|
الله يسعدكم ياعشاق ماليزيا ارجو الافادة اخواني واخواتي اعضاء ماليزيا الغاليين اولا مشكورين لجهودكم ومساعدتكم للجميع انا حجزت الى ماليزيا بتاريخ 3 اكتوبر طلع المبلغ مع الضرايب 2300 للشخص وعددنا 4 والحين نزلو عروض ترويجية والفرق كبير جدا😢 هل ممكن تغيير الحجز والاستفادة من العرض مع العلم تم الدفع عن طريق سداد ومشكورين مقدما🌷 |
رد: الله يسعدكم ياعشاق ماليزيا ارجو الافادة واريد مشورتكم اخترت الفنادق التالية سيلانجور بيراميد يومين لنكاوي فندق ذا ايديا 4 ليالي كوالالمبور محتارة بين تايمز سكوير مع العلم عليه ذم من ناحية النظافة ولكن يميزه المول لملاهي الاطفال او تريدز لقيت عرض سعره جميل جدا وفخم ونظيف ياليت تفيدوني طبعا كانت ليا زيارة لماليزيا عام 2002 وكنت في جراند ملينيوم ايامها كان اسمه ريجنت بي سعره غالي وجزاكم الله خير |
رد: الله يسعدكم ياعشاق ماليزيا ارجو الافادة اقتباس:
|
رد: الله يسعدكم ياعشاق ماليزيا ارجو الافادة اقتباس:
|
رد: الله يسعدكم ياعشاق ماليزيا ارجو الافادة 400 الفرق لكل تذكرة لو خصموها معناته هيا هيا لانو فرق التذكرة بين التذكرة المخفضة وغير المخفضة 500 ريال .... اذن نبقى على حجزنا والله يعوض علينا بالنسبة لتريدز بالفعل الكل متفق عليه مشكور اخوي تركي |
وعدت اليكي ياماليزيا بعد سنين الشوق والحنين ~استفساراتي الماليزية~ اخواني واخواتي السلام عليكم .. انا كانت ليا زيارة لماليزيا من زمان ايام قبل الهجوم الخليجي عليها:200: حجزت الان لماليزيا في اكتوبر لنعيد الذكريات الجميلة في اسيا الحقيقية حجزت الطيران الدولي والداخلي من النت بعد ماحجزنا نزلو عروض على ماليزيا في اكتوبر والفرق تقريبا 2000 لكل التذاكر:(5):الله يعوض علينا وننبسط في رحلتنا الفنادق من بوكينق وهي كالآتي : يومين في فندق صن واي بيراميد مع باقة المرح العائلي 4 ايام فندق ايديا لانه جديد ومافيه الحشرات الطائرة والزاحفة�� 5 ايام كوالالمبور كنت حاجزة في التايم سكوير لوجود ملاهي للاطفال ولكن لقيت الاغلب مايمدحه من ناحية النظافة وكدا فغيرنا الى تريدز كان عليه عرض وفي سيارة قولف تنقل الى البرجين والعكس بس سؤالي في ملاهي ووسائل ترفيه للاطفال في مجمع سوريا وملاهي زي التايم سكوير او مافي وابغا لو تكرمتو خطة لايامنا هناك مع العلم مانبغا نضغط الجدول لوجود اطفال وحطيت تقريبا تصور للابام هناك يوم الوصول الراحة في الغندق ثم الذهاب الى الماينز وندر لاند او الاكتفاء بالذهاب للبيراميد مول اليوم الثاني الذهاب لصن واي لاجون والحمدلله اخذنا العرض باقة المرح العائلي (تحاول تخفف على نفسها صدمة عروض الخطوط السعودية:(7): وفي الليل العشا في مطعم طربوش في البيراميد مول اليوم الثالث السفر الى لنكاوي والاكتفاء بزيارة نصب النسر وحديقة ليجندا وابغا اسماء لمطاعم في لنكاوي مشاوي والاهم نظيفة لو تكرمتو اليوم الثاني ااذهاب الى المانقروف بعد حجزها من مطار لنكاوي بإذن الله وبعدها راحة في الفندق وبعدها الغدا في مطعم من اللي حترشحوها ليا لانو مستحيل ناكل من الاكل المقدم في المانقروف والذهاب الى احد شواطئ لنكاوي مثل سيانج لانه مدحه اخونا العدني ولانو فندقنا مافي شاطئ خاص اليوم الثالث القرية الشرقية والتلفريك وممكن حديقة الفواكة والشلالات على افتراض اخذنا الرحلة البحرية للجزر الثلاث اليوم الرابع وثم الغدا والذهاب للشاطئ اليوم الرابع حديقة الفواكة وشلالات ...اكواريوم لنكاوي قد دخلته وماعجبني فمأجلته لكوالالمبور ان شاء الله والفورميلا مااعرف يمكن مع اطفال ماينفع وسمعت انو في مول جنب فندق ايديا ان شاء الله اللي راح يعطينا علومه ومااعرف محتارة اروح جزيرة المرأة الحامل انا قد رحتها بس ممكن نكرر لانو احب الجولات البحرية ... اليوم الخامس السفر لكوالالمبور وفراق معشوقتي ومااقساه من فراق طبعا يومتها حنكتفي بالبرجين والمول والمنطقة المحيطة من تريدز لو في مطاعم مجربة في مول البرجين مشاوي ممكن تفيدوني لو تكرمتو .... اليوم الثاني ا لاكواريوم والحديقة اللي قالت عليها اختي دينا والليل الذهاب لطربوش شارع العرب واسترجاع الذكريات ... وممكن نروح التايمز سكوير للالعاب والشوبنق☺ اليوم الثالث الذهاب لجنتق عشان الالعاب الداخليةللاطفال والمرور بالقرية الفرنسية والقرية اليابانية ومزارع الفراولة وشلالات التمبلر بارك طبعا على ماسمعت انها كلها في منطقة وحدة والمسا الذهاب لمول البرجين اليوم الرابع الذهاب لبوترجايا وحديقة الحيوانات طبعا انا مارحت من سيلانجور لانو معاي اطفال وماابغا اضغط نفسنا والمسا الذهاب للتايمز سكوير ملاهي وشوبنق ... اليوم الخامس تشيك اوت تريدز واخذ لفة سريعة وغدا في البرجين ومن ثم الذهاب للمطار للرحوع لارض الوطن الغالي ... طبعا انا حطيت التصور الاولي وكل شئ قابل للتغير بعد نصايحكم الذهبية وشكرا مقدما�� |
رد: الله يسعدكم ياعشاق ماليزيا ارجو الافادة اي ستي هي نفسها ماينزولاندرلأند |
رد: الله يسعدكم ياعشاق ماليزيا ارجو الافادة والله على مااتذكر زمان الماينز وندرلاند واي ستي كانو جنب بعض بس مش متأكدة الاخوان يفيدونا بإذن الله... |
رد: وعدت اليكي ياماليزيا بعد سنين الشوق والحنين ~استفساراتي الماليزية~ انا متأكدة انكم مشغولين ولا ماتقصرو انا في انتظار ارائكم ونصائحكم.... |
رد: الله يسعدكم ياعشاق ماليزيا ارجو الافادة الفنادق كويسة وتريدرز ممتاز التايمز كوير يوجد برج A وبرج B احدهما غرفه مجددة احجزي تريدرز بلا تردد |
| الساعة الآن 11:31 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO