|
60 يوم في دول البلقان و شرق اوروبا السلام عليكم التمس منكم العذر ف انالست من محترف كتابه التقارير ولا صياغه الكلمات اخر تقرير كتبته2007 ولاكن حبيت اكتب هذا التقرير لانه تعبت لم اجد معلومات عن هذه الدول لعل اكسب دعوه من احد يستفيد منه و بيكون بشكل محطات مدينه مدينه و كيفيه التنقل بين المدن و السلبات و الايجابيات لكل مدينه لهاذا ارجو منكم المعذره. الهدف من الرحله: الوناسه مستانس مستانس الله لا يعوق بشر فوق اي ارض تحت اي سماء مده الرحله:61 يوم تخطيط الرحله: لم يكن هناك اي تخطيط سافرت بتذكره ذهاب فقط اي باص قدامك اركبه اي قطار اركبه وقت ماطفش اشتري تذكره الرجعه. تركيز الرحله: انا من عشاق البحر فاخترت تكون رحلتي على ساحل البحر الادرياتيكي( ابي امشي على الساحل من جنوبه الي شماله) الدول الي شملتهاالرحله: البانيا الجبل الاسود البوسنه و الهرسك صربيا كرواتيا سلوفينيا ايطاليا تركيا بلغاريا رومانيا طبعا ابي اكتب عن المعلومات بس استاذن اني اختصر البوسنه و تركيا و ايطاليا لوفره المعلومات عنها |
قبل السفر ب48 ساعه بدا البحث عن تذاكر اخترت طيران ناس تذكره ذهاب فقط الي تيرانا ب1900 ريال طبعا بسبب تاخر الحجز تم الحجز عن طريق الموقع الرسمي لطيران ناس بعدها ذهب لمكتب سياحه و سفر حتا يحجز لي حجز عوده وهمي مسترد في حال طلبو مني حجز العوده عند دخولي اوروبا الحجز هذا تقدمه لموظف الجوازات لو سالك عنه طبعا المكتب هذا يلغيه لك بعد يومين و ياخذ رسوم 70 ريال كان حجز عوده بعد90 يوم من فيينا للرياض. يوم السفر: كان يوم الجمعه 5 اغسطس الظهر وصلت المطار بدري رحت كاونتر ناس طبعت البوردنق و شحنت الشنطه و اتجهت للصاله اشوف بالشاشه مالقيت رحله تيرانا😳 قلت ممكن مانزولها شوي تنزل مع ان بالوقت نزلو رحلات بعدها سالت موظف قالي شوف رحله براغ😳وش دخل طيب؟ قال هي طياره وحده تروح براغ و تيرانا😳طيب من ينزل اول براغ او تيرانا؟ قال مدري 😳اذا انت ماتدري من يدري؟ قال الموظف الي على البوابه هو الي يدري😂 قلت طيب اصلا هدف الرحله الوناسه لو تقولي نروح طوكيو اول بعدين تيرانا ماراح اقول شي ماراح اسمح بتعكير المزاج😉 طلعت للاونج مرحبا مالقيت مكان اجلس فيه ( ممكن لان يوم جمعه) صليت في مسجد اللونج و نزلت جلست عند البوابه الين فتحت و بدا الناس بالدخول يوم وصل عندي الدور بالدخول سالت الموظف من اول براغ او تيرانا قالي مادري😳اذا انت ماتدري من يدري؟ خلاص على البوابه حنا طبعا جميع المسافرين على الرحله مصدومين و منفجعين اهل تيرانا و اهل براغ الكل يحسب نفسه لحاله و الجميع يبي يعرف من اول ينزل دخلت للطياره و اخبرونا الملاحين ان الطياره متجه الي تيرانا اول 👍🏻 و تجلس50 دقيقه في تيرانا بعدها الي براغ😍 يعني فاز فريقنا😁 طبعا طول الرحله تذمر من مسافرين براغ لانه ماحطو بالموقع ان الرحله راح توقف في تيرانا😂 طبعا طياره مافيها شاشات ولا اي برنامج ترفيهي و دايم اذا ركبت طياره زي هذي اول شي ادعي ربك يجي جنبك واحد مسولفجي يضيع على الوقت و هذا اصعب انتظار و انت جالس بكرسي الطياره و تستني الراكب الي جنبك يجي😂على شان تعرف مويته😂 صبرت دقايق و جاء الراكب الي جنبي الصراحه انه يستحق جائزه اثقل طينه بالوجود😂 حاولت افكفك صواميله اخليه يسولف نضيع الوقت سوا مابي منك شي بس على شان مانمل😂بس اتصور كان يحسب الكلام بفلوس نفس الكلام بالجوال😂 خلاني اعد السحب جبهتي لصقت بالطاقه مافي شاشه ولا شي و فوقها ثقل طينه😂 |
كيف ارفع صور من استديو الايفون و استيديو سناب شات؟:3: |
و عليكم السلام و رحمة الله و بركاته .. حياك الله ابو بدر4 يمكن أضافة الصور إلى مشاركاتك .. الموضوع أدناه يشرح الخطوات رفع الصور على مركز تحميل العرب المسافرون ،، شرح |
|
عليكم السلام تشرفت بمرورك و الف شكر لك ابو معتز |
و بعد تقريبا 5 ساعات طيران طرنا قوق جزر يونانيه على ماعتقد لان مافيه خريطه بالطياره وصلنا مطار تيرانا مطار جدا متواضع و نادو بالمكرفون ركاب تيرانا ينزلون ركاب براغ يجلسون 50 دقيقه و تقلع مره ثانيه قلت للي جنبي احسن خلك😂 و نزلت و كان عددنا بالكثير مايجي 20٪ من ركاب الطياره الاغلب رايح براغ نزلنا اجرائات الدخول جدا سهله بس شيك على الجواز ماختم مادري ليش اتصور البانيا ماتختم على الجواز بس يسجلونه( معلومه البانيا في اشهر الصيف ماتطلب على السعودي فيزا) خلصت جوازات كنت محتاج السوق الحره لان احب اشتري عطر من اي مطار اوصل له لتبقي الريحه ذكري للبلد ولاكن للاسف مطار مافيه سوق حره😡 مطار سقفه هفقر والله مو مسلح😂 بعد الحوازات لقيت مكتب صرافه كان سعره حلو ( نادر تلقي مكتب صرافه في مطار يكون سعره حلو) صرفت منه و اتجهت للعفش الصراحه ماطول العفش و بعدها https://www.arabtrvl.com/up/uploads/...657398151.jpeg رحت مكتب اتصالات ماذكر اسمه بس اذكر ان سعر الشريحه غاليه حدود 150 ريال لان على كلامها انها تشتغل في جميع دول البلقان( ركزولي على سالفه تشتغل في دول البلقان نرجع لها بعدين) https://www.arabtrvl.com/up/uploads/...690741621.jpeg هذي صوره الشريحه الي يعرف اسم الشركه يذكرني. طبعا زي ماقلت مطار يذكرني بمطار ينبع 4 خطوات و انت بالشارع مكاتب التكسي و مكاتب تاجير السيارات كلها بالشارع |
طلعت للشارع ادور تكسي اتفقت مع تكسي يوصلني لمنتجع كنت حاجزه عن طريق بوكنق منتجع إكليبس اسمه صوره في بوكنق خرافيه و تقيمه 8 اغراني فيه المسبح و الالعاب المائيه الي فيه ولاكن الان تقيمه 5 المهم اخذت التكسي و طلعنا من المطار طريق زراعي مدري وش المطار الي ماله خط سريع و سواق التكسي مو راضي يسكت يسولف مو مستوعب اني مافهمه طبعا يوم وصلنا قالي بالعربي(بخشيش) طبعا انا دافع بالمطار ولاكن يوم قالها بالعربي عطاني تصور مو زين للبلد قلت بدينا تعرف للعرب😂 نزلت الفندق رشبشن رث وريته الحجز و طلعني الغرفه طلعت غرفه عفنه اثاث متهالك(طبعا منتجع4 نجوم) الغرفه تحت بيت الدرج رفضت قبولها قالي اوريك غيرها وراني غيرها نفس العفانه بس الفرق انها مو تحت بيت الدرج برضو رفضت و طلبت منه انه يلغي حجزه من عندي لان الصور في بوكنق مختلفه عن الواقع100٪ (طبعا دافع مقدما) و قلت له انا جينيس في بوكنق و ابي اكتب لهم ان الواقع غير قالي في اخر غرفه تتنظف الان ممكن تشوها( لا بارك الله بالضعف خاف من الشكوي) وراني غرفه محترمه و فيها بلكونه نفس الي حجزتها بالموقع قلت هذا مؤشر ثاني بعد سواق التكسي شكل البلد فيها للغوصه كثير😡 جلست حدود الساعه على المسبح الي ان تجهز الغرفه فطورهم متواضع فيه ملحق صاله افراح و كل يوم عرس الصوت يوصل عندك قدامه حفريه التكسي يوصل له بصعوبه افضل شي فيه جلسه المسبح على الرغم اني ماسبحت برد و قريب من مول بوابه تبرانا كنت اروح للمول مشي اخذ تكسى اسرع للوصول |
طلعت اخذ للفه في تيراناhttps://www.arabtrvl.com/up/uploads/...344831371.jpeg https://www.arabtrvl.com/up/uploads/...344842822.jpeg https://www.arabtrvl.com[IMG]https:/...344904488.jpeg/up/uploads/arabtrvl16678734485433.jpeg[/IMG] https://www.arabtrvl.com/up/uploads/...344864954.jpeg https://www.arabtrvl.com/up/uploads/...344875655.jpeg https://www.arabtrvl.com/up/uploads/...344887476.jpeg [IMG]https://www.arabtrvl.com/up/uploads/arabtrvl166787344896077.j [/QUOTE][/QUOTE] https://www.arabtrvl.com/up/uploads/...399983151.jpeg طبعا بتعذروني على ردائه بعض الصور لانها من الفيديو |
ياهلا يا غالي بداية جميلة وسرد جميل مشكلة اذا كان اللي جنبك ما يسولف والرحلة ما فيها ترفية من بدايتها السواق اعطاك مختصر للبلد ولا أعتقد أنها تنفع سياحة لعدم توفر بنية تحتية تخدم البلد ولا لهم ذاك التوجه السياحي مستمتعين معاك بالتفاصيل :e306: |
ما شاء الله 60 يوم ان شاء الله بنستانس فيهم معاك ههههه موقف الطياره صار معاي وانا رايحه كولومبيا عالتركيه خفت وبعدين عرفت اللي رايحه بنما اهي اللي بتروح كولومبيا بس اشوه احنا قبل بنما 🙏🏽 ويي هذي ابيخ بداية اهي البخشيش اتخليني اكره البلد وبعدين الفندق بعد لازم اقول اشتكي عشان يتعدلون .. متابعين يا بوبدر دول البلقان |
تقرير جميل وبدايه موفقه اشوه ان طلعت وجهتكم هي الاولى بس ليش ماقالو اول شي يخلون الواحد يتوتر چان نمت بالطياره وريحت دام ماكو سوالف هههه بايخة كلمة بخشيش اذا طلبوها انا اعطي من نفسي مو مجبور اعطيك الفندق يبيله من يخوفه ليش انا حجزي شي وانت تعطيني شي ثاني مستمتعين بالبدايه الجميله ومتابعين للآخر باذن الله |
اقتباس:
|
اقتباس:
اقتباس:
البخشيش منتشر في البانيا و من ناحيه الفنادق في شرق اوروبا انا لي تحفظ عليها و ابي اكتب فيها انا ماعرف كيف بوكنق يقيمها 4 نجوم 4 نجوم في شرق اوروبا تعادل3 نجوم في الدول الثانيه او اقل |
اقتباس:
البخشيش لاحظته منتشر في البانيا و البوسنه و فنادق شرق اوروبا في مشكله في تقيمها غير دقيق |
أسعارهم ما هي رخيصة يابو بدر 200 ريال تكسي للتوصيل الى البحر يبدو أنه بعيد من السكن واضح أن الشاطئ ماهو مرتب والخدمات بدائية متابعين معاك :e306: |
بداية تقرير جميل و مميز .. الله يعطيك العافية .. و دول البلقان تميزها ببساطتها .. مستمتعين معك يابوبدر في هالتقرير الجميل.. |
الشاطئ مبين مافي خدمات جديدة بالعافية الرقي والبطيخ |
اقتباس:
|
اقتباس:
|
اقتباس:
|
اليوم الاخير تيرانا كان عندي حجز في سبا فندق Xheko Imperial hotel الصراحه السبا حقهم ولا غلطه فخم + خصوصيه يدخلونك المسبح لحالك و السونا و الجاكوزي و حمام تركي لحالك شي فاخر من الاخر مريح للنفسيه ( ماذكر سعره بس رخيص جدا على الخدمه) https://www.arabtrvl.com/up/uploads/...087880081.jpeg https://www.arabtrvl.com/up/uploads/...087891612.jpeg https://www.arabtrvl.com/up/uploads/...087903093.jpeg https://www.arabtrvl.com/up/uploads/...087913334.jpeg https://www.arabtrvl.com/up/uploads/...087923745.jpeg https://www.arabtrvl.com/up/uploads/...087934196.jpeg المعذره على ردائه الصور لانها سكرين شت من فيديو اذا ماخنتني الذاكره ان هذا كله 3 ساعات لك لحالك 60 يورو طلعت من عندهم و بقي لي اصعب مهمه اروح ادور مواصلات توديني بكره للجبل الاسود(منتينقرو) موظف الاستقبال قالي محطه كازا ايطاليا اسمها كذا اطلب من التكسي يوديك لها و هناك احجز و كتب لي اسمها على شان ماغلط فيها https://www.arabtrvl.com/up/uploads/...157607241.jpeg قالي وري سواق التكسي هذي و مالك شغل. وصلت موقف حافلات و فيه مكاتب كثيره كانت وجهتي بكره مدينه اولسيني او كما ينطقونها اولشيني في الجبل الاسود لقيت مكتب و قالي موجود يوميا الساعه 3 العصر مو لازم تحجز تعال على الموعد و اركب بس ولاكن الحافله توقف في مدينه شكودرا الالبانيه لدقائق توكلت على الله و قلت خلاص الوعد بكره الظهر اكون عندكم . توكلت على الله الي ساحه سكاندربج وسط تيرانا قلت اصلي بالمسجد الي في طرف الساحه خصوصا انه يوم عاشورا و الناس صايمه اشوف المظاهر الاسلاميه و اتعرف على مسلمين البلد الي كله مسلمين لاكن للاسم ماشفت مظاهر للاسلام فيه😭 https://www.arabtrvl.com/up/uploads/...231485861.jpeg للاسف في يوم عاشورا مالقيت في المسجد الي5 رجال من فرحتهم فيني عطوني اكتب ذكريات يوم عرفو اني سعودي اذن بعدها مباشره الاقامه مابينهم وقت. طلعت من المسجد اتجهت يمين فيه مول طخم يقال انه 4 اكبر مول في اوروبا و الله اعلم تسكعت شوي بالمول و سبق لي رحت مول بوابه تيرانا اصغر من هذا شوي المهم اشتريت من المول اغراض من اديداس اسعارهم اقل من السعوديه ب50٪ ليس فقط اديداس جميع الماركات ارخص من السعوديه( الي جاي لا يشتري من السعوديه) انتهيت من المول حولين الساحه كثير مطاعم و شارع ابراهيم رجوفا مليان قهاوي فيه مقهي ايطالي فاخر اذا ماخانتني الذاكره اسمه ايطالين كفي https://www.arabtrvl.com/up/uploads/...308718931.jpeg هذي صورته ماذكر اسمه بس سويتاتهم جباره. و في الليل كنت في للونج نفس فندق السبا الي كنت فيه الصباح Imperial hotel للونج بالسطوح فيه مطعم سوشي للي يحبه و جلسه مطله على اكثر شارع حيوي في البانيا شارع ابراهيم رجوفا |
البانيا المميزات و العيوب المميزات الميزه الوحيده بالنسبه لي الرخص فقط ولاكن عندهم طبيعه جميله في مدينه اشكودرا هي بديل رخيص للنمسا و سويسرا طبعا انا( اكره الطبيعه ولا تستهويني) انا من عشاق البحر و العواصم السلبيات الشعب اقشر مع اني لم اتصادم معهم نهائيا ولاكن احس لو تصادمت ممكن انذبح لانهم جلوف ولاكن مو اقشر شعب واجهته في رحلتي في اقشر منهم. ولاكن الشعب الالباني يبدولي والله اعلم انه يفوز بالمركز الاول في العالم بالغباء😂 كنت اتصور ان الاتراك اغبي الشعوب بس اتضح لي هذولا اغبي منهم شوي. امثله حصلت معي تاكد لي غباء الشعب 1/ في المطاعم و الكفيهات و الاماكن العامه و سواقين التكاسي يتكلم معك بللغته و انت مو فاهمه و يرجع يعيد الكلام مره ثانيه و يسترسل بالحديث هذي عندهم و عند الاتراك لاحظتها باقي الشعوب اذا حسك مو فاهمه يتحول للغه الاشاره😂. 2/ مره دخلت مطعم و شفت طاوله بعيده عني فيها 4 اشخاص منزلين صحن مشاوي كبير يحبه قلبكم😂 اشتهيته الصراحه😂 تكلمت مع الجرسون بصوت منخفض قلت له شايف هذاك الصحن ابي زييه بس صغير راح اخذ الصحن من طاوله الناس و هم ياكلون و جابه عندي😂 و يبربر بللغته مادري وش يقول😂 و الناس اصحاب الصحن تشوفني😡 انحرجت منهم ماعرف وش اسوي اتاسف منهم او حتا هم يطلعون دبش مثله😂 جلست العب بجوالي😂 3\ في دورس المدينه الساحليه طلبت بيبسي مع ثلج جاب الثلج لحاله و البيبسي بعد ربع ساعه بعد ماتحول الثلج الي ماء. 4/ اللونجات و القهاوي في شارع ابراهيم جرفا امر من قدامها50٪ من الطاولات فاضيه مايدخلك لازم حجز طيب فاضي قدامي و الوقت متاخر الي ماجاء للان ماراح يجي يرفض(على قوله المصرين حافض مش فاهم) طيب ابي حجز لبكره يقول عن طريق الانستقرام طيب ليش انستقرام انا بشحمي و دمي قدامك الان لا 5\ مره سالت جرسون كم يبي له الطلب قالي اذا خلص اجيبه( يعني انثبر و اسكت) مظاهر الاسلام للاسف 0٪ في عاصمه دوله اسلاميه ماشفت الي مسجدين و واحد منهم جيت اصلي فيه مسكر الثاني الي صليت فيه ماكملنا نص صف لانه مسجد تاريخي و سياحي تدخل ناس تتصور و تطلع شفت الكنايس اكثر من المساجد الحجاب شبه معدوم مابالغ لو قلت ماشفت الي حرمتين محجبات شفت المحجباب في للندن و باريس اكثر من تيرانا في اكثر من مطعم مريت عليه يقدم للحم الخنزير اكرمكم الله |
الجبل الاسود و نكبات القدر صحيت تسكع بساحه الاسكندر و جلسه بالكفيهات و غداء سريع و التوجه للموقف الحافلات وصلت نفس المكتب الي امس تذكره من تيرانا الي اولسيني ب25 يورو و طمنتني الموظفه انه ماراح يوقف في مدينه اشكودرا لانه اصلا مافي ركاب على هل مدينه ولا في ركاب على اولسيني غيرك فيه كم راكب رايحين مدينه بودفا في الحبل الاسود و الطريق غصب بيمر على شكودرا و اولسيني انت انزل في اولسيني من حسن الحظ انه مافي ركاب يعني ماراح يطلون لنا باصhttps://www.arabtrvl.com/[IMG]https:...133732594.jpegup/uploads/arabtrvl16679613372183.jpeg[/IMG] بيطلعونا في فان مرسيدس😍 قلت نعمه احسن من الباص نفس هذا https://www.arabtrvl.com/up/uploads/...601674411.jpeg الفان بطل بصراحه مريح و اسرع من الباص عددنا ماوصل8 اشخاص الاشهب الوحيد انا البقيه كلهم اوروبين😂 لمن قربنا من اشكودرا بانت الطبيعه و تغير الجو و بداء المطر ( طبعا لا تسهويني الطبيعه) ولاكن لعشاقها اشكودرا خيار ممتاز و رخيص بديل للنمساء و سويسرا خصوصا انها مليانه اكواخ نفس الموجوده في منطقه الالب https://www.arabtrvl.com/up/uploads/...102213641.jpeg https://www.arabtrvl.com/up/uploads/...610222582.jpeg https://www.arabtrvl.com/up/uploads/...102237363.jpeg https://www.arabtrvl.com/up/uploads/...102249834.jpeg https://www.arabtrvl.com/up/uploads/...102260965.jpeg https://www.arabtrvl.com/up/uploads/...102271736.jpeg https://www.arabtrvl.com/up/uploads/...133700481.jpeg https://www.arabtrvl.com/up/uploads/...133711312.jpeg https://www.arabtrvl.com/up/uploads/...133743695.jpeg https://www.arabtrvl.com/up/uploads/...133755166.jpeg طبعا وصلنا للحدود بساعه و نص تقريبا السيارات الصغيره تدخل للكاونتر الباصات توقف على جنب و ينزلون الركاب طبعا سحبو جوازاتنا في المكتب قبل تحرك السياره من تيرانا وقفنا على جنب و نزل سواقنا معه جوازات المجموعه كامله يدخلها للمكتب طبعا الاشهب ابن الصحراء لازم يخنبق😂 لقيت بجيبي عمله البانيه باقيه معي قلت حرام اخليها اروح للبقاله اخذ اقل شي شبسات اخليها معي😂 رحت اخذت و رجعت لقيت العسكري حق الجبل الاسود معصب على انا😡 يقول وينك قلت له ابي حمام و رحت😂 طيب والكيس الي معك😂 قالي ممنوع التصوير منطقه حدوديه امسح الصور قلت ماصورت اصلا😂 طبعا رجع الجوازات كل واحد و جوازه الي انا باقي حوازي معه في يده قالي معك فيزا للجبل الاسود؟( السعودين يدخلون الجبل الاسود بدون فيزا) ماحبيت اقوله انه ماحتاح فيزا خفت يشخصن الامور قلت له معي شنقل قالي لا فيزا للحبل الاسود اعد عليه الكلام معي شنقل عاد كلامه للمره الثالثه معك فيزا للحبل الاسود؟ هنا خلاص لابد التصادم و الي يصير يصير قلت له انا سعودي و ماحتاج فيزا لدخول الجبل الاسود و فوق هذا معي شنقل😡 طالع فيني نظره غريبه و قالي لا تتحرك خليك واقف ( طبعا المجموعه كلهم بالسياره يستنوني) انا ماخرهم و معصب السواق على😂 دخل ماخذ دقيقتين طلع و عينه مكسوره مد لي الحواز اخذته بدون ماقول شكرا😂( عز يالسعوديه) ركبت تاسفت من المجموعه و دخلنا، هنا حصلت اول نكبه😡 بحكم ان سفري دايم لحالي و بدون تخطيط ولا ترتيب اكتشفت طريقه فعاله لحجز الفنادق ولاكن ماتنجح الي اذا كان شخص واحد اني اوصل للمدينه الي ابيها و ابدا بحث فندق فيها يعني في نص اليوم ابحث عن حجز في نفس اليوم و اتوجهه له مباشره تطلع لك عروض خاصه كثير يوم دخلت الجبل الاسود قلت بسم الله الان ابحث عن فندق الشريحه الي اشتريتها من مطار تيرانا الي قالو لي تستغل في دول البلقان كامله طفت نصب ماتشتغل الي في البانيا فقط مافي نت السريحه السعوديه ماشتغلت بعد 😡 الامور سهلات خفيف لحالي ماشيل هم نفسي قلت الان ينزلني بالموقف و القي الف قهوه اجلس و اطلب قهوه و اشبك على نتهم و احجز سهله😂 بعد اقل من نص ساعه وقف السواق في برحه فاضيه و التفت لي قالي انزل😳 ليش وش سويت 😳 قال هذي اولسيني 😳 يابو الشباب هذي برحه فاضيه وين الموقف و الباصات قال فيما معناه انزل ولا يكثر هذي ديرتك خذ تكسى ورانا خط الي بودفا |
تتوالي النكبات نزلت مع عفشي بالبرحه اسحب الشنطه و صلت دوار كيف اقطعه ولاكن مشت الامور😂 https://www.arabtrvl.com/up/uploads/...972445211.jpeg مشيت مسافه كيلو طبعا قطعت شارع و دوار و حاله لقيت قهوه حجزت فندق الحمد لله فتحت اوبر ابي تكسي اوبر باشتغل عندهم😭 طلبت من العامل يتصل على تكسي قال ماعندنا هذا النظام قال رح له انت بالموقف يبعد كيلو اوكيه رايح بس خلي الشنطه عندك احيبه اجي اخذها و نروح رحت دورته لقيته اخذته رجعني للقهوه و بعدها اعطبته عنوان الفندق قال ماعرفه ماقدر اوديك😭 اخذ5 يورو و نزلني لازم ارحع للموقف من جديد😂 اخذت تكسي ثاني و ارجع للفندق الصدمه الثانيه الفندق مايقبل الي كاش و اصلا الفندق ماعجبني قلت لكم تقيم البلقان تعبان شوي بالفنادق غيرت الفندق اخذت فندق مكتب انه يبعد800 متر عن البحر ولاكن لاتنسون البلد اسمه الجبل الاسود يعني دوله كامله جبل مافيها شارع متساوي اما طلوع او نزول 800 عن البحر يعني كل شوي تقطع شارع و تنزل درج شارع درج شارع درج تحتاج لياقه😂 الميزه الوحيده في البلد الي زي هذا ان البلد كلها على البحر مافي غرفه بالبلد مو مطله https://www.arabtrvl.com/up/uploads/...444123111.jpeg https://www.arabtrvl.com/up/uploads/...9744413362.png بعد ماريحت شوي جات النكبه الكبري😭 انا معتمد على بطاقه السفر من البنك السعودي للاستثمار جيت ابي اشحنها ماقدرت😡 جوالي السعودي مو راضي يفتح محتاج رمز التفعيل على شان اشحن😡 حاولت بجوالي بدلت الشبكات يدوي مافي فايده 😡تواصلت مع موبايلي عن طريق خدمه العملاء بالوتساب و التويتر برضه مافي فايده يصرفني يقول بدل شبكات يدوي لين تلقح معك شبكه ولاوحده اشتغلت اقتنعت انه ماينفعون هذولا كلمت اخوي قلت له انقز اقرب فرع موبايلي شف وش سالفه رقمي مو راضي يشتغل و انا مفعل خدمه التجوال ماقصر رح لهم قالم اخوي متورط في الحبل الاسود مامعه فلوس البنك يرسل كود على رقمه. بعد شوي جاء الرد الصادم لمن راح قالو له مو اول واحد يجي تصير معه موبايلي تشتغل في اسرائيل لها شركاء بس في كوسوفو و الجبل الاسود ماعندنا شركاء قاله الحل ان اخوك يسوي لك وكاله تروح تحول رقمه الي stc و ترسل له الشريحه قلت ارجع اغيرها بنفسي اسهل😂 اذا بتروح البلقان حول جوالك علىstcلا تاخذ موبايلي |
ما شاء الله .. مغامرات يا أبو فهد في السفر لابد من وجود أكثر من بطاقة للصرف لتفادي الوقوع في مواقف غير متوقعة خصوصاً عندما يكون السفر لدول جديدة أو غير معروفة على الخارطة السياحية بسردك الشيق حمستنا للمتابعة لمعرفة باقي الأحداث فنحن أمام 60 يوماً من المتعة |
اقتباس:
شرفني مرورك ابو معتز المشكله مو من البطاقه لقيت سعودي في ولسيني معه نفس البطاقه البنك السعودي للاستثمار فيزا سفر ولاكن هو جوالهstc المشكله من مو بايلي ما يوصل لك رمز التفعيل اما البطاقه اشهد انها ممتازه مجربها باكثر من20 دوله البلاء من موبايلي |
اقتباس:
المعذرة يا أبو بدر4 .. خطأ كتابي !! بالتأكيد بطاقة السفر من بنك الأستثمار لا يعلى عليها و بالصدارة و أنما موبايلي غريبة منهم عدم التغطية !! |
اولسيني اولسيني او اولشيني كما يسمونها اهلها مدينه صغيره على جبل و بحر مبانيها و شوارعها ذكرتني في بلودان الله يردها بس هذي على بحر و مدينه صاخبه جدا جدا في الليل و النهار كانها بتايا بالصخب الي فيها الي مايحب البحر و العوائل ماتنفع لهم مع ان اهلها مسلمين اصولهم البان و منتشر فيها المساجد كل 200 متر مسجد و تسمع الاذان فيها حتا صلاه الفجر ولاكن تسمع الاذان مع الاغاني بوقت واحد😂 صليت جمعه عندهم صلاتهم غريبه الصراحه مافهمتها الخطيب يقراء قران بعدين يوقف و بعدها الخطبه الاولي و يوقف وقت طويل حسبت خلاص بعدها الخطبه الثانيه نص المصلين لابسين شورتات في الدور الثاني للمسجد رجال و حريم مع بعض لاصقين في بعض رجال يصلي و الي جنبه حرمه😳 https://www.arabtrvl.com/up/uploads/...4520530841.png https://www.arabtrvl.com/up/uploads/...4520531122.png https://www.arabtrvl.com/up/uploads/...4520531243.png https://www.arabtrvl.com/up/uploads/...520531384.jpeg https://www.arabtrvl.com/up/uploads/...520542945.jpeg https://www.arabtrvl.com/up/uploads/...520555296.jpeg https://www.arabtrvl.com/up/uploads/...555767511.jpeg https://www.arabtrvl.com/up/uploads/...555778972.jpeg https://www.arabtrvl.com/up/uploads/...555790393.jpeg https://www.arabtrvl.com/up/uploads/...555801124.jpeg https://www.arabtrvl.com/up/uploads/...045558125.jpeg https://www.arabtrvl.com/up/uploads/...555822026.jpeg مدينه عدد الشواطئ الي فيها مخصصه للسباحه اكثر من عدد الناس في مكان صغير اكثر من 40 شاطئ كلها نطيفه و مستغله و جميله لعشاق البحر فيها مدينه قديمه و قلعه و شوي بازارات . الشارع الرئيسي في وسط المدينه في الليل يمنع دخول السيارات و يتحول الي ممشي و القهاوي الي فيه تطلع الطاولات برا |
فندقي جميل و مسبح فندقي جميل جدا ولاكن اطريت اني اغيره لانه يبعد عن الشاطي800 متر ولاكن كلها طلوع يعني اطلع اكثر من 200 درجه هده حيل الصراحه اخذت فندق جميل على الممشي مباشره خلف المسجد الي على ممشي البحر ب70 يورو مع الفطور https://www.arabtrvl.com/up/uploads/...677447681.jpeg https://www.arabtrvl.com/up/uploads/...677456762.jpeg هذا الفندق 4 خطوات انت في البحر . فعاليات اولسيني. كل يوم الصباح بعد الفطور تطلع للمينا تلقي القوارب طالعه كل واحد طالع لمكانhttps://www.arabtrvl.com/up/uploads/...487051654.jpeg و اتصور انها اجتهاد شخصي من سواقين القوارب فيه جزيره ميامي يوديك و يردك 5 يورو من 9 الصباح الي 5 العصر اي وقت تعال كل 20 دقيقه فيه قارب طالع تطلع مع قارب و ترجع مع اي واحد بس توريه التذكره جزيره جميله فيها مطاعم و مقاهي و تقدر تستاجر فيها كرسي و شمسيه https://www.arabtrvl.com/up/uploads/...870555127.jpeg https://www.arabtrvl.com/up/uploads/...474500481.jpeg https://www.arabtrvl.[IMG]https://ww...943164591.jpegcom/up/uploads/arabtrvl166804745008962.jpeg[/IMG] [https://www.arabtrvl.com/up/uploads/...943176552.jpegIMG]https://www.arabtrvl.com/up/uploads/arabtrvl166804745013113.jpeg[/IMG] https://www.arabtrvl.[IMG]https://ww...943212315.jpegcom/up/uploads/arabtrvl16680474501724.jpeg[/IMG] فيه رحلات لجزر ثانيه قريبه رحله يوديك جزيره و تتغداء و بعدين يوديك منطقه بوسط البحر زي القزاز تشوف القاع تسبح فيها و مشروبات مفتوحه 20 يورو فقط و فوق هذا مايخد الفلوس الي اذا رجعك و تاكد انك مبسوط😍 طبعا الي ودانا مسلم الباني يتكلم العربيه بطلاقه كان طالب بالجامعه الاسلاميه بالمدينه المنوره يوم شافني سعودي توصي فيني😍 https://www.arabtrvl.com/up/uploads/...870479651.jpeg https://www.arabtrvl.[IMG]https://ww...026182991.jpegcom/up/uploads/arabtrvl16680487049162.jpeg[/IMG] https://www.arabtrvl.com/up/uploads/...870503253.jpeg https://www.arabtrvl.com/up/uploads/...870529095.jpeg https://www.arabtrvl.com/up/uploads/...870541536.jpeg https://www.arabtrvl.com/up/uploads/...870567718.jpeg https://www.arabtrvl.com/up/uploads/...870579169.jpeg https://www.arabtrvl.com/up/uploads/...494318843.jpeg https://www.arabtrvl.com/up/uploads/...943200514.jpeg https://www.arabtrvl.com/up/uploads/...943224416.jpeg https://www.arabtrvl.com/up/uploads/...943228657.jpeg https://www.arabtrvl.com/up/uploads/...988598361.jpeg https://www.arabtrvl.com/up/uploads/...988609772.jpeg سالت السواق اقدر اروح للحبل الي بالنص قال رح احد رادك قربت منه سمعت اصوات طيور بشكل قوي و مخيف رجعت لانها مهجوره و ماتخلي من القوارص طبعا فيها جبل تتسلقه بعدها رحنا منطقه السباحه https://www.arabtrvl.com/up/uploads/...026182991.jpeg https://www.arabtrvl.com/up/uploads/...045709851.jpeg رجنا مبسوطين فرحانين الله يديم الرخص. في اليوم الثاني صحيت مدينه هاديه مافي ولا صوت😳 ولا DJشغال غريب المنظر هذي اولسيني الصاخبه؟ وين الناس؟ وين الصخب المعروف عنها؟ بعد سؤال اكتشفت انه امس بالليل صارت جريمه هزت الجبل الاسود كامل 12 شخص قتلوو البلد في حداد ( لاحول ولا قوه الي بالله) https://www.arabtrvl.com/up/uploads/...079908061.jpeg سبحان الله شخص واحد شل بلد في عز الموسم. من فوائد السفر ( رفقه ماجد) تعرفت على شاب سعودي جاي لحاله جلسنا ذيك الليله سواء وش نسوي البلد ماينحلس فيه كان موجود باصات تودي كوسوفو ب15 يورو فكرت اروح فيها الين يخلص العزاء و ارجع ولاكن تعوذت من ابليس و توصلنا الاتفاق نروح الصباح مدينه كوتر فيها خليج من اجمل خلجان العالم خليج كوتر و صار بيني و ينه هذا الاتفاق( طبعا هو مستاجر سياره) كان الاتفاق انه نروح الصباح كوتر نجلس يومين و بعدها بودفا و يجلس معي في بودفا يومين بعدين كل واحد يكمل خط سيره لان هو خط سيره غير بشرط انه يشركني معه في السياره في ايجارها و مصروفها لاني خويه 4 ايام رفض الله يحزاه خير بعد الحاح وافق و بكذا تكون انتهت اجمل10 ايام في اولسيني😍 |
موظفين الجوازات على الحدود نفسيات لابد الواحد ينتبه لهم ولا يتهاوش معهم باين عليها مدينة وناسة اولشيني المهم يكون فيها سكن مناسب بدون طلعات ونزلات أما التاكسي حكاية اللي أخذك من المقهى و رجعك له مرة ثانية بس تصدق هذي التفاصيل الصغيرة هي اللي تحلي الرحلة يابو بدر :32: |
يا ساتر جريمة خلال تواجدكم الصرب ما عندهم لعب بس زين لقيت خويك تستانسون مع بعض باين البلد ممتع و رخيص |
مواقف مضحكه والله اللي تصير يعني موظفين الحدود ليش ما عندهم تحديث على معلوماتهم يحرون والله في اسألتهم .. العيوب الله يعينك عليهم بس الحمدلله طافت البانيا والحين مغامرات الجبل الاسود بحرهم وايد احلى وارتب مبين من البانيا |
اقتباس:
الحمد لله ربي فكنا من الجريمه الي صارت البلد مؤهيا جغرافيا للسياحه ولاكن بنقصه تسويق له و المستقبل اتصور لان صندوق الاستثمار الاماراتي دخل بقوه للبلد و هو الي طور مارينا خليج كوتر( بتشوفه مع التقرير) و حاطين لهم للوح كثير في اولسيني اتصور اخذو الجزر يطورونها. من ناحيه الرخص البلد رخيص جدا جدا( ارخص من مصر) ولاكن اتصور والله اعلم و ان شالله ان ظني يخيب ان البلد بيخرب لان و انا فيه طيران ناس فعل اول رحله مباشره من الرياض الي العاصمه بودغوريتشا كل خميس اتمنا من اهلي و ربعي انهم مايخربون البلد و يعلمونهم على البخشيش |
الله يعطيك العافية يابو بدر .. مستمتعين معك في هالتقرير الجميل والممتع .. فعلا رجال الجوازات في الجبل الاسود غير ملمين بالانظمة .. سبق لي و دخلت الجبل الاسود من فوق الجبل مع حدودها مع مدينة بيا في دولة كوسوفو .. و حصلت رجل الجوازات و رحب فينا الرجال وكان الجمرك فاضي و طلع جواله و ورانا صوره في مكه و فرح فينا و عطيناه هدية .. و قال بدخلكم مرور لكن لا تقعدون اكثر من ٤٨ ساعة .. ما بغيت اجادل معه .. شكرته و دخلت .. لا زلنا مستمتعين معك يابوبدر |
اقتباس:
الموظف الحدود هو شخصن الامور فقط لانه شافني اصور بالحدود و متخلف عن القروب اتصور مو من تخصصه يشيك او يسال عن الفيزه . من ناحيه البحر الي ودانا الجزيره يشتكي من الالبان انهم الله يكرمك يتخلصون من مخلفاتهم في البحر و حتا يرمون في البحر مخلفات طبيه و سببو بتلوث جزء من البحر الادرياتيكي و قالي كل مامشيت شمال بينظف البحر و هو صادق |
اقتباس:
الجبل الاسود بدون فيزا كيف سمح لكم يومين فقط؟ سنه كم دخلت الجبل الاسود؟ |
اقتباس:
قبل تقريبا ٤ سنوات .. و كنت مخاطب احدى سفاراتهم و مزودينني بانظمتهم .. و لكن ما حبيت اتناقش معه .. لانه ما منعني .. و بعدين الرجال كان محتفي فينا .. فما حبيت اناقشه في الموضوع .. تشكرت منه و ودخلنا و قعدنا ٣ ايام و طلعنا منها للبوسنه ولا احد تكلم معي عن الموضوع .. و كان معي صور لخطابات سفارات تلك الدول .. البانيا و مقدونيا و كوسوفو والبوسنه و كرواتيا .. جميعهم قابلين الشنقن .. |
مستمتعين بالسرد الجميل ابو بدر 60 يوم اكيد فيها الكثير من الاحداث بانتظار تفاصيل جميلة جديدة |
| الساعة الآن 12:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO