|
رحلة جديدة .. جورجيا .. ستنطلق الجياد :-) السلام عليكم ورحمة الله اخواني المسافرون الجميلين اخواتي المسافرات الماجدات ايها الشعب الكريم:32: من هنا من بريده المقدسه احييكم انا ابولجين فهد ..(اكرم خزام ) معلنا عن الرحله القادمه ( التي مر اختيارها بخيارات كثيره ) وتمخض الجبل فولد ( جورجيا ) ... باعتبار ان شرق اسيا تذاكره وصلت لحد غير معقول بمتوسط 5000 ريال .. والوجهات هناك دافيه ان لم نقل حاره بعد .. ولذلك كانت المفاضله في الدول الاخرى ( الغير شنجنيه ) باعتبار الشنجن ( معامله كأنك رايح تتوظف) .. وتبقى تنسيق مسبق كان الى قبل 3 ايام خياري الوحيد الشمال التركي .. ابشوف طرابزون اللي يقولون .. والصراحه ان فيها مناظر خياليه ... وبقدرة قادر ( وجدت نفسي حاجز لتبليسي ) .. الطياره من بريده هذي اول المميزات ...والرحله شبه مباشرة ( ترانزيتها في دبي ساعه ونص ) وارياف باتومي لها نفس طبيعه ارياف الشمال التركي .. المهم اني عزمت وجزمت والخيرة فيما اختاره الله |
اول التفاصيل ايها المسافرون المزركشين ** بحسب المصادر الموثوقه متطلبات دخول جورجيا (مع تغليب الحرص حتى ماتحدث مفاجات ) .... : - مسحه كورونا قبل اقل من 72 ساعه -تأمين طبي ( يشمل كوفيد ) وبقيمه تغطيه كالمعتاد 30 الف يورو -الجواز الصحي يثبت انك اخذ الجرعات ( يمكن طباعته من توكلنا ) -اثبات سكن ( حجوزات فنادق ) ( قد تطلب ) ::::::::: وهنا نجي لتفاصيل الترتيبات : - التذكره بسعر 2000 ريال ( بريده دبي تبليسي ) ترانزيت سريع سريع (ساعه ونص ) الناقل ( فلاي دبي ) بسم الله عليها :1: / الرخصه الدوليه تجديدها بــ 119 من عند تطبيق دايركت فيزا \ التأمين الطبي من التعاونية ( تأمين السفر - كوفيد ) هو المعتمد اقل شي شهر بـ (195 ريال ) / طباعه الجواز الصحي والاحتفاظ بنسخه منه على الايفون طبعا الرحله مدة اسبوعين مسافر واحد كالمعتاد نجرب الصمت اسبوعين :7: |
فيه سالفه عابره لكنها مهمه ... الادوية والجورجيين سالفه معي دواء ( كبسولات يوميه ) .. واكتشفت انه لازم تاخذ معك وصفه (طبيه بالانجليزي ) موضح فيها اسم العلاج واستخدامه مريت المستشفى واخذت الوصفه وختمتها من الدكتور وهذي للامانه اول مره تمر علي هالحاله .. :::: البعض ممكن يستغرب .. او يتهمني بالمبالغه ولكن لك عزيزي القاري اقول ... هل تعلم يارعاك الله ان هناك مواطن تم ايقافه بسبب حمله لبنادول !! وتدخلت السفاره وظهرت القضيه بالاعلام ** هل تعلم يارعاك الله ان سفارتنا في جورجيا اصدرت بيانا رسميا تحذر فيه المواطنين من حمل الادويه الا برفقه وصفه طبيه باللغه الانجليزيه وبكميه تكفي فقط مده الرحله هذي من عجائب الاسفار :10: |
لعلي هذه المره استطيع ان انزل الصور .. ابسوي تقرير :: نظرة عامة .. جورجيا بلد سياحي جميل ومناخها جميل جدا وتعتبر بلد اقتصادي ويمكن ان نقول ( انه رخيص ايضا ) متوسط سعر الفنادق معتدل جدا .. والخيارات في تبليسي وحدها فوق الالف فندق ... -المواصلات هناك تطبيقات مثل اوبر ( اوبر لايعمل هناك ) باسعار رخيصه جدا * السكن في الارياف تجربه فريده جدا * هذي ثاني سفره لي لجورجيا .. الاولى كانت 2016 |
أخوي هل المسحة ضرورية وهل الجواز الصحي ضروري وهل التأمين مطلوب أسمع ناس تقول محد يطلبها |
اهلا بك أبو لجين فهد رحلة سعيدة مقدماً ونسأل الله لك التوفيق والسداد طالما سافرت لها من قبل فأكيد عندك إلمام بالبلد والمجتمع أتفق معك ريف باتومي امتداد للشمال ولربما الشمال يتفوق في النطاق الجغرافي فبالتالي عدد الأرياف في الشمال التركي أكثر أما الطبيعة والجبال فهي واحدة ومتشابهة بين الاثنتين متطلبات السفر لجورجيا 3 جرعات ( اطبع الجواز الصحي ) حجز أول ليلة يكفي تذكرة ذهاب وعودة تأمين السفر ( أي شركة يكفي ) التسجيل في المنصة الجورجية وبالنسبة للتسجيل مرتبط بكورونا والبعض يقول لم يعد متطلب للدخول هناك طالما مجاني ريح راسك وعبي النموذج واطبع الرد بإذن الله موفق في رحلتك |
اقتباس:
دخلت الرابط اللي انت حطيته وسجلته وجاني رد طويل باللغه الانجليزيه ومحتواه ان كل اللي انت قلت ذولي مطلوبات ... اطبع اوراقك وخلها معك احتمال كبير جدا يطلبونها منك لاتحط نفسك بمشكله عشان 200 ريال ( لاتاخذ الا تأمين التعاونيه لانه هو اللي يشمل كورونا ) |
اقتباس:
وبالنسبه لرابط التسجيل ماكنت ادري عنه الا امس دخلت المنتدى ولقيته وسجلته ... والرد جاني ( ورقه واحده ) باللغه الانجليزيه فيها شروط السفر وتحذيراته وفيها رقم تسلسل فوق ( ورقه عادي وليس نموذج ) .. هل هذي هي ؟ او انهم بيرسلون نموذج اخر لاحقا ؟ |
اهلا بك هي الورقة نعم صحيح وغالباً مكتوب بالبداية اسمك وعموماً هو تسجيل دخول روتيني وليس موافقة اطبع الكلام في ورقة بالإضافة لنسخة بجوالك هو إجراء مرتبط بكورونا ومؤخراً الغوا القيود لكن طالما مجاني وياخذ دقيقتين طلعه عشان لا تتوتر في شيء ما يسوى واصل رحلتك ومتابعين معك وإذا احتجت شيء اكتبه وبنتفاعل معك يالتوفيق |
اقتباس:
لكن الاطفال الذين لم يتلقوا لقاح مطلوبة في المطارات السعودية تأمين التعاونية فقط ضد مخاطر كوفيد المسحة غير مطلوبة الجواز الصحي غير مطلوب التأمين الصحي بعد فتح متطلبات كرونا غير مطلوب انا رحت وجيت ماحد سألني عن التأمين |
| الساعة الآن 11:49 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO