|
أصعب .. أطرف ... موقف لك في مطار !! بسم الله الرحمن الرحيم العرب المسافرون البوابة العامة المسافر يمر على مطارات كثيرة .. قوانينها مختلفة عن ما تعود عليها و الاجراءات مرات تكون معقدة .. و مرات من سهولتها تستغرب هالموضوع ... اتمنى الكل يطرح مواقف صعبة مر فيها ... و ممكن الكل يستفيد منها هالمواقف بالذات .. لما نتذكرها بعد فترة .. في الغالب نضحك عليها اتذكر وحدة من العضوات تأخروا عن الطيارة و ظلوا يركضون بالمطار عشان يلحقون عليها و كانت تضحك بالتقرير ... لكن انا متأكدة ان الموقف مر عليها بصعوبة شديدة و هذا مثال للي اقصده الحين نبدا بموقفي الجميل كنا راجعين من مطار فرانفكورت في 2012 ... راجعين ديرتنا زوجي ملتحي ... بس لحيته خفيفة ... لكن في ذاك اليوم لحيته كانت شوي اكثف لان صار له فترة ما حلقها و انا والحمدلله متحجبة يعني واضح ان احنا عرب و مسلمين مرينا في الاجراءات العادية و اتذكر رحنا خلصنا التاكس فري و اغراضنا اللي عليها تاكس ... كنا مخلينها بشنطة نحملها معانا بالطيارة وعليها قفل و كان المفتاح مع زوجي لما دخلنا شنطتنا على الجهاز للتفتيش الثاني فجأة سكروا المسار اللي احنا فيه و حولوا المسافرين على مسارات ثانية وشنطتنا للحين داخل الجهاز الموظفة نادت الموظف اللي جنبها طلعوا شنطتنا و رجعوا دخلوها و رجعوا طلعوها و دخلوها اكثر من مرة و في كل مرة ... يشوفونا بنظرة رعب !!!! قامت الموظفة لبست قفازات و راحت نادت موظف ثاني يتهيئ لي انه مسؤولهم ونفس الشي يدخلون الشنطة و يطلعونها و نظراتهم لنا تخوووف واكثر من موظف تجمع على الشاشة يطالع الشنطة بعد شوي جاهم شرطي و الكل حتى المسافرين صاروا يخزون فينا على طول جا في بالي ... انهم شاكين فينا عشان مسلمين و حاولت اتذكر الشنطة وشفيها ... لكن نظراتهم ربكتني و والله ذاكرتي خانتني وماقدرت اتذكر شي قلت يمكن خليناها بمكان و احد حط فيها شي و بعدين تذكرت انها مقفولة بعدين قلت يمكن لما فتحناها بالتاكس فري احد حط فيها شي و ما انتبهنا وظلت التساؤلات براسي لحد ما التفت علينا الشرطي و المسؤول سألونا .. الشنطة وشفيها ؟ جاوبهم زوجي باللي تذكره .. و انا اضفت اني كنت شارية اكسسوارات من شوارفسكي طالعوا في بعض و واضح مو مقتنعين قالوا الشنطة مقفولة فتحوها ما ادري ليش وقتها انا اخذت المفتاح من زوجي ... و من زود الارتباك و الخوف كل ما حاولت ادخل المفتاح بالقفل يدي ترجف بقوووة و ما يدخل عصب المسؤول وقال فتحيها بسرعة حاولت اتمالك اعصابي و فتحتها تجمعوا علي كلهم .. و أشروا على مكان محدد بزاوية الشنطة و ساألوني ... شنو داخل بهالمكان قلت ما ادري ... لان جد ما كنت قادرة اتذكر شي بس في نفس الوقت متأكدة ماعندي شي مخالف دخلت يدي و انا اسمي و استغفر كان المس كرتون صغير بحجم اليد و سحبته و اول ما طلعته كلهم توزعوا من الخوف من بعيد يسألني المسؤول ... شنو داخل هالكرتون إبتسمت و قلت له ... بيضة فابريجيه (مو اصليه طبعا ههههههه) بس عشان يفهم بسرعة هي علبة مجوهرات على شكل بيضة .. اصلها روسي و الاصلية تكون مطعمة بمجوهرات و تكون جدا غالية مثل هالصورة http://blog.thebillionaireshop.com/w...bergé-eggs.jpg قال فتحي الكرتون فتحته و طلعتها و كانت مغلفة بورق بس شفاف و شافها فجأة كل الموظفين يضحكون ... خصوصا اول موظفة مسكت بطنها و تضحك مافيه الا انا و زوجي نطالع في بعض و نقول شفيهم !!!!!!! الموظفة قالت لي اجي اطل معاها بالشاشة و فجأة !!!!!!!!!!!!!!!!!! وضحت الصورة شكل البيضة في الجهاز كان مثل قنبلة يدوية الكريستالات على البيضة كانوا كأنهم حواف القنبلة المتعرجة و رجول البيضة كانت كأنها حلقة الامان للقنبلة ضحكت بخوف ... و مشونا و ركبنا الطيارة وليومكم .. لا زلت اضحك على موقف القنبلة .. و البيضة ما استخدمتها كرهتها خلاص بإنتظار مواقفكم .. الصعبة الطريفة ... في مطارات العالم |
رد: أصعب .. أطرف ... موقف لك في مطار !! مواقف مرهبه حقيقة الله لايحطنا بهذه المواقف المشكله انك تخاف من تخويفهم لك مع اند واثق ماعندك شي مخالف كنت في اسطنبول وطالع على المطار وكلي ثقة بان اوصل المطار بالقارمن وارجع السيارة الطريق الي متعود عليه مسكر و القارمن مصر على ها الطريق قلت ادخل من طريق اتاتورك الساحلي الكورنيش ولكن زحمة في زحمة حاولت اختصر وتهت الطريق باقيم ن الوقت ساعة وقفت تاكسي يوصلني المطار برغم من ان عندي سيارة وبالعافيه فهم مقصدي اني اتبعه وصلت المطار وكأن الموضوع خيال سلمت السيارة وصلت تسليم الشنط و الوقت خلاص انتها وطارت الطيارة والله كأنه حلم وكان فيه ناس حالهم ادمر وهو ان طارت عنهم الطيارة ولا محصلين حجز للعوده للامارات اقترحت عليهم ان تذكرتكم رايحه رايحه مش لازم ترجعون على التركيه شوفو اي طيارة بكره رايحة الامارات مش شرط التركيه الي كنتوا عليها مادري ايش صار معاهم لاني بحالة نفسي حجزت من جديد السفر بكره ورجعت حجزت فندق من جديد اقرب فندق للمطار نوفتيل اسطبنول في شارع اتاتورك الي كان فيه زحمة ولكنه قريب من المطار طبعا كانت ليله متعبه جدا ومرهقه ومن الصبح شايلين اغراضنا ومسافرين قبل الموعد سعات كثيره خوف من اي تاخير |
رد: أصعب .. أطرف ... موقف لك في مطار !! اقتباس:
سبحان الله يدبر الامور من غير ما نعرفها معوضين خير ان شا الله على الرحلة اللي راحت وبإذن الله ما تتكرر في رحلات جاية شكرا لك على طرح موقفك :(127): |
رد: أصعب .. أطرف ... موقف لك في مطار !! هههههههههه اما ريمه موقف البيضة مخيف ومضحك في نفس الوقت بالنسبة لمواقفي في المطارات الحمد لله مافيه شي كارثي لكن مره كنت حاجز على بانكوك وبعد 3 ساعات من الوصول طالع رحلة ثانية لشانق ماي .. لما وصلنا لبانكوك باقي ساعه الا ربع على اقلاع رحلة شانق ماي .. يا حلاوة :(35): وبسرعة نختم دخول ونستلم العفش وركض انا والمدام على الصالات الداخلية ههههه كأننا في سباق 400 متر تتابع .. اللي يشوفنا يقول ذولا مسوين جريمة ومنحاشين .. ولما وصلنا الصالة الداخلية لحقنا في آخر رمق الحمدلله .. |
رد: أصعب .. أطرف ... موقف لك في مطار !! اقتباس:
الله لا يعودها من مواقف اما التأخير عن الرحلات الشايب يصير شباب بعد مو بس سباق الحمدلله ما فاتتكم شاكرة لك طرح موقفك :(114): |
رد: أصعب .. أطرف ... موقف لك في مطار !! موضوع جميل .... كلش ولا رحلة تفوت:yolks00180: مره كنا بدبي انا وعيالي ... كنا دايم نجي على مطار الشارقة لان دايم نلقى حجوزات رخيصه ... المره هذي لقينا على مطار دبي ... واول مره نجي له ... ونظامنا نستأجر سيارة من المطار ونرجعها لنفس المطار ... مطار الشارقة صغير.... وكل شي قريب ... ما تتوه يعني ... جاء يوم الرجعه... وكان جمعه ... متعودين نروح قبل الرحله بشوي ... نطقطقها لاخر لحظه .. حملنا شنطنا ومشينا ... باقي ساعتين يمكن على الرحلة ... وكنا بفندق ماجستيك ... صار الطريق فيه صيانة + زحمة سيارات ....:yolks00650: يالله وصلنا المطار ومانعرف مكان ترجيع السيارة بعد:(38): بعد السؤال عرفنا المكان وكان خلاص الرحلة بتقفل واحنا لسى في السيارة .... قلت لام عبدالله روحي يمكن يقبلون يسجلون دخولنا وانا بروح ارجع السيارة مع العيال ... لقيت المكتب وقلت له اني متاخر .... جلس يقول بنزين ومدري ايش ... قلت عندك الفيزا سو اللي تبي :(155): .. سلام ... واشيل الشناط 2 كبار + لاب توب + طفلين واحد منهم 3 سنين يمكن ... احمد ربي مافيه ذيك الايام سنابات ولا انستقرام :(56): والا كان صرت مشهور:(37): مااتذكر الصالات الان بس اعتقد وحده كانت بعيده يمكن كيلو !! وامشي ببزراني في الشارع وحوسة شناط وشماغ وبزران لا يصدمون ، وتكاسي ترفض توقف لان ممنوع ... وقف لنا تاكسي وهو اللي علمنا ان المكان اللي نبي بعيد ... ورحنا معه ... ونزلنا بمكان غلط:yolks00640: ورحنا نمشي ونركض بس هالمره قريب ... واشوى كان فيه موظفه اماراتيه الله يسعدها ويوفقها قدرت الموقف وماقفلت الرحله او ماادري وش سوت بالضبط ... المهم كلن عرفنا ان احنا اللي بتفوت رحلتنا:(155):( حقين الجمارك والشرطه والعمال والناس الموجودين ) لان كان فيه سرى طويل على البوابة واول ماشافني العسكري قال انت اللي متأخر على الرحلة :(56): ( ماقلت لكم مشهور ) تعال تعال والحمد لله مشت الاموار ولحقنا الرحله ... |
رد: أصعب .. أطرف ... موقف لك في مطار !! الله يسعدكم مواقف رهيبة :bleh: البيضة العجيبة و سباق التتابع و مشهور افندي هههههه موقفنا صار في وندرمير أو البحيرات في بريطانيا و تعلمت منه أني ما احجز موعد بدري أبداً لأن اللي اوفره راح ادفعه دبل و انا رايح للفندق حسبت الوقت نص ساعة من محطة القطار بس الفرق أن رحلة العودة كانت الساعة 6 صباحاً لادنبره حجز لي الفندق لرحلة العودة تاكسي يوصل الساعة 5 فجراً قلت ساعة و الخط فاضي اكيد نوصل بالراحة التاكسي يمشي على أقل من مهله و يلمح لو يبغاني ازيد السرعة تدفع زيادة واضح أنه نذل و أنا بديت أزعل لأنه يتعمد يهدي و حنا السيارة الوحيدة على الطريق لما وصلنا نزلنا بالمكان الخطأ من المحطة و كان باقي 5 دقايق على بال ما سألت الا واحد يقول هذا قطارك اللي جاي بس لازم تروح للجهة الثانية فيه جسر خشبي يمر من فوق القطار يوديك للجهة الثانية شنطتين معي و جري مع الدرج و أم غسان وراي ما تشوف الا غباري عشان يتحرك القطار لازم تتقفل الابواب ثم يرفع المامور يده و يطلق صفيرة بصوت واحد قفلت الابواب و رفع يده الا أنا زي الصاروخ نازل من الدرج و هو يطالع في باستغراب نزل يده و ما صفر و قال " مان يو ار لكي " أنت مرة محظوظ قلت بنفسي فيه من هو محظوظ اكثر مني و اطالع الا العباية ترفرف يمنةً و يسرة خخخخخ يخرب بيتهم دقيقين جداً ترى بعض الاحيان الدقة ماهي زينة :(37): وصلت ام غسان و طلعنا القطار لادنبره و حنا مو مصدقين أنه لحقنا عليه عشان كذا انتبهوا من الرحلات اللي بدري سواء قطار أو طيارة توقيتها سئ و اللي توفره فيها يأخذونه منك التكاسي |
رد: أصعب .. أطرف ... موقف لك في مطار !! هههههه ابو غسان محد احسن من احد:(56): عاد درج محطات القطار اللي يعدي للجهة الثانية اعرفه والله ياهو اقشر وواقف بزود :(38): ذكرتني سالفة : احنا ساكنين في كولشيستر ومااحب اروح لندن بالسيارة فاوقف بقرية ثانية عشان ارخص لتذاكر القطار والمترو ( الحين لقيت قرية في زون6 قريبه منا ) صرت على طول بالمترو ... المهم وقفنا السيارة وطلعنا والمساء وحنا راجعين لازم نغير القطار والقطارات هنا ماشاء الله ماتوقف ابد ... نزلنا ورحنا لرصيف رقم 4 وركبنا القطار ويوم مشى القطار واثرنا نازلين من القطار الصح وركبنا واحد خطأ:bleh: ... وننزل في المحطه الثانية ونقطع مع الجسر للجهة الثانية ونركب القطار ونرجع وننزل في محطتنا الاولى ... واقرا الشاشة واشوف موعد قطارنا الصحيح .... ونجلس الا ويجي قطار :(155): قلت شكله هذا هو .. باقي 10 دقايق على الموعد ... وركض نركب فيه :(56): ويطلع نفس خطأ :(155): وننزل في نفس المحطه اللي رجعنا منها :(101): .... ونرقى الجسر ثانيه ونرجع نركب القطار اللي راجع:(56): واحس كاميراتهم تصورنا وتقول وش عندهم ذولي:sly:.... وننزل في المحطة الاولى واشوف الموعد والى باقي حوالي 20 دقيقه على قطارنا ... واجلس ويجي قطار:(38)::(38): وانا:shutup: ودي اقول يلا نركب معه :(57): واترصص الين مشى ... كان ودي ادفه يمشي بسرعه لا اركب:(94): ... واشوى جا قطارنا ورحنا معه .... الحوسه ذي اخرتنا يمكن ساعه ونص :(155):... ومحطات القرى اغلبها يكون فاضي وقت اخر العصر ...بس يعجبونك كل شوي قطار يعني ماراح تنقطع ابد ان شاء الله.... وسلامتكم |
رد: أصعب .. أطرف ... موقف لك في مطار !! اقتباس:
انا عادي اروح قبل موعد الطيارة لو بأربع ساعات دوم اخاف من الركض و الشهرة :yolks00520: الحمدلله ما فاتتكم الرحلة .... و شكرا لك على طرح موقفك |
رد: أصعب .. أطرف ... موقف لك في مطار !! اقتباس:
انا عموما ما احب الرحلات البدري الا اذا مضطرة و مافي خيار احب اصحى على راحتي و افطر و اعين من الله خير و بعدين احرك العباية اللي ترفرف هي اكثر ما ضحكني ... :yolks00730: شكرا لك على طرح موقفك |
رد: أصعب .. أطرف ... موقف لك في مطار !! اقتباس:
الله يسعدك كثر ما ضحكتني على الصبح بس صحيح القطارات و المترو اصلا ما تحاتي لو فاتك الاول .. على طول في غيره الا اذا كان الوقت متأخر شكرا لك على طرح موقفك ... يالله حاول تتذكر اذا بعد عندك شي :(101): |
هههههههه يا حلو هالمواقف طبعا مو بوقتها الا بعد فتره تصير ذكرى حلوة أكره موقف عندي لما كنا في مطار دبي رايحين مبجر وقصينا البوردينق وعطونا رقم البوابه وهي اول بوابه ١٠١ على اليمين رحنا وقعدنا وتمشينا والعالم مافي احد ابد لا موظفين ولا شاشات مفتوحة ورجعنا بعد ما تعشينا ونفس الشي والناس قاعدين بره والموظفين مافي احد ومابقى شي على الاقلاع وما فتحوا البوابه قالو العيال بنشوف الشاشات ومافي شي وراح اسئلوا كاونتر والا يقولون لهم البوابه رقم ١٣٤ ويت بنتي وقالت يلا ترى مغيرين البوابه ورحنا وانا عصبت من اول بوابه لآخر بوابه شيمشيني هالطريج العيال راحواا وانا ووحده من البنات نمشي وكل ما اوقف واحد من عربات الغولف ما يركبنا بس تلاقي عندهم هنود وبالغصب وقفت واحد مو راضي يوقف بس معاه بعد موظف وقف لي وقال اي بوابه وانا اتحلطم شنو هذا ليش ما يعلنون عن التغيير وليش وليش ووشفت ولدي راجع لنا قلت حق الريال وووقف اركب يمه خخخخ ووصلنا وانا ادخل البوابه ومعصبه عليهم والناس تطالعني المهم دخلونا الممر للطياره والا طلع باص والله وكيلكم يمشي فينا الباص يمكن ربع ساعه ويوصلنا للطيارة وهي تدرون وين قريبه من البوابه ١٠١ وانا طبعا مو ساكته اتحلطم ليش وليش ولااا بعد مرجعينا كل هالمسافه ليش ما دخلونا الباص من هني خخخخخ علشان جذيه ما احب المطارات الكبيره يعطيكم العافيه |
بو عبدالله بريطانيا مرتبين حتى بمحطات القطارات ترتيب والجسر أعرفه وايد وترى في اصنصيل اذا عندكم جناط تنزلونهم وتصعدونهم من محطه لثانيه وللمعاقين بعد واذكره مره نزلنا انا وعيالي مع الجناط ولما صعدنا والا بوحسين يدورنا وينكم وين رحتوا ههههه اهو وبنتي يحاتونا ان يروح عنا القطار |
اقتباس:
والله غلطانين يخلونج تمشين الشرهه عليهم ما عرفوج هههههههههههههههههه مثلج انا لكني ما احب المطارات الكبيرة و لو ان كل ما كبر المطار كبرت السوق الحرة فيه بس مرات اكون رايحة المطار مواصلة من غير نوم او تنرازيت و تلقين يشحطونج ابعد بوابة في آخر العالم كثير صادفتني هالحركة بمطار قطر الجديد شكرا على طرح موقفج و ننتظر مواقف ثانية بعد |
دائما وحظي ماش قبل سنة وفمثل ذا الوقت رحلتي لفيينا اول واحد يقص البوردنق والنداء الاول وقايم نافخ صدري ههههههه ادور محفظتي ماش وين وين مرره اتصل على اخوي وينك قال بعيد يبي لي ساعه عشان اوصلك الغيت الرحلة وتنكدت وامر الله خير والرحلة كانت فالغد الموقف الثاني رحلة جدة الرياض متكشخ ومسمي بالرحمن وتمر ذيك المراة ولاسمعت الا اه وهي وقهوتها على ثوبي وشماغي وكتابي تعفسنا عفسه قلت امر الله وسلامات لكن من شفت ذاك الكعب دورين وملحق قلت لها مو منك من ذا الكعب لاعاد تلبسينه وتمتحنين خلق الله من الخوف ماردت والا جنبي يضحكون .. موضوع رائق هولمز |
الله يسعدكم ضحكت على مواقفكم والعباية الي ترفرف سوبرمان ههههههه المواقف كثيره فيها المضحك وفيها المحزن اخرها من كم شهر ركبنا قطار مو قطارنا ونزلنا وركض على القطار الصحيح وزي ماقال ابو غسان الدقة الزايدة مالها داعي :(7): وصلنا والابواب مسكره والمامور رافع يده باقي بس الصفيرة واصرخ بأعلى صوتي وييييييييييبييييييييييييييت هههههههههههههه :200: والحمدلله ركبنا بس ما ادري كيف ركضت هذاك اليوم وطول الوقت افكر كيف كان شكلي وانا اركض خايفه على بريستيجي ههههههه :yolks00520: |
أسوأ شي يا عمار لما تفوتني الرحلة و أحس أنه خطاي اما اللي بقهوتها مسكينة شكلها تفشلت لكن ما يمنع تصفقها عشان ما تعودها |
زهرة و البرستيج ههههههههههه قريباً على الشاشة الكبيرة يناير 2016 خخخخخخ الله يسعدك |
ابو غسان خليهم قبل مايصوروا يبلغوني اضبط الوضع هههههههه يووووه توني اشوف موقف عمار ياحياتي مسكينة ههههههههه |
اقتباس:
حريم :(7): هولمز |
اقتباس:
|
اقتباس:
لكن ريحه ثوبي ملابسي تفند الراس هههههههه عود موضوع مميزتنا شات ههههههه |
مواقفكم فله شارلوك عسى قهوة الحرمه مهيله وفيها زعفران :detective2: لاتصير قهوة مر والا مسمار:(155): ... امس موقف في المترو وتعرفون فيه ناس يصيرون واقفين ... اول مره اشوف كذا ... اول مايمشي المترو يمشي بسرعه بقوه يعني لازم تصير مستعد اذا انت واقف .. تخيل نفسك ماتمسكت زين ومشى بقوه وعلى طول وقف بقوه ثم مشي :(158): ... |
اضحكتوني اضحك الله سنكم وخصوصا لما اتخيل العبايه اللي ترفرف ام ريمه انا صار لي موقف شبيه بموقفك والحكايه هذي صار لها مده طويله ايام ماكانت ابنتي ام ايمن بيبي ايامها كنا مقيمين بالمانيا وتحديدا كولونيا فانا بعد اجازتي عند اهلي في تونس وانا راجعه لالمانيا عبر مطار كولونيا بون الا والوالده كعادتها الله يرحمها تحظرلي كيس كبير من مسحوق السحلب من ظمن الحاجات اللي حضرتهملي لاخذهم معي .انا مش عارفه انتم ببلدانكم اش تسمونه .احنا بالتونسي نسميه درع وهو عباره عن حبوب تطحن جيدا ثم تطبخ مع الماء او مع الحليب ويشرب دافئا خصوصا في الشتاء فيعطي للجسم طاقه ونشاط. ماعلينا لما وصلت الجوازات وايامها كانو يفتشو الاغراض مش زي الان كلو سكانير.فتح الضابط الحقيبه وصدفه جت ايده على كيس السحلب الدقيق وهو لونه ابيض يميل للرمادي.سالني ماهذا قلتله لا اعرف له تسميه بالالماني لكن بالتونسي هو درع او سحلب .وعينك ماتشوف الاالنور جات الطامه والعامه ويسالوني ماهذا وانا فهمت الحكايه كلها لكن اقول لهم ان هذا المسحوق اسمه droo بالتونسي او سحلب. والضابط يقولي نعم تقصدين droge اتجنيت وانا اقولهم لا لا سحلب droo من غير حرف ال g بالنهايه كل واحد منهم يجي ويحط اصبعه ويذوق ويقول امممم لذيذ ليس drog هما كانو فكرينو بودرة مخدرات .والله للان لما يقرب الشتاء واشتري السحلب اذكر ذلك الموقف البايخ واضحك على تفاهة الالمان .يعني لو واحد شايل مخدر يحطو بكيس عادي ضمن اغراضه الشخصيه http://www.arabtrvl.com/up/uploads/a...2761366041.jpg هذا السحلب حبوب http://www.arabtrvl.com/up/uploads/a...2761366082.jpg وهذا مطبوخ بعد اضافة ماء زهر اثناء الطبخ وشوي مكسرات للزينه |
عمار اهم شي انك فندت الرأس ... ان شاء الله كان معها قطعة حلى هههههههه:200: ابو عبدالله اذا ركبت المترو ومافيه مقعد امسك الحدايد بكل ما اوتيت من قوه واثبت رجولي على الارض وبنفس الوقت امسك اولادي وبالعافية نثبت :(127): ام زياد اكثر شي يحرجني تفتيش الشنطة يدوي لو يفتشونها في مكان خاص مو كذا قدام الناس :yolks00780: |
اقتباس:
ههههههههههههههههههههههههههههههههه وشلها بالكعب .. لا و دورين .. يومها مو قده هههههه الله يسعدك و شكرا لك على طرح مواقفك |
اقتباس:
اول شي ينحاس حوس و يتمرمط ثم يضيع الله يسعدك و شكرا على طرح مواقفك |
اقتباس:
لو انا منك اقول لهم جيبوا ماي ساخن و اوريكم وشهو السحلب موقفك ذكرني بموقف شخص معروف بالبحرين تقريبا داعية الله يحفظه كان مسافر و شايل معاه شي نسميه مهياوة وهو الله يسلمكم خليط سمك صغار مع بهارات و كمية كبيرة من الملح يخلونها في زجاجات و يتركونها في الشمس لفترة معينة لحد ما تصير مثل السائل طعمها لذيذ و ما فيها طعم سمك و ريحتها ما تكون سيئة خصوصا اذا كانت البهارات مضبوطة المهم الحين وشلون يشرح لهم !!! بالاصح هو شرح و ما فهموا لحد ما قال لهم Fish Juice و ذاقوه و انبسطوا عليه و اخذوا زجاجة منه هههههههههههههههههه في سفراتي احاول ما اخذ معاي اكل عشان هالمواقف البايخة الله يعين |
ياربي فيش جوس كيف تصير هذي هههههه لا وكمان اخذوا منه :yolks00250: |
هههههههههههه مواقفكم مفزعة ومضحكة لكن مع ذلك الواحد يتعلم منها . موقف القنبلة المغشوشة لو صار معي كان صبني العرق حتى لو كنت واثق 100% وأنا مع رأي أبو غسان في مسألة اختيار الوقت المريح والإبتعاد عن الدقة في التوقيت لأنك لاتضمن مواعيد الطيران والتأخير اللي يصير فيها . على سبيل المثال رحلتي القادمة بإذن الله على مطار جاكرتا ووصولي بالضبط الساعة 2 وعشر دقائق صباحا ومتجه بعدها إلى بالي عبر طيران محلي فتعمدت اختار رحلة الساعة الثامنة صباحا بدلا من رحلة الساعة السادسة تحسبا لأي أمر أو تأخير قد يطرأ وحتى أكون في سعة . --------------- بخصوص المواقف فمواقفي جدا عادية وقد تكون حصلت مع الكثير لكن سأذكر موقف لأحد الأصدقاء ذكره لي ولا يزال عالقا في ذهني :) هذا الصديق الذي لم يسافر قط خارج السعودية وفي أول أيام زواجه أراد أن يقضي شهر العسل في كوالالمبور ( ماليزيا ) وحجز كل شي ورتب أموره وكانت رحلته عبارة عن ترانزيت في مطار كولمبو ( سريلانكا ) . وبعد أن حطت الطائرة في مطار كولمبو وسمع نداء الوصول أتى على ذهنه أنه مطار كوالالمبور فنزل مع زوجته في المطار الخطأ لكن شناطهم لم تظل طريقها وذهبت لوحدها إلى ماليزيا والمشكلة بأنه لم يعرف بأنه أخطأ إلا بعد أن غلب على ظنه أن طائرته قد طارت وانقلب شهر العسل إلى بصل ذرفت منه دموع زوجته هههههههههههه المهم بأنه لم يستطع تحمل الموقف ولم يكمل طريقه إلى ماليزيا بل عاد إلى السعودية موقف لايحسد عليه . لكن بكل تأكيد بأنه لم يحسن التصرف وكان من الممكن أن يتدارك الأمر سواء بالعودة إلى الطائرة إن كان هناك مجال أو بإكمال رحلته على أقرب طائرة . ... |
كل عام والجميع بألف خير :)موضوع لطيف وخفيف شكرا الك أم ريمه .. :) مواقفي كتيرة وغالبيتها محرجة لكن يحضرني الآن موقف مزعج جدا في مطار دبي .. بالنسبة لي لا يمكن أسافر الا واحجز مقعد عند النافذة في نفس وقت حجز التذكرة، وفي هالسفرة طبعا نفس الشي حجزت مقاعدي قبل السفر بفترة ومشيت الأمور حتى موعد العودة إلى الوطن :(60): اخدت البوردينغ باس وحفظت رقم مقعدي A22 وبوابتي A9 وتوجهت فورا إلى منطقة البوابات A حتى أبقى قريبة من البوابة ولا أفوت الرحلة.. ويومها أسهبت في شراء الهدايا والتجول في السوق الحرة وأخذت راحتي في الصلاة والأكل وكل شي .. فالبوابة على مسافة خطوات مني .. وفي اللحظة الحاسمة - قبل موعد الانطلاق بـ 40 دقيقة- توجهت إلى البوابة .. A9 .. وكان المكان خالي تماماً من المسافرين وتوجد موظفة واحدة لا يبدو عليها الانشغال. توترت لاني أعرف ان رحلات طيران الإمارات تغلق بوابتها قبل 35 دقيقة من الإقلاع ..فسألتها على عجالة عن الرحلة وقالت لي لا توجد رحلة هنا أصلا! طيب والبوردينغ يا بنت الناس... صرت مخربطة بين رقم مقعدي ورقم بوابتي ... والبوابة رقمها A22 ... يعني وحدة منهم أقصى يمين المبنى والأخرى أقصى اليسار .. والصورة المرفقة توضح لكم المسافة اللي ركضتها خلال 5 دقائق، وأنا احمل أكياس مملوءة شوكولاتة وهدايا.. حقيبة لاب توب فيها 3 كتب ثقيلة مع اللاب توب ولوازمه.. وطبعا حقيبة carry on وزنها 7 كيلو بالضبط ... http://www.arabtrvl.com/up/uploads/a...3119185141.jpg وصلت البوابة وانا أرى كل شيء 3 ... ووصلت مقعدي وانا لا أرى الا الرقم A9 أمامي :yolks00590: .. ومن يومها أحرص ان اتاكد من الارقام 500 مرة قبل أن أتوجه إلى البوابة |
فكرة الموضوع رووووعه والأروع مواقفكم لم امر بمواقف تستحق الذكر ولكن سأتابع الموضوع لانه ممتع . |
ههههههههههههههههههههه 😂 احب المطار واحب الحماس فيه ماصارت مواقف لنا معينه الحمدلله |
اقتباس:
وما يبلغونج بالتغيير ودي جذيه :(2): |
اقتباس:
أكو أحد يسافر بكعب او يروح المطار بكعب المطار حلاته فلات ولا بعد رياضي ما ينفع بالسفر الكعب بس عسى قهوتها بارده وما احرقتك سلامات |
كله صوب والركض في المطار صوب ثاني الحمد لله ما قد ركضت .. استعجلت شوي اي صارت بمطار اتاتورك برحلة داخلية لـ طرابزون فجأة غيروا البوابة من اليمين الى اقصى الشمال .. من تحت لفوق لتحت مرة ثانية بس الحمد لله لحقنا مواقفكم عجييييييييييبه خاصة موقف هولمز لا يحسد عليه "ياخي خذ لك لبس احتياطي" |
اقتباس:
لبس احتياطي ههههههههههههههههههههههههههههههههههههههه انا وانتي حطينا الغلط على عمار :(22): |
بحكم دراستي الجامعية في أوروبا زرت الكثير من المطارات وحصل معي الكثير من المواقف الطريفة وكنا كطلاب نحاول قتل وقت الترانزيت بعمل المقالب ببعضنا حتى لانشعر بمرور الوقت ولكن اطرف موقف مر بي كان في مطار إسطنبول وكان عندنا انتظار ترانزيت سبع ساعات يومها التقيت بزميلي اردني سيسافر معي على نفس الطائرة المتجهة الى روما وكنا في الماضي نحمل مبلغ تكاليف الفصل الدراسي معنا بسبب عدم وجود شركات التحويل المصرفي طبعا صديقي كان مهمل جدا ووضع المبلغ كله في جيب قميصه رزمة من الدولارات وقد ظهر نصفها من الجيب فقررت ان اعمل معه مقلب يلقنه درسا لاينساه وجاءت الفرصة عندما قرر ان ينام على كراسي المطار الى حين موعد الطائرة وطبعا كل من زار مطار إسطنبول يعلم كم يعج باعداد كبيرة من المسافرين من كل انحاء العالم وصديقنا قرر النوم وفي جيبه رزمة الدولارات جلست بجانبه حتى غفا وسحبت الرزمة من جيبه وانطلقت اتمشى في جنبات المطار وبعد ساعتين رجعت لاجده يلطم ويصرخ على المال المفقود وكيف سيخبر اهله بضياع مصروف الفصل الدراسي وكيف سيتدبر اهله امرهم وهم امنو له المبلغ بصعوبة جلست اواسيه واهون عليه واعرض عليه الحلول كالعمل في احدى المطاعم او السوبرماركات لتحصيل المبلغ ولم اسلمه المبلغ الا عند وصولنا الى روما وطبعا بعد ان حصل على المبلغ واستوعب الموضوع بقيت اركض لربع ساعة هربا منه وهو يلحقني يريد ان ينتقم للساعات العصيبة اللتي عاشها بسببي |
اقتباس:
اقتباس:
الصراحة معاك حق تلعب باعصابه .. احد يشل رزمة دولارات بجيبه .. درس مستحيل ينساه ... |
الله يديم عليكم الابتسامة والضحكة زي ما ضحكتوني وأسعدتوني أما ام ريمه شكرا كتير على الموضوع المفيد والممتع ولعلمك وأنا بقرأ بموضوعك كنت بموت من الخوف لأنه صاحبتي صار معها موقف مشابه جدا الاسبوع الماضي. خليني أحكيلكم كم موقف صاروا معي أنا من عشاق طيران العربية ومطار الشارقة مريح لاتعب ولا ارهاق والشنط تطلع بسرعة، ومن كم شهر راجعه من عمان الى الشارقة و يمكن أغلبكم بيعرف انه سعر الأدوية فى الاردن أرخص من الامارات فاشتريت كمية من الأدوية تكفيني لفترة سنة تقريبا. استلمت شنطتي وأنا طالعة فجأة لقيت شخص مدني جاي يركض ويجحرني (ينظر لي بعنف) وانا طالعة واذا بموظف الجمرك يسألني شو الدواء اللي معك فأجبته بنوعية الأدوية وبوضعي الصحي وعلى طول قال تفضلي خلاص. أما هذاك الرجال حسيته بيذبحني :yolks00480: موقف ثاني حصل فى مطار عمان داخله على كاونتر الوزن ولقيت طابور طويل فقلت يا بنت اقعدي احسن لما يخلص الطابور ترجعي واجت عيني على الناس اللي واقفين عند الجوازات وفجأة ألاقي الشيخ سليمان الجبيلان واقف وبدون ما أحس وبصوت عالي السلام عليكم شيخ سليمان ورد علي بصوت أعلى هلا هلا وعليكم السلام أختي ويضحك كعادته، لقيت كل الناس بيتطلعوا علي :yolks00700: أنا عملت نفسي مو شايفه حد وقعدت :yolks00750: موقف مع ابني معن كان فى مطار هيثرو واشترى زجاجة عطر كبيرة من المطار والأخ فتحها ورش منها، لما اجى عشان يدخل على الطيارة قالت له الموظفة: ممنوع تدخل زجاجة العطر وهي مفتوحة فقال لها أنا اشتريتها هلا من المطار بس هي ما رضيت وأصرت على عدم دخول العطر. شو تتخيلوا معن عمل؟؟؟؟ رش العطر لكل الرجال الموجودين حواليه ولا يعطيها ياه :yolks00120: |
| الساعة الآن 09:30 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO