|
اليابان .. الحُلم الذي اصبح حقيقة + يوم ونصف في كوريا السلام عليكم ورحمة الله وبركاته .. بدايةً احب اشكر كل شخص ساعدني بشكل مباشر او غير مباشر استفدت كثير من تقارير الاعضاء هنا واللي لهم جُهود يشكروا عليها في المعلومات اللي طرحوها وكانت تسهل علينا كثير أو من الاخوان والاخوات المبتعثين او من محبي السفر لليابان وراح احط بعض الحسابات اللي استفدت منها كثير واللي كنت اوقات اسالهم عن اماكن او نصائح وماقصرو معايا الله يعطيهم العافيه :e032: مهاوي تشان https://www.arabtrvl.com/up/uploads/...3327788421.png توفي https://www.arabtrvl.com/up/uploads/...3327788522.png محيي الشهري https://www.arabtrvl.com/up/uploads/...0332778863.png سورا https://www.arabtrvl.com/up/uploads/...3327788654.png سعد الهاجري ( يحب السفر لليابان وحسابه عبارة عن نصائح لاكتشاف البلد جداً استفدت منه كثير وحسابه عباره عن بوستات مقسّمه عن المطار – الفنادق – المُدن ..... الخ ) https://www.arabtrvl.com/up/uploads/...3327788735.png Naomi ( عندها مدونه عن اليابان وتقارير رحلاتها ومره مره استفدت من تقاريرها ) https://www.arabtrvl.com/up/uploads/...0332778886.png البدايـه والفكره كيف كانت ؟ التخطيط كان موجود من قبل وقت طويل بس ماكان فيه فرصه مُناسبة وكنا بنجمع أماكن تعجبنا سواءًا من النت او من الهاشتاقات عن اليابان واللي فيها اماكن ومواقع جيّده او المبتعثين والمبتعثات ونسجلها حتى وقت مانسافر تكون عندنا معلومات وفكره واضحه اليين شهر يناير هذي السنه قررنا بشكل مبدئي اننا راح نروح , عددنا 4 انا واخواتي وابويا وفي شهر فبراير بديت احجز الطيران والفنادق ونرتب الجدول الرحله كانت كالتالي : الذهاب يوم 27 يونيو والعودة يوم 13 يوليو رحلة الطيران : بعد البحث لرحله من جده – سول والعودة طوكيو – جدة في موقع opodo ( عرفتني على هذا الموقع مديرتي ولقيت لنا رحلة بسعر مناسب جداً ) لكن ماحجزتها عن طريقهم وقررت اجرب شركة المسافر لان دايمن اشوف عندهم عروض مناسبه جداً ورخيصه https://www.arabtrvl.com/up/uploads/...3327788867.png ف اتصلت بالمسافر وراح اذكر تجربتي كاملة معاهم واللي اتوقع لو باحجز معاهم مستقبلاً تكون طيران فقط لانه خدمات مابعد البيع مو مرة جيدّه ( في الفنادق احتجت اراسل الفنادق كثير وارسل طلبات واللي الحمدلله حجزتها عن طريق Booking وتمام ماحجزتها على المسافر مع انهم عرضو علينا ) الرحلة بموقع opodo كانت تقريباً تكلف 18000 ريال للـ 4 اشخاص ولما اتصلت على شركة المسافر عشان احجز الرحلة واخذ منهم تفاصيل عن خدمات مابعد البيع الموظف كان بيقولي انه بعد الحجز نقدر نعدّل وقت مانبغى ومن خدماتهم انه يقدرو يطبعو بطاقة صعود الطائره واللي كانت مريحتني عشان مانروح للمطار بدري خصوصاً انه كل واحد مننا معاه شنطته فـ مانحتاج نشحنها لكن! اتصلت عليهم اشوف الامكانيات المتاحه وجابولي اول رحلة بقيمة 43000 تقريباً وقلت للموظف انها ماناسبتني وانه لقيت افضل منها واعطيته تفاصيل الرحلة لو ممكن يلاقيها وقالي انه راح يكلمني وقت ماتتوفر معاه رحلة مناسبه وسالني عن الميزانيه وقلتله ماتزيد عن 20000 بعدها بكم ساعه اتصل وقال انه لقي رحله بقيمة 23000 ولما قلتله انها ماناسبتني كان نوعاُ ما فظ وبيقول انتي قلتي انك تبغي بهذي الحدود وفالاخير بعد مااتناقشنا قال راح يشوفلي شيء ثاني ومناسب وانا كنت افكر احجز خلاص من الموقع ومستنيه بدايه الاسبوع عشان اروح اطّلع بطاقه فيزا مسبقة الدفع من البنك الاهلي ( لانه كان معايا بطاقه فيزا الانماء والموقع ماقِبل عمليه الدفع ) الا اليوم اللي بعده اتصلوا عليا وانهم لقيو نفس الرحلة المطلوبه + الطيران من كوريا لليابان وكله بقيمة 18849 وكانت تفاصيلها كالتالي الذهاب 27 يونيو جده – دبي (الخطوط السعودية ) ترانزيت 1:40 (ساعة واربعين دقيقة ).. دبي – مطار انتشون سول ( الخطوط الكورية ) يوم 30 يونيو مطار انتشون - سول الى مطار ناريتا – طوكيو ( الخطوط الكورية ) العودة 13 يوليو ناريتا – سول ترانزيت 1:40 ( ساعة واربعين دقيقة ) ( الخطوط الكورية ) ومن سول – دبي ( الخطوط الكورية ) ترانزيت 2:30 ( ساعتين ونصف ) دبي – جدة ( الخطوط السعودية ) اول مااعطاني العرض حجزت مباشره لانه السعر للرحله ذهاب وعوده طلع 15000 وشويه + الرحله من كوريا لليابان ( واللي ماكانت مشموله بالسعر اللي لقيته بموقع opodo ) كله بيساوي 18849 راح اكمل تفاصيل شركة المسافر هنا عشان تكون التفاصيل انكتبت كاملة : قبل الرحله بيوم كلمتهم انهم يطبعو البوردينق بس عشان نجرب الخدمه قبل مانروح ونتورط وفعلا حصل اللي ببالي ولا احد استجاب لنا اتصل عليهم يقولو كلمي الرقم على الواتساب واديه تفاصيل الرحله ويطبعلك اياها ولمن ارسلتها محد رد عليا مع انهم شافوها ولمن كتبتلهم الليل قالو طلبك تحت الاجراء وفكرتهم فيها الصباح ورسلو بس من جده لدبي مع انه يقدرو يطبعو دبي – كوريا بحيث انه باقي اقل من 24 ساعه فـ فكرتهم الصباح ولا عاد ردو ! لمن رحت مطار جدة طبعتها مرة وحده ونفس الشيء قلت في اليابان يطبعولي اياها للتسهيل وكلمتهم واتس ولا ردو :yolks00350: فـ انا حجزت معاهم للتسهيل علينا ولقيت انه خدمات مابعد البيع مو مرة فـ مستقبلاً راح احجز معاهم طيران فقط لانه الاسعار جيدّه وحتى واحنا راجعين كنت بااغير حجز ابويا لدرجه رجال الاعمال لانه ظهره تعب من طول الرحله واحنا رايحين وبااعرف فرق السعر للتغيير ماجاء الرد الا متأخر فـ ماقدرنا ندفع الفرق ورجعنا كلنا بالدرجه السياحية ... يوم 27 يونيو وقت اقلاع الرحله اتاخرت الطيارة في مطار جدة مما سببلنا توتر واول ماوصلنا دبي صرنا نجري للطيارة ولما وصلنا كان النداء الاخير والحمدلله لحقنا عليها https://www.arabtrvl.com/up/uploads/...3327788918.jpg المويا اللي بيوزعوها من جزيرة جيجو https://www.arabtrvl.com/up/uploads/...3327788949.jpg وصلنا مطار انتشون بعد ماوصلنا مطار كوريا اعطونا اوراق نعبيها وحده كانت اذا فيه امراض اتعرضنا لها خلال ال21 يوم الماضيه ووحده كانت بيانات ولما نزلنا عبينا الفيزا المؤقته واجراءاتها كانت سريعه https://www.arabtrvl.com/up/uploads/...3277889610.jpg حبيييت هذا الجدار كان مزروع فيه نباتات متنوعه وكلها طبيعية شكله عجييب :yolks00310: بعدها رحنا نستلم الشنط وطولت مانزلت جاتنا موظفة وصارت تقولنا انه الشنط ماوصلت لاننا ماركبنا الطيارة بدري وماامداهم يشحنوها :eek: اخذت مننا تفاصيل الشنط والوانها وعنوان الفندق وقالت راح تجي رحله اليوم اللي بعده ويجيبو الشنط معاهم قلتلهم انه لو ماجات اليوم اللي بعده راح نروح لليابان واعطيتهم تفاصيل الرحله عشان ماتوصل ويرسلوها للفندق ونتورط وقتها رحت في البدايه لمحل تأجير مودم واي فاي اسمه LG U Rental service واستأجرت واحد لـ 3 ايام وكان لهم اكثر من مكتب ومكتبهم اللي اخذنا منه المودم يفتح 24 ساعه ووضحتلنا اماكن المكاتب الثانيه بس ضيعت الصورة ( كان فيه مكتبين بس يفتحو24 ساعة والباقيه افتكر من 7 الصباح الى 10 المساء ) https://www.arabtrvl.com/up/uploads/...3328704661.png ( الصوره من النت لانه ماصورت المكتب ) وكل اللي اخذوه صوره من الجواز وصوره من البطاقة الائتمانيه والدفع لاحقاً .. ( الشنطه فيها مودم + بطاريه احتياطيه + سلكين شاحن + ورقة فيها خصومات لبعض المحلات وملاهي لوتي بس لانه مافي وقت مااستفدنا منها ) خرجنا من المطار ورحنا لمواقف التاكسي واعطينا الموظفه اسم الفندق وكتبته بالكوري ووقفولنا تاكسي اعطيناه الورقة وكان الفندق قريب من المطار لانه اول شيء رحلتنا لليابان الصباح ومايحتاج نعلق في زحمة سول غير كذا ماراح نطول كلها يوم ونص اعطونا سعر تقديري للتاكسي 10000 وون تقريباً تساوي 33 ريال سعودي ووقت ماركبنا معاه كان بيلف عالناس ويسبسب وماعرفت كيف اشتكيه فعلاً قيادته غير آمنه ولما وصلنا للفندق كان الحساب 10100 ومعايا 11000 واعطيته اياها وصار يأشرلنا انه هذا السعر خلاص ومن التعب ماانتبهنا انه فيه باقي 900 وون ( كان جلست له وخليته يرجعها ) .. وصلنا الفندق واسمه Incheon airtail سعر الليلتين 271600 وون يعني تقريباً 902 ريال اخذنا غرفتين منفصله لصغر مساحات الغرف ووقتها مالقيت في اغلب الفنادق غرفتين مع بعض https://www.arabtrvl.com/up/uploads/...3328704752.png https://www.arabtrvl.com/up/uploads/...3328704863.png https://www.arabtrvl.com/up/uploads/...3328704914.png ( الصور من booking لواجهه الفندق والغرفة حقتنا ) الاستقبال كان فيه شخص واحد واول ماوصلنا قالنا الموظف لو اننا اتصلنا كان جابولنا سياره مجاناً للمطار اجراءات تسجيل الدخول كانت سريعه وبلغناه على الشنط ورحنا على اساس نريح شويه ونروح سول لكن لطول الرحله ماقدرنا نروح مع انه الوقت كان ظهر ويمدينا نستفيد من الوقت خرجت بعدها اكتشف المنطقة واشتري من السوبر ماركت اشياء خفيفه ورجعت بعدها للفندق وريحنا ساعتين وخرجنا في المنطقة المحيطه بالفندق وكان فيه حديقه قضينا فيها باقي اليوم ورجعنا https://www.arabtrvl.com/up/uploads/...3328704995.jpg صوره من مدخل الحديقه https://www.arabtrvl.com/up/uploads/...3328705046.png (هذا واحنا نمشي في الحديقه جاء لعندنا وقال السلام عليكم .. وطلع كوري يدرس عربي من 3 سنوات :24: ) ( في الفندق اول ماوصلنا كنا عطشانين واخذنا مويا من التلاجه حقتهم بس بعدين نزلت وجبت مؤونه مويا ولمن سألت الاستقبال عن قيمتها لان مافي اوراق توضّح قالي انها مجانية ولو احتجنا نطلع للدور السادس وناخذ قد مانبغا :yolks00420:) يوم 29 يونيو خططنا نروح لمنطقتين في سول وسالنا الاستقبال عن افضل طريقه نروح فيها للعاصمه واقترح انهم يوصلونا للمطار وناخذ قطار او باص ولما نخلص نرجع للمطار ونتصل عليهم يرجعو ياخذونا لان المنطقه منقطعه ومافيها قطار قريب والباص راح يكون طريقه طويل فـ اخذنا بإقتراحه ورحنا للمطار وسالنا عن طريقه الذهاب لسول ووقتها اخذنا بطايق للزوار تنفع للقطار والباص استخدام غير محدود لليوم والدفع كاش ولازم نرجعلهم هيا قبل الساعه 10 مساء والسعر للـ 4 اشخاص 60000 وون تقريباً حسب ماافتكر يعني حوالي 199 ريال ( البطايق تاخذوها من مركز المعلومات information center ) https://www.arabtrvl.com/up/uploads/...3328705117.jpg هذا شكل البطاقة واعطونا معاها خريطه للعاصمة واهم الاماكن السياحية خرجنا من المطار بالقطار ورحنا لمنطقه myeong-dong وكنا جيعانين مره ( المنطقة اللي رحنا فيها مالقينا اكل مناسب ومافي مخابز فاعتمدنا على حليب الموز كنت اشوفه بالدراما واتاكدت منه قبل مانروح – جبنه وعيش توست جبناها معانا من جده ) https://www.arabtrvl.com/up/uploads/...3328705148.jpg هذا حليب الموز وطعمه مرررة لذيييذ https://www.arabtrvl.com/up/uploads/...3328705199.jpg https://www.arabtrvl.com/up/uploads/...3287052110.jpg https://www.arabtrvl.com/up/uploads/...3329189071.png من الطريق في القطار ( نهر الهان ) المهم لما وصلنا للمنطقه دخلنا المخبز واشترينا فطاير وكنا نترجم المكونات الا فطيره فيها خضار ولما وصلنا عند الحساب صار يأشرلنا ويقول pork فـ رجعناها وسالناه عالباقي قالنا كله تمام https://www.arabtrvl.com/up/uploads/...3329189212.jpg هذا المخبز وكان جنب محطه القطار اللي خرجنا منها https://www.arabtrvl.com/up/uploads/...3329189253.jpg https://www.arabtrvl.com/up/uploads/...3329189294.jpg هذ طلباتنا كانت فطيرتين بالفاصوليا الحمرا + فطيره بالبيض + كيك اسفنجي ساده + فطيره بالسكر + حليب وماافتكر الاجمالي كم كان بس اعتقد انه قريب 10000 وون يعني 33 ريال https://www.arabtrvl.com/up/uploads/...3329189365.jpgر اول مادخلنا منطقه myeong – dong صور متنوعه من المنطقه https://www.arabtrvl.com/up/uploads/...3329189416.jpg https://www.arabtrvl.com/up/uploads/...3329189467.jpg https://www.arabtrvl.com/up/uploads/...3329189579.jpg https://www.arabtrvl.com/up/uploads/...0332918958.jpg https://www.arabtrvl.com/up/uploads/...3291896510.jpg لاحظت انه العصيرات في كوريا مرتفعه اسعارها مااعرف ليش بـ 15 و 20 ريال للعصير الواحد مره غاليه وتجي كميته قليله !! خرجنا للمنطقه وصرنا نتمشى فيها وماانتبهنا للوقت فـ صار مافي وقت نروح للمنطقة الثانيه ورجعنا للمطار وطلبنا من مركز المعلومات information center يتصلو عالفندق ويبلغوهم يجو وفعلاً كلموهم قالو 10 دقايق ويوصلو وبلغونا بالبوابه ورحنا لعندها بالزبط 10 دقايق ووصل لما وصلنا الفندق قالنا انه المطار كلموه عالشنط وماطلعنا فوق بشويه الا يتصل انه الشنط وصلت وراح ابويا استلمها كلها جات الحمدلله - معلومه مهمّه : في كوريا كان معانا بطائق بنك من الاهلي والانماء وطلبنا من البنوك يفعلّوها على كوريا واستفسرنا منهم اذا تشتغّل وأكدو انها تشتغل هناك لكن في اكثر من محل جربنا وماكانت تقبل وبطاقه الانماء قبلت في محلين فقط فـ كان الدفع بالبطاقه الائتمانيه مسبقه الدفع في اغلب المحلات 30 يونيو خرجنا الصباح من الفندق وعملنا الـ check out وكانت الاقامه في هذا الفندق جيدّه والموظفين متعاونين الموقع كمان قريب من المطار للي بيريح او عنده رحله بعدها ويبعد 10 دقايق بالسياره عن المطار وجنبه 2 سوبر ماركت وكلها كبيرة بعد مادخلنا مطار سول رحت رجعت المودم من مكتب ثاني ودفعت المبلغ اللي كان 24000 وون للـ 3 ايام يعني 78 ريال في الطياره اعتذروا مننا انه مافي الا وجبه وحده اللي هيا دجاج ولانه مانقدر نآكل فـ جابولنا قطع فواكه لما وصلنا مطار ناريتا اول شيء دورنا على مطعم ناكل فيه لان المسافه طويله لطوكيو :e34c: علبال مايدورو رحت جبت المودمات ( استأجرت 4 مودمات مسبقاً من موقع Rent iPhone, Cell / Mobile Phone & Mobile Data Card in Japan:: Global Advanced Communications ( وعرفت عن هذا الموقع عن طريق الاخ سعد واللي ذكرت حسابه قبل اخذنا 3 انواع ا اقتصادي وكان مع ابويا والعمر الافتراضي للبطاريه قلييل جداُ مايجلس معاه ساعتين الا ويطفي 6750 ين 2 ستاندرد وكانت جيدّه وتغطي افضل من اللي قبل ماعدا المناطق الجبليه 7350 ين للواحد 1 بريميوم وكان بيغطي في المناطق الشماليه والجبليه كمان ومره ممتاز 10450 ين الاجمالي لـ 13 يوم 31900 مايقارب 1090 ريال الحجز اونلاين من موقعهم وحتى خدمة العملاء سريعين بالرد على الاستفسارات ولازم تكلموهم قبل السفر باسبوعين حتى تتأكدو من التوافر , انا حجزت قبل شهر ونص من الرحله والتحويل بالبطاقة الائتمانيه وقبل مانسافر ب 3 اسابيع اضفت مودم زياده وتأكدو من التوافر ودفعته وطلبت يرسلوهم مع بعض للمطار وتقدرو تطلبو منهم يوصلوها للفندق بس انا فضّلت المطار لانه احتاج اشوف المسارات وطريق الفندق واضمن مااضيع الطريق ولو اني حفظتها كلها عالجوال من قبل ) ارسلوها على مكتب البريد وكان فاضي واستلمتها مباشره بعد مااتأكدو من اسمي في الجواز كان كل مودمين في ظرف واحد كل مودم واحد يجي جوه شنطه ومعاه سلك شاحن وورقه تعليمات مااعتقد صورتهم ) دخلنا المطعم وماصورت اسمه https://www.arabtrvl.com/up/uploads/...3329755231.jpg سوشي تونه واخطبوط كلها نيئه واكلتها لوحدي كانت لذيذه :(114): https://www.arabtrvl.com/up/uploads/...3329755282.jpg سلطه توفو وكانت عاديه والتوفو ماله أي طعم https://www.arabtrvl.com/up/uploads/...3329755343.jpg طبق اودون تجي معاه خضار مقليه وكانت جيدّه طبق خضار مقليه مع رز مقلي ( نفس الخضار المقليه اللي فوق بس بدال الاودون رز مع بيض ومالقيت له صوره ) ماافتكر كم كان الاجمالي وقتها اخذنا قطار سكاي لاينر وكان يوقف في محطه ueno وهيا اللي فندقنا الاول جنبها المسافه من المطار للمحطه تقريباً 40 دقيقة ( اللي اعجبني في هذا القطار انه مايوقف كل شويه يخرج من terminal 1 – 2,3 ويوقف عند nippori وفالاخير ueno واللي هيا محطتنا وكان سعر التذكره للشخص تقريبا 2800 ين مايقارب 95 ريال https://www.arabtrvl.com/up/uploads/...3329755394.jpg https://www.arabtrvl.com/up/uploads/...3329755445.jpg https://www.arabtrvl.com/up/uploads/...3329755526.jpg من الطريق الى طوكيو وصلنا المحطه ورحنا مشي للفندق تقريباً 6 دقايق مشي اسم الفندق Tokyo ueno new izu hotel وكانت غرفتنا على الطراز الياباني + ابويا غرفه كينق بسرير وقريبه من بعض ( للاسف ماكنت افتكر اصور الغرف حقت ابويا وانساها ><) ( الفنادق في اليابان اعتمدت في اختيارهم على الشكل والصور + السعر وماشفت التقييمات قبل – راح اذكر كل فندق وكيف كانت الاقامه فيه لكــن !! الفنادق اللي اخترتها كان كلها فيها مسافه مشي من محطه القطار للفندق ومع انه المسافات بسيطه ماتتجاوز 10 دقايق مشي وماكان عندنا مشكله بالبدايه ابداً لان الشنط خفيفه لكن في آخر الايام كان التنقل جداً متعب خصوصاً في الطلعات او المناطق الجبليه زي مابتشوفو معايا بعدين بإذن الله ) https://www.arabtrvl.com/up/uploads/...3329755577.jpg الاستقبال https://www.arabtrvl.com/up/uploads/...3329755638.jpg https://www.arabtrvl.com/up/uploads/...3329755659.jpg https://www.arabtrvl.com/up/uploads/...3297556810.jpg https://www.arabtrvl.com/up/uploads/...3330247871.jpg بالنسبة للفندق اللي يشتغلو فيه يتكلمو انجليزي شوية , عندهم غساله بالعملات المعدنية لكن الوقت محدد لاستخدامها من 8 الصباح حتى 10 المساء ( السعر 200 ين للغسيل – 100 ين للتجفيف ) – عندهم يوكاتا مجاني تجربوه وحاطين على عددنا في الغرفه وفي حال اعجبكم تقدرو تشترو من الاستقبال وسعره 50 ريال تقريباً – المفتاح نسيبه عند الاستقبال واحنا خارجين ممنوع يطلع من الفندق مااعرف ليش ونكلمهم اول مانوصل وناخذه – الغرفه حقتنا زي ماذكرت على الطراز الياباني والارضيه بحصير التاتامي والاسرّه فوتونات – فيه كرسي مساج مجاني الاستخدام عند الاستقبال ويتوفر في الفندق مصعد وصلنا عالساعه 5:30 العصر تقريباً ريحنا شويه وكانت المنطقه حيويه فيها اسواق ومحلات فـ خرجنا نتمشى فيها باقي اليوم لكن ماصارت 6:30 الا اغلب المحلات قفلت فـ رحنا لحديقه قريبه وفيها معبد https://www.arabtrvl.com/up/uploads/...3330247942.jpg https://www.arabtrvl.com/up/uploads/...3330248013.jpg 1 يوليو الخطه كانت نروح لسايتما وندخل غابه توتورو لكــن بسبب التنقل والرحله الطويله كنا لسا تعبانيين فـ اتغيرت الخطه خرجنا الصباح انا وابويا ورحنا لحديقة الحيوان ueno zoo وكنت رايحه عشان الباندا خصيصاً الحديقه تبعد 10 دقايق مشي من الفندق فـ رحنا مشي وكان فيه مطر خفيف الطريق والحديقه كانت زحمة لانه يوم اجازتهم https://www.arabtrvl.com/up/uploads/...3330248084.jpg قبل مدخل الحديقه كان فيه واحد يعمل عروض وقفنا عنده شويه ودخلنا لان المكان مزحوم التذاكر نشتريها بنفسنا عند المدخل ( نسيت اصور شكل الجهاز ) القيمه 600 ين للشخص الواحد https://www.arabtrvl.com/up/uploads/...3330248145.png دخلنا وعلى اليمين على طول الباندا ووقفنا في طابور طوووويل والصدمه انه لمن وصلنا كان موباين https://www.arabtrvl.com/up/uploads/...3330248276.png خرجنا وكملنا على باقي الحديقة فيه محلات متنوعه للتذكارات واغلبها للباندا ( حزنت على الحيوانات الباقيه تقريباً مالهم شيء ) اخذت ايس كريم وكملنا على باقي الحيوانات وكنت ابا اشوف الـred panda برضو ماشفته https://www.arabtrvl.com/up/uploads/...3330248387.png https://www.arabtrvl.com/up/uploads/...0333024858.jpg https://www.arabtrvl.com/up/uploads/...3330248539.jpg https://www.arabtrvl.com/up/uploads/...3331211141.png وقبل مانخرج رجعت وقفت طابور للباندا وابويا طلع برا يستناني وبعد الطابور الطويل لقيته واقف ومعطينا ظهره :(158)::yolks00640: https://www.arabtrvl.com/up/uploads/...3302485710.jpg خرجنا من الحديقه ورجعنا الفندق كانت تقريبا الساعه 3 الظهر , خرجنا على طول انا واخواتي لمنطقه asakusa وابويا قال بيرتاح ومابيجي معانا https://www.arabtrvl.com/up/uploads/...3331211262.jpg في الطريق للفندق لقينا محل يبيع تاكوياكي وأخذنا منه ( وكانت بدايه الادمان على هذا الشيء اللذيذ ) التاكوياكي عباره عن تاكو = اخطبوط داخل عجينه وفوقها يحطو بصل اخضر + صويا + مايونيز + والحاجة البنيه مااعرف اسمها او ايش هيا بس كأنها نوع من الاعشاب البحرية للتنقلات استخدمنا بطايق pasmo مسبقه الدفع وتقدرو تشتروها من المكائن الموجوده في المحطات ومنتشره بكل محطه وحتى عند الشحن ومتاحه اللغه الانجليزيه وفيه بحساب الاخ سعد عن طريق الشراء والشحن وينفع نستخدمها في الدفع لبعض المحلات وكانت مريحه وماكنا نحتاج نعبيها كثير ) ( في محطه القطار بـ ueno كان فيه آله تبين اسم المحطه اللي احنا فيها ونكتب المحطه اللي بنروحلها ويظهر لنا اكثر من خط عالقطار والمسار والاسعار اخترنا اقل مسار وكان مباشر بدون تبديل قطارات وطبعتلنا المسار وكان استخدامها ذاتي ( مالقيتلها صور بس كانت قريبه من مكتب JR وغير كذا مااشفتها بعد كذا وكنا نسأل عن الطريق بنقولهم اسم المحطه اللي نبغاها ويوجهونا او تكون موضحه بخرائط قوقل ) اول ما وصلنا asakusa دخلنا اول مطعم بحري قدامنا نتغدى فيه :yolks00740: https://www.arabtrvl.com/up/uploads/...3331211313.jpg https://www.arabtrvl.com/up/uploads/...3331211354.jpg https://www.arabtrvl.com/up/uploads/...3331211395.jpg روبيان https://www.arabtrvl.com/up/uploads/...3331211456.png قواقع https://www.arabtrvl.com/up/uploads/...3331211617.png اوكونومياكي ( اكله يابانيه عباره عن ملفوف وعليه صويا ومايونيز) https://www.youtube.com/watch?v=dTYu...ature=youtu.be ماافتكر الاجمالي بس بحدود 3000 ين تقريباً حوالي 67 ريال ولما خرجنا كنا جايين عشان نركب العربات اللي تاخذنا في جوله على المكان وقفنا اول واحد وكان يتكلم انجليزي تمام ووضحلنا الاسعار وانه لو كانت عربه لـ 3 اشخاص مع بعض راح تكون بس من الخارج ماتدخل جوا لانها كبيره فـ قررنا ناخذ عربتين وحده لثنتين ووحده حتكون لحالها والمده 15 دقيقه ويوقفلنا قريب من معبد كان راح يصير فيه احتفال القيمه كلها 5000 ين حوالي 169 ريال https://www.arabtrvl.com/up/uploads/...3331211728.jpg https://www.youtube.com/watch?v=hWBj...ature=youtu.be واحنا راكبين كان يورينا الاماكن وقصصها منها محل لتأجير الكيمونو واليوكاتا للسياح وشرحلنا عن برج طوكيو والمعابد المنتشره وكيف انه هذي المنطقه قديمة وبتجمع ثقافات وحكالنا عن السوق المشهور وانه عالاغلب راح يكونو قفلو لكن لازم نزوره https://www.arabtrvl.com/up/uploads/...3331211789.png وقفنا عند هذا المعبد الكبير وكان فيه محلات منتشره واتوقع مؤقته والمسرح فيه ناس بإنتظار العرض من المحلات لقينا وحده تبيع ماتشا (شاي اخضر) مع كيكه بالفاصوليا الحمرا https://www.arabtrvl.com/up/uploads/...3312118910.png خلتنا كلنا نجرب كيف نحركها وبعدها سوتلنا واحد وكان طعمه لذييذ سألناها اذا تبيع منه قالت لا https://www.arabtrvl.com/up/uploads/...3318354410.png https://www.arabtrvl.com/up/uploads/...3331834831.jpg بدأ العرض ومااعرف ايش اسم هذا الفن https://www.youtube.com/watch?v=8O5g...ature=youtu.be https://www.arabtrvl.com/up/uploads/...3331834892.jpg الحلقه هذي كانو يدورو حولينها اكثر من مره بعدها يروحو للمعبد اللي قدام ويصفقو ويرمو عمله ( نوع من انوع العباده بس مااعرف ايش يقصدو فيه ) بعدها بشويه خرجنا لجهه معبد كبير https://www.arabtrvl.com/up/uploads/...3331834953.jpg جربنا نقرأ حظنا وطلع حظ عادي او طبيعي :32: https://www.arabtrvl.com/up/uploads/...3331835014.png خرجنا بعدها لجهه المحلات واغلبها كانت مقفله https://www.arabtrvl.com/up/uploads/...3331835348.jpg https://www.arabtrvl.com/up/uploads/...0333183549.jpg هذا المحل لقينا فيه كيكه الفاصوليا الحمراء واشترينا منه كرتونين هدايا وكانت مدّه صلاحيتها شهر https://www.arabtrvl.com/up/uploads/...3331835135.jpg لقينا محلات قليله مفتوحه دخلناها وعند مخرج السوق لقينا محل يبيع تاياكي وعنده نوعين بالبطاطا الحلوه وبالفاصوليا الحمرا واخذنا حبه من كل نوع ( التاياكي اكله يابانيه عباره عن عجينه بداخلها حشوه ) https://www.arabtrvl.com/up/uploads/...0333183537.jpg https://www.arabtrvl.com/up/uploads/...3331835186.png كانت البطاطا الحلوه الذ من الفاصوليا مع انه الاثنين طعمهم حلو وبكذا انتهى اليوم الثاني لانه المحلات خلاص قفلت تقريبا فـ رجعنا للفندق |
اهلا وسهلا بالاخت بشاير تقرير ناري من بدايته ذكرتي ادق التفاصيل الي تفيد السايح الي يفكر يزور اليابان والحمد الله ان الله كتب لك زياره اليابان والأستمتاع بها الفندق حسيت طرازه قديم شوي ولا !؟ ربما يرجع السبب للمنطقه الي سكنتو فيها الي تعتبر من اقدم مناطق طوكيو في المره القادمه انتبهي للتقييم وبعد المكان عن محطه المترو ايضا في المستقبل خيار الحجز عن طريق Aribnb الخاص بالشقق والبيوت ربما يكون افضل اذا كان عددكم 3 اشخاص فأكثر حديقه الحيوانات اذكر انها لم تعجبني جلست فيها اقل من نص ساعه وطلعت ولكن لأنه كان معنا وقت طويل وجايين للمنطقه من الصباح فقلنا نقضيه بالحديقه التاكوياكي جربته في اوساكا ليس بالسئ ولكن ماعجبني كثير ما اعرف ليش منطقه اساكوسا جميله جدا تحس انه تعيش عالم قبل 300 سنه عربات وكذا :24: منتظرين بقيه التقرير بشغف |
اقتباس:
|
وعليكم السلام ورحمة الله وبركاته بداية موفقة أختـي في التقرير يعطيج العافية على ذكر التفاصيل الجميلة والشكر موصول لأصحاب الحسابات في الانستجرام يعطيهم العافية استغربت إن سفرتكم إلى كوريا قصيرة جداً كانت تستحق على الأقل 5 أيام بالنسبة لحديقة الحيوانات فيها نسبة من الحظ أحيانا تكون الحيوانات قريبة وواضحة وأحياناً تكون نايمة ومختفية منطقة اساكوسا ما أمل منهم ومنطقة ايينو هادية وحلوة جزء جميل ورائع وننتظر المزيد يُثبت |
اقتباس:
|
الله يعطيك العافية تقرير يقدم لنــا كبــاقة جميلة عن اليابـــان تفاصيل هامه جداً لكل من يرغب في زيارة اليابــان متــــابع |
اقتباس:
اتمنى انه المسافرين يستفيدو بإذن الله شاكره ردّك 👍 |
الله يعطيك العافية للأمانة دخلت التقرير علشان اليوم والنص اللي في كوريا😄 ولكن ايضا أتمنى ان في يوم ما أزور اليابان وحاطتها في القائمة وان شاء الله تقريرك بفيدني ومعاك حق بالنسبة للعصيرات الغالية اللي في كوريا الفواكه بالعموم عندهم غالية إِيش السبب (مادري) ولكن تلاقين اسعارها أرخص عند اللي يبيعون على سياراتهم في الأحياء السكنية بالنسبة لليابان أعتقد المعضلة الكبرى هي إختيار الفنادق خصوصا سكن حق عائلة متابعين معك الحلم الذي اصبح حقيقة وياليت تستمرين في ذكر كل التفاصيل وإنطباعك ورأيك عن الأماكن اللي زرتيها وأشكرك على ذكر الحسابات اللي أستفدت منها وأكيد راح يستفيد منها كل اللي يفكر يزور اليابان 👍🏼 |
اقتباس:
|
تقرير احترافي ما شاء الله متشوق للجزء الثاني واتمنا ينزل بأسرع وقت لإننا مسافرين لليابان بعد بكره والحماس وصل لحد الانفجار :24: |
اقتباس:
|
السلام عليكم نكمّل الجزء الثاني ... يوم 3 يوليو عملنا check out وخرجنا لمطار Haneda حتى نروح لـ Sapporo تفاصيل الرحله كالتالي : الذهاب 3 يوليو من مطار haneda الوصول لمطار New Chitose العوده 6 يوليو من مطار New Chitose لمطار Haneda بطوكيو الخطوط SKYMARK اليابانيه وطريقه الحجز وقتها كلمت المسافر فـ بلغوني انه مافي امكانيه لحجز رحلات داخليه دوليه وحجزت عبر موقع opodo السعر للـ 4 اشخاص2621.89 وعموله الموقع 594 : مستقبلاً تقدرو تطّلعو فقط على الرحلات المتاحه في الموقع وتحجزو من موقع الخطوط نفسها وراح يكون ارخص بحيث أنه مافي عموله بالنسبه للرحله كانت بدون شنط فقط حقيبه العمل وكان من موقع opodo خيار انه نضيف سعر لكل راكب حتى يكون معانا شنط مايتعدا وزن الشنطه الوحده 20 كيلو وهذا اللي لازم تنتبهو له وقت الحجز من الطريق لمطار هانيدا https://www.arabtrvl.com/up/uploads/...3778085311.jpg https://www.arabtrvl.com/up/uploads/...3778085412.jpg موقف حصل معانا : لمن كنا بالقطار قابلت يابانيه وكنا نتكلم معاها لمن قربنا من المطار سالتني عن أي terminal راح ننزل ووقتها ماركزت وصرت افتح اوراق الحجز واقولها اسم الخطوط وماهي عارفه كمان ف كان واحد جالس جنبنا كمان الا قال انتو terminal 1 وورانا جواله طلع يبحث معانا من لما اتكلمنا وساكت .. نزلنا ونزل هوا معانا لانه راح يروح لنفس الوجهه بس على خطوط ثانيه ووصّلنا لعند مكان الخطوط حقتنا شكرناه وراح لطريقه والحمدلله اللي انتبهنا باللحظه المناسبه :yolks00660: في المطار كانت الاجراءات سريعه وماطولنا لاتيه ماتشا وحبيت الطعم https://www.arabtrvl.com/up/uploads/...3953297933.jpg https://www.arabtrvl.com/up/uploads/...0395329792.jpg المطار كان فيه طاولات على جنب للي معاهم لابتوبات ومتوفره شواحن ويبغو يشتغلو براحه الطياره ماكان فيها وجبه مناسبه كمان واعتذرو وأخذت دايفوكو بالشمام ( كان وقتها موسمه لانه بكل مكان ) + كتكات وبعد مااتاكدنا من المكونات اكلناها https://www.arabtrvl.com/up/uploads/...3778085473.jpg https://www.arabtrvl.com/up/uploads/...3778085494.jpg أول ماوصلنا hokkido كان مطر :e04b::e04b: ركبنا باص بسعر 1200 ين للشخص الواحد وراح يوقف في سابورو قريب من منطقتنا ( 10 دقايق مشي ) https://www.arabtrvl.com/up/uploads/...3778085555.jpg https://www.arabtrvl.com/up/uploads/...3778085596.jpg https://www.arabtrvl.com/up/uploads/...3778085667.jpg https://www.arabtrvl.com/up/uploads/...7780858510.jpg https://www.arabtrvl.com/up/uploads/...0377808589.jpg https://www.arabtrvl.com/up/uploads/...3778085738.jpg أول ماوصلنا Sapporo رحنا لمحل ramen قريب من فندقنا اسمه halal ramen susukino اول مادخلنا صارو يرحبو فينا واعطونا المنيو الحلال وكانت 4 انوع رامن + جيوزا ( زي المنتو حشوه جوتها لحم وطعمها لذييذ مره ) https://www.arabtrvl.com/up/uploads/...3948283733.jpg https://www.arabtrvl.com/up/uploads/...3948283662.jpg https://www.arabtrvl.com/up/uploads/...0394828361.jpg https://www.arabtrvl.com/up/uploads/...3948283784.jpg اخذنا طبق رامن كبير + 2 جيوزا :e34d: كان الطعم لذييذ لكن الجيوزا سبايسي للي مايحب الاكل الحار https://www.arabtrvl.com/up/uploads/...3948283856.jpg https://www.arabtrvl.com/up/uploads/...3948283815.jpg https://www.arabtrvl.com/up/uploads/...3948283897.jpg كان وقتها الساعه 6 المساء ورحنا للفندق Tmark hotel الفندق فيه موظفين يتكلمو انجليزي ووحده كانت تتكلم معانا شويه عربي ( تقول صحبتها عربية وعلمتها كلمات ) اجمالي السعر لـ 3 ليالي 2956 ريال اجراءات الدخول كانت سريعه والجناح كان عباره عن غرفتين ( غرفه فيها سريرين + غرفه فيها فوتونات + المويا في المغاسل من جبل قريب وصالحه للشرب ) مساحه الغرف في الفندق واسعه والمكان حولينه هادىء جداً يعيب الفندق ان حولينه اماكن مظلمه ومافي انارات ومن وقت ماتغرب الشمس ينتشرو جماعات يدخنو ويجلسو بتجمعات لكن كل واحد في حاله وماشفنا منهم شيء https://www.arabtrvl.com/up/uploads/...3948283968.jpg https://www.arabtrvl.com/up/uploads/...3948284019.jpg https://www.arabtrvl.com/up/uploads/...9482840710.jpg https://www.arabtrvl.com/up/uploads/...3948702941.jpg https://www.arabtrvl.com/up/uploads/...5039487032.jpg بعد ماارتحنا شويه نمنا لانه من الصباح عندنا رحله لـ furano يوم 4 يوليو ( Furano ) كانت الخطه نروح بالقطار ونرجع لكن بعد مارجعت لجدول القطارات آخر قطار يخرج من فورانو 3 الظهر تقريبا كان الخيار الثاني نستأجر سياره لكن بعد البحث في مواقع تأجير السيارات كانت القيمه مايقارب 1500 ريال والطرق السريعه لها رسوم حسب ماقريت ولازم قبل مانرجع السياره نعبي البانزين كامل فـ بدأت اشوف ايش الاماكن اللي نبغا نروحلها وانحصرت في ( مزارع – مصنع الجبن والحليب ) فـ لقيت اختي موقع يعمل نشاطات في اليابان ورحلات سياحيه ولقيت منها رحله تخرج من سابورو لفورانو بالباص مع مرشد سياحي وخط سيرها زي مانبغا وحجزتها من قبل شهر من الرحله ( لانه اوقات مابتكون فيه رحلات متاحه ) هذ الموقع Veltra https://www.veltra.com/en/ ( في هذا الموقع رحلات لعدّه مدن في اليابان ودول اخرى ممكن تستفيدو منه ) اسم الرحله : Highlights of Furano and Biei Full Day Bus Tour from Sapporo والسعر لـ 3 اشخاص 821:56 ريال شامله المواصلات والارشاد السياحي ( كاتبين شامله الغداء ورسلتلهم ايميل استفسر عن نوعيه الاكل واعتذرو انه بالغلط والرحله ماتشمل وجبات بس ماشالوها للآن من موقعهم ) كانت الخطه انه الانطلاق8:50 دقيقه في فندق Hotel mystays premier Sapporo park ونكون موجودين قبل الموعد بـ 10 دقايق اللي صار انه خرجنا من 8:30 من الفندق حقنا والفندق الثاني قريب مايبعد الا 9 دقايق مشي بعد المشي على الجي بي اس الساعه 8:45 اتضّح أنه يخبط وحاولت اتصل عليهم ابلغهم بالتأخير ولو راح يمشو نجدولها على بكرا لان الباص يخرج كل يوم ومارضي الخط يمسك معايا فقلنا بنروح ونكلم نفس الفندق لو عندهم فكره عن مكتبهم السياحي او فيه مندوب للشركه عندهم وكنا نحتاج 15 دقيقه علبال مانوصل واحنا قريب الساعه 8:55 اتصلو عليا وكنت اقولهم اني جايه وممكن نجدولها على بكرا بس اتخيلو انتظرونا لمن وصلنا 9:01 وركبنا الباص :yolks00310: من الطريق https://www.arabtrvl.com/up/uploads/...3948703215.jpg https://www.arabtrvl.com/up/uploads/...3948703266.jpg كيكه بالشمام اخذتها من السوبر ماركت https://www.arabtrvl.com/up/uploads/...3948703053.jpg https://www.arabtrvl.com/up/uploads/...3953017917.jpg خطه السير زي ماهي موضحّه https://www.arabtrvl.com/up/uploads/...3948703144.jpg في البدايه وقفنا عند سوبر ماركت كبير وكان معانا 20 دقيقه واسمه Sunagawa Hignway Oasis https://www.arabtrvl.com/up/uploads/...3948703510.jpg اشتريت علبه تشيز كيك والمكونات كلها من فورانو زي مابلغتني الموظفه وحبيت طعمه وسالتها عن صلاحيه العلبه وطلع شهر السوبر ماركت كبيير جداً وفيه قسم لمنتجات الحليب والفواكه كلها من محاصيل المزارع القريبه https://www.arabtrvl.com/up/uploads/...3948703348.jpg قسم للنباتات https://www.arabtrvl.com/up/uploads/...0394870337.jpg https://www.arabtrvl.com/up/uploads/...3949521747.jpg https://www.arabtrvl.com/up/uploads/...3948703429.jpg قسم للتذكارات والهدايا واعتقد أن هذي شخصيه المدينه ( في اليابان كل محافظه تقريبا او مدينه تكون معروفه بشخصيه خاصّه فيها وترمز لها ) https://www.arabtrvl.com/up/uploads/...3949521574.jpg https://www.arabtrvl.com/up/uploads/...3949521716.jpg أول ماوصلنا فورانو اتوجهنا لاول مزرعه وكان الوقت المسموح فيها 70 دقيقه واسمها Shikisai no Oka https://www.arabtrvl.com/up/uploads/...3949521645.jpg https://www.arabtrvl.com/up/uploads/...3949521421.jpg https://www.arabtrvl.com/up/uploads/...3949521482.jpg كانت المزرعه اقل ازدحام واول ماندخل المحلات منتشره عاليمين واليسار وبعدها حقول فقط بعد مامشينا نص ساعه تقريبا رجعنا نتسوق من المحلات كانو يبيعو ذره من انتاجهم وكانت ألذ ذره ذقتها فعلا طعمها غييير وندمت انه مااخذت ثانيه لانه اتوقعت الاقي في المزرعه الثانيه بس طلع مافي https://www.arabtrvl.com/up/uploads/...3949521543.jpg هذا محل الذرة كان وقتها موسم اللافيندر فأخذنا صابون باللافيندر برضو من انتاجهم + كوكيز + كيك اسفنجي وكلها لذيذه فعلا كان عند البوابه مكان مخصص للدبابات وكل لفه 15 دقيقه + اطعام حيوانات اللاما ولضيق الوقت ماقدرنا نجرب منهم شيء https://www.arabtrvl.com/up/uploads/...3949521818.jpg https://www.arabtrvl.com/up/uploads/...3949521849.jpg https://www.arabtrvl.com/up/uploads/...9495219110.jpg https://www.arabtrvl.com/up/uploads/...3951914283.jpg بعدها خرجنا بالاتجاه للمزرعه الثانيه Farm Tomita واللي كانت اكثر شهره بين الناس وازدحامها شدييد جداً والمزرعه حجمها اكبر والمحلات منتشره بكل جهه عكس المزرعه السابقه وكان الوقت المسموح فيها 80 دقيقه اول مادخلتها جذبني ايسكريم باللافيندر واخذت منه ومره طعمه جميييل https://www.arabtrvl.com/up/uploads/...0395000422.jpg https://www.arabtrvl.com/up/uploads/...3950004324.jpg https://www.arabtrvl.com/up/uploads/...3950004273.jpg وكان جنبه محل كل اشياءه لافيندر ( صوابين – كريمات – فواحات – عطور – حتى مناديل واوراق ودفاتر برسمات لافيندر ... الخ ) آخذنا عطرين واحد مركز وواحد خفيف وبعدها كملنا على الحقول والمحلات وفيه محل حلويات آخذنا منه بودينع ونوع حلى مااعرف اسمه كانو يبيعو تذكارات – منحوتات – شتلات لنباتات متنوعه – غير المحاصيل من رز – شمام – طماطم – اجبان واتمنيت لو نقدر نشتري منها بس صارت الاكياس كثيره وماراح نقدر نشيلها كلّها https://www.arabtrvl.com/up/uploads/...3950004395.jpg https://www.arabtrvl.com/up/uploads/...3950004416.jpg https://www.arabtrvl.com/up/uploads/...3950004467.jpg https://www.arabtrvl.com/up/uploads/...0395000411.jpg يبيعو شمّام عالي الجوده وينباع في صناديق خاصه وواحد صغير بعد ماحولت العمله طلعت قيمته 20 الف ريال !!! ( الفواكه مُتعارف عندهم انهم يهدوها وتوصل لمبالغ عالية ويحطوها في صناديق فاخره جداً ) https://www.arabtrvl.com/up/uploads/...9500046310.jpg https://www.arabtrvl.com/up/uploads/...3950004579.jpg https://www.arabtrvl.com/up/uploads/...3950004518.jpg من الطريق بعدها اتوجهنا لمصنع الجبن Furano Cheese Factory 30 دقيقه https://www.arabtrvl.com/up/uploads/...3951589151.jpg وأعطونا وقتها ايس كريم حجم عادي مجاناً لكل شخص أول ماندخل المصنع نشوفهم وهما يصنعو الجبن وفيه درج فوق يبيعو المنتجات وفيه عينات للتجربه + كمان يبيعو معدّات صناعه الجبن + اواني واكواب وعلى الجهه الثانيه حاطين صور ومعلومات عن المكان وكيف أول مابدأو صناعتها https://www.arabtrvl.com/up/uploads/...3951589242.jpg https://www.arabtrvl.com/up/uploads/...3951589273.jpg https://www.arabtrvl.com/up/uploads/...3951589344.jpg https://www.arabtrvl.com/up/uploads/...0395158945.jpg https://www.arabtrvl.com/up/uploads/...3951589476.jpg جبنه بحبر اسود مااعرف ايش هوا بس مااستسغنا الطعم مره كان حامض ومر في نفس الوقت النوع الثاني من الجبنه كان مالح بزياده https://www.arabtrvl.com/up/uploads/...3951589527.jpg اخذنا حليب وخرجنا نآخذ الايسكريم كان جنبه محل بيتزا وشكله مشهي مره بس لما رحنا اعتذر وكان يقفل من 4 ووقتها كانت 4:30 دخلنا محل الايسكريم واخذنا 2 واحد بالشمام وواحد بالحليب وحبيت الشمام اكثر https://www.arabtrvl.com/up/uploads/...3951589578.jpg https://www.arabtrvl.com/up/uploads/...0395158969.jpg بعدها خلاص راح نرجع لـ Sapporo آخر 15 دقيقه وقفنا فيها كانت عند مكان جنّه الله في ارضه ( مساحات شاسعه باللون الاخضر وحديقه كلها ورود وفيها نباتات وكان شكلها خرافي والجو كان بارد ) دخلنا السوبر ماركت وأخذنا مويا لانه مانحتاج شيء ثاني وبعدها اتمشينا في الحديقه لما انتهى الوقت https://www.arabtrvl.com/up/uploads/...9515896310.jpg https://www.arabtrvl.com/up/uploads/...3951914151.jpg https://www.arabtrvl.com/up/uploads/...3951914222.jpg رجعنا تقريبا 7 او 8 المساء ماافتكر بس كانت رحله مره جميله والمرشده يابانيه وتتكلم شويه انجليزي وكانت الرحله مريحه من ناحيه التنقلات وحتى لمن كنا بالباص لاحظت انه مافي باصات تتحرك كثير فااعتقد انه التنقلات بين الاماكن راح تكون صعبه او جدول الباصات راح يتحرك مرات محدده باليوم لما وصلنا سألنا الفندق عن اقرب محل فيه غسالات بالعملات لان وقتها الفندق ماكان فيه خدمه الغسيل والتجفيف ووضحولنا اقرب محل يبعد 5 دقايق مشي بس لما رحنا له كان سعره جداً مختلف عن اللي بطوكيو غسيل وتجفيف بـ 1000 ين أو 800 ين حسب نوع الغساله وكانت هيا المتاحه وأخذنااها ورحنا نتمشى علبال ماتنتهي وبكذا انتهى اليوم https://www.arabtrvl.com/up/uploads/...3951914334.jpg يوم 5 يوليو رحنا لمركز تسوق Tanukikoji وقضينا فيه اليوم كامل https://www.arabtrvl.com/up/uploads/...3951914365.jpg https://www.arabtrvl.com/up/uploads/...9519146210.jpg https://www.arabtrvl.com/up/uploads/...3953017733.jpg هذا المطعم اللي اتغدينا فيه https://www.arabtrvl.com/up/uploads/...3951914436.jpg https://www.arabtrvl.com/up/uploads/...3951914487.jpg https://www.arabtrvl.com/up/uploads/...3951914538.jpg https://www.arabtrvl.com/up/uploads/...3951914579.jpg صورت كل شيء ماعدا الاطباق ( كانت ذرة مشويه – اخطبوط – سمكه مشويه ) الساعه 5 قررو يرجعو كلهم وانا لسا كان فيني طاقه فـ استأجرت دراجه من porocle ورحت لحديقه Odori park وجلست ساعتين ورجعتها لهم طريقه الحجز انه تروحو لمكتبهم وكان قريب من مركز التسوق 6 دقايق مشي وتعبّو استماره ويكون معاكم جواز السفر والعمر فوق 18 بعدها يعطوكم بطاقه تقدرو تستخدمو فيها الدراجه لمدّه يوم أو نص يوم حسب اختياركم وآخر موعد ترجعوها 9 المساء ولهم أكثر من موقع في سابورو وتقدرو ترجعو الدراجه في أي موقف لهم قريب منكم مو شرط نفس اللي اخذتو منه الدراجه ووقتها اخذت حق نص يوم بقيمة 19 ريال تقريباً طريقتها انكم تمررو البطاقه عند الدراجه اللي اخترتوها وتطلع ووقت ماترجعوها نفس الشيء تحطو الدراجه أول وبعدها البطاقه وتتثبت وجنب المواقف فيه صندوق صغير ترجعو فيه البطاقه وكمان يعطوكم بروشورات عن طريقتها وموضّحه بالصور https://www.arabtrvl.com/up/uploads/...3953017682.jpg https://www.arabtrvl.com/up/uploads/...3953017611.jpg https://www.arabtrvl.com/up/uploads/...3953017774.jpg https://www.arabtrvl.com/up/uploads/...3953017825.jpg https://www.arabtrvl.com/up/uploads/...3953017856.jpg بعد اللف الطويل حسيت بجوع ورحت ادور أكل وكان فيه كافي حفظت اسمه في خريطه قوقل قريب من موقعي لكن لما بديت اروح لاحظت الطريق ظلام وبديت أدخل من دخلات مافيها ناس كثير والمكان مايريّح وناس تدخن ولأني لوحدي رجعت ورحت لمحل الرامن اللي قبل وطلبت جيوزا وفالاخير رجعت للفندق https://www.arabtrvl.com/up/uploads/...3953017979.jpg https://www.arabtrvl.com/up/uploads/...9530180310.jpg الفندق فيه مكائن لبيع الايسكريم والمشروبات يوم 6 يوليو عملنا check out ورحنا بإتجاه موقف الباص عشان نروح للمطار ومن هنا بدينا نحس بالتعب لان الشنط بدأت تثقل وتتعبى لما قربنا من المكان بدأت الخريطه تخبّط ( وهذي صارت لنا بشكل متكرر اكثر من مره بحيث أنه المؤشر يعلّق ويبدا يلفلف فكل اتجاه ودخلنا محل كأنه لصناعه الكيمونو أو تأجيرها ) وسالناهم وخرجت وحده معانا تورينا الطريق وكان على بعد شارعين وراحت معانا ووصلتنا الين الموقف تبع الباص :(114): https://www.arabtrvl.com/up/uploads/...3953297851.jpg فالاخير وصلنا للموقف وجاء الباص ودانا للمطار ومنها لمطار haneda وكان الوقت عصر في طوكيو وحأكمل الباقي في وقت ثاني بإذن الله .. |
وعليكم السلام أختـي جزء رائع واستفدت منه وعرفت أماكن ما زرتها من قبل خصوصاً مصنع الجبن شكله ممتع وإن شاء الله لي زيارة له بالمستقبل https://www.arabtrvl.com/up/uploads/...3948283815.jpg مطعم الرامن هذا خرافي تمنيته يكون بمنطقة قريبة نفس طوكيو أو أوساكا لكن للأسف موجود بـ سابورو البعيدة وبالنسبة للمزرعتين أي وحدة فيهم كانت الأفضل ؟ ويعطيج العافية أختـي على التقرير الجميل متابع |
اقتباس:
مصنع الجبن راح تنبسط فيه خصوصاً لو جيت وقت ابكر حتى تجرب البيتزا اللي من صنعهم شكلها كان شهي جداً 😍 المزارع كلها انصح بزيارتها الاولى هادئة وتقدر تتأمل الحقول وتتمشى براحة ومافيها ازدحام كثير ويعيبها قل المنتجات اللي يبيعوها لكن المزرعه الثانيه المحلات اللي فيها متنوعه وتقدر تشتري كثير من منتجات المزرعه لكن يعيبها الازدحام حتى وقت مابتدخل للحقول تضطر اوقات تنتظر حتى تعدّي وبنظري ماتقدر تتمشى براحه ولازم تمشي سريع عشان اللي وراك يلحق يشوف بس مااعرف لو اوقات بتكون فاضيه لكن واضح انها شعبيه حتى الباصات فيها كانت اكثر من اللي قبلها👍 |
ماشاءالله باين عليك زايره اليابان من قبل و عارفه كل شي فيها اول مره اعرف بهذي المناطق الي زرتيها. متابع..... |
اقتباس:
اهليين، حقيقةً هذي زيارتي الاولى لليابان وبإذن الله تكون مقدمة للزيارات الجايه الاماكن السياحية اغلبها استفدت من تقارير ومشاركات اللي ذكرتهم في بداية التقرير وغيرهم الكثير من اللي ما اسعفتني الذاكرة بتذكرهم ولهم جزيل الشكر على مجهوداتهم لتسهيل رحلتنا وغيرنا الكثير 👍✨ شكراً لمتابعتك وبإذن الله تستفيد.. |
الله عليك ... الله عليك ... يابشاير من البداية ( الجزأين ) استشعرته تقريراً سيُخلَّد بالذاكرة .. كُتِبَ باحترافية .. التفاصيل هي من تضفي على التقرير جمالاً وقوةً .. بوركت يمينك .. وما تثبيته إلا دليلاً .. استمري على هذا النهج .. وثقي بأن التعب آخره ثمرات تستحق .. دوماً هنا بانتظار إطلالةٌ جديدة .. |
اقتباس:
اهلييين.. شكراً لردك اللي مرة فرحني 😍 ،، وسعيدة بإنه التقرير نال على استحسانك وبإذن الله يستفيدو المسافرين منه 🌸 |
اقتباس:
لا تنسي تثري البوابه بحاجه عن أي معلومه عن اليابان والسكن كذلك |
وعليكم السلام ورحمة الله وبركاته حلو ذكر تجربتك مع المسافر للأسف البعض لما تدفع ينساك الحمدلله لحقتو علي رحله دبي زين بما أنه يوم ونص ليش أخذتي المودم حق 3 أيام هل هي أقل مده ما قريتي في بوكينق ان التوصيل مجانا للفندق من المطار جميل هالفندق كل شيء مجانا مويه توصيل ما شاء لله خدمه جميله من الفندق حقيقه والحمدلله وصلت الشنط جميل تعاملهم بالطائره بخصوص الوجبه 1090 ريال للمودم ألا ترين أنه كثير المبلغ هل لا يوجد شريحه بيانات مفتوحه ايام الاجازه للدوله السائح يتضايق حقيقه بسبب كثافة تواجدهم بالأماكن السياحيه غالبا سعر الأكل البحري رخيص كذلك سعر القطار اغلاق المحلات بدري كان مغلق لكم أم لا جميل تجربه العربه جميل خدمة الشعب حقيقه الانتباه جميل لأي مبني انواع الشاي غريبه اتذكر دائما تقارير البرنس الاماكن المظلمه عند الفندق لو ما كان يعملوا شيء احسه موحش للعائله او المسافر بمفرده غريبه كاتبين شامله الأكل وأعتذروا ولا شالوها انتظارهم لكم حقيقه محل تقدير مبلغ عالي مره للفواكه أحس الوقت للرحله ما كفاكم سريع سريع جميل والله تجربي الدراجه ما شاء الله عليك بشاير جميل ما كتبتي متابعين بشغف |
اقتباس:
|
تقرير ممتع تسلم ايدينك والله ابدعت في كل شي ومتأكد بيستمر هالتميز بالاجزاء القادمه أرسلت من SM-G925I بإستخدام تاباتلك |
اقتباس:
|
وعليكم السلام ورحمة الله وبركاته بداية موفقة ورائعة من المبدعة بشاير [emoji7] [emoji7] متااابع وياااك كامل تفاصيل رحلتك الشيقة [emoji106] [emoji106] شكرا لك بحجم السماء تم الإرسال من SM-G900F باستخدام Tapatalk |
اقتباس:
|
وعليكم السلام ورحمة الله وبركاته يعطيك العافية اختي بشاير التقرير من بدايته واضح راح يكون مميز ومرجع للي بيسافرون لليابان :e143: وحسافه وقت كوريا لو كان اطول شوي انا افكر لو نزور اليابان اضيف معها كوريا ونقسم الايام ببنها لان الدولين احب ثقافتهم ❤️ وكيف طعم الايسكريم والنكهات هناك لذيذه ؟ انا اتابع مهاوي تشان من زمان ولاحظت كل مره تصور نكهه غريبه :e43f: ننتظر باقي التقرير :e32e: |
اقتباس:
هيا كوريا كذا جات ولا ماكانت في الخطه👽 خططي لها وروحي راح تنبسطي اكييد بإذن الله ✨✨ الايسكريم حبيت النكهات اللي جربتها وفيه انواع كثيرة شكلها يشهي مرره😍 شكراٍ لردك ..❤ |
نكمّل يوم 6 يوليو وصلنا طوكيو وقت العصر وخرجنا مباشرةً من مطار هانيدا لمنطقة akasaka واللي فيها شقتنا اول ماوصلنا للمحطه القريبه akasaka–mitsuke وشفنا الطريق للشقه فيه طلوع عالي ومع الشنط فـ ركبنا تاكسي للمره الاولى https://www.arabtrvl.com/up/uploads/...5472189298.jpg https://www.arabtrvl.com/up/uploads/...5472188921.jpg المسافه من المحطه للشقه 7 دقايق بس وبالتاكسي قريب 4 دقايق وأخذ 510 ين تقريباً اسم الشقه Tokyo petty bourgeois taste ff18 وسعرها للـ 4 ايام بـ 2042 الشقه لما حجزتها من موقع booking كانت قيمتها غير مسترده وهيا الوحيده اللي دفعناها قبل مانروح وقت الحجز ارسلولي رساله انه عندهم مشكله بسحب المبلغ من بطاقتي الائتمانيه وطلبو ادفعها عن طريق الـ paypal وكلمت booking للتأكيد وبعد ماأكدولي دفعتها لانهم كانو يرسلو ايميل بإسم شركتهم فـ بعد مادفعت وقبل لانسافر بأسبوعين تقريباً سحبو المبلغ من بطاقتي مره ثانيه ! رسلت ايميلات في المطار وقبلها بس ماكان يجيني رد ويطلبو صوره من حسابي البنكي وبعد ماارسل مايردو نهائياً فـ تركت الموضوع لما رجعنا جده واتصلت على خدمه العملاء بـ BOOKING مرتين تقريباً بعدها رجعوا المبلغ ( يقولو انه اول ما رجعو السحب بالبطائق الائتمانيه انسحب المبلغ تلقائي لانه ماتسجل بالموقع انه تم الدفع ) بعد الدفع رسلولي ملف PDF عن طريقه الوصول بالصور من المحطه وفين الاقي المفتاح والرمز السري لانه ماراح يكون فيه أي احد وقتها حتى وقت الخروج نرجع المفتاح مكانه الغرض من اختيار الشقه انه نجرب البيوت اليابانيه الحديثه كيف وكمان يكون لنا استقلاليه شويه , التجربه كانت حلوه لانه الشقه بمجمع شقق سكني وفعلاً بعيده عن الفنادق و داخل حيّ فيه بس يابانين – الشوارع ضيقه في الطريق وبعضها كان مظلم وقريب من الشقه فيه حديقه صغيره .. كان صعب اننا نلاقي الشقه اول ماوصلنا لانها بين عمارتين سكنيه وسالنا شخص قال مايعرف وسالنا شخص ثاني وصلنا لها وكان يقول انه هوا المالك او انه شخص ساكن فيها .. https://www.arabtrvl.com/up/uploads/...5471933381.jpg https://www.arabtrvl.com/up/uploads/...4719339210.jpg https://www.arabtrvl.com/up/uploads/...5471933644.jpg https://www.arabtrvl.com/up/uploads/...5472189155.jpg https://www.arabtrvl.com/up/uploads/...5471933573.jpg https://www.arabtrvl.com/up/uploads/...5471933512.jpg https://www.arabtrvl.com/up/uploads/...5471933685.jpg https://www.arabtrvl.com/up/uploads/...5471933716.jpg https://www.arabtrvl.com/up/uploads/...5471933818.jpg https://www.arabtrvl.com/up/uploads/...5472188942.jpg https://www.arabtrvl.com/up/uploads/...5472189176.jpg https://www.arabtrvl.com/up/uploads/...5472189247.jpg https://www.arabtrvl.com/up/uploads/...5472189013.jpg https://www.arabtrvl.com/up/uploads/...5472189084.jpg ( الايام اللي بعدها كنا نروح لمحطه akatsuke واللي كانت اقرب بـ دقيقتين تقريباً من المحطه اللي ذكرولنا اياها بالملف ) الشقه ماكان فيها تنظيف يومي الا عند الطلب فـ لو تبغو تكلموهم حتى يجو ينظفو .. بعد ماجلسنا شويه خرجنا لمنطقة Roppongi واللي كانت قريبه مره https://www.arabtrvl.com/up/uploads/...5472189349.jpg https://www.arabtrvl.com/up/uploads/...5472189410.jpg https://www.arabtrvl.com/up/uploads/...5054726281.jpg https://www.arabtrvl.com/up/uploads/...5472628062.jpg https://www.arabtrvl.com/up/uploads/...5472628184.jpg https://www.arabtrvl.com/up/uploads/...5472628245.jpg أول شيء اكلنا تاكوياكي بعدها كنت جايه خصيصاً لكافي القنافذ hedgeho café وكان مكتوب في صفحتهم يقفل 9 المساء https://www.arabtrvl.com/up/uploads/...5472628133.jpg وصلت 8 وشويه والمكان ماكان واضحً جداً وكنت اسال المحلات القريبه يقولو مانعرف لما لقيته في زاويه ولما طلعت اعتذروا انه مقفل !! حقدت عليهم لاني جايه عشانه وقلتلهم مكتوب 9 ووريتهم موقعهم كانو يعتذرو واعتقد انه 9 بس في الـ weekend فـ خلاص جلست بالمنطقه شويه ورجعنا للشقه لانه اليوم اللي بعده راح يكون طويل https://www.arabtrvl.com/up/uploads/...5472628377.jpg https://www.arabtrvl.com/up/uploads/...5472628316.jpg يوم 7 يوليو ( يوم المزرعه mother farm ) هذا اليوم كنا متحمسين له مره لانه المزرعه تسمح بلمس الحيوانات والتصوير معاها وكانت بمنطقه chaiba فـ حسيت انه لازم يكون معانا مرشده أولاً لانه المكان بعيد – المزرعه تفتح من 9 لـ 5 والباص اللي بيودي لها آخر وقت يخرج من المزرعه لمحطه القطار الساعه 4:22 تقريباً بحسب آخر جدول شفته موقع المزرعه واللي فيه معلومات عنها : Mother Farm اتواصلت مع sora اللي ذكرت حسابها في بدايه التقرير لانها كانت حاطه بحسابها في الانستقرام انه صحبتها يابانيه وتعرف انجليزي وكمان مهتمّه بالعربي ولما وضحتلّها مكان السكن واليوم اللي حابين نروح فيه ومتى نرجع قالت راح تسألها ما مرّ يوم الا واكدتلي انها متفرغه في هذا اليوم غير كذا كان فيه تقرير لاخت بمنتدى ثاني وذكرت مرشدتها واسمها سايا لما كلمتها ردّت عليا واعتذرت انه وقتها بتكون خارج اليابان وكنت ابا اقارن بينهم واقرر لكن الحمدلله انبسطنا مع مرشدتنا واسمها ايري يوم 7 يوليو كلمتني 6 الصباح وانها جايه بالطريق 6:30 كانت عندنا قالت انها حطّت في بالها نروح للقطار الثاني لانه علبالها بنتأخر ( شكلهم بلغوها ان الاغلب مايلتزم بالوقت ) رحنا بالقطار لما منطقة تشيبا بعدها انتظرنا الباص مايقارب 15 دقيقة https://www.arabtrvl.com/up/uploads/...5472870721.jpg المسافه من محطه القطار للمزرعه بالباص تقريبا 20 - 25 دقيقة ماافتكر ( الباص مجاني من نفس المزرعه وله موقف موضّح فيه انه اللي يروح للمزرعه وبتعرفو الباص لانه مكتوب اسم المزرعه وفيه صور للحيوانات من برا ) https://www.arabtrvl.com/up/uploads/...5472870792.jpg https://www.arabtrvl.com/up/uploads/...5472870833.jpg https://www.arabtrvl.com/up/uploads/...5472870874.jpg https://www.arabtrvl.com/up/uploads/...5472870925.jpg تذاكر الدخول وكانت تكلف 1500 ين للشخص ( 800 ين للاطفال ) لو تحبو تشتروها من السوبر ماركتات واللي منتشره بكل مكان Lawson – 7 eleven – FamilyMart راح تكون بـ 1350 ين للبالغين – 700 ين للاطفال كنت حاطه ببالي اشتريها من المحلات هذي بس مره نسيت وراح عن بالي https://www.arabtrvl.com/up/uploads/...5472871128.jpg https://www.arabtrvl.com/up/uploads/...5472871047.jpg https://www.arabtrvl.com/up/uploads/...5472870986.jpg https://www.arabtrvl.com/up/uploads/...4728712410.jpg دخلنا أول مطعم قدامنا ووقتها كانت 9:30 كانت المحلات دوبها تفتح وماكان فيه ناس كثير بالبدايه ساندويتش جبن وطلبنا منهم يشيلو الدجاج والصوص وايري اتاكدت من المكونات https://www.arabtrvl.com/up/uploads/...5472871189.jpg https://www.arabtrvl.com/up/uploads/...5473209031.jpg المزرعه مره كبيره ولها خريطه توضّح اماكن الحيوانات ( لاما – اغنام – ارانب – بط – كلاب – وغيرها ) https://www.arabtrvl.com/up/uploads/...5488713142.jpg https://www.arabtrvl.com/up/uploads/...5486620695.jpg https://www.arabtrvl.com/up/uploads/...5486620797.jpg https://www.arabtrvl.com/up/uploads/...5473693464.jpg https://www.arabtrvl.com/up/uploads/...5473693515.jpg https://www.arabtrvl.com/up/uploads/...5473693392.jpg https://www.arabtrvl.com/up/uploads/...5473693423.jpg قسم لقطف الفواكه ( فراوله – توت .. واللي وقتها كانت مقفله ) قسم ممرات ومعابد وممكن تمشو او تأخذو لفه بسيارات تخرج كل فتره ولها مسارات واماكن محدده تختارو اللي يناسبكم https://www.arabtrvl.com/up/uploads/...5473209235.jpg https://www.arabtrvl.com/up/uploads/...5473209296.jpg https://www.arabtrvl.com/up/uploads/...5473209357.jpg https://www.arabtrvl.com/up/uploads/...5473209398.jpg https://www.arabtrvl.com/up/uploads/...5473209469.jpg https://www.arabtrvl.com/up/uploads/...4732095210.jpg https://www.arabtrvl.com/up/uploads/...5473693331.jpg بعد مااتمشينا لقينا عرض ( وكان وقتها مليان بطلاب وطالبات وشكله كان عندهم رحلة مدرسية ) https://www.arabtrvl.com/up/uploads/...5473209092.jpg https://www.arabtrvl.com/up/uploads/...5473209153.jpg https://www.arabtrvl.com/up/uploads/...5486620461.jpg المتاجر والمحلات منتشره على طول المزرعه https://www.arabtrvl.com/up/uploads/...5473693556.jpg https://www.arabtrvl.com/up/uploads/...5473693577.jpg https://www.arabtrvl.com/up/uploads/...0547369368.jpg كانت مرشدتنا مرحه مره وكنت اسالها عن اشياء عندهم لو صحيحه وهيا تسالني كمان https://www.arabtrvl.com/up/uploads/...5473693659.jpg https://www.arabtrvl.com/up/uploads/...4736936710.jpg هيا مهتمه باللغه العربيه وتحاول تتعلمها وتعرف انجليزي مره استمتعت معاها وماندمت انه كلمتها لانه كمان استفسرت منها عن محلات واماكن للايام الجايه وساعدتنا كثير بالنسبه لرسوم الارشاد كانت 300 دولار لليوم كامل + المواصلات ( عند تحويل العملات من دولار للين كان باقيلها حوالي 2000 او 3000 ين ورفضت تأخذهم وقالت يكفيها المبلغ + انه وقت الارشاد عادةً من 9 – 5 فقط لكنها كانت معانا من 6:30 حتى 5:30 او 6 المساء ! ) https://www.arabtrvl.com/up/uploads/...0547427411.jpg سناك في الطريق ( اونيقري بالبيض والكاتشب :e342: ) – الاونيقري هي كرات الرز اليابانيه ويحشوها بحشوات مختلفه تونه – سمك – بيض ... بعد مارجعنا في الطريق رحنا لشيبويا وراحت معانا لما وصلتنا لمول كان فيه محل one piece وودعناها وكملنّا https://www.arabtrvl.com/up/uploads/...5486620542.jpg https://www.arabtrvl.com/up/uploads/...5486620573.jpg https://www.arabtrvl.com/up/uploads/...5474274152.jpg https://www.arabtrvl.com/up/uploads/...0547427423.jpg https://www.arabtrvl.com/up/uploads/...5474274275.jpg https://www.arabtrvl.com/up/uploads/...5474274244.jpg رحنا للمحل وبعدها كم محل قريب واختتمناها بعشاء في مطعم بمول 109 يبيع باستا اسمه pasta& sweet chiric di Napoli وريتهم البطاقه وورونا الاكل المناسب ( طلبنا وحده بصوص ابيض ووحده بالطماطم ) بعدها بفتره جاء صاحب المحل يعتذر وبلغنا ان اللي بصوص الطماطم ماتناسبنا وطلبنا نوع ثاني بالروبيان https://www.arabtrvl.com/up/uploads/...0547427436.jpg https://www.arabtrvl.com/up/uploads/...5474274337.jpg https://www.arabtrvl.com/up/uploads/...5474274358.jpg https://www.arabtrvl.com/up/uploads/...5474274389.jpg في النهايه رجعنا للبيت يوم 8 يوليو خرجنا لشيبويا وهاراجكو وقضينا فيها اليوم كامل https://www.arabtrvl.com/up/uploads/...5474647961.jpg محل تاكوياكي بدايه شيبويا https://www.arabtrvl.com/up/uploads/...5474648032.jpg https://www.arabtrvl.com/up/uploads/...474648053.jpeg https://www.arabtrvl.com/up/uploads/...474648074.jpeg https://www.arabtrvl.com/up/uploads/...0547464815.jpg https://www.arabtrvl.com/up/uploads/...5474648156.jpg https://www.arabtrvl.com/up/uploads/...0547464827.jpg https://www.arabtrvl.com/up/uploads/...5474648238.jpg محل الكريب هذا بكل مكان في هاراجكو واخذت منه كريب بالفراوله والشوكولاته مع الكريمة وكان لذييذ https://www.arabtrvl.com/up/uploads/...4746483110.jpg https://www.arabtrvl.com/up/uploads/...5474648269.jpg اتغدينّا من محل شاورما بدايه شارع هاراجكو وكان سعر الساندويتش 500 ين دخلت محل البوكيمون كمان واشتريت منهم ونسيت جوالي رجعتلهم بعد دقايق واخذته وكان في نفس مكانه الحمدلله :yolks00360: https://www.arabtrvl.com/up/uploads/...5477981598.jpg https://www.arabtrvl.com/up/uploads/...5477981619.jpg يوم 9 يوليو كان لمنطقه (akihabara ) اول ماوصلنا دخلنا محل shooting range target-1 وكانو يتكلمّو انجليزي بعد مااخترنا الاسلحه تبعنا ( عندهم نوعين هوائي ورصاص ) وجاء معانا الموظف بالبدايه وشرحلنا كيف نعبّي الرصاص واعطونا نظارات واقيه https://www.arabtrvl.com/up/uploads/...5486620746.jpg https://www.arabtrvl.com/up/uploads/...5486620838.jpg https://www.arabtrvl.com/up/uploads/...5486620889.jpg https://www.arabtrvl.com/up/uploads/...5477981547.jpg بعدها اعطانا الذخيره ومؤقت بـ 10 دقايق فقط وبعدها ينتهي الوقت قيمتها اعتقد 1000 أو 1500 ين للشخص بعدها عدّينا على اكثر من محل يختّص بالانمي زي animate وهو عباره عن طوابق يبيعو فيها مانجا ( قصص مصوره ) – سيديهات وحلقات للانميات – كتب ومجلات – ادوات رسم – تعليقات شنط ومداليات وغيرها الكثير https://www.arabtrvl.com/up/uploads/...5477981395.jpg https://www.arabtrvl.com/up/uploads/...5477981446.jpg الغداء كان بيتزا وباستا من مطعم ايطالي ماصورت اسمه بس كان في زاويه وطلبنا باستا بالروبيان وبيتزا بالجبن والريحان وجابو معاها طبق شوربه وسلطه https://www.arabtrvl.com/up/uploads/...0547798121.jpg https://www.arabtrvl.com/up/uploads/...0547855532.jpg https://www.arabtrvl.com/up/uploads/...5478555383.jpg https://www.arabtrvl.com/up/uploads/...5477981273.jpg https://www.arabtrvl.com/up/uploads/...5477981232.jpg https://www.arabtrvl.com/up/uploads/...5477981324.jpg https://www.arabtrvl.com/up/uploads/...5486620644.jpg ايس كريم بنكهه الشاي الاخضر بعد ماخلصنا كنا متوجهين لحديقه yoyogi park وبعد مانزلت من المحطه افتكرت كيس صغير كان معايا فيه نظارات اشتريتها وماهو موجود وماافتكر متى آخر مرة كان معايا وماكان سعرها رخيص كمان ! انفصلت عنهم ورحت سألت موظفين القطار ورسمت لهم شكل الكيس واسم المحل واتأكدو انه ماهو موجود بالقطار ورجعت لمنطقه اكيهابرا دخلت المطعم – محل الايسكريم – المحل تبع الفيقرات ( مجسمات الانمي ) – والمحلات اللي جلسنا فيها وكلهم قالو ماشافوه – فيه مجمّع دخلته وشكيت انه ممكن يكون موجود فيه ودورت عليه لاكثر من ربع ساعه ومالقيت المحل بعدها رجعت لنفس المحل وقلتلهم اني ضيعتها ومااعرف لو احد جاء ووصلّهم اياها بعد مابحثو قالو لا وطلبو معلوماتي في حال احد جابلهم الكيس يتصّلو واستلمه منهم اعطيتهم ايميلي ورقم المرشده وكلمتها وحكيتها عن الوضع ووافقت بعدها ابويا صار يتصل ويقولي ارجع لانها صارت 10 وماانتبهت وقال ماله داعي نروح للشرطه لانه بكرا بنخرج من طوكيو وممكن اطّول عندهم علبال مااقدّم البلاغ مره زعلت عليها لانها كانت غاليه ومارضيت اخذ نفسها وجلست كم يوم بعدها مكتئبه وافكّر فيها ... :yolks00640::yolks00350: هنا كان آخر يوم لنا بطوكيو وبعد مارجعت للبيت لفتني محل يبيع كاري والمنيو بـ العربي – الياباني – الانجليزي اخذت منه طبق وكنت اختار حجم الطبق ودرجه الحراره ورجعت البيت https://www.arabtrvl.com/up/uploads/...5478555424.jpg https://www.arabtrvl.com/up/uploads/...5478555475.jpg https://www.arabtrvl.com/up/uploads/...5478555546.jpg |
وعليكم السلام تقرير ولا أروع متابعين :24: |
اقتباس:
|
ما شاء الله الشقة نظيفة ومرتبة اقتباس:
فإذا كاتبين الساعة 9 يغلق يعني آخر طلب قبلها بنص ساعة إلى ساعة حسب سياسة المطعم فإذا ما كان داخل المحل في زبائن وطاف موعد آخر طلب المطعم أو الكافيه يقفل هذا النظام في اليابان لأنه إذا استقبل طلبات جديدة راح يتأخر إلى بعد الـ 9 وللتوضيح الكافيه في موقعهم وبخرائط قوقل مذكور موعد العمل من الساعة 12:00 إلى 20:00 ممكن تغيرت المواعيد عموماً أختـي الأخطاء مثل هذي تصير لهذا السبب دايما أحاول أوصل للمكان قبل موعد الاغلاق بوقت كافي وبالنسبة للمزرعة هل خلوكم تلمسون الحيوانات ؟ وباين انها رائعة ومتعددة الانشطة الأماكن إلي زرتيهم متنوعة وجميلة اختيارات موفقة يعطيج العافية أختـي على التقرير المميز وواصلي |
اقتباس:
|
اقتباس:
ماجاء على بالكم تجربون كوفي البومه ؟ او القطط ؟ مع العلم بعضها قد يحتاج حجز مسبق اقتباس:
مثل ماذكر مشرفنا الوقت المحدد في قوقل هو الأغلاق النهائي وغالب الأماكن يقفلون استلام الطلبات قبل موعد الأغلاق بنصف ساعه وبعضهم ربع ساعه اقتباس:
الباص الي يودي للمزرعه هل موضح مكان وقوفه خارج المحطه بلوحه ؟ او لازم تنتظر الباص عشان تعرفه من الرسمات الي فيه ؟ اقتباس:
وبعض مدن اليابان ومنتظرين بقيه التقرير |
يعطيج العافيه يا بشاير اليوم سهرت على تقريرج الجميل استمتعت بكل التفاصيل والصور وعليكم بالعافيه كل ما أكلتو واحلى شي اكلتوا عنده المطاعم الايطاليه وبس اما الاكلات اليابانيه ماودي فيها اما النظارات نقول فدوه لج وربي يعوضج بدلهم خير منتظرين البقيه يا بشاير |
اقتباس:
|
اقتباس:
الله يعافيكي يارب وفرحتيني الصراحه بتخصيص جز ء من وقتك لقراءه التقرير 😍🌸 فعلاً الاكل الايطالي ماله مثيل بس عاد لازم تجربي الاكل الياباني كثير منه لذيذ ❤ ان شاء الله يارب، بدات بكتابته وان شاء الله انزله بأقرب وقت 🌸 |
جميل خدمه بوكينق بخصوص الملاحظات علي الفنادق من ناحيه الدفع وغيره والله عاد حوسه كذا تبحث عن شقه وسط عماره ما كان لها رقم معين أو المبني علي الاقل له رقم هل التنظيف يكون مجانا اذا طلبتوا منهم مشكله عندنا الوقت لكن حقيقه أري أن هالشيء عندنا بدأ يتغير بشكل كبير 300دولار أليست مرتفعه أعتقد فيه موقع للمرشدين المتعاونين بالمجان أو بمقابل بسيط جدا هدفهم خدمه السياح ما شاء الله ضاحب المحل صدق وأمانه لما بلغكم معوضه خير بالنظارات اختي شكرا لك |
اقتباس:
|
أهلاً بشاير .... مازال الإبداع يتواصل في أجزاء التقرير ... حلو منكم فكرة تجربة السكن ( طراز ياباني ) ... فالسفر ميزته الخروج عن المألوف ... سعر المرشدة 300 دولار ... كان مفاجأة لي .. مبااااالغ فيه .. رغم تفنيدك للأسباب بردك للأخ فيصل .. وربي يعوض لك على النظارة ... من الناااادر أن أعود من السفر والنظارة معي :) مستمتعين كثيييييراً برحلتك اليابانية ... أجدتِ وأفدتِ .. بوركت يمينك .. |
منتظرين بشوره :e20c: |
| الساعة الآن 01:54 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO