|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يا سلام على تايلند وايامها ذكرتني بالفيل انا بكيت من الخوف :(34):كلهم يضحكون وانا ميته من الخوف عالي بشكل مخيف ولما يوقف على حافه الطريق يا ويلي رعب :shutup: عليكم بالف عافيه اما البامبو في رحلتنا الأخيره كان الخشب كله حشرات وقواقع وحلزون يمشي طول ما احنا بالنهر والعيال يناقزون ويصرخون ما أدري وين نروح وطلع لنا بريعصي :205: انا بغيت اقط روحي بالماي ووووووووووووووووواي ذكرى مرعبه بالرحلة الأولى لنا كانت امتع واحلى حتى المكان يختلف كمل متااااااااااااااابعين يازين شرق اسيا زيناااااااااااه :(149): |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) بكل سفراتي لتايلند لازم اخذ معلبات ( شنطة لحالها) قيمر او قشطة واجبان وفول وحمص ومربيات وعسل ومتبل جبن كاسات ...... الخ شاي - حليب - نسكافيه - قهوة واطباق وكاسات وملاعق بلاستيك ونشتري من هناك توست التوست عندهم عجيييييييب ترف وايهبل من بقاالات سفن الفن والحمد لله نسد الجوع ونتعشى بغرفتنا مع سوالف ووناسه اذا ملينا من اكل المطاعم |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) نكمل تقريرنا على بركة الله .. لازلنا نستمتع بجمال الطبيعة في مدينة شانقماي وموعدنا في هذا الجزء مع رحلة الشلالات واعلى قمة جبل في تايلند رحلة الشلالات وزيارة أعلى قمة جبل في تايلند في اليوم الثاني من تواجدنا في شنقماي وبعد رجوعنا من رحلة الفيلة اتصلنا بالاخ حمزة لحجز رحلة لليوم الثاني وكانت الرحلة للشلالات وزيارة اعلى قمة جبل في تايلند مع وجبة غداء شاملة المواصلات من وإلى الفندق وسعر الرحلة للشخص 1200 بات = 136 ريال من 8.30 صباحاً الى 5 مساءً .. (الله يديم الرخص) وفي الوقت المحدد صباحاً انطلقنا بسيارة ميني باص وكان معنا اخ سعودي معه زوجته (صار لي معه قصه غريبة راح اقولها في نهاية الرحلة) وكان الطريق طويل يعني تقريباً مشينا 50 دقيقة الى ان وصلنا للجبل والطريق ملتوي وكل ما ارتفعنا كلما زاد الجو برودة والرذاذ ينزل باستمرار لكن متعة الطبيعة تنسيك طول المسافة .. وهذي صور من الطريق وصلنا لاول محطة وهي عبارة عن شلال توقفنا عندة لمدة نصف ساعة تقريباً .. اول ما تنزل يعلمك السواق الطريق ويعطيك التعليمات ويبلغك الوقت المحدد للجلوس في المكان .. ومشينا للشلال وكان قريب جداً من الموقف .. بس المشكلة ما نقدر ننزل له او نغير المكان التصوير .. يعني هم محددين مكان تشوفه عن طريقة .. المهم اخذت له كم صورة على السريع بعدها استمرينا في الارتفاع والطريق كله انحناءات بس المناظر جميلة وما تشوف الا اللون الأخضر .. ومع الارتفاع وصلنا للغيم وصار الطريق كله غيم والجو بارد إلى أن توقفنا في مكان وسط الغيم فيه كوفي شوب ومحل ملابس وفيه معبد بوذي وفي الجهة الثانية معبد ثاني طور البناء .. الله يهده فوق روسهم :(48): مشكلة الجو ما يخليك تستمتع بالمكان .. تخيل انك وسط الغيم .. الرؤية غير واضحة والملابس تتبلل في ثواني رغم ان نفس السواق اللي معنا طلع لنا شمسيات لكن الجو ما يساعد ولا تقدر تصور لان الكميرات بتتأثر من الرذاذ اللي في ثواني يخلي كل شي رطب وانصح أي واحد يبي يروح ياخذ معه لو جاكيت عن البرد وشمسية .. وهذي صور توضح المكان جلسنا شوي في الكوفي وشربنا قهوة وبعدها كملنا الطريق باتجاه اعلى قمة جبل في تايلند .. الى ان وصلنا لاعلى قمه .. وهو عباره عن زي الحديقة الصغيرة تطلع لها فوق وتحصلهم حاطين فيه لوحة تبين الارتفاع ومكان للتصوير بحيث يوقف الشخص على المكان وبهذا يكون وقف على اعلى قمة في تايلند وهذي صور للمكان .. بعدها رجعنا نازلين ومتوجهين للشلال الكبير وتناول وجبة الغداء في الطريق توقفنا عند محلات تبيع الفواكه وبعض المشغولات اليدوية والتحف ونزلنا نتمشى فيها شوي ونشتري بعدها وصلنا لمكان الشلال وهو عباره عن منتزة فيه مطعم ودورات مياه (تكرمون) وشلال كبير .. .. المهم وقفنا للغداء وطلع السواق جايب معه غداء مخصوص عبارة عن رز وربيان وسلطة وفواكه والسبب ان الاكل اللي في المطعم ماهو حلال http://www.sfari.com/forums/images/icons/112.gif خلصنا الغداء ولله الحمد http://www.sfari.com/forums/images/smilies/tooth.gif واخذنا الكميرا واتجهنا للشلال المكان روعة والشلال كبير وصوته قوي لدرجة اننا ما نقدر نوقف قدامه لان الرذاذ مالي الجو بسبب قوة اندفاع المياه وخفت لا تخرب الكميرا من المويه بعض الصور صورة توضح المكان والشلال .. http://www.arabtrvl.com/up/uploads/a...2377967242.jpg http://www.arabtrvl.com/up/uploads/a...2378284898.jpg بعد ما استمتعنا بالمكان وصورنا وتمشينا انتهت الرحلة ورجعنا للفندق بعد يوم ممتع استمتعنا فيه بالطبيعة في جبال شنقماي الرائعة وانصح اي شخص يزور شنقماي يزور هالاماكن لما فيها من طبيعة وجمال .. طبعاً سالفة الاخ السعودي اللي كان معي في الرحلة خطوة بخطوة وفي نفس السيارة واكلنا في نفس المطعم ورحنا وجينا لمدة نصف يوم .. سالفة غريبة ههههه بعد ما رجعت من السفر بشهر تقريباً وفي رمضان بالتحديد ... كنت انا وبعض الاصدقاء في مناسبة افطار جماعي .. وبعد ما افطرنا وقبل ما نصلي المغرب قالي واحد من الشباب انت رايح لتايلند قلت ايه وجنبه شخص ما اعرفه صراحه .. قالي الشخص اللي معه متى رايح قلت له بتاريخ كذا .. قال انا رايح في نفس التاريخ .. سألني على أي خطوط قلت الخليج قال لا انا رايح مع الاتحاد ... قلت وجهك ماهوب غريب علي .. قال انا بعد شايفك بس وين ما ادري ... واعصر ذاكرتي .. وافكر ... قلت له انت رايح رحلة للشلالات في شانق ماي ؟؟ ... قال معقول انت اللي معي في السيارة هههههه فقلت ايه بس شلون ما عرفتك على طول ... يمكن الشماغ والثوب غير الشكل .. ... سبحان الله على هالصدف .. صدق الدنيا صغيرة نرجع للتقرير .. .. وصلنا عند مارجعنا من رحلة الشلالات طبعاً في الليل عندنا السوق الليلي في شارع الفندق نتمشى فيه ونتعشى في احد المطاعم الموجودة عند الفندق ماكدونالدز .. بيتزا هت .. برقر كنق ..... الخ بس تعبنا من سالفة الاكل .. يعني حتى البرقر والبيتزا ما ناخذ الا مأكولات بحرية او خضار لان ذبحههم ماهو على الطريقة الاسلامية ... والله اشتهيت كبسة رز بلحم ومعها كأس لبن اخخخخ http://www.sfari.com/forums/images/icons/icon10.gif بعد العشاء نرجع للنوم ووقت النوم غالباً من الساعة 9 إلى 10 ليلاً يعني مافيه سهر لان حلاة تايلند في النهار .. ومن صباح الله خير قايمين .. وغير كذا الرحلات متعبة لذلك انصح الاخوان اللي اقامتهم طويلة في شنقماي يخلون يوم رحلة ويوم راحة وتمشي وتسوق افضل لهم لان الرحلات مجهده ووقتها طويل .. اليوم الرابع من تواجدنا في شانقماي بيكون جولة في المدينة على التوك توك انتظرونا .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) شكرًا على الرد ومكملين معك على السرد الأكثر من رائع |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء الجولات الفيلة و القارب رائعة جدا الشلالات واضح انها مرتفعة و قوية لو تفكر تاخذ بيت للكاميرا للمناطق الرطبة !! سالفة السعودي اعرفها ذكرتها مرة قبل الاسعار رخيصة فعلا و هذا ما يميز شرق اسيا الاكل هي المشكلة الكبيرة,,,حتى ماكدو و كنتاكي مو حلال ؟؟ متابع و مستانس يالغالي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ذكرتني برحلة السفاري والعروض والجو العليل الله يَ تايلاند |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) تقرير رائْع ما شاء الله عليك وصف دقيق ذكرتني بايام شنق ماي والجبل والمعبد اللي لازم تلبس لبس طويل لو كنت لابس شورت كمل متابعينك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) والله فكره يوم رحله ويوم تمشي اسواق او رحلات خفيفه اعجبني السواق جايب معه اكل حلال يعجبونك غصب تحياتي لك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يا سلام على شانغ ماي و على جوها الحلو لي ذكريات فيها و المكان الوحيد اللى ما عجبني الشلالات كـــ مكان حلو وشرح و يرد الروح بس الطريق لها اتعبني شوي اذكر يومها سكنا في الهوليداي ان و كان تحت التصليحات و نروح السوق الليلي بالتوك توك تايلاند البلد الوحيد في العالم اللى ما تمل منه يعطيك العافية |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
ههههه الفيل كأنك جالس فوق سطح عمارة http://www.arabtrvl.com/vb/images/icons/icon10.gif حلاة الرحلات بالمواقف هذي سواء كانت مضحكة او مرعبة .. تبقى ذكريات لا تنسى شكراً قصة حب |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
شكراً اختي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
بخصوص المطاعم العالمية ما اعتقد انها حلال لان اهل البلد ماهم من اهل الكتاب عشان ناكل من ذبحهم هذولا بوذيين يعبدون الاصنام .. ولانيب متأكد من ان اللحوم تجي من برا او محلية .. فمن باب الاحتياط ما ناكل الا لحم .. وغالب ما نطلب المأكولات البحرية او الخضار والاشياء الخالية من اللحم .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
تايلند لها وحشة ... تشتاق لاكشنتها ورحلاتها وشعبها المبتسم |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
مشكور الماس |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
صحيح هذي من الاشياء اللي تعلمتها في السفر يوم رحلة ويوم راحة وتمشي في المدينة او تسوق .. لان الرحلات فيها اجهاد وتاخذ وقت طويل من اليوم اما السواق فأكيد موصيه راعي المكتب لانه مسلم مثلنا الله يجزاه خير . مشكور اخوي فيصل . |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
صدقتي .. بلد ما تمل منه ... وين ما تروح اماكن سياحية ورحلات ... بلدهم كله قائم على السياحة مشكورة اختي سوسو |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جولة موفقة هذة اسماء المناطق يلي زرتها قمة دوي انثانون doi Inthanon شلال ماي كلانج Mae Klang Waterfall شلال ماي يا MAE YA WATERFALL http://im63.gulfup.com/KWUB8k.jpg |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء رائع متااابع يعطيك العافية فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) احسنت ع هالتفاصيل الي تشوق وتخلي نار الشوق تستعجل في الحجز اشكرك واشكر ابداعك في تنظيم سفرتك قبل موعدها هذا سر نجاح اي مشروع تتمنى نجاحه بوركت ع هالمعلومات التي تفيد السائح المتوجهه لبلاد السحر والعشق بجمال طبيعتها وناسها البشوشين عكس بعض الناس اعوذ بالله صور ولا اروع سجلني من متابعينك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
ومو فاضي والله أكلم الشباب مع أن الجوازات والله فيها معارف كثيره بس ما أحب أكلم أحد ويمكن هالشيء زين لكم لأن ربعنا أذا غزو تايلندا بتشوفون أسعارهم غير ولا وش رأيك يا فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) رووووعة اخوي فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
ماشاء الله عليك جبتها بالخريطة :(89): يعطيك العافية حبيبي اقتباس:
تشرفنا متابعتك .. وحياك ربي اقتباس:
الله يحييك اختي ومثل ما تفضلتي الحجز المبكر والترتيب قبل السفر من اهم عوامل نجاح الرحلة بعد توفيق الله .. شاكر لك وتشرفنا متابعتك . اقتباس:
حياك فيصل منور التقرير اقتباس:
|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) عدنا من جديد اليوم الرابع من تواجدنا في شانقماي قررنا ما نروح رحلات لاننا مجهدين وحبينا نريح وناخذ لفة في المدينة .. قلنا نغير من التكاسي وناخذ جولة في المدينة على التوك توك وهو عبارة عن دباب ووراه زي العربه تاخذ شخصين .. قلنا تجربة جديدة خاصة ان الجو في شنقماي روعة وغيم ومطر جولة في المدينة على التوك توك في الصباح الباكر وبعد ما انتهينا من الافطار في الفندق نزلنا للشارع لقيت لي واحد معه توك توك وقلت له ابي آخذ لفه على المدينة قالي تدفع 200 بات الف بك و اوديك لمصنع الحرير ومصنع الجلديات والتحف والعسل والذهب وشغلات واجد وقال بتقعد ساعه او ساعتين او عشر بنفس السعر.. قلت له 100 بات ركبنا معك والا مشكور http://www.sfari.com/forums/images/icons/icon50.gif ... قال بـ 200 بات ... شوي الا عجوزما ادري وين طلعت لنا منه .. وتكلمه وتهوش عليه هع هع سلامات http://www.sfari.com/forums/images/icons/icon10.gif طلعت امه ناطله اذنها عندنا وجت تهوش عليه وتقول خذ 100 بات لا اتوطى في بطنك خخخخ المهم وافق على 100 بات (ما يعادل 11 ريال) وركبنا وهذي صورة التوك توك مع الاجودي اللي ودانا يا حليله مغمض من زود الادب http://www.sfari.com/forums/images/icons/grins.gif شغل الدباب ودعس بنا والهواء يهفهف وبراد على كيف كيفك ... قعد يتمشى بنا في شوارع شانقماي وبصراحة متعة ذا التوك توك خاصة اذا كان الجو حلو وانصح زوار تايلند بتجربته وبالتحديد في شنقماي لان الجو يساعد .. وصلنا لمعرض الحرير وهو عبارة عن معرض كبير للحرير من ملابس ومفارش واقمشة والعاب وهدايا وبراويز واشياء كثيرة مصنوعة من الحرير ..مسوين هم حركة حلوة تفيدهم وتجذب السواح ... اول ما توصل يستقبلونك استقبال حلو ويدخلونك ويمرون بك على كل مراحل صناعة الحرير من شكل الدود في البداية الى كيفية تكوين الحرير ويورونك الآلات والناس وهي تغزل الحرير ويشرحون لك كل المعلومات من إلى ... وفي الاخير تدخل المعرض اللي فيه منتوجاتهم وشي طبيعي بتشتري لانك بتستحي عقب هالشروحات تطلع ما شريت هع هع المهم تفرجنا على منتوجاتهم وشرينا بعض الاغراض وهذي صور للمكان وهذي صور المعرض او الحرير في شكله النهائي بعدها رحنا لمعرض الذهب وهو عبارة عن صالة كبيرة فيها اشكال وانواع الذهب والفضة والألماس ونفس الطريقة يستقبلونك ويمرون بك على الذهب ويحاولون يقلبون راسك بس المشكله هنا اذا بغيت تشتري بتدفع مبلغ وقدره يعني ماهي فوطة مصنوعه من الحرير تشتريها تسكيت http://www.sfari.com/forums/images/icons/grins.gif هع هع والا فيل صغير مصنوع من القطن هع هع ... المهم قلت للمدام ابشري بالخير ... واخذنا فيه لفة وصراحة اسعارهم مناسبة وجيدة مقارنة بالاسعار عندنا في السعودية ... هذي صور لمعرض الذهب طلعنا من الذهب ورحنا لمحل يبيع العسل واستقبلونا استقبال مميز كعادتهم وجاء واحد يتكلم لغة عربية وقال تفضلوا ودخلنا في غرفه مكيفة وفيها طاوله وكراسي وقعد يشرح عن العسل وانواعه وقعد يذوقنا .. طبعاً انا اقدر اقوله شكراً وامسك الباب ولا يقدر يقول شي لان المسألة حرية شخصية .. لكن ماخذينها على سعة الصدر ونحاول قدر المستطاع ما نأثر على الميزانية ... المهم الرجال ذوقنا من العسل وقال انه يجي من الجبال وطبيعي جداً وبدون سكر وشريت منهم كيلو بـ 160 ريال تقريباً وبصراحه بعد ما رجعت تحسفت اني ما اخذت اكثر لجودة العسل ولرخص سعره مقارنة بالاسعار عندنا .. وهذي صور للمكان بعدها رحنا لمعرض الجلود وهو عبارة عن منتجات كلها مصنوعة من الجلد مثل الشنط والجزم (اعزكم الله) والاحزمة والمحافظ واشياء كثيرة اول ما دخلنا لقينا هالمملوح عند الباب ... شكلهم مخططين على الفرو حقه http://www.sfari.com/forums/images/icons/grins.gif بس ما اعجبنا المعرض والاسعار شوي غاليه فطلعنا من المكان .. طبعاً في هالفترة قعدت افكر في راعي التوك توك شلون ياخذ 100 بات وهو مضيع كل هالوقت واللي زاد استغرابي انه اعجبته السالفه وناوي يمر بنا على كل معارض شنقماي http://www.sfari.com/forums/images/icons/icon10.gif هع هع !! اثاري المملوح ياخذ عمولة من كل معرض يمره هههههههههه :(47): المهم ملينا وقلنا يكفي رجعنا للفندق... ريحنا في الفندق والعصر طلعنا لمجمع Pantip Plaza القريب من الفندق وهو خاص بالاجهزة الالكترونية والكميرات والجوالات والكمبيوترات والاجهزة الكهربائية .. بس ممنوع دخول الكميرا .. تسوقنا وشريت شنطة للكاميرات الاحترافية فيها اماكن للعدسات وجميع مستلزمات الكميرا .. وبعدها رجعنا الفندق .. طبعاً اليوم التالي بتكون رحلتنا لجزيرة بوكيت فقلنا نستغل باقي هاليوم وسمعنا عن شي اسمه نايت سفاري وهو عبارة عن سفاري ليلية فقلنا نحلل الليلة الاخيرة في شنقماي.. النايت سفاري دقيت على الاخ حمزة (مكتب مهاجرين) وقلت له ابي اطلع سفاري الليلة وحجزت من عنده بـ 500 بات للشخص يعني ما يعادل 56 ريال وتبدأ الساعة 8.45 مساءً النايت سفاري عبارة عن عربات تمشي في وسط غابة فيها حيوانات كثيرة منها الاليف ومنها المتوحش ويوجهونك ما ترفع صوتك في الكلام ولا تستخدم الفلاش في الكميرات عشان ما تنزعج الحيوانات لانها مطلوقه بدون شبك او شي ... المهم ركبنا وصاروا يمرون بنا على كل نوع ويولعون بالانوار عليها ويشرحون عنها ويروحون للي بعدها وجلسنا على هالحالة لمدة ساعة او اقل شوي .. وبصراحة البرنامج اعتبره عادي جداً مقارنة بتجهيزات المكان والتنظيم الرائع .. والسبب اننا ما نشوف الحيوانات زين ولا نقدر نصور بسبب ضعف الاضاءة ومنع الفلاش يعني مكان عادي من وجهة نظري .. وهذي بعض الصور واعتذر لقلة الدقة بسبب ضعف الاضاءة في المكان .. بعدها قدموا لنا عروض للنوافير (ضمن التذكرة) وهي عبارة عن نوافير معها اضواء مصاحبة وتسوي اشكال والوان جميلة بعد انتهاء عرض النوافير مرينا معرض فيه اشياء تذكارية عن المكان وصور للحيوانات .. وانتهت رحلة النايت سفاري ورجعنا للفندق لتجهيز الشنط والاستعداد للسفر لجزيرة بوكت .. قبل ما انتقل لبوكيت حبيت اذكر بعض الاماكن اللي سمعنا عنها في شانق ماي ولا زرناها ، اما بسبب ضيق الوقت او لعدم رغبتنا الشخصية فيها لكني بذكرها عشان الجميع يستفيد من المعلومات ويبحث عنها بشكل اكبر اذا هي تستحق الزيارة او لا .. - قبيلة الاعناق الطويلة – شانق راي – المثلث الذهبي – المدينة العتيقة – عروض القردة والافاعي – العين الحارة وبكذا انتهت مدة اقامتنا في شانقماي (4 ليالي) وكانت ولله الحمد جميلة ومميزة والجو فيها رائع ومعها راح انهي هذا الجزء اللي اتمنى يكون مميز وجميل وان شاء الله نكمل رحلتنا الى جزيرة بوكيت ومافيها من رحلات بحرية وتغطيات كثيرة ان شاء الله ... وصلى الله وسلم على نبينا محمد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ما شاء الله عليك ما خليت شئ ما ذكرته في شيانغ ماي شكرًا لك ولا تنسانا بأسعار الرحلات ببوكيت وبانكوك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ماشاء الله تقرير من العيار الثقيل تايلند بلد جميل ويستحق الزياره التقرير مميز بكل تفاصيله وصوره الجميله بدأت اغير فكرة السفر لكوريا شكلي بستقر ع تايلند واكنسل كوريا ايش رايك تايلند - اليابان - هونغ كونغ اخوي فهد انا مستغرب طلعت التاشيره من الرياض ليش مو ممنوع انا اذكر واحد من الزملاء مدمن تايلند بس يقول انه يفيز دائما من المطار متابعين معاك بقية التقرير الجميل |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اثاري المملوح ياخذ عمولة من كل معرض يمره هههههههههه ايا السرسري http://www.arabtrvl.com/vb/images/Smilies/%2847%29.gif خخخخخخخخخخ فكر ما فيه معلوم هذي طريقتهم في ماليزيا وسريلانيكا وبكل مكان يا أخي حتي الباص اللي يأخذ ناس من الرياض عمره اا وقف في حلبان او اي ديره يدفع له راعي المحطه ناس تجيب زبون فيه تسويق شكرا لك علي تقرير المدينه الجميله |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ياسلام عليك اخوي فهد ننتظرك في تقرير بوكيت اخوك كون تيب[you] |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) خووووووووووش رحلات حلوة والصور رائعه جدا تسلم يمناك :(6): وصحيح مثل ما قال بو خالد هم ياخذون عمولات في ماليزيا شفتهم يختمون على ورق عندهم لما وصلنا لمصنع القهوة وبتايلند نفس الشي ذكرتني في بوكيت وايامها الحلوة وبخاطري الكازو الحين والمصنع مالهم يونس لازم اشتري كل ما اروح منتظرين حكايات بوكيت الجميله متابعه وبقوة ،،،،،،،، |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
ابشري اختي .. تابعي معنا وما يصير خاطرك الا طيب |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
والله يا فارس انا مازرت كوريا واليابان لكن احسهم متشابين وتايلند بلد حلو وفيه اكشنه ورحلات كثيرة خاصة في بوكيت والاسعار معتدلة مقارنة بغيره من دول جنوب وشرق اسيا . فحلو لو تمره قبل اليابان وهونغ كونغ اما بخصوص الفيزا فالغالب يطلعونها فالمطار ولا يدرون عن هالمعلومة .. تقدر تطلعها من القنصلية في الرياض يفيزون لك رغم المنع .. وفيه ناس تطلع فيزا رجال الاعمال عشان ما تتعرض للمسائلة عند تجديد الجواز وكلها واسطات .. حياك ربي ويا ليت تتابع معنا باقي التقرير .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اي والله فكر مافيه معلوم ههههه |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
حياك اختي قصة حب .. منوره بمداخلاتك الجميلة .. وان شاء الله بيكون جزء بوكيت جميل برحلاته الحلوة تحياتي لك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) حرير و جلود وذهب و عسل جولة ممتازة بس بدها ضبط اعصاب و الا تفلت الميزانية و اعجبني انك حللت اليوم بجولة السفاري قرية الاعناق الطويلة اظن انهم اهل الاطواق بالرقبة !! تسلم ايدك متابع معاك الى بوكيت |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) استمتعت جدا بجزء شانغماى متفائل بتقرير بوكيت وبانتظارة |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء رائع متااابع يعطيك العافية فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) انشطة متنوعة وجميلة ما اعجبني السفاري الليلي احس انه مافيه متعة في ترقب لجزء بوكيت |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) واصل ي مبدع ، تقرير مشوق انتظر جزء الجميله بوكيت |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) آآآه يا تايلاند رحلات حلوة و تاخذ فكرة عنها خسارة ما جربت قرية الاعناق الطويلة فكرة تشوفهم بس لازم تدفع عشان تشوفهم خخخخخ كل شي بفلوس مصنع الذهب ما رحتله ... تحسفت اني ما شريت من مصنع الحرير كان عنده اشياء حلوة يعطيك العافية متابعين |
| الساعة الآن 06:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO