|
احتاج مساعدتكم ومشورتكم السلام عليكم ورحمة الله وبركاته اول مشاركه لي معكم واتمنى ماتخيبون ظني قرات كثير بدول أوروبا واحترت كثير فياليت تساعدوني ... أول مره اسافر انا اتمنى ازور المانيا والنمسا وسويسرا وايطاليا في مده 14 يوم أو 16 بس شكله ماينفع .. الرحله شخصان وطفل رضيع تخطيطي كان فيينا3 - زيلامسي4 - انترلاكن 3- جنيف2 - باريس2 هل هو جيد ام مرهق ؟؟؟ عمل لي اياها مكتب سياحه قال بتكلفني مع تذاكر الطيران ع السعوديه والقطارات وفنادق 3 نجوم مع مواصلات استقبال من المطار والى المطار ومن القطارات واليها 22 الف تقريبا ماهي مشورتكم اعتمدهم اما اغير وجهتي تكون المانيا والنمسا أو ايطاليا وسويسرا أو سويسرا وفرنسا ارغب زياره زيلامسي وفينيسيا ومدن سويسرا ميزانيتي 30 الف بالنسبه لفيزه الشنغن هل فيها مشاكل هالفتره لان حسب علمي السفاره الالمانيه منعت فيز السياحه بسبب الاجئن السووريين ؟؟؟ شاكره لكم :(148): |
مافي آيَ ردود 😑 |
وعليكم السلام ورحمة الله وبركاته وحياج الله معانا أختي وإن شاءالله تفيدين وتستفيدين وبالنسبة للإستفسارات جدولكم متعب ويحتاج تعديل شوي نشطب فيينا الطيران الوصول مطار ميونيخ والعودة مطار باريس زيلامسي 4 ليالي ميونيخ ليلتين ( للراحة بين زيلامسي وأنترلاكن ) أنترلاكن 3 ليالي جنيف ليلتين باريس 3 ليالي وهذا موضوع لمشرفنا مشرف النمسا فيه جداول أخرى وشوفي أختي جدول 14 ليلة اشوفه ممكن مريح من أجل الرضيع الله يخليه لكم http://www.arabtrvl.com/vb/t153.html وهذا جدول أيضا إيطاليا سويسرا ( 16 ليلة ) الوصول ميلانو والعودة جنيف ميلانو 4 ليالي فلورنسا 3 ليالي لوقانو ليلتين انترلاكن 4 ليالي جنيف 3 ليالي وزيارة منها قرى فرنسية قريبة وعن المكتب والحجوزات الأفضل والأوفر أنه أنتم تسوونها وتحجزونها من بوكينق للفنادق والطيران من مواقعها سهله وشنو وسيلة التنقل ؟ راح تأجرون سيارة خاصة فيكم ؟ والفيزا هذي بوابة فيزا الشنغن بوابة فيزا الشنغن - شبكة و منتديات العرب المسافرون لا إن شاءالله مافيه مشاكل بالنسبة لفيزا الشنغن بس الإنتباه تطلعونها على سفارة البلد إلي تقضون فيها أكثر رحلة موفقة بإذن الله |
يعطيك العافيه ماقصرتي يمكن اعتمد برنامجك بس مو المسافه طويله بين ميونيخ وانترلاكن قريت انه بالقطار خمس ساعات احتمال تنقلاتنا بالقطار فهل اسعار التذاكر مكلفه هل يوجد تكاسي عند المطار لانتقال الى زيلامسي ؟؟ |
وعليكم السلام اشوف جدولك مرهق لو تقسمين الدول على سفرتين اريح لكم وتقدررين تشوفين كل مدينة صح وبالنسبة للقطار المسافة ماتحسن فيها انا جربت من باريس لانترلاكن بالقطار 5 ساعات تقريباً كانت ممتعه |
بعتمد إن شاء الله الي كتبته هدوء العالم لميونيخ والعوده مْنَ باريس يعطيك العافيه |
ابي جدول لسويسرا وفرنسا بالنسبه لجدول ايطاليا وسويسرا مو بعيده مناطق ايطالياعن بعض واقدر ازور فينسيا مْنَ ميلانو جدولي كذا مناسب ميلانو وزياره ليوم فينسيا وعوده لوقانو انترلاكن جنيف انسي باريس أو استغني ؏ـن انسي لمده 14 يوم |
بالنسبه رحلتي لسويسرا وفرنسا افضل وتكفي أو ايطاليا وسويسرا وقرى الفرنسيه تكفي هل ايطاليا جيده آآنً استغني ؏ـن باريس ؟؟؟ ياليت تسوون لي جدول مناسب عشان احجز فنادق وتذاكر !! |
اقتباس:
ابشر يالطيب بس بطرح سؤال عليك هل أنت من عشاق المدن أو تحب الطبيعه والارياف؟ سيبك من المكتب السياحي أن شاء الله هناك خبرا يغنونك عن ألف مكتب سياحي. . لاتشيل هم |
ما يخص فرنسا تفضلي بالبوابه الفرنسيه حددي الايام ونشوف سكن وجدول |
بالنسبه لي احب انوع بين المدن والطبيعه بٌَِسٌِِّ !! الطبيعه اكثر ومدينه صخبه تكفي وحده ٱنـِْآ رتبت جدول كالتالي الوصول ميلان لمده خمس ايام ومنها ازور البندقيه و لوقانوا اربع ايام انترلاكن خمس ايام انسي وازور منها جنيف وشامونيه وايفيان المغادره جنيف أو جدول ثاني الوصول ميونيخ - زيلامسي - البندقيه - المغادره باريس أول سفره لي وابيها تمااام وانا الي اضبطها واستغني ؏ـن المكاتب |
هل يقضل ٣ ايام ميلان ويومين لوقانوا |
خلك على مخططك الاول ميلان 5ليالي يوم بيكون ل فنيسيا ويوم كومو او جاردا ولوقانو ليله وانترلاكن 3ليالي وجنيف 5ليالي |
اقتباس:
يعطيك العافيه ماقصرتوا جميعا |
ٱذٱ بنستاجر سياره مْنَ ﯙيِنٌ ميلان ونسلمها جنيف ؟؟؟اريدها فقط بسويسرا لو نفس جدولي واضفت اخر شي مْنَ جنيف لباريس بالطائره يومين والعوده مْنَ باريس الجدول تماام واضيف يومين لرحله |
بانتظار ردودكم ؟؟ هل الوصول لميلان أفضل أو باريس ؟؟؟ |
نعتذر على التأخير أختي وتقصدين هذا جدولج النهائي اقتباس:
اقتباس:
بكل تأكيد الوصول ميلان و العودة باريس وملاحظة تبعد جنيف عن انسي 40 دقيقة 41 كيلو السكن بوحدة بس |
ميلان 3 لوقانو 2 انترلاكن 4 انسي 3 باريس 4 هذا الجدول المذكور كان على حسب اختيارك للمدن المذكوره عندي لك اقتراح آخر بس هل تم تأكيد حجز الطيران؟ |
لسى ماحجزت التذاكر لحد مااكد الجدول ؟؟ استئجار سياره مْنَ لوقانو واسلمها بجنيف والا احتاج سياره بميلان الجَۆ بشهر سبعه هجري اربعه ميلادي مناسب لاوروبا (ابريل) يكون انتهى الشتاء؟ يعطيك العافيه |
من منتصف ابريل وانت رايح الجو حلو ... خلك ع الجدول المذكور ... اذا رغبتك في ميلان والبندقيه ... |
ياهلا ومرحبا فيج اختي اقتباس:
اقتباس:
اشوف ان لوغانو تسكنين فيها يوم واحد لانهم تقريبا نفس الطبيعه اقتباس:
اي اختي باريس تستحق الزياره اذا نويتي تروحين باريس بالقطار المسافه من جنيف 3:09 دايركت اقتباس:
جربي السعر لو الذهاب الى باريس والعوده من ميلان والعكس وايضا سعر الفنادق وبعدها تقررين الافضل اذا تبغين مساعده با الاسعار في حال الخيارين الي فوق انا حاضر اقتباس:
الله يعافيج اختي الاجابه فوق باللون الاحمر بالتوفيق |
اقصد من منتصف مابو وليس ابريل ... |
من بدايه ابريل الجو مقبول بس الافضل تأجل الى مايو |
ماتتوقع يوم ضايع في لوقانو.. |
اقتباس:
ماقصرت الله يعطيك الف عافيه ويكثر من امثالك ... يوم واحد ماتشوفه ضايع في لوقانو ؟ |
اقتباس:
ياهلا ومرحبا بالغالي الله يعافيك آمين ومن قال يارب جزاك الله خير صح هو نوعا ما ضايع وماكتت بحطه بس حطيتة لسببين الأول أن الاخت بتروح لوغانو وهي في ميلانو وبترجع بنفس أليوم لميلانو وبعدها بتروح انترلاكن وبكون بنفس الخط إلى لوغانو فا مابغيتها تروح نفس الخط مرتين السبب الثاني أنها ناويه تستأجر السياره من لوغانو فا الأفضل تجلس فيها ليله ترتب أمور السياره وتتسوح فيها أما إذا قصدك ليش ما اخليها يومين بدل يوم واحد لأن ونفس انا ماقلت قبل طبيعه لوغانو نفس طبيعه انترلاكن بحيره ومناظر حلوه لكن انتر لاكن افصل بمراحل فا مابغي تروح ايام كثيره عليها وهيييك يعني هههههه تسلم يا غالي ملاحظتك جميله نفسك |
يعطيكم العافيه جميعا اولا تحديد وقت السفره ممكن اجله شهر 10أو11 يعني بالصيف بٌَِسٌِِّ !! لي معارف كانوا فيها العام وقالوا كانت شوي حاره لاول مره وانا ماابي الحر 😑 بالنسبه لتخطيطي السكن بميلان 4 ايام يومين ميلان اتمشى فيها ويوم اروح البندقيه ويوم اروح كومو أو جاردا صارت اربعه ويوم اروح لوقانوا أو يومين اجلس فيها بعدين انترلاكن اربع ايام بعدين اسكن بانسي 3 ايام ومنها ازور جنيف وشامونيه أو ايفيان يعني مااسكن بجنيف ثم مْنَ جنيف ع باريس 3 ايام والعوده مْنَ باريس والا مخططي مو مناسب وهل ميزانيتي 30 الف أو 35 كافيه ع هذا المخطط ٱنـِْآ وزوجي وطفله عمر سنه ونص الوصول ميلان المغادره باريس 4 ايام ميلان وزياره يوم فينيسيا ويوم جارداأو كوموويوم لوقانوا 4 ايام انترلاكن 3 ايام انسي وزياره جنيف وشامونيه وايفيان 3ايام باريس |
ٱنـِْآ ماراح الغي باريس وممكن ازيد الايام وانا كان تقسيم السكن أول باربع مدن وازور منها الاماكن وارجع لاني ماابي التنقل كثير |
الله يعافيج اختي بعطيج رايي على شكل نقاط اوضح 1- بالنسبه ليوم في ميلانو والذهاب الى كومو او جاردا اذا بتقعدين في لوغانو يومين الافضل تروحين منها الى كومو لانها قريبه من لوغانو تقريبا 30 كيلو بينهم 2- اذا استأجرتي سياره اطلعي على باريس من جنيف عشان ترجعين السياره هناك اما اذا ما استأجرتي السياره ممكن تطلعين من انسي الى باريس بالقطار دايركت بدون توقف والمسافه 3:40 3- تخطيطج ممتاز جدا جدا ماعليه غبار بس انا متشكك بالميزانيه اشوي وماعتقد انها تكفي اتوقع انها شامله التذاكر والسكن صح !! لازم نشوف السكن والسياره تكون اقتصاديه وتققلين من رحلات القطار لانها مكلفه اشوي بس جدولج كترتيب ممتاز جدا |
بخصوص بحيرة كومو هي نفس لوقانو انا انصحك ببحيرة ماجوريه تزوريها في احد الايام اللى عندك |
اقتباس:
ٱنـِْآ حسبت تقريبا 10لتداكر وكلفتني تقريبا سبعه وعشره للفنادق وعشره مصروف هناك ومشتريات وزياره اماكن سياحيه تنقل بميلان وانسي يكون بقطارات داخليه يعني زي المترو يعني مو قطارات بين المدن سعره يكون ارخص تاييدوون باريس أو الغيها ؟؟ |
الوصول ميلان المغادره باريس 3 ايام ميلان وزياره يوم فينيسيا يومين لوقانوا وزياره يوم كومو 4 ايام انترلاكن 3 ايام انسي وزياره جنيف وشامونيه وايفيان 3ايام باريس صارت 15يوم كذا تمام الجدول أو بيكون مرهق بالتنقل؟ بالنسبه الافضل ازور شامونيه أو ايفيان؟؟ |
اقتباس:
مرحبا اختي انا لاتسأليني عن باريس لاني اكيد بقولج روحي لها وتستاهل لاني اعشقها بصراحه هي حلوه وحق 4 ايام ممتازه جدا ونضبط لج جدول حلو بس مشكلتها فنادقها غاليه اشوي حتى مصرفها انا حاليا ماقدر اجزم ان الميزانيه تكفي او لا بس عطيني لين بكره ان شاء الله خليني اشيك على الفنادق بالتواريخ الي بتروحين لها بس حتى لو الميزانيه تكفي راح تكون الفنادق عاديه جدا نفس ماتقولين للنوم فقط |
روح باريس دامك وصلت أوروبا. ... بس زيد شؤيه من الميزانية |
إن شاء الله بدور حجز طيران15 ابريل حسب الرحلات يمكن تتقدم أو تتاخر يوم فانتظار مساعدتك بالجدول لجل ابدا احجز وارتب واختار الفنادق والامور الثانيه احجزها |
اولا.. اجل سفره شهر من وقتك افضل ذلك .. ؤيش رايك تنكسل ميلان من الجدول وتكتفي بزيارة لوقانو من انترلاكن او تكنسلها من جدولك ؟ |
ٱنـِْآ زيارتي لميلان لجل ازور فينيسيا ولاابي اكنسلها ممكن الغي انسي وابدلها بباريس أو اقلل ايامها ؟؟ ٱنـِْآ ودي اقدم الحجز بٌَِسٌِِّ !! عشان الرحلات مالقيت شي مناسب ع الخطوط دايركت وكمان الفنادق اغلبها هالفتره محجوزه فاخرتها يعني لو رحت هالفتره ماراح القى اماكن سياحيه وانشطه والا مسكره ؟؟؟ |
أغلب الانشطه السياحيه تفتح من منتصف مايو لغاية منتصف أكتوبر والأهم من ذلك لما أجلها حتى بعد مايو تكون الطبيعه حلوه هذي وجهت نظري. .. انا ماودي اطلعك من ميلان لمدينة اخره بعد وصولك لأن معكم طفل الله يحفظه ورغبتكم في البندقيه خليكم ع جدولك الأول ممتاز وممكن تضحي في لوقانو على حسب الميزانية. .. |
اجمالا اوروبا النشاطات تبدأ من نصف ابريل ابدأي باريس والنهاية جنيف باريس 4 ايام بالطيارة الى ميلان 4 ايام ، استئجار السيارة من لوغانو وتسليمها في مطار جنيف القسم السويسري انترلاكن 4 ايام جنيف وما حولها 3 ايام |
في بعضها من مارس أيضا تفتح. ... ولمعرفة أكثر هذا للعضو ميدو لسنة 2015 وتقريبا 2016 نفس المواعيد وجهت نظري للاستماع في الطبيعه أكثر وهو الهدف الأول للمسافر الي أوروبا http://www.arabtrvl.com/vb/t434.html |
| الساعة الآن 06:06 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO