شركة سكست سحبوا من بطاقتي الإئتمانية 25 يورو بعد تسليم السيارة بتسعة أيام

راسلين لي إيميل يقولون هذا حق مخالفة مرورية

كويس ما ارسلوا لك المخالفة وقالوا دبر عمرك معها ... انت محظوظ

لا يا أخ بوعبدالله شكلهم كذا اللي فهمته من الإيميل أنهم سحبوا قيمة رسوم إدارية على إرسال بياناتي للمرور وراسلين لي ورقة فيها صورتي في السيارة والمبلغ المطلوب للمخالفة 15



كيف نفهم في تسديدها مع لغتهم الألمانية

وبصراحة مو من حقهم ياخذون رسوم إدارية ،يعني إيش مستفيد منهم المرور من بياناتي ، المرور يحتاج تسديد للمخالفة، أنا أصلا عندي مخالفتين مخالفة عدم تسديد أجرة موقف في ساحة بلتر بميونخ نسيت أسمها المهم هي ساحة مشهورة في ميونخ ، قيمة المخالفة 10 يورو جات لي ورقة على السيارة رغم أنني قعدت أدور الجهاز حق الدفع ماشفته وبعدين بعد الصقعه عرفت مكانه لاصق في جدار قديم ولاتوجد لوحه عليه ومخالفة سرعة في منتصف الليل عند مدخل احد القرى وانا في طريقي من غارمش الى ستراسبورغ تعرفون شوارعهم لاتوجد فيها إنارة ،كانت السرعة المطلوبة 30 وانا تفاجئت كنت ماشي خمسين وتفلشت علي فلاشهم لونه أحمر وهذي أول قرية أشوفها لوحاتها الارشادية حقت السرعه غير مضبوطه يعني من لوحة سرعة 80 الى لوحة سرعه 30 يعني صيده هههههههه معليش طولت عليكم

ما أعتقد يالفارس انهم سددوها ، هم ياخذون رسوم عليكم بسبب هالمخالفة ويرسلون لك بينات المخالفة وقيمتها وأنت اللي تروح تسددها

هل هذا نظام جديد أو نظام قديم ما أدري أنا أول مرة أستأجر سيارة في أوربا

عندي زميل لي هذي خامس مرة يستأجر من يورب كار

يقول تجي لي مخالفات ولا اسددها لكن ماياخذون مني رسوم ادارية
شكلي ماراح اتعامل مع سكست مرة ثانية

جرب راسلهم
reservierung@sixt.com
انا كنت اراسلهم وقت حجزي ويردون على طول ،خدمتهم مره ممتازه