|
رد: رحــلــتــي الــثــانــيــة إلــى مــالــيــزيــا (مــايــو 2015) ... اولاً الحمدلله على سلامة البنت وماتشوف شر ان شاء الله ___________________________________________ بالنسبة لسبب منع السعوديين للسفر الى تايلند بسبب مقتل 3 دبلوماسيين سعوديين وايضاً بسبب اختفاء الالماسه الزرقاء الثمينه وفي غرامه ماليه أووو منع من السفر لمدة تتراوح مابين 3 سنوات الى 5 سنوات اذا جددت الجواز , بعضهم عندهم واسطه وتمشي امورهم في السليم __________________________________________________ _________________________ ماشاء الله جزء جميل جداً , صحيح كلامك مذاق ماك في ماليزيا اشوفه افضل من السعودية ودول الخليج خصوصاً السبايسي مرة جميل , مره اخذت 3 وجبات بسعر زهيد يعتبر ب 28 رينجت فرع الباتو فرينجي ولاحظت كل مازادت عدد الوجبات كل ماقل السعر هذا اللي شفته انا لان مره طلبت وجبتين بسعر 22 رينجت فرع الباتو فرينجي . في السعودية 3 وجبات فوق الستين ريال |
رد: رحــلــتــي الــثــانــيــة إلــى مــالــيــزيــا (مــايــو 2015) ... الله يسلمك يا أخوي ابو عمر _ JDH والشر ما أييك وتصدق أن أحلى فرع أكلت منه أهو فرع الباتو فرينجي اللي في محطة البنزين أكلهم طازج وحلو .. آنه في البحرين إذا آخذ 4 وجبات و 9 قطع نقت يطلع علي 9,500 دينار يعني 95 ريال يعني فرق في السعر وفرق في الطعم |
رد: رحــلــتــي الــثــانــيــة إلــى مــالــيــزيــا (مــايــو 2015) ... صحيح كلامك افضل فرع اللي عند محطة البنزين تأكل منه ماتشبع , في موظفة ماليزية محجبه ماشاء الله عليها أخلاق مره وايد طيبه |
رد: رحــلــتــي الــثــانــيــة إلــى مــالــيــزيــا (مــايــو 2015) ... آنه في بينانع يومياً أكل من عند ماكدونالدز يا وجبة غداء أو وجبة عشاء لازم وأما بخصوص الماليزية المحجبة بصراحة أخلاق وتفهم الطلب بسرعة بعضهم تقعد تشرح لهم ساعة وفي النهاية يخربطون لك الطلب آنه أطفالي ما ياكلون الخضار اللي في السندويش .. إذا أقول حق الماليزية تفهم أما غيرها أقعد ساعة أفهمهم علشان أقولهم بدون خضار أو إذا أطلب سندويش برجر لحم وأقولهم بدون المخلل والبصل تقعد ساعة تقولهم بدون المخلل والبصل وبعدين تاخذ طلبك وإلا فيه مخلل وبصل أما الماليزية سيدة تفهم لأنها تعرف إنجليزي الباقي ما يعرفون إنجليزي عدل |
رد: رحــلــتــي الــثــانــيــة إلــى مــالــيــزيــا (مــايــو 2015) ... يا عمري البنوته ما تستاهل الف سلامه عليها خطاكم السوء الله يعينكم موقف يخووووف ويفزع قلب الام والطفل اكثر انا خيطت ايدي في بنج موضعي 4 غرز زااااااااااغ قلبي وهم يخيطون من الخوف الله يعين الصغيرة شواقة - ربي يحفظها لك يارب اقتباس:
كلامك صحيح ميه ميه :206: نفس الموقف صار معانا كنا راجعين الفندق وبالتكسي طلبنا منه نروح ماكدونالد طلبنا طلب خارجي واحنا بالسيارة ما يفهمون :yolks00540: وعطونا طلب خطأ لما وصلنا الفندق اكتشفنا وهالوجبه بنتي ما تأكلها :sly::sly: زوجي الله يعطيه العافيه راح مشي لانه قريب من فندقنا البارك رويال ولما رجع قال جننوني ما يفهمون وعطوني نفس الوجبه غلط مرة ثانية :(2): وغصب افهمو عليه بالانجليزي ورجع معاه البوكس الغلط مره ثانية مع الوجبه اللي نبيها :bleh: يعني زيادة الخير خيرين ياحلو ماليزيا اشتقت لهاااااااااااااااااااا :shutup::(149): |
رد: رحــلــتــي الــثــانــيــة إلــى مــالــيــزيــا (مــايــو 2015) ... الله يسلمج أختي قصة حب يالله الحمدلله على كل حال هذي شيء مكتوب ومقدر وأنتي بعد سلامتج وما تجوفين شر وآمين يارب الله يحفظها ويحفظ الجميع إن شاء الله هذي المشكلة أن في موظفين ما يستوعبون ولغتهم الإنجليزية ضعيفة جداً آنه مرة تمشكلت مع وحدة في برجركنج في بوكيت ما تتكلم ولا كلمة إنجليزي دخت معاها وطلبي كان كله بالصور وبالإشارة أأشر على شيء أقولها نو وأشر بيدي لا وفي الأخير ما سوت ولا شيء من اللي قلت لها عنه .. والساعة اللي قعدت أفهمها فيها وين راحت هههههههه مشكلة جدي .. المفروض في الفروع اللي في الأماكن السياحية النشطة يحطون موظفين يتكلمون إنجليزي |
رد: رحــلــتــي الــثــانــيــة إلــى مــالــيــزيــا (مــايــو 2015) ... أهلا أبو راشد .. الحمدلله على سلامة البنوتة ( موقف صعب ) ولكن الأهم سلامتها .. كما ذكرت في أول رد لي في تقريرك بأنني أثق تماما بتميزك .. هاأنت تقدم عملاً غااااية في الرووووعة تفصيلاتك الدقيقة جداً مهمة .. كل ماتذكره هنا .. هناك من يبحث عنه .. فندق الصن واي لاقون لايختلف عليه اثنان .. وسعر الفرق بين الغرفتين بسيط .. ليتك سألت هل عندهم عرض خاص لك كنزيل في الفندق .. أتلانتس دبي .. يسمح لك الدخول مجانا في الألعاب المائية .. مجمع البيراميد من أفضل مجمعات سيلانجور .. استمر ( بو راشد ) ... حكايتك الماليزية ستكون خير أنيس في شهر الخير بعد طاعة الله سبحانه .. اللهم أعني و أحبابي على طاعتك وحسن عبادتك ولا تردنا خائبين .. |
رد: رحــلــتــي الــثــانــيــة إلــى مــالــيــزيــا (مــايــو 2015) ... أهلا أخوي كتكات783 الله يسلمك يا أخوي .. ويبعد عنكم الشر .. آنه أضع التفصيلات الدقيقة علشان كل شخص يتابع التقرير يستفيد من كل صغيرة وكبيرة ويعيش الحدث وبخصوص فندق الصنواي لاجون الفرق بسيط في السعر ولكن كبير في الغرفة .. من ناحية الحجم والخدمات التي تقدم .. هناك فرق كبير بين الغرف العادية وغرف الكلوب وصح كلامك بخصوص تذاكر دخول الحديقة .. لازم يسوون مثل اتلانتس دبي .. اللي يسكن في الفندق يدخل الحديقة مجاناً لأن بصراحة الحديقة يبي لها يومين علشان تشبع منها .. على الأقل يوم للحديقة المائية ويوم حق الحدائق الالكترونية والحيوانات أو على الأقل يسوون نصف السعر للي يسكنونون في الفندق مجمع البراميد ممتاز وفيه محلات جيدة .. ويعملون تخفيضات كبيرة .. آنه دخلت محل بولو وشريت للأولاد ملابس للعيد وكان عندهم تخفيضات كبيرة إن شاء الله الله يقدرنا أن نقدم لكم تقرير يليق ببوابة السفر إلى ماليزيا |
رد: رحــلــتــي الــثــانــيــة إلــى مــالــيــزيــا (مــايــو 2015) ... يا عيني عالابداع القو برو عامله عمايل يابو راشد .. تسلم على هالتقرير المميز |
رد: رحــلــتــي الــثــانــيــة إلــى مــالــيــزيــا (مــايــو 2015) ... من ذوقك يا أخوي فهد المنيع .. والله يسلمك يا أخوي والله أن تصوير القوبرو مذهل ورائع في صور إن شاء الله راح أعرضها في الحلقات القادمة وراح تكون في بينانغ وإن شاء الله بعد نهاية التقرير إذا الله قدرني بحاول أحمل فيديوات لكاميرا القوبرو في الماء |
رد: رحــلــتــي الــثــانــيــة إلــى مــالــيــزيــا (مــايــو 2015) ... الف ﻻ بأس يا بو راشد وماتشوف شر البنت الله يحفظها بالنسبة لماكدونالذ بالفعل طعمه افضل من الخليج وارخص لكن انا ﻻحظت عندهم انه في وقت معين من اليوم ينزل السعر للوجبة بعمل تخفيض ثم يعود للسعر اﻻصلي وعجبتني هالفكرة كثير |
رد: رحــلــتــي الــثــانــيــة إلــى مــالــيــزيــا (مــايــو 2015) ... الحمدلله على سلامه شوق يا ابو راشد اجر وعافية الله يحفظها لكم ومتابع مع ادق التفاصيل يا الطيب والشهر عليك مبارك والجميع |
رد: رحــلــتــي الــثــانــيــة إلــى مــالــيــزيــا (مــايــو 2015) ... الشر ما أييك يا أخوي himzmz إن نعم يا أخوي طعم وجبات ماكدونالدز في ماليزيا أفضل من الخليج لكن في فروع في ماليزيا أكلها مب طازج ومنها الفرع اللي شارع العرب ===================== الله يسلمك يا أخوي أبوفيصل .. والله يعافيك يا أخوي وحياك الله يا أخوي وإن شاء الله تستمتع في متابعة التقرير والله يبارك في حياتك والله يعودة علينا هالسنة وكل سنة |
رد: رحــلــتــي الــثــانــيــة إلــى مــالــيــزيــا (مــايــو 2015) ... |
رد: رحــلــتــي الــثــانــيــة إلــى مــالــيــزيــا (مــايــو 2015) ... كل عام وانتم بخير ... رمضان كريم ومبارك على جميع الأمه الإسلاميه ... نسأل الله ان يجعلنا من عتقائه ... وأن يرزقنا الصبر والعافيه لإتمامه ... وأن يتقبل صيامنا وقيامنا ... أعاده الله علينا وعليكم باليسر واليمن والبركات ... |
رد: رحــلــتــي الــثــانــيــة إلــى مــالــيــزيــا (مــايــو 2015) ... وأنت بخير يا أخوي أبو عمر والله يعوده علينا هالسنة وكل سنة إن شاء الله |
رد: رحــلــتــي الــثــانــيــة إلــى مــالــيــزيــا (مــايــو 2015) ... |
رد: رحــلــتــي الــثــانــيــة إلــى مــالــيــزيــا (مــايــو 2015) ... كل عام وانتم بخير رمضان مبارك تقبل الله الصيام والقيام |
رد: رحــلــتــي الــثــانــيــة إلــى مــالــيــزيــا (مــايــو 2015) ... كل عام والجميع بألف خير ويعطيك العافية على هالتقرير الجميل سلامتها البنت ألف سلامة لا اعتراض على قدر الله المهم تخطي المشكلة واستكمال الرحلة استمر :(125): |
رد: رحــلــتــي الــثــانــيــة إلــى مــالــيــزيــا (مــايــو 2015) ... وأنتي بخير أختي قصة حب والله يعودة علينا هالسنة وكل سنة إن شاء الله ================ وأنت بخير أخوي himzmz تقبل الله منا ومنكم والله يعودة علينا هالسنة وكل سنة إن شاء الله ================ وأنت بخير أخوي مجدي والله يعافيك يا أخوي .. ومن ذوقك يا أخوي الله يسلمك يا أخوي مجدي وإن شاء الله تستمتع في متابعة التقرير |
رد: رحــلــتــي الــثــانــيــة إلــى مــالــيــزيــا (مــايــو 2015) ... اليوم الرابع (23 مايو 2015) قعدنا الصبح الساعة (9:00) صباحاً واستحمينا وبدلنا ملابسنا وصكينا باقي الشناط وجهزناهم ونزلنا إلى الفطور، وتفطرنا من الفطور الطيب وتمشينا شوية في الفندق وبعدها رجعنا إلى غرفتنا، وريحنا شويه لين الساعة (12:00) أتصلت على السيرفس علشان ياخذون شنطنا ونعمل خروج من الفندق، وصل الموظف وأخذ الشنط ونزلهم وآنه رحت على الاستقبال مال جناح الكلوب وما كان فيه أحد وعملت خروج من الفندق وكانت خدمتهم سريعة، ونزلنا إلى اللوبي ورحت لأستقبال سيارات الفندق وقلت له أبي سيارة كبيرة إلى فندق أسكوت كوالالمبور، قالي (91) رينغت قلت له تمام، مايميز سيارات فندق الصنواي لاجون أنهم سيارات جديدة ونظيفة جداً، المهم حملوا الشناط إلى السيارة وركبنا وكان الطريق شوية زحمه ووصلنا بعد حوالي (40) دقيقة، وكانت الساعة تقريباً (1:00) ظهراً، وأول ما وصلنا نزلوا شناطنا من السيارة وآنه توجهت إلى استقبال فندق أسكوت كوالالمبور وأعطيتهم الفوتشر ورحبوا فيني وأخبرته أني أبي شقة في أعلى طابق ممكن وأبي إطلالة الشقة على الشارع أو على البرجين، قالي أوكي وقعد يدور في الكمبيوتر، وبعدها قالي في شقة في الطابق (13) لكنها مب جاهزة إذا ممكن تنتظر نصف ساعة علشان يجهزونها، قلت له أوكي آنه ما عندي أي مشكلة، قعدنا شويه في اللوبي وطلعت شوية برع الفندق أستكشف المكان وأول ما طلعت من باب الفندق جفت بوابة على جهة اليسار وعليها إعلان ورحت دخلت البوابة إلى بقالة متوسطة فيها بعض الاحتياجات اليومية، وشريت للأطفال حلاوة يضيعون وقتهم فيها، وبعدها رجت إلى اللوبي، وقعدت أفكر قلت ليش أضيع وقتي في الأنتظار ويمكن يطولون أكثر من نصف ساعة، رحت للموظف قلت له آنه بروح الأكواريوم ومجمع سوريا وبعدين برجع لك قالي أوكي، وطلعنا من الفندق متوجهاً إلى الأكواريوم مشياً على الأقدام لأنه جداً قريب بس يبي لك تعبر الشارع من خطوط المشاة وهو مقابل الفندق تقريباً، يمكن مشينا 5 دقائق فقط، ونزلنا إلى الأكواريوم لأنه في الطابق السفلي وإلا زحمه لأنه كان يوم السبت، رحت للكاونتر وأخذت 4 تذاكر 2 للكبار و2 للأطفال ودفعت لهم (190) رينغت، ودخلنا الأكواريوم وتمشينا وكان حدة زحمة وهي صور لبعض الأحواض http://www.arabtrvl.com/up/uploads/a...4711658321.jpg http://www.arabtrvl.com/up/uploads/a...4711658342.jpg http://www.arabtrvl.com/up/uploads/a...4711658363.jpg http://www.arabtrvl.com/up/uploads/a...4711658384.jpg http://www.arabtrvl.com/up/uploads/a...4711658395.jpg http://www.arabtrvl.com/up/uploads/a...4711658416.jpg http://www.arabtrvl.com/up/uploads/a...4711658437.jpg http://www.arabtrvl.com/up/uploads/a...4711658458.jpg http://www.arabtrvl.com/up/uploads/a...4711658469.jpg http://www.arabtrvl.com/up/uploads/a...7116584810.jpg http://www.arabtrvl.com/up/uploads/a...4711988981.jpg http://www.arabtrvl.com/up/uploads/a...4711989042.jpg http://www.arabtrvl.com/up/uploads/a...4711989063.jpg http://www.arabtrvl.com/up/uploads/a...4711989074.jpg http://www.arabtrvl.com/up/uploads/a...4711989095.jpg http://www.arabtrvl.com/up/uploads/a...4711989116.jpg http://www.arabtrvl.com/up/uploads/a...4711989127.jpg http://www.arabtrvl.com/up/uploads/a...4711989148.jpg http://www.arabtrvl.com/up/uploads/a...4711989169.jpg http://www.arabtrvl.com/up/uploads/a...7119891710.jpg http://www.arabtrvl.com/up/uploads/a...4712170751.jpg http://www.arabtrvl.com/up/uploads/a...4712170772.jpg http://www.arabtrvl.com/up/uploads/a...4712170783.jpg http://www.arabtrvl.com/up/uploads/a...3471217084.jpg http://www.arabtrvl.com/up/uploads/a...4712170815.jpg http://www.arabtrvl.com/up/uploads/a...4712170866.jpg http://www.arabtrvl.com/up/uploads/a...4712170887.jpg http://www.arabtrvl.com/up/uploads/a...3471217098.jpg http://www.arabtrvl.com/up/uploads/a...4712170939.jpg http://www.arabtrvl.com/up/uploads/a...7121709410.jpg وبعدها قالوا لنا ترى باقي (10) دقائق عن إطعام أسماك القرش ورحنا بسرعة وإلا عالم ناس شكثرها قاعدة هناك ما حصلنا مكان نوقف أو نقعد فيه، وهي صور المكان اللي يتم إطعام فيه سمك القرش http://www.arabtrvl.com/up/uploads/a...4712330881.jpg http://www.arabtrvl.com/up/uploads/a...3471233092.jpg http://www.arabtrvl.com/up/uploads/a...4712330923.jpg http://www.arabtrvl.com/up/uploads/a...4712330934.jpg http://www.arabtrvl.com/up/uploads/a...4712330955.jpg عاد هالسلحفاء يننتهم، كل ما يبون يأكلون سمك القرش أتيي هالسلحفاء وتاكل أكلهم، وكل ما يحطون الأكل على الأرض راح تدخل راسها في سطل الأكل وتاكل هههههههه كانت نكتة قعدنا شوية خلينا الأطفال يجوفون وبعدها مشينا لأنه كان خنقه، وبعدها طلعنا من الأكواريوم وبعدما طلعنا من الاكواريوم تمشينا شوية في حديقة المقابلة للبرجين والتقطنا هالصورة للبرجين على السريع http://www.arabtrvl.com/up/uploads/a...4712330976.jpg وبعدها توجهنا إلى مجمع سوريا، دخلنا المجمع وأحنا حدنا جوعانين والاطفال يدورون ماكدونالدز يبون ياكلون برجر، لكن قلت لهم بوديكم تشيليز، ورحنا مباشرة إلى مطعم تشيليز وكالعادة زحمة تكتب أسمك وعدد الأشخاص وتنتظر، وأنتظرنا (5) دقائق وحصلوا لنا طاولة لكن يا أهي طاولة في أحسن مكان في المطعم وهي مطلة على الحديقة وإطلالتها رائعة، وقعدنا ونسينا الطلب، وهذي صورة للإطلالة وفيها يبين فندق جراند حياة http://www.arabtrvl.com/up/uploads/a...4712330987.jpg http://www.arabtrvl.com/up/uploads/a...4347123318.jpg بانا الموظف يقولنا ما تبون تطلبون، قلنا له أوكي بس دقيقة، وبعد مشاورات مع الاطفال راشد قال ابي برجر وشوق قالت أبي باستا، وآنه أخذت طبقي المفضل وهو فاهيتا الدجاج وأم العيال طلبت باستا بالروبيان وطلنا بطاطس مقبلات، وبعد ما خلصنا من الغداء وطلنا الفاتورة حسيت أن المبلغ شوي على اللي كلناه، قعدت أراجع الفاتورة وإلا وجبات الأطفال مب محسوبة، ناديت الموظف وقلت له ترى وجبتين مب محسوبين، قالي لأنكم طلبتوا وجبيتين للكبار فـوجبات الأطفال مجاناً وهذي صورة للفاتورة تبين عدم احتساب وجبات الأطفال http://www.arabtrvl.com/up/uploads/a...4712331029.jpg قلت له شكراً ودفعت وطلعنا ورحنا إلى الطابق الأخير إلى بتروساينز، وقالوا لنا ما ننصحكم تدخلون لأن باقي ساعة ونص ونصكر، والجولة يبي لها (3) ساعات أو أكثر، فيفضل تزورونا بكرة وتاخذون راحتكم أفضل، وتقدرون تروحون مكان ثاني تابع لنا فيه أشياء حلوة للأطفال ومجاناً ودلوني المكان ورحنا له وكان فيه أشياء علمية عن المرور والسياقة، وكان في جم لعبة الكترونية 3 سيارات و2 موتور سيكل وجل لعبة ذهنية والمكان كان حلو وايد حلو للأطفال وللكبار، ولعبوا الأطفال لين ما أشبعوا وبعدها طلعنا نتسوق في المجمع ورحنا شرينا فساتين لبنتي شوق للمناسبات والعيد، وتقريباً على الساعة (7:00) جفت الأطفال خلاص تعبوا وبدوا يتمللون، قلت لهم خلاص الحين إن شاء الله نرجع الفندق، وبعدها طلعنا من المجمع ورحنا إلى الفندق وكانت بوابة المجمع تقريباً مقابلة للفندق ومشينا دقيقتين وإلا أحنا في الفندق. رحت للأستقبال وقلت له الغرفة أجهزت، قالي إي نعم الغرفة جاهزة ولكن أحنا من عندنا عملنا لك ترقية من شقة غرفة نوم واحدة إلى شقة من غرفتين نوم، قلت له مشكورين وما قصرتوا، قالي الشقة في الدور السابع، ووقعت على بعض الأوراق وأخذ من عندي مبلغ (200 دولار) تأمين واستلمت بطاقة الشقة ورحت إلى الشقة. وأول ما دخلت الشقة أنصدمت من حجم الشقة، كانت كبيرة جداً الصالة كبيرة والغرف أيضاً كبيرة المطبخ فيه جميع الحاجيات، وكان في كل غرفة تلفزيون وفي الصالة تلفزيون كبير ودي في دي، المهم رتبنا أغراضنا واستحمينا وقمت آنه ونزلت إلى البقالة كانت عند بوابة الفندق واشتريت روتي وماي وعصائر وحلويات للأطفال وكاكو وصعدت إلى الغرفة، وكانت في ماكينة التوست قلت اليوم عشانا روتي توست مع جبن ويوم فتحت الروتي إلى طلع الروتي على زبيب وسكر، ورجعت مرة ثانية إلى البقالة وكان الروتي اللي عندهم كله على زبده الفول أو على الشكولاته، ما حصلنا إلى روتي واحد سادة، أخذته ورجعت إلى الشقة وسوينا العشاء للأطفال وبعدها أكلنا أحنا وعلى الساعة (10:00) نمنا لأن ورانا رحلة متعبة يوم ثاني إلى جنتنغ. هذي مصاريف اليوم الرابع http://www.arabtrvl.com/up/uploads/a...4717781581.jpg خصصت في هذه الحلقة عرض صور مجريات اليوم الرابع ولم تحدث عن الفندق :(94):لأن راح أخصص حلقة خاصة لفندق أسكوت كوالالمبور أنتظروني قريباً |
رد: رحــلــتــي الــثــانــيــة إلــى مــالــيــزيــا (مــايــو 2015) ... ماشاء الله تبارك الله جزء جميل جداً , كنت بسكن في فندق الاسكوت لان عجبني ماشاء الله في كبر حجم الغرفه والاهم من ذلك سعره المناسب جداً ولكن الاغلبيه يذمون فطورهم وكنسلت الفكره ,,, وسكنت في الجراند حياه افطاره رائع ومتنوع عندهم سمبوسة في حياتي ماكلت مثلها لذيذه مره والزيت قليل جداً |
رد: رحــلــتــي الــثــانــيــة إلــى مــالــيــزيــا (مــايــو 2015) ... من ذوقك يا أخوي ابو عمر _ JDH والله يا أخوي فندق أسكوت كوالالمبور ما كان من ضمن خطط السكن لأني في البداية كنت أبي أسكن في تريدرز لكن تريدرز كان فل وما حصلت عنده حجز وبعدها قلت بسكن في جراند حياة وحصلته بسعر ممتاز ويوم جيت أبحجز قالوا لي فل وبعدها طاح الأختيار على أسكوت لأنه قريب منهم إن شاء الله مرة ثانية نسكن في جراند حياة :) |
رد: رحــلــتــي الــثــانــيــة إلــى مــالــيــزيــا (مــايــو 2015) ... ما شاء الله تقرير وتفاصيل رائعة الف سلامه على البنت تسلم الايادي على التقرير الجميل ومتابعين |
رد: رحــلــتــي الــثــانــيــة إلــى مــالــيــزيــا (مــايــو 2015) ... اخوي الغالي ابو راشد ان شاء الله تجرب الجراند الحياه , بالنسبة لي من وجهة نظري المتواضعه افضل بوفية افطار في جنوب شرق أسيا في منتجع الصن واي لاجون ماشاء الله تبارك الله الاصناااااف كثيرة ومتنوعه , اغلبيه اراء النزلاء العرب والاجانب يتفقون في جودة الاكل وكثرة الاصناف وكمان فندق الشانجريلا قولدن ساندس كذلك الافطار متنوع ورائع وطعم البيض لذيذ للغايه وكثر شطه مع عصير جوافه يكتمل |
رد: رحــلــتــي الــثــانــيــة إلــى مــالــيــزيــا (مــايــو 2015) ... من ذوقك يا أخوي أبو نورة والله يسلمك يا أخوي وحياك الله يا أخوي وإن شاء الله تستمتع بمتابعة التقرير |
رد: رحــلــتــي الــثــانــيــة إلــى مــالــيــزيــا (مــايــو 2015) ... ماشاء الله شرح وافي وكافي واااصل اخوي بوراشد في الانتظار |
رد: رحــلــتــي الــثــانــيــة إلــى مــالــيــزيــا (مــايــو 2015) ... ماشاء الله تبارك الله تقرير رائع والحمد لله على سلامة البنت وماتشوف شر متابع التقرير واستفدت كثير والسفر قرب وجهزت كل شي لكن دعواتكم للوالد بالشفاء اذا تحسنت حالتة سافرت واذا لم تتحسن راح الغي السفر والله يعوضني خير |
رد: رحــلــتــي الــثــانــيــة إلــى مــالــيــزيــا (مــايــو 2015) ... الحمد لله على سلامتكم ابو راشد وعوداً حميداً صراحه تقريرك من العيار الثقيل أهنيك صراحه ومستمتع به أعجبني وشدني تدوينك للملاحظات ومنها تدوين مصروفاتك اليوميه بارك الله فيك ولنا عوده قريبه ...:(89): |
رد: رحــلــتــي الــثــانــيــة إلــى مــالــيــزيــا (مــايــو 2015) ... اقتباس:
اسأل الله العظيم رب العرش العظيم ان يشفي والدك اخوي عبدالله وان شاء الله تتحسن صحته وتفوز ببره والسفر ملحوق عليه بمشيئة الله ان شاء الله تسافر وتنبسط وانت مطمن على الوالد اخوك هاي مزمز |
رد: رحــلــتــي الــثــانــيــة إلــى مــالــيــزيــا (مــايــو 2015) ... واصل يا ابو راشد وﻻ تحرمنا من ابداعاتك |
رد: رحــلــتــي الــثــانــيــة إلــى مــالــيــزيــا (مــايــو 2015) ... والله حلوة الشقه في اسكوت اعجبتني كبيرة وراهية :(37): عليكم بالعافيه دائما الفنادق تسوي الترقية على الغرف اذا كان عدد النزلاء قليل بالفندق انا بالنسبة لي احلى ريوق بماليزيا في البراميد خططططير ومنوع متابعينك وبانتظار الحلقات القادمة ,,,,,,,,,,, |
رد: رحــلــتــي الــثــانــيــة إلــى مــالــيــزيــا (مــايــو 2015) ... أهلا أخوي ابو عمر _ JDH إن شاء الله في المرة القادمة أجرب الجراند حياة إي والله إفطار الصنواي لاجون لا يوصف، آنه أنصدمت يوم دخلت المطعم كبر حجم المطعم وتنوع الطعام، آنه فطرت يومين هناك وما قدرت أجرب كل شيء وخصوصاً الحلويات كان خاطري أجربهم كلهم لكن ما قدرت والميزة في إفطار الصنواي لاجون هو أن فيه أكل عربي وبخصوص فندق جولدن ساندس بصراحة آنه جربته مرتين مرة في عام 2012 ومرة 2015 وبصراحة في فرق كبير يوم 2012 كان أفضل بكثير .. أتوقع إذا ما خاب ظني إن إدارة الفندق تغيرت في 2012 كانوا الموظفين أغلبهم من الجنسية الصينية وفي 2015 الموظفين كلهم من الجنسية الهندية وبصراحة الخدمة تغيرت وبخصوص عصير الجوافة بنتي شوق حبته وايد وكل يوم ما تبي إلا عصير جوافة |
رد: رحــلــتــي الــثــانــيــة إلــى مــالــيــزيــا (مــايــو 2015) ... من ذوقك يا أخوي mustafa_bh مشكور يا أخوي وإن شاء الله تستمتع في متابعة التقرير ===================== من ذوقك يا أخوي abdullah h والله يسلمك يا أخوي .. والشر ما أييك حاضرين لك يا أخوي عبدالله وإذا عندك أي استفسار ترى حاضرين لك يا أخوي والله يشفي الوالد ويقومه بالسلامة إن شاء الله .. ===================== الله يسلمك يا أخوي مسافر وبس من ذوقك يا أخوي وإن شاء الله تستمتع في متابعة التقرير وبارك فيك يا أخوي .. وهذي التفاصيل الكل يقدر يستفيد منها والتفصيلات الصغيرة ساعات تكون مهمة جداً .. وآنه حبيت أوضح كل صغيرة وكبيرة لكم لأني آنه من قبل كنت أعاني علشان أبحث عن المعلومات الدقيقة والتفصيلات المهمة لكن ما أحصلها فقلت في رحلتي راح أذكر المعلومات بالتفصيل ===================== تسلم يا أخوي himzmz ومن ذوقك يا أخوي ومواصلين بإذن الله ===================== الله يعافيج يا أختي قصة حب وحياج الله أختي وإن شاء الله الحلقات القادمة قريبة والحلقة القادمة عن جنتنغ :) |
رد: رحــلــتــي الــثــانــيــة إلــى مــالــيــزيــا (مــايــو 2015) ... واصل يا بطل .... يعطيك العافية |
رد: رحــلــتــي الــثــانــيــة إلــى مــالــيــزيــا (مــايــو 2015) ... الله يعافيك يا أخوي أبو عبدالله |
رد: رحــلــتــي الــثــانــيــة إلــى مــالــيــزيــا (مــايــو 2015) ... أولا حمدا لله على سلامة البنت . الله يحفظها . ثانيا رغم قصر المدة الا ان التقرير جميل ومسل وفيه الكثير من الفوائد . ثالثا احتياطا التأمين الصحي غير مكلف مقارنة بفوائده . والله يحفظ الجميع |
رد: رحــلــتــي الــثــانــيــة إلــى مــالــيــزيــا (مــايــو 2015) ... الله يسلمك يا أخوي المعلم العماني من ذوقك يا أخوي آنه حجزت التذكرة مع التأمين على السفر وحاليا أتواصل مع شركة التأمين وإن شاء الله يعوضونا عن المصاريف اللي صرفناها في المستشفى |
رد: رحــلــتــي الــثــانــيــة إلــى مــالــيــزيــا (مــايــو 2015) ... متابعينك أخوي أبو راشد وفقك الله سلمك الله يالغالي هاي مزمز نسأل الله تعالى أن يشفي كل مريض وإن شاء الله تتيسر الأمور |
| الساعة الآن 11:20 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO