|
حجز مبلغ من البطاقات الإئتمانية حبيت أتكلم من مصدر أحد موظفي البنوك السعودية من كلام اقنعني بصراحة كلنا نعلم طريقة حجز مبلغ او مايسمى بالإنجليزي block amount هذي الطريقة كلها لعب في لعب شلون ؟ :28: مافي شيء أسمه حجز مبلغ من بطاقتي:e154: ويضل معلق وإذا ما سحبته يرجع دايركت مباشرة او يتحرر تلقاء ذاته إذا ما تم سحبه خلال 15 يوم هذا كله تظليل وتدليس من بعض الفنادق وبعض مكاتب تأجير السيارات ، المبلغ المحجوز المدعى هو مسحوب أصلا وأخذ من رصيد الحساب وتأكد انه بمجرد إنخفاض رصيدك لافرق بينها وبين عملية الشراء ، لذا احب التنويه والتحذير من هذي الطريقة ، تقدر تقول لي بمجرد حجز المبلغ هذا حسب مايدعون انه مجرد بلوك وكلام فاضي بإمكانه لايرجع المبلغ لك أو مماطلتك انه سيتأخر او يصرفك يقول لك هذا يعتمد على البنك المصدر لبطاقتك وهكذا ، وخاصة إن كان المكان او التاجر تبعد عنه مسافات يستحيل الرجوع له :e023::e15a:أو تحتاج لمصاريف للوصول إليه :63: |
هلابك *** انا بطاقتي مسبقة الدفع من الاهلي استخدمتها في مبلغ معين وجاتني رسالة من البنك بخصم المبلغ ودخلت في حسابي في موقع البنك اون لاين وشفت المبلغ المخصوم في خانة... عمليات معلقة وبعد 24 ساعة تم سحب المبلغ ودخلت مرة ثانية في حسابي ووجدت العمليات المعلقة 0 والوضع ok مافيه مشاكل *** وان حصل من هذا القبيل اراجع البنك واتفاهم معاهم وشوف وش المشكلة |
- السؤال هو ايش الهدف من الموضوع ؟ هل نرفض انهم يسسون كذا مثلا او ايش تقصد ؟ معروف انه يسوي بلوك على مبلغ معين عشان يرجعه لك كامل او يخصم منه . والعمليه بحد ذاتها مفيده لعميل وللتاجر .. للعميل انه مايرتبط بمكان التاجر ولازم يراجع الفرع ( مكتب تأجير السيارة مثلا ) لاستعادة التأمين وللتاجر ما يتحمل تكاليف ( بتنضاف على العميل) من ارسال موظف للبنك لتحويل او ايداع مبلغ التأمين للعميل .. مافيه نصب ولا شي كل الموضوع اخذوا تأمين ( يستحقونه ) واذا رجعت السيارة او الشقة سليمه رجعوه للعميل او خصموا منه حق الضرر . هذي كل القصة يبقى على الواحد انه يتعامل مع شركات كبيره وموثوقة |
يبدو لي أنك سألت موظف غير مختص بالبطاقات الائتمانية لأن الكلام اللي قاله خطأ يا غالي 1 نتكلم هنا عن التفويض أو ما سميته بالمبلغ المحجوز blocked amount البطاقات مسبقة الدفع لاتقبل هذا التفويض لذا حديثتنا يتركز على البطاقات الائتمانية العادية فيزا و ماستركارد 2 الهدف من هذا التفويض حماية حقوق الشركة وتسهيل الاجراءات على العميل فـ لو استأجرت سيارة وحصلت على مخالفة يتم خصم المخالفة من هذا المبلغ وارجاع الباقي لك وكذلك لو اخذت شي من الميني بار يتم خصمه من هذا المبلغ و ارجاع الباقي لك كذلك اقدر اسلم السيارة بأي وقت واترك المفتاح في صندوق خارجي ولا انتظر على الاطلاق لأن هذا المبلغ المحجوز يكفلني في حال وجود مطالبة اذاً هذا التفويض مثل ما قال الغالي أبو عبدالله في صالحك وصالحهم والفائدة مشتركة 3 مدة الارجاع تختلف من شركة لشركة البعض يرجع لك خلال 48 ساعة وبعضهم يرجع خلال اسبوع وهكذا لكن لنتفق أنه غير مهم متى يرجع لأن رصيد البطاقة غالباً يغطي رحلتك فقط عليك التأكد بأن المبلغ يرجع وهذا يظهر في كشف حساب البطاقة 4 عدم التعامل مع الشركات المحلية مطلقاً في تفويض المبالغ والاعتماد بشكل كلي على الشركات العالمية مثل الفنادق العالمية او شركات التأجير المعروفة مثل يوربكار وهيرتز وايفس وغيرها لأن ظهرت بعض المشاكل في تركيا تحديداً مع شركات تأجير محليه ترفض ارجاع المبالغ وهنا الشخص لا يلوم الا نفسه لأنه تعامل مع شركة محلية 5 في رحلتي الأخيرة الى جنوب افريقيا استأجرت سيارة من شركة يوربكار وبعد ترجيع السيارة تم ارجاع مبلغ التفويض بنفس اليوم لكن بعد شهر وصلني ايميل من يوربكار يفيد بوجود مخالفة سير علي وأنهم سيقومون بتحميل المبلغ على بطاقتي وهذا ما تم بالفعل الآن لو كان هذا الكلام غير صحيح اقدر اعترض على هذا المبلغ خلال شهر يرسل هذا الاعتراض الى شركة ماستركارد اللي بدورها تطلب الوثائق من يوربكار وبالتالي لو وجدت الوثائق سليمة سيتم خصم المبلغ من بطاقتي واقفال اعتراضي لعدم صحته |
ماقصرت ابو غسان .. بس انا استعمل بطاقة تسوق اللي من الراجحي وهي تسمى مسبقة الدفع وتقبل (البلوك ) وكثير استعملها بسفري ... اعتقد المسبقة الدفع المقصود هي اللي تباع بالمحلات برصيد معين ( مثل لما تشتري بطاقة شحن جوال ) بس تكون هذي فيزا از ماستركارد |
اقتباس:
هلا ابو عبدالله تختلف بطاقات مسبقة الدفع حسب البنك بعض البنوك الان مثل الراجحي والاهلي عنده اكثر من نوع لمسبقة الدفع بعضها يقبل التفويض وغالبا اذا كانت حروفها بارزة لذا الافضل التاكد من البنك عن نوع بطاقتك اي بطاقة لاتقبل التفويض لا ارى داع لحملها بطاقة الصراف تغني عنها وللعلم بطاقات الصراف الجديدة صارت مثل الفيزا مسبقة الدفع والشراء فيها لحد معين |
اقتباس:
رحت شفت بطاقة الصراف ولقيتها مطبوعه لاني مغيرها من المكينة شكلي ابدلها من الفرع بحروف بارزة واجربها في حجز السيارة ولو ضبطت لك دعوة ولو ماضبطت عليك دعوة:24: |
السلام عليكم و رحمة الله و بركاته ... موضوعكم شيق و مميز و مفيد لتوضيح الفروقات بين البطاقات الائتمانية " العادية و مسبقة الدفع " و حتى بطاقة الصراف العادية ... و من تجربة حالية ... انا الآن مسافر و أحمل معي أكثر من بطاقة و قمت بجربتها جميعاً 1- مسبقة الدفع : اي التي يتم تغذيتها من رصيدك مباشرة بالمبلغ المطلوب مثل تسوق الراجحي و أستخدمت هذه البطاقة في حجز الفنادق من النت و بعض الفنادق تقوم بحجز مبلغ قبل الوصول و عندك عمل Check In لك الخيار في أستخدام نفس البطاقة أو بطاقة أخرى ..و في هذه الحالة يعاد المبلغ المحجوز لرصيد البطاقة خلال ايام ... " يعتمد على البنك .عن تجربة" 2- بطاقة السفر .. نفس فكرة مسبقة الدفع و لكن ما يميزها أنها تشحن رصيد بعملة البلد الذي أنت مسافر له .. و هي ممتازة جداً و ترتاح من فرق العملة أنثاء الخصم من حسابك لسداد العملية .. 3- بطاقة الصراف العادية ... فهي في الغالب أستخدمها للشراء من المحلات و السوبرماركت و يتم حجز المبلغ وو خصمه من رصيدك خلال يومين ... |
اقتباس:
|
اقتباس:
هلا بك اخوي أبوعبد الله ... بطافة السفر .. هي بطاقة أئتمانية تعمل بنفس فكرة البطاقات مسبقة الدفع ... يصدرها البنك السعودي للأستثمار .. و تقبل الشحن بـ 26 عملة دولية منها 4 عملمات أساسية بالطاقة هي الدولار و اليورو و الجنية الأسترليني و الدرهم الأماراتي و بإمكام المستخدم أضافة عملات أخرى برسم يبلغ 25 ريال للأضافة ... ميزاتها أن تقدم أسعار صرف منافسة على سبيل المثال الدولار الأمريكي بسعر ثابت 3.75 مقابل الريال إي أذا أودعت 1000 دولار يخصم من حسابك 3750 ريال فقط و تسخدم البطاقة في سداد المشتريات بالدولار و يخصم من البطاقة بالدولار نفس مبلغ الشراء بدون زيادات (حالياً أستخدمها في أمريكا بالدولار و ممتازة) رسوم أصدار البطاقة : 105 ريال شامل الضريبة و يتم أحتساب رسم سنوي لأعادة الأصدار بنفس المبلغ نعم موجود من ضمن الخيارات أمكانية أعادة المبلغ للحساب من رصيد البطاقة عملية التحويل بين العملات ..و الله ما عندي خبر ... للأمانة البطاقة ممتازة للمسافر و تريح كثير من فرق العملة و ما يميزها أيضاً هي العروض التى يقدمها البنك على أسعار الصرف لبعض العملات في معظم الأحيان ... بالتوفيق |
اقتباس:
شكرا لك |
أشكركم جدا على ردودكم وخاصة بوغسان على هذي المعلومات القيمة وحبيت أضيف إستفسار حول بعد إرجاع المبلغ المحجوز هل يستطيع التاجر أن يعيد التفويض ويسحب او يحجز المبلغ مرة أخرى ؟ والشيء الثاني أنا سمعت عن هذي البطاقة بطاقة المسافر متوفرة في البنك الأهلي ،حيث أحد الموظفين المختصين عرض علي ذلك ولكن قال لي تطلع في نفس الوقت ولمن سألت بنك ثاني قال لي مادام بطلعها في نفس اللحظة هي أجل حروفها غير بارزه |
اقتباس:
المبلغ المحجوز اذا رجع لايستطيع التاجر عمل تفويض جديد لكنه يستطيع ارسال فاتورة على بطاقتك ويحق لك الاعتراض عليها يعني من التفويض يقدر يستقطع المبلغ مباشرة لحسابه اما الان ينتظر الى ان يرسل له البنك المبلغ في حال عدم اعتراضك انصحك تقدم على بطاقة السفر من البنك السعودي للاستثمار اللي تكلم عنها الغالي ابو معتز فيها كثير مميزات حلوة https://www.saib.com.sa/ar/travel-card |
اسعد الله صباحكم بكل خير عبارة " قد يقوم مكان الإقامة بحجز مبلغ معين على بطاقتك بشكل مؤقت وذلك بهدف ضمان حجزك " هي دارجه عند بعض الفنادق الكبرى ولكن هل ممكن اعرف كم هذا المبلغ المعين بالضبط ؟؟ هل هنالك نسبة مئويه ثابته وهي التي سوف تستقطع من حساب صاحب البطاقه ؟ من منكم يعرف ،، يفيدني مشكوراً :e305: |
اقتباس:
هلا أبو عبدالله صباح النور ليست نسبة ثابتة طال عمرك بل اجتهادية من الفندق يقدرها حسب مدة اقامتك وترجع لموظف الاستقبال وهذا بسبب أن قيمة موجودات غرفة فندق خمس نجوم تختلف عن قيمة موجودات غيره من الفنادق الثلاث و اربع نجوم وهذا واضح في قائمة أسعار الميني بار رغم أن السلعة نفسها لاحظت أكثرهم يحجز مبلغ 300 دولار |
اقتباس:
هلا بك أخوي أبو عبدالله ..... مثل ما تفضل أخوي أبو غسان .. الحجز مو نسبة ثابته .. بل تقديرية ..و اللى لاحظته أنه يختلف من دولة إلى أخرى ... هذا أذا كنت تقصد التأمين أثناء السكن بس حبيت أوضح شئ .. وهو يبدو لي أنك تقصد الحجز على البطاقة الأئتمانية قبل الوصول .. لضمان الحجز .. فإذا كنت تقصد قبل الوصول ففي الغالب الفنادق تقوم بحجز مبلغ من بطاقتك يعادل قيمة الليلة الأولي من قيمة الحجز .. مالم يكن الحجز غير مسترد ففي هذه الحالة يتم خصم كامل مبلغ الحجز مباشرة بعد الحجز و الغالب في الفنادق الكبرى ... لا يقومون بالحجز على البطاقة إلا في يوم الوصول و يكون موضح في سياسة الحجز و الألغاء و التى لابد من التنبهة لها بدقة قبل الحجز ... أتمنى أكون وضحت المقصود |
اقتباس:
هلابك ياصديقي ابو غسان اذا كانت نسبه اجتهاديه مثل ماتفضلت سواء من الفندق او الموظف فعز الله طارت الدراهم :e447: انا حاجز عندهم حجز الغائه مجاني وهالطريقه دايم اسويها لاني احجز قبل مده طويله من موعد السفر الفعلي ، وعلى شان ذي السالفه وماحد ظامن هالدنيا يمكن الغيه في اي لحظه !! بعض الفنادق احجز عندهم ويتأكد الحجز وبدون مايطلبون مني حجز مبلغ مؤقتاً !! لكن ذا الفندق ماسكه معه الا يحجز مبلغ معين وكانه عارف اني بسحب عليهم في اي وقت :47: 300 دولار يعني 1125 ريال :4: هي اعلى من قيمة الليله الاولى اصلاً .... المفروض انه مبلغ رمزي مايتعدى ال 100 دولار !!! تهقى ادق عليهم اكاسرهم :25: |
اقتباس:
هلا بك يابو معتز نعم انا اقصد الحجز على البطاقة الإئتمانيه وانا مادريت اصلا الا يوم جاتني رساله من بوكينق بأن الفندق حاول يخصم مبلغ معين مؤقتاً لظمان حجزي واتضح ان بطاقتي غير صالحه او مافيها رصيد !! وانا ادري انها منتهية ولافيها رصيد لكن استخدمها للحجوزات واذا وصلت الفندق حاسبتهم كآش بس الظاهر انهم صادوني ذي المره وطلبوا مني تحديث او تغيير البطاقه :2: وانا بيني وبينك لايسمع احد ،،، متعمد على شان اذا بغيت الغي الحجز الغيه بدون خصومات وخساير ويمكن يرجعون المبلغ او يمكن يسحبون علي :24: شكراً لك يا صديقي |
اقتباس:
هلا ابو عبدالله ..... موضوع حجز من البطاقة الأئتمانية شئ وارد و متعارف عليه في كل الفنادق أو المواقع الأخرى ... و اسنخدامك لبطاقة منتهية يجعل الفندق يلغى حجزك بشكل مباشر .... أما موضوع الحجز بالبطاقة الأئتمانية و الدفع عند الوصول نقداً .. بعض الفنادق لا تقبل السداد النقدي و أما موضوع أنه يحجز المبلغ و لا يرجعه له لك غير وارد إذا ألغيت الحجز خلال فترة السماح المجددة من الفندق .... هالشئ مستحيل يصير و من حقك تعترض على العملية و تشتكي عن طريق البنك المصدر للبطاقة ..... |
اقتباس:
بطاقة السفر.. هل هي تباع في الدول الي تسافر لها.. او موجوده ببنكك الي فيه حسابك |
اقتباس:
هلا ابو مشعل لابد تفتح حساب في بنك الاستثمار عشان تاخذ البطاقة الانماء عنده نفس فكرة البطاقة لو حسابك عندهم |
| الساعة الآن 12:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO