|
مخطط الرحله يسعد صباحكم ،،، راح أكتب مخطط رحلتي الى أمريكا وأن شاء الله تتسهل الأمور وممكن تعطوني رأيكم ؟ أو نصيحه ؟ أو ملاحظه ؟ أول مره أسافر الى أمريكا وأحنا 4 آشخاص كبار ،، السفر لمدة شهر من 1 جولاي الى30 جولاي المدن : 1- نيويورك ( منها نطلع يوم الي شلالات نياغرا مع قروب سياحي ) 2- واشنطن العاصمه 3- كاليفورنيا (ممكن تذكرون افضل المدن فيها وطبعا لاننسي دنزني لاند :3: لم احدد بعد المدن في بعض المدن ممكن نحجز سياره بسائق ؟ هل ينفع ؟ اللي يعرف شقق فندقيه في المدن السابقه ومجربه يذكرها لي يعطيكم العافيه وشكرالكم :e32b: |
هلابك .. أنا بخصوص رايي أعملي مثل ما عملت سابقاً .. خلي الذهاب لمدينة والعوده من مدينه ثانية .. مثلاً يكون الوصول لنيويورك والعوده من لوس أنجلوس أو واشنطن أو أي مدينة ثانية براحتك .. أفضل من الذهاب والعوده لنفس المدينة .. وبخصوص مدن كاليفورنيا معروفة وهي لوس أنجلوس وسان فرانسيسكو وسان دييقو وفيه لاس فيقاس بولاية نيفادا .. وأنا إن شاءلله رحلتي لاميركا بعد شهر ونفس تخطيطكم بأستثناء واشنطن .. عشان أختصر لك الموضوع شوفي التقارير وتستفيدين أكثر .. وأتمنى تعجبكم أميركا:e022: أنا حبيتها وأعجبتني أكثر من القاره العجوز أوروبا صدق أنها عجوز ،، |
شلالات نياقرا اذا بتروح بالباص مبيت يومين عشان تعوض تعب المشوار اما اذا حاب ترجع في نفس اليوم عندك رحلات على طيران الدلتا تقريبا 130 دولار |
الله يسعدك اقتباس:
أول شي لاتزعلني أالا أوروبا أحبها كثير :63: في أشخاص ذكروا لي أن أمريكا أجمل بس مااعتقد ممكن في مدن ومدن آخرى لا ؟ لأن أمريكا لحالها قارة كبيره أكيد في أختلاف في الأجواء والتضاريس وووو... تقريبا لي 3 مرات وانا أستخرج الفيزا الامريكيه لكن سبحان الله تصير ظروف وأكنسل :27: أن شاء الله هالمره ربي يكتبها وطبعا الأستخاره قبل كل شي ،،،والحمدلله على كل حال . بس والله يخوفي يقولون لي السفاره ايش السبب 3 مرات ولاسافرتي :27: بالنسبه للرحله أكيد راح تكون من نيويورك الي واشنطن ثم الى كاليفورنيا والعوده من مدينه لوس أنجلوس أن شاءالله .. بالنسبه للسياره هل نحتاج لها في كاليفورنيا والا تكفي المواصلات هناك ؟ الأن أحتاج أهم شي أحجز الطيران والفنادق ؟ طبعا الطيران على الأماراتيه . أخوي بورمث بس طلب صغير بس تذكر لي اهم شارع في : 1- كاليفورنيا 2- واشنطن 3- مدينة سان فرانسيسكو 4- مدينة لوس أنجلس 5- مدينة سان ديقو علشان أعرف احجز الفنادق وتكون بمنطقه حيويه فهمت علي :24: أكيد أنا بشوف التقارير وبصراحه الأخوان والأخوات ماقصروا التقارير مليانه بالمنتدي لكن اللي يهمني الآن مثل ماذكرت لك أحجز طيران وفنادق ..وبنفس المخطط اللي ذكرته .. وأن شاءالله تعجبني أمريكا :13: |
ياهلا بأختي منيره :e32d: اقتباس:
هل تنصحيني بأستخدام طيران الدلتا في التنقل للمدن الأخرى ؟شكرالك ياقلبي :e32d: |
اقتباس:
طبعا كل الطيران الداخلي الشنط لها سعر خارج سعر التذكرة عدا جت بلو الاولى مجانا شوفي اذا رحلاتج دايركت عليها فهي الأفضل |
أهلين .. 3 مرات أستخرجتي الفيزا الامريكية ! بغض النظر عن السفاره ، لكن تعب عليكم تستخرجونها ولا تسافرون:1: حتى لو ما أعجبتك أميركا .. لكن أكيد شعبهم الفرندلي العسل بيعجبونك وبتحبينهم عشان معاملتهم واضحة جداً جداً عن الشعب الاوروبي بحسب تجربتي أنا وكثير غيري .. وما يحتاج أذكر لك الشعوب الاوروبية معروفين .. عندي ملاحظة على الخطوط اللي أخترتيها .. من شهر تقريباً رجعت من ماليزيا على الاماراتية .. صراحة ما أعجبتني كثير ومقاعدها ضيقة شوي وكان معي زميل أول مره يسافر وفعلاً ما حب طيرانهم .. وأنا إن شاءلله رحلتي لاميركا اللي بعد شهر ناوي أحجز على السعودية لانها دايركت ولان طياراتها جديده وحلوه وخدماتها روعة وواي فاي الخ .. بخصوص المناطق ، قلت لك أن مخططي مثلكم لذلك بقولك وين بسكن .. واشنطن ما أفهم فيها كثير وأظن أفضل منطقة جورج تاون لكني غير متأكد لكن سبق وسكنت بفندق The Mayflower وحبيت المنطقة وهالفندق يبعد عن البيت الابيض تقريباً 11 دقيقة مشي يعني 800 متر .. وإن شاءلله الاعضاء الكرام يفيدونك عن واشنطن أو أبحثي عنها .. سان فرانسيسكو لسى ما قررت أزورها أو لا لكن لو بزورها بسكن في اليونيون سكوير أحجزي فيها .. أما أنجلس أحترت وين أسكن لكن قررت إن شاءلله يكون سكني في البيفرلي هيلز بشمال لوس أنجلس .. منطقة غالية شوي وإذا ما ناسبتك فيه كثير مناطق غيرها .. وفيه موضوع هنا عن السكن بأنجلوس شوفيه وقرري وين تسكنين .. وسان دييقو بسكن إن شاءلله بمنطقة لاهويا .. طبعاً كل هالمناطق اللي بسكنها بكل المدن من أفضل وأشهر المناطق .. وبخصوص السياره صراحة أشوفها متعة وراحة ما بعدها .. وأنا بستأجر سياره إن شاءلله وأنصحكم بالسياره .. غير كذا قريت أن المواصلات العامة بلوس أنجلس سيئة .. وبخصوص الطيران الداخلي .. فيه شركة فيرجن حلوة وحبيت طياراتهم .. وعندك القت بلو مثل ما تفضلت مشرفتنا وفيه غيرهم كثير .. بس أنا أحاول قد ما أقدر أحجز على شركة دلتا عشانها منضمة للسكاي تيم وبالتالي أكسب أميال أضافية على الخطوط السعودية .. ولولا هالسبب والا كان عادي بحجز على أي خطوط خصوصاً أني أحب التغيير والتنويع:1: فإذا تهمك الاميال الجوية مثلي ، أنصحك بالدلتا وبس :24: |
اقتباس:
يعطيك الف عافيه والله انك ماقصرت وضحت الأمور الآن ،،،، بالنسبه لأمريكا أكيد بتعجبني مايحتاج هذي أمريكا :1: بس حبيت اقول لك اني أحب أوروبا آجوائها رايقه جدا جدا الفيزا الامريكيه طلعتها مرتين دراسة لغه فقط وطبعا تنلغي في التاريخ اللي حدده المعهد (لغتي متوسطه تمشي الحال ):1: والمره ال3 للسياحه ومن فتره طويله وانلغت بعد ..وان شاءالله الرابعه ثابته ،، والله تعب وخساير في استخراج الفيزا والله يعوض ،،،ظروف والله يسهل ،، الله يسهل أموركم في سفرتكم لأمريكا ،،،شكرا لك :e306: |
عندي تعليق على نياقرا حراااام تروحين وترجعين في نفس اليوم ! :( صدقيني بتحبينها وتتمنين تقعدين اكثر ! انا قعدت ليلتين وثالث يوم كنت مسافره و زعلانه مع اني لفيتها كامله :24: عموما هي المنطقه صح صغيره وتلفينها كامله بسهوله بس رايقه وجميله احنا رحنا ع ال US AIRWAYS .. اول يوم رحنا الانفورمشن سنتر او الفيزيتور سنتر وحجزنا من عندهم تور (ممكن تحجزينه من الفندق ويمر عليكم هناك) صراحه كان احلى تور و قعدنا تقريبا اكثر من 4 ساعات انا فالبداية كنت مترددة انه ملل 4 ساعات بس الوقت مر بسرررعه لانه اخذنا على تقريبا كل الاماكن المهمه في نياجرا وينزل معانا يشرح لنا و بعدين يخلينا براحتنا حتى مسكين كان يودينا اماكن معينه يقول صوروا هنا احلى هو صح التور مممتع وعلمنا اماكن ماكنا راح نعرفها بدونه بس لانه ملتزمه مع القروب ف فيه اماكن تمنيت اني طولت فيها اكثر .. ف ثاني يوم طبعا عرفت المنطقه من بعد التور ف رجعت للاماكن اللي تمنيت اطول فيها ف رحنا مره ثانيه للشلالات + ركبنا هلكوبتر شفنا الشلالات من فوق وتمشينا في المدينه ورحنا الاوت لت الاوت لت عندهم فيه بربري ومايكل كورس و كوتش وهالسوالف مو انه هاي براندز مثل نيويورك المهم انا اشوف عالاقل اقعدي فيها ليلتين دام رايحه بطياره و يعتبر تغيير جو عن باقي المدن لانه طبيعه والجو ابرد من باقي الاماكن اللي بتزورينها بالنسبة ل واشنطن .. حسيتها ممله شوي .. احس حدها يومين اما نيويورك ف ماينمل منها .. ماعندي فكرة عن الشقق بس دايما نسكن في الماريوت اللي في التايمز سكوير ليش ماحطيتي فلوريدا في اللسته ؟ اورلاندو حلوه و عالم ديزني فيها احلى و اكبر من اللي في ديزني لاند كاليفورنيا بالتوفيق ان شاءالله وربي يسهل رحلتكم :) |
^ صحيح كلامك وأنا نسيت طاري نياقارا .. أنا مثلك بجلس هناك كذا يوم إن شاءلله وبزور الشلالات من الجانب الكندي أحلى مع تورنتو .. واشنطن زرتها يوم ومثلك حسيتها عادية ،، |
اقتباس:
بالنسبه لدزني لاند سمعت ان كاليفورنيا فيها فقلت بلاش من فلوريدا علشان مانتعب بالتنقل لكن أبشوف كيف المخطط للأن أعدل فيه ،،، ممكن أعكس أتجاهي الوصول لكاليفورنيا والرجعه من نيويورك الي اوروبا ممكن سويسرا وفرنسا أو النمسا وفرنسا ،،،الإجازه السنه هذي طويله تقريبا 4 شهور الا :13: ننطلق من بعد رمضان مانرجع الا قبل الدراسه بيوم:3: الحمدلله الله يسعدك اختي ويسهل اموركم وسفركم :e306: |
اقتباس:
|
اقتباس غلط ممكن حذف :14: |
اقتباس:
|
اقتباس:
اي نعم من الجانب الكندي أحلى مثل ماسمعت ،، للآن انا ارتب الجدول وتتسهل بأذن الله :13: |
^ إذا أحتجتي أي شيء عن الفيزا السياحية الكندية اسألي .. قدمت عليها في 2014 وبقدم عليها بعد أيام إن شاءلله وبطرح تجربتي هينا ،، |
اقتباس:
|
^ اهلا حبيبتي .. الصراحه اول مره اسمع عن الشركة السياحية اللي تطلع الفيزا الكنديه ! اذا صار لج مجال طبعا طلعيها .. الجانب الكندي متطور اكثرررر وتشوفين مبانيهم و يبين الوضع عندهم حياه اكثر من الجانب الامريكي بس خساره يوم واحد ! مايكفي طبعا .. شوفي اذا فيه مجال اكثر ؟ انا للاسف ماعندي الفيزا الكنديه ف مارحت بس لو يصير لج اكيد روحي و اسكني هناك احنا زيارتنا ل نياقرا كانت مو مخططه ف وقتها رحنا لمكتب سياحي واحنا في فيلي ولما جيت بحجز فنادق كل الفنادق الحلووه واللي اطلاله ع الشلالات كلها على الجانب الكندي .. ديزني وورلد في اورلاندو جمييييله واذا مفكرين تسكنون في ديزني اكيد اسكنوا في ديزني اورلاندو :e32d: |
يسعد مساكم جميعا ،،، بعد يومين تعب من ترتيب رحلتني والأستقرار على الآتي ،،، ولاتبخلون علي بالنصيحه :7: المخطط غيرته الوصول الى لوس أنجلس والرجوع من نيويورك ،، 1- الوصول الي لوس أنجلس فندق الأنتركونتيننتال لوس أنجلس سانتوري سيتي في بيفرلي هيلز (8 ليالي ) 2- فلوريدا (أورلاندو) فندق إمباسي سويتس هيلتون أورلاندو إنترناشونال درايف كونفنشن سنتر (8 ليال ) فندق حياة محجوز بالكامل وقت سفرنا ،،أعطوني رأيكم بالهلتون وموقعه.؟ 3- وأشنطن فندق ويلارد إنتركونتيننتال واشنطن (3 ليالي ) 4-مدينة أونتاريو (نياغرا ) (على حسب أستخراج الفيزا ) الجانب الكندي فندق وسبا شلالات نياغرا ماريوت المطل على الشلالات (3 ليالي) 5-نيويورك فندق نيويورك ماريوت ماركيز (8 ليالي) وبس ماقصرت:18: حاولت أختار أهم المدن واللي خاطرنا نزورها وطبعا فيه أماكن كثيره جميله لكن أن شاء الله ماراح تكون الزياره الأخيره لأمريكا ،،، عطوني رأيكم في أختياراتي ،، بالنسبه لخط سير الرحله أخترته بالطريقه هذي لانه ممكن نطلع من نيويورك لأوروبا شهر وأعتقد كذا أفضل .. شكرا لكم والله يسعدكم يارب:e303: |
لاتتأخرون علي بالرد علشان أحجز الفنادق اذا أوكي :17: شكرا لكم ،، على فكره تعبت في حجز فنادق في لوس انجلس ،،، اغلب الفنادق ٤ نجوم فيها حشرات وصراصير والله خفت من قبل لاأروح أشدعوه وينهم فيه وهذي أجمل منطقه في البفرلي هيلز:26: أستقريت على أالانتر ايش رأيكم ؟ |
مخطط الرحله نيويورك لا تحتاج 8 ليالي قليليها وضيفي المدة لسان فرانسيسكو او سان دييغو Sent from my iPad using Tapatalk |
حبيبتي انا اشوف ان بتصير الرحله متعبه كلها تنقلات وكم ولايه لو تخلين نيويورك كم يوم وعقبها الشلالات بعدين كالفورنيا وتتنقلين فيها واذا حصل لكم لاس فيغاس افضل لك ويمديك تستمتعين لان اذا كثرت المدن بيصير الوضع ركضه ولا فيه استمتاع وتعب |
اقتباس:
بالنسبه لنيويورك أشوفها روعه يكفي التايم سكوير عالم عالم مختلفه وأنا الشي اللي يبسطني انه بس أمشي بوسط هالعالم متعه متعه :14: |
اقتباس:
بس انا هنا في المنتدى اشوف من الاعضاء من سافر لأمريكا بنفس المخطط تقريبا لكن ماذكروا انهم تعبوا او شي ؟ والله مادري . طيران داخلي 4 مرات هل هذا متعب ؟ ارجوا الاجابه لمن جرب انتظركم يعطيكم العافيه ..:e328: |
^ بالعكس انا اشوف عدد الايام كثير ومافيه تنقلات كثيره ابدا ! وخصوصا ان الرحله لاشخاص كلهم كبار بالعكس مفروض تزورون اماكن اكثر وتستكشفون اكثر 8 ايام صراحه كثيره على نيويورك .. 5 ايام حلوه وتكفي واشنطن صراحه ليلتين و زياده بعد عليها ممكن ايام اورلاندو تخلين اول يومين او اخر يومين في ديزني منها يستقبلونكم من المطار للاوتيل او العكس وممكن اذا حابه تضيفين ميامي :e307: لانها قريبه من اورلاندو نصيحه اختي قبل ماتحددين المدن والايام .. ابحثي عن كل مدينه وشوفي انتي شنو يعجبج فيها وشنو الانشطه اللي بتسوينها و علي اساسها حددي عدد الايام اللي يناسب اهتماماتج في كل مدينه |
اتفق مع اخر رد بخصوص نيويورك بالكثير اسبوع ولكن الافضل لزيارتها 5 ليالي الا اذا معكم كبار بالسن وبتتسوقون وتمرون كل الاماكن على اقل من مهلكم 8 ايام عليها زين وخصوص ان فيها شوارع كثيره للتسوق ومراكز ومزارات كثيره |
انا اتفق مع اخر رد لو كان المسافرين شباب وخفيفين يعني عايله صغيره بس لو فيه كبار معكم فممكن على كبر نيويورك وكثرت شوارع التسوق فيها والمزارات واذا معكم كبار فمحتاجين على مهلكم وخاصه للمشي فالثمان ايام مناسبه وعلى اقل من مهلكم والا لو انتم شباب لسى بيكفيكم 5 ليالي فيها |
اقتباس:
ساندييغو مش بعيدة عن لوس انجلوس ساعتين بالسيارة و اربع تنقلات بالطيارة في امريكا امر طبيعي وعادي |
مسار الرحلة حلو واطول رحلة بالطيارة بتكون مابين لوس انجلوس و اورلاندو حوالي 5 ساعات نيويورك كثير عليها 8 ايام وبالكثير 4 ايام تكفيها من وجهة نظري ولو تزيدون ايام لوس انجلوس افضل وتخصصون ايام الزيادة للاس فيغاس او ساندييجو .. وومكن تكون رحلتكم لاورلاندو من من مطار لاس فيغاس فندق الانتركونتيننتال في سينتشري سيتي (لوس انجلوس ) حلو وسبق ان سكنت فيه بس مواقفهم غالية 35 دولار باليوم وعداله مركز تسوق سينتشري مول وفندق ويلارد انتركونتيننتال حلو وفخم وقريب جدا من البيت الابيض ومينى الكونجرس وسبق ان سكنت فيه عام 2013 |
اقتباس:
|
اقتباس:
مشكوه كثير أختي والله ماقصرتي أسعدتني مشاركتك انتي والأعضاء ياحبي لكم :6: |
شكرالك اقتباس:
لا احنا سفرة شبابيه أخوة وأخوات والحمدلله راح أخذ بنصيحتكم ،،، شكرالك أخوي ماقصرت :e306: |
اقتباس:
الجميع اتفق على ان نيويورك 5 ايام ان شاءالله أخذ بنصيحتكم .. الحمدلله طمنتني على الفنادق ان شاءالله اليوم راح أبدأ بالحجز لانه ماشاء الله الفنادق صايره محجوزه من قبل المسافرين ..طبعا بنفس فترتنا صاير زحمه ،،، شكرا لك :e306: |
طلب اذا سمحتوا علشان بس تتضحج الصوره عند اكثر : حابه اعرف المسافات بالطياره بين الولايات والمدن اللي راح أكتبها الآن ،يعني كم ساعه بينهم ويعطيكم الف عافيه ١- المسافه من سان فرانسيسكو الى لوس انجلس ٢- المسافه من لوس انجلس الى ( اورلاندو )فلوريدا ٣- المسافه من اورلاندو الي ميامي ٤-المسافه من اورلاندو الي واشنطن ٥- المسافه من واشنطن الى نياغرا ٦- المسافه من نياغرا الى نيويورك ٧- المسافه من لوس انجلس الى لاس فيغاس مشكورين والله يسعدكم جميع اللي يرد علي والا مايرد :e306: |
يعطيكم العافيه حبيت أسأل عن فندق الفورزيزن بيفرلي هيلز ..؟ايش رأيكم فيه ؟ كموقع أفضل من فندق الأنتر ؟ |
اقتباس:
https://www.expedia.com/ وبالتوفيق |
اقتباس:
واللي فيه اشهر المحلات والماركات والمطاعم بس دايما زحمة خصوصا الكوفيو المطعم اللي فيه ومطل على شارع الروديو درايف وهذي صورة للفندق http://www.arabtrvl.com/up/uploads/a...7638319435.jpg وصورة من المطعم والكوفي http://www.arabtrvl.com/up/uploads/a...7637768952.jpg |
للعلم فيه فندقين للفورسيزن في بيفرلي هيلز الأول هو اللي وضعت صورته واسمه Beverly Wilshire, Beverly Hills (A Four Seasons Hotel) والثاني اسمه Four Seasons Hotel Los Angeles At Beverly Hills ويبعد عن شارع الروديو درايف كيلو نصف |
الف شكر لك أخوي مقدام ماقصرت معي مشكور:e032: |
أهلين صباح الخيرات .. أبشري وأنا تحت أمرك بأي سؤال عن الفيزا الكندية .. بخصوص نيويورك ثلاثة إلى أربعة أيام أشوفها مناسبة وتكفي .. أنا أول مره زرتها جلست يومين ولفيتها وكفتني الحمدلله .. أجلسي فيها 3 أيام والباقي ضيفيه لسان دييقو أو فيقاس أو أي مدينة تعجبك ،، |
| الساعة الآن 07:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO