|
ماليزيا واختيار الفنادق / رأيكم يهمني حياكم السلام عليكم اخواني تم حجز الطيران لماليزيا عن طريق الخطوط الاماراتيه ولله الحمد 4 اغسطس الى 19 اغسطس 2015 وجاء وقت الفنادق والاختيار ولابد من نصائحكم قبل الحجز النهائي راح اكتب لكم الخيارات المتوفره عندي وخيارات المكتب السياحي اللي مريته اليوم لاني قلت ابشوف يمكن يكون عنده عروض واسعار حلوه ولكم الحكم طبعا ملاحظه انا مخطط اكون متوازن بالاختيار و السعر بمعنى لانكاوي تكون التوب بالفنادق مثلا والبقيه خاصه كوالا تكون اسعار مناسبه 500 ريال كمثال بحكم ان كوالا تسوق واغلب اليوم تكون خارج الفندق رأيكم يهمني ؟ عموما المدن والفنادق المقترحه اللي جمعتها شخصيا من خلال هالموقع و مواقع مشابهه بالترتيب على حسب جدول البرنامج: 2 ايام سيلانجور ( صنواي بايراميد ) 4 ايام لانكاوي (الدانا / ويستن لانكاوي / لانجي بتش / لانكاوي لاقون / رويال شولان / فيفانتا باي تاج ايلاند ) 3 ايام بينانق ( جولدن ساندس / شانجريلا راسا سيانق / بارك رويال / ذا فيو بيتش ) 2 ايام كاميرون ( كاميرون ايلاند / ليك هاوس / كوبثورين هوتيل / دي لافرنس / اكوتريال ) 4 ايام كوالا ( تريدرز / افاني سيبانغ / بيست ويسترن بريمر / شانغريلا هوتيل / جراند ميلينوم / ماريوت / رويال شولان ) المكتب السياحي واختياره 2 ايام سيلانجور ( صنواي 985 ريال لليله ) او عنده ( بايرميد 725 ريال لليله ) المشكله طيارتي بتوصل بحول لله لمطار كوالا الساعه 9:45 المساء فأحس ما تستاهل اخذ اول ليلة بهالمبلغ وانا بوصل متأخر فهل اخذ اول ليلة بالقرب من المطار فقط للنوم واليوم الثاني اختار اما صنواي او بايرمد ليله واحده فقط ؟ ابي رايكم 4 ايام لانكاوي ( الشيراتون 812 لليله اطلاله جزئيه على البحر) وسالته عن فندق الدانا اتذكر شخص يمدحه وحصلته في بوكينق فوق 1600 وعند المكتب 1450 ريال ليله واحده مارين فيوو اطلاله كامله على البحر ( هل يستاهل هالمبلغ واختاره ) 3 ايام بينانق ( جولدن ساندس 950 ريال ليله) وعنده ( شانغريلا 1000 ريال ليله) 2 ايام كاميرون ( كاميرون ايلاند 750 ريال ليله ) 4 ايام كوالا (بارك رويال 600 ريال ليله ) وسالته عن( تريدرز 722 ريال اطلاله على البرجين ) وبخصوص كوالا تنصحون الفندق يكون قريب من البرجين \وكم يبعدعن اماكن التسوق و المولات اذا كان قريب من البرجين ؟ او الافضل اكون قريب من شارع العرب رايكم جدا يهمني بانتظاركم اخواني ومشكورين مقدما |
رد: ماليزيا واختيار الفنادق / رأيكم يهمني حياكم وعليكم السلام ورحمة الله وبركاتة حياك وبياك اخي الفاضل بين اخوانك بالنسبة لفندق سيلانجور ( صن واي بيراميد فهو 4 نجوووووم وبشكل عااااااام مستواه طيب صن واي لاجون ريزورت 5 نجوم ومستواه ممتاز فنادق لنكاااااوي كثير الفخمه بعطيك هي بالترتيب 1- فورسيزون 2- ذا دانا 3- تانجون رهو 4- داتاي 5- ويستن 6- اندامان 7- كاسا دلمااااار 8- فيفانتا باي تاج ايلاند الدانااااا ممتاز من تجربه بس سعره صراحة ناااااااااار ياحبيبي نااااااااااار فنادق مستواها جيد جداً بلانجي بيتش ... ولاتقرب من فندق الشيراتون مستواه اصبح سيء للغايه كثير يذمووووووونه بالنسبة لفنادق بينانج الافخم على شاطئ الباتو فرينجي فندق الشانجريلا راسا 2- القولدن ساندس 3- هارد روك 4- بارك رويال 5- هوليدي ان 6- باي فيو الكاميرون افخم فندق كاميرون هايلاند ريزورت وعندك كماااااااان فندق ليك هااااوس كوالا افخم فندق جراند حيااااااه ... وفندق التريدرز رائع جداً وقريب من مول سوريا 4 دقائق بسيارة القولف تبع الفندق و 10 دقايق لو حاب تمشي الماريوت وجراند ملينيوم ورويال شولان على شارع العرب تقع ياليت اخوي تعطينا التواريخ كااااامله مشان نشوفلك الاسعار في مواقع الحجز ونقارن مع المكتب ... وهل اسعار المكتب شامله الضريبه |
رد: ماليزيا واختيار الفنادق / رأيكم يهمني حياكم اقتباس:
مشكور على الرد و التفاعل وتحديد الفنادق بالترتيب ما قصرت الموعد 4 اغسطس الى 19 اغسطس 2015 بالنسبه لضرائب الفنادق ما سألته لكن كان كاتب لي مجموع اسعار الفنادق حوالي 11 الف ريال فلو فيه ضرائب يبي يقولي ومعلومه اضافيه حجز الفنادق عنده اللي كتبتها لكم شامله الافطار و امكانية الالغاء بالنسبة لاول ليله واني اوصل بالليل 10 م ما ادري و شرايك بالحجز باول ليله هل تكون قريبه من المطار واليوم الثاني احجز بالفنادق الموجوده بسيلانقور؟ كوالا تفضل قريب من البرجين او من شارع العرب؟ المواصلات قالي تقريبا 3400 ريال كيف السعر ؟ |
رد: ماليزيا واختيار الفنادق / رأيكم يهمني حياكم لا لا تاخذ مواصلات كثير جداً ... ,,, المشكله الفندق اللي يقع في المطار ساماساما سعره غالي مو رخيص قريب من البيراميد ,,,بكره ان شاء الله نفيدك انا واخواني في الباقي بحول الله تعالى ... |
رد: ماليزيا واختيار الفنادق / رأيكم يهمني حياكم مادري أخوي بس أجوف الأسعار واااااايد غالية أقترح عليك تحجز من مواقع النت بنفسك أحسن وأوفر |
رد: ماليزيا واختيار الفنادق / رأيكم يهمني حياكم اخي الكريم لفت نظري شي اصححه لك : بارك رويال في بينانغ رويال شولان في كوالالمبور :(89): لا تحجز قريب من المطار غالي توكل على الله واسكن سيلانقور حتى لو هي ليله واخوي بو عمر ما شاء الله كفا ووفى كل شي ذكره انا اتفق فيه معاه الأفضل تبتعد عن المكاتب السياحية لأنها اكيد بتاخذ ربح منك ومو شويه بوكينق او المواقع الأخرى وايد مضمونه وواضحه جرب تحجز منها حجورات فيها الغاء مجاني وشامل الافطار السعر مذكور بدون الضرائب الا رويال شولان دائما سعره مشمول بالضريبه او الحجز الغير مسترد لما تكون واثق تماما من سفرتك باذن الله ودايما سعر الحجز الغير مسترد ارخص بكثير من الحجز للي فيه الغاء مجاني تقدر تقارن وتقرر حسب ميزانيتك ونحن بالخدمة لأي مساعدة او توضيح سفرة موفقه ان شاء الله |
رد: ماليزيا واختيار الفنادق / رأيكم يهمني حياكم اختي قصه حب ,,,,,,, موجود فندقين بالاسم ذا في كوالا بارك رويال ,,,, والثاني فندق اجنحة بارك رويال |
رد: ماليزيا واختيار الفنادق / رأيكم يهمني حياكم اخوي الكريم شفت لك بعض الاسعار من موقعي بوكينج واقودا وكانت كالاتي صن واي لاجون ريزورت ب 877 ريال شامل الافطار والالغاء ( بوكينج) صن واي بيراميد ب 608 ريال شامل الافطار والالغاء ( بوكينج) لنكااااااااااااااااااااااااااااااااااااااااااااااا وي ريباك ايسلاند ( فيفانتا باي تاج ايلاند) ديلوكس ع البحر الغاء مجاني بدون فطور ب 750 ريال ( اقودا) ديلوكس ع البحر شامل الافطار بدون الغاء مجاني ب 833 ( بوكينج) فرنجيباني فيلا ع البحر الغاء مجاني شامل الافطار ب 747 ( بوكينج) ايديا فندق جديد ماله تقريبا 6 شهور اقتصادي ونظيف جداً ( غرفه ديلوكس شامل الافطار والغاء مجاني ب 303 ريال يابلاش ويستن غرفة سوبريور غير قابل للالغاء وشامل الافطار ب 821 ( اقودا) ويستن غرفة سوبريور شامل الافطار وقابل للالغاء ب 1155 سعر مرتفع على اقل غرفه ويستن اطلالة جزئية ع البحر شامل الافطار بدون الغاء ب 1188 ( بوكينج) شيراتون لنكاوي فندق مستواه مقبول مع انه 5 نجوم ولكن في السابق كان ممتاز وفقد امتيازه من عام 2009 تقريباً غرفة اطلالة جزئية ع البحر بدون فطور وشامل الالغاء ب 769 ( اقودا) كاسا دلمااااار فندق ممتاز وعدد الغرف تقريباً 35 فقط جناح مطل ع البحر شامل الافطار والالغاء ب 1070 ( اقودا) بينااااااااااااااااااااااااااااااااااااانج قولدن ساندس ديلوكس ع البحر شامل الافطار والالغاء ب 765 ( بوكينج) غرفة اكزاكتيف ع البحر شامل الافطار والالغاء ب 847 ( بوكينج) الفرق بين الغرفتين ( الديلوكس من الدور الاول الى الرابع ) ( اكزاكتيف من الدور الخامس الى السابع) هوليدي ان غرفة ع البحر مبنى الشاطئ شامل الافطار بدون الغاء ب 531 ريال ( بوكينج) كوااااااااااااااااااااااااااااااااااااااااااالا تريدرز ع البرجين الغاء مجاني بدون فطور ب 640 ريال ( تريدرز في اقودا وبوكينج بدون فطور الا في غرفة الكلوب) رويال شولان غرفة ديلوكس شامل الافطار والالغاء ب 430 ( بوكينج) اجنحة بارك رويال ( جناح استوديو ) شامل الافطار والالغاء ب 522 |
رد: ماليزيا واختيار الفنادق / رأيكم يهمني حياكم الاخوان واﻻخوات ما قصروا ما شاء الله هنيئا لنا وللمنتدى بتواجد هذه الكوكبة من النجوم بيننا |
رد: ماليزيا واختيار الفنادق / رأيكم يهمني حياكم هلا بالغالي انصحك بالتالي البراميد و لنكاوي عن تجربة شخصيه ريباك ايلاند بينانج جولدن ساندس الكاميرون هايلاند لا تدور غيره كوالا تريدرز لا يعلى عليه و موقعه جميل جداً و سعره معقول جداً و اذا تبي شي ارخص في e&o ارخص و احدث. |
| الساعة الآن 03:01 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO