|
انتبه من عمليات النصب في القاهره السلام عليكم ا خواني اشرح لكم اول زياره لي للقاهره والاشياء اللي حصلت لي وسوف وبإذن الله بعد قراءتكم لموضوعي سوف يتجنبها الزوار الجدد طبعا المرحله الاولى هي وصولك لمطار القاهره اصعب خطوه اذا تخطيتها دون متاعب اعرف انك نجيت من اكثر عمليات النصب اول ماتعدى مرحلة التفتيش وتبي تطلع لخارج المطار تلقى أوناس معلقين عليهم بطايق يعرض عليك خدماته وإنه مرشد سياحي ويعرف كل شي بمصر وانه راح يوديك ويجيبك وين ماتبغى فإنت كل ماعليك تقول له انا معي صاحب ينتظرني برا المطار راح يسيبك وهذا اول واحد تخطيته ثاني واحد صاحب التكسي اول ماتركب معاه ويعرف انك عربي يقول لك اذا عاوز تتعشى او تسهر انا اعرف لك اماكن حلوه ورخيصه هاذا على طول نفس عذر الاول تقول له انا معي اصحاب منسق معهم هنا وراح تفتك منه بس اهم شي تكون مرتب وضع سكنك لانه لاحس منك منت عارف وين رايح راح ينصب عليك ويوديك شقق راح يغريك ويقول راح تاخذ راحتك فيه وماحد يسأل هناك طبعا كلامه كله كذب الفنادق هي اكثر أمان وتاخذ راحتك فيه ولو رديت على كلامه يوديك لناس يأجروك شقه دبل السعر وطبعا هو راح ياخذ منها مبلغ من وراك واذا دخلت الشقه ماراح يفارقك ذا السواق وراح تشوف كل يوم عندك وجه جديد ماتدري من وين يطلعو لك وكل يشحذك من جال فياشباب اذا حصل لك مكروه فالشقه وانصب عليك الشرطه السياحيه ماتحميك بحال اخذت شقه الشرطه السياحيه تحميك اذا كنت بفندق معروف وبالنسبه اذا وصلت الفندق لاتروح وتجي إلا مع كريم أو أوبر والسواقين بشكل عام لاتعطيهم وجه ولاتعطيه امل انك تبتسم له لان حينها يلف ويلعب غير يطلع منك بمصلحه طبعا اذا حاب تتسوق وشفت عند الكاشير جهاز حق الفواتير وراح الكاشير من راسه يعطيك مبلغ خليه يطلع لك فاتوره من الجهاز وبعدها ادفع واخر شي المطار اذا وصلت مواقف المطار وانت مغادر في المواقف شيالين الشناط يعرض عليك خدماته اني راح امشيك بسرعه والخ هذا تصرفه تقول انا معي اصحابي جوا تاخرت عليهم طبعا اكيد في احد قبلك دافع لهم ويظن انك من اصحاب اللي دفعو اختصارا لكل شي سبق احجز فندق معروف عن طريق البوكينق صرف السواقين او اي احد يعرض عليك خدماته معي صاحب هنا طبعا صاحب هنا اقصد صاحب مصري هذولا اذا نجيت منهم البقيه هين كالمطاعم ان نصب عليك بحاجه لاتذكر ك خمسين جنيه عشرين جتيه اهم شي السواقين هذولا يهبشو هبشات كبيره طبعا اذا رحت يمين او يسار خلك عارف وين تروح لان السواق اذا حس انك منت عارف وين تروح يستغلك ————— الاشياء اللي حصلت لي هي فور وصولي المطار حاجز عن طريق البوكينق شقه ماعرف عن حتى موقعها طبعا جديد لاتلوموني رحت ركبت مع تكسي وقلت وديني على العنوان وراح ووداني دورت بالمنطقه اللي هناك مالقيت اي لوحه تدل على الفندق اللي حجزته المهم السواق قال انا اوديكم على شقه خمس نجوم والشقه تحت حماية الشرطه السياحيه واغراني ورديت عليه ونصب علي بعقد اربع ايام ٦٣٠٠ جنيه وقال ٢٥٪ ضرائب ودعتها وكنت اقول سعرها معقول بس المفاجئه لما سألت واحد ساكن بالمنطقه قال الشقق هنا اجارها شهري ١٥٠٠ جنيه انغبنت وعطيتها وضعية الميت خابور واكلته المهم صاحبنا جا ثاني يوم وقال تتعشو حوديكم لمطعم حلو راحت معه دخلني مطعم بديسكو مالي بالجو هذا لكن السواق جلس على الطاوله معنا وطلبنا عشا قبل العشا استاذن يكلم عالجوال طبعا راح يتفق مع العصابه تدبل الفاتوره المهم بعد العشا طلبت الفاتوره الا وهي عشرة الاف جنيه انفرخ ذهني ورفضت ادفع المبلغ لحسن حظي مامعي الا الفين وفراطات خليتهم يفتحو محفظتي وحلفت ان مامعي غيرهم خويي جاب العيد وطلع فيزته وزاد الطين بله ودفع المهم من الغبنه عرفت ان السواق نصاب وقلت لاشوف وجهك معنا ولاشوفك تجي الشقه رجعت مع كريم وانا شبه منهار ثالث يوم في الشقه جانا وجه جديد من طرف الخادمه كنت نايم وخويي على نيته ودخله يوم صحيت انغبنت عرفت اللي مرسله السواق اللي طردته طبعا قلت مالها الا اني اسحب خويي من الشقه واطلب كريم واروح على الاهرامات اتمشى فعلا سحبت خويي وقلنا له احنا طالعين اللحين يجينا صاحب لنا هنا وطالعين معاه لو تشوفو وجهه كيف صار فهمها انها طرده وطلع فياشبابداعتبرو وابعد عن السواقين واحجزو بفنادق معروفه مصر جميله بس مشكلتها النصابين زي ارجل الاخطبوط اذا مسكك برجل مسكك بجميع الارجل شبكات نصب عاليه ومحترفه بالتمثيل انتبهو |
الحمد لله على السلامه بخصوص المطار كلامك سوداوي اكثر من الواقع المطار كل اللي فيه مؤمن بما فيه السواقين يكون مسجل اسمه عندهم واسمك لركبت معه وبخصوص مندوبين الفنادق مافيه مشكله كلهم امان حبيت تتعامل معه مافي خوف لان الدفع في الفندق بعد ماتشوف غرفتك و ما تعطي المندوب شي هم اللي يعطونه وهذي قاعده في مصر الزبون ما يتحمل شي اللي يدفع صاحب المصلحه اللي يستلم فلوس وبخصوص البخشيش في المطار ما فيه بخشيش وانت داخل وصول الا كرم منك وانت طالع من بوابة المطار الحوسه وانت مسافر خروج من مصر هذي فيها بخيشيش الزامي ومتعب شوي نبدا في المشاكل اللي حصلت لك الملاحظه انك سلمت نفسك الى سواق ما تعرفه وهذا خطا وحذرنا منه كثير في المنتدى وفيه بعض الامور تحتاج الى تفصيل منك اسماء المحلات اللي دخلتها عشان تحذر منها الناس الملاهي الليله مليانه نصب واحتيال بس ما تدخل الا وانت دافع كاش قبل تجلس مافيه شي اسمه الدفع آخر السهره وكل طلب زيادة تدفع كاش حتى لو طلبت مويه بعشرين جنيه لازم كاش عشان يتجنبون المشاكل مع الزبون لقال ما معي فلوس وياليت تقول اسمه الدسكو وللعلم السواق اي سواق جايب زبون دخوله مجانا وله عشاء مجانا ومشروب مجانا وياخذ نص اللي انت تدفعه دفعت الف له 500 بخصوص السكن ما قلت وين ونوعية الشقه وعنوانها وين وما نزلت صور لها عشان نقيمها والسواق مستحيل يجيك ويدخل عندك الا بطلب منك لان البواب ما يدخله والشقه او الفندق اللي انت حجزته وين وموقعهم على البوكنق اكيد تكون عندك وانت طالع لهم وفيه استقبال من المطار كيف تتركهم والسعر اللي انت سكنت به 1575 يوميا سعر موجود الايام هذي واعلى من الاسعار هذي هذا اللي لاحظته والحمد لله على السلامه |
الي صاحب الموضوع و الاخوة المشاركين اجمل التحايا و السلام ,,,, حبيبت اشارك كضيف شرف علي الموضوع بنظرة سريعة للموقف لازم كان يتنصب عليك لانك تركت حالك امام شخص لا تعرفة و جعلتة الدليل لك صدقني حتي وين ما تكون لابد من التقني و الحذر فى التعامل خصوصا انك غريب ما من اهل البلد ,, ان شالله تكون اخدت خبرة و المرات القادمة تكون لك البلاد مرحبة بك و بأصدقائك ,,, لك كل التحايا واتمني ما اكون طولت عليك فى الرد ,,,,, تحياتي من شمال النرويج ,,,,, |
:48: |
الله يخلف عليك اخوي و يعوضك خير مما انصب عليك بس انا اشوف انك لك دور في الي حصل اول يومين في دول معروف عنها هذا الكلام الي حصل معك و الكلام منتشر في العالم حتى الي ما سافر لهذه الدولة يعرف هذه المعلومة عنها - ومن هذه الدول للأسف مصر الشقيقة .. فأغتقد اخوي ممكن طيبتك كانت لها دور في الي حصل انا شخصيآ ولله الحمد زرت مصر مرة وحده في حياتي و ما حصل لي اي شي ولله الحمد لأني كنت ماخذ الاحتياطات اللازمة فقط مثل ما قال احد الاخوة في الخروج من المطار فاجأني ضابط الجوازات انه يبا فلوس فقط هذا الي تعرضت له -- غيره ولله الحمد مافي شي و استانست في مصر و انبسطت و إن شاء الله ربنا يكرمني و أعيد الزيارة لمصر الحبيبة |
الله يعوض عليك ياصديقي البخاشيش في كل مكان وزمان وانت وسخائك تقدر تدبر عمرك وتصرف لك مبالغ مصروفه او فكه وتخصصها للبخشيش تلافياً للإحراجات وإسكات للأفواه اما اصحاب البطاقات والعروضات فتراهم غاثينا حتى في ديرتنا وكل ماعليك انك تعطيهم وضعية ابو الهول وتطنش وتمشي في حال سبيلك ولامانع من ابتسامه سيجنال2 توفي بالغرض . اما اصحاب التكاسي فهم الشر الذي لابد منه والله يكون في عون كل محتد وغشيم . تحياتي |
ماشاء الله جميل |
والله خوفتونا رايحين بعد كم يوم واشكاليه كبيرة اذا تعرضوك في اشياء لازم تستخدمها مثل السياره او المطعم او الشقه :e506: |
بيسرها الله |
حمد الله عى السلامة ونصايح مفيدة ....بس صراحة انت انسان طيب ...لاتروح الا باوبر او كريم |
| الساعة الآن 02:37 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO