|
رحلتي الممتعة في الأراضي السعودية 2017 السلام عليكم و رحمة الله و بركاته أولا اشكر كل من ساعدني على نجاح هذه الرحله و توفيقنا باختيار الاماكن و المدن الجميلة و أخص بالشكر مديرنا فيصل و الاخوان آخر فرصة ، ابو حسن ، فارس من خيال ، فهد المنيع و اعتذر بشده عن تأخيري في كتابة التقرير لان الاغلبية ينتظرون على أحر من الجمر سامحوني بسم الله نبدأ رحلتنا كانت بتاريخ 17 / 12 / 2017 مدة الرحلة اسبوعين بدايتها من الرياض و نهايتها في الدمام و تخللها زيارة الكويت الحبيبه و راح اكتب الاماكن بالتفصيل الرحلة هاي يتنا بالنصيب سبحان الله الاهل كلهم في برشلونه و خواتي حجزوا برشلونه و انا خاطري اسافر وياهم لكن كنت قايلة من بداية السنه اذا لنا نصيب السنة بنعتمر و بزور المدينه و طبعا العيال و عيال خواتي كلهم يحنون يبغون برشلونه بس قلت لا اختكم لازم تشتي في الكويت من كم سنه و انا على هالحالة احس صار روتين سنوي بس حلو :18: طبعا الحجوزات كلها من بوكينج و ما بعور راسكم بالتفاصيل لكن بذكرها في موعدها يوم الأحد بداية الاجازة المدرسية صلينا الفجر و جهزت دلة الشاي و القهوة و الاغراض حطيناها في السياره في الليل و هالمرة ما خذنا القالوصة بس شلينا الكراسي الخلفية و خليناهم في البيت و هذي شنطة التسالي https://www.arabtrvl.com/up/uploads/...1560737531.jpg و هذي درجة الحرارة https://www.arabtrvl.com/up/uploads/...5607375352.jpg طبعا قبل السفر كنت اطلع على حالة الطقس و تبين انه يوم الاحد غائم و امطار غزيرة و انا متخوفة من هالشيء بس الحمدلله طلعنا و الجو صحو و جميل https://www.arabtrvl.com/up/uploads/...5607375373.jpg و احنا في الدرب طرشت واتس اب اودع الاهل و اختي الكبيره كانت في المطار ويا عيالها سايرين برشلونه و اختي الثانية طيارتهم العصر سايرين مكة و الا اشوف اختي مطرشة صور فيديو بيتهم غرقان من كثر المطر قلت بسم الله متى هالمطر كله استوى يادوب تحركنا بعد 10 دقايق ما شاء الله دبي غرقت من المطر و قلت الحمدلله رب العالمين طلعنا قبل المطر و الا كنا بنتأخر في الطلعة و خاصة وقت دوامات 7 و 25 طلعنا و اول محطة وقوف مطعم غنتوت https://www.arabtrvl.com/up/uploads/...5607375394.jpg خذنا سندويشات بيض و طماط و جبن و كيما براتا و شاي حليب و انطلقنا https://www.arabtrvl.com/up/uploads/...5607375415.jpg الجو ما شاء الله من اروع ما يكون https://www.arabtrvl.com/up/uploads/...5607375436.jpg رفيق الدرب توصيه من الدمام https://www.arabtrvl.com/up/uploads/...5607375477.jpg كنا طالبين الحب المصري بس للاسف مخلص وصلنا الحدود الساعة 11 و الحمدلله ما شيء زحمه https://www.arabtrvl.com/up/uploads/...5607375518.jpg https://www.arabtrvl.com/up/uploads/...5607678171.jpg خلصنا من جوازات الامارات و دخلنا السعودية و اول واحد جزاه الله خير شاف العيال و يانا و عطانا حلاوة فيكس https://www.arabtrvl.com/up/uploads/...5607678222.jpg https://www.arabtrvl.com/up/uploads/...5607678263.jpg https://www.arabtrvl.com/up/uploads/...5607678284.jpg و الحمدلله ربع ساعة خلصنا و مسكنا الخط و مرينا على محطة سحاب و العيال يبغون يتغدون بخاري :28: https://www.arabtrvl.com/up/uploads/...5607678315.jpg تو الناس على الغدى بعدها الساعه ما وصلت 11 و نص |
الشوارع كلها فيها تصليحات من اول ما نطلع من حدود الامارات و نبغي نعبي بترول و اسواق راضي المنهالي المحطة اللي فيها مسكرين https://www.arabtrvl.com/up/uploads/...5607678356.jpg بس هذا ما يمنع ندخل للتسوق و خذنا فناجين قهوة لاني نسيت اشتري و كنت ابغي ورق بس للاسف زوجي يابلي فناجين زجاج و ريحتهم استغفر الله منها توكلنا على الله و مسكنا خط الرياض مكة https://www.arabtrvl.com/up/uploads/...5607678397.jpg وقفنا عند محطة ثانية و نزلت اغسل الفناجين بالصابون مرة ثانية بس بعدها الريحة عالقة و المحطة الثالثة فركتهم عدل بالاسفنج و الصابون و الحمدلله اختفت الريحه و هني نزلنا نتغدى https://www.arabtrvl.com/up/uploads/...5607678449.jpg https://www.arabtrvl.com/up/uploads/...6076784610.jpg و طلبنا بخاري دجاج https://www.arabtrvl.com/up/uploads/...1560791851.jpg https://www.arabtrvl.com/up/uploads/...5607918522.jpg و الحمدلله شبعنا و الاكل كان ممتاز و كملنا الرحلة و هذا بسكويت اسباني لذيييييذ جدا جدا واصلني من شهر و ما جربته https://www.arabtrvl.com/up/uploads/...5607918613.jpg و اول ما كلته على طول طرشت الصورة حق خواتي و وصيتهم يكثرون منه و كل ما حد رجع من برشلونه يابلي كم حبة نسيت اخبركم زوجي كان مشترك في خدمة النت الدولية 35 درهم يوميا و انا المستفيده :24: اقتربنا من الرياض https://www.arabtrvl.com/up/uploads/...5607918634.jpg https://www.arabtrvl.com/up/uploads/...5607918655.jpg ما شاء الله المشاريع قائمة في الرياض https://www.arabtrvl.com/up/uploads/...5607918686.jpg https://www.arabtrvl.com/up/uploads/...5607918727.jpg وصلنا شقتنا دار هاشم للوحدات السكنية https://www.arabtrvl.com/up/uploads/...5607918748.jpg حجزنا ليلة ب 309 درهم و كانت عبارة عن غرفتين و صالة و نشوف الشقة معاكم غدا باذن الله دمتم بود :cfynft: |
الحمدلله اخيراا تم الافراج عن التقرير ما يقصرون الاعضاء بمساعدة الجميع زين انكم طلعتوا مبجر قبل المطر مع ان الصور تقول الجو روعه عليكم بالعافيه التسالي والسندويشات والغدا بس والله ضحكتيني بسالفة الفناجين ههههه لو انا منج اقطهم بالشارع واحد ورا الثاني اهم وريحتهم ههه الحين شوقتينا على متابعة التقرير وبنشوف الرياض بعيونج لان اهلها ما يصورون لنا شي بخلاء :22: المهم اني اول وحده بتابع ومتربعه على كرسي العرش |
الله الله بداية رائعه مبدعه دائما كعادتك :e32e::e32e: اتذكر ان احدا يسال عن شقق في الرياض واستراحة في القصيم :e119::e119: الحمد لله انكي انتي المعنية لاننا موعودين بتقرير كامل عن ثلاث دول مرورا بكم مدينة :e119::e119: مرحبا بكم في بلدكم :e32b::e32b: تحياتي لكي |
أهلا بك أختي هاوية الأسفار يسعدني ويشرفني أتابع تقريرك وأشوف ديرتي بعيون غيري من الأشياء الملفتة للنظر ولمستها في أول جزء بالتقرير ( البساطة المتناهية ) في الطرح بلا تكلف وهذا النوع من الكتابة يجذب أي متابع للتقرير واصلي في التقرير .. ولا نحتمل التأخير |
وعليكم السلام تستاهلين المساعدة مشرفتنا وأخيراً شاف التقرير النور زين خرجتوا قبل المطر ولا حستوا بالزحمة الحمد لله كل شي تيسر لكم والطريق مو زحمة البخاري ادمان أتوقع لكم فترة عنه متابعين معاك |
ماشاء الله التقرير متكامل من جميع النواحي بالرغم من انك ماسردتي التفاصيل الا انه واضح ومافيه شي مبهم واستغربت ليه حريصين انكم تطلعون قبل الامطار احس سفركم على صوت المطر ومنظر السحاب وهو مكتظ بالسماء راح يضيف شعور جاد جميل على سفرتكم وتمنيت يكون بشكل متواصل بحيث م يصير فيه انقطاع وفجوه كبيره بالتقرير بين كل مشاركه والثانيه وللامانه يمكن عشان اختلاف لهجاتكم كلامك بالجزئيه هذي اول ماقريته استغربت قلت شلون تقول عنه لذيذ وتحت تقول طرشته فـ عرفت ان معنى هالكلمه عندنا غير عنكم :24: اقتباس:
حياك الله يمه ببيتك الثاني بين اهلك واخوانك .. مشكورين الاخوان اللي خلوك تطلعين بنتيجه مرضيه عن الاماكن اللي زرتيهن وبانتظار تكملة التقرير |
استمتع بسفر السيارة خاصة تسالي الطريق ومطاعم المحطات احسه مب نظيف لكن لذيذ هههه متابعين معاكم =) |
اقتباس:
لا تلوميني أم حسين إنتي اكثر وحده عارفه بالظروف الله يعافيج و يسلمج و الله الفنايين هذيل وأيد يحبهم زوجي و عندي في البيت نفسهم مآخذهم من المباركيه قبل سنتين بس أنا خليته هو يغسلهم في الشارع و تعرفين الرياييل مالهم في هالسوالف :22: حياج الله في التقرير لازم تكونين في الفيرست كلاس :1: |
اقتباس:
سامحني نسيت أحط اسمك وَيَا الأعضاء عَل العموم شكرًا لك على تفاعلك معنا في الاستفسار و ان شاء الله ما أخيب ظنونكم لأني شوي نسيت التفاصيل حياك معنا |
| الساعة الآن 09:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO