|
شهر العسل .. ماليزيا و سنغافورة السلام عليكم ورحمة الله وبركاته .. اول مشاركة لي في هذا المنتدى الرائع .. بإذن الله تفيدوني و اقدر ارد الجميل لـ اهله .. فـ شكرا مقدما ... حجزت على الخطوط الجوية السعودية الذهاب : جده - كوالا / 10:30 م - 12:00 م ( 31 جانيوري - 1 فبراير الوصول ) العودة : كوالا - جده / الوصول 07:00 م تقريبا ( 14 فبراير نفس اليوم ) من 31 جانيوري الى 14 فبراير ( 12 ليلة غير يومي السفر ) ... ناوي على الخطة التالية .. سيلانجور ليلتين ( صنواي لاجون فيلا مع مسبح خاص ) الذهاب بالباص لـ جنتنج .. ليلتين الذهاب بالباص لـ بينانج .. ليلتين الذهاب بالطيارة لـ لنكاوي .. 4 ليالي ( 2 ويستن و 2 برجايا كوخ ع البحر ) طيارة من لنكاوي مرورا بـ كوالا لـ سنغافورة .. ليلتين في جزيرة سنتوسا طيارة لـ كوالا و ليلة قبل يوم السفر ( ليلة شراء الهدايا و التسوق ) ... استفسارات مهمة لو تكرمتو .. 1- ايش رايكم في خط السير ؟ هل في اقتراحات افضل ؟ 2- ايش افضل طريقة للمواصلات ؟ 3- اماكن تنصحوني ازورها .. مع مراعاة انه شهر عسل 4- اماكن معروفة سياحيا , تنصحوني اتجنبها 5- اي اقتراح او اي نصيحة من خبراتكم ... يعطيكم الف عافية و الله يسسسعدكم وشكرا : ) |
اول شي ياعزيزي.. ربي يوفقك وييسر رحلتك.. لكن اذا كان بالامكان فالافضل تعديل الجدول.. 1- المده قصيرة والافضل تقضيها في ماليزيا فالذهابمن كوالا لسنغافورة يومين وكوالا يوم. ماراح تكفيك لتشاهد الامكان وترتاح. بيضيع وقتك وانت ابلمطارات ورحلات. غير خسارة الفلوس. فالافضل اكتفف بماليزيا في هالمده القصيرة وسنغافورة يجيها وقت احلى. 2- جنتق ماانصحك فيها الا اذا تم افتتاحها. يعني قبل الافتتاح بتكون شبه مغلقه وترميمات ولابتستفيد شي. 3- لنكاوي فندقين في اربع ايام اشوفها هجولة. لو كانت ست ايام ممكن اثوولك صح. اكتف بالوستن. واذا به امطانيه تعديل اقترحنا عليك جدول مريح. |
وعليكم السلام ورحمة الله ... اولا مبروك ياعريس ... ثانيا ماقصر خبير ماليزيا وحبيب القلوب كازمي ... ثالثا احيئك جدا ع اختيارك شهر العسل ... اختلاف الراي لايفسد للود قضيه اولا وقبل كل شيء استخارت الله سبحانه وتعالى طبعا سنغافورة يحتاج فيزا لها ... انا لي راي وغيره عنده راي والاهم من ذلك كلها انت وقناعتك هل انت من عشاق الجزر والبحر او حركت المدينه والاسواق من هذا القيبل انت اللي تختار ووممكن تقبله او تخليه ع الوضع المعهود سلانجور بيانغ لانكاوي كوالا طبعا عندك 14 يوم سلانجور يومين بينانغ يومين لانكاوي 4 ايام ( خليها فندق واحد ) سنتوسا يومين كوالا 3 او الافضل بوجهت نظري استغني عن بينانغ نهائي وخلها 3 ايام سنغافورة وخصص يوم للجزيرة كاملا من الصباح وممكن ابيت يوم فيها اذا كنت من راغبي الهدوء ويوم اضيفه ع كوالا يصبح 4 ايام طبعا التنقل عن طريق الطيران ... هذي وجهت نظري او ممكن الاستغناء عن سنغافورة وبيانغ بصباح واضافت يوم خامس ع كوالا .. اتمنى لك التوفيق وسفره هنئه وزاوج مبارك ان شاء الله |
اقتباس:
الله يحييك و يبقيك عزيزي .. امين وياك لله يجزاك خير : ) |
اقتباس:
1- سبب اختياري سنغافورة .. ان المدام ودها في ملاهي .. فـ ابغاها تجرب اليونيفيرسل ستوديو .. اما لو كان في ملاهي قريبة منها في ماليزيا فـ حيكون افضل 2- سبب اختياري جنتنج .. اني ابغا اغير .. جبال وهيك .. مو بس جزر 3- لنكاوي فكرت انه تغيير جو لو فندقين .. يعني البرجايا روقان و الويستن انبساط اكيد لو في اقتراح اعطيني لووو سمحت .. لاني ما حجزت لسى شاكر لك ي غالي .. ربي يسعدك |
ممكن تخصص يومين او ثلاثة ايام فى ولاية جوهر و فرصة تزور ملاهى ليغو لاند رحلة موفقة |
حياك الله اخوي شخص ثاني .. والله انا ما بـأزيد الفترة في كوالا لـأني ما احب التسوق كثير يعني يومين اشوفها كفاية على كوالا صباح ايش فيها ؟ كويسة ؟ و سنغافورة تكفيني ليلتين .. لاني بس ابغا سنتوسا لاني قد رحتها اول فـ ما اتوقع اني حاروح اماكن كثير شكرا لك ي غالي .. من القلب : ) |
اقتباس:
^ الرد السابق |
اقتباس:
بس ما اتوقع تكون بمستوى اليونفرسال ستوديوز .. شاكر لك .. وربي يوفقك .. : ) |
تتهنى وعساها زواجة الدهر توني اعرف منك ان سنغافوره فيها يونفرسال ستديوز واووو صج يبيله عجبني الجدول اللي سويته مليان مغامره ودام انت والمدام ومامعاكم اطفال مافيه مشكله من التنقلات بس ملاحظه جنتنق ماتساهل العنوه لان الالعاب الخارجيه صيانه والداخليه للاطفال ونصها مغلقه يعني درب ع الفاضي وكوالا مايكفيها يوم وماعتقد المدام يكفيها ليله للتسوق واتمنى لك رحله ممتعه |
اقتباس:
باختصار رحلات بحريه وشواطي رمليه هذا اللي يميزها ... كوالا جدا حلوه والتسوق ممتع فيها ... اذا مره ضيف بينانغ يوم زايد واستمع بشهر عسلك من التنقلات الكثيره وخذ لك يومين في روقان لابعد حد في سنتوسا لاترهق نفسك فيها كثيرا ... المدن الاخره اتفق مع التاكسي اللي لونها احمر ابتعد عن الصينين قدر المستطاع والامور الثانيه سهله طبعا اتفق معاه على يوميه وازور الاماكن السياحيه على حسب عدت ايامي فيها ... هذي وجهت نظري واترك الراي والامور لخبراء ماليزيا ... وفقك الباري واي استفسار او معلومه لايردك الى لسانك ولاقصور في اللي افضل مني .. |
السلام عليكم ورحمة الله وبركاته استاذي الفاضل حفظك الله ورعاك انت سفرك لشهر العسل وليس سياحة وهجولة شهر العسل تختلف بتاتا عن اي سفرية اخرى ولاسباب اولا / سفر جديد ومعاك حياة جديدة ثانيا / ظروف الرجل والمرءة فانت توك متزوج هنا عقبات كثيرة فانصحك نصحية لوجهة الله قد تختلف الارى عن كل شخص ويختلف كل ذوق عن اي شخص فالقرار يعود عليك ولزوجتك (( ندخلك بالموضوع )) أجعل رحتلك بتنقلاتها قليلة واعطي كل مدينة حقها واختر فنادق ممتازة ومواقعها مناسبة سفرك يوم 31 جانيوري ووصولك 1 فبراير والعودة يوم 14 عندك 13 ليلة للحجز الفنادق جدول مبسط ومريح وفيها الكاميرون مدينة الضباب والبرودة ررروعه سلانجور 1 -2 فبراير ( يومان ) لنكاوي فبراير3-4-5-6 ( 4 ايام ) بينانج فبراير7-8-9 (3 ايام ) كاميرون فبراير10-11 ( يومان ) كوالالمبور فبراير12-13 ( يومان ) يوم 14 السفر |
جدول مريح وفيها استجمام اكثر وخاصة من لا يعجبه التسوق سلانجور 1 -2 فبراير ( يومان ) طيران من كوالالمبور سلانجور الى لنكاوي لنكاوي فبراير3-4-5-6-7 ( 5 ايام ) طيران من لنكاوي الى بينانج بينانج فبراير 8-9-10 (3 ايام ) طيران من بينانج الى كوالالمبور كوالالمبور فبراير11-12-13 ( 3 ايام ) يوم 14 السفر جدول تعطي المدن حقها وخاصة كوالالمبور سلانجور 1 -2 فبراير ( يومان ) لنكاوي فبراير3-4-5-6 ( 4 ايام ) بينانج فبراير7-8-9 (3 ايام ) كوالالمبور فبراير10-11-12-13 ( 4 ايام ) يوم 14 السفر وانا وجميع الاعضاء بالخدمة انصحك تشيل فكرت سنغافورة وان حبيت تحطها هذا جدول يناسب معاك لاحظك هنا الجدول تنقلات كثيرة فيه سانغفورة سلانجور 1 -2 فبراير ( يومان ) طيران من كوالالمبور سلانجور الى لنكاوي لنكاوي فبراير3-4-5-6 ( 4 ايام ) طيران من لنكاوي الى بينانج بينانج فبراير 8-9 (2 ايام ) طيران من بينانج الى سنغافورة فبراير 10-11 ( يومان ) طيران من سنغافورة الى كوالالمبور كوالالمبور فبراير12-13 ( يومان ) يوم 14 السفر --------------->> مستعد اعطيك جداول كثيرة وايضا عندك البورت ديسكون حق استجمام وفيلا مسبحها الخاص ماليزيا حقها ثلاث سفريات بكل سفرية 15-17 يوم عشان تغطيها حبيت اوصلك كثرت التشتيت والتنوع والتنقلات ( ضياع متعة السفر ) فخذ مايريح بالك وضميرك وراحة اهلك اخوك مزمز فتحياتي لك يالغالي |
ماشاءالله مزمز الكبير ماخلى شي. اضم صوتي لصوته. شهر عسل قلل من التنقلات بين المدن والتنقلات بين الفنادق. وللمعلومية فندق برجايا ليس بذلك الجمال. فالفلل تقع على خط متجاور تقريبا على الشاطي. يعني الاستقبال راح يكون منعزل وبعيد وبعض الفلل اذا تبي تطلع حتضطر تتصل وتنسق وتنتظر الى ان يرسلو لك سيارة قولف. واذا به زحمة راح يطول الانتظار. غير ان العزلة موحشة وخلف الفلل غابة. مادام اختيارك وقع على وستن فمادونه سيكون اقل لانه روعه. حبذا لو تزيد يوم . وبيكون الجدول اكثر جمال وراحة. الملاهي عندك ملاهي صن واي المائية. وعندك جنتق اذا بتلحق الافتتاح. |
بارك الله لكما وجمع بينكما في خير الله ييسر امرك ويوفقك دنيا واخرة يا عسل اؤيد كلام اخويا وسميي مزمز في كل ما قاله بس اذا حاب ملاهي مائية غير صن وي لاجون تجدها في اي سيتي او ايبوه عندك منتجعات خاصة للاستجمام ممنوع فيها الاطفال ذا شاتوه في بوكيت تينجي ومنتجع بانجران في مدينة ايبوه المهم اجعل رحلتك كلها في ماليزيا اوقات ممتعة اخوك هاي مزمز |
اقتباس:
متى حتفتح جنتنق الخارجية ؟ |
اقتباس:
الله يسعدك ويجزاك الجنة |
اقتباس:
اقتباس:
بالنسبة لـ ملاهي جينتج متى حتفتح ؟ + ابغا ملاهي عادية .. مو مائية الله يسعدكم |
اقتباس:
الله يسعدك عزيزي .. ذا شاتوه فكرة جيدة جاري البحث عنه .. |
اقتباس:
باقي وقت طويل يقال انها بدايه 2017 الف مبروك الزواج والاخوان كفوا ووفوا ما قصروا رحلة موفقة باذن الله:201::(125): |
الف مبروك اخوي الاخوان كفو ووفو وانا مع الاخ مزمز وباقي الاعضاء ان شهر العسل حلو يكون رومنسيه واستجمام وذكريات حلوه اكثر من التنقلات الكثيره والارهاق من الطيران ويضيع يوم من كل مدينه بالتنقل بين المطار والفنادق والراحه بعد الرحلات عندي ملاحظه على كلامك انك ماتبي تطول بكولالمبور لان ماتبي تسوق كثير توجد اماكن ومزارات كثيره في كوالا لميور غير التسوق يوجد حديقه الحيوانات والفراشات والنباتات والاكواريوم والمناره وبرج التوؤم وباص الهيب هوب اللي ياخذك بجوله لشهر المناطق هناك ويوجد مسجد نيقاريا وشلالات تمبر بارك وتوجد مزارات في سيلانجور اللي تبعد عن كوالالمبور مسافع قصيره وفيها مزارات مثل مدينة الاضواء وبوترجايا ورحله ببحيرتها ومجمع ماينز وتدرلاند ورحله القارب اللي داخله واطعام وبامكانك الاطلاع على موضوعي قد يكون الجدول عائلي لكني مرتبه المزارات حسب قربها من بعض وحسب افضلها بين المكرر في المدن المراد زيارتها واعذرني على الاطاله |
تاكيد على كلام اخوي شخص ثاني انا سمعت ان سنغافورا لازم فيزا ومن متطلبات الفيزه ان تاتيك دعوه من سنغافوره يعني لازم تجيك دعوه من الفندق الي بتحجز منه او من مكتب سياحي او شخص سنغافوري حتى تطلع لك الفيزا هذا طبعا اذا انت سعودي هذا خبر سامعته في احد مواقع التواصل الاجتماعي لكن مو متناكده 100 % اعتذر على الاطاله ورحله موفقه |
الله يهنيكم يارب بس ماخذ فكره غلط عن كوالا .. ترا مو بس شوبينق .. فيها وايد اشياء تستحق الاقامه فيها اكثر ياريت تشوف تقارير الاخوه الاعضاء واحد واحد اذا عندك وقت ترا بتستفيد من كل كلمه مكتوبه فيها ومنها تتعرف على الاماكن وتختار اللي يناسبك انا لمن تزوجت رحت شهر العسل ماليزيا فقط قضيت فيها 22 يوم وعطيت كل مكان حقه انا من رايي لا تروح بيننانق اذا بتروح لنكاوي .. وانت بعد شووف التقارير واحكم لانه لمن تسمع غير لمن تشوف تجارب الناس بالاماكن |
اقتباس:
الله يعطيك العاااااااافية |
اقتباس:
اقتباس:
بافكر و اعيد النظر .. شاكر لك رأيك القيم |
اقتباس:
شـ ك ر ا .. شكلي كنت ظالم كوالا .. باذن الله حتتغير الخطة |
سؤال ع الطاير ي اهل الخبرة .. هل يوجد فيلا او فندق .. بمسبح خاص ؟ اللي اعرفه انه في في لنكاوي .. و الفلل في الصنواي ( بس غاليين ) وفي في جراند ليكزس ( بس احس مستواه مو مرة ممتاز + مافي انشطة في المنتجع ) فـ اذا احد يعرف اماكن فيها مسبح خاص وسعرها مقبول , ياليت ينورني .. وشكرا : ) |
[B ] في لنكاوي فلل ويستن وفلل داتاي ولكن غالية شوف ﻻ فيلا لنكاوي سعرها تقريبا 1200 ريال وتلقى صور عنها في تقرير اخونا العدني بوردت ديكسون خذ غرفة سكاي مسبحها كبير والسعر حدود 800 ريال وبالعكس منتجع جراند ليكزس جميل وهادي وحقه يوم واحد ايضا يوجد منتجع لكزس هيبيسكوس جديد في بورت ديكسون وما اعرف اسعاره واحس المسابح معظمها مكشوفة[/B] |
ٱنـِْآ اييد الاخوان تجعل رحلتك فقط ماليزيا ٱنـِْآ اشوف تختار بين لانكاوي أو بينينج بس ٱذٱ ۶ـندڳْ ايام زياده روح لها كلهاا كوالا يكفيها ٣ ايام ٱنـِْآ الصراحه قضيت اربع ايام فيها مليت يمكن لاني ماعندي خبره كثير بالاماكن فيهااا جنتنق حلووه يوم اروح كانت مفتوحه مَآَ أَدْرِي .. ؟ عنها حالياا |
اقتباس:
يعطيك الف عافية عزيزي .. شاكر لك : ) |
بااااااك .. بعد تفكير و مشاورات و استفادة من الاعضاء الاعزاء .. تم تمديد المدة .. من 14 لـ 17 ليلة .. الذهاب 31 جانيوري ( جدة - كوالا ) .. العودة 17 فبراير ( كوالا - جده ) ورجعت بعدة استفسارات لو سمحتووو .. 1- تقسيمة جديدة مقترحة وش رايكم فيها : ليلتين سيلانجور 3 ليال لنكاوي 3 ليال بينانج ليلتين سنغافورة 5 ليال كوالا * يومين للسفر 2- فنادق لنكاوي تعبتني ! .. ايش في فندق سعره متوسط .. وممتاز وشاطئه نظيف وفيه انشطة بحرية + مكانه ممتاز .. لقيت في الـ هوليداي فيلا .. بس ما ادري كيف مستواه ؟ وشكرا لكم : ) |
+ لقيت حجز في الـ ويستن بـ 666 ريال لـ الليلة .. مع الفطور بس غير قابل لاسترداد السعر ! هل اتوكل على الله واحجز ؟ ولا اصبر اشوف شي ثاني انسب ؟؟ |
ماشاء الله تفاعل رائع وافادوك الخبراء تمنياتي لك بشهر عسل عسلي هولمز |
بالنسبة لفندق سعره طيب وشاطئه نظيف وعليه فعاليات وقريب من كل الخدمات والفنادق عندك فرنجباني وهوليدي فيلا بيتش بعده في المستوى اما ويستن فممتاز جدا كنظافة ومنتجع ومسابح ... لكن شاطئه غير مناسب للسباحة وﻻ يوجد عليه العاب بحرية والقرار بيدك |
اقتباس:
الله يسعدك ي شيخ .. شكرا من القلب .. باذن الله باشوف الفندق .. ( فرنجباني ) وكيف تقسيم الايام ؟ و تنصح اضيف مدينة او منطقة ثانية ؟ |
اقتباس:
الله يسعدك .. و يجعل ايامك كلها ع س ل ي ة |
ما انصحك تضيف مدينة ثانية الا حذفت مدينة اخرى فرنجباني حاول تاخذ فيلا شاطيئية او فيلا اطلالة جزئية على البحر وماتفرق عنها كثير (فقط مسافة بضعة امتار) لو لقيت كاسا دلمار او بلانجي بيتش بسعر ناسبك خذهم ولاتترد لانهم افخم من فرنجباني وموقعهم ممتاز جدا جدا (كل شي تروح له مشي ) حتى فرنجباني كل شي مشي اما هوليدي المشي راح ياخذ وقت نوعا ما بس بالتاكسي اقل من 3 دقائق وانت في شارع سينانغ حيث المطاعم وهذا مو معناه ان الهوليدي ليس حوله خدمات ... يوجد خدمات لكنها ليست ولاتقارن بما هو موجود في شارع سينانغ باختصا ر 1 كاسا دلمار 2 بلانجي بيتش 3 فرنجباني 4 هوليدي فيلا اوقات ممتعة ياعسل |
اقتباس:
تم الحجز في فرنجباني .. فيلا مطلة على الحديقة اهم شي عندي ( الانشطة البحرية + الموقع .. قريب من مطاعم وهيك ) سؤال اضافي ومعليش تعبتك يـ غالي .. بالنسبة لـ بينانج .. ايش افضل شاطي ؟ باحجز في الباتو فرينجي .. لقيت في البارك رويال و القولدن ساندز .. ^ الموقع و الانشطة البحرية تهمني و شكرا ربي يسعدك |
ماشاءالله وصلت 4 صفحات اهم شيء تطلع بفائدة ماقصروا معاك وخذ مثل ماقالك سمي ( هاي مزمز ) .............. ملاحظتي .................... ليلتين سيلانجور 3 ليال لنكاوي ( لو زودت يوم ونقصته من ايام كوالالمبور ) 3 ليال بينانج ليلتين سنغافورة 5 ليال كوالا ملاحظتي/ يالغالي ( تنقص يوم من كوالالمبور وتصير 4 ايام وتحطها في لنكاوي وتصير 4 ايام ) السبب انت نازل في سلانجور يومان ومعاها 5 ايام بكوالالمبور اشوفها كثيرة شوي طيب بالنسبة لفنادق بينانج وهو الافضل على شاطيء الباتوفرينجي وافضل فنادق بالترتيب وروووعة ( قولدن ساندز فيه ميزة المسجد وقربة من المطاعم وقربه من الصرافة وادوات الكهرباء ومركز تجاري ) اما بقية الفنادق فهي متلاصقة مابينهم وقريبة من قولدن ساندز بارك رويال + الهوليدي ان انا شخصيا سكنت في الهوليدي ان والسبب سعره مناسب واخذت مطل على البحر كلهم زي بعض فتحياتي لك ياعسل احجز ولا تتردد في قولدن ساندز ملاحظة اخرى / اجعل الأنشطة في بينانج افضلك يعني لاتجعل اعتمادك على لنكاوي ميزة بينانج الانشطة البحرية أجعل لنكاوي اماكن السياحية واسترخاء ورومنسية بينانج انشطة بحرية وسياحية اخوك /مزمز |
كلام اخوي وسميي مزمز منطقي وجميل |
| الساعة الآن 11:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO