|
السلام عليكم و رحمة الله و بركاته أشكر إدارة المنتدى و القائمين عليه على تثبيت الموضوع و هذا يدل على ثقتكم العالية بالجميع جزاكم الله خير |
تستاهلين الخمس نجوم والتثبيت يام علي تقاريرج مميزة |
اولا الحمد لله ع السلامة وماتشوفين شر ام علي تقرير رائع جدا ومبدعة كالعادة عقبال مانشوفك في تقارير اخرى استمتعت جدا بقرأة التقرير ويستاهل التثبيت و الخمس نجوم الف شكر |
اقتباس:
|
تقرير رائع قد لا أكون قرأته من البدايه لكن جميل جدا المرباع في بريده رائع ومميز مع أن البعض يفضل السنيدي لا شكر علي واجب أختي طريق الزلفي حلو غير ممل مثل طريق الأٍسياح - قبه - الحفر شارع البخاري اللي سكنتم فيه من أفضل الشوارع في بريده يحتوي أرقي المطاعم والكافيهات ويتوسط شمال بريده المجمع اللي فيه قونيش الآن أصبح أجمل يبيلكم رجعه له عاد مقصر في مطاعم القصيم ومقاهيها بس ما لقيت تشجيع من أبوغسان :62: القصيم خلال اجازه الربيع غير حقيقه مهرجان بريده - عنيزه موسم التمر هالسنه أعتقد في سبتمبر من تقريرك أطلعتي المتابعين علي عدة مدن بالسعوديه البعض لا يعرف عنها الكثير شكرا لك |
اقتباس:
حيا الله مديرنا الفاضل راعي الفزعات و الله ما قصرت و جزاك الله خير على كل شئ اطمنك انته قرأت الموضوع من بدايته لكن بسبب انقطاعي الطويل عنه أكيد نسيت و المرباع ما عجبني وأيد و أنا بعد من محبين السنيدي بالفعل الشارع اللي سكنا فيه ما شاء الله كل شئ موجود حوله مطاعم كافيهات قهاوي مخابز عصائر و للأسف المده كانت قصيره ما لحقنا نستمتع بالقصيم ان شاء الله لنا عوده للقصيم أكيد في السنوات المقبلة و شكرا عَل المتابعة و الاطراء |
الحمد لله على سلامتكم،، أجر وعافية ياربّ. الله يتقبل عمرتكم وصالح اعمالكم. عودا حميدا،، نوّرتي المنتدى :18: ومبروك الخمس نجوم وتثبيت الموضوع :e312: :58: تقرير رائع اللهم بارك، بأسلوب عَفَوي جميل وتفاصيل حلوة. بس في سؤال محيّرني ليش اخترتوا السفر بالسيارة؟!!! بالرغم من إن جدولكم مضغوط وما يلستوا في الرياض والطائف والقصيم غير أقل من 24 ساعة في كل مدينة، مب لو سافرتوا بالطيارة لين المدينة مثلا وبعدين سرتوا بالسيارة لمكة وبعدها سافرتوا بالطيارة من جدة للكويت،، مب كان أرْيَح لكم؟ وكنتوا بتقدرون تقضون أيام أكثر في مكة والمدينة. |
اقتباس:
الله يسلمج و يعافيج و يبارك فيج اذا بترجعين لتقاريري السابقة بتشوفين كل سفراتنا للخليج تكون بالسيارة أولا نوفر التذاكر و ايجار السيارة ثانيا نقدر نسير أي مكان و نوقف في أي منطقه و نشتري أي شي نبغيه من غير ما نحاتي الوزن الزايد و بعدين احنا متعودين نسافر بالسيارة اريح لنا و لليهال و الطياره للاماكن البعيده اللي ما توصلها السيارة و اذا بتحسبين الوقت للسفر بالطياره تشوفينه وايد و صدعة راس فالأفضل السفر بالسيارة اونس و هاي كانت تجربه بس فعلا متعبه لكن الحمدلله استانسنا شكرا على مرورج و ان شاء الله أكون قدرت أوصل الفكرة |
اقتباس:
مشكورة ما قصّرتي.. وصلت الفكرة. سبحان الله، الناس تختلف في وجهات نظرها وفي تفضيلاتها للأشياء، ومثل ما يقولون، لولا اختلاف الأذواق لبارت السلع. في أكيد واااايد ناس مثلكم يحبون السفر بالسيارة،. بس أحسّ إن أكثر واحد يتعب هو اللي يسوق السيارة، لأنه لازم يكون منتبه طول الطريق، ومسك مقود السيارة ووضع القدم على دواسة البنزين فترات طويلة يتعب اليد والقدم. نحن أكثر وقت قضيناه في السيارة كان في رحلاتنا لجنوب افريقيا من كيب تاون للجاردن روت، كان حوالي 6 ساعات،، مع مناظر الطبيعة والخضرة، وكان في استراحة كذا يوم بين تنقلاتنا، بس أعتقد أكثر من جذي ما بتحمّل. ومن كذا سنة بعد قضينا نفس الوقت في القطار من ميونيخ في ألمانيا لانترلاكن في سويسرا، والحلو في القطار إن مكان الجلوس مريح وواسع، وممكن الواحد يتحرك فيه. طبعا كل طريقة سفر لها ايجابياتها وسلبياتها. الله يعينكم ويوفّقكم ويمتّعكم دايما في سفراتكم وفي حياتكم كلها :e327: |
ما شاء الله |
| الساعة الآن 06:45 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO