|
سكست لتأجير السيارات سحبوا مني مبلغ شركة سكست سحبوا من بطاقتي الإئتمانية 25 يورو بعد تسليم السيارة بتسعة أيام راسلين لي إيميل يقولون هذا حق مخالفة مرورية |
وارد جدا. وحصلت للكثيرين. هل ارسلوا لك تفاصيل المخالفة ؟ سرعة او موقف خطأ ؟ |
إذا سحبوا علشان مخالفة اطلب منهم الايصال |
كويس ما ارسلوا لك المخالفة وقالوا دبر عمرك معها ... انت محظوظ :14: |
لا يا أخ بوعبدالله شكلهم كذا :15:اللي فهمته من الإيميل أنهم سحبوا قيمة رسوم إدارية على إرسال بياناتي للمرور وراسلين لي ورقة فيها صورتي في السيارة والمبلغ المطلوب للمخالفة 15 كيف نفهم في تسديدها مع لغتهم الألمانية وبصراحة مو من حقهم ياخذون رسوم إدارية ،يعني إيش مستفيد منهم المرور من بياناتي ، المرور يحتاج تسديد للمخالفة، أنا أصلا عندي مخالفتين مخالفة عدم تسديد أجرة موقف في ساحة بلتر بميونخ نسيت أسمها المهم هي ساحة مشهورة في ميونخ ، قيمة المخالفة 10 يورو جات لي ورقة على السيارة رغم أنني قعدت أدور الجهاز حق الدفع ماشفته وبعدين بعد الصقعه عرفت مكانه لاصق في جدار قديم ولاتوجد لوحه عليه ومخالفة سرعة في منتصف الليل عند مدخل احد القرى وانا في طريقي من غارمش الى ستراسبورغ تعرفون شوارعهم لاتوجد فيها إنارة ،كانت السرعة المطلوبة 30 وانا تفاجئت كنت ماشي خمسين وتفلشت علي فلاشهم لونه أحمر وهذي أول قرية أشوفها لوحاتها الارشادية حقت السرعه غير مضبوطه يعني من لوحة سرعة 80 الى لوحة سرعه 30 يعني صيده هههههههه معليش طولت عليكم |
على كلامك شركة سكست سحبوا 25 يورو لكن مبلغ المخالفة 15 يورو. هل هذا يعني انهم سددوا المخالفة ومعها الرسوم الإدارية ؟ |
ما أعتقد يالفارس انهم سددوها ، هم ياخذون رسوم عليكم بسبب هالمخالفة ويرسلون لك بينات المخالفة وقيمتها وأنت اللي تروح تسددها هل هذا نظام جديد أو نظام قديم ما أدري أنا أول مرة أستأجر سيارة في أوربا عندي زميل لي هذي خامس مرة يستأجر من يورب كار يقول تجي لي مخالفات ولا اسددها لكن ماياخذون مني رسوم ادارية شكلي ماراح اتعامل مع سكست مرة ثانية |
|
اقتباس:
هل كنت تراسلهم عربي ولا أنجليزي |
انا ما قد سمعت انه فيه رسوم إدارية عند تسديد المخالفات. لكن الملاحظ انه كثرت الحالات التي أقرأها ان شركة تأجير السيارات ترسل المخالفة للسائق وتطلب منه تسديد المخالفة بدلا من تقوم هي بالتسديد عنك ثم تخصم من بطاقتك الإئتمانية. هل طرأت تنظيمات جديدة في أوروبا بهذا الشأن ؟ أم انها سياسة خاصة لكل شركة ؟ كما اقترح عليك ابو عبدالله الأفضل مراسلة شركة سكست والاستفسار عن هذه النقاط ؟ طبعا طالما انت تراسل الموقع العالمي فلابد من استخدام اللغة الانجليزية. |
اقتباس:
|
:1: بكره سبت مو أحد هذي أولها يا بوعبدالله |
https://b.top4top.net/p_97398sf41.jpg https://c.top4top.net/p_973i2p932.jpg https://a.top4top.net/p_97377t0n1.jpg أتمنى من الإدارة نقل موضوعي إلى القسم الفرعي تأجير السيارات والقارمن |
فعلا غريبة. رسوم إدارية بقيمة 25 يورو. لماذا لم يذكروا قيمة المخالفة ؟ يا خوفي تصير المخالفة 25 يورو وتصير الرسوم نفس قيمة المخالفة. شي لا يعقل. |
اقتباس:
لان بعد كذا يوم راح تجيك كمان سحب من البطاقة . وما تدري وشو السبب. زوجي تم سحب منه مبلغ ما يقارب 3 الاف ريال . كانت على 3 دفعات. وبدون تبرير لسبب السحب . بالرغم انه لا يوجد اي مخالفات و تم تسليم السيارة بدون اي اضرار. وكمان اثنين من اقاربي نفس المشكلة حصلت معاهم مع نفس الشركة . |
كلام أخونا العولمة صحيح رسوم إدارية 25 يورو على كل مخالفة وأنت دبر نفسك وأدفع لو ماخذين هذا المبلغ ودافعين عنا بنقول ما عليه السنة أول مرة أحصل مخالفتين سرعة في المانيا ، والسبب الرئيسي كثرة تغيير السرعات على الطرق ، ما تلحق تزيد السرعة إلا تغيرت ونزلت جهاز الجارمن يعطيني سعرة معينة للطريق وجهاز السيارة سرعة أخرى ولوحات الطريق أيضا سرعة مختلفة انا استأجرت أيضا من شركة سكست من مطار فرانكفورت ، وأنا دايما استأجر من عندهم ولكن هذه المرة صار لي موقف معاهم وحسيت أنهم أستغلوني فيه طبعا هم يرسلون لك كشف المخالفة بالألماني وما تفهم منه شي ، ويطلبون منك الدفع المشكلة الثانية أن المخالفتين في منطقتين ولازم أدفع لجهتين مختلفتين في المانيا تواصلت معهم وردوا علي أنهم بيتواصلون مع المرور وبيخلونهم يراسلوني بالبريد بعدني انتظر رد منهم ، ومش عارف كيف أدفع المخالفة نحتاج لشركة أو وسيط يساعدنا في دفع مخالفات المانيا |
اقتباس:
بس الأمور زي ما انت شايف معقدة وماتعرف هل البنك حقك راح يقبل هالبيانات والشيء المهم كيف راح تتأكد بأن مخالفتك سددت بعد التحويل على الأقل هل يرسل لك إيميل بالسداد ، الدعوه حوسه ، ننتظر إلى السنة القادمة إذا دخلنا الشنجن بإذن الله راح ندفعها لهم بالدبل يمكن راح يطلبون منا ذلك قبل دخول الجوازات |
اقتباس:
انا طلبت من البنك إيقاف البطاقة ، ولا ادري تم الإيقاف أو لا ما اعتقد أنهم راح يسحبون أي شيء بعد كذا ، لأني متأكد هذي المخالفة الوحيدة اللي سرعه وفلشت علي فلاش لونه احمر والسبب ان شوارعهم ظلمة في الليل لاتوجد عندهم إنارة شوارع لأنهم سحبوا من الوديعة جزء من المبلغ أتوقع بسبب مخالفة وقوف وليس كاميرا وبعد تسعة أيام من تسليم السيارة أو إرجاعها سحبوا قيمة رسوم إدارية لمخالفة كاميرا بس الغريبة ليش انتظرو طوال هالمدة تسعة أيام بعد إرجاع السيارة وسحبوا الرسوم الإدارية |
اقتباس:
لا أرى سبب للبنك لرفض التحويل. لديك أسم المحول اليه والايبان والسبب معروف. نصيحتي حول المبلغ لهم فهو غير كبير. واطبع ايصال لعملية التحويل من بنكك وارسله الى عنوانهم. واحتفظ بالايصال عند زيارة اوروبا. فاذا سئلت عن المخالفة تستطيع تزويدهم بصورة من الايصال. |
انا الان راسلت الشركة في هذا الموضوع بعدة أسئلة كالتالي : ١- هل تم سداد المخالفة المرورية ؟ ٢- إن كانت المخالفة غير مسدده انا لا اعرف طريقة سداد المخالفة إطلاقا ؟ ٣- إحتساب رسوم إدارية ٢٥ يورو هذا غير متفق عليه قبل العقد ، ولا نعلم بذلك ؟ ٤- لماذا لم يتم إشعار العميل بوجود مخالفة مرورية قبل تسليم السيارة ،لكي يتسنى للعميل القيام بإجراءات المطلوبة قبل السفر ( العميل وقع في ورطة إن لم تسدد المخالفة ) ؟ أنتظر ردهم وأشوف :26: ، حسب كشف حسابي أنهم خصموا مبلغ من الوديعة ، لابد من التأكد من سدادها إضافة إلى ردك اخي الفارس أسم المحول ورقم الآيبان مو مشكلة والمبلغ معروف لكنك نسيت شيء مهم لابد رقم تعريف للمخالفة حتى يعرفون هذا السداد لأي مخالفة |
ال 25 يورو هذه رسوم ادارية على المخالفات وانهم يستلمونها ويدورون ايميلك ويرسلونها لك انا اخذت 6 مخالفات وفحطت لين عرفت الطريقة والطريقة هي حوالة دولية تسدد او بالفيزا حقتك وشرحتها في تويتر لحساب الجمال الاوروبي راح ابحث عن الرابط لاحقا وانزله هنا لازم تسدد المخالفة بنفسك اذا كانت البلدية حاطين لك رابط ورقم سري بترتاح الطريقة سهلة لكن بعض البلديات الاوربية يرسلون لك المخالفة ومعها ايبان ورقم المخالفة وانت الله يعينك تسددها عن طريق حوالة دولية |
كيف أحط رقم المخالفة في بيانات الحوالة البنكية هذا مربط الفرس |
بالحوالة ضروري تحط رقم المرجع رقم مخالفتك زي كذا هذي مخالفاتي الي سددتها بحوالة دولية http://a.up-00.com/2018/09/153674570722851.pnghttp://d.up-00.com/2018/09/153674586965311.png |
بعد ما تواصلت مع شركة سكست ، أعطوني إيميلين لبلديتين مختلفات علشان أتواصل معهم وأدفع المخالفات إحدى البلديات ردت علي بكشف المخالفة بالإنجليزي وطريقة الدفع الوحيدة حوالة بنكية ، ولابد من ذكر رقم المخالفة ورقم السيارة في الحوالة ، وأن أقوم بإرسال بيانات الحوالة لهم ليتأكدوا من وصولها قمت بعمل الحوالة اليوم وأرسلت البيانات لهم وأنتظر رد التأكيد المشكلة أن مخالفة ب 30 يورو ، تكلفك أكثر من هذا بكثير 25 يورو لشركة سكست عمولة إدارية 30 يورو قيمة المخالفة 25 يورو عمولة البنك الألماني المستلم 60 درهم عمولة مكتب الصرافة 3 درهم ضريبة البلدية الثانية اللي ما ردت علي ، ليقت في أوراقهم المرسلة من سيكست ، عنوان موقع إلكتروني مع إسم المستخدم والرقم السري ، ولكن حاولت وما كان يفتح الموقع لي ، كنت أريد أدفع أون لاين على شان ما أدفع الرسوم الثانية للبنك والصراف بكرر المحاولة يوم الأثنين وبشوف ، إذا ما نفع بحول المبلغ عن طريق الصراف وبدفع الرسوم |
| الساعة الآن 09:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO