|
استفسارات قبل تاكيد الرحله..؟ السلام عليكم كيف حالكم ياخواني صراحه متابع للمنتدي هذا بين فتره وفتره واتابع تقارير الاخوان الاكثر من رائعه وصراحه مقرر اني اسافر انا والمدام وللاسف بنتي عمرها سنتين قررت ماخذها اذا الله يسر لنا امر السفره هذي عندي كم استفسار قبل ماقرر السفر وياليت اذا ماعليكم امر تفيدوني فيها:- 1/ وقت سفري بيكون في نهاية شهر ابريل الحالي هل وقت السفر كويس او لا من ناحية الاجوا والزحمه 2/ كم يوم تنصحوني تكون السفره عشان استمتع بالرحله 3/ المبلغ حق السفر بحدود كم يكفيني معا العلم اني احب اسكن في اماكن نضيفه وممتازه معا العلم اني قد سافرت شهل العسل ماليزيا وصراحه كانت رحله ممتازه بس حاليا الماده لك عليها ماتسمح اني اروح لماليزيا هههه فقررت اني اروح لاندونيسيا بحكم انها ارخص ... تقبلو تحياتي اخوكم أبو لين |
عليكم السلام هلا ابو لين حياك الله اندونيسيا بلد جميل وممتع فيه مناطق طبيعية رائعه جداً الاجواء في شهر ابريل حلوة وبداية ما يسمى بالموسم الجاف وهو الذي تكون فيه الامطار غير مزعجه وغير مستمرة بالنسبة للزحام السياح موجدون في اندونيسيا في الاوقات لكن السياح الخليجين قليل في هذه الفترة عدد الايام يحكمه الميزانية والمدن التي ترغب في زيارتها لكن لزيارة سريعة اشوف ان 12 الى 14 يوم مناسب ابو لين اللي قالك ان اندونيسيا اسعارها رخيصة لم يصدقك القول اندونيسيا فيها الغالي والرخيص وبشكل عام البلد اسعاره معقوله تحصل فنادق 5 نجوم في حدود 500 ريال لليوم اسعار السائق الخاص في اليوم على حسب المناطق لكن في حدود 140 ريال لمدة 12 ساعة المطاعم العربية اسعارها مقارب لاسعار السعودية اما مطاعم الوجبات السريعة فهي ارخص من عندنا عموماً اعتقد ان الميزانية المناسبة من 800 - 1000 ريال في اليوم ولو انك ذكرت لنا تواريخ سفرك وعدد الايام التي ترغب في قضائها هناك راح نساعدك في حساب قيمة السكن و التنقلات بشكل تقريبي |
ماقصرت اخوي الردادي دايما سباق لفعل الخير ومساعدة الاخوان الله يسعدك بعد كلامك نقول 14 يوم باذن الله تكون الرحله وافكر في يوم السفر يكون يوم 23 ابريل عطنا مقترحاتك اذا ماعليك امر وياليت اذا مافيها ازعاج تشوف لي افضل رحله اروح عليها طبعا انا من جيزان واقرب شي لنا جده |
أهلاً حبيبنا أبو لين ... إندونيسيا بلد جميل جداً .. بشرط لا تترك لجاكرتا النصيب الأكبر من الرحلة .. الأمر الآخر ( ربما تخالفني الرأي ) سفر الأطفال بهذا السن ( سلبياته تطغى على إيجابياته ) بالعكس أمر ممتااااز ترككم للصغيرة الله يحفظها في بلدكم .. مشرفنا المعطااااء ( الردادي ) خبرة مع سعة صدر وسبّاق دائماً .. جزاه الله خير .. بالنسبة لجزئية حجز الرحلة .. هناك تطبيقات كثيرة لاختيار مايناسبك من الرحلات ( وقتاً وسعراً ) كتطبيق ( Wego ) و غيره .. سهل الاستخدام وسريع النتائج وباللغة العربية .. متى ماحجزت ( رحلة مؤكدة ) ضع التواريخ هنا وستجد الجميع يرسم ويخطط معك للمسار .. ربي يوفقك .. |
اقتباس:
احنا منتضرين الاخ الردادي الله يعطيه العافيه يشوف لنا التاريخ هذا مناسب او لا عشان نبدا بالحجوزات |
اعتذر عن التأخير يابو لين لكن اعذرني والله مشغول فيه رحلة على الخطوط السعودية جيزان الرياض انتظار 4 ساعات ثم الى الى جاكرتا العودة جاكرتا جدة انتظار في جدة ساعتين ونصف ثم الى جيزان سعر التذاكر للشخصين 4892 ريال بالنسبة لتقسيم الجدول راح يكون كذا 3 بونشاك 4 ايام بالي 3 ايام باندونج 2 جاكرتا هذي 12 يوم كاملة ويوم الوصول والمغادرة ما نحسبها في الجدول يعني 14 يوم اذا ناسبك التقسيم راح اعطيك اسماء الفنادق مع اسعارها بأذن الله اما اذا عندك تعديل عطناالتعديل وابشر بسعدك |
اقتباس:
بالنسبه للسفره افكر صراحه اطلع من جده بحكم القرب مننا ممكن اطلع خط هناك بحثت بموقع الخطوط في يوم 23 ابريل لقيت رحلتين وحده الساعه 4 الفجر اتوقع والثانيه الساعه 7 المغرب فما ادري ايش الانسب واحتمال ازيد يوم في بونشاك وش رايك تصير 4 بالي و4 بونشاك 3 باندونج 2 جاكرتا وش رايك يالحبيب الكل 🌹 |
واجبي ارد عليك يابو لين هذا من أبسط حقوقك انت ادرى بوضعك يابو لين بس اشوف ان الطيران اريح لك وسعر التذكرة اشوفه معقول من جدة الى جيزان يطلع عليك حدود ٣٠٠ ريال ذهاب وعودة للشخص اذا رحت سيارة لا تنسى تكلفة البنزين والمشوار ولو لا قدرالله اخذت قسيمة ساهر بتطلع خسران عموما انت ادارى بوضعك لكن اذا جيت تحجز ابحث عن الرحلات اللي تصل في النهار وفي المغادرة تغادر من جاكرتا فترة الظهر هذي هي الافضل بالنسبة لبونشاك بالعكس بونشاك يستحق ٦ أيام على الأقل لكن الان فيه عفسه في بونشاك بسبب قطع الطريق في الجزء اللي بقرب مسجد التعاون مما سبب مشكلة كبيرة في التنقل والوصول لبعض الاماكن السياحية و حقيقتا لا نعلم متى ينتهي العمل في اصلاحه كان فيه موعد سابق انه ينتهي خلال ١٠ أيام بس اليوم طلعت اخبار انه راح ينتهي بعد ٣ أشهر لذلك انا قللت المدة فيه |
اقتباس:
بالنسبه لجده ممكن احجز عن طريق طيران اديل الشخص ب108 ريال من جيزان لجده بس ماقلت لي افضل شي احجز من جده لجاكرتا الساعه 4 الفجر اقلاع من جده او اللي الساعه 6 المغرب اقلاعها من جده والله مشكله اللي في بونشاك هذي اخاف تخرب عليا الرحله ههههه معقوله مافيه طرق ثانيه |
اللي اقلاعها ٦ المغرب من جدة افضل اذا كنت تبغى تروح من المطار الى بونشاك مباشرة |
اقتباس:
والشي الثاني بالنسبه لبونشاك باقي تشوف اننا نخليها 3 ايام لو خليناها 4 ايام وش رايك يمدينا نروح اماكن بعد العفسه اللي صايره |
اقتباس:
طيب انا لك عندي حل و هو اننا نضع لك جدولين ونسوي لها حجوزات مسترده و بما ان الرحلة بعيدة بعض الشي ممكن تتحسن الامور في بونشاك فاذا تحسنت ناخذ الجدول الاول واذا ما تحسنت ناخذ الجدول الثاني وقبل الرحلة بـ 7 او 10 ايام نتعمد احد الجدول ونلغي حجوزات الجدول الاخر ايش رايك الجدول الاول في حالة تحسن الوضع في بونشاك 5 ايام بونشاك ( بما ان وصولك بدري حسبنا لك يوم الوصول) 3 ايام باندونق 3 ايام بالي 2 يوم جاكرتا الجدول الثاني في حالة بقاء الوضوع في بونشاك على ما هو عليه 3 ايام بونشاك 4 ايام بالي 3 ايام باندونق 2 يوم جاكرتا |
اقتباس:
وش وايك طيب نعتمد ع جدول 4 ايام بونشاك 4 ايام بالي 3 باندونق 2 جاكرتا |
طيب لو مثلا حجزي يوم 23 ابريل الساعه 4 الفجر والرجعه يوم 9 مايو كذا كم يوم معايا يصير..؟ |
من 23 ابريل الى 9 مايو هذي 15 فعليه هذا الجدول حلو بس ممكن التكلفة راح تزيد عليك فاذا ترغب في رحلة اقتصادية خليك على التقسيم السابق بس مثل ما قلت لك الافضل نسوي جدولين الان ونراقب الاوضاع في بونشاك كيف بتصير وعلى ضوئها نعتمد احد الجداول |
اقتباس:
احنا نسوي جدول الحين ولو قربت السفره وباقي الوضع في بونشاك ع ماهو عليه عدلنا عطنا جدول الايام لل 15 يوم هذي وع فكره ترا بالي افكر اسكن اقل شي يومين في منتجع معا مسبح خاص ويكون الجو هادي وريلاكس |
عندي استفسار ياخ الردادي معي واحد راح ببنته صغيره معاهه وقال لي كان معي شغاله تمسكها لي والوقت كله كانت معانا فلو فكرت اخذ بنتي الصغيره معي راح الاقي شغاله تمسكها علماوان بنتي عمرها سنتين |
5 بونشاك 3 ايام باندونق 5 ايام بالي 2 يوم جاكرتا بالنسبة للبنيه الصغيرة فيه شغلات بكثرة خصوصاً بونشاك اسعارهم حدود 100 الف ربيه لليوم بس انت تتحمل رسوم دخولها للاماكن السياحية عموماً لا تشيل همهم اذا بغيت شغاله بس كلم السواق راح يجيبها لك ابشرك اليوم اعيد افتتاح طريق الجبل وان شاء الله تكون المشكلة انتهت |
اقتباس:
والله بنتي متردد اخذها او لا معا العلم اني صراحه لو فكرت اخذها في اشيا كثير مارح نقدر نستمتع فيها اولها التجديف وباقي جاري التفكير في موضوع البنت بالنسبه لجدولك ممتاز جدا باذن الله نعتمده |
ابشر يابو لين راح اسوي لك جدول مع اسماء فنادق واسعار تقريبيه لها بأذن الله منتجع بالي في حدود كم تبيه ؟؟ بالنسبة للبنت نعم راح تعيق تحرك بعض الشي بس اتوقع راح تقلق عليها لو تركتها هنا اليوم مشغول اعذرني بس ان شاء الله غداً اسوي لك الجدول بالتوفيق |
اقتباس:
والله صراحه انا المنتجع احبها كثير واحب اقضي وقتي فيها دايم السعر اممم يعني بحدود ال 500 الي 800 ريال لما كنت في ماليزيا في جزيرة لنكاوي كنت ساكن في منتجع ذي ويستن كان ممتاز صراحه بس للاسف مافيه مسبح خاص والبنت لحد الان باقي ماقررت والله كريم وخذ راحتك للوقت الله يوفقك |
زود السعر شوي يابو لين وعطني رايك في هذا المنتجع اعتقد انك راح تنسى الويستن https://www.booking.com/hotel/id/pad...t-ubud.ar.html |
موفق يا أبو لين ... أما من أمسك بيدك ليدلك الدرب ... هذا الرجل ( قليلٌ مثله ) لا خلا ولا عدم ياحبيبنا ( الردادي ) .. دعواتنا لك لا تنقطع .. |
اقتباس:
ابغا منتجع يكون بمسبح خاص وبالنسبه للسعر ماعليك بنزود اهم شي تكون رحله ممتعه |
اقتباس:
مايحتاج اخونا الردادي صراحه ماتدري كيف تشكرهه الله يوفقه ويسعده يارب |
بالنسبه للطفله قررت اخليها عند جدتها خلاص ههه ان شاءالله السفره الجايه اذا الله اراد اخذها |
اقتباس:
قرار صااااائب جداً ... إندونيسيا بلد ممتع وفعالياته كثيرة جداً .. ثق بأن الطفلة حفظها الله بقاءها أفضل لكم ولها ... استغربت يا أبو لين ( تحملني شوي ) اقتراحك لاستئجار خادمة هناك للعناية بالطفلة .. لا تستأمن طفلتك لغريب في بلدك فكيف بغريب في بلده .. موفقٌ إلى خير داااائماً |
اقتباس:
بالنسبه للشغاله المقصد كان تساعد امها فقط مستحيل طبعا اخليها معاها وحدها هههه |
اقتباس:
مهما صعدنا ومهما بلغنا من مراتب نبقى تلاميذك ناهلنا من نبع معرفتك ومازلنا نستقى معلوماتنا منك ولا يرتفع الطالب فوق معلمه مهما بلغ وتبقى شهادتك وسام على صدري شكراً لك استاذي كتكات |
اقتباس:
يابو لين المكان جميل جداً لا تدقق على المسبح الخاص الفلل التي بها مسبح خاص متوفرة بكثرة في سيمنياك هذي امثلة فقط https://www.booking.com/hotel/id/the...s=1&#hotelTmpl https://www.booking.com/hotel/id/the...s=1&#hotelTmpl |
اقتباس:
انت ماتعطينا الا شي ممتاز |
احنا في انتضار جدولك 😁 |
اقتباس:
ابشر من عيوني بس اصبر شوي والله اني مشغول لكن ان شاء الله اسوية لك اليوم او غداً |
اقتباس:
خذ راحتككك وع اقل من مهلكك🌹🌹 |
بونشاك اليوم الاول في بونشك يوم الوصول وضعنا له جدول خفيف لان وصلك بدري وحرام تضيع الوقت في الفندق اليوم الاول : مزارع الشاي وبحيرة الألوان ومسجد التعاون ومطل الباراشوت و مطل ومطعم رندو علم اليوم الثاني : حديقة تامان سفاري يوم كامل ولا يفوتك عرض الكابوي اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) و مزرعة ومطعم شيموري اليوم الرابع : مصنع الشاي وحديقة الزهور و مزرعة الفراولة وبحيرة فينيسيا في مجمع كوتا بنقا و اوت لت براسكو ومقهى راجا اليوم الخامس : مغادرة الى باندونج بالسيارة المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها المواصلات في بونشاك التنقل في الجبل سيارة خاصة اسعار السائقين للسيارة المخصصة الى اربع اشخاص هي 500 الف ربية لمدة 12 ساعة في اليوم تقريباً الفنادق بسيونا علم ( يعتبر هو الافضل حتى الان كذلك يمنحك تخفيض 15% لدخول السفاري لذلك قبل التوجهه لسفاري اطلب التخفيض من الاستقبال ) فندق ساهيد باندونج يوم الوصول : بعد استلام الفندق تروح ممشي قريب من الفندق اسمه Cihampelas Walk تخرج من فندق سنسا خذ يسار تحصل جسر معلق الممشى فوقه اليوم الاول: مزرعة الارانب و مزارع الشاي وبركان كواه بوتيه بحيرة سيتو باتنجن و بحيرة الضباب الكثيف بادنقان (تجنب الذهاب لها يومي الاحد والسبت) اليوم الثاني : منطقة منتزه تمان جواندا و الكهوف اليابانيه والهولندية و شلالات ماربيا و منتزه قرية الفيل Kampung Gajah Wonderland (قرية الفيل مدينة ملاهي ) اذا عندك وقت روح السوق العائم اليوم الثالث : ملاهي ترانس ستديو و متحف العالم المقلوب upside down world اليوم الرابع : مغادرة الى بالي بالطائرة المواصلات في باندونق التنقل في باندونج سائق خاص مثل بونشاك ونفس التسعيرة كذلك يمكن استخدام اوبر او قراب بس الاماكن السياحية البعيدة لازم سائق خاص المطاعم افضل مطعم عربي في باندونج هو مطعم الجزيرة رااائع جداً كذلك يوجد مطعم عربي اخر اسمه قهوة لكن اقل مستوى من الجزيرة كذلك يوجد مطعم اندونيسي لدية جلسات خرافية مطعم كامبونق دان Kampung Daun الفنادق فندق سنسا هو الافضل خصوصاً غرف الجنيور بالي يوم الوصول : ممكن تقضي بقية اليوم تسوق في مول دسكفري القريب من الفندق اليوم الاول : بحيرة براتان الطريق لها سياحة في حد ذاتها يمكن ايجار لنش في البحيرة كذلك زيارة مزرعة الفراولة في الطريق ويمكن مواصلة الطريق وزيارة البحيرتين التوأم كذلك يوجد شلال في نفس الاتجاه اسمة جت جت بس يحتاج مشي بعض الشي اليوم الثاني : غواصة بالي + رحلة دبابات الدفع الرباعي تبعد ساعة عن مكان الغواصة ( تذاكر الغواصة ودبابات اشتريها من الاكشاك اللي قدام الفندق ارخص بكثير من شباك التذاكر بس اهم شي كاسري في السعر) اليوم الثالث : الرافتنج (التجديف) في نهر تيلاجا واجا وافضل شركة تقدم هذه الخدمة هي bmw مزارع القهوة (جميلة جداً) اليوم الرابع : استرخاء في الفلا فقط اليوم الخامس : مغادرة الى جاكرتا المواصلات في بالي سائق خاص اليوم (350- 400 الف ربية) اما في داخل البلد فيه تكسي او قراب او اوبر بس المشاوير البعيدة والاماكن السياحية الافضل سائق خاص المطاعم المطاعم العربية متوفرة هناك عند مطعم الخيمة ومطعم شيشة ( هذا المطعم يفضل عدم زيارة في المساء) كذلك المطعم الهندي الشهير كوين في شارع كارتيكا ومعظم المطاعم العالمية متوفرة هناك بيتزا هت كنتاكي و ماك الاسواق دسكفري مول ومول ليبو ومو جاليري الفنادق اول 3 ايام اشوف انك تسكن فندق اقتصادي لان البرامج اللي الجدول فيها حركة وتعب وتستغرق كامل اليوم يعني من الاخر ترجع تنام بس لذلك انا احب السكن في هذا الفندق بينتانج كوتا (من امام هذا الفندق تشتري تذاكر الغواصة و دبابات الدفع الرباعي والتجديف ) المنتجع او الفلا لأخر يومين خليها بعدين نتشاور عليها جاكرتا يوم الوصول : ممكن تقضي بقية اليوم في التسوق اليوم الاول : ملاهي انشول يوجد بها الكثير من الفعليات تلفريك وعالم تحت الماء والعاب مائية واشياء اخرى تقضي فيها يوم كامل اليوم الثاني : تسوق الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري ,جراند اندونيسيا، سنتر بارك ،بوري انداه mall puri indah ، Lippo Mall Puri ليبو بوري ، بلوك ام بلازا) كذلك توجد اسواق رخيصة مثل منقادوا و شباكاماسا وغيرها كثير الموصلات في جاكرتا التكسي متوفر في كل مكان وانصحك بتكسي لونه ازرق اسمة بلو بيرد ولو تستخدم تطبيق اوبر او قراب راح يكون السعر افضل الفنادق انصحك بهذا الفندق بولمان سنتر بارك لكن عليك الانتباه يوجد فندق اخر اسمه بولمان جاكرتا فلا تلخبط بينهم هذا جدول مقترح ونعدل عليه على حسب رغبتك |
مايحتاج الجدول هذا ممتاز بس بالنسبه لبونشاك متي راح اوصل لها لان الرحله اللي بحجز عليها اقلاع من جده الساعه 4 الفجر واتوقع وصولها جاكرتا 6 المغرب اذا ماغلطت انت قصدك باليوم الاول في بونشاك اللي هو ثاني يوم بعد الوصول..؟ وبالنسبه للسكن في بالي اخر يومين ابغا الجدول يكون خفيف لان ابغا اكون بالفيلا مسترخي هههه |
بالنسبه لفندق بولمان سنتر بارك ياليت لو عندك رابط بوكنج اشوفه �� |
ابولين الله يحفظك كنك قايلي ان اقلاع رحلتك ٦ المغرب من جدة لذلك انا وضعت الجدول كذا الان لازم نعدل عليه شوي بالنسبة لجدول بالي اليوم الرابع فاضي بالكامل واليوم الخامس إلى الظهر وبعدين مغادرة للمطار |
|
اقتباس:
|
| الساعة الآن 03:41 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO