|
رحلتي الى تبليسي ( جورجيا ) السلام عليكم ورحمة الله وبركاته كيفكم ان شاءالله بخير من الاخر انا لي قرون عن المنتديات مافتكر متى اخر مرة كتبت فيها موضوع بس كنت اتابعكم من بعيد واستفيد من المعلومات الموجودة فقررت انزل مقتطفات من سفرتي لجورجيا ممكن احد يستفيد مع انه ماتوقع انه فيها اضافات عن المواضيع السابقة بالبداية سفرتي كانت بشهر مايو 2023 لمدة 5ايام اخترت تبليسي لان المدة المتاحة عندي كانت قصيرة ودا اللي قدرت اخذه من اجازة من المكان المنيل اللي كنت اشتغل فيه ( تعويض عن اجازة العيد + يوم اوف :11: ) المهم ماقدرت احجز وقتها بدري مرة لانه لاخر لحظة ماكانو بيعطوني اجازتي :22: المهم اخذتها غصب وحجزت كان التيكت على فلاي ناس حدود 2000 ريال للشخص عناصر الرحلة وقتها انا واختي و على اخر لحظة انضمت صحبة اختي للرحلة وطبعا صار فيلم عشان نحجز شوية نعدل شويه اختى تجيها اصابة بعينها وناجل ( عين ادارتي :1: ) بس الحمدلله اخذنا ادويتها وقلت لها البسي نظارة على عينك صيري ام كلثوم وغطيه عن الهوا اهم شي نسافر يعني نسافر طبعا قريت تحذيرات من الادوية وانه بنادول ممنوع ومش عارف ايه ومن باب الاحتياط وانا بحجز سويت تامين طبي وماحتجناه ولا احد سال عنه واقلعت طائرتنا يوم 20 مايو https://www.arabtrvl.com/up/uploads/...2996738571.jpg https://www.arabtrvl.com/up/uploads/...2996744552.jpg اذا الصور مقلوبة عادي ممكن تلفو راسكم مابيحصل شي بالطيارة كانت شبه فاضية مدري على ايش مغليين الاسعار والناس نايميين كل واحد ماخذ له كرسيين وثلاثة :1: وبالجهة الثانية وحدة تناديني لو سمحتي قلت لها تفضلي قالت انتي تدرسي في جورجيا بيني وبينكم استغربت من السؤال بس من جوتي انبسطت حركات البنات لمن احد يحسسها انها صغيرة بالعمر قلت لها لا انا مسافرة سياحة قالت فين بتروحي وايش بتسوي انا ماكنت مخططة وكنا بنروح تركيا وماضبط الموضوع معايا قلت لها ابشري وافتح الجوال واوريها المفكرة والمعلومات اللي مجمعتها وهي تصورها واخذت رقمي يصير نتواصل نعطي بعض انطباعات عن اماكن رحناها ونفيد بعض سبحان الله بعدين صارت صديقة بالسناب حاجات لطيفة تصير بالسفر الحمدلله وصلنا بالسلامة ( طبعا انا اصور فديو كثير ) اوثق اللحظة لكن افضل اكتفي بالصور هنا الاجراءات كانت سهلة واسرع منها ماشفت مو على الكلام اللي قريته والتخويف انه في ناس يرجعوهم وماعرف ايش وللامانه من لحظة الهبوط حبيت جورجيا لبساطتها حسيت انه بهبط بمدينة هايدي وسالي بيوت خشبية مباني حجرية ارض حجري غير الخضار دا انطباعي الاول ودايما وابدا بأي رحلة ماحب اقارن وافضل استمتع واذا في شي ماعجبني ودا وارد وطبيعي مااحب ادقق احب استمتع فقطططط للاسف مالحقت اصرف دولارات قلت مو مشكلة بالمطار اصرف بس كمان ماشفت صرافين او مع قلت النوم ماشفت بس لقيت صراف الي وقلت نسحب منه 2000 لاري |
المهم قبل ماتوجه للصرافه كان في مجموعة سواقيين يعرضو خدماتهم من ضمنهم واحد عرض خدمة التوصيل قلنا لا شكرا واصلا في بالنا نطلب من بولت بحكم انه رخيص عندهم جيت اصرف 2000 لاري ماقبل الصرافة قلت ايه الورطة دي كيف بندفع حق التوصيل شوية دا اللي عرض خدمته قال لنا لازم تكتبو 1000 لاري طالعت في البنات دا مركز معانا اوي وكنا خايفين من هيأته واحد تحسه يشتغل بعصابه لابس اسود جلد في جلد وطويل اكيد في مسدس بجيبه دا مش سواق خالص :12: المهم سويت زي ماقال وسحبت الف لاري وضبط معانا شوية قال اوصلكم ب80 لاري قلت لاختي صرفيه وقولي له 50 ووافق :12: قلت له بكل ثقة تعرف فندق توتا قال ايوة يالييييل اكيد دا يبغى يخطفنا :33: المهم رحنا وسيارته جديدة ونظيفة ودا ميزة سيارات التوصيل عندهم حقيقة الفندق اللي اخترناه كان بحواري وداخل زقاق لكن للامانه اول ماتدخله تنسى اللي شفته برى من كمية الاناقة والنظافة وسهولة الاجراءات ولطف الاستقبال اتوقع كان 3 ادوار والبيسمنت كان فيه الفطور البسيط اللطيف https://www.arabtrvl.com/up/uploads/...2996811674.jpg والميزة الثانية بالاوتيل 5 دقايق مشي تلقى نفسك باهم شوارع تبليسي عند المعالم المهمة والميزة الثالثة كان رخيص وفيه سمارت تي في :1: وشي ثاني يهمنا كمسلمين بدورات المياه حبيت جدااا اول ماحطينا شنطنا نزلت نسال عن فيش الكهرباء وين يتباع عشان نشحن جوالاتنا ورحنا مشي اشتريناه رجعنا وبعد ماشحنا جوالاتنا طلبنا بولت واسعارهم برخص التراب حقيقي نشتري شرايح جوال كان ب19 لاري للشريحة الوحدة من شركة magti طبعا ماقدرت اريح دقيقة لازم استغل ال5 ايام اللي عندي ورحنا نلفلف بشوارع تبليسي والجو كان جدا جميل https://www.arabtrvl.com/up/uploads/...2996845075.jpg https://www.arabtrvl.com/up/uploads/...2996850936.jpg https://www.arabtrvl.com/up/uploads/...2996856697.jpg https://www.arabtrvl.com/up/uploads/...3248153071.jpg https://www.arabtrvl.com/up/uploads/...3248160962.jpg مشينا مرة كثير دا اليوم وطلعنا رحلة النهر حقيقي النهر ماكان نظيف بس اسمه طلعنا وبعد ماخلصنا كملنا فرفرة تحت رذاذ المطر الخفيف بعدها قلنا ناكل لقينا زي مجمع مطاعم صغير اتوقع فيها 3 او 4 مطاعم من ضمنها مطعم اذري وايراني حلال قلنا نروح الايراني اليوم ونجرب الثاني بكرة استغفر الله ماعجبنا الاكل ولا عاد رجعنا للمبنى دا ثاني اخر شي مرينا عالبقالة ناخذ خفايف لاخر الليل وتعويض عن الغدا اللي ماعجبنا وكدا خلصنا اول يوم |
بداية جميلة يا شيماء وتوحي بأننا مقبلين على تقرير أسطوري بعد طول غياب عن الكتابة بالمنتديات نطالبك بالكتابة هنا دوماً :32: أسلوبك جميل وما فارقتني الابتسامة طوال القراءة أهنيك على طولة البال والتعامل مع المواقف السلبية بايجابية ايه أخبار أم كلثوم :32: تم التثبيت بالمواضيع المميزة فوق :65::65: |
اقتباس:
حقيقي شكرا سعيدة جدا لتواجدك وحسيت بالمسؤولية ان شاءالله يكون تقريري على قد التوقعات ام كلثوم رجعت من جورجيا بالسلامة وتبغانا نشتري بيت هناك :1: نورت الموضوع اخر فرصة :e303::e303: |
ما شاء الله متابعين لكلامكم الجميل |
يا هلا نورتي المنتدي بداية مشوقه وخصوصا نظارة أم كلثوم:18: بانتظار التقرير ونتابع الاجازة اللي افتكيتي منها من الدوام |
نورت المنتدى اختي شيماء احلى شي انك اخذتي الاجازه وريحتي شوي الله يحفظ لج اختك وصحبة السفرة اكيد السفرة بتحلى مع اصحاب طيبين ماشين على طباعك بداية حلوة ومشوقة وخرعتينا اول شي من السايق ههههه الحمدلله الفندق طلع مريح وممتاز لكم جولات حلوه وصور احلى عليكم بالعافيه مستمتعين معاكم وننتظر التكمله |
اقتباس:
|
اقتباس:
الله يسعد قلبك ان شاءالله تستمتعين بالتقرير :e437: |
اقتباس:
والله السواق خرعنا كلنا :26::26: بس لازم من الاكشن بالسفر نورتي ياعيني :e437: |
باليوم الاول شفنا سيدات كبار يسوون اطواق ورد باشكال جدا جميلة والوان حلوة اشترينا منهم :18: اليوم الثاني 21 مايو صحيت بدري كالعادة ونزلت افطر بالبيسمنت ماكان في احد غيري الفندق هادئ وصغير تحس انك ببيتك بعدها تجهزنا ونزلنا الجو كان بارد ذاك اليوم https://www.arabtrvl.com/up/uploads/...3729382671.jpg واحنا ماشيين حجزنا مع مكتب سياحي رحلة الى كازبجي فيها كدا محطة السعر مااذكر صراحة بس ماتوقع اكثر من 300 ل3 اشخاص بعد ماحجزنا طلعنا التلفريك يعني تقريبا مشينا ربع ساعة ووصلنا التلفريك الاوتيل مرة كان قريب من دي المنطقة 3 اشخاص ب17 لاري :18: روحة ورجعة https://www.arabtrvl.com/up/uploads/...3729387322.jpg محسوبتكم تخاف من الاماكن العالية بس لازم الواحد يجرب بالسفر ووصلنا للجهة الثانية اللي فيها تمثال ام الجورجيين كان في اكشاك تبيع اكسسوارات ستيكرات تذكارات اشياء مطبوع عليها معالم جورجيا بس اسعارها شفتها غالية بالنسبة لاشياء من دا النوع وطبعا في ناس تعزف بالمكان https://www.arabtrvl.com/up/uploads/...3729391163.jpg https://www.arabtrvl.com/up/uploads/...3729433585.jpg https://www.arabtrvl.com/up/uploads/...3729438116.jpg ووصلنا للتمثال نصوره هنا احب اشكر اعضاء المنتدى اللي سبقوني لجورجيا استفدت من كل معلومة منكم انا وصديقتي اللي تعرفت عليها بالطيارة كنت امشي وكأني جيت الاماكن دي قبل واقول للبنات دحين بنشوف كدا ونلقى كدا :e305: https://www.arabtrvl.com/up/uploads/...3729395574.jpg والاطلالة كانت جدا جميلة جلسنا نمشي شوية ونصور شوية وبعدها طلعنا التلفريك عشان نرجع وطبعا كنت قارية التحذيرات من بعض الاعضاء انه في ناس تعرض حيوانات وبيطلبوك فلوس ( مذاكرة كويس ) طبعا نبهت البنات ومشينا رحنا للملاهي نسيت اسمه بس كان بعيد ومادفعنا كثير بتطبيق بولت https://www.arabtrvl.com/up/uploads/...3729442687.jpg https://www.arabtrvl.com/up/uploads/...3729447398.jpg لمن وصلنا الجو صار حار بس لعبنا والملاهي كبير بس حسيت العاب الاطفال كانت فيه اكثر من الكبار بس عموما مرتب وكل جهة تلقى كشك فيه مالذ وطاب بعد ماخلصنا لعب رحنا لمول برضو نسيت اسمه :28:مدري على ايش منزلة تقرير :49: البنات اشترو لبس ثقيل لانه ناويين رحلة لجبل كازبجي واحنا خارجين مطرررر وياسلام اعشق اجواء المطر طبعا جعنا بعد اللي سويناه اليوم وقتها رسلت لي صحبتي انه جربت مطعم البغدادي وطلع لذيذ ونروح انا والبنات ناكل عندهم يالله على طعامة الاكل ولذاذته ولا الموظفين هناك ايش ذوق ماشاءالله عليهم وحطو لنا صنف ضيافة ماقصرو فعلا طبعا اكلنا عندهم مرتين والثالثة طلبنا منهم دليفيري بعدين رجعنا عالاوتيل وريحنا شوية من عوايدي ماخرج بالليل بس الجو مغري والجسر 10 دقايق مشي اقول لهم نمشي مو راضيين بالنهاية صحبة اختي نزلت معايا وكان حلو الاجواء عالجسر وحول المنطقة جلسنا نكتشف كانت حلوة بالليل https://www.arabtrvl.com/up/uploads/...3729482549.jpg وكدا انتهت فعاليات اليوم الثاني ( اكتشفت انه ماعندي غير فديوهات فلقطت كم صورة من فديو يعني الجودة مو قد كدا سامحونا ) |
فعاليات جميلة وترتيب حلو لليوم توقيت رحلتكم جدا جميل جاء وسط أجواء رائعة برافو عليك مذاكرة كويس عشان ما يستغلون السائح بحركات قديمة ومشكورين اللي نزلوا تقارير سابقة هذي فايدتها :e032::e032: |
اقتباس:
من جد يعطيهم العافيه ادري نقصر بالردود عليهم لكن الكل قاعد يستفيد منهم :e032: شكرا على متابعتك وتواجدك اخر فرصة :e032: |
اليوم الثالث 22 مايو صحينا بدري بس مالحقنا نفطر لان لازم نتجمع عند المكتب بدري مرة وبعدها طلعنا باص مع قروبات واحنا جلسنا ورا :29::7: اول شي نزلونا هنا نتفرج عالمنظر دا سبحان الله جدا جميل الواقع طبعا غير https://www.arabtrvl.com/up/uploads/...1850434621.jpg https://www.arabtrvl.com/up/uploads/...1850470852.jpg تقريبا نص ساعة ورحنا لمكان اثري لكنائس قديمة وقلاع دخلنا حق ابو 5 دقايق وطلعنا مارتحت بالمكان وانتظرنا برى نتجول بالمكان واشترينا عصيرات https://www.arabtrvl.com/up/uploads/...1850515224.jpg https://www.arabtrvl.com/up/uploads/...1850519195.jpg https://www.arabtrvl.com/up/uploads/...1850522086.jpg تقريبا جلسنا ساعة وبعدها نزلونا بمطعم فيه دور لتذوق النبيذ مالناش بالتذوق بس لينا بالمطعم انا وصحبة اختي دخلنا ناكل واختي كسولة شوية جلست بالباص https://www.arabtrvl.com/up/uploads/...1850524857.jpg طلبنا فطيرة سبانخ بالجبنة وقهوة حذرين جدا باختياراتنا بالاكل https://www.arabtrvl.com/up/uploads/...1850528658.jpg https://www.arabtrvl.com/up/uploads/...1850532839.jpg القهوة كانت مرة لذيذة طلبت 2 :18: مانلام اول مرة اذوق قهوة حلوة عندهم بعد ماخلصنا قال تعالو جربو الواين قلت له مسلمين ياخي توكل بس :29: https://www.arabtrvl.com/up/uploads/...1868637851.jpg بعدين نزلونا عند نهر جاري وحذرونا من الاقتراب لانه خطير بس كنا نصور من بعيد بعدها ودونا لمزرعة خيول تملكها امراة بمنتصف العمر الصراحة عجبتني ماشاءالله فارسة وغير الخيول عندها عسل تبيعه وذقنا الانواع كانت نكهات قوية وغريبة مو من النوع اللي ممكن استسيغه وفي طريقنا للجبل كان غريب صراحة ومخيف سيارات كثيرة رايح جاي وتحس الطريق تحتك خشب ماعرف كيف اوصف بس هم طبعا متعودين والحمدلله وصلنا بالسلامة طبعا دي فترة ذوبان الثلوج اكيد بالشتا بيكون شي خيالي https://www.arabtrvl.com/up/uploads/...8505360210.jpg الجو كان جدا بارد بس جمييييل https://www.arabtrvl.com/up/uploads/...8505385311.jpg جلسنا تقريبا ساعة وبعدها كان اخر محطة فيها كنيسة راهب قديم عندهم على قمة بس طبعا احنا وناس كثير ماحبو يطلعو انا والبنات تركناهم ورحنا نلعب عند جداول صغيرة تجنن اول مرة اشوف زي كدا وكان في مطر جلسنا نستهبل ونلعب لين جا المرشد نادانا وقال يلا بنمشي وبعدين رجعنا على طول على تبليسي صح مو من طبعي اقارن بس هنا حابة اقارن :29: انا رحت تركيا مرة كثير ولمن كنا نطلع لرحلات خارج اسطنبول كان يودونا محطات مرة كثيرة وننزل محلات كثير عشان نشتري منها وكنت اشوفها مضيعة وقت وتقلل من الوقت اللي احتاجه في محطات انا حابة ازورها عكس الرحلة هنا بتبليسي الشي الوحيد اللي كان ممكن نشتري منه هو مزرعة الخيول طبعا رجعنا من الرحلة تعبانين عالاخر وصلنا يمكن 7 المغرب وكان الجو ماطر وقتها طلبنا عشا من البغدادي دليفيري وكدا خلصنا ثالث يوم بتبليسي الجميلة |
المنظر خيالي الشركة مختارة المزارات بعناية قمة الجبل باين باردة جدا يا سلام على الفارسة بتاعة كله خيل وعسل برافو عليها باين المطعم أعجبكم كثير من الاسم باين أنه مأكولات عراقية :e306::e306: |
الله عليك يا شيماء رجعتني للذكريات القديمه شوارع تبليسي و رحلة القوقاز .................... |
اقتباس:
صح المطعم عراقي واكلهم مرة لذيذ واحنا اذا عجبنا شي نعلق عليه :29: منورنا :e303::e303: |
اقتباس:
منور التقرير :e305: |
:e116: بانتظار اليوم الرابع وباقي تفاصيل الرحلة |
الحمد الله على سلامتكم وخيار موفق للبلد هاذي تستحق الزيارة و متابعين وذكرتيني على رحلتي السابقة لجورجيا الجميلة خذي لفة على تقريري يفيدك كثير وطرحك وشرحك - جداااااوي بحــت:e325: |
ما شاء الله رحلة جميلة وتقرير مرتب واحلى شى رحتو كازبجي لان 5 ايام كثير على تبليسي |
اقتباس:
نورت |
اقتباس:
ان شاءالله امر عالتقرير نورت :e437: |
اقتباس:
كازبجي كانت اضافة جميلة للرحلة نورت التقرير :e437::e437: |
اليوم الرابع 23 مايو طبعا البداية مع الفطور https://www.arabtrvl.com/up/uploads/...5060435831.jpg وقتها بلغت البنات نبغى نروح للبحيرة بس ماكانو حابين يروحو اماكن بعيدة زي الجبل وانهم تعبوا قلت اوكي نروح الحمامات الكبريتية ونحجز موعد نسوي شي يخلينا ريلاكس وكدا اول شي تمشينا شوية ورحنا بس ماحبيت المنطقة من الداخل حسيت برطوبة ماتعجبني https://www.arabtrvl.com/up/uploads/...5113673231.jpg وبعدين دخلنا نستفسر عن الاسعار وحجزنا عالساعة 7 الليل ورحنا اخذنا ايس كريم بالكرز والفانيليا يجنن :e328::e328: https://www.arabtrvl.com/up/uploads/...5060454573.jpg وبعدين رجعنا الاوتيل لمينا ملابسنا ورحنا المغسلة نغسل https://www.arabtrvl.com/up/uploads/...0506045994.jpg نظامهم حلو واون لاين واللي بالمغسلة رجال كبير بالسن واختي شوية وتصيح :2: بعد ماخلصنا رحنا المول مشييي :24: وبعدين اكلنا في نفس المطعم :14: وبعد ماخلصنا فاتنا موعد الحمام اللي حاجزينه :2: قلنا عوافي ايش نسوي طيب البنات قالو نروح كوفي وجلسو يدورو على كوفي مرتب يروحوه ورحنا https://www.arabtrvl.com/up/uploads/...0506052858.jpg https://www.arabtrvl.com/up/uploads/...5113678662.jpg وصار موقف يفشل بالكوفي انا جالسة مروقة اشرب قهوتي واحلي طالبة 3 انواع حلا نجربهم :24: وشوية يحي كلب صغييييير اوكي شكله حلو بس انا اخاف من الكلاب ويحوم عندي واصرخ وانادل الويتر لو سمحت شيلوه وشوية يجيني الكلب يحوم عندي ونفس الموال وارجع انادي الويتر ويشيله 3 مرات تصير نفس الحركة اخر شي اكتشفت انهم كلبين مو واحد وجات بالنهاية صاحبة الكلاب شالتهم :46: كان نفسي الطمها بس قلت خليكي فريش احنا في رحلة :3::e328: وبس بعد ماخلصنا رجعنا عالاوتيل ونمنا بس ماتهنيت بالحلا من الكلبين كل شوية افز من مكاني |
يوم 24 مايو صحينا بدري وقلنا نروح نحجز موعد بالحمامات بس لمن رحنا كانت موجودة موظفة ثانية غير الاولى واعطتنا اسعار مرة عالية والاولى كانت موجوة برضو فكنسلنا الفكرة :27: قلنا نروح المول نقضي ونشتري هدايا ودا وقت استغلال تواجد البراندات التركية في مولاتهم بعد ماتسوقنا وانا خارجة من المول لقيت وحدة تبيع قدام المول ستيكرات وميداليات واشياء حلوة نفس اللي شفتها اول بس بسعر ارخص :17::17: واشتريت طبعاا دايما الواحد يبعد عن الاماكن السياحية في شراء الهدايا :48: وقلنا نرجع للاوتيل مشي ونرتب اغراضنا لانه بكرة الرجعة https://www.arabtrvl.com/up/uploads/...5221896023.jpg https://www.arabtrvl.com/up/uploads/...5221935144.jpg https://www.arabtrvl.com/up/uploads/...5221997186.jpg اخذنا حلا في طريقنا https://www.arabtrvl.com/up/uploads/...5222030837.jpg طبعا اليومين الاخيرين ماكان فيها فعاليات لان اللي معايا تعبو من رحلة الجبل فصار كله تسوق واكل :49: من طقوسي بالسفر اخر ليلة اتمشى في الليل لوقت متاخر اودع المكان :e328::e328: https://www.arabtrvl.com/up/uploads/...5222067338.jpg يوم 25 مايو يوم العودة https://www.arabtrvl.com/up/uploads/...5222103889.jpg فطرنا وطلبنا بولت الكابتن كان رجال كبير وسالنا انتو عرب قلنا سعوديين المهم جلس يمدح فينا ويذم في ناس مو حابة اذكرهم بس المهم حسيت بالوطنية والانتماء والفخر وكل حاجة حلوة :e328::e328: طبعا طول الرحلة ماصادفت شحاتين او شي لكننننن بالمطار عند كاونتر فلاي ناس جانا واحد يبغى يدف الشنط قلت لا شكرا وجلس يلح علي واصلا اللاين شبه فاضي يمكن قدامنا 4 اشخاص او 5 رايحين بدري المهم مع الحاحه قلت اوك واصلا معايا 10 لاري اخدنا تذاكرنا واعطيته ال10 قال ابغى 100 :49::49::49: قلت واااااااااااااات ار يو كررررررايزي وشوية جا صاحبه يتكلم عربي مكسر قال هوه معاكم له ساعة قلت ياكذاب كلها ماجات 5 دقايق وهي ياعشرة يابلاش راح اخذها ومشي البنات يضحكو لين وصلنا الصالة قالو شيماء تحولت 180 درجة فالحقيقة ماعرف اكاسر لكن الموقف استفزني في اشياء نمشيها واشياء لا ومستهدفين كاونتر معين سبحان الله https://www.arabtrvl.com/up/uploads/...2221099510.jpg وبس ورجعنا بالسلامة والحمدلله كانت من اجمل السفرات واجمل صحبة صحبة اختي بلغت اختي بعد مارجعنا مرة ثانية اذا سافرنا نمشي على جدول شيماء ونبطل كسل :17: وان شاءالله نلقاكم بتقرير قادم وسفرة قادمة :e303::e303: |
موقف الكلب أكيد مضحك بس الكلب يشم ريحة الخوف ويلف على الخواف لو عملت جامدة ما راح يقرب منك رحلة ريلاكس وما فيها ضغوط ومزارات كثيرة وهذا يخلي الرحلة أحلى أسلوبك جميل في عرض الرحلة وان شاء الله نشوفك في تقرير جديد اعطينا انطباعك عن البلد وأهل البلد بشكل عام تستاهلين 5 نجوم :e032: |
اقتباس:
الرحلة كانت خفيفة واعتبرتها استجمام بعد الدوام المرهق البلد حلوة تكفيها 5 ايام توقعتها ارخص بس الحقيقة لا والبركة في هبة الخليجيين فجاة عليهم الناس اللي بالمحلات والمواقع السياحية اكيد بيكونو لطيفين بحكم شغلهم اكيد حسيت الكافهيات عندهم قليلة عكس شي ثاني منتشر بكل مكان بس اتوقع من ثقافتهم حسب ماقال المرشد افضل منطقة بالسكن اولد ستي عشان كل المزارات جنبك وتقدر تختمها بيومين بس احنا ماارهقنا نفسنا باللفلفة الكثير شكرا اخر فرصة على متابعتك اول باول وتشجعيك :e437::e437: نورت |
الحمدلله على سلامتكم جورجيا بلد جميل, وقريب 3 ساعات, والدخول بدون تاشيرة للخليجيين والمقيمين بدول الخليج. |
الحمدلله على السلامة تقرير جميل وخفيف |
تقرير رائع وأسلوبك جميل في السرد الله يعطيك العافية وحمدًا لله على سلامتكم ننتظر منك تقارير أخرى ورحلات سعيدة مقبلة |
اقتباس:
فعلا وتناسب الاجازات القصيرة :e030: |
اقتباس:
اسعدني تواجدك جدا :e305: |
اقتباس:
الاجمل تواجدك بتقريري نورت :e303: |
الحمدالله على سلامتكم تقرير جميل |
اقتباس:
الاجمل تواجدك :e303::e022: |
تقرير رائع شكرا لك |
اقتباس:
نورت :e437: |
رغم قصر المدة وقلة الصور إلا أنه تقرير ممتع - جزئية إن مافيه متسولين هذي مهمة، وبالنسبة للرحلات السياحية ماصار فيه تلاعب أو زيادة بالسعر فجأة بوسط الرحلة؟ لأني حسب ما قريت إنهم في السنتين الأخيرة إلتفتوا كثير لهذي الظواهر وشبه قلت عندهم. - رحلة اليوم الثالث وش إسم المكان؟ - بشكل عام هل تبليسي مناسبة للإجازات القصيرة؟ |
اقتباس:
لا الاسعار كانت واضحة ومافي تلاعب الرحلة كانت لجبل كازبجي وتمر باكثر من محطة رحلة يوم واحد جدا كانت مرتبة وحجزها سهل منتشرة بالمكاتب السياحية والاكشاك انا اخترت تبليسي لانه بس عندي 5 ايام وكفت وزيادة اخر يومين ماكان فيها نشاطات كثير ممكن تضيف لها مدينة باتومي نورت :e20c::e20c: |
| الساعة الآن 05:03 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO