|
تجربتي في السفر إلى جورجيا 10 ايام مع عائلتي السلام عليكم و رحمة الله ان شاء الجميع بخير من فترة طويلة عن الكتابة في منتديات السفر والسياحة والمغامرات في الرحلات السياحية . لكن بإذن الله نرجع ونحكي للجميع عن تجاربنا في السياحة و أهم المواقف و المرافق لتعم الفائدة و المتعة طبعاً في السفر متعة خاصة ما يتذوقها إلا قلييل ناس بين اكتشاف حضارات الشعوب و الخروج عن المألوف و تجربة المعيشة كعابر درب ... إلخ بعلمكم عن برنامجي في دولة جورجيا لـعشرة أيام قضيتها في فترة الربيع طبعاً كعشاق سفر نسمع عن دول كثير برزت في السياحة بالفترة الأخيرة ومن باب حب الإستطلاع نجرب هذي الدول طولت عليكم المعذرة نبدأ في الرحلة و استعراض أهم المواقف بداية الوصول إلى مطار تبليسي صرفنا الدولار إلى لاري و سعر الصرف 100$ يساوي 240 لاري رحنا للفندق بالسلامة و ريحنا وبعد ساعتين بدأنا أول الجولات بدأت رحلتنا بجولة في شارع شارديني ومدينة تبليسي القديمة مروراً بمسجد الجمعة والحديقة النباتية الوطنية اللي تعتبر غابة في قلب العاصمة, كملنا طريقنا لحمامات المياه الكبريتية متجهين الى جسر السلام عبرنا الى ضفة النهر الثانية واسترحنا في حديقة موجودة على ضفة النهر بعدها طلعنا التلفريك (سعر التذكرة 4 لاري ) الى تمثال ام الجورجيين, وتجولنا في قلعة ناريكالا ومدينة العاب ميتسميندا "فيه مطاعم ومقاهي مطلة على المدينة في الموقع". في المساء, رحنا لشارع مرجانيشفي اللي يسموه شارع العرب تتواجد المطاعم الحلال بكثرة مطاعم تركية , إيرانية , عربية , عراقية , شامية , جورجية . ثاني يوم كنا ملزمين نشوف سلسلة جبال القوقاز عن كثب فطلعنا لمدينة أسمها جوداووري مرتفعة عن سطح البحر كثير في الطريق لها كان المنظر ما ينوصف من أنهار و خضار على مد النظر سوينا اللي نسويه دايم و خذينا تيس عزكم الله وشويناه كلف مع أجرة الخيمة والطباخ والمكان 150 دولار في أعلى الجبل موجود فعاليات دبابات و قفز مظلي و خيول وبالشتاء يسير فيه تزلج على الثلج كملنا الطريق لمدينة قريبة اسمها كازبجي و لفينا بالمدينة على الخيل وكانت تجربة جداً مميزة تحسسك بقيمة السيارة هههه فيه دير عبادة في منطقة جدا مرتفعة اسمه دير جرجيتي يطل على سلسلة الجبال المنظر من فوقه ما ينوصف من روعته وفيه بعد وادي قبل مدينة كازبجي اسمه وادي جوتا ما اسعفنا الوقت نروحه ولكن كان السائق الجورجي يمدحه لنا مشكلته الوحيده انه يحتاج ما يقارب ساعتين مشي على الاقدام للأسف لوجود العائلة معاي ماقدرت اروحه و ردينا للعاصمة تبليسي اليوم الثالث كان يوم تاريخ طلعنا على مدينة اسمها ميتسخيتا مدينة مبانيها شي خيال مبنية على طراز يجمع الفخامة والبساطة و بأعلى جزء من المدينة في دار عبادة من عنده تقدر تشوف النهرين ملتقيين وكل واحد فيهم لون مختلف كان منظر اكثر من رايع كملنا على نفس الطريق لين وصلنا لمدينة اسمها جوري وهي المدينة اللي انولد فيها جوزيف ستالين المنقذ للاتحاد السوفييتي من الغزو الألماني زرنا بيته و متحف خاص فيه والقطار اللي كان يستخدمه وكانت زيارة جميلة ترجعك سنين لورا ورجعنا لتبليسي لان هالمدن صغيرة والفنادق فيها ماهي مهيئة بشكل مرضي للأغلبية طبعا يعتمد على كل شخص وبرنامجه الكامل للرحلة اليوم الرابع خذيناه راحة من الطلعات لخارج تبليسي وقعدنا فيها استأجرت سيارة بما يقارب 20 دولار وخذيت العيلة وطلعنا على اطراف المدينة زرنا نصب تذكاري من الحجر بجانب بحيرة تبليسي و زرنا بحيرة أسمها بحيرة السلاحف و رحنا لتبليسي مول فيه حديقة حيوانات اعزكم الله ومحلات تجارية و مطاعم قضينا فيه باقي الوقت للمساء اليوم الخامس غادرنا تبليسي لمدينة اسمها برجومي المسافة بينها وبين تبليسي حدود الأربع ساعات ولكن ماتحس بالوقت من المناظر اللي تشوفها حولك المدينة كانت عبارة عن مصيف للطبقة الراقية في الماضي فيها حديقة وطنية ضخمة تشكل 1% من مساحة البلد كامل فيها أماكن مجهزة للتخييم والمغامرات لمحبين مغامرات الغابات وفيها مناطق جبلية لمحبيين الهايكنغ ومساحات خضراء سهليه فيها خيول بإختصار اللي يحب هالنوع من المغامرة لا تفوته مدينة برجومي وبتنا في برجومي اليوم السادس رحنا مدينة أسمها اخال تسيخي قريبة من برجومي حوالي ساعة بالسيارة و زرنا قلعة الرباط وهي قلعة عثمانية ضخمة ومهيبة جداً فيها مسجد و كنيسة و معبد وفيها سراديب و غرف كل جزء منها فيه لوحات تعلمك هذا شنو كان مجدده بالكامل ولكن تحس بعراقتها و انت تتجول داخلها كملنا الرحلة لمدينة ثانية اسمها فاردزيا ولكن هالمدينة ماهي مدينة عاديه عبارة عن جبل محفور فيه غرف و بيوت قصتها انها بنتها الملكة تامار ام الجورجيين اللي لها تماثيل بكل مكان تقريباً بنتها عشان تحمي اهل هذيك المنطقة من الغزو المغولي وقتها مشهد البيوت داخل الجبل شي ما ينوصف بكلام بصراحة وبتنا في برجومي اليوم السادس غادرنا برجومي لمدينة اسمها كوتايسي حطينا شنطنا وتغدينا بمطعم تركي وكملنا الطريق لمحمية اسمها ستابيليا فيها اثار للديناصورات و كهوف وفيها جبل الطريق لقمته كله تماثيل ديناصورات يستانسوا عليها الصغار بالقمة فيه جسر زجاجي معلق على الجبل تشوف من فوقه المنظر تحتك و المنظر العام لجبال القوقاز وتعرف وقتها وش يعني جبال شاهقة هالمحمية تأخذ وقت من ساعتين لثلاث ساعات قضينا منها و رحنا لوادي اسمه مارتفيلي بعيد عن كوتايسي تقريبا ساعة بالسيارة هالوادي من اجمل الوديان الي شفتها شخصياً تأخذ جولة بالقارب انت وعيلتك بمبلغ بحدود 20 دولار لمدة نص ساعة وتشوف الماي تحتك يتغير لونه من أزرق لفيروزي لشفاف و التشققات الصخرية حولك منظر جدا جميل و شاعري بعدها رجعنا لكوتايسي و بيتنا فيها اليوم السابع والثامن قضيناها في مدينة اسمها باتومي ساحلية قضينا اليوم الأول وحنا نتعرف على المدينة المطاعم الحلال أول خطوة وبعدها أهم المعالم مثل برج الحروف و تمثال علي و نينو و برج الساعه المائل و ساحة بنتها رئيسة ألمانيا في منطقة رائعة مبانيها كلاسيكية فخمة و شفنا عرض الدلافين و طلعنا بجولة على القارب بسعر 10 دولار لنا كعائلة اليوم الثامن كان بين الحديقة النباتية و الأسواق طبعاً ههههه رحنا على أسواق شعبية للأمانة نسيت أسمها ولكن اذا معاك سائق جورجي يوديك لها بسهولة تامة اليوم التاسع كان رحلتنا من باتومي لتبليسي بالقطار سعر التذكرة 15 دولار تقريباً طول الرحلة 8 ساعات القطار فيه فئات تقدر تختار بينها الفخم والعادي اليوم العاشر كان بأسواق تبليسي غاليريا مول و ايست بوينت وبكذا كانت رحلتي لـ هالبلد الجميل خلصت نصيحتي للمسافرين لها لا تترد إنك تروحها مع عائلتك لأنها جدا أمان ولا فيه أي مشكلة بالنسبة للنقاب أو الحجاب والشعب طيب وفيهم نخوه مثل السايق تبعنا مارضى يقبل منا إكرامية وكان يحاسب على أكله وقت ياكل معنا لين أخذنا عليه و أخذ علينا وقبل نسافر عطانا هدية بسيطة جزاه الله خير وبالنسبة هل تحتاج شركة سياحة أو لا انا رحت مع شركة بصراحة لأن لم أكون مع عائلتي لابد يكون كل شي منظم و مخطط له قبل أجي وكانت الشركة سعرها معقول لإني عملت مقارنة بين أسعاره أكثر من شركة ومقارنة بين سعر المخطط الخاص بي اللي يشمل السكن و المواصلات وطلع الفارق أقل من 300$ فقلت رزقهم سعر الرحلة كاملة كان 1800$ ومصروفنا في ال10 أيام 1000$ والحمدلله توفقت في الإختيار وطلع المالك للشركة من شبابنا المتربيين بالسعودية وماقصر معنا . ماعرف إذا الموقع يسمح بإني أحط رقم الشركة أو لا ولكن بحطه عسا الله يرزقه ويكتب لنا الأجر في فائدتكم و فائدة غيرنا لا يسمح بطرح ارقام الهواتف للمكاتب والسائقين الا في التقارير المكتمله |
جميل جدا التقرير بو غانم تشكر عليه ولو كان فيه صور لزادت حلاوته واضح استمتاعكم بالرحلة وتغطيتكم لمدن كثيرة والمبيت فيها شكرا لك لمشاركتنا رحلتك |
الحمدلله ع السلامه اسعد الله صباحك. استاذي الغالي ابو غانم. أولا الحمدلله ع السلامه وان شاءالله انك انبسطت ثاني بعد إذنك لو تكرمت. ارقام الشركة اللي طلعت معاها في جورجيا ترسلها خاص. الله يجزاك الجنه جديد في المنتدى 🥰 |
شكراا لذكر تجربتك سفره ممتعه عليكم بالعافيه |
السلام عليكم اولا. الحمدلله على السلامه ابو غانم ممكن تزودني بالخاص بارقام الشركه الي رحت معاهم بعد اذنك فضلا وليس امرا لاني ناوي اسافر بعد ثلاث اسابيع |
يعطيك العافية .. |
شكرا لنقل تجربتك والاستفاده منها |
ممكن رقم الشركة أو الاخوان اذا أحد يفيدنا بشركات في جورجيا |
السلام عليكم ابو غانم، لو تسمح نريد بيانات الشركة |
تقرير جميل |
السلام عليكم ورحمة الله وبركاته ممكن رقم الشركه السياحيه على الخاص |
أخي الكريم أبو غانم الغفيلي ... هل من الممكن إرسال رقم هاتف السائق, جزاك الله عنا بخير الجزاء. |
السلام عليكم أخي الكريم هل بالإمكان ارسال رقم الشركة على الخاص |
ابوغانم يعطيك العافية نحتاج اسم الشركة او رقم التواصل نبي نسافر لهم بس ودنا باللي مجرب ,,, |
ياليت ترسل لي خاص رقم السواق والشركة |
شكرا |
السلام عليكم مسافر لجورجيا لمدة 10 ايام ، وهذي اول مره اسافر لها ولغتي الانجليزيه متوسطه. هل الافضل استاجر سيارة و انا اسوقها ام اطلع مع شركه سياحيه طبعاً عائله |
لوتكرمت ياابوغانم ابي رقم الشركة والسواق |
اقتباس:
اذا استاجرت سيارة تكون لك خصوصية وتستمتع بالطريق و توقف على راحتك و تمشي على راحتك . و خل اكثر ايامك في مدينة باتومي على البحر الأسود لأن تبليسي مافيها شي . و تقدر توقف سيارتك و تزرق لمدينة طرابزون في تركيا ثلاث ايام بالباص تبعد ساعتين عن باتومي |
شكرا لنقل تجربتك |
لو تكرمت ياغالي ترسل رقم الشركة ع الخاص ولك الشكر |
السلام عليكم كل عام وانت بخير ابو غانم اطلعت على تقريرك كان شيق وممتاز بارك الله فيك عندي سؤال هل ممكن تزودني برقم الشركة السياحية الاي سوت لك الجدول . وهل انت تصح بالزياره العائلية من ناحية الامان وكم التكلفة التقريبية لمدة 10 أيام وشكراً لك حاولت ارسلك بالخاص بس للاسف مشاركاتي ما تسمح |
السلام عليكم لو تكرمت ابوغانم ممكن تزودني باسم الشركة ورقمها على الخاص |
اقتباس:
كل سنة وانت طيب لو تكرمت ابو غانم ترسل لي رقم الشركة السياحية في جورجيا عل الخاص |
اقتباس:
كل سنة وانت طيب لو تكرمت ابو غانم ترسل لي رقم الشركة السياحية في جورجيا عل الخاص |
تقرير يعطيك المختصر المفيد شكرا رقم الشركة السياحية لو سمحت :32::32::32: |
السلام عليكم كل عام وانتم بخير جميعاً لو تكرمت ابو غانم ترسل لي رقم الشركة السياحية في جورجيا على الخاص :e304::e304: |
ابو غانم الجميع محتاج رقم الشركة السياحية :63: |
الله يعطيك العافية .. مجهود تشكر عليه |
السلام عليكم ورحمة الله وبركاته اخي ابو غانم لو تكرمت ترسل رقم الشركة على الخاص مع تحياتي |
ممكن تزودني برقم الشركه اخي الكريم لاني ناوي اسافر ان شاء انا وعائلتي |
اقتباس:
|
استفسار ماشاء الله الله يعافيك ممكن تزودني برقم الشركة ضروري |
تقرير مميز ومشجع لا هنت تزودني برقم الشركة واسمها حتى يتم التواصل معهم |
السلام عليكم يابو غنام… عساك طيب سعدت بانضمامي لهذا المنتدى الرائع واتشرف بمعرفتكم وتبادل الآراء معكم انا إنْ شاء الله سأقوم بالسفر للسياحة والنزهه في جنة القوقاز ( جورجيا ) وهذه تعتبر أول مره أزورها المعلومات : الجنسية سعودي العدد شخصين عائلة المدة حول 15 يوم تقريبا حبيت استفسر منكم واخذ رأيكم في كم نقطه هل انزل مباشره في مطار تبليسي او في مطار باتومي بالنسبة للسكن وش تنصحوني فيه احجز عن طريق مواقع الحجز مثل بوكنق او غيره اذا تعرفوا افضل واضمن منه وايش الفنادق او الشقق اللي تنصحوني فيها بالنسبة للسيارة وش رأيكم ارتب مع سائق خاص من هنا او اذا وصلت هناك أفضل ابحث لي عن سائق او انزل تطبيقات على الجوال مثل اوبر… وايش التطبيق الأفضل هناك اذا تعرف لي سائق خاص تعاملت معاه ويشهد له بتعامله الجميل وخلقه وادبه ياليت تدلني عليه الله يسهل أمورك |
جزاك الله خير على هذا المجهود الجميل وعند سؤال هل الدخول الى جورجيا يحتاج تامين طبي او سفر حيث اني ارغب السفر انا وعائلتي بعد اسبوعين ؟:e01d: |
ماشاء الله اعجبتني جورجيا ابي اسم الشركة ورقمها خاص و اتحمست لردك ع الي فوقي ابي اروح لجورجيا هالشهر :e022: |
تقرير اكثر من رائع |
،، لاهنت ابو غانم عطنا اسم الشركة خاص ودنا نسفار للمكان |
السلام عليكم ابو غانم عساك طيب وورحلات ممتعه ان شالله احتاج مساعدتك ابي اروح لجورجيا وطربزون لكن ابي شركه السياحه وايش الفنادق الي تنصح فيها لي انا وزوجتي ويمكن احذ العيال او لا لمده 6 ايام بين باتومي وطربزون :7: |
| الساعة الآن 03:32 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO