شبكة و منتديات العرب المسافرون - رحلتي الممتعة في الأراضي السعودية 2017

- بوابة السعودية (https://www.arabtrvl.com/vb/f25.html)

- - رحلتي الممتعة في الأراضي السعودية 2017 (https://www.arabtrvl.com/vb/t33705.html)

اقتباس:

المشاركة الأصلية كتبت بواسطة هاوية الاسفار (المشاركة 392761)

اتجهنا للحرم و مريت على أكشاك التمور ابغي التمور اللي يكونون بالحبة و مغلفين قلت تصبيره

بس للأسف ما لقيت و يوم وصلنا نبغي نطوف في الصحن قالوا خلاص اكتمل العدد و ما في مكان

انزين بننزل تحت ما شيء مسكر تمينا مكاننا و طبعا وايد مزدحم المكان أذن المغرب و وقفنا نصلي

و كملنا بعد عناء لأن وايد المكان كبير نفس اللي فوق السطح

خلصنا الطواف و انتقلنا للسعي و أنا خلاص ريولي تعورني و ولدي يقول خلاص برجع الفندق

قلناله كيف ما يصير كأنك ما اعتمرت لازم تكمل و طبعا كل شوي نقعد و امد ريولي

يقولون بناخذلج كرسي متحرك أقوللهم لا بعدني ما عيزت و لازم امشي على ريولي

أذن العشاء و ما قدرت أصلي قعدت في مكاني أريح و عقبها الحمدلله خلصنا السعي

و نزلنا عند الحلاليق و قبلها في السعي وقفتني حرمة و سحبتني على طرف تبغي

تقص شعري قلتلها كيف بعدني ما خلصت قالت خذي المقص و شوي قالت عندي عيال

و عندي و عندي قلت ها هذا نوع جديد من الشحاته ما مر عليه قبل عطيتها اللي عندي

و قالت بس يعني الطمع وصل فيهم لدرجة انهم يطلبون سعر معين تبغي 100 ريال

مشيت و رميت المقص في اقرب زباله تكرمون شكله كان مستعمل و خفت استعمله

مع انه ما كان عندي مقص نسيت آخذ ويايه بس قلت بشتري من عند الحلاليق

https://www.arabtrvl.com/up/uploads/...3730551175.jpg

رجعنا الغرفة و بدلنا و صليت العشاء و على طول طلعنا نتعشى

https://www.arabtrvl.com/up/uploads/...2373055126.jpg

قالولنا سيروا أبراج مكة عندهم الطازج

https://www.arabtrvl.com/up/uploads/...3730551227.jpg

https://www.arabtrvl.com/up/uploads/...3730551248.jpg

https://www.arabtrvl.com/up/uploads/...3730551269.jpg

الطازج كان تيك أوي احنا نبغي ناكل في السنتر ما فينا صبر

نرجع الغرفة طلعنا ركن المطاعم و خذنا برجر كنج و صحن رز بالدجاج و الحمدلله شبعنا

هذي اطلالة المطاعم

https://www.arabtrvl.com/up/uploads/...7305512810.jpg

العيال قاموا يغسلون ايدهم و انا قمت وراهم يدوب مشيت خطوتين و الا اييني شد في رجلي

اليسار و أنا قبل سنه كانت عندي اصابه و الحمدلله تعالجت بس الألم كان فضيع غير محتمل

تميت واقفه في مكاني و قلت حق زوجي ييبلي كرسي متحرك مب قادره امشي

قال حاولي شوي شوي وقفت يمكن 10 دقايق و هو طلع يدور كرسي ما لقى و قعدت

اسحب ريولي شوي شوي و المكان في الحرم ينسيك الالم سبحان الله

https://www.arabtrvl.com/up/uploads/...2400121161.jpg

https://www.arabtrvl.com/up/uploads/...4001211622.jpg

طبعا انا امشي و اوقف كم دقيقة و ارجع امشي

https://www.arabtrvl.com/up/uploads/...4001211653.jpg

https://www.arabtrvl.com/up/uploads/...4001211674.jpg

https://www.arabtrvl.com/up/uploads/...4001211695.jpg

لين وصلت الغرفة و الألم بعده يزيد ما يخف و زوجي نفس

الشيء ياه ألم في القدم و قعدت انا في صوب و زوجي في صوب و كل واحد يون من الالم

بعدين نزل الصيدلية و خذ مسكن حبوب و رش و حطينا على ريولنا و قلنا ان شاء الله الفجر نكون بخير

عشان نسير نصلي في الحرم

و نسيت اخبركم انه الحمام كان فاضي من أدوات النظافة و اتصلت الريسيبشن و استغربوا

و طرشولنا كيس مليان لانه الله يسلمكم نسيت فرش الاسنان و العطور في السيارة :26:

و الحمدلله انتهى أول يوم بعد معاناه مع آلام الرجلين

بالنسبة للغرفة كانت نظيفة جدا و واسعة و مريحه لكنها بعيده شوي في آخر السوق

و الابراج بس كانت تجربة حلوه لانه من زمان خاطري اسكن في هذا الفندق

انتهى اليوم الاول من رحلة مكة و نلقاكم غدا باذن الله

دمتم بود

:cfynft:

التكاسي بعضهم نصب وإحتيال مره صارلي موقف وما عطيته غير حق المشوار الأصلي ، تقبل الله عمرتكم المرهالجايه جربي فندق سويس أوتيل المقام في أبراج الساعة ويجنن :e32f: ، سلامتك والله دايم خلو معاكم مسكن ومرهم عضلات مثل الفولتارين

اقتباس:

المشاركة الأصلية كتبت بواسطة هاوية الاسفار (المشاركة 395094)

دخلت و الا الناس داخل هجوم طالعين و داشين و انا امشي داخل ادو مكان اصلي فيه

الكل قاعد و اللي حاجزة مكان و حاطة شنطة و اللي حاطة كيس و اللي تكرمون حاطين نعول

مشيت لين مدخل الروضه اسمع عنه بس ما اعرف شو داخل قالولي مسكرين يفتحون بعد

صلاة العشاء رجعت و قلت بصلي و الا اشوف وحده من الجاليات وقفت بصلي و الا تحط اكياسها

و ما ادري شو تقول و تتحرطم و أنا واقفه و هي تدز اغراضها تبغيني امشي و أنا اقوللها صلاة و أأشر

بايدي ما تفهم آخر شيء تذكرت قلتلها نماز سنت نماز الحمدلله افتهمت و خلتني اصلي

و الا و الله نشفت ريجي عادي كنت افر اغراضها :59: يا الله كيف الناس حاجزين الاماكن تقولون كنه

بيتهم و الا دافعين فلوس على المكان استغفلر الله :16:

https://www.arabtrvl.com/up/uploads/...9406338310.jpg

https://www.arabtrvl.com/up/uploads/...4940633767.jpg

اختي كانت ساكنه في دار التقوى و ما شاء الله مقابل مدخل النساء

طلعنا ندور مطاعم و صوبنا ما لقينا شيء

https://www.arabtrvl.com/up/uploads/...4941597062.jpg

سأل زوجي العساكر اللي واقفين واحد قاله شلك بالمطاعم عندك الفنادق

فيهم بوفيهات رخيصة و نظيفة احسن من المطاعم و قلنا يالله نشوف الفندق

https://www.arabtrvl.com/up/uploads/...4941597062.jpg

و دخلنا فندقنا كانت الساعة 7 و توهم فاتحين البوفيه ما فيه حد غيرنا

https://www.arabtrvl.com/up/uploads/...4946765398.jpg

و الشخص اعتقد 45 بلاش و الاطفال حسبلهم يمكن 25 و ولدي الكبير قال أنا ما بتعشى

نشوف وياكم اصناف البوفيه السلطات

https://www.arabtrvl.com/up/uploads/...4941597124.jpg

https://www.arabtrvl.com/up/uploads/...4941597165.jpg

الشوربة

https://www.arabtrvl.com/up/uploads/...4941597196.jpg

الكسكس يمي يمي

https://www.arabtrvl.com/up/uploads/...4941597217.jpg

مرق خضار

https://www.arabtrvl.com/up/uploads/...4941597238.jpg

https://www.arabtrvl.com/up/uploads/...4941597269.jpg

https://www.arabtrvl.com/up/uploads/...9415972810.jpg

https://www.arabtrvl.com/up/uploads/...4946765231.jpg

https://www.arabtrvl.com/up/uploads/...4946765252.jpg

و الحين نشوف الحلويات

https://www.arabtrvl.com/up/uploads/...4946765273.jpg

https://www.arabtrvl.com/up/uploads/...4946765314.jpg

و بس :22: البوفيه صغير و ما فيه تنوع كثير
طبعا كلنا خذنا كسس

https://www.arabtrvl.com/up/uploads/...4946765335.jpg

طلبنا عصاير ما كانت من ضمن البوفيه و المشروبات كلها ما تدخل مع البوفيه

و آخر شيء وصل حلو أم علي :18:

https://www.arabtrvl.com/up/uploads/...4946765356.jpg

https://www.arabtrvl.com/up/uploads/...4946765377.jpg

للأسف ما كان فيه طعم خبز و حليب بس و بدون سكر :73:

أذن العشاء و احنا بعدنا ناكل زوجي سار الحرم و احنا قلنا بنرجع الغرفة

و هذا كافيه في الفندق يقدم وجبات خفيفة و شفت سيخ الشوارما بعد

https://www.arabtrvl.com/up/uploads/...4946765419.jpg

https://www.arabtrvl.com/up/uploads/...9467654410.jpg

هاذي شاشة في الاستقبال فيها موعد الباص متى يتحرك لبوابة النساء

https://www.arabtrvl.com/up/uploads/...4946968231.jpg

https://www.arabtrvl.com/up/uploads/...4946968252.jpg

للأسف المفروض الاستقبال وقت الدخول يخبرونا انه عندهم باص يوصل لمدخل النساء

لكن محد خبرنا بهالشيء و ما سكت رحت و كلمتهم
نتابع الاستقبال

https://www.arabtrvl.com/up/uploads/...4946968273.jpg

https://www.arabtrvl.com/up/uploads/...4946968294.jpg

المصاعد ما شاء الله 5

https://www.arabtrvl.com/up/uploads/...4946968315.jpg

https://www.arabtrvl.com/up/uploads/...4946968346.jpg

رجع زوجي و قلت ابغي اسير عند اختي طبعا الكل تعبان زوجي و ولدي الصغير ناموا

خذت الكبير و قلت باخذ تكسي بس كن متخوفة وايد من سنيييييييين ما ركبت تكسي بروحي

و لدي بعده اعتبره صغير و اتفقنا وياه يوصلنا ب 15 مع ان المكان وايد قريب بس ما اقدر امشي

هذي ساحة الحرم من غرفة اختي في فندق دار التقوى

https://www.arabtrvl.com/up/uploads/...4946968387.jpg

https://www.arabtrvl.com/up/uploads/...2494696848.jpg

و هذي غرفتهم

https://www.arabtrvl.com/up/uploads/...4946968429.jpg

بصراحة الفندق قديم و مستهلك جدا ما حبيته و قلت الحمدلله اني ما حجزت فيه

لانه حتى زوجي ما كان بيعجبه قديم جدا جدا مقارنة بفندقنا

قعدنا نسولف و كانوا طالبين عشاء من الفندق عيالها متعودين لازم ياكلون في الغرفة

و أم زوجها كانت وياهم بس ما كانت موجوده و يوم بغيت امشي اشوفها رجعت

و كانت هلكانه مسكينه لانها دخلت الروضة و تقول كنت بموت و انقطع عني النفس

من التزاحم و الاندفاع خفت بصراحة قلت كيف بدخل مع اني كنت ناوية الفجر اسير

المهم رجعنا الفندق و هالمره التكسي بيغي 20 قلتله 10 ما رضى و اللي قبله

بعد نفس الشيء و بعدها وصلنا ب 15 و كنت ابغي اتمشى شوي بس خفت و كنت تعبانه

و رجعت و رتبت شنطة فيها الاحرامات و الملابس اللي ما نبغيها عشان اطرشها ويا

اختي في الطيارة لانه اغراضهم شوية و أنا وايد ماخذه ملابس شتوية و الشتاء تأخر علينا

و خلص اول يوم في المدينة و نشوفكم اليوم الثاني

دمتم بود

:fbdf:

للأسف الموظفات والمرشدات تعبو يكلمونهم بكل اللغات ولا ترد وكأن المسجد لها لحالها حتى دخول الروضة والله يحاولون يتكلمون ويفهمون بس محد يسمع تدافع وصريخ وبدع الله المستعان ، المجمع اللي في بن داوود موجود كذا مطعم كنتاكي وهارديز وكمان في البيك بمجمع الجزيرة والطازج ببداية قباء وحالياً تطبيقات التوصيل عندك جاهز ومرسول وهنقر ستيشن تجيب لحد عندك

اقتباس:

المشاركة الأصلية كتبت بواسطة هاوية الاسفار (المشاركة 418709)

https://www.arabtrvl.com/up/uploads/...5525134877.jpg

قمت و كلمت المسؤولة قلتلها متى بندخل قالتلي انتي ليش قاعدة وياهم

قلت شدراني انتوا قلتولي قالت لا هذيل حملات خارجية تعالي ادخلي بسرعة

و دخلت و اشوف الناس قاعده و في منهم واقفين و يتدافعون عند بوابة الدخول

و بصراحة مأساة و معاناه وصلت الصف الاول و بعدني قاعدة و متحملة مع اني ما اقدر اجلس

على الارض و شوي اشوف الحريم ورا يتدافعون و المسؤولات جزاهم الله خير يتكلمون بكل

اللغات الهندي و الباكستاني و الاوردو لكن للأسف يفتقدون اللغة الانجليزية

حضرت سيدة و كانت من هولندا تتكلم انجليزي و طبعا أنا شافوني و عرفوا اني من الامارات

قالت لي الله يخليج ترجميلي اكيد تعرفين انجليزي ترجمت اللي تيغيه منها الحرمة

و كانت تستفسر كم من الوقت لين ما ندخل و طلعت الهولندية من اصول مغربية

شكرتنا و تكلمت كم كلمة مغربية و يالله اسمع الهمس اللي وراية عاد حريم ما يسكتون :24:

طبغا مغربيات و يقولون يعني تعرف عربي ليش تتفلسف و تتكلم انجليزي و أنا اضحك

اكيد ما تعرف وايد تتكلم اذا هي كانت مولوده و عايشة هناك فأكيد ما تعرف وايد عربي

المهم قالوا يالله قوموا اللي قبلنا دخلوا و تمينا واقفين يمكن ربع ساعة او 20 دقيقة و فطسنا

تزاحم و تدافع و صريخ و اللي وراكم يدزونكم ليش كل هذا ما أعرف يعني المكان بتدخلونه

ليش كل هذا التدافع وقتها تمنيت اني ما دخلت و قلت يمكن أموت يعني أفكار شيطانية

و وساوس تطلع لكم في لحظتها و خاصة الضعاف و اللي جدامكم و وراكم متان و من الاحجام

ال XXXXXL فعلا :1:

بسم الله دخلنا و يتراكظون الحريم انا خذت زاوية و خايفة يدوسوني قلت ما بمشي وراهم

صليت ركعتين و قعدت ادعي و يلست اصور السقف

https://www.arabtrvl.com/up/uploads/...5525134939.jpg

https://www.arabtrvl.com/up/uploads/...5525584381.jpg

و هذي آخر صورة

https://www.arabtrvl.com/up/uploads/...5525584433.jpg

و الا أشوف وحده يتني قالت اختي ممنوع التصوير جزاك الله خير :2:

سألتها شو يسوون الناس وين نسير قالت خلاص تصلين و تدعين

و العالم قدام صياح و نواح و يتمسحون بالرخام و العوازل و الزوالي

استغفر الله العظيم كأنهم وصلوا الجنة و أنا ما صدقت قالولي الخروج من هني و على طول

طلعت و حسيت ردت لي الروح بصراحة

https://www.arabtrvl.com/up/uploads/...5525584495.jpg

https://www.arabtrvl.com/up/uploads/...5525584526.jpg

https://www.arabtrvl.com/up/uploads/...5525584557.jpg

https://www.arabtrvl.com/up/uploads/...2552558468.jpg

https://www.arabtrvl.com/up/uploads/...5255846410.jpg

https://www.arabtrvl.com/up/uploads/...5525870871.jpg

وصلت الفندق بالسلامة و هذا كافيه في الفندق مسكر الساعة كانت 11 و نص

https://www.arabtrvl.com/up/uploads/...5525870892.jpg

https://www.arabtrvl.com/up/uploads/...5525870933.jpg

و الحمدلله الكل نايم و أنا بديت اسكر الشنط لانه الصبح بنمشي

لكن قلت أول و آخر مرة ادخل الروضة و الله العالم

الله يهديهم ويصلحهم يارب ودي يسوون جهاز بالبصمة عند الروضة خلاص اللي جات زيارة ما ترجع مو علشان شيء بس تعطي مجال لباقي النساء خصوصاً إن الروضة صغيرة لكن الحمدلله ما صار حالات دهس ولا وفاة والعياذ بالله تدافع لكن برضه شي يخوف ويزهق الموظفات والشرطة تعبو لكن مافي أحد يسمع ويستوعب

اقتباس:

المشاركة الأصلية كتبت بواسطة هاوية الاسفار (المشاركة 462148)

https://www.arabtrvl.com/up/uploads/...5381527164.jpg

https://www.arabtrvl.com/up/uploads/...5381527195.jpg

https://www.arabtrvl.com/up/uploads/...5381527226.jpg

https://www.arabtrvl.com/up/uploads/...5381527257.jpg

https://www.arabtrvl.com/up/uploads/...5381527278.jpg

https://www.arabtrvl.com/up/uploads/...3538152739.jpg

لو وجيه الناس تكشف لك خفاها
شانت وجيهن ملامحها جميلة

https://www.arabtrvl.com/up/uploads/...3815273210.jpg

https://www.arabtrvl.com/up/uploads/...5381690531.jpg

https://www.arabtrvl.com/up/uploads/...5381690552.jpg

https://www.arabtrvl.com/up/uploads/...5381690593.jpg

احذر تغش الناس لو كان غشوك
غادر بصمت و خل خاطرك صافي
و الدرب خله سمح لا تزرعه شوك
يمكن يجيبك يوم و تمر حافي

https://www.arabtrvl.com/up/uploads/...5381690614.jpg

https://www.arabtrvl.com/up/uploads/...5381690635.jpg

https://www.arabtrvl.com/up/uploads/...5381690676.jpg

https://www.arabtrvl.com/up/uploads/...5381690697.jpg

و اختتم التقرير بهذي الصورة

https://www.arabtrvl.com/up/uploads/...5381690718.jpg

وصلنا الى حدود دولة الكويت

الحمدلله انتهت جولتنا في الأراضي السعودية بتوفيق من الله سبحانه و تعالى

و أشكر كل من ساعدني على نجاح الرحلة من بدايتها و الشكر موصول لكل الافراد

من غير ذكر الاسماء عشان ما أنسى أي حد و يزعل علينا من أصغر عضو لين أكبرهم

و فعلا ما قصروا الاخوان و مرينا بظروف قاسية و الكل كان وده يساعد باللي يقدر عليه

و هؤلاء هم أسرة العرب المسافرون

مررنا بمناطق جميلة و مدن رائعه

و الله يكتب لنا و لكم الأجر

و تابعوني في بوابة الكويت قريبا

دمتم بود

:thtrt:

تقرير رائع وتقبل الله منا ومنكم صالح الأعمال :e04a::e20c:

اقتباس:

المشاركة الأصلية كتبت بواسطة أم احمد (المشاركة 545272)

مرحبا وسهلا بأهلنا في بلدهم الثاني بداية مشوقة للتقرير :64::e035:

اقتباس:

المشاركة الأصلية كتبت بواسطة أم احمد (المشاركة 545273)

نورتينا يا غالية بالطائف ، الفول عندك فول الغامدي والزايدي ، الحنيذ والمندي من البكري وريدان ، البخاري من الطيبات ، الأسواق الشعبية عندك البلد ( برحة القزاز ) ، مشويات بيل أزور والرمانة وكنافتهم لذيذة وطبعاً ( مبشور الطائف ) فرع الفيصلية لازم تجربونه إذا جيتو ، السليق من هرمان ، البسبوسة عندك حلوياة الحياة ولابوار ، معجنات وحلى مذاق الملكة :e046::e304:

اقتباس:

المشاركة الأصلية كتبت بواسطة أم احمد (المشاركة 545274)

اقتباس:

المشاركة الأصلية كتبت بواسطة أم احمد (المشاركة 545275)

اقتباس:

المشاركة الأصلية كتبت بواسطة أم احمد (المشاركة 545276)

اقتباس:

المشاركة الأصلية كتبت بواسطة أم احمد (المشاركة 545277)

تقرير رائع وتقبل الله منا ومنكم صالح الأعمال :e04a::e20c:

يا حي الله أم أحمد الحمدلله عجبكم التقرير و ما قصرتي على المعلومات المفيده و الكلام الطيب
و ان شاء الله في الزيارات القادمه نستفيد منكم و من معلوماتكم
جزاك الله خيرا

اقتباس:

المشاركة الأصلية كتبت بواسطة هاوية الاسفار (المشاركة 546129)

الغالين أهل الإمارات كل شي منهم جميل وحلو الله يحفظطك :e306: