|
هبايب السفر ... نحو الافاق .. ألبانيا اخواني اخواتي :24:ايها المسافرون الجميلين والمسافرات الماجدات ايها الشعب الكريم :24: (ول كم بورد ) ( بصوت روسية مضيفه فلاي دبي ) ( مع فارق التشبيه ) :: حاولت ان اضبط نفسي وان استمع لنداءات الاخ ابو معتز وهو يدعو للتريث في السفر ولكني وجدت اني امتطي صهوة جوالي وعلى تطبيق فلاي دبي وطقيت رحله لوجهة جديدة ( ألبــــــــــــــــــانيا ) نفس ألمانيا .. الفرق حرف :55: لمحه ورصد متسلسل للرحله قبل ان تبدا : *الناقل : طيران فلاي دبي 17 مايو ( ترانزيت بدبي 24 ساعه ) -تيرانا *الترانزيت بدبي مامنه مهرب .. رايح جاي فبدلا من 9 ساعات بالمطار تهلك نفس اخترت ان اجلس في دبي 24 ساعه واريح ومن بكره اواصل (جلسه المطار تمرض) مدة الرحله اسبوعين السعر 2100 .. للوهله الاولى ولكنها طلعت (الى الليل ) :13: احسب عندك عزيزي المسافر الجميل : -تأمين السفر الى الان متردد اخذه او لا ولكن لو اردته 375ريال -فحص الـ pcr مدري صح الاسم او لا وهذا بحول 300 ريال / خوالي الألبان سمحين وفاتحينها بحري بدون فحص بي سي ار وبدون تأمين اجباري وبدون فيزا للجواز السعودي (يامرحبا بس ) \ السكن تم حجز اول ليلتين حتى يتم استكشاف مضارب بني البان ونشوف وش حنا عليه / المسافرين -ابولجين دام ظلها وحيدا معي الله جل وعلى المرافقين : بطاقة فيزا وايفون به عمي جوجل طير شلوى قطاع الفيافي |
اختيار البانيا : -قله التعقيدات عند الدخول وعدم وجود فيزا وهذي لحالها ميزه * -انخفاض معدلات الكورونا هناك -وجهة جديدة واوربيه كجو -قله الخيارات الاخرى ( الاتحاد الاوربي مغلق ) والخيارات الاخرى ماضبطت امورها الى الان ** في البحث يظهر ان هناك رحلات مباشره الرياض -تيرانا على طيران ناس ولكنها في الجداول فقط ولاتعمل في شهر مايو ------ |
ابتعلم كيف انزل الصور .. ودي اسوي تقرير :e32f: |
ما شاء الله لا قوة إلا بالله الله ييسر أمورك أخوي أبولجيـن ... لعل ندائي بالتريث قصد منه أن يكون الواحد مسافر وهو مطمئن بعد التوكل على الله ... و أنت ما شاء الله عليك درست أمور ألبانيا و أتخذت الخطوة التى تناسبك و لعل فينا أقدمت عليه خيرة لك أن شاء الله توكل على الله وهو خير الحافظين |
بالتوفيق ابولجين .. ورحلة موفقة طيب المشكلة في دبي .. يعني في الرجعة الله يعينك على الحجر الصحي .. لانه اعتقد ان الامارات من الدول اللتي عليها حجر .. تأكد |
رحلة سعيدة وموفقة إن شاء الله .. ألبانيا من الدول التي أفكر في زيارتها إن شاء الله تعطينا تقرير ييدعم الفكرة |
شكراً لك على التقرير |
رحله سعيده بولجين اخذ التأمين من غير pcr |
بالتوفيق يارب |
|
ماشاا الله موفق رحله جميله ممتعه كان خذيت ام لجين وخليت العيال :29: كنت محتاره بين كازاخستان وكوسوفا بعدين حولت اوكرانيا اوالبانيا ننتظر تقريرك تعلم تنزل ونزل اول باول موفق |
اقتباس:
الله يحفظنا واياكم طال عمرك اخونا ابو معتز .... :::::::::::: الاخ ضفهد : تصحيح لمعلوماتك لايوجد حجر صحي على مواطني دول الخليج فقط pcr وانا عشان دخول دبي اخذتها لو كنت ترانزيت بالمطار ألبانيا لاتحتاج .. والقدوم من البانيا الى دبي بالعبور ( ايضا بدون حجر ) :::::::::: الاخ / الاخت m3336 (اسمك سالفه لحاله ) تابعني هنا .. سوف اصنع مستقبلك السياحي ( كلام دعائي قوي ) :1: :::::::::: الاخت كويتيه متنقله الـ pcr لاني ابدخل دبي 24 ساعة ثم اواصل وشكرا على الشرح انتظروني :1: :::::: الاخت المناضله شهد الضياء ام لجين دام ظلها لشريف .. رافضه فكره الاسفار هالفتره من المؤمنين ( المؤامره ) وبالنسبة لكوسوفو التي ذكرتيها فهي مجاورة لألبانيا وبالامكان جمع البلدين في رحله واحده .. اذا جوازك سعودي فالدخول للبلدين بدون تأشيرة |
معلومات تفرضها مرحله كورونا الحالية : الفحص pcr في معظم المستشفيات ياخذ اكثر من 12 ساعه عند كثير من المراكز والبعض ( يصل الى 24 ساعه ) لذلك احسب امورك ... عملت الفحص عند مجموعة الحبيب الطبيه بــ 300 ريال .. باقي التأمين الطبي الشامل لكورونا قيمته عند التعاونية ( ولا اعتقد فيه غيرها يأمن-حسب علمي حاليا - ) بـ 370 ريال |
ابو لجين استودعناك الله رحلة موفقة لو ممكن تشاركنا رحلتك لايف ع السناب شات مشتاقين للسفر اخالفك الراي بموضوع المطارات والترانزيت بعد الحكرة عندي استعداد انام بمصلى المطار:24: |
اقتباس:
هههههههههههه وان بغيتوا لايف .. لايف ليش لا مع اني مااحبيت السناب ذا بس اذا اضفته هنا ابخليكم بوابه للشهره واذكركم اذا صرت مليونير من الاعلانات :) الله يحفظك ويرضا عليك |
فحص الكورونا الـ pcr ب300 ريال من مستشفيات الحبيب خرجت النتيجة اليوم بعد 28 ساعة |
اتمنالك رحلة سعيدة ابو لجين وتروح وترجع بالسلامة ان شاء الله |
من العاصمة الالبانيه تيرانا ( لااااا تقتل المتعه يامسلم ) - من المطار الى داخل المدينه بعشرين يورو ( فيه باص ب2 يورو ) لكن لاتفرح ( موقفينه عشا كورونا) -الفنادق للمسافر الوحيد او 2 شباب بمعدل اقل من 100 ريال وهناك اقل على بوكنج بعد -لااااا يوجد اوبر uber - النقل العام رخيص جدا لكنه معقد ويبي لك تتخصص بالباصات وارقامها و وو و ولاتنسى كورونا بعد - من خبرتي المتواضعة حفظني الله لاااااا تستاجر سياره في تيرانا ( مش حتعرف تسوق) زحمه وتهور خاصه في فترات الذروة - ليس هناك مطاعم عربيه ( تملا العين) يعني العيشه لك عليها ( انصحك احيانا بالخبز الاوربي ) :1: نجي للبلد رخيصه نوعا ما … ليس هناك غلاء كما في اوربا - تيرانا قرات عنها كثيرا ( الساحة ومسجد ادهم بيك والانفاق و و ) جيتها لقيت كل ذولي في دائرة 1 km .. مسجد ادهم بيك ماادري ليش مزعجينا فيه ( مسجد عادي مسكر) جيت بعد الاذان ب15 دقيقه ابصلي العصر قال الحارس سكرنا :1: شكله مافتح اصلا - تسمع الاذان في كثير من الاحياء - الجو منعش جدا بارد ( انا كائن قطبي) للشخص العادي بارد جدا بالليل تصل الحرارة 8 الان مايو 2021 - بالنهار ايضا بارد لكن الشمس موذيه ( خلك بظل ) ** فيه تلفريك ياخذك لاعلى القمه ( اعلى تلفريك في اوربا) بالعربي اللي قلبه ماهو قوي لايركبه ( والله ياهو يوحش ) هههههه فوق فيه العال اطفال وخيول وديابات ورماية وكوفي ومطعم وغابه جميله بها مسارات ممكن تمارس رياضه المشي و( منحلة ) مزرعه نحل وبيع عسل وصرااااحه اعطيها 10/10 طلعت بعد الظهر ولانزلت الا حول 5 العصر .. تجربه جميله ( الشخص 25) ريال ** العاصمه عاديه جدا جدا ولافيها شي ذاك هو ماعدا التلفريك حدها يومين وتصير فريتها كلها غدا ان شاء الله ابستاجر سياره من وكاله interprise بقيمه 45 يورو باليوم ( تأمين شامل ) وهالنقطه مهمه بالديره ذي … وابطلع للساحل ( لاتتوقعون انه بعيد حده 100 km ) ** لاتستاجر من مكاتب تاجير محليه فالانظمه غير واضحه ولا كأنك باوربا ( احسب انك بالقاهره ) وانتبه * من ضمن الخدع ان في سيارتهم شرايح تتبع اذا لقيت وصلت طريق ( غير معبد) ( صحراء ) على قولتنا .. نط بحلقك راع المكتب وقال غرامه 500 يورو هذا مالدي اليوم ( اليوم الثالث للرحله ) وفي الغد تقرير عن مدينه اخرى … بحاول ادرس طريقة تحميل الصور دمتم بخير اخوكم ابولجين دام ظلها |
الكمام 80 % من الناس بدوووونه ترى بعضهم يلبسه فقط وليس هناك الزام |
ما شاء الله .. نتمنى لك رحله موفقه سؤال : هل تم طلب فحص الكوفيد في مطار تيرانا .. شف عندك ثيث حليوه .. ولكن طريقها وعر .. وبيشغلونك اصحاب مكاتب التأجير .. البانيا السياحة فيها محدوده نوعا ما .. نتمنى لك سفره سعيدة ايضا عندك كوسوفو .. فيها بلدة بريزيرن مقبوله نوعا ما .. فيها البلده القديمه وخاصة المنطقة اللي جنب المسجد حليوه .. و كذلك فيها مرتفعات بريفالا .. |
شكراً مراسلنا فهد "أبولجيـن" من ألبانيا - العاصمة تيرانا "و الله بعد يا علمهم يوحش" https://www.almrsal.com/wp-content/u...9%8A%D8%A7.jpg |
ماشاءالله عليك بالعافيه الاجواء الحلوه وان شاءالله اتعلم على تحميل الصور ونشوف التقرير مع الصور شلون الشعب في التعامل ؟ |
اهلا بالشباب ومرحبا بكم … المطار كشته … سهالات دقايق وانت بالصاله ولا احد سال عن الفحص ابدا … فقط يشيكون صوره تذكره العوده - الشعب حليلين بس بينك وبينهم حاجز اللغه - الاخ ضفهد .. كوسفو ضمن المخطط ان شالله اما التاجير فمن عادتي مااستاجر من المكاتب المحليه خلك مع الشركات العالميه افضل شكرا للتوجيهات :1: |
الا اقتل المتعة اقتباس:
كنت ابحث عن رحلة مناسبة لشراء التذاكر لتيرانا ودخلت صدفة للمنتدى وشفتك توك فاتح الموضوع قفلت المتصفح وقلت البد شوي يا فتى الجبل وانتظر علم الشنب ابو لجين وجلست اتابعك من خلف ساتر ولا هنت جبت العلم يا ذيبان الا اقتل المتعة :e13b: دام ذا علم عاصمتهم تم تخفيف مستوى نية السفر لألبانيا وكوسوفو من 100% إلى 0% بعد تقريرك عن العاصمة |
اقتباس:
صادق يابولجين .. مطارهم كشتة .. اذكر سواق طيارتنا وقف بنا عند باب الصالة .. و ما كان فيه الا حنا .. يعطيك العافية طيب يابولجين .. وش كان الهدف من فحص الكوفيد اللي سويته |
ماشاءالله رحله سعيده تتهنى بالأجواء ماشاءالله بس ياليت نشوف كم صورة من تصويرك وكيف تشوف البنيه التحتيه وجوازات المطار تعاملهم |
بالتوفيق يا أبو لجين سفرة ممتعة و سعيدة الله الله بالاحترازات حفظك الله رفع الصورة بالمنتدى سهل صور فقط و ادخل علي مركز التحميل في أعلى الصفحة و اختر صورك و ارفعها و انسخ الرابط لموضوع فقط هذا شرح خفيف وجميل لرفع الصور للمنتدى رفع الصور على مركز تحميل العرب المسافرون ،، شرح وحنا نستمتع معك ننتظر تقريرك يابطل |
بالتوفيق ابو لجين |
اقتباس:
لن اكون سلبيا .. البلد زوين ومعقول نوعا ما ..وهذا يرجع اليك انت .. اذا انت راعي سفر دايم ورحت لاوربا االغربيه مثلا وتبي مدن كبيره وفعاليات وطبيعه ومترو وباصات وشغل مرتب..فاقول لن تنبسط بالديره.. اما اذا انت مسافر جديد وتقول ابتفرج لمده لاتزيد عن اسبوع في البانيا فاقول لك رح واستمتع… وازرق 3 ليالي كوسفو ( عن قولة ) … من تيرانا لكوسفو ب50 ريال باص العاصمه عاديه جدافيها ساحة واحده ومول واحد بالنص ومسجد ادهم بيك اللي مزعجيننا فيه المعلنين والشركات والنصابين ….. ههههههه .. المساجد بيوت الله لكنه معماريا عادي جدا …لدينا مثله في بريدة 70 ادهم بيك هههههههههه / شكودرا : رحت لها بلد صغير مافيها الا القلعه فوق .. طلعت وتمشيت وصورت .. سلام عليكم السلام انتهت الديره .. ولاحتى مطاعم تفتح النفس يستطيع ( فتى الجبل ان يتغذى بها) فلورا : معقوله جدا سواحلوشواطي حلوه واطلاله .. من الجبل ع البحر وهي اشوى الموجود … اذا كانت الحرمه معك او العايله فلاانصحك بالبلد نهائي ( وكلن وطبيعته ) مثلا الانتقال من شكودرا الى تيرانا ميه كيلو او حولهااخذت فيها ساعتين ** ايجابيات البلد : **فيه اسلام وتسمع اذان ** الجو بارد معقول بالنهار .. الليل بارد ** تيرانا بها مطل بالجبل تطلع له بالتلفريك شي فاااخر ** قياسا لاوربا الغربيه البلد نوعا ما رخيص ( معقول ) ** خيارات السكن رخيصه وتقدر تلقا على قد ميزانيتك صعودا او نزولا …. هذا علمي وسلامتك ** كوسفواجيبلك علومها بكره .. هذا انا متقلد ( حقيبتي ) بالطريق للباص |
لله ثم للتاريخ ان النيه من ها الكتابه هي لله وحده جل شأنه ثم نصحا للاخوه والاخوات الباحثين عن معلومه وافادتهم (( كما استفدت ممن كتب قبلي )) احيانا تقرا تقرير جيد ونصايح وتدعو لصاحبها بظهر الغيب بعد عده سنوات من التقرير … ثم اخلاصا للمعلومه وللمتتدى الذي ساهم ويساهم في الافاده وصناعة الرحلات للجميع اخوكم ابولجين |
اقتباس:
كان عندي ترانزيت دبي .. واثل ترانزيت 9 ساعات بالمطار ولالي خلق اجلس بالمطار .. فاخترت الرحله اللي ترانزيتها 24 ساعة واضطريت اسوي فحص حتى ادخل فيه دبي |
محاولة اولى في تاريخي… ابنزل صوره اذا ضبطت والله لا اترس لكم الموضوع صور :25: url=https://www.arabtrvl.com/up/]https://www.arabtrvl.com/up/uploads/...285848781.jpeg[/url] |
تشوفون شي ؟!!! واحد بيتاكد .. الخيارات : 1-محرك طيارة 2- مااشوف شي 3- ليتك ماتحمست :13::13: |
اقتباس:
|
اقتباس:
اقتباس:
و الصورة مشاهدة :e419: و واضحة :72: بس قبل لا ترفعها حاول تعدلها تقلب الصورة و تكون عمودية عدلها من جهازك و خلها عمودية ثم ارفعها مره ثانية و حط الصورة و نعطيك العلم واصل و اي استفسر بالخدمة |
مرحبا ابو لجين وان شاء الله توصل كوسوفو بخير من خلال تواجدك بالبانيا كيف تقيمها بالمقارنة مع أذربيجان ! |
رحلة موفقة يابو لجين الصورة واضحة بس يبيلها تعديل المهم ان كل جزء مشاركة لا تزيد عن 15 صورة لانها كبيره ويبيلها وقت لتاخذ الحجم المناسب قواك الله |
اقتباس:
|
يعطيك العافيه ايوه كذا ننتعش مع الصور يوصلنا براد:1: بس كأنك قلبت المواجع محرك طياره 💔 تتهنى ورحله موفقه |
شكرا لك على التقرير اذكر الي زاروا البلد ذكروا انها ما تصلح لوحدها لازم تجمع معها احد الدول الي حولها كانك معك شنغن ووقت اطلع الى الجبل الاسود والبوسنة تحياتي |
| الساعة الآن 12:17 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO