|
مخطط الصيفية السلام عليكم انقسمت العائلة الى قسمين قسم يبغى امريكا وقسم وانا قائدته يبغى المانيا وسويسرا والنمسا مدة الرحلة مو اقل من 25يوم الى شهر الفترة من يوليو الى اوغس للان ماحددنا الخطوط لازم لازم السعودية عشان الفرسان عدد الأشخاص 6كبار وطفلين عبارة عن عائلتين الاولى 4كبار والثانية 2كبار وطفلين السكن لكل عائلة منفصل طبعاً التنقل بالسيارة اكيد نبغى مدن واهم شي ميونخ وفيينا ولو ممكن هامبورغ او برلين وكمان مدن صغيرة وقرى ريفيه سبق وزرنا بادن بادن وضواحيها وماعندنا رغبه بتكرار الزيارة انترلاكن وضواحيها وحابين نكرر الزيارة جنيف وضواحيها مانبغى جنيف ابدا ممكن انسي او مونترو او كارتييه كمان حابين مدينة ملاهي غير يورب بارك وأفضل السكن بشقق او سويتات الان احتاج جدول حلو ومرتب :e030::e030::e030: |
ياهلا ومرحبا اختي طوق :63: بالنسبه لمخطط سفرتج يبغيله تخطيط صح لان المشكله تبغين فيينا والخطوط السعوديه ماتنزل هناك وتبغين هامبورغ لكن المشكله انج ماتبغين بادن بادن وماحولها لانها المنطقه بالنص من هامبورغ الى سويسرا لو تكنسلين هامبورغ من الحسبه يكون افضل في حال انج كنسلتي هامبورغ من الحسبه يكون المخطط كالتالي : الوصول جنيف والعوده من ميونخ من جنيف مباشره الى مونترو 3 ليالي وبعدها انتر لاكن 6 ليالي وبعدها بيرتساو 4 ليالي وكابرون او زيلامسي 5 ليالي وبعدها فيينا 4 ليالي واخيرا ميونخ 3 ليالي طبعا كل هالاماكن تتجولون بالمناطق القريبه منها هذا غوغل ماب للمخطط https://www.google.ae/maps/dir/%D8%A...48.1351253!3e0 |
ملاهي سكاي لاين قريبه من ميونخ https://www.skylinepark.de/ وليغو لاند قريب من ميونخ رحت له بالصيف ممتاز جدا جدا وانصح بزيارته طبعا مش كله ليغو في العاب حلوه للأطفال والكبار وانا سكنت بفندق ليغو لاند ليله واحده https://www.legoland.de/ وعندكم بفيينا ملاهي براتر تكون فاتحه تقريبا الى 12 بالليل ويفضل الذهاب لها يوميا وقت المغرب بعد اغلاق المحلات Prater Vienna وفي بعض الملاهيات الصغيره المنتشره في سويسرا وبعض المناطق وسلمي لي على الوالد |
بادن بادن سبق وزرناها اكثر من مره وخلال السنوات القريبة اللي فاتت عشان كذا ملينا منها نبغى تجديد مو مشكلة اكنسل هامبورغ لكن احس الجدول فيه تنقل كثير وانت عاد خلاص حفظت شروط الوالد مايبغى يتنقل كثير :30: على اي اساس قللت مدة الإقامة بميونخ وفيينا هل مايستحقون ولا مملين أنا من عشاق المدن مااميل للريف كثير وكمان مونترو ماتشوف قليل ٣ايام لاني منها بزور انسي وجنيف وفيفي وفيفيان تسلم ويوصل سلامك للوالد ان شاءالله |
السعودية تروح فيينا بس ترانزيت في باريس او روما اذا ما عندكم مشكلة اشوفها احسن من روحتكم من زيلامسي الى فيينا وترجعون تاني ميونخ ويصير وصولكم فيينا ورجعتكم جنيف فيينا (5 لبالي) - زيلامسي ( 5ليالي) - انسبروك (4 ليالي) - ميونخ (4 ليالي) - انترلاكن (5 ليالي) - جنيف (4 ليالي) |
ابو مهاب شكرا لك والله ماكنت عارفة بالنسبة لنا ماعندنا مشكلة بالنسبة للترانزيت لكن بابا:26: ان شاءالله الوالد يقتنع وشكرا مره ثانية |
حي الله طوَّق منوره البوابه ٢٥ يوم حلو جدا وصول ومغادره ميوينخ فوسن او شوانجاو ثلاث أيام يوم تخصصون للملاهي السكاي لاين ويوم اخر زيارة باد تولز وزحليقتها وبلدة لينجريز وبحيره تكرنزي ويوم للقمة قارمش وأنشطة فوسن مثل قلعة نويشفانشتاين وزحليقه شوانجاو من فوسن الاتجاه الي غريير ثلاث أيام يوم تخصصون لزيارة برن كامدينه ويوم لمونترو الاتجاه الي انسي يومين في الطريق زيارة لوزان و اوت لت اوبون والجسر المعلق ويوم لزياره شامونيه مع أنشطة أنسي الاتجاه الي ثلاث وبالكثير اربع ايام لانترلاكن او السكن في ضواحيها مثل جريندلفالد او لوتبرونين او ايستوالدو الاتجاه الي انسبروك يومين او ثلاثه بالكثير وفي الطريق لها زيارة زيفيلد الانطلاق الي زيلامسي او كابرون ثلاث او اربع ايام بالكثير وفي الطريق لها زيارة سورافسكي والبيت المقلوب وممكن المرور الي بيرتساو كازياره لها الاتجاه الي فيينا ثلاث ايام الاتجاه الي باساو يومين زيارة ملاهي البايرن بارك وملاهي بولمان الاتجاه الى ميوينخ ثلاث ايام يوم لزيارة ملاهي ليغولاند ملاحظة الزيارات لانا وضعتها مبداين علما ان هناك انشطه كثيره أمامكم وقت طويل والله يسرها لكم هذا اقتراحي لكم واذا لكم رغبه في هامبورج خلو وصولكم على أمستردام والعوده ميوينخ جيثرون ثلاث ايام هامبورج ثلاث ايام كاسل يومين مانهايم او هايدلبيرغ يومين او ثلاث جروبيه انسي انترلاكن او ضواحيها انسبروك زيلامسي او كابرون ميونيخ |
درجة سياحية شكرا لك ولتعاونك مشكلتنا اننا مانحب التنقلات كثير وبصراحة اشوف ان المدن مثل ميونخ وفيينا قليل عليهم ثلاث او اربع ايام انا اهم شي عندي الان اعرف نقطة الوصول والمغادرة عشان احجز جزاك الله خير |
وصول ومغادره ميوينخ قارمش انسي انترلاكن انسبروك فيينا ميوينخ |
وممكن تضيفون جروبيه او مونترو بعد قارمش ارشح لكم جروبيه ٢٥ يوم ليس هناك تنقلات كثيره فيها |
جزاك الله خير بشييك على المسافة بين المناطق واعطيك انطباعي تسلم وماقصرت |
ماقصرو الجماعه ماشاء الله عليهم اختي طوق اي صح نسيت بخصوص التنقل ههههههه المشكله ابغي اشوف لكم مدن الوصول والعوده دايركت على السعوديه مابغي ترانزيت الا اذا الترانزيت عادي لكم خبريني انا عندي مخطط الوصول فرانكفورت العوده من جنيف ومخطط ثاني الوصول فيينا والعوده جنيف او تعكسين المخططين حسب اسعار التذاكر والسكن لكن المشكله اذا راح تنزلون بفيينا الافضل تلغين فرانكفورت واذا بتنزلين في فرانكفورت الافضل تلغين فيينا الا اذا ماعندكم مشكله بالمسافه ذهاب وعوده المشكله اختي طوق اذا اخذتي فيينا حطي في بالك انك بتروحين شرق النمسا من زيلامسي او ميونخ بمسافه لاتقل عن 3 ساعات وبعدها مضطره ترجعين مسافه ال 3 ساعات على نفس الطريق لتكمله المخطط انا كنت احاول ارتب جدول يكون خط مستقيم بدون ذهاب وعوده شوفي هالمخطط : وصول فرانكفورت - ميونخ - فيينا - كابرون - سانت غالين او حدى اريافها - انتر لاكن - مونترو او انسي - والعوده من جنيف هذا غوغل ماب للمخطط https://www.google.ae/maps/dir/%D9%8...46.4312213!3e0 لاحظي فيينا لو رحتي لها لازم ترجعين على نفس الخط سواء رحتي لها من ميونخ او كابرون الافضل نفس المخطط الي فوق وتلغين فرانكفورت او تلغين فيينا |
القطري الترانزيت مشكلة :24: طيب مخططك حلو نبدأ من ميونخ وننتهي بجنيف او العكس جنيف الوصول السكن مونترو او انسي انترلاكن سانت غالين كابريون فيينا ميونخ ايش الارياف القريبة من ميونخ وهل تستحق السكن فيها او اكتفي بالسكن في ميونخ انا ابغى لفيينا وميونخ ٥ايام لكل مدينة |
السعوديه مباشره ع ميوينخ هذي نقطه النقطه الاخره سعر ايجار وتسليم السياره مونترو او انسي اقترح مونترو والاجمل منها جروبيه وجهت نظري مع احترامي لكم فيينا خمس ايام والله كثيره وكما الحال لميوينخ الى اذا لكم رغبه في الشيء هذا ممكن تستفيدون في الشيء هذا حول ميوينخ كاريف ارشح وبقوه فوسن |
اي ادري ان الترانزيت مشكله :7: بس لازم اوضح لج كل شي المخطط ممتاز جدا نفس ماقلتي وانتي براحتج تعكسينه ورحلتج ان شاء الله ذهاب وعوده راح تكون دايركت وبكل مدينه تستقرين فيها تقدرين تزورين المدن والقرى الي حولها بالنهار بالنسبه لتوزيع الايام على فيينا وميونخ بعد تثبيت الجدول منج راح نقسم الايام بالي يريحكم |
درجة سياحية صح ميزة ميونخ انها دايركت وسعر السيارة اتوقع راح يكون مرتفع لان سبق وحجزنا سيارة ل٩اشخاص وكان سعرها مرتفع شويتين اما بخصوص ميونخ وفيينا احنا من محبين المدن والرحلة في حدود ٢٥ الى ٢٧ يوم وأشكر لك حرصك وكل ماتذكرت شي مر الموضوع ونورنا |
القطري يعني الترتيب حلو باقي احجز التذاكر خلال الشهر هذا بإذن الله جدة جنيف. ميونخ جدة |
مايحتاج للذاكره فكروا واستشيروا الكثير ٢٥يوم او ٢٧ يوم من الظلم اضيعها في دولتين نصيحه ممكن أضافه المجر سلوفينا سلوفاكيا وممكن التشيك كايجار سياره في الغالب المانيا أرخص كامدن بس المشكله في العدد هناك لندن وهناك خيار الوصول على باريس اذا رغبتم في زيارتها ايضا لاننسى روما وميلان كما هو الحال في حالة إنكم رغبتم في الزياره نصيحه قبل حجز التذاكر قارنوا سعر ايجار السياره |
سبق وزرنا بريطانيا فرنسا هولندا بلجيكا وسويسرااكثر من مره خاصة بريطانيا وفرنسا افكر اخلي الرحلة المانيا والنمسا ونتوغل فيها اكثر لو فرضاً الوصول فرانكفورت والمغادرة ميونخ الريف النمساوي اسرني شفت صور ومعلومات عجيبة كيف اقسم المدة مشكلتنا الوالد بابا مايحب يجرب اشياء جديدة رجال كبير لو عليه الله يطول بعمره مايبغى الا لندن وانترلاكن غيرهم مادخل مزاجه وزوجي هو المتكفل بالقيادة وانا المنظمة:26: ومااستغني عنكم |
الله يحفظلكم الوالد وصول فرانكفورت ومغادره ميوينخ كويس لاحظت في الردود ان للمدن استيعاب اكثر لكم الريف النمساوي جميل وكمان السويسري متاشبه وأجمل اقتراحي لكم فرانكفورت يومين شتوتغارت كامدينه او فرايبورغ اذا لم يسبق ان سكنتوا فيها ثلاث ايام جروبيه او مونترو او انسي خيارات ممتازة بالترتيب للسكن فيها ثلاث او اربع ايام اذا رغبت في زيارة هذي او هذيك انترلاكن او ضواحيها ثلاث او اربع ايام ( يوم لزيارة لوسيرن و زيوريخ ) انسبروك ثلاث ايام كاجوء مدينه تقدرون تزورن الشمال الايطالي وفوسن وزيفيلد وبيرتساو واذا لكم رغبه في السكن في اجواء أرياف وهذا اللي انصحكم فيه السكن في جنباخ او مارواخ كاريف زيلامسي او كابرون ثلاث او اربع ايام فيينا ( على حسب ماتريدون خمس ايام ) ميوينخ ( على حسب ماترغبون خمس ايام ) |
حلو مخططك واتوقع بنستنتع لانه يرضي جميع الأذواق لان معانا كبار وشباب واطفال بشيك على اسعار السيارات |
السلام عليكم ايش رايكم جدة فرانكفورت فيينا ميونخ جنيف جدة طبعا هذي الخطوط العريضة راح يتخللها أرياف وبحيرات وبلدات |
وعليكم السلام اقتراحي بما لكم رغبه في زيارة فيينا لا انصحكم في ذلك افضل لكم العوده من ميوينخ بدال جنيف |
طيب اقدر اعرف وين المشكلة يعني المخطط ملخبط ولا كيف انا ماابغى ارجع لميونخ مرتين فقلت العودة من جنيف |
مشكلة ميونخ الترانزيت مافي مباشر الى جدة السفر من ١يوليو الى ٢٦ |
كيف ميوينخ مرتين اذا وصولكم ع فرانكفورت ؟ اما في حالة وصول ومغادره ميوينخ اخليها مجرد وصول فقط ماهو قصد ملخبط جدولك بس اقترح ان يكون على مسار واحد بحيث يكون النزول ع فرانكفورت والعوده من ميوينخ افضل وبكثير من الذهاب لجنيف من فيينا والوصول يكون فرانكفورت اتمنى وصولت فكرتي ايضا غير ايجار السياره النقطه الاخره هناك رحلات من جدة ع ميوينخ مباشر وتاكدوا من الموقع |
اقتباس:
مرحبا اختي طوق مخطط صعب لازم تسوين وصلات بينهم الطريق طويل وخاصه من فيينا الى جنيف فيها 10 ساعات طريق اي اكثر من الف كيلو لانج مختاره مدن متباعده عن بعض عشان جذي اجباري تختارين مناطق بالوسط للأستراحه بحاول اعطيج اقتراح مريح بحيث تزورين الاماكن الي بخاطركم بس ذكريني بتسوقون سياره او رحلاتكم بالقطار !! |
الله يسهل سفرتج يا طوق بس ليش خليتي لندن ههههه احنا يمكن ان شاءالله باريس ومدن فرنسيه اذا الله راد ان شاءالله مخطط الخبراء بيفيدج بالتوفيق |
مثل ما تفضل أبو سعد المشكلة المدن متباعدة ممكن الوصول ميونخ والمغادرة جنيف بس لازم طيران من فيينا الى جنيف او القبول بالترانزيت ويصير الوصول فيينا والمغادرة جنيف وكدة تكون ميونخ بوسط الطريق او الغاء فيينا من المخطط والاختيار بين ميونخ و جنيف كمحطات وصول ومغادرة |
صح كلام ابومهاب انا من البدايه قلت لازم تلغين اما فرانكفورت او فيينا او جنيف وتكون في منطقه وسط مابين ميونخ وجنيف او فرانكفورت وجنيف او فيينا وجنيف لان جنيف هي ابعد منطقه لهم لكن اذا تبغين تجمعين فيينا وفرانكفورت بالمخطط |
عايدي جدا ياطوق المسافه اذا ملزمين ع الحجز ليس عائق سهله جدا واذا لكم رغبه في اي مدينه لاتفكروا في الالغاء فرانكفورت يومين الغابات السوداء كا ريف او شتوتغارت كا مدينه ثلاث ايام ميوينخ ( بناء ع رغبتكم ) خمس ايام فيينا ( بناء ع رغبتكم ) خمس ايام انسبروك كا مدينه او زيفليد كا ريف ثلاث ايام انترلاكن ثلاث ايام انسي يومين تسليم السياره في الجانب الفرنسي في جنيف اذا مالكم رغبه في الغابات السوداء او شتوتغارت من فرانكفورت الي ميوينخ والثلاث الايام حقت الغابات السوداء هناك خيارات كثيره على حسب ارتايحكم او رغبتكم في التنقلات مثلا 1/ أضيف يوم في انسبروك ويوم في انترلاكن ويوم في انسي 2/ أضيف يوم في انترلاكن ويومين في انسي ( أزور مونترو و ... الخ 3/ اخذ ثلاث ايام في جروييه ( وأنصحكم فيها ) 4/ اخذ الثلاث ايام في زيلامسي او كابرون اذا رغبتكم في ذلك 5/ 6/ أكدوا حجزكم في الشيء المناسب لكم حتى لو رغبتم في زياره تركيا نو بوربلم عددت أيامكم جميل ومناسب وعندي أراه اخره بس بناء رغباتكم وعددكم كتبت اقتراحي بناء على ماشفته العين وان شاء الله الفايده تعم على الجميع |
جزاك الله خير بحول الله السبت بنحجز جده ميونخ جنيف جده او فرانكفورت جده والله محتارة ابغى احد يقرر عني |
نصيحتي خلوها وصول فرانكفورت والعوده ميوينخ الأهم اثناء الحجز حاولوا ان يكون الوصول والمغادرة يوم الأحد او بالكثير السبت لان الأحد يعتبر ضايع في اوروبا خططوا في السليم حتى في التنقلات من والي وبالتوفيق ان شاء الله يصير نزولك من فرانكفورت ع الغابات السوداء او شتوتغارت بعدها انسي او مونترو او جروييه ( فكروا في جروييه كثيرا ) على انترلاكن انسبروك فيينا ميوينخ واذا مالكم رغبه ف فرانكفورت ممكن تسكنوا في دارمشتات او مانهايم كامدن وبالتوفيق |
تدري ليه ابغى المغادرة من فرانكفورت لانها دايركت اما ميونخ ترانزيت في الروحة اسهل الترانزيت من الرجعة |
اذا الروحه فرانكفورت وتبغين تزورين جنيف اجباري تكون الرجعه من جنيف لاتختارين مكان ثانيه للعوده اذا اخترتي ميونخ للعوده لازم تلغين جنيف وتكون سفرتج مابين المانيا والنمسا |
اقتباس:
معليش على المداخلة بس ليس اجباري ؟ |
اقتباس:
مرحبا الغالي اجباري يعني اريح لها لان جنيف بعيده كثير عن فرانكفورت وميونخ وهي معاها والدها الله يعطيه طوله العمر وصعبه عليهم يتنقلون كثير او يمسكون خطوط طويله فأذا الوصول فرانكفورت والعوده ميونخ تلغي جنيف من المخطط من فرانكفورت الى جنيف تقريبا 580 كيلو فيها تقريبا 6 ساعات ومن جنيف الى ميونخ 590 كيلو فيها تقريبا 6 ساعات اذا الوصول فرانكفورت والعوده ميونخ الافضل تنحصر سفرتهم مابين المانيا والنمسا |
اقتباس:
آذا الغرض من فرانكفورت دايركت او لا انصحكم وصول ومغادره ميوينخ اما اذا الغرض زيارتها وعشان تبعدون عن الترانزيت بشكل نهائي غيروا التواريخ يوم او يومين سويت بحث سريع لكم بدون تعمق من جدة الي فرانكفورت دايركت بتاريخ 1 والعوده دايركت من ميوينخ لجده بتاريخ 27 من جدة لميوينخ ذهاب وعوده دايركت يوم 2 والعوده يوم 27 من جدة لميوينخ دايركت يوم 2 ومن فرانكفورت الي جدة دايركت يوم 26و 28 و 29 |
اقتباس:
وجهت نظرك وكلامك سليم ومنطقي بس اذا حسبنا ف الحسبان رغبتهم في فيينا ومن فرانكفورت الي ميوينخ مسافة 400 كيلو ولايتخلف اثنان انها لسيت طويله في اوروبا وبعدها فيينا ويتخللها تريب جدول كالوصول فيينا والعوده تكون جنيف وليس هناك اختلاف فيها وليس هناك اجباري ع إلغاء العوده من جنيف في حاله رغبتهم في انسي او مونترو بشرط أساسي وليس جنيف تكون الواجهه المقصوده لزيارتها إنما رحلة عوده فقط من مطارها وفقك الله وآسف ع المداخله بس عشان تعم الفايده للجميع وهذا كان مقصدي |
صحيح كلامك اخوي في البدايه كان بخاطرها انسي و مونترو بس قلت لها الطريق طويل ولازم تكون في مناطق استراحه للأنتقال من النمسا وتحديدا من فيينا الى مونترو قبل انسي لكن ماتبغي تنقلات كثيره يبغون الاستقرار وبعدها شفت مشاركات ان الوصول فرانكفورت والعوده ميونخ ففكره الذهاب والعوده هذه تلغي مشروع مونترو وانسي وجنيف وتكون السفره فقط النمسا والمانيا اريح لهم عشان جذي في بدايه مشاركاتي كان ودي يلغون اما فيينا او فرانكفورت او جنيف واحد منهم كذا يكون الجدول اشوي اريح في حال الغاء سويسرا https://www.google.ae/maps/dir/%D9%8...48.1351253!3e0 في حال الغاء فرانكفورت ومع اختيار مكان واحد للسكن مابين جنيف وانسي https://www.google.ae/maps/dir/%D9%8...46.2043907!3e0 في حال الغاء فيينا من المخطط مع اختيار منطقه واحد للسكن مابين جنيف وانسي https://www.google.ae/maps/dir/%D9%8...46.2043907!3e0 |
| الساعة الآن 02:15 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO