مساعدة لرحلتي الى سيرلانكا
 

السلام عليكم
انوي الذهاب ان شاء الله لسيرلانكا لشهر العسل ، وحبيت استفسر عن بعض الامور .. لمن لديه الخبرة ،
بالنسبة للمال .. هل يفضل ان اصرف العملة بالرياض .. ام سأجد في المطار من يقوم بذلك؟ وانوي ان اخذ معي مبلغ بسيط من الدولار .. ، و اللغة الانجليزية (( ميّح )) 😬 ..

عليكم السلام ورحمة الله وبركاته

تستطيع صرف المبلغ بالمطار حيث يوجد العديد من محلات الصرافه

وكذلك توجد ايضاً خارج المطار وفي بعض الفنادق واغلب محلات المجوهرات

والريال الراحد يساوي ٣٦ روبيه يزيد او ينقص قليلا حسب المحل والعمله

صرف دولار من هنا مهم جدا واحرص ان يكون معك دولار مثلاً ٥٠٠ تكون جيده

اللغة الانجليزيه ليست مشكله البعض يتحدث عربي هناك

تحياتي ...

وعليكم السلام ....
انا كنت مخلي مبلغ بسيط احتياط ... وكنت استعمل مسبقة الدفع في الدفع للمطاعم والفندق والكاش سحبت مرتين يمكن من صرافاتهم ( المره الوحده اعتقد حول 40000 روبيه ) ... هذا اللي انا سويته ودايم اسويه ومرتاح عليه .. البنك بياخذ عليك رسوم السحب + فرق التحويل ...

وعليكم السلام ....
انا كنت مخلي مبلغ بسيط احتياط ... وكنت استعمل مسبقة الدفع في الدفع للمطاعم والفندق والكاش سحبت مرتين يمكن من صرافاتهم ( المره الوحده اعتقد حول 40000 روبيه ) ... هذا اللي انا سويته ودايم اسويه ومرتاح عليه .. البنك بياخذ عليك رسوم السحب + فرق التحويل ...

شاكر للاخوه التفاعل ولا حرمكم الله الاجر و المثوبه
انا ناوي احط مبلغ نوعا ما بسيط + مبلغ بالدولار .. مسبقة الدفع قصدك الفيزا؟
هل هي افضل من الفيزا العاديه المعروفة؟ ..

ايه اقصد الفيزا المسبقة الدفع ... ميزتها انك انت تتحكم بالمبلغ فيها ... بحيث لو فقدتها او سرقت تقدر ترجع المبلغ لحسابك فضلا عن انك ماتشحنها بمبلغ كبير ... وتقدر تشحنها عن طريق حسابك بالنت ... والنت غالبا الان متوفر بكل محل ...وبسيرلانكا كنت غالبا استعملها هي وماواجهني اي مشاكل معها وترتاح من حمل الفلوس معك لان عملتهم مره رخيصه ... تخيل تصرف 1000 ريال يعني حول 35000 روبيه وماراح يكفيها بوكك من كثر الاوراق ... فانت شل معك مبلغ المكتب اذا باقي له فلوس + 300 او 400 دولار كاش تصرف 100 دولار بالمطار او تسحب كاش من حسابك بالصرافة مره وحده ( انا جلست اسبوعين وصرفت مرتين ) وبالنسبة للدولارات ميب خسارة حتى لو رجعت بها معك تجلس لسفرة ثانيه ... الكاش غالبا بتحتاج لشراء تذاكر الدخول في الاماكن السياحية + بخشيش (بسيط) وبعض اسواقهم وبقالاتهم مافيها شبكة ( البقالات احرص تروح سيتي فود بس )

شكلي كثرت كلام:47:

الا الله يكثر خيرك وانت الي تحملنا ، باخذ بمشورتك .. الحمدلله المكتب تم سداده باقي السواق الي قالي انه ياخذ يوميه 45 دولار ، ولا ادري هل مبلغه معقول ام لا .. سيتي فود راح احصلها بكل المدن ام العاصمة فقط؟ ..، وكم ياخذون فيزا الدخول 30 دولار للشخص؟ وتفتيشهم للنساء يكون بمكان مخصص لهم؟ تخبر القراوى 😬

لا والله ... الساعة المباركة ... وكل واحد يستفيد من اللي سبقه ... السواق سعره حلو مره ... وسيتي فود تحصلها بكل المدن ... يعني اذا طلعت من المطار قل له يمره تاخذون سناكات وخفايف ... ( ولاتنسى تاخذ للسواق شي خفيف مشروب وسناك من باب الهديه اللي ماتضر ويبين بعيونهم ) ... وفيزا الدخول اعتقد 20 دولار اذا سويتها اون لاين او 25 دولار عند الوصول وسوها اون لاين اريح لك عن مسكة السرا في المطار لها عن طريق هذا الموقع
Online Visa Application
ويرسلون لك ايميل تطبعه وتاخذه معك ( انا ماطلبوه ) لانهم يشيك عنده برقم الجواز .. واعتقد يبدا تاريخ الفيزا من تاريخ الوصول لسريلانكا موب من تاريخ السداد

طبعا اذا وصلت للمطار شف الكاونتر اللي عليه موظفه وصف عنده عشان زوجتك ... وترفع غطاها قدامها عشان تطبق الصورة ... بس ترا بعض الفنادق لازم تحجز قبل فترة ... مثل هوناس فولز لانه جميل جدا ومرغوب وفندقه صغير

هلا ابو عبدالله .. الف شكر على سعة خاطرك و طول نفسك .. تصدق بالله مادري وشي الفنادق اساميهم نسيتها بس اذا حصلت الورقة بكتبها لان اتوقع البرامج متشابهة لحد كبير .. انا حاط مبلغ 10،000 ريال هل هو كافي ل 14 يوم؟ وبالنسبة للأكل كثير يشتكون منه .. هل من مطاعم معروفة وهل الفنادق توفر وجبات عشاء و غداء ولو بفلوس