شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة تايلند (https://www.arabtrvl.com/vb/f120.html)
-   -   ياعيون الكون غضي بالنظر ،، (تقرير تايلند) (https://www.arabtrvl.com/vb/t6516.html)

فهد المنيع 20-05-2015 11:44 PM

ياعيون الكون غضي بالنظر ،، (تقرير تايلند)
 
العرب المسافرون تايلاند

بسم الله الرحمن الرحيم



أقدم لكم رحلتي السابقة لبلد الابتسامة والطبيعة تايلند وان شاء الله تعجبكم


في البداية كنت أفكر قبل موسم الصيف عن البلد المناسب لقضاء الإجازة وطرحت أكثر من بلد وبحثت عن طريق الانترنت عن مميزات كل بلد من طبيعة ومرافق سياحية وتسوق وغيرها.. وكم التكلفة المتوقعة ومناسبتها لميزانيتي ..

وبعد البحث ومشاورة بعض الاصداقاء استقر الرأي على تايلند لتكون وجهتي في الصيف .. لعدة أسباب من أهمها: الطبيعة الساحرة - اعتدال الأسعار - المعاملة الطيبة للسياح - النظام ..


وبدأت مرحلة جمع المعلومات وقراءة البلد من جميع النواحي قبل موعد السفر بـ 4 شهور وبعدها بديت بحجوزات الطيران وبحثت عن رحلة مناسبة خاصة ان مافيه رحلات دايركت من السعودية ... بعد البحث استقريت على طيران الخليج ( الرياض- البحرين- بانكوك) والعودة (بانكوك - البحرين – الرياض) والتوقف في البحرين ننتظر في نفس الطيارة ينزلون ركاب ويجي غيرهم ..

سعر التذكرة 2470 ريال للشخص ...بعد الحجز بديت التخطيط لتوزيع أيام الرحلة على المدن المقترح زيارتها ..


أفراد الرحلة : أنا والمدام


14ليلة (15 يوم) وزعتها كالتالي :
4 ليالي شانق ماي Chiang Mai
6 ليالي بوكيت Phuket
4 ليالي بانكوك Bangkok


الخطوة التالية هي إخراج الفيزا (التأشيرة) وحجز الطيران الداخلي والفنادق ..

الفيزا طلعتها عن طريق احد المكاتب السياحية في الرياض وسعرها 130 ريال


وهذي هي


http://www.arabtrvl.com/up/uploads/a...2151057437.jpg



خطة السير بتكون :

الوصول لبانكوك واخذ طيارة داخلية لشانق ماي مباشرة وبعدها طيران لبوكيت وبعدها طيران لبانكوك ثم العودة .

تم حجز الطيران الداخلي على الخطوط التايلندية (Thai)

صراحة طيران اكثر من رائع .. خدمة مميزة ودقة في المواعيد

قيمة التذكرة 1600 ريال للشخص



بعد ما انتهيت من حجز الطيران بديت في حجز الفنادق .. وكانت أهم النقاط اللي ركزت عليها هي موقع الفندق ونظافته وخدمته المميزة ويكون ضمن الفئة 4 او 3 نجوم قدر المستطاع .. وبحثت في الانترنت عن أفضل الفنادق في كل مدينة إلى أن سويت لي قائمة بأفضل الفنادق في كل مدينة وشيكت على الأسعار إلى أن توكلت على الله وحجزت الفنادق التالية :


- شانق ماي: فندق رويال برنسيس (Royal Princess) فئة 4نجوم ( 4 ليالي)

- بوكيت : منتجع موفنبيك (Movenpick) فئة 5نجوم (ليلتين) شاطئ الكارون ... فندق الهولدي ان (Holiday Inn) فئة 4نجوم شاطئ الباتونق (4ليالي)

- بانكوك : فندق بايوك سكاي (Baiyoke Sky) فئة 4نجوم (4 ليالي)

وراح اتكلم ان شاء الله عن كل فندق بالتفصيل من خلال التقرير ..


بالنسبة للفلوس أخذت معي مبلغ بالدولار وفيزا راح استخدمها في الشراء من الأسواق والمحلات الكبيرة



انطلقنا على بركة الله وتوفيقه من الرياض الساعة 6 مساءً وتوقفنا في البحرين .. والتوقف كان لمدة ساعة طلبوا منا ننزل لطيارة ثانية واستغليناها فرصة نصلي المغرب والعشاء جمع تقديم واقلعنا إلى بانكوك ومدة الرحلة 6 ساعات ونصف تقريباً وكانت الطيارة غالبيتها أوربيين وأجانب والحمد لله بعد ما أكلنا وجبة الطيارة حطيت راسي وغطيت في سابع نومه لمدة 3 ساعات http://www.sfari.com/forums/images/icons/044.gif وحسيت إننا وصلنا بسرعة بعكس الرجعة اللي كانت معاناة http://www.sfari.com/forums/images/icons/sad2.gif


كان المقرر الوصول إلى مطار بانكوك الساعة السابعة صباحاً وكنت حاجز رحلة من بانكوك إلى شانق ماي في نفس اليوم الساعة 10 الصباح يعني ماله داعي أضيع لي يوم في بانكوك وأنا ابرجع لها آخر محطة خاصة ان مامعي اطفال .. المهم وصلنا متأخرين ساعتين عن الموعد المحدد :(7):


يعني مهما تحسبها صح ممكن ما تمشي معك :(59):


وبسرعة نزلنا من الطيارة :(22):


واستلمنا الأمتعة وختمنا القدوم بسهوله ويسر الحمدلله وعلى الصالات الداخلية ركض ركض :(47):


وصلنا وباقي على الاقلاع ساعة إلا ربع تقريباً وقصينا البوردنق :(127):


وفي نفس الموعد اقلعنا إلى شانق ماي على الطيران التايلندي وصراحة فرق عن طيران الخليج في الخدمة والتنظيم .. ولما اقتربنا من شانق ماي اخذت هالصورة من الجو


http://www.arabtrvl.com/up/uploads/a...2150677131.jpg




شانق ماي Chiang Mai

شانق ماي مدينة تقع في شمال تايلند وتعبر ثاني اكبر مدينة في تايلند وطبيعتها جبلية وتتميز بطبيعة ساحرة من جبال الى انهار وشلالات وجوها روعه .. جلسنا فيها 4 ايام ما شفنا فيها الشمس الا 10 دقايق تقريباً


بعد ما استلمنا الامتعة في مطار شانق ماي اخذنا تاكسي من المكتب اللي خارج المطار لأنه ارخص من مكاتب التكاسي اللي بالداخل وتوجهنا لفندق رويال برنسيس مقر اقامتنا وكان الجو غيم ومنعش والارض واضح عليها نزول المطر ..

وصلنا لفندق رويال برنسيس وبصراحة شكله الخارجي قديم لكن من الداخل حلو واثاثه جديد وخدمتهم جيده وأول ما وصلنا ضيفونا عصير وأعطيناهم فوشرات الحجز وبسرعة خلصوا امورنا ... واكثر شي اعجبني في الفندق موقعه .. يعني نفس ما سمعت عنه .. موقعه في قلب الحدث .. تطلع من الفندق تلقى قدامك كل شي .. محلات صرافه .. مطاعم .. كفيات .. السوق الليلي (نايت بازار) .. سوبر ماركت .. مكاتب سياحية .. يعني ما تحتاج للتاكسي ابد .. وفيه مجمع تجاري اسمه Pantip Plaza كله محلات الكترونيات واجهزة (جوالات – كميرات – اجهزة منزليه .......الخ) وموقعه اول ما تطلع من الفندق خذ الشارع يمين وبتمشي لك مسافه 200 متر تقريباً وتحصله على يدك اليمين


هذي بعض الصور لفندق رويال برنسيس..





http://www.arabtrvl.com/up/uploads/a...2150677183.jpg

http://www.arabtrvl.com/up/uploads/a...2150677162.jpg

http://www.arabtrvl.com/up/uploads/a...2150677214.jpg

http://www.arabtrvl.com/up/uploads/a...2150677235.jpg

http://www.arabtrvl.com/up/uploads/a...2150677256.jpg

هذا الحمام (اعزكم الله)



بعد ما ارتحنا شوي نزلنا نستكشف المكان ونتمشى شوي خاصة اننا واصلين الظهر ومعنا النهار كله .. واشترينا بعض الأغراض ورجعنا للفندق .. طبعاً الآن لازم ارتب للرحلات من بكره وكنت ماخذ رقم مكتب اسمه مهاجرين لاخوان مسلمين من تايلند مدحوه بعض الشباب في النت .. اتصلت عليهم من الفندق وسألتهم عن موقعهم وعن رحلاتهم فقالوا بنرسل لك السواق ياخذك من الفندق وفعلاً جاء السواق واخنا للمكتب وطلع خطوتين عن الفندق واستقبلنا الاخ حمزة وعطانا برنامج الرحلات اللي عنده ورشح لنا الأفضل منها واتفقنا معه على اول رحلة وهي ركوب الفيلة وركوب البامبو في النهر وركوب العربات اللي تجرها الجواميس وعروض الفيلة مع وجبة غداء ..

طبعاً هو قالنا مدامكم في النهار انصحكم تاخذون جولة في النهر اللي يمر في وسط المدينة وتشوفون معالمها وبلغنا انه قريب من هنا وقال بخلي السواق يوديكم ويرجعكم مجاناً الله يجزاه خير

توجهنا للنهر وقصينا التذاكر بـ 250بات يعني بحوالي 28 ريال للشخص ..

ركبنا قارب طويل ومعنا مجموعة من السياح ومشى في النهر بسرعة بطيئة والجميع يصور ويتفرج على المدينة وعلى الصيادين والمطاعم وبيوت الأثرياء والفنادق والجو كان غائم والهواء يالله براد الجنة وهذي بعض الصور




http://www.arabtrvl.com/up/uploads/a...2150677277.jpg

http://www.arabtrvl.com/up/uploads/a...2150677298.jpg

http://www.arabtrvl.com/up/uploads/a...2150677319.jpg

http://www.arabtrvl.com/up/uploads/a...1506773310.jpg

http://www.arabtrvl.com/up/uploads/a...2151057291.jpg

http://www.arabtrvl.com/up/uploads/a...2151057322.jpg



http://www.arabtrvl.com/up/uploads/a...2151057343.jpg






بعد ما يقارب الساعه وقفنا في مكان فيه مطعم صغير وقدموا لنا فواكه وعصير من ضمن سعر التذكرة واسترحنا فيه لمده 20 دقيقة تقريباً ونزل المطر ماشاء الله ، وبعدها رجعنا للمكان اللي انطلقنا منه والسماء كل شوي تمطر والجو جميل .. ووصلنا لمحطة البداية بعد ما قضينا حوالي ساعة ونصف في النهر والوقت قارب للمغرب .. ولقينا سواق مكتب مهاجرين ينتظرنا واخذنا للفندق ..


والجزء القادم بيكون فيه اول الرحلات بمشيئة الله ... لا تروحون بعيد :(125):

Haksa77 20-05-2015 11:49 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
بداية موفقة ورائعة
ماشاء الله شكل الفندق روووعة
أحجز مقعد لي في الدرجة الأولى للمتابعة [emoji6] [emoji6]
متااابع وياااك يالغالي
يعطيك العافية فهد

ام عزيـــز 20-05-2015 11:54 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ما شاء الله ...
جمع المعلومات و التخطيط الجيد من اهم عوامل نجاح الرحله
يبدو انها رحله موقفه - صور ناااااااااطقه و جميله

يعطيك العافيه
متابعين


فيصل 21-05-2015 12:03 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اختيار مميز

بس دور من يجدد لك الجواز
ماشاءالله توفقتم بالمكتب يا ليت معلومات عنه وأرقام للتواصل معه
من التقارير اللي يحتاجها أي شخص لأنها عائليه
شاكر ومقدر لك

A.Alsubhi 21-05-2015 12:07 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ماشاء الله تبارك الله بداية مشوقه للغاية ... بانتظار التكمله

تايلند ودي اروح لها بس خايف من المنع

تاي بن تاي 21-05-2015 12:55 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
تقرير ممتاز متعوب علية
من ترتيب واخراج
و فية تفاصيل ووصف دقيق
عالقوة

اخوي فهد الله يسعدك
باي شهر سافرت

متابعينك

glidoes 21-05-2015 01:44 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 


ماشاءالله بداية جميلة

واختيار موفق لبرنامج الرحلة

في شوق لمعرفة معالم وانشطة شنغ ماي

تحياتي


|القحطاني| 21-05-2015 01:48 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
والله الموضوع جمييييييييل والصور روعة

تقرير رهيب

الله يعطيك العافية > متااااااااااااابع

A.S.H.R.A.F 21-05-2015 02:04 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
بداية موفقة ورائعة

تقرير ممتاز

تحياتي


فهد المنيع 21-05-2015 07:31 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة Haksa77 (المشاركة 107639)
بداية موفقة ورائعة
ماشاء الله شكل الفندق روووعة
أحجز مقعد لي في الدرجة الأولى للمتابعة [emoji6] [emoji6]
متااابع وياااك يالغالي
يعطيك العافية فهد

حاجر لك مقعد جوا القلب بعد :(148):

تسلم وحياك في اي وقت

فهد المنيع 21-05-2015 07:35 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة ام عزيـــز (المشاركة 107642)
ما شاء الله ...
جمع المعلومات و التخطيط الجيد من اهم عوامل نجاح الرحله
يبدو انها رحله موقفه - صور ناااااااااطقه و جميله

يعطيك العافيه
متابعين



كلامك عن التخطيط الجيد من اهم عوامل نجاح الرحلة صحيح 100%
اقولك ليش ..

لو اني ما طلعت التأشيرة في الرياض كان ما لحقت على الرحلة الداخلية . واضطريت اطلعها من المطار واحتاس البرنامج كله .. وكل شي بتوفيق رب العالمين

شكراً ام عزيز

Mr.sh7i 21-05-2015 07:37 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ما شاء الله تقرير مشوق من البدايه ..

فهد المنيع 21-05-2015 07:37 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة فيصل (المشاركة 107650)
اختيار مميز

بس دور من يجدد لك الجواز
ماشاءالله توفقتم بالمكتب يا ليت معلومات عنه وأرقام للتواصل معه
من التقارير اللي يحتاجها أي شخص لأنها عائليه
شاكر ومقدر لك

جددناه ابشرك :(153):

وبخصوص المكتب ما عندي رقمه حالياً لكن اببحث عنه ان شاء الله

منور اخوي فيصل ويسعدني متابعتك للتقرير

فهد المنيع 21-05-2015 07:38 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة ابو عمر _ JDH (المشاركة 107653)
ماشاء الله تبارك الله بداية مشوقه للغاية ... بانتظار التكمله

تايلند ودي اروح لها بس خايف من المنع

حياك ابو عمر ..

المنع مشكلته بس عند تجديد الجواز وغيره مافيه اي مشكلة .

شاكر لك حضورك

فهد المنيع 21-05-2015 07:39 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة تاي بن تاي (المشاركة 107719)
تقرير ممتاز متعوب علية
من ترتيب واخراج
و فية تفاصيل ووصف دقيق
عالقوة

اخوي فهد الله يسعدك
باي شهر سافرت

متابعينك

يا هلا وغلا فيك ..

السفرية في شهر اوقست

A.Alsubhi 21-05-2015 08:29 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة فهد المنيع (المشاركة 107809)


حياك ابو عمر ..

المنع مشكلته بس عند تجديد الجواز وغيره مافيه اي مشكلة .

شاكر لك حضورك

هذي المشكله خصوصاً مدة انتهاء الجواز قليله 5 سنوات ... انا لو اضمن انه فقط مخالفه تدفع مبلغ مالي كان رحت بس الخوف منع ودفع مبلغ

قصة حب 21-05-2015 11:39 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
يا سلام على تايلند وايامها
شنغماي حلوة بس مرة ولا تعيدها
بدايات حلوة وتخطيط سليم ميه ميه
عليكم بالف عافيه
متابعة معاكم احجز لي مقعد بالفيرست كلاس

قصة حب 21-05-2015 11:40 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ياريت اخوي فهد تذكر سعر الفندق ومن وين حجزت ؟؟

طارق عنايات 21-05-2015 11:53 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
بداية جميلة اخوي فهد

اظن مقعدي محجوز حتى لو تاخرت شوي

الجولات النهرية جميلة جدا و السعر رخيص جدا

اختيار موفق للفندق

الصور ما في داعي للكلام ,,ما شاء الله عليك ..مبدع


متابع معاك يالغالي

ابراهيم 21-05-2015 12:20 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
بداية موفقة .... تقرير ممتع .... تسلم
كيف كانت اسعار الفنادق والمناشط السياحة والتكاسي ؟؟؟؟

فهد المنيع 21-05-2015 02:47 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة glidoes (المشاركة 107740)

ماشاءالله بداية جميلة

واختيار موفق لبرنامج الرحلة

في شوق لمعرفة معالم وانشطة شنغ ماي

تحياتي


ابشر باللي يطيب خاطرك ..

شاكر لك

فهد المنيع 21-05-2015 02:50 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة |القحطاني| (المشاركة 107741)
والله الموضوع جمييييييييل والصور روعة

تقرير رهيب

الله يعطيك العافية > متااااااااااااابع


الله يعافيك يالقحطاني وتسعدني متابعتك :(55):

فهد المنيع 21-05-2015 02:53 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة A.S.H.R.A.F (المشاركة 107744)
بداية موفقة ورائعة


تقرير ممتاز

تحياتي


يسلمك ربي .. شاكر لك

فهد المنيع 21-05-2015 03:05 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة كلاسيك مود (المشاركة 107806)
ما شاء الله تقرير مشوق من البدايه ..


مشكوووور

فهد المنيع 21-05-2015 08:26 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة ابو عمر _ JDH (المشاركة 107824)
هذي المشكله خصوصاً مدة انتهاء الجواز قليله 5 سنوات ... انا لو اضمن انه فقط مخالفه تدفع مبلغ مالي كان رحت بس الخوف منع ودفع مبلغ

اذا جيت تجدد الجواز شف لك واحد يضبط وضعك :santa_1: وان شاء الله تمشي الامور



اقتباس:

المشاركة الأصلية كتبت بواسطة قصة حب (المشاركة 107906)
يا سلام على تايلند وايامها


شنغماي حلوة بس مرة ولا تعيدها



بدايات حلوة وتخطيط سليم ميه ميه


عليكم بالف عافيه




متابعة معاكم احجز لي مقعد بالفيرست كلاس



حياك اختي قصة حب ومقعدك محجوز اكيد وبخصوص الاسعار باذن الله راح ارجع لها واتأكد منها واذكرها



اقتباس:

المشاركة الأصلية كتبت بواسطة طارق عنايات (المشاركة 107918)
بداية جميلة اخوي فهد

اظن مقعدي محجوز حتى لو تاخرت شوي

الجولات النهرية جميلة جدا و السعر رخيص جدا

اختيار موفق للفندق

الصور ما في داعي للكلام ,,ما شاء الله عليك ..مبدع


متابع معاك يالغالي

تسلم حبيبنا طارق ومقعدك في المقدمة دائماً

شاكر لك متابعتك ..


اقتباس:

المشاركة الأصلية كتبت بواسطة ابراهيم (المشاركة 107931)
بداية موفقة .... تقرير ممتع .... تسلم
كيف كانت اسعار الفنادق والمناشط السياحة والتكاسي ؟؟؟؟


حياك ربي والاسعار معتدله ..

فهد المنيع 21-05-2015 08:58 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
نكمل معكم اليوم الثاني من رحلتنا لشانق ماي

صحينا بدري وافطرنا في الفندق وجهزنا انفسنا للرحلة الأولى وهي عبارة عن: (عروض الفيلة-ركوب العربات اللي تجرها الجواميس-ركوب البامبو في النهر-عروض الفيلة-وجبة غداء) قيمة الرحلة 1400 بات ما يعادل 159 ريال للشخص شاملة المواصلات والغداء من 9 صباحاً الى 5 عصراً...

وفي الساعة 9 صباحاً جاء سواق المكتب وطلع حرمه :(37):

راعي المكتب الله يجزاه خير من حرصه علينا ارسل لنا حرمه مسلمه محجبه من باب احترام الخصوصية ههههه

ما يخالف لكن بنت الناس كنها تمشي على بيض :(47):

بغيت اقول لها اركبي مع المدام وانا اسوق ...


المهم مشينا والمناظر ماشاء الله حلوه والجو لطيف ..

وهذي صور من الطريق

http://www.arabtrvl.com/up/uploads/a...2228478251.jpg

http://www.arabtrvl.com/up/uploads/a...2228478272.jpg


وصلنا للموقع وكانت البداية بعروض الفيلة .. لعب كرة القدم وكرة سلة ورقص ،، والغريب ان فيلين قعدوا يرسمون لوحات تشكيلية :201:
صراحه حلوة وعرضوها للبيع بعد ما انتهت العروض

وهذي صور لعرض الفيلة

http://www.arabtrvl.com/up/uploads/a...2228478324.jpg

http://www.arabtrvl.com/up/uploads/a...2228478345.jpg

http://www.arabtrvl.com/up/uploads/a...3222847833.jpg

http://www.arabtrvl.com/up/uploads/a...2228478376.jpg

http://www.arabtrvl.com/up/uploads/a...2228478397.jpg



بعد عرض الفيلة توجهنا لركوب العربات الخشبية اللي تجرها الجواميس وكانت تجربه مضحكة وممتعة في نفس الوقت والجو عليل والمناظر حلوة

http://www.arabtrvl.com/up/uploads/a...2228478428.jpg

http://www.arabtrvl.com/up/uploads/a...2228478449.jpg

http://www.arabtrvl.com/up/uploads/a...2284784610.jpg

http://www.arabtrvl.com/up/uploads/a...2228845641.jpg



بعدها وقفونا في مكان فيه محلات تبيع ملابس ومشغولات يدوية وريحنا فيه بعض الوقت


http://www.arabtrvl.com/up/uploads/a...2228845672.jpg

http://www.arabtrvl.com/up/uploads/a...3222884573.jpg




وبعدها ركبنا الفيل ..في البداية كان مخيف شوي وارتفاعه عالي لكن تجربه رائعة استمتعنا فيها وخاصة انه يمشي في غابة وبين اشجار واحياناً نتقابل مع فيل ثاني في مناطق ضيقة يعني فيه اكشن حلو ..

والسواق مقلع .. شوي يجلس على رقبته وشوي ينزل ويخلينا لحالنا :(7): وشوي يتعلق عليه .. صراحه لعبتهم الفيل ذا التايلنديين http://www.sfari.com/forums/images/icons/icon10.gif كنهم بعض ربعنا مع الاباعر هههههههه


http://www.arabtrvl.com/up/uploads/a...2228845724.jpg

http://www.arabtrvl.com/up/uploads/a...2228845745.jpg

http://www.arabtrvl.com/up/uploads/a...2228845766.jpg




بعد الفيلة ركبنا البامبو وهو عباره عن قارب من القصب يمشي في النهر وسط الجبال وبين الاشجار والجو يرد الروح .. براد ورذاذ يالله الجنه


http://www.arabtrvl.com/up/uploads/a...2228845797.jpg

http://www.arabtrvl.com/up/uploads/a...2228845818.jpg

http://www.arabtrvl.com/up/uploads/a...2228845849.jpg

http://www.arabtrvl.com/up/uploads/a...2288458610.jpg



بعدها قدموا لنا وجبة الغداء ... الله يكرم النعمة ما اكلنا منها شي :(58):

اسوء مافي تايلند الاكل ..


وبكذا انتهينا من الرحلة ورجعنا للفندق .. وفي الطريق مرينا معرض للزهور الدخول بالمجان فقلنا نتفرج شوي على بعض الزهور .. بس طلع خاص بزهرة الاوركيد وهذي بعض صور الزهور

http://www.arabtrvl.com/up/uploads/a...2228947073.jpg

http://www.arabtrvl.com/up/uploads/a...2228947052.jpg

http://www.arabtrvl.com/up/uploads/a...2228947021.jpg


وبكذا انتهى اليوم الاول من الرحلات واللي كان مميز وفيه تجارب حلوة والاجمل من هذا الجو اللطيف والممطر بين جبال شانق ماي الخضراء .. ورجعنا للفندق ..


في الليل يبدا النايت بازار (السوق الليلي) وهو عباره عن كوشكات تبيع الملابس والتحف والشنط والاشياء اليدويه والجلديات والماركات المقلدة وكل شي .. بس لازم تكاسرهم في السعر يعني لو قالك 500 بات قله بـ 100 بات ..

كالعادة في الليل نطلع بشكل خفيف في المنطقة المجاورة للفندق وغالباً للعشاء او التسوق وبعدها نرجع للنوم المبكر والاستعداد للرحلات في اليوم التالي ..


وهذي صور للسوق الليلي اخذتها من نافذة غرفة الفندق


http://www.arabtrvl.com/up/uploads/a...3222894714.jpg

http://www.arabtrvl.com/up/uploads/a...2228947125.jpg

http://www.arabtrvl.com/up/uploads/a...2228947156.jpg



وهنا راح اتوقف وترقبوا في الجزء القادم رحلة الشلالات واعلى قمة في تايلند

تحياتي للجميع :(114):

Haksa77 21-05-2015 10:07 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
جزء رائع
فعاليات جدا روووعة ماشاء الله
متااابع وياااك
يعطيك العافية

nice man 22-05-2015 12:53 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
يعطيك الف عافية

تقرير موفق ربي يسعدك

ولكن لفت انتباهي سعر تذكرة الطيران التايلندي بـ1600 للشخص ؟؟!!!

السعر غالي ممكن اعرف السبب لاهنت

فيصل 22-05-2015 03:16 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
الله يديم الرخص

يا عمار

http://www.arabtrvl.com/up/uploads/a...2228845797.jpg

شكرا لك

A.S.H.R.A.F 22-05-2015 09:05 AM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ماشاء الله عليكـ

مناظر ترد الروح ...

يعطيك العافية

فهد المنيع 22-05-2015 02:02 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة Haksa77 (المشاركة 108125)
جزء رائع
فعاليات جدا روووعة ماشاء الله
متااابع وياااك
يعطيك العافية

الله يعافيك ويشرفنا متابعتك

فهد المنيع 22-05-2015 02:04 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة @ الحنوووون @ (المشاركة 108197)
يعطيك الف عافية

تقرير موفق ربي يسعدك

ولكن لفت انتباهي سعر تذكرة الطيران التايلندي بـ1600 للشخص ؟؟!!!

السعر غالي ممكن اعرف السبب لاهنت

الله يعافيك

السعر لثلاث رحلات

من بانكوك لشانق ماي ومنها لبوكيت ومنها لبانكوك

فهد المنيع 22-05-2015 02:13 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة فيصل (المشاركة 108238)
الله يديم الرخص

يا عمار

http://www.arabtrvl.com/up/uploads/a...2228845797.jpg

شكرا لك



حياك اخوي فيصل .. ويا زينهم ورحلاتهم لما تقارنها بالاسعار عندنا تصيح .. وعلى ايش ما ادري :(59):

فهد المنيع 22-05-2015 02:14 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة A.S.H.R.A.F (المشاركة 108297)
ماشاء الله عليكـ


مناظر ترد الروح ...

يعطيك العافية


الله يعافيك حبيبنا وما نقول الا يالله الجنة

|القحطاني| 22-05-2015 05:18 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ما شاء الله شيء جميييييييييل الأجواء هي اللي تخلي المكان زين

عجبتني هالصورة

http://www.arabtrvl.com/up/uploads/a...2228845641.jpg

واضح الجو وجماله .. فعاليات رااائعة وانا أتفق معك في مقارنة الأسعار عندنا وعندهم

عندنا أغلى على شيء ما يستاهل .. الله يعطيك العافية >>>>>> متاااااابع

عليـ الحربيـ 22-05-2015 06:50 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
ماشاء الله تبارك الله

تايلند حلوة وطبيعتها ماتحتاج كلام ..

ماواجهت صعوبات في استخراج الفيزا رغم المنع بالسفر الى تايلند ؟؟

--------------

تقرير ممتاز الصراحه .. وصور مزارع الأرز تشدني .. لها رونق خاص

الله يعطيك العافيه على التقرير والتغطية ..

حبيبي الله 22-05-2015 07:19 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
السلام عليكم اخي فهد على التقرير الأكثر من رائع بالنسبه لإفطار الفندق رويال برنسيس يسوى وشكرا

فهد المنيع 23-05-2015 01:27 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة |القحطاني| (المشاركة 108404)
ما شاء الله شيء جميييييييييل الأجواء هي اللي تخلي المكان زين

عجبتني هالصورة

http://www.arabtrvl.com/up/uploads/a...2228845641.jpg

واضح الجو وجماله .. فعاليات رااائعة وانا أتفق معك في مقارنة الأسعار عندنا وعندهم

عندنا أغلى على شيء ما يستاهل .. الله يعطيك العافية >>>>>> متاااااابع



حياك يالقحطاني ومشكور على ردك ..

فهد المنيع 23-05-2015 01:33 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة عليـ الحربيـ (المشاركة 108429)
ماشاء الله تبارك الله

تايلند حلوة وطبيعتها ماتحتاج كلام ..

ماواجهت صعوبات في استخراج الفيزا رغم المنع بالسفر الى تايلند ؟؟

--------------

تقرير ممتاز الصراحه .. وصور مزارع الأرز تشدني .. لها رونق خاص

الله يعطيك العافيه على التقرير والتغطية ..


هلا بالغالي علي

ما واجهت صعوبه في استخراج الفيزا .. تقدر تطلعها من القنصلية التايلندية بنفسك .. انا طلعتها عن طريق مكتب سياحي في الرياض هم خلصوها لي وخذوا اجرة التعقيب ..

يطلبون تعبي استمارة و 3 صور شخصية – صور للجواز – صور من تذاكر السفر – تعريف من العمل - جواز سفر ساري المفعول لأكثر من 6 أشهر

وتجهز الفيزا في يوم او يومين


شاكر لك حضورك واتمنى تكمل معنا باقي التقرير ..

فهد المنيع 23-05-2015 01:41 PM

رد: ياعيون الكون غضي بالنظر ،، اتركينا اثنين عين تحكي لعين (تقرير تايلند)
 
اقتباس:

المشاركة الأصلية كتبت بواسطة حبيبي الله (المشاركة 108449)
السلام عليكم اخي فهد على التقرير الأكثر من رائع بالنسبه لإفطار الفندق رويال برنسيس يسوى وشكرا

والله يا اختي الاكل كله في تايلند غير مقبول .. تدخل بوفيه الافطار مليان اشكال وانواع الاكل لكن في النهاية ما تاخذ الابيض وجبن وفواكه .. اكلهم ما ينقبل الله يكرم النعمه .


الساعة الآن 07:30 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO