|
ماليزيا... كل عام وإليك وجهتي ... بسم الله الرحمن الرحيم السلام عليكم ورحمة الله وبركاته يالله إنك تمسيهم بالخير:69: . رحلتي هذا العام هي الرحلة الخامسة لماليزيا (ماشاءالله) :7::7 ويعود الفضل بعد الله عز وجل في نجاحها ونجاح ماقبلها لهذا المنتدى الرائع ولكل من فيه من مشرفين أو أعضاء كرام .[/SIZE] ومن باب العرفان أحببت أن أترجم شكري لكم في كتابة هذا التقرير:e301: . لأول مرة أكتب تقرير _ ولأني مالي في الطويلة _ قررت بدل كتابة اليوميات سأسرد تقريري في صورة أجزاء ، وفي كل جزء سأكتب بإذن الله عن تجربتي في أماكن الأقامة والمطاعم وأماكن الترفيه ، ولأني بهالطريقة ممكن أضيف تجربة رحلاتي السابقة في كل جزء مرفق معها الصور بإذنه تعالى. الأجزاء ستكون كالتالي: الجزء الأول: سلانجور+بوترجايا +تجربة قيادة السيارة في كوالا والسفر بها . [ uhttp://www.arabtrvl.com/up/uploads/a...3555619572.jpg ماليزيا زرتها عام 2007مالجزء الثاني:إيبوه+الكاميرون. http://www.arabtrvl.com/up/uploads/a...3556695291.jpg http://www.arabtrvl.com/up/uploads/a...3556695342.jpg الجزء الثالث : بينانج http://www.arabtrvl.com/up/uploads/a...3556939231.jpg الجزء الرابع : جوهور http://www.arabtrvl.com/up/uploads/a...3557089211.jpg http://www.arabtrvl.com/up/uploads/a...3557089262.jpg الجزء الخامس : كوالالمبور قبل أن أختم هالمقدمة أحب أعطيكم فكرة عن عدة نقاط : أولا : اختيار ماليزيا . 2010م 2011م 2015م 2016م من يزورها مرة يفكر في العودة مرات ، لأن فيها كل مقومات السياحة العائلية :72: أفراد الرحلة: أنا وزوجتي وأبنائي الأربعة ( 11-9-8-3) سنوات الناقل الرسمي المعتمد عندي : الخطوط السعودية . وقد تم الحجز قبل موعد السفر تقريبا ب 10شهور ، المدة طويلة لكن إن أردت سعر جيد فلابد من الحجز المبكر وتم شراء تذكرة 2بالغين /4442ريال 4أطفال / 6792 ريال طريقة حجز الفنادق : موقع بوكينق بالإضافة لأقودا وأحيانا من موقع الفندق نفسه . ولابد من الانتباه عند مقارنة السعر بين المواقع هل السعر شامل للضرائب أم لا ؟ لأن عند الوصول للفندق قد تتفاجأ بأن السعر اللي تم الحجز عاى أساسه غير شامل وستدفع مبلغ إضافي قيمة الضرائب. كذلك عند حجز الفنادق الأفضل الحجز القابل للإلغاء لأنه قد تتغير الأسعار بين فترة والثانية . ففي أحد حجوزاتي قبل موعد الحجز بيومين وجدت نفس الغرفة التي حجزتها قد نزل سعرها للنصف فالحمد الله ألغيت حجزي الأول وحجزت من جديد في نفس التاريخ بسعر هذا وأنا مالي بالطويلة طلع معي كل هالحكي :1: |
الحمد لله على السلامة وما شاء الله تبارك الله يبدو من الصور اننا على موعد مع تقرير ناري احجز لي مقعد ومتابع باستمرار [emoji122] أرسلت بواسطة iPhone بإستخدام Tapatalk |
:e022: |
ياهلا و مرحبا بالغالي ثنيان ما شاء الله بداية رائعة و صور أروع رغم أننا لازلنا بالبدايات استغربت يوم تقول أول مرة اكتب تقرير الاسلوب الجميل هذا و الصور الاحترافية تدل على كاتب تقارير محترف طالما كررت الزيارات لماليزيا أعلم اننا سنرى أجمل مافيها متابعين معاك و شكراً لذوقك |
حمدلله عالسلامة بداية تقرير رائع وتخطيط اجمل للحصول على اسعار وخيارات اكثر استمر يا عسل فنحن متابعين معك |
... |
ما شاء الله تبارك الله وخر ي ابو سعد خلني اجلس جنبك ننتظر التفاصيل تحياتي |
الحمدلله على السلامه بالفعل ماليزيا عشق لا ينتهي... أرسلت بواسطة iPhone بإستخدام Tapatalk |
ماشاء الله ماليزيا راحة وبلد اسلامي وفيها تنوع جغرافي وفعلا اللي يزورها لازم يكررها بس في شي ناقص في التقرير وين جزء لنكاوي:46: باين التقرير من بدايته :58: واصل نحن في الانتظار |
الحمدلله عالسلامه ما شاء الله عليك اخوي اول مشاركه في المنتدى هي كتابه تقرير احييك :64: و إن شاء الله من المتابعين لتفاصيل رحلتك الخامسه |
اقتباس:
الله يسلمك يابو عبدالله تراني على قدي شرفني مرورك |
اقتباس:
هلا بك اخر فرصة شرفني مرورك وفعلا انا اول مرة اكتب تقرير لكني تعلمت من منتدانا الرائع كل شي زين وان شاء الله اكون عند حسن ظنكم بي |
اقتباس:
تسعدني متابعتك يالغالي منكم تعلمنا التخطيط والبحث للحصول على أفضل النتائج |
اقتباس:
هلابك HUNTER يشرفني متابعتك وعساني اقدر افيد وتراني مكثر كراسي الصف الاول لا يهمك |
اقتباس:
الله يسلمك ويحفظك فعلا ماليزيا لا تمل |
اقتباس:
هلا بك اختي ماليزيا ترضي جميع الاذواق خمس مرات اروح ماليزيا وللان مارحت لنكاوي لاني اكتفي بزيارة بينانج لكن لابد من زيارة الى لنكاوي باذن الله |
اقتباس:
هلا بك ابو اعبدالله يقولون اول ماشطح نطح مافي تفاهم ابد على التقارير مباشرة شرفني مرورك يالغالي |
اقتباس:
ههه ان شاء الله تزور لنكاوي قريبا وتكون من اجمل الرحلات:e303: |
... |
هلا بكم... وصلنا ماليزيا والتعب وصل حده معي ومع عيالي رحلة طويلة وانا مايجيني نوم في السفر تقل حارس وكالعادة ننتقل بالقطار للصالة الثانية وقدامك منظر الجوازات والطابور والزحمة لكن تهون طالما وصلت للحبيبه ماليزيا هالمرة طولت شوي في الطابور لدرجة ان يوم وصلنا سير العفش لقينا الشناط لحالها ماحولها احد الناس راحو وانا صاف سرا وفكنا الله من التفتيش اللي قبل تطلع من صالة الوصول لانهم يخلونك تنزل شناطك وتحطها في الجهاز وترجع تشيلها مرتن ثانية لحد يقول جمرك لانهم ياخذون الواحد حسب هيئته يعني ماهوب كل الناس يفتشونهم الخواجات طبعا محد حولهم والعرب هم اللي يركز عليهم .. بغيت اعصب لكن تذكرت اني غريب فلازم اصير اديب رحت لمكتب الاتصالات وخذيت 3شرائح بقيمة 150 رنقت وكملت على مكتب التكاسي بمبلغ 167رنقت وطلعنا من المطار باتجاه فندق الصن واي لاقون لمدة 3 ايام جناح مطل على الحديقة http://www.arabtrvl.com/up/uploads/a...3638151471.jpg http://www.arabtrvl.com/up/uploads/a...7363815152.jpg ملاحظة بعض الصور لاتحمل توقيع لانها من النت مميزات الجناح التنفيذي استقبال خاص في الدور 20 الدخول للكلوب مرتين في اليوم يحتوي مأكولات خفيفة وعصائر وقهوه غسيل مجاني لعدد 3 قطع في اليوم عطوني سرير إضافي مجاني وحقيقة هالفندق احبه جدا لعدة اسباب رغم انه غالي لكن: -يقدم خدمة مرضية لي بمقابل المبلغ المدفوع -تعاون واستقبال اكثر من رائع حبيبنا الاخ داوود وهو فلسطيني مقيم في ماليزيا ومدير في الصن واي كان في غاية اللطف والتعاون في الرحلتين الاخيره http://www.arabtrvl.com/up/uploads/a...3636760084.jpg -توفير مترجمين عرب متعاونيين وصبورين في الاستقبال -نظافة وخدمة غرف ممتازة -تنوع الفطور عندهم حكاية (ماتدري وش تاخذ وش تخلي) مراعين فيه الذوق الخليجي http://www.arabtrvl.com/up/uploads/a...3634674187.jpg http://www.arabtrvl.com/up/uploads/a...3634674146.jpg http://www.arabtrvl.com/up/uploads/a...3634674239.jpg http://www.arabtrvl.com/up/uploads/a...7363467415.jpg http://www.arabtrvl.com/up/uploads/a...3640550351.jpg -مسابح الفندق جميلة وواسعة تناسب الكبار والصغار http://www.arabtrvl.com/up/uploads/a...3639555431.jpg هالسنة عندهم قهوة عربي جايبين مكوناتها من السعودية (حسب كلام داوود) عاد قهوتهم جيده كبداية منهم ومحاولة لإرضاء النزلاء الخليجيين والعرب إضافة الى الشورما والبليلة والترمس والباجلا وتجدونها بجوار المسبح والقهوة موجودة باللوبي بعد http://www.arabtrvl.com/up/uploads/a...3641692331.jpg http://www.arabtrvl.com/up/uploads/a...7364169242.jpg -حديقة مائية وحديقة العاب مايحتاج اوصفها ابد(اسبق عيالي عليها) وسبق أن تكلموا عنها الأخوان بالتفصيل في المنتدى. حجزت الدخول للحديقة عن طريق النت من موقع Asiatravel.com | Hotels Resorts Air Ticketing Tours Packages Reservation بسعر حلو بالنسبة لي وهو 385 رنقت 2بالغين و3اطفال والاخير كان باقي له شهر ويوصل لسن 3سنوات فكان دخولة مجاني وفرق معي من اني احجز من عند البوابة فقط عطيتهم ورقة اللحجز اللي طابعها وعلى طول عطوني الاساور من الساعة العاشرة موعد فتحها نستمتع بالحديقة من فوق لين تحت وعادة ابدأ من الملاهي فوق افرها كلها انا وعيالي وبعدين ننزل نكمل باقي اليوم في المسابح لين يقفلون واخر واحد يطلع انا (أحلل دراهمي) وللمعلومية تم افتتاح قسم جديد في الحديقة NICKELODEON THEMED LAND اعتقد فيه احد من الاخوان معنا بالمنتدى غطاه لنا جزاه الله خير لم يناسب الاولاد عندي (مزاجهم عجيب) الحديقة جدا رائعة ومناسبة للجميع صغارا وكبارا حلو اني اخلي اول رحلتي عندهم ارتاح كم يوم وعشان عيالي يفرغون شحنة الطاقة اللي بهم اول مانوصل وعشان ورانا فرفرة طويلة في ماليزيا http://www.arabtrvl.com/up/uploads/a...3639555482.jpg http://www.arabtrvl.com/up/uploads/a...3639555523.jpg http://www.arabtrvl.com/up/uploads/a...3639555564.jpg http://www.arabtrvl.com/up/uploads/a...7363955565.jpg http://www.arabtrvl.com/up/uploads/a...3639555666.jpg http://www.arabtrvl.com/up/uploads/a...3639555717.jpg http://www.arabtrvl.com/up/uploads/a...3639555758.jpg -مول كبير وحلو فيه تنوع وبضاعة جميلة - توفر المطاعم بكل انواعها في المول http://www.arabtrvl.com/up/uploads/a...3636760012.jpg http://www.arabtrvl.com/up/uploads/a...3636760043.jpg http://www.arabtrvl.com/up/uploads/a...3636759951.jpg من تجربتي بحط لكم مطعمين جربتهم الأول مطعم هندي http://www.arabtrvl.com/up/uploads/a...3637123528.jpg http://www.arabtrvl.com/up/uploads/a...3637123569.jpg http://www.arabtrvl.com/up/uploads/a...3635124359.jpg http://www.arabtrvl.com/up/uploads/a...3635124318.jpg http://www.arabtrvl.com/up/uploads/a...3635124114.jpg http://www.arabtrvl.com/up/uploads/a...3635124185.jpg http://www.arabtrvl.com/up/uploads/a...3635124226.jpg http://www.arabtrvl.com/up/uploads/a...3635124267.jpg http://www.arabtrvl.com/up/uploads/a...3635123981.jpg http://www.arabtrvl.com/up/uploads/a...3635124032.jpg http://www.arabtrvl.com/up/uploads/a...3635124073.jpg المطعم جيد لمن يبحث عن المذاق الهندي المطعم الثاني هو مطعم الطربوش وهو مطعم معروف لمرتادي البراميد http://www.arabtrvl.com/up/uploads/a...3637123467.jpg http://www.arabtrvl.com/up/uploads/a...3637123385.jpg http://www.arabtrvl.com/up/uploads/a...3637123426.jpg http://www.arabtrvl.com/up/uploads/a...6367603210.jpg http://www.arabtrvl.com/up/uploads/a...3637123211.jpg http://www.arabtrvl.com/up/uploads/a...3637123252.jpg http://www.arabtrvl.com/up/uploads/a...3637123293.jpg http://www.arabtrvl.com/up/uploads/a...3636760217.jpg http://www.arabtrvl.com/up/uploads/a...3636760248.jpg http://www.arabtrvl.com/up/uploads/a...3636760289.jpg ويميز المطعم وجود جلسات خارجية مطلة على الحديقة المائية http://www.arabtrvl.com/up/uploads/a...3636760125.jpg http://www.arabtrvl.com/up/uploads/a...3637123334.jpg -المهم انه فندق يوسع الصدر يتبع ... |
قيادة السيارة.. في هذه الرحلة تشجعت وقررت اني اجرب قيادة السيارة في ماليزيا طبعا بعد ما شفت تجارب بعض الاخوان بالمنتدى توكلت على الله حجزت السيارة من السعودية عن طريق موقع الطيار للسفر والسياحة https://www.altayyaronline.com/ar/Cars.html الطيار عندهم ميزة تختلف عن باقي المواقع الثانية وهي انك تقدر تاخذ السيارة من مدينة وتسلمها في مدينة ثانية وانا كنت ابي اخذها من كوالا واسلمها في بينانج لمدة اربعة ايام والباقين تستلم وتسلم في نفس المدينة الموقع بسيط وطريقة الحجز ايضا بسيطة اخترت شركة هرتز http://www.arabtrvl.com/up/uploads/a...7364393488.jpg موب لان اسعارها رخيصة ولكن لانها شركة عالمية وموثوقة خصوصا لواحد مثل حالتي اول مرة اتعامل مع شركات تأجيرسيارات في غير بلدي السيارة كانت هونداي النترا http://www.arabtrvl.com/up/uploads/a...3643934829.jpg ب 180ريال في اليوم عشانها كبيرة وتشيل الشناط (ام العيال تشيل كل اللي تحتاجه واللي ماتحتاجه) طبعا تحتاج فيزا لاتمام عملية الحجز وللمعلومية كل المواقع وشركات تأجير السيارت يطلبون فيزا غير مسبقة الدفع لكن ماعليك منهم بطاقتي فيزا مسبقة الدفع من الراجحي ومشت الأمور وتسهلت مادام الحروف بارزة لايهمونك ولا تقول لهم انها مسبقة الدفع عطهم البطاقة وابتسم ونفس الشي مع اي مكان او موقع وش دراهم طالما فيها دراهم المهم اني طلعت رخصة دولية ب 120 ريال من مكتب سياحي بجدة وسددة قيمة مخالفات قاهر(ساهر)ب2000ريال الله يخلف بس والغبنة اللي تبط التسبد انهم طلبوا الرخصة السعودية قلتلهم معي رخصة دولية هاكم قالوا مانبي غير السعودية وزين اني جايبها معي ومدري هل هالنظام مع هرتز بس او مع كل المكاتب كان الحجز اني اخذ السيارة من مكتب في وسط كوالالمبور وأسلمها في مطار بينانج كنت محدد تاريخ استلام السيارة قبل السفر الى بينانج بيوم عشان لو حصل شي غير مخطط له اقدر اتصرف واحجز طيران لاايبوه وما اتعطل ويضيع حجز الفندق (كانت ايبوه في مخطط الرحلة اني اوقف فيها لمدة 3 ايام قبل اروح بينانج) وعشان اتعود على القيادة في ماليزيا خصوصا انها يمين ماهو بمثل عندنا وفي اليوم الموعود طلعت من الفندق واخذت تكسي وعطيته عنوان مكتب التأجير وقالي انت تبي تستأجر سيارة؟ وعلامات الاستغراب في خشته قلت له ايه رح بس للعنوان ماعليك وطول الطريق وهو كل ماشاف زحمة يقولي شف الزحمة شلون تبي تسوق انت مع هالناس وانا اقول ماعليك رح بس وكل ماقربت لكوالا واشوف الزحمة كل ماجتن ام الركب لين اني فكرت اكنسل الموضوع كله وشل لي وشل الغرابيل وهالزحمات لكن تراجعت وتذكرت الفشلة اللي بتصير لو كنسلت .. لين دخل بي مع شارع العرب ووصلنا للمكتب حق هرتز والسواق الصيني كنه يقول الله يعينك يالمسكين .. دخلت المكتب وكان استقبالهم جميل ورائع نسوني التوتر اللي كان فيني الأجراءت كانت يعني متوسطة استغرقت 30 دقيقة (بسبب ماعندهم سيارتي) وكانت المفاجأة اني يوم جيت استلم السيارة قالوا لي ماعندنا النترا لكن بنرقي لك السيارة وتاخذ اكبر منها وش رايك نعطيك هونداي توسان (جيب صغير) وما تدفع شي تاخذها بنفس سعر الالنترا عاد انا استانست جيب يعني وسع لعيالي ويشيل شناطنا ويعنني ماني راضي عنهم قلت طيب http://www.arabtrvl.com/up/uploads/a...3643934787.jpg http://www.arabtrvl.com/up/uploads/a...6439348510.jpg سألتهم عن بنزين السيارة وعن بوابات الضرائب اللي على الطرق قالوا لي البنزين فل لكن تراك ترجعه لنا فل مثل ماعطيناك وتعبيها البنزين الاصفر 95 وتاخذ بطاقة اسمها تاتش اند قو http://www.arabtrvl.com/up/uploads/a...3643934755.jpg http://www.arabtrvl.com/up/uploads/a...3643934713.jpg من اي محطة او بقالة سفن الفن لكني مالقيتها غير في صيدلية واتسون اللي قدام الصن واي وكني باخذ بنادول لكن الشحن تلقاه باي مكان مافي مشكلة المهم انها تنشحن وقلت لهم حطو فيها ب 30 رنقت على بالي تكفيني لمدة 4 ايام لكن زدتها عقب ب 20 رنقت واستخدمت برنامج وييز http://www.arabtrvl.com/up/uploads/a...3643934776.jpg وكان برنامج ممتاز ورائع يغنيك عن قوقل ماب وسايجك وقارمن وهو مجاني سهل الاستخدام تفاعل الماليزيين معاه كبير لانه يعتمد على رسائل واشعارات السائقين المستخدمين للبرنامج http://www.arabtrvl.com/up/uploads/a...3643934692.jpg يعلمك ان بوه زحمة قدامك واذا بوه سيارة متعطلة واقفة على جنب او اذا فيه حادث لا قدرالله أو نقاط تفتيش تكتب اول حرفين من الفندق او المكان اللي تبيه ويسرد لك على طول ويعطيك العنوان وكم كيلو عشان تاصل وكم يبيلك من وقت واذا فيه محطات في طريقك .. المهم اني استفدت منه جدا واستخدمته لين وصلني لبينانج وهو نعم الخوي توكلت على الله وركبت السيارة ومشيت والأمور سلكت بشكل ماكنت اتوقعه لكن تساهيل من رب العالمين وجمال السواقة عند الماليزيين محد يسرع ومحد يتجاوز من راسة بدون اشارة ومحد يعلق البوري وراك يستعجلك ويغثك حست شوي في شوارع كوالا لكن حوسه جميلة عرفتني بعض الاماكن والمناظر لين وصلت لبوابات الضرائب http://www.arabtrvl.com/up/uploads/a...3643934734.jpg واتذكر اني ماشريت البطاقة حقتهم وش اسوي بعمري هالحين واختار بوابة مابها سيارات وادرعم لها ووقفت ومن شين الحظ هي البوابه الوحيده اللي مافيها موظف طلعت هي حقت البطاقة بس تمرر البطاقة على الجهاز وتفتح لك البوابة وانا ماعندي بطاقة والسيارات وراي سرا لكن لكن شهادة لله مافيهم واحد دق بوري ولا فيهم واحد غير مساره لين جاء الموظف وبكل ادب قالي ادفع 2.50رنقت عطيته خمسين من الروعه احسبوه يبي يهاوشن وراح وجاب لي الباقي وفتح البوابه ومشيت كملت طريقي (لين سلمت السيارة في بينانج وانا كل ماجيت عند هالبوابات احوس واروح لبوابة غلط ماتقبل البطاقة بس الحمدلله بمساعدة عيالي اذا وصلت دلوني على البوابة الصحيحة) لين وصلت للصن واي لاقون بحفظ الله بدون اي مشاكل وبكل يسر وسهوله وطلع الموضوع كله بسيط جدا ومايحتاج ابدا للتوتر اللي جاني من قبل ونظرات الاستغراب كانت على وجيه كل من قابلتهم عند بوابة الفندق كيف استأجرت سيارة ووصلت لهم خصوصا مكتب التكاسي لانه كان عارف العنوان اللي بروح له وسط كوالا ولمكتب التأجير واستخدمت مواقف نفس الفندق مجاني عطوني بطاقة دخول للمواقف ونفس الحال مع الفنادق اللي نزلت فيها ومعي السيارة. مميزات ومساوئ تاجير سيارة وقيادتها في ماليزيا: - اي مكان تبيه تروح له وقت ماتبي وترجع وقت ماتبي - زوجتك وعيالك ياخذون راحتهم في المشوار عكس لو انهم في التاكسي -وتفتك من سواليف بعض السواقين وبثارة الصينيين وريحه الهنود وتماثيل بوذا اللي بكل سيارة اشوفه - مناظر تشوفها تسر العين والنفس والروح - توقف بأي مكان تصور أو تمغط وتطلق رجليك ماااااعندك مشكلة - تسافر اي مكان يخطم براسك أو باللوحات قدامك بالطريق(الكميرون ماكانت في مخططي ابد لكن شفتها قريبة من ايبوه وام العيال شجعتني نروح لها ورحنا مافي اي مشكلة) -محطات البنزين متوفرة بكثرة في طرق السفر وهي جميلة ونظيفة وفرصة للمتعة والتجول - المصليات متوفرة بكل محطة في الطريق -ترتاح من المطارات ووجع الراس عفش وشناط ووزن وموعد طيارة وانتظار اقلاع وحضور بدري -القيادة هناك امنه جدا تراهم فنانين حتى سواقة حريمهم ماعليهم -اختلاف القيادة من اليمين لليسار مافيه اي مشكلة 10 دقايق والوضع معك تمام (حصل وعكست شارع لكن جت سليمة ماكان غير سيارة وحده في وجهي وقف لين تنبهت وعدلت وضعي ومشيت بدون اي تذمر منه الحبيب) -مافي نقاط تفتيش في الدخول والخروج من المدن ولا شفت اي شرطي أو مرور طول مدة السفر -يازين ساهر عندهم ينبهك يقول لك تراني قدامك لا تسرع (لوحات تنبهك انك في منطقة تصوير سرعة) مسافة بسيطة بس وبعدين ادعس وانت منت محتاج للسرعة أصلن للأمان أولا وللمناظر اللي تأسرك ثانيا -سعر لتر البنزين اعبي فل 85رنقت وعبيتها مرتين طوال مدة الرحلة لين سلمتها لهم فل المساوئ: حقيقة لم ارى لها اي مساوئ تمنع من التمتع بقيادة سياره في بلاد جميلة مثل ماليزيا (وجهة نظر شخصية وتجربة) ندمت اشد الندم اني اخذت السيارة لمدة 4 ايام فقط كنت حاجز لجوهور من بينانج على طيران اسيا ولا اقدر استعيد المبلغ او الغي الحجز تمنيت اني خليتها معي طول الرحلة من راحة ووناسه شفتها وفلة حجاج لا تحرمون انفسكم وعيالكم من هالمتعة توكل على الله وجرب يتبع .. أول مشوار بالسيارة مع العائلة .. بوتراجايا |
اقتباس:
سبحان الله في كل مرة أكتبها في جدول الرحلة لكن ماالله يريد . |
كل عام وانت طيب ما شاء الله بداية موفقة الصنواي لاجون [emoji7] باْذن الله الأسبوع القادم اروح له قيادة السيارة في ماليزيا بصراحة ما جربتها وما خطرت على بالي أبدا متابع معاك التقرير الرائع [emoji106] أرسلت بواسطة iPhone بإستخدام Tapatalk |
ماشاء الله بداية كويسه وحماسيه. وصور روعة معك إلى الأخير أرسلت من SM-N910C بإستخدام تاباتلك |
اقتباس:
هلا ابو سعد كل عام وانت بصحة وسلامة توصل بالسلامة والله يجعلها رحلة سعيدة يارب شرفني مرورك |
اقتباس:
حي الله بن قوت متابعتك تسعدنا شكرا لمرورك |
ماشاءالله عليك وهذا مالك في الطويله تقرير جميل جدا وباديه قويه متابعين معامك يا بطل:64: |
ماشاء الله تبارك الله بداية قوية و موفقة وتنظيم للرحلة رائع وفي انتظار ماتبقى فعلاً من يزور ماليزيا مررررة يعود لها أكثر من مررررة تحياتي لك |
رائع يا ثنيان و أسلوبك ما شاء الله يحمس كن الواحد معك برافو عليك يا بطل أنك استاجرت سيارة و دبرت أمورك بالفعل ايجابيات السيارة كثيرة و أتوقع كثير يسويها بعد تجربتك الرائعة متابعين معاك يا عسل |
وعليكم السلام ورحمة الله وبركاته ما شاء الله كل هالزيارات لها يعجبك اللي يهتم بالنزلاء صراحه يحفز ترجع له مره ثانيه تسلم السياره بمدينه أخري ليس ميزه في الطيار بل موقعهم يتييح ذلك هيرتز أم غيرها تجربه جميله لقيادة السياره البرنامج ويز بالأنجليزي كيف تعرف أن فيه زحمه هل مثل قوقل ماب يظهر لك خط سير أحمر تجربه محفزه لقيادة السياره تسلم |
اولا حمدلله ع سلامتكم ماشاء الله تخطيطكم للرحله ناجح بخصوص العيال ماواجهتك مشاكل وتعب :56: تقريبا عيالي بعمر عيالك اخذتهم معاي اخر مره تعبت معاهم ما استمتعت بالرحله نهائي الله يصلحهم ممكن ام العيال هي اللي تتعب اكثر :2: ماشاء الله شلون قدرت تسوق باليمين �� تجربه مثيره السواقه الله لو بس سواقتهم باليسار مثلنا والله لاخذلي سياره بروحي وعيالي بسياره مع ابوهم �� بالانتظار البقيه |
أهلاً بك ثنيان ... بدايات جميلة جداً ومفصلة .. تجربة ثرية للسيارة .. الصن واي لاقون .. لا يعلى عليه .. خيار رقم واحد في سيلانجور .. بانتظار بقية التقرير يالغالي .. |
اقتباس:
هلا بابن السلطنة تعرف احيان الواحد يتحمس وينطلق يبلي اهدي شوي تشرفت بمرورك |
اقتباس:
هلا بك اخوي abdullah كل مرة اخطط اروح دولة غير ماليزيا لكني اهون في الاخير وارجعلها اسعدني مرورك |
اقتباس:
الله يجبر بخاطرك يا اخر فرصة احس اسلوبي تخبيص لكن الحمدلله بالنسبة للسيارة ودي الكل يسويها راح تفرق معه كثير في الراحة والخصوصية وتجربتي جات بعد تجارب اخوان لنا بالمنتدى سبقوني وتعلمت منهم تشرفت بمرورك |
اقتباس:
هلا بالمدير العام جتني ام الركب يوم شفت المدير ونائب المدير الحقيقة الطيار انا ماجربتهم في شي غير حجز السيارة وكانت التجربة ممتازة انا بحثت في المواقع الخاصة بتأجير السيارات عن التسليم في مدينة ثانية مالقيت غير عند الطيار يمكن لان لغتي الانجليزية لك عليها وماعرفت ابحث لكني استانست من خدمة الطيار وبالنسبة لبرنامج ويز هو يرسل لك رسائل مباشرة تظهر امامك على شاشة البرنامج اذا كان امامك زحمة او حادث او توقف طريق وماهو مثل قوقل يعطي خط احمر . تشرفت بمرورك |
اقتباس:
هلا بقهوة سادة الله يحفظ لنا ولك العيال ويعيننا عليهم التعب وارد ولازم ولكن الصبر والحلم يساعد في كثير من الاحيان ام العيال كان الحمل عليها كبير وللامانة تحملت الجميع واولهم انا ولكن ما اتخيل رحلة بدونهم الله يصلحهم السواقة باليمين مافيها اي مشكلة وليست عائق ابدا كلها عشر دقائق ويتأقلم الشخص مع الوضع ولا يقول اني بلخبط او بعكس الطريق انت تمشي مع الناس وشوي بشوي راح تلاقي نفسك احسن منهم بعد شجعي ابو العيال ولا تفوتكم التجربة اسعدني مرورك |
اقتباس:
هلا بك كتكات اتمنى تكون تجربتي مفيدة وتساعد اي شخص بيسافر لماليزيا كم من دعوات بظهر الغيب لأشخاص استفدنا منهم في هذا الموقع تشرفت بمرورك |
العذر والسموحة على التأخير.. .بما اني ناوي اروح لا ايبوه في طريقي لبينانج قررت اني استفيد من وجود السيارة واروح اتمشى بعيالي فكرت اروح اي ستي لكن جربته في رحلتي 2015 والحقيقة لايستحق تكرار الزيارة قررنا نروح بوتراجايا لانها قريبه وماقد جيتها قبل وشي جديد ماجربته بحثت في برنامج ويز وحطيت الوجهه وتوكلت على الله الطريق سهل وما واجهت صعوبة في الوصول بفضل الله ثم ملاح الرحلة (أم العيال) ماسكة هالجوال وماعندها غير رح يمين ورح يسار لين وصلنا بوتراجايا كانت جميلة وحلوه منظمة وواسعه والخضره فيها خيال http://www.arabtrvl.com/up/uploads/a...5803901637.jpg http://www.arabtrvl.com/up/uploads/a...5803901789.jpg http://www.arabtrvl.com/up/uploads/a...5803901718.jpg http://www.arabtrvl.com/up/uploads/a...8039018410.jpg http://www.arabtrvl.com/up/uploads/a...5803986014.jpg http://www.arabtrvl.com/up/uploads/a...5803901536.jpg طبعا انا ما ادري وش قدامي لاني ماكنت محضر اني اروح لها واللي اعرفه انها منطقة راقية فيها مقرات وقصور الحكومة واعرف ان فيها جسر اشوفه بالصور دايم لكن ماقد جيته ولا اعرف عنه شي وصلت للجسر وفعلا مثل الصور ولاني ما اعرف المنطقة بس أخبر اني قريت منذو مبطي انه فيه مسجد كبير وبحيره وقوارب http://www.arabtrvl.com/up/uploads/a...5803901495.jpg http://www.arabtrvl.com/up/uploads/a...5803901434.jpg لكن وين واي مسجد ما ادري طبعا البرنامج يطلع لي المساجد اللي حولي لكن مايعلمني وش عنده من فعاليات شفت مسجد زوين ولونه وردي من بعيد وشكلة كبير ونظيف قلنا خلنا ننصاه ومادام الموتر معك رح ولا يهمك وصلت للموقع ,وشفنا هالعالم والسيارات والباصات وزحمة وكان هو اللي نسمع فيه وكان عبارة عن منطقة كبيره جدا فيها مقر الحكومة والمسجد وتحت المسجد فيه سوق صغير ومكان تأجير قوارب صغيره http://www.arabtrvl.com/up/uploads/a...5803451756.jpg http://www.arabtrvl.com/up/uploads/a...5803901353.jpg http://www.arabtrvl.com/up/uploads/a...5803985953.jpg http://www.arabtrvl.com/up/uploads/a...5803451432.jpg قلت خلنا نصلي العصر بالمسجد وبعدين نفتر ونشوف وش قدامنا المسجد كبير جدا وهو ايضا مزار سياحي يجونه السواح بالباصات ويلبسونهم زي محجب للنساء ويخلونهم يدخلون . اماكن الوضوء تحت المسجد كبيره ونظيفة لكنها مشوااار وفيه الحرس الخاص بالمسجد ولهم زي خاص يساعدونك في اي شي تبيه وهم في غاية اللطف والفزعة المسجد موقعه رائع تصلي وانت فوق بحيره ومناظر الخضرة والماء تشرح البال والخاطر http://www.arabtrvl.com/up/uploads/a...5803901242.jpg http://www.arabtrvl.com/up/uploads/a...5803451321.jpg http://www.arabtrvl.com/up/uploads/a...8037227410.jpg http://www.arabtrvl.com/up/uploads/a...5803722679.jpg http://www.arabtrvl.com/up/uploads/a...5803901161.jpg http://www.arabtrvl.com/up/uploads/a...7580561154.jpg http://www.arabtrvl.com/up/uploads/a...5805611423.jpg http://www.arabtrvl.com/up/uploads/a...5805611372.jpg http://www.arabtrvl.com/up/uploads/a...5805611211.jpg عشان تنزل تحت للسوق والقوارب فيه درج متحرك ومصاعد من خارج المسجد اذا طلعت تلقاه على يمينك لقيت محلات لبيع التذكارات والاشياء البسيطه ومأكولات خفيفة توجهت لتأجير القوارب وخذيت لي قارب انا وعيالي ب160 رنقت لمدة 30 دقيقة لكنه فرفر بنا في البحيره حول الساعة أو أقل بشوي وكان يشرح لنا عن كل المباني والقصور اللي نشوفها حولنا ولاندري وش قصتها والحقيقة كان جدا متعاون وبشوش استمتعت في الرحلة لان المنظر من البحيره يختلف كثير وأفضل وقت لزيارتها هو وقت العصر عشان حرارة الشمس http://www.arabtrvl.com/up/uploads/a...5803722598.jpg http://www.arabtrvl.com/up/uploads/a...5803722415.jpg http://www.arabtrvl.com/up/uploads/a...5803451493.jpg http://www.arabtrvl.com/up/uploads/a...7580345164.jpg http://www.arabtrvl.com/up/uploads/a...5803985882.jpg http://www.arabtrvl.com/up/uploads/a...5803985781.jpg http://www.arabtrvl.com/up/uploads/a...5803722527.jpg http://www.arabtrvl.com/up/uploads/a...5803722253.jpg http://www.arabtrvl.com/up/uploads/a...5803722314.jpg http://www.arabtrvl.com/up/uploads/a...5803722172.jpg http://www.arabtrvl.com/up/uploads/a...5803722091.jpg http://www.arabtrvl.com/up/uploads/a...5803451837.jpg http://www.arabtrvl.com/up/uploads/a...5803451969.jpg http://www.arabtrvl.com/up/uploads/a...8034520310.jpg http://www.arabtrvl.com/up/uploads/a...5803451685.jpg خلصنا جولتنا وكان وقت المغر قرب وقلت خلني ارجع للفندق قبل الليل ولان ورانا سفرة بالبر ولله الحمد قضيت وقت ممتع مع عيالي في مكان جميل ولا كان فيه اشكالية في طريق العودة او صعوبة كل شي واضح من ناحية علامات الطريق واللوحات الارشادية السفر بالسيارة الى ايبوه والكميرون... . . |
مشكور اخوي على التكملة وخصوصا بوتراجايا انا حاطتها في الجدول الصبح ينفع؟ او العصر افضل ولو العصر افضل ايش الخيار في سيلانجور الصباح غير الصن واي وكيدزانيا ياريت انت او الاخوان يفيدونا |
| الساعة الآن 12:35 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO