|
مطعم ( أطيب الزاد ) بجدة .. مساء الورد :e303: دايما لما أزور مطعم أصور بنية إعداد تقرير لكم وجئتكم الآن بما في جعبتي رغم إن البوابة عامرة بالتجارب والتقارير الجميلة ما شاء الله أطيب الزاد هو مطعم تركي يقدم الأطباق التركية والعربية نبدأ بالعنوان واجهة المطعم ( أخذتها من النت لأني لا أملك صورة واضحة ) :(39): الصور من 3 زيارات خلال الأربعة شهور الأخيرة تقريبا الزيارة الأولى مدخل العوايل يوجد مصعد طبعا هنا جلستنا ( ويوفرون بارتشن من قلب ) مستحيل ينشاف شي من وراه :32: نأتي للأهم وهو المنيو والأطباق طلباتنا سلطات مشكلة ( صغير ) أعطيها 10 / 10 لذيذة فعلا ودايما أطلبها النكهات متوازنة وعندهم البنجر شي خطييييير الخبر ( العيش ) و العصيرات ( رمان وبيبسي ) الرمان لذيذ 8 / 10 لأن شاورما شاكر وعالم العصيرات يضبطونه أفضل من كذا بكثييير :58: جمبري ( ربيان ) مشوي هذا طلب زوجي الدائم وراح تشوفونه في كل زياراتنا للمطعم نقيمه 10 / 10 رغم انو ليس الأفضل بشكل مطلق طلبي طاجن كفتة دجاج بالجبنة ( صغير ) بمجرد ما قرأت مكوناته في المنيو عجبني يقدمونه في الفخار ويقدم حااار ويغلي والجبنة سايحة بشكل مشهي لكن يعيبه انو طعم الدجاج ما كان تمام فيه نكهة غير محببة أعطيه 8 / 10 رز أبيض سادة أعطيه 9 / 10 انتهت طلباتنا للزيارة الأولى ما طلبنا حلى المرة هذي حلينا برى سلطة فواكه بالآيس كريم من عالم العصائر :72: وهذي الفاتورة بصراحة الأسعار مقبولة جدا يكفي انو البيبسي بـ 3 ريال فقط :D |
يعطيكي العافيه مشرفتنا. .. أطيب زاد من أفضل مطاعم جدة |
الزيارة الثانية سلطات مشكلة + مسقعة المسقعة 8 / 10 طعمها جيد لكن زيتها كثير جدا وتفتقد للنكهة اسكندر دجاج 7 / 10 طعمه مقبول لكن الدجاج عندهم فيه نكهة غير محببة وكمان الطعم مو اسكندر على أصوله ! عصير برتقال 9 / 10 الحلى .. رز بحليب أعطيه 10 / 10 وهذي الفاتورة الزيارة الثالثة ( كانت قبل 3 أسابيع تقريبا ) واضح هنا الشمندر اللذيييذ والتبولة حموضتها مضبوطة رغم انو قليل من المطاعم اللي يضبطها مسقعة وعيش كل مرة أجرب طبق غير وكان المرة هذي كباب دجاج أعطيه 9 / 10 والربيان كان حاضر طبعا وهذا طبقي رز بحليب الفاتورة انتهى التقرير وأتمنى أن يفيدكم ويعطيكم فكرة عن هذا المطعم التقييم بشكل عام جودة وطعم الأطباق 9 / 10 النظافة 10 / 10 الخدمة 9 / 10 كل مرة تختلف حسب مقدم الخدمة الأسعار 10 / 10 مقارنة بالمطاعم اللي في نفس مستواه الموقع 10 / 10 دمتم في رعاية الله .. |
اقتباس:
الله يعافيك أخوي الجوكر إن شاء الله تكون شفت باقي التقرير :) تسلم عـ المتابعة |
عوافي على قلويكم يارب شكل السلطات المشكلة تدوخ وخاصة الشمندر والبيديان المشوي والمتبل والمسعقة حلوة الشكل زوحك مثل بنتي دانه دايما طلباتها الربيان بكل انواعه يعطيك العافية على التقرير الشهي |
هني وعافيه اختي شموخ الطلبات باين عليها مشهيه ما عدا إسكندر دجاج ما حبيته دام ضابطين حموضه التبولة فالمطعم ممتاز لانه قليل المطاعم الي تضبطها شكرًا لذكر تجربتك |
والله من شكل الاطباق واضح انه رهيييب الله يعطيك العافية |
اقتباس:
الله يعافيك أم حسين تسلمين يا غالية السلطات عندهم لذيذة بصراحة وتقريبا هي نص وجبتي وباقي الوجبة من بقية الأطباق الروبيان عندهم يمدحه زوجي كثير أتمنى آكل السمك والربيان بس مافي أمل :27: الله يحفظ لك دانة وأخوانها يارب ويبلغك فيهم خير مشكورة يا عسل |
اقتباس:
يعافي قلبك يا غالية فعلا الاسكندر كان صدمة بس باقي الأطباق ما بين لذيذة ومقبولة الشكر لك مشرفتنا عالمتابعة والرد الكريم |
اقتباس:
الله يعافيك أخوي القحطاني تسلم ولهذا السبب نكرر زيارته كل فترة وفيه أفضل منه من وجهة نظري وإن شاء الله أنزل تقارير عنها لكن تفوووق من ناحية الأسعار شكرا لـ حضورك |
| الساعة الآن 05:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO