|
وين الوجهه ... حديث المسافرين .... السلام عليكم ايتها الشابات الماجدات .. ايها الشباب المزركشين ايها الشعب الكريم :1: قبل كل رحله من رحلات سموي .. امر بمرحله حيره وكثره خيارات هالبلد او ذاك .. وابحث هنا وهناك.. وهكذا .. وقبل الرحله بشهر .. تتغير كل الافكار ويثبت من تلك الوجهات ( وجهة واحده ) تكون هي الهدف .. لدي رحله في ذي الحجه ان شاء الله واخطط انها تكون طويله ( ولوحدي) وكل يوم تطري علي وجهة ..(أمريكا ) او ( كندا ) واحيانا ( اقول غاليه ) فتأتي بانكوك كوجهة جديدة ( ذهبت اليها عام 2010 ) واستعرضت الاسعار هناك ( رخيصه جدا ) واحيانا تبرز ( كازاخستان ) كوجهه جديده من دول اسيا الوسطى وثقافه جديدة خصوصا وان لي تجربه حديثه في (اوزباكستان) / هل تمرون في نفس الحيرة .. قبل السفر هل لديكم وجهة جديدة وجميله ومعتدله اسعارها وتحقق المتعه / اين ستذهب في رحلتك القادمه وأي الدول تفكر فيها وغدا :e04d: جديد |
يا هلا بو لجين اي والله انا عن نفسي احتار في الوجهات .. لكن في الاغلب اكون محدده من بداية السنه على جم دوله واني لازم ازورهم على الاقل لو وحده منهم واذا ما صارت تأجل للسنه اللي عقبها .. ممم مثلا هالسنه حاطه في بالي فيتنام - ايسلاند - البرتغال - اسبانيا - المغرب وجهات مختلفه واسعارها متفاوته فيها الرخيص وفيها الوسط وفيها الغالي مثلا اقترح عليك اذا لك نية شرق اسيا فيتنام تقدر تجمعها مع تايلند امريكا و كندا لو بديت اضبط امورك في الحجوزات من الحين ما راح تكون غاليه |
يا هلا ابو لجين كيف الحال السفر لازم التفكير فيه لانها خطوة قد تندم عليها وخسارو وقت ومال وجهد :e132: تصدق اخر خمس سفرات لي كنت مدعو من الاصدقاء ولم اختر اي دولة انما شاركت في التصويت الحمد لله المحبة من الله |
اقتباس:
اهلا اهلا بالمسافره الماجده ( راعية كولومبيا ) :14: من باب الشفافيه .. وبما انك احد المحترفين في المنتدى فقد قرأت كلامك وسويت جوله .. وادهشتني الاسعار في فيتنام مع تعدد الخيارات والمزارات الطبيعيه وجولات الكروز واسعارها الزهيده .. ولاحظت ان اسعار فيتنام من الرياض فوق الـ 10 الاف ريال وهو سعر مبالغ فيه اذا علمنا ان زيارتها من بانكوك تكلف 500 ريال اقتراحك محل التدقيق والمتابعه / خياراتك لهذا العام فاخره ودائما عندك بلاد مانعرفها ايسلاند ذي ..شكلها حول القطب / اشكر سموك :14: |
😁😁 اسعاارها وايد حلوه التذكره اذا حصلت سعر زين على بانكوك ممتاز ومنها تطلع على فيتنام ههههههه لا مو وايد قريبه على القطب الشمالي 🤣🤣 العفوو |
اقتباس:
وعليك السلام أخوي أبو لجين بما أن السفرة طويلة ولوحدك وفي شهر يوليو فالأفضل أن تكون بلد متنوع المواقع السياحية ويسهل التنقل فيه كندا خيار جيد إن أمكن ترتيب الميزانية وأنا أرشح بلدان جديدة أو لم يتم تغطيتها بشكل كافي فكر في فنلندا أو نيوزيلاندا |
اقتباس:
امر بنفس ما تمر به قبل كل سفرة من السفرات الرئيسية .. وين اسير ؟ هل لنفس دولة سبق ان زرتها لأني اشتقت لها و لأنها عجبتني سابقآ و ارتحت فيها أو لدولة و منطقة يديدة لإكتشاف دول يديدة و ثقفات يديدة .. حتى في السفرات الخفافي القريبة ( مال الويكند ) احتار . واقول اسير صلالة والكويت ولا ابها ولا الرياض ولا الدوحة ولا البحرين ..الخ ... اي سفرة لازم تسبقها حيرة في راسي |
طبعا لازم من الحيرة والاستخارة قبل اختيار الوجهة كنت مخططة على لندن وتأجلت بسبب تأخر الفيزا ولعلها خيرة والصيف موسكو و في يناير القادم باذن الله المغرب شرق اسيا ما افكر فيه بسبب جوهم نفسي اعيد سفرة اسبانيا و اروح البرتغال واحيانا افكر اروح المغرب مع البرتغال و جنوب اسبانيا احيانا سفراتي مخطط لها و احيانا نحشات وهي الأجمل :54: |
اقتباس:
تايوان وكوريا الجنوبية إستثناء من قاعدة جو شرق آسيا الإستوائي الحار تفادي الصيف وجربي ما يناسبك من الربيع أو الشتاء أو الخريف |
اقتباس:
اهلا بن قوت ... حياك الله :24:والله يااخي شي جميل انك تجد اصدقاء يسافرون معك ( يتفقون على الوقت والوجهه ويجزمون كلهم ) :24: تبيعهم تراي شراي (تراهم عمله نادره) اغلب الناس وانا منهم ( لو بغيت احد يسافر معي مع اني احب السفر لوحدي) لكن لو بغيت اخاوي احد تكثر الاعذار .. ومايتفقون تقوله بشهر 3 يقول خلها بشهر خمسه تاصلون شهر خمسه يقول العيد ماهو ازين ؟ وهلم جرا / تصدق بقول شي خطير لقد سافرت لوحدي كثيرا كثيرا حتى استاحشت ( استاحشت يعني تحولت الى وحش مايحب يخاوي احد ) |
اقتباس:
لفيت بسرعه على سالفه فنلندا .. والله شكل البلد بيجوز لي خصوصا وانه حول (البراد والبرد ) وانا كائن قطبي اشكرك جدا ياصديقي :e134: |
اقتباس:
يا بو لجين فهد انا اتفق معاك السفر المفرد له مزايا عديدة اهمها جدول السفرة بيدك، من تجربتي السفر لوحدي بدأت بسبب العمل وتتطورت إلى السفر كسياحة لوحدي واهم ميزة تنظيم جدول الرحلة براحة وحسب رغباتي، والسفرة الثانية الممتعة بالنسبة لي مع العائلة لانها دائما مملؤة بالمواقف التي لا تنسى وتظل بذاكرة افراد العائلة، بالنسبة للسفر والخيارات اللي ذكرتها حلوه وانا افكر في سفرة وحده بين الدول التالية: تركيا واذربيجان والبوسنة في شهر مايو استراليا ونيوزلاندا وامريكا في الصيف مكة والمدينة بعد موسم الحج |
ايه بالله هذا الي انا فيه الحين مشكلتي اني معاي عائله وفيها اطفال 6 و8 و9 و2 وابي اسافر في شهر 3 مكان يكون زين لهم ويتمتعون فيه ولا لقيت شوي الفكر يوديني تركيا وشوي اسبانيا وشي المانيا بس سويت بحث قلت حرام المانيا حلاتها في الصيف والخضره والفعاليات وللحين مالقيت وجهه للسفر في شهر 3 لانها بتكون اجازة المدارس ؟؟؟؟افيدوني |
جيد ان الجميع يمر بنفس الحاله ( لست وحدي ) هههههه نصيحه سريه ... لاتستشير من حولك من الاصدقاء لو تكلمت وسط مجموعه انك بتسافر لاجمل وجهه بالعالم ستجد من يقولك ( يارجال وشو له هالدوله .. مافيها شي ) :32: اخر التحديثات ( تايلند وفيتنام ) كما اقترحت الاخت نحله متنقله والخيار الاخر ( بانكوك - كوريا الجنوبيه ) فيه تقارير عن كوريا جميله ابي احد يجزمني على احد الخيارين سولفوا .. من هنا لين نسافر بها افراج :32: |
اقتباس:
كوريا الجنوبية بدون تردد وخصوصا لخبير سياحي مثلك |
انا افكر قبل السفر والتخطيط له ، بمشكلة اصدار التأشيرة والتأخير في ذلك من جهة السفارة فكرت برحلة تبدأ من النرويج _ الدينمارك _ وتنتهي بألمانيا ولكن بعد الاطلاع والبحث .. قرأت ان السفارة النرويجية معقدة نوعاً ما وتتأخر في الجوازات وانا اجازتي في شهر ذو الحجة القادم 1443 يعني مافيه هناك وقت كبير فكرنا بهولندا ولكن رددنا ( الحشيش ) :73: رأيكم يهمنا ؟ |
اقتباس:
اما هولندا فهي وجهه ممتازه ويمكن ادخالها في خط السير بحيث تكون المانيا ثم هولندا ولا اعتقد ان وجود ( الحشيش) في بعض الاماكن المخصصه له سيكون عائقا امام زياره بلد كامل |
بركت الناقة في ضواحي جورجيا ... :e530::e530: :e132::e132::e132: :14: |
اقتباس:
شهر ٣ تايوان وكوريا الجنوبية ولكن بعد فتح الحدود والسماح بعودة السياحة |
اقتباس:
ثانيا فعلا الله لايحير مسلم بس انا عن نفسي دائما أشوف شرق اسيا الدول اللي تستحق تتعنى لها تقولي ليش أقولك ماتبلش هناك من ناحية التجول بكل بساطة وبكل رخص وهناك أمثلة كثيرة ماليزيا إندونيسا سيرلانكا تايلند هذي الدول اللي رحت لهابشرق آسيا صراحه رخص وباقي فيتنام مخطط عليها بس أنتظر أرتب أموري واخذ فكره عنها من ناحية التنقلات والسكن والمعالم إلى اخره .. الجميل بشرق اسيا انها بسيطه ومايعيبها فقط سعر التذكرة الغالي جدا ولو يعني نزلت أسعار التذاكر عندهم سوف تكون وجهات دائمة لكل السياح البسيطين أمثالي 🤝ودمت بخير أخ فهد . |
اقتباس:
اتفق معك تماما خصوصا بوصف بلاد الشرق بـ ( بلاد تستاهل العنوه ) ميزة شرق اسيا ( كلهم متشابهات ) ولو تخرب الامور يكفيك ككائن صحراوي متصحر ان تتبطح وسط الاشجار والغابات والخضار هناك واسعار زهيدة تحس انك كنج وصلى الله وبارك اضافه الى ان عواصمها في السنوات الاخيرة اصبحت ( أكثر مدنية ) تحياتي لك يارعاك الله :::: على طاري رخص الاسعار.. مره بمصر .. بروح بالقطار قال الموظف اي درجه قلت واثقا ( وش احسن درجه عندك ) قال كذا قلت احجز لي وطلعت بميه جنيه او حولها البلاد الرخيصه تعيش فيها كنج حتى لو انك مسافر اقتصادي لكن تعال لدبي مثلا ... او البلاد الاوربية لازم تسأل قبل :1: |
الوضع يعود مجددا في هذه الليالي .. التفكير في رحلة عيد الاضحى ( الطويلة نوعا ما ) حسب تخطيطي وربما اتعرض لهجمات من ام العيال ويتم تقصيصها كالمعتاد ولكن من حيث المبدأ مازلت صامدا واخطط لسفر طويل وحيدا كالمعتاد نتغرب فيها ايام وليالي .. نعيد ترتيب الامور وممارسة الصمت والترحال :e419: الايام ذي عملائي ( سكاي سكنر ) و( بوكنج ) قبل النوم خصوصا .. ويعود السوال وين الوجهة تغريك البوسنه ( اوربيه طبيعتها ) واسعارها معقوله ويعيبها هدوءها الزائد حسب من ذهب هناك وتاتي شرق اسيا ( كخيارات متكرره ) بالنسبه لي وتاتي جاكرتا ورمز مطارها ( cgk) هههههههههههههه من كثر مااتابع تذاكرها حفظته .. كخيار ان انعدمت الخيارات .. اقلب مواضيع الاخت نحله متنقله .. فاجدها " تخصص لحاله " وموضوعها اللي يطلع لي كلما ضغطت الرابط ( جبال الانديز ) افكر بأمريكا فتأتي على بالي مواضيع الاعضاء عن الاجراءات الاداريه وبالاشهر وقصص الفيزا ومازالت الامور تموج .. اين سترسو السفينه هذا ماسنعلمه لاحقا .. :32: |
الغريب اننا اعدنا الموضوع بعد ( سنـــــــــــــة بالضبط ) 17-3-2022 17-3-2023 |
ال سلام عليكم ورحمة الله وبركاته أبو لجين انا نفس تفكيرك أغلب سفراتي وحداني وافكر في البوسنة واحيانا ألبانيا وصربيا خاصة بعد طيران ويز لكن احيانا تأتي عقبات ثم نحول الرحلة الى شرق اسيا حفظناها وكل شي فيها سهل وميسر وتتخارج من كل شي تبقى شرق اسيا هي الخيار إذا كثر الاحتيار ... ودمتم |
اقتباس:
اهلا عليكم السلام ورحمه الله وبركاته البانيا فكره جيده ( اذا ماجيتها سابقا ) وترى يجي معها مع الطقم كوسوفو كنت هناك قبل عام ... رخيصه وحليوه وجميله وللعلم ترا فتحوا الجبل الاسود للجواز السعودي بدون تاشيره ( الخبر قريته قبل اسبوع) يعني تروح لتلك المناطق وتنبسط ...وللعلم كوسوفو والجبل الاسود لها حدود بريه مباشره مع البانيا والتنقل بالباص بـ تراب الدراهم :1: طيران ويز حلم وتحقق للمسافرين الاقتصاديين يقول المثل الجديد (تراه من كيسي ) : لاجاك ولد سمه ( ويز ) :24::24: |
يا هلا بولجين معاك نحله متنقله 🤣🤣 = كويتية متنقله جبال الانديز اذا بتروح الاكوادور ما يبيلها فيزا للخليجين انا النيه ان شاء الله قبل زحمة الصيف وعطلة المدراس بروح البرتغال واسبانيا |
ليش ما تروح شرق اوربا ليتوانيا أستونيا لاتفيا |
اقتباس:
:e134::e134: ياربي يالفشله هههههههههههه نحله متنقله منين جت واضح ان موضوع الانديز مسبب له ربكه :1: |
نحله متنقله هههههههههههههههههههه ياولد من اين اتت هذي النحلة المتنقلة |
اخت ابرار تستاهل ان تكون نحلة تعشق السفر بسم الله عليها |
وجهتي هي جزر القمر واتمنى الي عنده معلومه بفيدني |
اقتباس:
بل هي من رواد وصناع ثقافه السفر حفظ الله سموها هي لو سلمت من تسميتي لها بس .. عساها بس تسامحني بهالرمضان ... هههههههههههه |
🤣🤣🤣🤣🤣🤣 تستاهل الطيب بن قوت .. هههههههههه مسموح بولجين ماعليكم زورد انتوا بعد رحاله محترفين ما شاء الله 🙏🏽 |
ابولجين الخميس 6-4 هناااااا القاهرة السفر برمضان حشر جن … يومك 6 ساعات |
عطنا اجواء القاهره الرمضانية بولجين |
وجهتي القاهرة |
اقتباس:
اهلا وسهلا ... والله يااستاذتي كانت زياره خاطفه 3 ليالي للقاهره لامر طاري اتممته بحمد الله .. الجو في القاهره لطيف .. وفي الليل ابرد .. مارحت بعيد عن مدينه نصر صراحه كان جدولي مزحوم .. فكرت اروح اشوف (الموائد الرمضانيه واجواء وسط البلد ) بس والله ماحصل فرصه الخميس في مدينه نصر قرب " شغلتي اللي جاي عشانها" والجمعه سافرت للشرقيه ذهاب وعوده بنفس اليوم ( الطريق 4 ساعات من مدينه نصر) السبت العوده المغرب فمالحقت اشوف شي هذه السفره سباق هجن :32: / عزمني الاخ المضيف على الفطور فكانت مائده مختلفه تماما عن الفطور المعتاد عندنا وكل شخص على ماتعود عليه / تجربه السكن مع airbnb ممتازه جدا كان المضيف متميز مهندس مصري ممتاز جدا (سوبر هوست ) .. / رحلت لجنينه مول بمدينه نصر والله ماكأنك بليالي رمضان اغاني وطرب وفرقه تعزف جنب صاله التزلج والمول كله يهتز .. ولاحول ولاقوة الا بالله / اوبر مع سعر الجنيه (ممتاز جدا ) الـ 30 او 40 جنيه = 5 ريال يعني ولاشي :: للمره الثانيه اجرب شركات الليموزين الخاصه سياره حديثه بسائق من مدينه نصر الى الشرقيه (اولاد صقر) 1800 جنيه :: هذه المره فضلت اطلع من المطار مع ليموزين "شركه " داخل المطار بسعر 350 جنيه وافتكيت من معركه ( ذات التكاسي) المعتاده في القاهره \ *عشاء بمطعم ابو العز السوري بمدينه نصر يستحق 10/10 :::: حلويات السلطان قرب الحي العاشر .. شي فخم جدا جدا (حلويات شاميه ) / لمحه لطيفه ..رحلتي للشرقيه كانت بعد العصر ووقت الافطار حوالي 6 مساء تم ايقافنا عده مرات من الاهالي واعطائنا ( فطور سفري) (اكياس فيها ماء وتمر وعصير) |
سعر الصرف المئه دولار في المطار = 3000 وشوي يعني الريال = 8 جنيه تقريبا داخل القاهره ممكن سعر الدولار اعلى شوي |
ما شاء الله سفره سريعه ولطيفه ومعلومات ممتازه الحمدلله على السلامه تجربة السكن هل آمنه ؟ |
اقتباس:
اهلا بالاستاذه .. وكل عام وانتي بخير ميزه التطبيقات الاجنبيه عندهم نزاهه وسالفه السوبر هوست بالتطبيق airbnb جميله جدا وتعكس مستوى الامان والاريحيه التي شعر بها ( العديد من الناس ) وليس رأي شخص او شخصين وهي محفز لصاحب السكن ليحصل عليها وبالتالي عملاء اكثر له .. والميزه التفاعليه التي تميز التطبيق اكثر هي ( تقييم المضيف للضيف ) .. # عكسيه صاحب السكن ( يقيمني كعميل ويكتب عني وعن تجربته معي وسلوكياتي كعميل ) فلما اجي احجز عند صاحب سكن اخر في اي مكان بالعالم يطلع على تقييماتي وتجارب الاخرين معي .. هذا استفاضه عامه .... \ اما شخصيا فاللهم نعم تجربه امنه جدا ووسط حي سكني وفي عماره فخمه والمضيف رجل ستيني خدم في الخليج 25 عام من حياته مهندس مثقف ولديه اطلاع كبير على الثقافه الخليجيه والتعامل .. وبنيت معه علاقه موده .. الى انه مرسل لي اليوم ( معايده ) ع الواتس اب |
| الساعة الآن 07:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO