الطابور من برع المبنى يمكن خذوا ساعه أو أكثر لين يادورهم أنا سرت عند بوعيسى أدوره في المبنى اللي عداله وكان فيه محلات وكوفيهات المكان حلو بس انا مول مالي بارض خلاص حاسه بالانهاك وتعبانه وايد يلست ويابوعيسى في هالكوفي وطلبت شاي قلت يمكن يصحصحني ومن التعب كنت ناويه أحط راسي ع الطاوله وأرقد خلاص مافيي حيل وبعد فتره قالولنا نطلع عشان بيسكرون وسكرت كل المحلات والبنات ماوصلوا وعقب طردونا من المبنى يعني ماطردونا انما خبرونا انهم بيسكرون وانا قلتلهم بدخل الحمام عزكم الله وسار ويايي واحد من الامن لين الحمام واترياني عند الباب من برع وأنا خذيت راحتي وخيسته وحليله وهو يترياني ويوم طلعت كان مبتسم ووداني لين بوعيسى وعقب طلعنا من المبنى واضطرينا نطلع وننتظر برع لين شرفوا الحلوات سكاي تري فيه مستوىين وهم قطعوا تذاكر أعتقد للمستوى الاول وماقدروا يسيرون المستوى الثاني من كثر الزحمه غريبه انه هذا اليوم كان وايد زحمه ، شي ماكان طبيعي هل هو دايما جيه ، الله أعلم ؟ وما أدري بكم كان سعر التذكره ، عموما بتحصلونه في موقعهم بعطيكم الصور اللي صوروها البنات شوفوا الزحمه اللي فوق تعرفون حركات البنات في التصوير عقب ماخلصنا كانت سايا تبا تمر مكان أعتقد مكان فيه مكينه عشان تطلع تذاكرنا حق الاوت ليت لانه سايا كانت حاجزه بالنت رحلتنا للاوت ليت ولازم تطلع التذاكر من مكينه معينه في الجزء الياي بييبلكم التفاصيل من سايا المهم نحن كنا في قمت تعبنا وريولنا تعورنا وماعنثرنا نركب القطارقلت لبوعيسى بناخذ تكسي وكانت المره الاولى وتقريبا الأخيره اللي نركب فيها تكسي اول شي وقفنا التكسي في مكان قريب من سكاي تري ونزلت سايا اظن في سوبرماركت وطلعت التذاكر من المكينه وعقب نزلناها عند محطة القطار عشان هي بترد منطقتها ونحن كملنا طريجنا لين الفندق وكانت الصدمه الكبيره أنه التكسي طلع علينا ب 250 درهم تقريبا ماقدرنا نقول شي ودفعنا وتعلمنا الدرس كان يوم مرهق ومتعب واحس رغم جولاتنا الا انه ماشفنا الكثير رحلة القصر اللي الغيناها ورحلة محطة طوكيو اللي الغيناها ورحلة الكروز البايخه وسكاي تري اللي وصلناله ونحن منهكين وماشفناه عدل مثل الناس انطباعي عن السكاي تري يستحق الزياره انصح تزورنه من العصر وقبل المغرب تصعدون فوق عشان تشوفون الغروب ومدينة طوكيو تابعوني ... ورحلتنا القادمه بتكون في الاوت ليت |
رد: رحلتي الجميله لطوكيو 2015 السكاي تري شكله حلو أنا زرت المكان بس ما صعدت البرج وحسب الصور المكان كان مزدحم أنا لما رحت ما كان بهل زحمة !! أي يوم كنتوا رايحين ؟ حتى المطعم الهندي أكلت من عنده ما كان مزدحم وايد وأكله كان حلو وخصوصاً إن عنده منيو للأكل الحلال والمجمع أيضاً كان جميل يعطيج العافية أختـي متابع .. |
رد: رحلتي الجميله لطوكيو 2015 رحلة موفقه كانت بما انها مخطط لها من سنه فعلا التخطيط شيء اساسي لنجاح الرحلات السياحيه وان كنت لوحدك اشكرج ع التقرير وحاشني حماس لزيارة اليابان وهي في جدول الدول اللي اطمح لزيارتها |
رد: رحلتي الجميله لطوكيو 2015 ما فيه حجز من النت لسكاي بدلا من امسك دور التاكسي غالي بس ارخص وأحرم من أوربا أو لا معوضه خير بالايام القادمه واتوقع انه من اثر التعب بس |
رد: رحلتي الجميله لطوكيو 2015 اقتباس:
اعتقد كان يوم السبت فعلا المجمع جميل والمطعم كان أكله حلو واللي مايبا الهندي ممكن يجرب مطاعم ثانيه مثل الايطالي ويبعد عن لحومهم وديايهم ، بس طبعا الهندي أضمن من ناحية الحلال اقتباس:
التخطيط مهم لأي رحله عشان تسثمرون وقتكم صح ولكن أي تخطيط ممكن تصير مفاجآت وتضطرون تغيرون البرنامج في بعض الاوقات عموما نحن تقريبا مشينا ع تخطيطنا بنسبة 90 % اليابان جميله وان شاءالله تقريري وتقارير الاخوان بتعطيكم صوره أوضح عن هاي البلد وبتساعدكم في التحطيط المناسب اقتباس:
ممتأكد احتمال فيه ، ولو كنت أدري انه بيكون جيه زحمه أكيد كنت قلت لسايا تحجزلنا لوقارنت التاكسي بشرق أسيا أشوف اليابان اغلاهم بس لوقارنته بتكاسي أوروبا أعتقد هو أغلى أو متقاربين وطبعا من دوله أوروبيه لدوله أخرى يفرق السعر مثلا لندن أحسها معقوله نوعا ما وجربنا كم مره نركب تكاسيهم سويسرا وايد أغلى عموما كلهم غاليين والافضل استخدام المواصلات العامه فعلا من تعب السفر بعدنا ما أرتحنا ومن قمنا من النوم ونحن ع ريولنا وضغطنا جدولنا وايد في هاليوم كله عشان نلحق نغطي اللي نقدر عليه بس الصراحه ورغم التعب الا انه في كل مشوار استانسنا فيه مب في المكان بس ، انما في جونا اللي عايشينه وياسايا ، كله ضحك وسوالف بس أخر رحله وعقب ماكلينا خلصت بطاريتنا وبالذات أنا |
رد: رحلتي الجميله لطوكيو 2015 حلقه جميله والاحلى من هذا انهم شعب مبتسم دائما اعجبتني الحلقه وانتي توصفين التعب حسيت فيك تعب السفر يخليك ودك تحطين راسك باي مكان اهم شي تغمضين عيونك :) متابعين معك للاخر الى ذلكم الوقت دمتي بكامل صحتك وسرورك وعافيتك تقـآسيم الصباح:(114): |
رد: رحلتي الجميله لطوكيو 2015 شيء جميل هالبرج والمطعم واضح إن أكلهم لذيذ الصور روعة الله يعطيك العافية |
| الساعة الآن 03:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO