X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين31الاعجاب
إضافة رد
 
LinkBack أدوات الموضوع انواع عرض الموضوع
قديم 25-10-2016, 02:58 PM   #1

مسافر جديد

 
 
تاريخ التسجيل :  May 2016
رقم العضوية : 9549
الجنس : انثى
المشاركات : 34



افتراضي رحلتنا الى هونج كونج قبل تسافر لها اقراء موضوعي


السلام عليكم ورحمه الله

مدري كيف ابدأ موضوعي الي بيكون فيه كذا رأي او انطباع عن دوله هونج كونج بضيعكم شوي
لانها بلد محير من جد تحبها وتكرهها بنفس الوقت [emoji28]


اضغط على الصورة لعرض أكبر

الاســـم:	IMG_0881.JPG
المشاهدات:	422
الحجـــم:	324.0 كيلوبايت
الرقم:	2777
اول شي بحثت عن هونج في المنتدى كثيررر
واخذت كذا معلومه ساعدتني ولاكن

فيه اشياء كثير محد علمنا عنها وهي مهمه مرره

قبل تختارون هذي الدوله حطو ببالكم انها دوله صينيه مااحد يتكلم انجلش الا نادرآ والعاملين باالفنادق الباقي تكلمهم انجليزي ع عربي تطقطق عليهم لاكن ماراح يفهمون شي ولا انت فاهم شي هههههههههه هذا حالي انا وزوجي

كان تخطيطنا ع سنغافوره وسبحان الله ماالله كتبها لنا بعد حجوزات واشياء صارت باالتأشيره وهاالمشاكل

البلد جميل متطور كله ناطحات سحاب طبيعه
الي لاحظته ان ماعند شعبهم بيوت يسكنون بناطحات سحاب[emoji849]. شعب كشخه [emoji7] اجوائه امطار طول الوقت خاصه من الليل الى الساعه الظهر صواعق[emoji30] لاكن رطووبه مرره مررره.

المهم اخترت هونج كونج ويحثت حجوزات ع الطيران السعوديه كله فل شفت اقرب شي اتحاد الأمارات وحجزنا وكل شي خمس ايام فقط ع كلام الي زارو هونج قالو حدها ايام

حبيت انوه ان حدها ايام ع خطوط اتحاد الامارات شخصين ب ريال تقريبآ
اما ع الخطوط
العمله حولنا مبلغ بسيط باالبطحاء باالرياض وكان مو مره سعر الصرف ورحنا ابوظبي وحولنا مبلغ كمان وكان الصرف اسوء من الرياض. واكتشفنا ان سعر الصرف بهونج شارع نيثان مرره بطل فرق عنا وعن ابو ظبي تحويلهم الالف تصير الفين[emoji30] لحد يصرف عمله الا بهونج شارع نيثان عماره جنب هوليداي ان واحد هندي[emoji106]
البلد مرره بعيد وتعب ترانزيت ابو ظبي وانتظار
الي بيسافر لها يروح دايركت ولا يصيف بأبها احسن له[emoji28] من جد متعبه

سفرتنا بشهر اغسطس نصيحه لحد يسافر بهاالوقت بسبب زحمه السياح

مده سفرتنا ايام مقسمه ع يومين منتجع ديسكفري باي وثلاث ايام هوليدي ان شارع نيثان
بتكلم اول شي عن المنتجع وكيف قبل اروح له اخذت فكره عنه انه منقطع عن العالم ومحد تكلم
عن المكان بشي ايجابي كثير بتكلم انا
اول خطوه الحجز احجزو مطل ع الجبل وع شوي من البحر الاطلاله تشوفون مسبح الفندق هاالاطلاله تجننن اصلن الفندق كله يجنن ندمنا انا ماطولنا فيه
اصعب شي لما وصلنا لمطار هونج كيف نروح للفندق التكاسي مايروحون للفندق لازم باص خاص باالفندق يجي كل ساعه بمكان معين
طيب احنا تونا واصلين كيف نعرف المكان والمطار كبير مرره ضعنا يمكن ساعات جلسنا بس ندور وين محطه الباص ولما لقينا محطه الباص انتظرنا يجي وحنا تعبانين متخيلين اخر شي جلسنا ع الرصيف والمواقف مو مكيفه بهاالحر والتعب شافنا مسؤول وكلمناه عن فندقنا قال بيجي باصكم وانتظرنا لحد ما قلنا ليتنا مااخترنا هونج [emoji24][emoji24]. واخيرآ جاء الفرج واخذنا الباص ماتتخيلون الفندق قريب مو بعيد ليش مافي احد بيروح له لان هي منطقه كبيره فيها فنادق وملاعب ومدارس مايدخلها الا الي معهم بطاقه تابعه للمنتجع مافهمت المهم منطقه مرره كبيره واماااان دخلنا امور الفندق والتسجيل مره سريعه ودخلنا الغرف بسرعه الفندق يجنن الغرفه تجنن الأطلاله تخرفن من جدد حبيت الفندق من تدخله تنزل عليك اشياء واحاسيس مدري وش تبي[emoji23] اجواء تفتح النفس
اضغط على الصورة لعرض أكبر

الاســـم:	IMG_4036.JPG
المشاهدات:	1173
الحجـــم:	539.3 كيلوبايت
الرقم:	2762اضغط على الصورة لعرض أكبر

الاســـم:	IMG_4041.JPG
المشاهدات:	751
الحجـــم:	399.6 كيلوبايت
الرقم:	2763اضغط على الصورة لعرض أكبر

الاســـم:	IMG_4040.JPG
المشاهدات:	566
الحجـــم:	445.8 كيلوبايت
الرقم:	2764اضغط على الصورة لعرض أكبر

الاســـم:	IMG_4042.JPG
المشاهدات:	712
الحجـــم:	609.3 كيلوبايت
الرقم:	2765اضغط على الصورة لعرض أكبر

الاســـم:	IMG_4043.JPG
المشاهدات:	607
الحجـــم:	574.7 كيلوبايت
الرقم:	2766اضغط على الصورة لعرض أكبر

الاســـم:	IMG_4034.JPG
المشاهدات:	1050
الحجـــم:	373.4 كيلوبايت
الرقم:	2767
حبيت حركه البانيو مطل ع الغرفه بحاجز زجاج والأطلاله كلها زجاج تشوف الرايح والجاي والجبل والطبيعه والامطار والبحر والمطاعم كل شي مطله عليه غرفتنا
المطاعم فيه عربيه هندي وتركي. جنب الفندق وسوبرماركت اخذنا فطورنا منه كل شوي لان ماحجزنا مع الغرفه قالو انه مو حلال وقبل نجي لهونج امنا نفسنا بمعلبات وتوست وشاهي وسكر وقهوه وشابوره وحلويات يعني خفايف فادتنا مرررره المطعم الهندي مستواه حلو ومنطقه المطاعم روعه وكلها روقان مايسكرون الا يمكن باالليل. المطعم التركي بعد حلو الفندق تحجزون منه لديزني لان عندهم مكتب بااللوبي. الفندق نظافه وامين نسينا اغراضنا الثمينه ورجعنا ع مكانها [emoji106]. انصح باالفندق بشدده المفروض هذا الفندق ايام تجلسون فيه. فندق حي وعالم مايفضى تصويري كان اغلبه فيديو وسناب[emoji28]

انا ماكنت ادري ان الذهاب للاماكن السياحيه من الفندق سهل لاني اجهل طريقه الذهاب بباص الفندق لونه تفاحي الى محطه المترو اسمها صن باي لاكن المترو تاخذون باص الفندق يوديكم لمحطه صني باي هذي محطه قطار توديكم كل الاماكن بس احفظو الخريطه واي محطه واذا وصلتو للمحطه وين تروحون يمين يسار[emoji23] والمترو كل قطار ملون بلون اىمحطته مثل خريطه المترو. وقطار ديزني شبابيكه ميكي. تقدرون تروحون من الفندق بباص الفندق الى المحطه ثم الى ديزني تقصون تذكره سهل ورخيص وتركبون قطار ديزني مميز قريب ومحطه التلفريك ومعبد بوذا تلقونه بخريطه المترو اخر خريطه مكتوب بيق ورسمه تلفريك هذي اسهل محطه لنا[emoji23]
لان انا وزوجي مرره ضيعنا كثير وقت ماكنا بفندق ديسكفري باي فقط رحنا لديزني لاند
بتاكسي اختارو سواقين صغار اخترنا عود مايشوف بغينا نصدم كذا مره الطريق ضيق ويمشي باالوسط مرره رعب طبعآ ديزني لاند قريبه وجميله لاكن لاتلعبون اغلبها العاب تدوخ خاصه الفضاء وانتظار الالعاب مره ممل مع الزحمه احلا شي القارب الي يمشي باالنهر البلد غالي مره مع ان عملتها الريال افضل منهم وديزني دبل انصحكم تاخذون معكم اكل ومويا لان مره غالي.
اضغط على الصورة لعرض أكبر

الاســـم:	IMG_0979.JPG
المشاهدات:	1025
الحجـــم:	202.7 كيلوبايت
الرقم:	2776
اضغط على الصورة لعرض أكبر

الاســـم:	IMG_4049.JPG
المشاهدات:	419
الحجـــم:	419.4 كيلوبايت
الرقم:	2768اضغط على الصورة لعرض أكبر

الاســـم:	IMG_4048.JPG
المشاهدات:	373
الحجـــم:	430.5 كيلوبايت
الرقم:	2769اضغط على الصورة لعرض أكبر

الاســـم:	IMG_4052.JPG
المشاهدات:	334
الحجـــم:	448.7 كيلوبايت
الرقم:	2770اضغط على الصورة لعرض أكبر

الاســـم:	IMG_4050.JPG
المشاهدات:	298
الحجـــم:	522.0 كيلوبايت
الرقم:	2771اضغط على الصورة لعرض أكبر

الاســـم:	IMG_4053.JPG
المشاهدات:	517
الحجـــم:	497.9 كيلوبايت
الرقم:	2772اضغط على الصورة لعرض أكبر

الاســـم:	IMG_4054.JPG
المشاهدات:	317
الحجـــم:	468.3 كيلوبايت
الرقم:	2773
دخلنا انا وزوجي حدود ريال لديزني مع الالعاب وندمنا مالعبنا الا كم لعبه مره قلبت كبودنا من كم لعبه من قسم الفضاء[emoji7] انصحكم تمشي وتروحون لها قبل ساعه من عرض الشخصيات الكرتونيه روعه والشخصيات حلوه ذكريات طفولتنا. اغلبها تمشي مالعبنا كثير مع اني متحمسه لها بس زحمه وطوابير العالم ماحبيت اضيع وقتي طبعآ بعدها رجعنا لفندقنا الجميل صراحه هاالفندق مدري وش اقول يصلح للعرسان والرومنسين بجد[emoji24]
حتى وانت باالغرفه ماتبي تطلع اجواء امطار من رحنا لهونج لما رجعنا وطبيعه واطلاله روعه. هاالفندق جامع كل شي من مطاعم واجواء واطلاله وحياه[emoji253][emoji854]ماكنت ادري ان مول الاوت لوت قريب[emoji848]بس نروح لمحطه الصني باي ومنها ع السوق لان لحد الان ماقدرنا نعرف للبلد

اضغط على الصورة لعرض أكبر

الاســـم:	IMG_1043.JPG
المشاهدات:	341
الحجـــم:	455.8 كيلوبايت
الرقم:	2774

البلد صعبه صعبه هذا عيبها وهو الي يخرب عليكم لو فيه مرشدين عرب افضل
التنقل فيها كمان صعب المفروض مااخترنا مترو لو اخذين تكاسي افضل عشان اقل شي نتفرج ونعرف الاماكن من الطريق مو المترو تحت الارض مانشوف الا قليل. واذا ضيعت بتسأل محد يعرف مع اني مخزنه كل شي بس


نفس الشي نضيع ونركب مترو مو متجه لكولون ثم نرجع تخيلو ثلاث ايام نمشي كذا ع عمانا ان صابت وان خابت ههههههههه لما اسأل احد من الاحباط اتكلم انجليزي وعربي هههههه[emoji23] وزوجي ضحك يكلمهم


باالاشارات والصور نوريهم الاماكن [emoji82]الي خدمونا هنود بشارع كولون زي الدلالين يعلمونك المطاعم


العربيه بس غالي مره الاكل العربي ومالك الا هو لان كل شي مو حلال الا بقاله سفن هذي ادمان ومخبز مادري طحنا فيه ماندري اذا حلال او حرام بس مره لذيذ[emoji7] طبعآ بعد يومين انتقلنا من ديسكفري باي الى منطقه كولون لفندق هوليداي ان من مترو لمترو ومليون واحد سألنا لحد ماوصلنا الفندق باالسلامه اشكالنا تضحك وحنا مضيعين شارع نيثان عالم واسواق ومحلات ذهب والماس وماركات واسعارهم خياليه[emoji28]


الي يبي الماركات شارع نيثان مكفي وموفي كله محلات الماركات العالميه والشارع الي جنبه مادري وش اسمه كلها ماركات قوتشي وفيه محلات اتش ام ومحلات ساسا زي وجوه عندنا كله عطور ومكياج وغيره لوحته ورديه يوجد بكل متر هاالمحل [emoji23]
خياليه[emoji28]




دخلنا الفندق موقع الفندق حلو انه جنب المطاعم العربيه والاسواق بس مانبي ماركات موجود عندنا باالسعوديه لاكن ندمنا انا حجزنا فيه

فرق شاسع بينه وبين ديسكفري باي اطلاله هوليدي فاشله وتروع ماقدرنا حتى نفتح الستاره

ماحبيته اكبر غلط سويناه انا حجزنا ع ناثان المفروض ع الهاربر مباشره حاجزين لو الفندق بمليون يستحق الصراحه حتى الفندق الاول
الاخلاق رايقه بكل وقت اما هذا ابد ماحبيناه[emoji24]
اضغط على الصورة لعرض أكبر

الاســـم:	IMG_1217.JPG
المشاهدات:	525
الحجـــم:	620.6 كيلوبايت
الرقم:	2779
اضغط على الصورة لعرض أكبر

الاســـم:	IMG_4055.JPG
المشاهدات:	418
الحجـــم:	450.1 كيلوبايت
الرقم:	2780
اضغط على الصورة لعرض أكبر

الاســـم:	IMG_4056.JPG
المشاهدات:	372
الحجـــم:	437.3 كيلوبايت
الرقم:	2781






مع انه نظيف وموقعه عند المولات الي بيجي لهونج لايختار عشان المولات لان كلهم ماركات وغاليات دبل الي يجي سياحه يحجز ع الهاربر يجنن طبعآ قضينا اول يومين اسواق ومجمعات وقلت ماراح اروح للبيك بروح لسوق السيدات وابتدت معاناه المترو هذا ثاني يوم لنا باالهوايدي ان.

لحد ماوصلنا للسوق الفاشل جدآ والي من جد خطررر خطررر ع العرب
السوق شعبي وعشان تطلع من المحطه تمشي طرقات زي البطحاء عندنا باالرياض
مره يخوف مع ان الشعب مو لم احد
السوق شعبي البضاعه عاديه الى سيئه وغاليه
البائعات تستفسر فقط عن السعر يلصقون بحلقك الا تاخذه لدرجه ان الحريم يصايحن وشوي بيبكون الا تاخذون البضاعه ومعصبين

انا سميته سوق انقري ومن وش ذا انا استفسر فقط يسوون حركات مدري كيف حسبي عليهم تخيلو لحالنا وكلهم صينين معصبين الوضع ابد مو اوكي ومحد نبهنا نصيحه لحد يروح مشيت سأل عن شنطه فقط شانيل طلعت لي الي تبيع من تحت وهي كأنها تسرق خايفه من الشرطه قلت خلاص مابي وامشي وتعصب وتقعد تهاوش واقولها مابيها خلاص ليش معصبه ونص ساعه انا وياها عشان اقول مابي ويجي زوجي ويفهما وتصايح عليه طلع الفلوس طلعها وياخذني وتقعد تسب زوجي ونمشي وتجي تسحبني قدام الامريكيات الا تشترينها وتخفض اقول لا مامعي فلوس بس مابي انا خ

 

الصور المصغرة للصور المرفقة
IMG_2789.JPG‏   IMG_1213.JPG‏  
bbcurve2006 غير متواجد حالياً   رد مع اقتباس
قديم 25-10-2016, 03:18 PM   #2

مسافر جديد

 
 
تاريخ التسجيل :  May 2016
رقم العضوية : 9549
الجنس : انثى
المشاركات : 34



افتراضي


مابي انا خفت من الوضع مع اني فهمتها مابي انقلعي عني لانها ضاربه سعر الشنطه باالف وشي وكل شوي تنزل وتنزل لحد ماوصلتها دولار قلت خلاص باخذها لاتذبحني ذي واخذها من كثر مااقلقونا البائعين صرنا مانشوف البضاعه المهم اخذ كم غرض اذا شفت زوجي يمشي بسرعه من جنب المحل الي ادخله عرفت ان فيه بائعه تلحقه الا تشتري وزوجي مطنش ههههههه شكله يضحك [emoji849] وش هاالنفسيات حسبي عليهم من سوق المهم نرجع للفندق وقبلها كم محل فطاير وتمشي واسواق
عاد الشنطه طلعت تجننن الحمدلله اني شريتها جودتها كأنها اصليه وفرنسيه[emoji23][emoji23][emoji23][emoji7]
نفعني يوم لصقت بحلقي ورحنا للتلفريك المنطقه تجننن روحو لها بوقت المطر مرره الأجواء تفتح النفس حبيتها واهم شي التذكارات اذا صوروكم اشترو كل الي يعطونكم تصويرهم بطل وفصه زي العلبه فيها مويا وصورتنا داخل حبيتها[emoji24]
اخر يوم لنا اقول لزوجي وين الهاربر ونسأل مصاريه قالو نهايه الشارع اكتشفنا ان الهاربر كم خطوه عن الفندق ولنا يومين ندور ماندري وين نروح. [emoji30] رحت ادور كوفي وادي الأمان ذكريات طفولتي الا ازوره والحمدلله لقيناه بعد ضياع وبعد كم صوره امشي اسألهم وينه وينه[emoji85] الهاربر قريب من شارع نيثان نهايه الشارع وبنفس المكان عروض الأضواء رووعه انقهرت انا ماركبنا بسفن الصينين باالبحر وقت العرض مره حماس وناس فله [emoji7][emoji24] حبيت المكان ومنه عرفنا وين عين هونج كونج يعني الي مايدري وين يروح مثلنا بس يروح ع الهاربر يشوف كل شي . طبعآ قمه البيك مارحنا لها وكذا منطقه سياحيه مارحنا لان الايام قليله وكان التنقل صعب علينا اخر يومين عرفنا للمترو صرنا خبره بس بعد وش [emoji28]

ماانصح باالسفر لهونج كونج لسببين

صعوبه التنقل مرره صعبه. وكل شوي فيها اعاصير وفياضانات الحمدلله كان قبل اسبوع من وصلنا هونج جايهم اعصار ورجعنا بفضل الله ماجاهم شي فقط امطار وطبيعه تجنن
بس رطووووبه مررره.

احاول اعصر مخي بأشياء كنت ابي انبه لها لاني قاعده اكتب الموضوع بعد شهر ونص من السفره[emoji85]. باالنسبه للحجاب لبست عبايه بيج ولثام سكري ونظارات غطيت كل شي [emoji23] واذا حسيت انهم استغربوني رفعت النظارات من هاالناحيه مايتكلمون بس مو عاجبهم شعبهم شعب مايضحك ومستعجل الا يركض طول الوقت وقليل يرد ع استفساراتنا يمكن خايفين مني[emoji317]. العرب قليل بهونج واستغربت فيه سعوديات لابسين عباه سوداء حنيت لها ع طول ورفض زوجي خوفآ اني اكون شبهه [emoji849].
مطاعم عربيه بكل مكان ماتحتار وفيه هنود بشارع ناثان يدلونكم ع الاماكن القريبه ماقصرو معنا.
البلد كرهناه وحبيناه بنفس الوقت

بعد مارجعنا ندمنا انا ماطلونا استمتعنا كثير

بأجواء فندق ديسكافري باي منطقه فيها حياه وقدامه روضه اطفال ومطاعم وناس رايقه[emoji173] يعني فندق ونييييس

واستمتعنا بمغامراتنا استكشفنا اشياء جديده
حبينا الضياع الي صار بعد مارجعنا ولا وقتها مو اوكي ههههههه

نهايه الموضوع لحد يسافر لهونج كونج


فيه بدائل لها ماليزيا الحب العشق
مافيها ضياع ابد
او اوربا. خطوتنا الجايه اوربا بعد ماخلصنا من ماليزيا وهونج كونج.

اتوقع بأوربا ضياع طول الوقت لانها تعتمد ع السائح مافي دلع مثل ماليزيا وبرامج سياحيه وجولات[emoji23][emoji23][emoji23] عزالله عشنا ملوك بماليزيا

ولا مانع من حياه الشقى بهونج[emoji16]

اتوقع كذا انتهى التقرير. اي استفسار انا حاضره. ًًًاضغط على الصورة لعرض أكبر

الاســـم:	IMG_4061.JPG
المشاهدات:	255
الحجـــم:	410.4 كيلوبايت
الرقم:	2782اضغط على الصورة لعرض أكبر

الاســـم:	IMG_4062.JPG
المشاهدات:	259
الحجـــم:	457.5 كيلوبايت
الرقم:	2783اضغط على الصورة لعرض أكبر

الاســـم:	IMG_4064.JPG
المشاهدات:	201
الحجـــم:	639.8 كيلوبايت
الرقم:	2784اضغط على الصورة لعرض أكبر

الاســـم:	IMG_4060.JPG
المشاهدات:	227
الحجـــم:	418.2 كيلوبايت
الرقم:	2785اضغط على الصورة لعرض أكبر

الاســـم:	IMG_4059.JPG
المشاهدات:	190
الحجـــم:	344.6 كيلوبايت
الرقم:	2786اضغط على الصورة لعرض أكبر

الاســـم:	IMG_2787.JPG
المشاهدات:	204
الحجـــم:	464.0 كيلوبايت
الرقم:	2787اضغط على الصورة لعرض أكبر

الاســـم:	IMG_2793.JPG
المشاهدات:	197
الحجـــم:	452.0 كيلوبايت
الرقم:	2788اضغط على الصورة لعرض أكبر

الاســـم:	IMG_3932.JPG
المشاهدات:	204
الحجـــم:	404.6 كيلوبايت
الرقم:	2789اضغط على الصورة لعرض أكبر

الاســـم:	IMG_3933.JPG
المشاهدات:	174
الحجـــم:	544.8 كيلوبايت
الرقم:	2790اضغط على الصورة لعرض أكبر

الاســـم:	IMG_3929.JPG
المشاهدات:	188
الحجـــم:	159.5 كيلوبايت
الرقم:	2791اضغط على الصورة لعرض أكبر

الاســـم:	IMG_3935.JPG
المشاهدات:	190
الحجـــم:	310.2 كيلوبايت
الرقم:	2792اضغط على الصورة لعرض أكبر

الاســـم:	IMG_2792.JPG
المشاهدات:	167
الحجـــم:	236.6 كيلوبايت
الرقم:	2793اضغط على الصورة لعرض أكبر

الاســـم:	IMG_2795.JPG
المشاهدات:	209
الحجـــم:	317.7 كيلوبايت
الرقم:	2794اضغط على الصورة لعرض أكبر

الاســـم:	IMG_2794.JPG
المشاهدات:	172
الحجـــم:	463.1 كيلوبايت
الرقم:	2795اضغط على الصورة لعرض أكبر

الاســـم:	IMG_1215.JPG
المشاهدات:	173
الحجـــم:	488.3 كيلوبايت
الرقم:	2796اضغط على الصورة لعرض أكبر

الاســـم:	IMG_1123.JPG
المشاهدات:	194
الحجـــم:	451.8 كيلوبايت
الرقم:	2797


أرسلت بواسطة iPhone بإستخدام Tapatalk

 

فيصل و AL Tunaiji معجبون بهذا.

التعديل الأخير تم بواسطة a2b2c2 ; 31-10-2016 الساعة 12:35 AM
bbcurve2006 غير متواجد حالياً   رد مع اقتباس
قديم 25-10-2016, 03:33 PM   #3

مسافر جديد

 
 
تاريخ التسجيل :  May 2016
رقم العضوية : 9549
الجنس : انثى
المشاركات : 34



افتراضي


مدري ليش ماتطلع الارقام لاكن البلد حدها سبع ايام. عشان اقل شي تعرف البلد اكثر من مجرد قرأتي للتقارير حسيت انها سهله لا كن الواقع اصعب. ولانا خمس ايام مارحنا للأوشن بارك ولا البيك. مجرد مانروح لمكان واحد مثلآ التلفريك ناخذ وقت باالذهاب والعوده نرجع للفندق تعبانين. الأفضل سبع ايام. والموضوع نزل مو مرتب ان شاءالله احاول ادخل من اللاب توب وارتبه[emoji28]


أرسلت بواسطة iPhone بإستخدام Tapatalk

 

آخـــرفـــرصـــة و فيصل معجبون بهذا.
bbcurve2006 غير متواجد حالياً   رد مع اقتباس
قديم 26-10-2016, 09:38 AM   #4

مميز العرب المسافرون

 
 
تاريخ التسجيل :  Dec 2014
رقم العضوية : 334
المشاركات : 2,868



أوسـمـة: كتكات783

كل الاوسمة:2 (more»)
افتراضي


أهلاً أختي .. والحمد لله ع السلامة ..

من حقك أن تبدي رأيك عن البلد .. ولكن بعد تمكن منه ..

من خلال قراءتي لتجربتك .. أرى أنكم لم تتمكنوا من دراسة البلد كما ينبغي ..

وما أدل من ذلك إلاّ مفردات .. الضياع ، عدم معرفتنا ، لم نزور ، لم نجرب ..

أي بلد له سلبيات وإيجابيات .. هونغ كونغ من أسهل البلدان وأكثرها تمكناً من

خدمة أهل البلد قبل السائح .. بخدمات ومقومات طوِّعت للإنسان ..

بلدٌ جميل وسياحي درجة أولى ( رأيي ) وكل الإحترام لرأيك ..

اسأل الله لك دوام التوفيق ..

 

كتكات783 غير متواجد حالياً   رد مع اقتباس
قديم 26-10-2016, 11:19 AM   #5

عضو قدير

الصورة الرمزية Deena
 
تاريخ التسجيل :  Dec 2014
رقم العضوية : 732
الجنس : انثى
المشاركات : 1,600



أوسـمـة: Deena

كل الاوسمة:2 (more»)
افتراضي


بصراحة يبدو لي أن المشكلة كانت في التخطيط والترتيب المسبق لديكم..

صابني صداع وأنا أقرأ تجربتكم.. صحيح الآن صارت ذكرى مضحكة لكن برأيي حرام تضيع سفرة ومصاريف بهالتوهان .. وتركبوا المترو كل مرة في اتجاه غلط ، تعب نفسي وجسدي وضياع فلوس بدون فائدة..

قبل ما تخططي لأوروبا، تاكدي من التخطيط السليم 100% .. احرصي على اللغة ولا تفترضي أبدا انهم بيتكلموا عربي .. وانوي نية خير واستمتعي باذن الله تعالى

 

توقيع : Deena

"فاطر السماوات والأرض أنت وليي في الدنيا والآخرة توفّني مسلماً وألحقني بالصالحين"
Deena غير متواجد حالياً   رد مع اقتباس
قديم 26-10-2016, 11:20 AM   #6

مسافر جديد

 
 
تاريخ التسجيل :  May 2016
رقم العضوية : 9549
الجنس : انثى
المشاركات : 34



افتراضي


فعلآ قبل الذهاب اطلعت لاكن ع الواقع غير طيب مثلآ المكان السياحي ماراح يكون عند نفس المحطه بيكون بمكان قريب منه طلعنا من المحطه وين نروح مافيه احد تسأله مايفهمونا ولايبون يردون اغلبهم. لا والله صعبه لاكن اخر يومين حفضنا الطريقه وعرفنا كيف نروح ونرجع ولله الحمد وقدرنا نزور كذا شي بس الايام قليله لذلك ماكفت يوم واحد يروح في زياره مكان سياحي واحد. سهل البلد للي سبق وجربه الحين لو ارجع ادور البلد دور لو لحالي. لاكن كأول مره صعب جدآ


أرسلت بواسطة iPhone بإستخدام Tapatalk

 

آخـــرفـــرصـــة و فيصل معجبون بهذا.
bbcurve2006 غير متواجد حالياً   رد مع اقتباس
قديم 26-10-2016, 12:53 PM   #7

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,318



افتراضي


وعليكم السلام

تقرير جميل وتجربة مفيدة لنا كسواح لأنها نابعة من القلب

برأيي اللي مريتوا فيه طبيعي لأن هونق كونق فعلاً بلد كل شي فيه يتم بسرعه
يعني لامجال للتعلم أو السؤال المطول
هونق كونق تناسب الخبير السياحي أكثر فاللي يحب يزورها لابد يكون زار أكثر
من دولة آسيويه قبلها لأنها نفس النمط تقريباً بس على أسرع و أرتب و أغلى

قد ينصدم السائح بالاسعار بأول يوم لأنهم يتكلمون بالدولار وهم يقصدون دولار هونق كونق
وحنا مخنا مبرمج على الدولار الامريكي خخخخخخ
أتوقع تقصدين السوق الليلي في شارع تمبل وفيه كمان ladies market

في شرق آسيا عموماً وفي تشاينا تاون بأي مدينة لاتكاسر الا اذا كنت بتشتري
و عموماً الصينيين غثيثين في البيع والشراء وهذا طبيعي الواحد اذا سأل عن السعر
و ماعجبه راح يحاول انك تشتري باقناعك وهذا يعتبرونها شطارة بس ماعليك منهم

البلد حلو وفيه خيارات كثيرة بس يبدو أن خبرتكم بالسفر قليلة
وهذي راح تتطور مع الوقت وحلو انكم غامرتم بزيارتها
مع الوقت راح تلاحظين أنكم تعلمتم الكثير من هذي السفرة
بس النتايج محتاجة صبر و ماراح تشوفينها الا بالسفرة الجاية

المهم أنكم تستمرون في المغامرة و مع الوقت راح تفهموا أي مترو
أو قطار بأي بلد كان حتى لو بلغة ماتفهمونها

أعجبني ذكرك لنقاط هامة تلخص الرحلة وتساعد من يسافر بعدك

اسلوبك رائع فقط يحتاج بعض التنسيق
اما الارقام العربية لاتظهر عن طريق التطبيق
لذا استخدمي الارقام الانقليزية أو اكتبيها كتابة

شكراً لك استمتعنا بقراءة تفاصيل الرحلة
و جميل أنك تعرضين المساعدة للمسافرين مستقبلاً

 

AL Tunaiji, فيصل و a2b2c2 معجبون بهذا.

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 26-10-2016, 05:31 PM   #8

مسافر جديد

 
 
تاريخ التسجيل :  May 2016
رقم العضوية : 9549
الجنس : انثى
المشاركات : 34



افتراضي


صحيح كلامك طريقه التنقل جديده علينا وعادي اللغه اعرف انجليزي لاكن مايفهمون شعبهم اذا بسأل هل المول الفلاني هنا او لا. الحمدلله الضياع اغلبه في الايام الأولئ لان اذا وصل القطار الشعب سريع مايخيلك حتى تركز اي اتجاه بتروح واذا ماركبت سكر القطار. باالعكس البلد جميل صح غالي لاكن استمتعنا فيه مع الضياع غلطتنا ماكثرنا ايام ع كلام الزوار قبل ان حدها خمس ايام وهذا غير صحيح. اوربا ان شاءالله باخذ كورسات عند اختي هي خبره فيها لان انا وزوجي فقط دولتين زرنا
ماعندنا الخبره الكافيه ومن هاالتجربه تعلمنا زوجي معتمد ع لغتي والصين مافي لغه انجليزي انا اعتمدت عليه يحفظ من اي بوابه عشان نرجع معها. [emoji23].


أرسلت بواسطة iPhone بإستخدام Tapatalk

 

bbcurve2006 غير متواجد حالياً   رد مع اقتباس
قديم 29-10-2016, 02:45 AM   #9

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي


تسلمين ما قصرتي
أعتقد انك تكتبين من برنامج تاباتوك ما يظهر الأرقام للأسف
تجربه ما راح تنسي من قبلكم
نشكرك علي ذكر تجربتك
في حال أن البلد ما يتكلم أو صعب التواصل معهم أبحث عن أي برنامج مترجم يكون سهل لكم
بالعاده ترجم الموقع أسمه الي لغة البلد والعربي والانجليزي علشان علي الأقل تعرف من يوصفه لك أو التاكسي

 

a2b2c2 و آخـــرفـــرصـــة معجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 31-10-2016, 12:29 AM   #10

مشرف سابق

الصورة الرمزية a2b2c2
 
تاريخ التسجيل :  Dec 2014
رقم العضوية : 176
الدولة : السعودية -الرياض
الجنس : ذكر
المشاركات : 325



أوسـمـة: a2b2c2

كل الاوسمة:1 (more»)
افتراضي


اختي الفاضلة
تحية طيبة


والحمد لله على السلامة وشكراً لذكر تجرتك وطرح رأيك عن هونج كونج ولكن لي بعض الملاحظات .
الفندق الجميل الواقع في دسكفري بي تم طرحة في موضوع خاص هنا في البوابة ويحمل اسم واجهات بحرية في هونج كونج وتم عرض صور لجميع المرافق فيه .
*افتقدت رحلتكم للتخطيط .
*تتوفر الخرائط السياحية التي تغطي كل شي في هونج كونج
*كونسيرج الفندق يوضح لكم كل شي قبل الخروج من الفندق لدرجة انه يكتب لكم جميع الأماكن باللغة الصينية لتساعدكم .
*في محطات المترو توجد لوحات كبيرة بالغة الأنجليزية للأماكن المهمة التي يمكن الوصول لها من المخرج . بالأضافة الى ان العاملين في شباك التذاكر وشباك المعلومات يتكلمون اللغة الأنجليزية .
*شهر اغسطس من الأشهر الغير مناسبة لزيارة هونج كونج وذلك للظروف المناخية السيئة .
*صحيح قريتي كثير واعتقد انك جمعتي المعلومات ولكن لم تقومي بترتيب جدول للتنسيق بزيارة الأماكن السياحية القريبة من بعض في نفس اليوم .
*تطبيقات الهاتف المحمول متوفرة عن هونج كونج وتحمل اسماء الأماكن وصورها وباللغة اللأنجليزية والصينية .
*يفترض تم الأتصال بالفندق قبل سفركم لمعرفة طريقة الوصول له ولتحديد مكان موقف الباص عن طريق ارسال خريطة المطار لكم .
*خمسة ايام او اسبوع كافية لتغطية هونج كونج بالأضافة للتسوق ولكن بالتخطيط والترتيب الجيد .
كل ما ذكرت هو نعقيب على طرحك ونصيحة لزوار المستقبل لهذا البلد الجميل والمنظم والواضح جداً.
دمتي في حظ الله ،،،

 

a2b2c2 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
أين تأكل في هونج كونج ؟ a2b2c2 بوابة الصين وهونج كونج 30 01-07-2021 11:45 AM
شقق هونج كونج ملاك بوابة الصين وهونج كونج 12 20-08-2019 01:24 PM
5 ايام في هونج كونج Abdullah_ بوابة الصين وهونج كونج 6 20-08-2019 01:22 PM
زيارة هونج كونج Mr.Tareq بوابة الصين وهونج كونج 6 20-08-2019 01:21 PM
استفسار عن هونج كونج hanoo_79 بوابة الصين وهونج كونج 5 21-11-2015 10:01 PM

الساعة الآن 08:40 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO