|
بعض الملاحظات من زيارتي لمصر + طريقة زيارة الاهرامات بعد زيارتي لمصر شهر نوفمبر الماضي اليكم بعض الملاحظات عن القاهرة : اول ملاحظة كانت من قبل السائق الذي نقلني من المطار للفندق (رمسيس هيلتون) قال لي (انت تعمل ايه هنا) يقصد المنطقة القديمة في القاهرة واخبرني بانه المنطقة هذه انتهت ولا تصلح للسكن نهائيا وقال انه يوجد منطقة الشيخ زياد و6 اكتوبر والتجمع الخامس وبالفعل كانت المناطق رائعة ونظيفة ولا يوجد اي مضايفة من اي احد. المطاعم العالمية متوفرة والاكل نظيف ولايوجد اي داعي للخوف ازدحام سيارات شديد. تلوث شديد من السيارات ومن مراكب النيل الكثير من الشحاتين في الاماكن السياحية البخشيش شي اساسي في مصر تستطيع ان تتجنب هذا كله بالسكن في احد المناطق الجديدة --------------------------------------- طريقة زيارة الهرم الوصول عن طريق اوبر او كريم وبعدها قص التذاكر بـ 20 جنية ولا تلتفت لي احد ولا تكلم اي احد لانه يوجد بعض الاشخاص يبيعون التذكرة اغلى او يطلبون بخشيش بعد الدخول اذا انت مهتم بالاثار وترغب في زيارة الاهرامات الـ 9 يمكنك استئجار حنطور او خيل لكن اذا انت فقط تريد مشاهدة الاهرامات وابو الهول فيمكنك زيارتهم مشيا على الاقدام والخروج من الباب الثاني للاهرامات لان الطريق يكون نزول الى ابو الهول وتمر خلاله بـ 3 اهرامات الكبيرة بعد الخروج سوف تواجه محلات العطور (لم اجرب اي محل) استر بالمشي وسوف تجد الكثر من سيارات التاكسي للرجوع الى الفندق شكرا |
هلا بك اخوي Gunner10 ملاحظات سريعة ومهمة وأتمنى تسمح ظروفك في طرح تقرير ثقيل مثل تقاريرك التركية ماهي الايجابيات والسلبيات في السياحة المصرية وشيء جميل لو كان هناك مقارنة بينها وبين تركيا بحكم خبرتك في الأخيرة هدف المقارنة ليس التفضيل أو توجيه المسافرين نحو وجهة دون أخرى وإنما تنويرهم بنقاط الالتقاء والاختلاف بينهما لتساعدهم في اتخاذ القرار المناسب والحمد لله على السلامة |
بالفعل زيارتي كانت نهاية شهر 12 ولسه ماتغيرت الحاجات دي للاسف |
شكرا لك عادل على الملاحظات والنقاط المهمه المده شكلها كانت حيل قصيرة ؟ Sent from my iPhone using Tapatalk |
هو واحد من اسوء الاماكن اللي ممكن تزورها في مصر بسبب اللي تشوفه من النصب اصحاب الاصطبلات بس يبقى زائر مصر لازم تشوفه ولو مره وحده زرتها مرتين 2008 دفعت 120 تقريبا 88 ريال ومره 2015 دفعت 200 جنيه تقريبا 100 ريال لكل خيل وكان طالب 800 جنيه للاثنين حول 400 ريال الاولى جديد وما اعرف نظامهم ان السواق له النص زي المراقص في كل 100 له 50 ومشت علي والثانيه وداني السواق اصطبل الجابري وهو معرفه معهم ولهم ضحايا سابقين وانا هنا وقلتها سابقا خلك خشن معهم واوعاك تضحك معهم ياكلوك في لحظه من يوم دخلت في الاصطبل واصواتنا واصله المطار من الاستفزاز اللي شفته البدايه استقبلني واحد لابس جلابيه وعمه وشنبه ابيض فارده شبر الا ربع قام ودخنلي غرفة انا ورفيقي ويفرجني على عطورات قلت ما ابي اشوف شي انا جاي من جده اكبر مركز عطورات في الشرق الاوسط شرقيه او غربيه وبدور عطر عندك؟ .. قال خذ فكره شممني عطر مخلط وطلع شين تروع ريحته فكس ابوفاس على عنبر خربان قلت (يــــــــــع) بصوت عالي عشان اضايقه وتنسد نفسه عن اي محاولة نصب ويقفل موضوع العطورات المهم دخلني غرفه ثانيه فيها سبوره يشرح عليها لفة الخيل يوم قال 400 او 600 ناسي الاسعار بس طلب مبلغ مرعب لكل خيل قلت انت تستهبل على باله ان بجامله او بهابه تهاوشت معهم بس كان معي واحد من ابناء عمومتي سنه اولى مصر هو اللي ضغط علي والا كان بيرضون الخيل ب 50 اصطبل الجابري واحد من اكبر الحراميه في النزله ليش لان الناس برى يقبلون 50 ولا تتعدى 60 وهو يطلب 400 وبعض الاحيان 600 لما يشوفك خليجي وقال خلاص هم خفضو النص ووافق 400 وانا لازم اشوف الاهرام ورحلتي باقي لها يومين ورحت وانا والله مالي فيها رغم اني قلت اطلع وانا انتظرك هنا رفض ومن القصص اللي تقهر ابناء عمومتنا عددهم اربعه او خمسه سنه اولى مصر يقول جابو لنا حنطور واخذو ما يقارب 600 ريال سعودي على لفه 45 دقيقه وقال خلاص المغرب اذن وقفلو السور ويقول شفنا الهرم من بعيد ومره زرتها 2013 معي سواق مهبول فلوس يحسب الناس جهله اول ما نزلت في الاصطبل قال 250 لفه صغيره قلت انت شفت السياره هذي ماخذها بسواقها 200 جنيه طول اليوم وانت تقول خيل نص ساعه 250 المهم اوحش كلمه تسمعها في مصر (انت عايز تدفع كام ) لما تتفاوض مع واحد او تكسي او تشتري شي قلت والله لو تقول ببلاش ما خذيته وخل حصانك يرتاح قم ياولد للسواق وهو يلحقنا عند السياره اللي انت تدفعه قلت لا لا والله لو تقول ببلاش ما طلعت اقول القصص هذي لانه هو السيناريو اللي راح تشوفه 100% لما تزور الاهرام وتدخل اصطبل عشان تاخذ خيل خلك ناشف وشديد والاسعار الان بعد التعويم لا تتجاوز 100 جنيه لفه ساعتين ونص او اطلع برى وراح تحصل ناس مع خيولها من غير اصطبل بنفس الاسعار 100 او 120 على الاقصى |
اقتباس:
ان شاء الله يتعدل البلد |
اقتباس:
نعم المدة كانت 4 ايام فقط |
اقتباس:
شكرا اخوي على الاضافة الجميلة تخيل انا طلب مني كم راعي الحنطور تخيل بس 1400 اخر شي اخذته بـ 200 جنيه وياريت ما ركب لانه عرفت ان مشي افضل المكان فيه مكان نزول لابو الهول الحصان يالله يشيل نفسه فما بالك شي عربه وعليه ناس اول ما شفت الوضع قلت للمعلم وقف وقف لا يفلت فينا الحصان ونزلنا تمشينا افضل بخصوص العطور اول ما ركبنا المعلم بدل لا يعطينا معلومات عن الفراعنة صار يعطينا معلومات عن زهور اللوتس الي تدخل في صناعة العطور تذكرت سالفة محلات العطور فقلت للمعلم احنا ما نبي نروح حق اي محل فقال خذ فكرة بس قلتله ولا فكره ولا شي ما نبي نروح قال حاضر فوق ما انا ماخذ العربه من عندنا يبي اكرامية نفسه نفس مراكب النيل تاخذه من عنده ويبي اكرامية غير المبلغ المتفق |
اقتباس:
اهلين اخوي نواف للاسف التقرير صعبه جدا انت تطلب مني مقارنه سياحية بين تركيا ومصر اول شي ممكن مصر فيها اماكن سياحية اكثر من تركيا وايضا فيها سياحة اجمل من تركيا لكن الفرق بسيط جدا الحكومة والشعب هم سبب النجاح والفشل بين الدولتين الحكومة والشعب التركي يد بيد لنهضة السياحة في تركيا ونهضة كل شي في الجانب الاخر العكس تماما بالرغم من وجود الاساسات مثال : مكان مثل الاهرامات يزوره الناس منذ اكثر من 200 سنه هل من المعقول انه لايوجد اي خريطة سياحية او يوجد باص سياحي او عربات كهربائية تنقل بين الاهرامات او يوجد مسارات وتختار المسار المناسب لك نفس جزيرة الاميرات في تركيا سعر الخيل موحد ومسار الجولة معروف وهي جزيرة عادية ماذا يفعل اصحاب الخيول داخل الاهرامات ومن ورائهم لماذا لا يوجد تنظيم وسعر محدد لهم لماذا لايوجد قطار يلف حول الاهرمات يجب على الشعب ان يغير طريقة تعاملة مع السياح وايضا طريقة معيشته القاهرة بلد فيه كثافة سكانية رهيبة لاسباب كثيرة نتجول للجانب الايجابي يوجد مناطق جديده مثل التجمع الخامس و6 اكتوبر اماكن جميلة جدا مولات وفخمة وشوارع نظيفة ومطاعم عالمية والكثير ومدينة ثلج للاطفال رائعة |
شكرا عادل للملاحظات المهمة طريقة زيارة الاهرامات انت وضحتهة وسهلتهة بشكل ممتاز بحيث يبتعد الواحد عن اي مجال للنصب فيها. ما اعرف ليش اغلب زوار الاهرامات يشتكون مع ان الطريقة للي يعرفها سهلة جدا . شكرا مرة ثانية |
| الساعة الآن 01:09 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO