شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة الصين وهونج كونج (https://www.arabtrvl.com/vb/f123.html)
-   -   رحلتنا الى هونج كونج قبل تسافر لها اقراء موضوعي (https://www.arabtrvl.com/vb/t23813.html)

bbcurve2006 25-10-2016 02:58 PM

رحلتنا الى هونج كونج قبل تسافر لها اقراء موضوعي
 
20 مرفق
السلام عليكم ورحمه الله

مدري كيف ابدأ موضوعي الي بيكون فيه كذا رأي او انطباع عن دوله هونج كونج بضيعكم شوي
لانها بلد محير من جد تحبها وتكرهها بنفس الوقت [emoji28]


ملف مرفق 2777
اول شي بحثت عن هونج في المنتدى كثيررر
واخذت كذا معلومه ساعدتني ولاكن

فيه اشياء كثير محد علمنا عنها وهي مهمه مرره

قبل تختارون هذي الدوله حطو ببالكم انها دوله صينيه مااحد يتكلم انجلش الا نادرآ والعاملين باالفنادق الباقي تكلمهم انجليزي ع عربي تطقطق عليهم لاكن ماراح يفهمون شي ولا انت فاهم شي هههههههههه هذا حالي انا وزوجي

كان تخطيطنا ع سنغافوره وسبحان الله ماالله كتبها لنا بعد حجوزات واشياء صارت باالتأشيره وهاالمشاكل

البلد جميل متطور كله ناطحات سحاب طبيعه
الي لاحظته ان ماعند شعبهم بيوت يسكنون بناطحات سحاب[emoji849]. شعب كشخه [emoji7] اجوائه امطار طول الوقت خاصه من الليل الى الساعه الظهر صواعق[emoji30] لاكن رطووبه مرره مررره.

المهم اخترت هونج كونج ويحثت حجوزات ع الطيران السعوديه كله فل شفت اقرب شي اتحاد الأمارات وحجزنا وكل شي خمس ايام فقط ع كلام الي زارو هونج قالو حدها ايام

حبيت انوه ان حدها ايام ع خطوط اتحاد الامارات شخصين ب ريال تقريبآ
اما ع الخطوط
العمله حولنا مبلغ بسيط باالبطحاء باالرياض وكان مو مره سعر الصرف ورحنا ابوظبي وحولنا مبلغ كمان وكان الصرف اسوء من الرياض. واكتشفنا ان سعر الصرف بهونج شارع نيثان مرره بطل فرق عنا وعن ابو ظبي تحويلهم الالف تصير الفين[emoji30] لحد يصرف عمله الا بهونج شارع نيثان عماره جنب هوليداي ان واحد هندي[emoji106]
البلد مرره بعيد وتعب ترانزيت ابو ظبي وانتظار
الي بيسافر لها يروح دايركت ولا يصيف بأبها احسن له[emoji28] من جد متعبه

سفرتنا بشهر اغسطس نصيحه لحد يسافر بهاالوقت بسبب زحمه السياح

مده سفرتنا ايام مقسمه ع يومين منتجع ديسكفري باي وثلاث ايام هوليدي ان شارع نيثان
بتكلم اول شي عن المنتجع وكيف قبل اروح له اخذت فكره عنه انه منقطع عن العالم ومحد تكلم
عن المكان بشي ايجابي كثير بتكلم انا
اول خطوه الحجز احجزو مطل ع الجبل وع شوي من البحر الاطلاله تشوفون مسبح الفندق هاالاطلاله تجننن اصلن الفندق كله يجنن ندمنا انا ماطولنا فيه
اصعب شي لما وصلنا لمطار هونج كيف نروح للفندق التكاسي مايروحون للفندق لازم باص خاص باالفندق يجي كل ساعه بمكان معين
طيب احنا تونا واصلين كيف نعرف المكان والمطار كبير مرره ضعنا يمكن ساعات جلسنا بس ندور وين محطه الباص ولما لقينا محطه الباص انتظرنا يجي وحنا تعبانين متخيلين اخر شي جلسنا ع الرصيف والمواقف مو مكيفه بهاالحر والتعب شافنا مسؤول وكلمناه عن فندقنا قال بيجي باصكم وانتظرنا لحد ما قلنا ليتنا مااخترنا هونج [emoji24][emoji24]. واخيرآ جاء الفرج واخذنا الباص ماتتخيلون الفندق قريب مو بعيد ليش مافي احد بيروح له لان هي منطقه كبيره فيها فنادق وملاعب ومدارس مايدخلها الا الي معهم بطاقه تابعه للمنتجع مافهمت المهم منطقه مرره كبيره واماااان دخلنا امور الفندق والتسجيل مره سريعه ودخلنا الغرف بسرعه الفندق يجنن الغرفه تجنن الأطلاله تخرفن من جدد حبيت الفندق من تدخله تنزل عليك اشياء واحاسيس مدري وش تبي[emoji23] اجواء تفتح النفس
ملف مرفق 2762ملف مرفق 2763ملف مرفق 2764ملف مرفق 2765ملف مرفق 2766ملف مرفق 2767
حبيت حركه البانيو مطل ع الغرفه بحاجز زجاج والأطلاله كلها زجاج تشوف الرايح والجاي والجبل والطبيعه والامطار والبحر والمطاعم كل شي مطله عليه غرفتنا
المطاعم فيه عربيه هندي وتركي. جنب الفندق وسوبرماركت اخذنا فطورنا منه كل شوي لان ماحجزنا مع الغرفه قالو انه مو حلال وقبل نجي لهونج امنا نفسنا بمعلبات وتوست وشاهي وسكر وقهوه وشابوره وحلويات يعني خفايف فادتنا مرررره المطعم الهندي مستواه حلو ومنطقه المطاعم روعه وكلها روقان مايسكرون الا يمكن باالليل. المطعم التركي بعد حلو الفندق تحجزون منه لديزني لان عندهم مكتب بااللوبي. الفندق نظافه وامين نسينا اغراضنا الثمينه ورجعنا ع مكانها [emoji106]. انصح باالفندق بشدده المفروض هذا الفندق ايام تجلسون فيه. فندق حي وعالم مايفضى تصويري كان اغلبه فيديو وسناب[emoji28]

انا ماكنت ادري ان الذهاب للاماكن السياحيه من الفندق سهل لاني اجهل طريقه الذهاب بباص الفندق لونه تفاحي الى محطه المترو اسمها صن باي لاكن المترو تاخذون باص الفندق يوديكم لمحطه صني باي هذي محطه قطار توديكم كل الاماكن بس احفظو الخريطه واي محطه واذا وصلتو للمحطه وين تروحون يمين يسار[emoji23] والمترو كل قطار ملون بلون اىمحطته مثل خريطه المترو. وقطار ديزني شبابيكه ميكي. تقدرون تروحون من الفندق بباص الفندق الى المحطه ثم الى ديزني تقصون تذكره سهل ورخيص وتركبون قطار ديزني مميز قريب ومحطه التلفريك ومعبد بوذا تلقونه بخريطه المترو اخر خريطه مكتوب بيق ورسمه تلفريك هذي اسهل محطه لنا[emoji23]
لان انا وزوجي مرره ضيعنا كثير وقت ماكنا بفندق ديسكفري باي فقط رحنا لديزني لاند
بتاكسي اختارو سواقين صغار اخترنا عود مايشوف بغينا نصدم كذا مره الطريق ضيق ويمشي باالوسط مرره رعب طبعآ ديزني لاند قريبه وجميله لاكن لاتلعبون اغلبها العاب تدوخ خاصه الفضاء وانتظار الالعاب مره ممل مع الزحمه احلا شي القارب الي يمشي باالنهر البلد غالي مره مع ان عملتها الريال افضل منهم وديزني دبل انصحكم تاخذون معكم اكل ومويا لان مره غالي.
ملف مرفق 2776
ملف مرفق 2768ملف مرفق 2769ملف مرفق 2770ملف مرفق 2771ملف مرفق 2772ملف مرفق 2773
دخلنا انا وزوجي حدود ريال لديزني مع الالعاب وندمنا مالعبنا الا كم لعبه مره قلبت كبودنا من كم لعبه من قسم الفضاء[emoji7] انصحكم تمشي وتروحون لها قبل ساعه من عرض الشخصيات الكرتونيه روعه والشخصيات حلوه ذكريات طفولتنا. اغلبها تمشي مالعبنا كثير مع اني متحمسه لها بس زحمه وطوابير العالم ماحبيت اضيع وقتي طبعآ بعدها رجعنا لفندقنا الجميل صراحه هاالفندق مدري وش اقول يصلح للعرسان والرومنسين بجد[emoji24]
حتى وانت باالغرفه ماتبي تطلع اجواء امطار من رحنا لهونج لما رجعنا وطبيعه واطلاله روعه. هاالفندق جامع كل شي من مطاعم واجواء واطلاله وحياه[emoji253][emoji854]ماكنت ادري ان مول الاوت لوت قريب[emoji848]بس نروح لمحطه الصني باي ومنها ع السوق لان لحد الان ماقدرنا نعرف للبلد

ملف مرفق 2774

البلد صعبه صعبه هذا عيبها وهو الي يخرب عليكم لو فيه مرشدين عرب افضل
التنقل فيها كمان صعب المفروض مااخترنا مترو لو اخذين تكاسي افضل عشان اقل شي نتفرج ونعرف الاماكن من الطريق مو المترو تحت الارض مانشوف الا قليل. واذا ضيعت بتسأل محد يعرف مع اني مخزنه كل شي بس


نفس الشي نضيع ونركب مترو مو متجه لكولون ثم نرجع تخيلو ثلاث ايام نمشي كذا ع عمانا ان صابت وان خابت ههههههههه لما اسأل احد من الاحباط اتكلم انجليزي وعربي هههههه[emoji23] وزوجي ضحك يكلمهم


باالاشارات والصور نوريهم الاماكن [emoji82]الي خدمونا هنود بشارع كولون زي الدلالين يعلمونك المطاعم


العربيه بس غالي مره الاكل العربي ومالك الا هو لان كل شي مو حلال الا بقاله سفن هذي ادمان ومخبز مادري طحنا فيه ماندري اذا حلال او حرام بس مره لذيذ[emoji7] طبعآ بعد يومين انتقلنا من ديسكفري باي الى منطقه كولون لفندق هوليداي ان من مترو لمترو ومليون واحد سألنا لحد ماوصلنا الفندق باالسلامه اشكالنا تضحك وحنا مضيعين شارع نيثان عالم واسواق ومحلات ذهب والماس وماركات واسعارهم خياليه[emoji28]


الي يبي الماركات شارع نيثان مكفي وموفي كله محلات الماركات العالميه والشارع الي جنبه مادري وش اسمه كلها ماركات قوتشي وفيه محلات اتش ام ومحلات ساسا زي وجوه عندنا كله عطور ومكياج وغيره لوحته ورديه يوجد بكل متر هاالمحل [emoji23]
خياليه[emoji28]




دخلنا الفندق موقع الفندق حلو انه جنب المطاعم العربيه والاسواق بس مانبي ماركات موجود عندنا باالسعوديه لاكن ندمنا انا حجزنا فيه

فرق شاسع بينه وبين ديسكفري باي اطلاله هوليدي فاشله وتروع ماقدرنا حتى نفتح الستاره

ماحبيته اكبر غلط سويناه انا حجزنا ع ناثان المفروض ع الهاربر مباشره حاجزين لو الفندق بمليون يستحق الصراحه حتى الفندق الاول
الاخلاق رايقه بكل وقت اما هذا ابد ماحبيناه[emoji24]
ملف مرفق 2779
ملف مرفق 2780
ملف مرفق 2781






مع انه نظيف وموقعه عند المولات الي بيجي لهونج لايختار عشان المولات لان كلهم ماركات وغاليات دبل الي يجي سياحه يحجز ع الهاربر يجنن طبعآ قضينا اول يومين اسواق ومجمعات وقلت ماراح اروح للبيك بروح لسوق السيدات وابتدت معاناه المترو هذا ثاني يوم لنا باالهوايدي ان.

لحد ماوصلنا للسوق الفاشل جدآ والي من جد خطررر خطررر ع العرب
السوق شعبي وعشان تطلع من المحطه تمشي طرقات زي البطحاء عندنا باالرياض
مره يخوف مع ان الشعب مو لم احد
السوق شعبي البضاعه عاديه الى سيئه وغاليه
البائعات تستفسر فقط عن السعر يلصقون بحلقك الا تاخذه لدرجه ان الحريم يصايحن وشوي بيبكون الا تاخذون البضاعه ومعصبين

انا سميته سوق انقري ومن وش ذا انا استفسر فقط يسوون حركات مدري كيف حسبي عليهم تخيلو لحالنا وكلهم صينين معصبين الوضع ابد مو اوكي ومحد نبهنا نصيحه لحد يروح مشيت سأل عن شنطه فقط شانيل طلعت لي الي تبيع من تحت وهي كأنها تسرق خايفه من الشرطه قلت خلاص مابي وامشي وتعصب وتقعد تهاوش واقولها مابيها خلاص ليش معصبه ونص ساعه انا وياها عشان اقول مابي ويجي زوجي ويفهما وتصايح عليه طلع الفلوس طلعها وياخذني وتقعد تسب زوجي ونمشي وتجي تسحبني قدام الامريكيات الا تشترينها وتخفض اقول لا مامعي فلوس بس مابي انا خ

bbcurve2006 25-10-2016 03:18 PM

16 مرفق
مابي انا خفت من الوضع مع اني فهمتها مابي انقلعي عني لانها ضاربه سعر الشنطه باالف وشي وكل شوي تنزل وتنزل لحد ماوصلتها دولار قلت خلاص باخذها لاتذبحني ذي واخذها من كثر مااقلقونا البائعين صرنا مانشوف البضاعه المهم اخذ كم غرض اذا شفت زوجي يمشي بسرعه من جنب المحل الي ادخله عرفت ان فيه بائعه تلحقه الا تشتري وزوجي مطنش ههههههه شكله يضحك [emoji849] وش هاالنفسيات حسبي عليهم من سوق المهم نرجع للفندق وقبلها كم محل فطاير وتمشي واسواق
عاد الشنطه طلعت تجننن الحمدلله اني شريتها جودتها كأنها اصليه وفرنسيه[emoji23][emoji23][emoji23][emoji7]
نفعني يوم لصقت بحلقي ورحنا للتلفريك المنطقه تجننن روحو لها بوقت المطر مرره الأجواء تفتح النفس حبيتها واهم شي التذكارات اذا صوروكم اشترو كل الي يعطونكم تصويرهم بطل وفصه زي العلبه فيها مويا وصورتنا داخل حبيتها[emoji24]
اخر يوم لنا اقول لزوجي وين الهاربر ونسأل مصاريه قالو نهايه الشارع اكتشفنا ان الهاربر كم خطوه عن الفندق ولنا يومين ندور ماندري وين نروح. [emoji30] رحت ادور كوفي وادي الأمان ذكريات طفولتي الا ازوره والحمدلله لقيناه بعد ضياع وبعد كم صوره امشي اسألهم وينه وينه[emoji85] الهاربر قريب من شارع نيثان نهايه الشارع وبنفس المكان عروض الأضواء رووعه انقهرت انا ماركبنا بسفن الصينين باالبحر وقت العرض مره حماس وناس فله [emoji7][emoji24] حبيت المكان ومنه عرفنا وين عين هونج كونج يعني الي مايدري وين يروح مثلنا بس يروح ع الهاربر يشوف كل شي . طبعآ قمه البيك مارحنا لها وكذا منطقه سياحيه مارحنا لان الايام قليله وكان التنقل صعب علينا اخر يومين عرفنا للمترو صرنا خبره بس بعد وش [emoji28]

ماانصح باالسفر لهونج كونج لسببين

صعوبه التنقل مرره صعبه. وكل شوي فيها اعاصير وفياضانات الحمدلله كان قبل اسبوع من وصلنا هونج جايهم اعصار ورجعنا بفضل الله ماجاهم شي فقط امطار وطبيعه تجنن
بس رطووووبه مررره.

احاول اعصر مخي بأشياء كنت ابي انبه لها لاني قاعده اكتب الموضوع بعد شهر ونص من السفره[emoji85]. باالنسبه للحجاب لبست عبايه بيج ولثام سكري ونظارات غطيت كل شي [emoji23] واذا حسيت انهم استغربوني رفعت النظارات من هاالناحيه مايتكلمون بس مو عاجبهم شعبهم شعب مايضحك ومستعجل الا يركض طول الوقت وقليل يرد ع استفساراتنا يمكن خايفين مني[emoji317]. العرب قليل بهونج واستغربت فيه سعوديات لابسين عباه سوداء حنيت لها ع طول ورفض زوجي خوفآ اني اكون شبهه [emoji849].
مطاعم عربيه بكل مكان ماتحتار وفيه هنود بشارع ناثان يدلونكم ع الاماكن القريبه ماقصرو معنا.
البلد كرهناه وحبيناه بنفس الوقت

بعد مارجعنا ندمنا انا ماطلونا استمتعنا كثير

بأجواء فندق ديسكافري باي منطقه فيها حياه وقدامه روضه اطفال ومطاعم وناس رايقه[emoji173] يعني فندق ونييييس

واستمتعنا بمغامراتنا استكشفنا اشياء جديده
حبينا الضياع الي صار بعد مارجعنا ولا وقتها مو اوكي ههههههه

نهايه الموضوع لحد يسافر لهونج كونج


فيه بدائل لها ماليزيا الحب العشق
مافيها ضياع ابد
او اوربا. خطوتنا الجايه اوربا بعد ماخلصنا من ماليزيا وهونج كونج.

اتوقع بأوربا ضياع طول الوقت لانها تعتمد ع السائح مافي دلع مثل ماليزيا وبرامج سياحيه وجولات[emoji23][emoji23][emoji23] عزالله عشنا ملوك بماليزيا

ولا مانع من حياه الشقى بهونج[emoji16]

اتوقع كذا انتهى التقرير. اي استفسار انا حاضره. ًًًملف مرفق 2782ملف مرفق 2783ملف مرفق 2784ملف مرفق 2785ملف مرفق 2786ملف مرفق 2787ملف مرفق 2788ملف مرفق 2789ملف مرفق 2790ملف مرفق 2791ملف مرفق 2792ملف مرفق 2793ملف مرفق 2794ملف مرفق 2795ملف مرفق 2796ملف مرفق 2797


أرسلت بواسطة iPhone بإستخدام Tapatalk

bbcurve2006 25-10-2016 03:33 PM

مدري ليش ماتطلع الارقام لاكن البلد حدها سبع ايام. عشان اقل شي تعرف البلد اكثر من مجرد قرأتي للتقارير حسيت انها سهله لا كن الواقع اصعب. ولانا خمس ايام مارحنا للأوشن بارك ولا البيك. مجرد مانروح لمكان واحد مثلآ التلفريك ناخذ وقت باالذهاب والعوده نرجع للفندق تعبانين. الأفضل سبع ايام. والموضوع نزل مو مرتب ان شاءالله احاول ادخل من اللاب توب وارتبه[emoji28]


أرسلت بواسطة iPhone بإستخدام Tapatalk

كتكات783 26-10-2016 09:38 AM

أهلاً أختي .. والحمد لله ع السلامة ..

من حقك أن تبدي رأيك عن البلد .. ولكن بعد تمكن منه ..

من خلال قراءتي لتجربتك .. أرى أنكم لم تتمكنوا من دراسة البلد كما ينبغي ..

وما أدل من ذلك إلاّ مفردات .. الضياع ، عدم معرفتنا ، لم نزور ، لم نجرب ..

أي بلد له سلبيات وإيجابيات .. هونغ كونغ من أسهل البلدان وأكثرها تمكناً من

خدمة أهل البلد قبل السائح .. بخدمات ومقومات طوِّعت للإنسان ..

بلدٌ جميل وسياحي درجة أولى ( رأيي ) وكل الإحترام لرأيك ..

اسأل الله لك دوام التوفيق ..

Deena 26-10-2016 11:19 AM

بصراحة يبدو لي أن المشكلة كانت في التخطيط والترتيب المسبق لديكم..

صابني صداع وأنا أقرأ تجربتكم.. صحيح الآن صارت ذكرى مضحكة لكن برأيي حرام تضيع سفرة ومصاريف بهالتوهان .. وتركبوا المترو كل مرة في اتجاه غلط ، تعب نفسي وجسدي وضياع فلوس بدون فائدة..

قبل ما تخططي لأوروبا، تاكدي من التخطيط السليم 100% .. احرصي على اللغة ولا تفترضي أبدا انهم بيتكلموا عربي .. وانوي نية خير واستمتعي باذن الله تعالى

:e305::e305:

bbcurve2006 26-10-2016 11:20 AM

فعلآ قبل الذهاب اطلعت لاكن ع الواقع غير طيب مثلآ المكان السياحي ماراح يكون عند نفس المحطه بيكون بمكان قريب منه طلعنا من المحطه وين نروح مافيه احد تسأله مايفهمونا ولايبون يردون اغلبهم. لا والله صعبه لاكن اخر يومين حفضنا الطريقه وعرفنا كيف نروح ونرجع ولله الحمد وقدرنا نزور كذا شي بس الايام قليله لذلك ماكفت يوم واحد يروح في زياره مكان سياحي واحد. سهل البلد للي سبق وجربه الحين لو ارجع ادور البلد دور لو لحالي. لاكن كأول مره صعب جدآ


أرسلت بواسطة iPhone بإستخدام Tapatalk

آخـــرفـــرصـــة 26-10-2016 12:53 PM

وعليكم السلام

تقرير جميل وتجربة مفيدة لنا كسواح لأنها نابعة من القلب

برأيي اللي مريتوا فيه طبيعي لأن هونق كونق فعلاً بلد كل شي فيه يتم بسرعه
يعني لامجال للتعلم أو السؤال المطول
هونق كونق تناسب الخبير السياحي أكثر فاللي يحب يزورها لابد يكون زار أكثر
من دولة آسيويه قبلها لأنها نفس النمط تقريباً بس على أسرع و أرتب و أغلى

قد ينصدم السائح بالاسعار بأول يوم لأنهم يتكلمون بالدولار وهم يقصدون دولار هونق كونق
وحنا مخنا مبرمج على الدولار الامريكي خخخخخخ
أتوقع تقصدين السوق الليلي في شارع تمبل وفيه كمان ladies market

في شرق آسيا عموماً وفي تشاينا تاون بأي مدينة لاتكاسر الا اذا كنت بتشتري
و عموماً الصينيين غثيثين في البيع والشراء وهذا طبيعي الواحد اذا سأل عن السعر
و ماعجبه راح يحاول انك تشتري باقناعك وهذا يعتبرونها شطارة بس ماعليك منهم

البلد حلو وفيه خيارات كثيرة بس يبدو أن خبرتكم بالسفر قليلة
وهذي راح تتطور مع الوقت وحلو انكم غامرتم بزيارتها
مع الوقت راح تلاحظين أنكم تعلمتم الكثير من هذي السفرة
بس النتايج محتاجة صبر و ماراح تشوفينها الا بالسفرة الجاية

المهم أنكم تستمرون في المغامرة و مع الوقت راح تفهموا أي مترو
أو قطار بأي بلد كان حتى لو بلغة ماتفهمونها

أعجبني ذكرك لنقاط هامة تلخص الرحلة وتساعد من يسافر بعدك

اسلوبك رائع فقط يحتاج بعض التنسيق
اما الارقام العربية لاتظهر عن طريق التطبيق
لذا استخدمي الارقام الانقليزية أو اكتبيها كتابة

شكراً لك استمتعنا بقراءة تفاصيل الرحلة
و جميل أنك تعرضين المساعدة للمسافرين مستقبلاً

bbcurve2006 26-10-2016 05:31 PM

صحيح كلامك طريقه التنقل جديده علينا وعادي اللغه اعرف انجليزي لاكن مايفهمون شعبهم اذا بسأل هل المول الفلاني هنا او لا. الحمدلله الضياع اغلبه في الايام الأولئ لان اذا وصل القطار الشعب سريع مايخيلك حتى تركز اي اتجاه بتروح واذا ماركبت سكر القطار. باالعكس البلد جميل صح غالي لاكن استمتعنا فيه مع الضياع غلطتنا ماكثرنا ايام ع كلام الزوار قبل ان حدها خمس ايام وهذا غير صحيح. اوربا ان شاءالله باخذ كورسات عند اختي هي خبره فيها لان انا وزوجي فقط دولتين زرنا
ماعندنا الخبره الكافيه ومن هاالتجربه تعلمنا زوجي معتمد ع لغتي والصين مافي لغه انجليزي انا اعتمدت عليه يحفظ من اي بوابه عشان نرجع معها. [emoji23].


أرسلت بواسطة iPhone بإستخدام Tapatalk

فيصل 29-10-2016 02:45 AM

تسلمين ما قصرتي
أعتقد انك تكتبين من برنامج تاباتوك ما يظهر الأرقام للأسف
تجربه ما راح تنسي من قبلكم
نشكرك علي ذكر تجربتك
في حال أن البلد ما يتكلم أو صعب التواصل معهم أبحث عن أي برنامج مترجم يكون سهل لكم
بالعاده ترجم الموقع أسمه الي لغة البلد والعربي والانجليزي علشان علي الأقل تعرف من يوصفه لك أو التاكسي

a2b2c2 31-10-2016 12:29 AM

اختي الفاضلة
تحية طيبة


والحمد لله على السلامة وشكراً لذكر تجرتك وطرح رأيك عن هونج كونج ولكن لي بعض الملاحظات .
الفندق الجميل الواقع في دسكفري بي تم طرحة في موضوع خاص هنا في البوابة ويحمل اسم واجهات بحرية في هونج كونج وتم عرض صور لجميع المرافق فيه .
*افتقدت رحلتكم للتخطيط .
*تتوفر الخرائط السياحية التي تغطي كل شي في هونج كونج
*كونسيرج الفندق يوضح لكم كل شي قبل الخروج من الفندق لدرجة انه يكتب لكم جميع الأماكن باللغة الصينية لتساعدكم .
*في محطات المترو توجد لوحات كبيرة بالغة الأنجليزية للأماكن المهمة التي يمكن الوصول لها من المخرج . بالأضافة الى ان العاملين في شباك التذاكر وشباك المعلومات يتكلمون اللغة الأنجليزية .
*شهر اغسطس من الأشهر الغير مناسبة لزيارة هونج كونج وذلك للظروف المناخية السيئة .
*صحيح قريتي كثير واعتقد انك جمعتي المعلومات ولكن لم تقومي بترتيب جدول للتنسيق بزيارة الأماكن السياحية القريبة من بعض في نفس اليوم .
*تطبيقات الهاتف المحمول متوفرة عن هونج كونج وتحمل اسماء الأماكن وصورها وباللغة اللأنجليزية والصينية .
*يفترض تم الأتصال بالفندق قبل سفركم لمعرفة طريقة الوصول له ولتحديد مكان موقف الباص عن طريق ارسال خريطة المطار لكم .
*خمسة ايام او اسبوع كافية لتغطية هونج كونج بالأضافة للتسوق ولكن بالتخطيط والترتيب الجيد .
كل ما ذكرت هو نعقيب على طرحك ونصيحة لزوار المستقبل لهذا البلد الجميل والمنظم والواضح جداً.
دمتي في حظ الله ،،،

ZUHUR 28-07-2017 03:19 AM

خفت لما قرأت الموضوع حسيت بتوهق ��

abdziz 31-07-2017 06:47 PM

والله كثير يسبون و كثير يمدحون هونج كونج.

انا بروح ان شاء الله و سبق اني رحت لها حلوة. لكن حتى ديزني اللي تقولين عنها غالية ترى زي اسعارنا ويمكن اقل وترى فيها اكل حلال ومتاكد من ذلك.

الواحد اذا يبي يسافر يروح و نيته ينبسط اما اللي يروح كاره فلا يتعدى ربوع بلدي.

اكيد السفر فيه صرف لكن فيه وناسة وسعة صدر للي بييها


تحياتي للجميع و ان شاء الله راح اقدم تقرير عن هونج بعد السفر

حلم الترحال 01-08-2017 11:38 AM

على فكرة تجربة جميلة هتفتكريها لما تسافرى تانى

الاستعداد قبل السفر والتخطيط هيسهل الامر

انا كنت فى هونج كونج فى ابريل 2017 وكانت سهلة لتعودى على السفر

اتمنى ليكى مزيد من التوفيق فى الرحلات القادمة

خط الرحلة 01-08-2017 03:10 PM


نصيحه قبل السفر

القراءة القراءة القراءة

لا بد للشخص ان يطلع بشكل كبير و واسع للدولة التي ينوي زيارتهــا

( كن بعقلك هنـــــــاك و جســـــــدك في منزلك )

بمعنى انك تفكر و تخطط جيداً و تختار مكان الاقامة و طرق الانتقال و أهم الاماكن كأنك هنــاك



..............


اتمنى للجميع رحلة موفقة

Yousef35 01-08-2017 08:39 PM

:e304::e304::e304:
يعطيك العافيه

توبليرون 10-09-2017 09:54 PM

شكراا لذكر تجربتك اختي الغاليه
وان شاءالله خيرها بغيرها

صوت بني تميم 23-09-2017 07:37 PM

ما شاء الله .. تقرير مميز اختي
ترى والله طبيعي تضيعون هذي اول مرة تروحون لها وغير كذا لو استعنتوا بتطبيق تريب ادفايزر الي يعلمكم الاماكن المشهورة والمطاعم والفنادق بأنواعها الي قريبة منكم وكم تبعد بالضبط والطريق لها وتقييماتها

نصيحة وانا اخوك لا تتفقين مع مرشدين خاصة عرب هالحركة انتهت من العصر الحجري هههههههه
الحين الله لا يخلينا منه اوبر وقوقل ماب وتريب ادفايزر ومواق الحجز مثل بوكينق والمسافر وغيرها تغنيك وتريحك من مكاسر واستغلال العربي لك وجشعه
وتضمن ان فلوسك ما تروح في خبر كان

اكرر شكري على تقريرك واسلوبك الرائع [emoji257]


Sent from my iPhone using Tapatalk

محمد الجفري 24-09-2017 02:28 PM

تقرير جميل و الجايات اجمل إن شاء الله ..؛

Karagul 07-11-2017 12:50 AM

بعد اذنكم عاوزة اعرف اسواق في هونج كونج بتبيع مستلزمات التجميل ومنتجات زي الي موجودة علي موقع علي اكسبريس

Mekky 18-08-2018 06:16 AM

مشكورة اختي الكريمة

bbcurve2006 17-12-2018 03:47 AM

السلام عليكم بعد مرور ٣ سنوات اتوقع ابشركم
الله كتب لنا زيارة هونج كونج للمره الثانيه:52:

وفعلآ كلامكم سليم السبب من تخطيطي السيئ قبل الرحله:20:
لان ثاني رحله كانت سهله ميسره
نمشي في الدوله خبرره :e419:

مادري ايش كنا اول مره مستصعبين الدوله

فهلآ الدوله تجننن ولهاالسبب رجعنا لها للمره الثانيه واتمنى ارجع لها للمره الثالثه

خططت كويس بعد اول تجربه وكانت ممتعه بجد ومابغينا نرجع مدة الرحله الثانيه ٨ ايام
ا
اخترنا اول ٤ ايام في جزيرة لانتاو الممتعه وجربنا الاطلاله ع البحر يومين وطلعت تجننن تصميمي الغرفه يختلف اذا ع البحر مباشره واليومين الباقين نص ع البحر ونص ع الجبل

فعلا الدوله يبي لها تخطيط والاسعار حتى تقبلناها����
منطقة كولون حجزنا بفندق ع الهاربر مباشره مستوى الغرفه عادي لاكن الموقع مميز كاطلاله لانه فوق ميناء والفندق بوسط مول وبوسطه بعد محطة السفن تصميمه كذا مبنى ونقطة سيئه ان مافيه جنبه محطة مترو نرخ لهوليدي ان عشان نطلع من هناك لباقي المناطق زرنا اوشن بارك والبيك كلهم اماكن سياحيه ممتازه استمتعنا باجواء هونج كلها مطر بس فيه رطوبه قليله كانت الرحله الثانيه بعد عيد الاضحى بيوم الاجواء تهبل بهونج المطاعم هاالمره رحنا مغربي وهندي اكثر شي الطعم حلو مقبول لا الدوله تجننننن تجنننن لذلك خططو كويس لها لاتخربطون مثلنا كاول رحله لعدم معرفتنا :42:

abady80 19-03-2019 12:30 PM

نشكرك اختي على التقرير قريب رايح شهر عسل اهم شي المغامرة

ام عزيـــز 19-03-2019 05:32 PM

اقتباس:

المشاركة الأصلية كتبت بواسطة abady80 (المشاركة 461187)
نشكرك اختي على التقرير قريب رايح شهر عسل اهم شي المغامرة




الف مبروك مقدماً
و رحله سعيده

.:e306:
.

Bushra28 09-06-2019 08:00 AM

شكرررا على كل التفاصيل والمعلومات الجميله:e32f::e329:

هونج كونج 30-06-2019 01:56 PM

مفيد

شكرا

Muneer999 15-07-2019 04:58 PM

جميل جدا

S0S 19-07-2019 08:44 PM

جميل:e303:


الساعة الآن 12:27 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO