|
عدنا من جديد صبحكم الله بالخير والنور والسرور عندي نية مع أبو العيال نروح ماليزيا على نهاية يناير إن الله أحيانا عاد محتاجة وقفتكم وهالله هالله فيني لا تتمللون من أسئلتي :26: عندي 12 وإذا كثرت خليتهم 13 ليلة بالكثير بإذن الله ياريت تقسمونهم لي بالترتيب مع الأخذ بعين الإعتبار مابي تنقلات جوية كله بالبر مجبورة شاسوي كان ودي بلنكاوي :2: حنا 3 بالغين و 3 أطفال فحابة مقترحاتكم بالفنادق كذلك |
السلام عليكم ورحمة الله وبركااااااااااااتة اذا كانت المدة 13 يوم كاملة يكون الجدول كالاتي يومين سيلانجور 4 بينانغ 2 كاميرون هايلاند 5 كوالا ------------------------- اوووووووووووووووووووو يومين سيلانجور , 4 بينانغ , 3ايام ايبوة , 4 كوالا اذا حابة اضافة لنكاوي في الجدول يكون كالاتي يومين سيلانجور ’3 ايام او 4 لنكاوي , 3 ايام او 4 بينانغ , 4 كوالا تقدري تروحي لنكاوي لو حابة بدون طيران بس هجوووووووووووولة 1- الانطلاق من كوالالمبور الى كوالا قدح المسافة حدود 4 ساعات تقريبا الى 6 ساعات حسب متوسط السرعة ايضاً حسب النقل ان كان تاكسي بيكون اسرع وباص بيكون ابطئ , المسافة حدود 450 كيلو تقريباً 2- ميناء قدح الى لنكاوي بالعبارة والمسافة ساعة ونصف http://www.m5zn.com/newuploads/2015/...77b83103bf.png |
👍🏻👍🏻👍🏻👍🏻👍🏻👍🏻👍🏻👍🏻 |
اقتباس:
مشكور يابو عمر عالإفادة الجدول الأول مناسب أكثر هل باصات الأيرولاين تطلع من بينانغ إلى الكاميرون ومن الكاميرون إلى كوالالمبور؟ إذا كانت الإجابة نعم وين موجودة مكاتبهم عشان أحجز؟ |
باصات الإيرو لاين تطلع من بينانج إلى كوالالمبور والعكس ولا تذهب إلى الكاميرون هايلاند ولكن هناك باصات أخرى مثل يونيتيتي تروح الكاميرون من بينانج أو من كوالالمبور وهذا رابط الشركة للحجز : Unititi Express |
أنا حجزت باص يونيتيتي من كوالالمبور إلى الكاميرون هايلاند بتاريخ 1 / 8 / 2016 |
يونيتيتي تقريبا من افضل الباصات الى كاميرون بس غالبا الباصات الى مرتفعات كاميرون تكون اقدم من اللي تطلع بينانج في معظم الشركات |
اقتباس:
فتحت رابط اليوينيتيتي مافي رحلات من بينانغ للكاميرون!! |
أتوقع إني في هالحالة بالغي الكاميرون وباخلي الرحلة تقتصر على 12 ليلة كالتالي: 3 ليالي سيلانغور 4 ليالي بينانغ 5 ليالي كوالالمبور شالراي؟؟؟؟؟؟؟؟ |
^^^^^^^^^^^^^^^^^^^^^^^ من وجهة نظري المتواضعة أشوف لنكااااااااااااااااوي تستاااااااااااااااااهل الزياااااااااااارة 2 سيلانجور, 3 لنكاوي, 3 بينانغ , 4 كوالا والافضل زيادة يوم واحد واضافته الى لنكاوي او بينانغ |
اقتباس:
لاتعور قلبي يابو عمر على لنكاوي أنا خمس مرات رايحة ماليزيا وماعمري زرت لنكاوي زوجي الله يهديه شرطه الوحيد مايبي رحلات جوية فمجبورين نسافر بالبر عنده فوبيا المرتفعات والطيران الإقتصادي وزاده خوف رحلتنا السنة اللي راحت من كوالالمبور إلى بوكت تعرضنا لمطب هوائي قوي خلاه يتشهد ويختم القرآن في لحظة |
^^^^^^^^^^^^^^^^^^^^^^ إن شاء الله مافي الا كل خير , يومياً تطير مئات الطائرات بين مناطق ماليزيا والحمدلله ماسمعنا اي شي المسافة 50 دقيقة تمر بسرعة البرق |
اقتباس:
والله عيززززت وأنا أحاول أقنعه حتى اليهال صافين معاه ويترجونه مهب راضي تدري إنه مستعد يدفع أكثر عشان نسافر ماليزيا على الإماراتية أو القطرية لا غير حتى لو نلاقي عروض ممتازة على طيران ثاني مايقبل لأنه مايثق إلا في هالثنتين |
والله خسارة جمال ماليزيا اختصرته لنكاوي الله يسهلكم اللي فيه الخير والصلاح وتكون رحله سعيده |
اقتباس:
Coach Bus from Penang to Cameron Highlands | Easybook.com أو Bus from Penang to Cameron | BusOnlineTicket.com |
معليش باتعبكم معاي تحملوني شوي لو نبي نروح سنغافورة من كوالالمبور يكفيها 4 ليالي؟؟؟ هي بتصير يومين لأن يوم الوصول ضايع أهم شي عندي اليونيفيرسال ستوديوز فيها شي غير يستاهل العنوة؟؟؟ |
خلاص الجدول المعتمد بإذن الله بيكون غالباً كالتالي: ليلتين كوالالمبور 3 ليالي سيلانغور 4 ليالي بينانغ 4 ليالي كوالالمبور وطبعاً مانستغني عن آرائكم القيمة وأي تغيير ممكن كل هذي مخطط مبدأي تراني ماحجزت التذاكر لحد الحين أنتظر الأسعار تحن علينا شوي وأنتظر المدارس عندنا تفتح عشان أعرف بالضبط تاريخ عطلة الربيع الرسمية قبل ماقص تذاكر الطيران الفنادق المختارة أسعارها ناااااار خصوصاً إني باحجز غرفتين في كل فندق لذا لي عودة إنتظروني :14: |
ليش 2 كوالا و3 سلانجور من رأي الافضل ان تكون بفندق واحد لان فيها نوع من الاستقرار او ممكن تضيفوا يوم يكون في بورت ديكسون |
اقتباس:
انا كان معاي ها الفوبيا .. حتى اذا رحت مول ما احب الطوابق العليا .. لكن الحمدلله الحين كل شي تمام .. باراشوت على طيارات مراوح على طيارات مائيه خليه يركب باراشوت .. يمكن بعدها يقل الخوف عنده من المرتفعات |
اقتباس:
ليش ماتخلي الجدول كالاتي يومين سيلانجور 3 ايام ايبوة فيها ملاهي العالم المفقود وفيها الانميشين بتفتح في ديسمبر 2016 4 ايام بينانغ 4 ايام كوالا اولاً احلى مافي ايبوة , تقع في المنتصف تقريباً بين بينانج وكوالا يعني تقدروا تروحون لها بدون اي عناء المسافة بالكيلو من ايبوة الى بينانج والعكس صحيح 150 كيلو تقريباً تقطعها في ساعة و 30 دقيقة تقريباً هذي بالتاكسي طبعاً , بالباص اتوقع 3 ساعات مثل ماذكر اخوي تركي في تقريرة على بال ماتحمل ركاب من الى بيستغرق وقت شويتين المسافة بين كوالا وايبوة حدود 200 كيلو تقطعها في ساعتين تقريباً http://myroyalrae.com/wp-content/upl....-15-17.20.gif نُشاهد في الخريطة ايبوة في المنتصف تقريباً بين كوالا وجورج تاون عاصمة جزيرة بينانج |
عدنا من جديد حيا الله من جانا الغاليه اول ايام خليها سيلانقور ماله داعي كوالا يومين بعدين سيلانقور لان سيلانقور تعتبر جزء من كوالا الله يهدي ابوكم ويرضى يروح لنكاوي صج حلوة برحلتي الاخيره بعيد الفطر حجزنا باصات من محطة الباصات لان ماحصلنا ايرولاين للاسف من سيلانقور الى بينانغ لكن تعبنا كثير رحنا المحطه وركبنا الباص ومستهتر صيني حقير وكان يوقف بمحطات يركب ناس اعتقد لحسابه تأخرنا كثير وصلنا ب ثمان ساعات هلكنا واحنا العايله الوحيده العرب بالباص وكل شوي يتكلم بالتلفون يقول عرب يقصدنا كان بيموت من القهر عشان شنطنا بعددنا ومارضى يشيل شنطه يدخلها الباص حسبي الله عليه ماصادفنا مثله بكل سفراتنا وطبعا وصلنا لمحطه باصات بينانغ واخذنا تكسي للفندق هذا اليوم متعب جدا فلما رجعنا لكوالا استأجرنا باص كبير خاص لنا بس من الفندق الى الفندق ووصلنا بست ساعات بس مع الزحمه والحمد لله كانت رحله جميله [emoji177]قصة حب[emoji177] |
عليج بالعافيه السفرة مقدما والربع اكيد ما قصروا وما بيقصرون معاج لاي استفسار بس حبيت ادش واسلم عليج يا كريستاله |
اقتباس:
ليلتين كوالا في البداية لأن يوم الوصول بيكون ضايع مع التعب واليوم الثاني تجديد للنشاط 3 أيام سيلانغور قلت نقضيهم في الصنواي لاغون ريزورت واللي حولهم مثلاً البيراميد والآي ستي والماينز والأماكن القريبة هذي مجرد مخطط وأرحب بأي تعديلات بدون رحلات جوية عطني مقترح يشمل 13 ليلة ويتضمن بورت ديكسون مثلاً |
اقتباس:
حتى البراشوت عنده من الممنوعات ههههههههههههه والله بديت أخاف معاه من كثر مايوسوس |
اقتباس:
ممتاااااااز يابوعمر شكل جدولك عجبني والمخطط تمام ومعقول :(89): السؤال باصات الأيرولاين تطلع من محطة الصنواي لاغون وتروح على إيبوه؟؟؟ وبالمثل من أيبوه باصات الأيرولاين تطلع على بينانغ؟؟؟ وإذا نعم من وين بالضبط عشان أرتب أموري؟؟؟ هل أقدر أحجز جميع رحلاتي بالأيرولاين مرة وحدة؟؟؟ يعني من صنواي لاغون إلى أيبوه ومن أيبوه إلى بينانغ ومن بينانغ إلى كوالا؟؟؟ والأهم من كل هذي هل أيبوه تستحق الزيارة؟؟؟ العالم المفقود يستاهل هالعنوة؟؟؟ لاتندم إنك عطيتني هالإقتراح وتحملني هههههههههه |
اقتباس:
هلا وغلا والله الله يعينج والله ماتنلامين يوم إنقهرتي الواحد مسافر يتونس ولا يتبهدل!! حسبي الله عليه هالصيني مايدري إنكم طالعين معاه بفلوسكم ماله فضل عشان يتفلسف بس معروفة هذي أخلاق أكثر الصينيين بس يلا معوضة إن شاء الله اليايات أحلى بالنسبة لأول يومين بيصادفون الجمعة والسبت الجمعة حسبيه ضايع لأنه بيكون يوم الوصول معقولة ندخل ملاهي الصنواي يوم السبت!! هذي يوم عطلتهم ومالي خلق الزحمة والطوابير والإنتظار هذي نقطة دايماً تنكد علي في كل سفرة :29: |
اقتباس:
الله يعافيج أختي تسلمين دعواتج مايصير شي وتخرب السفرة وتتنكسل :24: |
بعد إذن اخوي العسل ابو عمر اختي باصات ايرولاين ما تغادر الى ايبوه |
^^^^^^^^^^^^^^^^^^^ العسل للعسل , خذ راحتك ياغالي كلنا مكملين لبعض أُختي بيبي فيس ان شاء الله يفيدونك الاعضاء اللي زاروهااااا http://www.arabtrvl.com/vb/t20394.html وجهات وأسعار باصات ايرولاين Aeroline |
بالتوفيق بيبي فيس .. إيبوه حلوة وهادية جدا واحنا حبيناها بجدّ ... مع انه ما زرنا الا العالم المفقود لكن الفندق نفسه كان حكاية .. اسمه بست ويسترن بريميير .. اذا قررتي تزوري سنغافورة فاحنا قضينا فيها ليلتين وكانت نوعا ما كافية .. فيها غير يونيفرسال ستوديوز شغلات جميلة وقريبة من بعض ممكن تزوريها متل العجلة الدوارة سنغابور فلاير، وفي حدائقها جميلة جدا اللي هي Gardens by the Bay وعموما المنطقة اللي حواليها حلوة للتمشاية بالليل .. |
بالفعل ايبوه جميلة ويكفيها من يومين الى ثلاث اجمل شي فيها الان العالم المفقود .. واللي راح يفتتح اخر السنة الميلادية موفي انيميشن ستوديو وكلها تناسب الاطفال ملاحظة :مسابح العالم المفقود زرتها قبل اسبوعين مستواها صار اقل بسبب عدم نظافة المسابح وفندق بيست ويسترن رائع والسباحة فيه اروع وسط البحيرة والجبل رحلة ممتعة هاي مزمز |
اقتباس:
أفاااااا والله إخترب أم المخطط :12: الظاهر باخليهم بس 12 ليلة عشان أقدر أبتدي بالصنواي لاغون مثل ماقالت قصة حب يعني الجدول بيكون كالتالي: ليلتين صنواي لاغون 4 ليالي بينانغ 5 ليالي كوالالمبور والليلة الأخيرة في بورت ديكسون شرايك؟؟؟ |
اقتباس:
كلكم خير وبركة وماتقصرون :3: مع الأسف فعلاً الأيرولاين ماتروح أيبوه ولا تطلع منها لذا أتوقع إني باشيل يوم واحد من الرحلة وبيكون الجدول كالتالي: ليلتين صنواي لاغون 4 ليالي بينانغ 5 ليالي كوالالمبور والليلة الأخيرة في بورت ديكسون |
اقتباس:
أهلاً بصاحبة التقارير اللذيذة :18: والله ياختي ودي بسنغافورة أنا رحتها من زمان في شهر العسل بخاطري أودي اليهال اليونفيرسال والعجلة الدوارة وكنت مخططة أربع ليالي لكن كالعادة زوجي دايماً بالمرصاد ويختلق الأعذار مادري ليش :26: بس دام وصلتيني خليني أستغلج :17: سكن عائلي في كوالالمبور قريت مرة إنج تفضلين لانسون بليس ياترى ليش؟؟؟ وين صاير موقعها قريبة من شنو وبعيدة عن شنو؟؟؟ وأيهم الأفضل هي أو E & O أو أسكوت؟؟؟ ولماااااااذااااااا؟؟؟ من خلال متابعتي لاحظت إن لانسون بليس الوحيدة من هالثلاثة اللي فيها غسالة وللعلم حنا ثلاثة بالغين واليهال بعد ثلاثة الله يحفظهم |
بس مداخله بسيطه بالنسبه للشقق E&o فالشقق مجهزه بالكامل و فيها غساله و نشافه و صحون و كل شي. و أشوفها ممتازه جداً و جربتها في اخر سفره ممكن تشوفي تقريري الاخير، موقعها جداً قريب من شارع العرب و المناره و محطه راجا شولان دقيقتين مشي. و سعرها في الغالب يكون رائع. |
اقتباس:
مداخلة جميلة أرحب فيها :14: رحت أجيك في أغودا مالقيتهم ذاكرين إن فيها غسالة ونشافة وقريت في الكومنتات الموجودة عنها إنها تقع وسط حي وأغلب السواقين مايعرفونها هالكلام صحيح؟؟؟ بارجع لتقريرك وأجوف تجربتك فيها |
صحيح هم في شارع فرعي لكن قريب من الشارع العام و الامن عالي جداً. و التكاسي يعرفوا المكان و ما يضيع اصلاً، امام محطه راجا شولان. |
اقتباس:
أنا نفس الشئ كان يوم الوصول يوم السبت فأجلت سيلانجور صنواي لاجون إلى آخر أيام الرحلة فكان المخطط كالتالي : ليلتين كوالالمبور زرت فيها حديقة الطيور وإكواريا وحديقة البرجين والبافليون مول . ليلتين الكاميرون هايلاند ( حاليا فيها ) ثلاث ليالي بينانج ثلاث ليالي سيلانجور ومن خلالها يمكن زيارة الصنواي لاجون وآي سيتي والماينز وبوتراجايا وزوو نيجارا وشلالات تمبلر أو زيارة جنتنج . |
اقتباس:
إن شاء الله أحط هالشقق ضمن الخيارات الممتازة خلك متابع الله لايهينك أكيد باحتاج مشورتك |
اقتباس:
هل حسيت إن أيام سيلانغور وايد؟؟؟ |
| الساعة الآن 08:44 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO