اسبوع في سويسرا الله يسعدكم نوروني
 

السلام عليكم ورحمة الله

أتمنى تجاوبوني انا لسى ماحجزت بس شفت بتاريخ 9 نوفمبر ع جنيف التذاكر عالسويسريه ل 2 بالغين وطفله ب 5400 اعجبني السعر طيب والفنادق بحط ميزانيه من 3 ل 4 الاف مو لازم 5 نجوم هي للنوم بس تكون أمان ونظيفه اذا تعرفون شي معين
ابغى اعرف نوفمبر كيف بيكون الجو ؟ وتاريخ العوده يوم 16 اسبوع تقريبا الرحله تقريبا اقتصاديه الأكل حاخذ حواضر وهناك ممكن وجبه ف مطعم كم تكلف ؟ وايش افضل الاماكن اللي تنصحوني فيها ! واستئجار السياره كم ممكن يكلف ؟ ومصروف الجيب يكفي 4 او 5 الاف بدون تسوق ! ارجو الاجابه ضروري عشن احجز ايوا وتحتاج فيزا دخول والا وكم وكيف الله يسعد من يجاوبني الغرض تغيير جو والفيزا ل 3 أشخاص كم تكلف ؟ والتأمين الصحي كيف اجيبه ماعندي تأمين وهل هو ضروري ؟ وخطاب العمل ضروري برضو ؟ ياريت تفيدوني باللي احتاجه عشن اعرف اذا احجز او اختار مكان ثاني
وشكرا مقدما

لاتحجز في نوفمبر

اذا تفكر في اوروبا خليك من نهاية مايو لمنتصف أكتوبر

عليكم السلام ورحمة الله وبركاته :

حياك الله اخوي .

بالنسبة لفترة السفر على ما اعتقد انها بتصادف اجازة مدرسية عندنا ..وبيني وبينك الجو راح يميل الى البرودة باعتبار تقريبا نهاية الخريف ...فيعني لا تحط في بالك الجو راح يكون مو بارد ..فلازم تاخذ احتياطاتك .

على العموم ..اذا نفسك تزور سويسرا في هذا الوقت ..ان شاء الله راح يناسبك..لأن المدة راح تكون قصيرة لمدة اسبوع مثل ما تفضلت .

الذهاب والعودة من جنيف ..الوصول الى جنيف والسكن في لوزان لمدة يومين
انترلكن ثلاثة ايام
جنيف يومين

بحيث في لوزان تزور مصنع الشوكولاتة وحديقة حيوان سيرفيون و ومونترو ومثلا رحلة على بحيرة ليمان .

انترلكن تغطي اليوم الاول شلال الجسباخ ورحلة بحرية .
اليوم الثاني لقمة الجنقفرو (تكلفة الشخص 170 فرنك ) ..(كنت بقول ان تتلس ارخص لكن راح تكون مقفلة لاعمال الصيانة في تاريخ سفرك )
وممكن في هذا اليوم زيارة قمة بيلاتوس (اعمال الصيانة تنتهي في يوم 11 نوفمبر) ثم التمشي في لوزيرن .
اليوم الثالث : بحيرة البلاوسيه ..وزيارة جريندوالد .

جنيف: اليوم الاول التمشي في جنيف والبحيرة وشوارع التسوق .
اليوم الثاني لزيارة أنسي .


ايجار السيارة ما راح يكون ما بين 1000 الى 1500 ريال سيارة صغيرة مع مقعد للطفل (لازم تكون معاك الرخصة المحلية + الرخصة الدولية + بطاقة فيزا او ماستر كارد ائتمانية)

المصروف اليومي ما راح يتعدى 200 فرنك باعتبار ان الكثير من الانشطة راح تكون مقفلة .
المصروف يشمل التماشي والبنزين ووجبة العشا .

الفيزا تطلعها من مكتب التأشيرات الموحد ..تكلف لكم كلكم حدود 800 ريال ..للاشخاص البالغين 300 ريال والصغار تحت سن 12 سنة الى سن 6 سنوات 175 ريال .

ومجانا لمن هم دون السن السادسة

وهذا موقعهم ..ولابد من حجز موعد وتجهيز جميع الطلبات :

https://www.vfsglobal.ch/Switzerland...c/tourist.html


التأمين الطبي تجيبه من اي مكتب تأمين ..زي التعاونية او ميدقلف او غيرهم .

خطاب العمل بالراتب ضروري ... وممكن تتصل عليهم وتستفسر اكثر .

يعني حساب رحلتك اجمالا بالتذاكر :
5400 تذاكر + 1500 سيارة + 4000 سكن + 5400 مصروف = تقريبا 16000 ريال ..وممكن تنقص او تزيد باعتبار ان الفنادق والمصروفات الشخصية حسبتها بطريقة سريعة وتقريبية ..وتعتمد على صرفيتك اليومية .


قبل لا تدخل في موضوع الانشطة انصحك بقراءة موضوع مواعيد اغلاق الانشطة السياحية في سويسرا :

http://www.arabtrvl.com/vb/t13724.html


وممكن زيارة مركز المعلومات السياحية في اي مدينة تزورها لمعرفة الانشطة الممكن زيارتها او استشارة الفندق اللي راح تسكن فيه .


اتمنى أكون أفدتك أخوي ..واتمنى لكم رحلة سعيدة .


وبالتوفيق

اخ ميدو مرررره شكرًا ويعطيك العافيه كفيت ووفيت
والوقت ايوا يكون اجازه عندنا عشن كذا اخترت هالوقت بس
لو خليته ع أكتوبر اول الشهر او نصه ؟! كيف احسن ؟
ياخي إجراءات السفر لاوروبا كثيره ابغى احد يسويلي
كل شي ألاقي ؟

والرخصه الدوليه كيف ندبرها ؟!

الفيزا اهم شي قبل التخطيط

طيب اخت منيره يعني اقدر استخرجها قبل الحجوزات ؟ لسى ماحجزت
لان دوام زوجي يحتاج موافقه للسفر والموضوع معقد شوي

اذا زوجك عسكري طلعي الفيز اول ثم احجزي فنادق تكون مستردة ..لاننا خلصنا كل اجراءات سفرتنا ولما بقي اسبوعين ع سفرنا جاهم انو ممنوع السفر وكان حجز انترلاكن الاغلى وغير مسترد قبل 14 يوم من تاريخ الوصول بحكم ان الموسم زحمة وماحصلنا فندق باطلالة غير اللي اخترته وتوهقنا [emoji20] والحمدلله قبل يومين من السفرة تيسرت


أرسلت بواسطة iPhone بإستخدام Tapatalk

يعطيكم العافيه عندي سؤال الفنادق تاخذ ضرايب ؟ غير سعر الحجوزات !
واذا استأجرنا سياره كم نحط ميزانيه لفلوس الباركينق والبنزين !

حسب الفندق اقرأي السياسة وفيه فنادق ياخذون ع الاطفال برضو تعرفين من المكتوب ببيانات الفندق بخانة الاطفال
المواقف والله
الساعة بفرنكين يعني تكلف حول 70 ريال


أرسلت بواسطة iPhone بإستخدام Tapatalk

الله يعافيكم ...

بالنسبة للضرائب في حجز الفنادق ..يعتمد على الموقع اللي راح تحجزو منه ..مثلا فيه مواقع تعطيكم السعر بدون ضرائب ..ومواقع مع الضرائب ..وفي هذه الحالة لابد من قراءة شروط السعر قبل الحجز .
وجرت العادة في بوكنج ان السعر يشمل الضرائب ..الا ضريبة المدينة والتي تقدر ب 3.5 فرنك للشخص الواحد يوميا (تختلف من مدينة الى اخرى ..مثلا جنيف 3.3 فرنك لوزان 3.10 فرنك بازل 3.5 فرنك انترلكن 2.5 فرنك وهكذا ..)


بالنسبة لميزانية البنزين والمواقف ..ممكن تخلونها من ضمن الميزانية اليومية ..وممكن تخصص لها 1000 ريال كحد أقصى .

سعر الصرف للفرنك اليوم = 3.9 ريال .

والمواقف تختلف من مكان الى اخر .. ولا يهمكم امرها دام لها ميزانية مع البنزين ..

وبالتوفيق

كفيت ووفيت اخوي ميدو وشكرا للجميع :e030:
اذا احتجت معلومه حرجع أستفيد منكم خلوكم قريبين :e030:

عندي سؤال بخصوص الصور الشخصيه للفيزا لازم لكل المسافرين وتكون 3،5 ف 4،5 والا لزوجي بس ؟
واذا عندي صور بمقاسات مختلفه تمشي والا !

لازم للجميع وتكون منابت الشعر ظاهرة ناسية المقاس والله بس رحت استديو قلت ابي صورة للشنغن وقالت اي اعرف واخذتها ومشي الوضع


أرسلت بواسطة iPhone بإستخدام Tapatalk

يعني سافرتي انت وزوجك؟

اخ ميدو ذكرت ف واحد من ردودك أنو الجوازات راح يسووها ب 800 الثلاثه تقصد المكتب الموحد للتأشيرات ؟
اذا ايوا يدخل من ضمنها تعبئة الأبليكيشن وكذا! من غير رسوم الفيزا والموعد وهالامور !

قصده المكتب الموحد من غير تعبئة الابلكيشن
الابلكيشن عبيه انتي ترى جداً سهل
لاني دورت احد يعبي لي حصلت واحد يعبي 200 ريال [emoji856]
فاعتمدت ع نفسي [emoji1377]


أرسلت بواسطة iPhone بإستخدام Tapatalk

ياريت أسعارهم بالمعقول يساعدهم الواحد بس استغلال :63:
عهود يعطيك العافيه اذا حعبيه إلكتروني لاني قريت انو افضل كيف الطريقه خلاص بعتمد على نفسي :64:

ايوة هذه رسوم مكتب التأشيرات للشخص البالغ 300 ريال تقريبا .

اما المكاتب اللي بره ..ياخذوا على الجواز الواحد من 800 الى 1000 ريال ,,وتروحو انتم للتبصيم فقط.


ع العموم ..طريقة تعبئة الابلكيشن جدا سهلة ..بس عشانها اول مرة راح تشوفونها صعبة .

هذا الموضوع لاخونا وحبيبنا اخر فرصة

http://www.arabtrvl.com/vb/t5780.html


وشوفو النماذج.

يديك العافيه بس عندي كمان كم استفسار عن السياره
عشن استأجرها فيزا مسبقة الدفع تمشي والا لازم كريديت كارد ؟! وبالنسبه للتأمين كم ممكن ياخذو ؟!

الله يعافيك والشر ما يجيك

متطلبات استئجار السيارة كما يلي:
فيزا كريديت كارد (مسبق الدفع عليها اشكاليات كبيرة مرة تمشي ومرة لأ ..مثلا موقع هيرتز ما يقبل الحجز بالمسبق الدفع ..ولازم كريديت)
رخصة محلية
رخصة دولية
جواز السفر

التأمين على حسب حجزك..
اذا والله حجزك تأمين عادي ..اقل سعر ..ياخذوا مبلغ ممكن يوصل الى 2000 يورو كتأمين ويرجعوه بعد فترة
وفيه شركات تحجز مبلغ 500 يورو ..يعني تعتمد على الموظف في الاستقبال .

واذا كان حجزك شامل ,, يعني تأمين شامل ..ياخذو مبلغ الحجز فقط وزيادة بسيطة عليه .

انصحك اذا كانت هذه المرة الاولى لك ..تاخذ سيارة مؤمن عليها تأمين شامل .


وبالتوفيق

الله يسعدك اخ ميدو إجاباتك دايما شامله :e306:

طيب بسال بالنسبه لكشف الحساب والتأمين الطبي للفيزا
كيف التواريخ عدلنا موعد الرحله ل ١٦ أكتوبر التامين الطبي حق شهر مثلا يكون لشهر أكتوبر !
وكشف الحساب برضو شهر سبتمبر والا احتاج اعرف النقطه هذي !

وانا جالسه ابحث وأجمع معلومات قريت كلام كثير دحين لو سار السكن
ف ديفون يكون محسوب لفرنسا والا سويسرا ؟ لان السكن برى جنيف ارخص
السكن احتمال يكون ف ديفون وايستوالد افيدوني الله يسعدكم

اولا اختيارتكم ممتازة سواء ديفون او ايستوالدو


ديفون طبعا محسوبه لفرنسا


ثانيا ماهي قصد انها أرخص بل اجمل من جنيف بكثير وباذن الله راح تشوفون الفرق لما تسكنوا فيها وتمرون جنيف لو زياره

اللهم امين واياكم .

كشف الحساب ..اعتبروا قبلها ستة اشهر من تاريخ تقديم الكشف.
المهم يكون موضح فيه مصدر للدخل المالي ..الراتب مثلا.
يعني لو بتقدوا اوراقكم في 8 سبتمبر ..فيعني توفرو كشف حساب شهر مارش الى اوغسطس .

اما التأمين ..لو كان المدة تبعه شهر ..فيبدأ من تاريخ سفركم .. مثلا من 16 اكتوبر الى 15 نوفمبر.



ملاحظة:
دام وقت السفر تغير وتقدم اسبوعين ..فيبقى راح تلحقوا على الكثير من الانشطة اللي لا تزال مفتوحة.



وبالتوفيق

طيب تمام الله يسعدكم سؤال كمان :3:

ينفع اروح فرنسا يومين او ٣ بالسياره صح ؟ ممكن تنضاف للرحله

يعني 6 ايام سويسرا و 3 فرنسا الفيزا سويسرية يجي صح ؟!

وينفع الوصول سويسرا والعوده من فرنسا ؟ عشن تكونو فالصوره انا ابغى ديزني لاند بس

اسألتي كثيره معليش بس زوجي ساب لي التخطيط وابغى أكون قدها واعرف كثير تفاصيل

نعم ..ليش لأ .

عندكم فرنسا والمانيا وايطاليا والنمسا ممكن تزوروها لو اسعفكم الوقت ..وكل دول الشنجن.

حلاة مطار جنيف جاي بالنص على الاراضي السويسرية وعلى الاراضي الفرنسية...ويستقبل التأشيرتين .





نعم ..ممكن الوصول جنيف والمغادرة باريس ..بالضبط نفس رحلتي الاخيرة ..وكانت ارخص من اني لو خليتها جنيف جنيف او باريس باريس.

فيصير عندكم خيارين:
الاول استلام السيارة الايجار من جنيف وارجاعها الى جنيف ثم بالقطار الى باريس
الثاني ..استلام السيارة من مطار جنيف القسم الفرنسي ..وارجاعها في باريس
في باريس ..جنة السيارة الباركنج..أبدا ما تحتاجوها..حتى روحة الديزني اما تاكسي او رير (ميترو مجازا)

ودامكم تقرون التقارير وكذا ..ما راح ينخاف عليكم .. كل شي موجود بالمنتدى.

ملحوظة:
فيه العاب اليوروب بارك ..جميلة وكبيرة وتقع في الغابات السوداء في المانيا .. وافضل من الديزني (رأيي الشخصي)
الا اذا كانت الديزني مطلب اساسي ..فأوكي ..(عدد ايامكم ما يسمح تزوروا الثنتين ..بيكون هجولة.)

اهم شي تقروا التقارير الخاصة في كيفية الذهاب الى ديزني وشراء التذاكر وكم يوم وكذا.


وبالتوفيق

طيب تمام بس كم سؤال برضو

انا دحين حجزت موعد للفيزا انا و زوجي يوم 25 والرحله 16 اكتوبر يمدي وفيه وقت صح ؟؟؟

بنتي لسى جوازها ماطلع بسبب اجازة العيد وخايفه من الوقت اقدر اسوي لها موعد

بمعلومات خربوطيه ؟ يعني رقم جواز يشبه لتسلسل جوازي وبعدين اعدل ؟ او مع موعدنا

نقدم اوراقها بدون موعد لها تمشي ؟؟؟

واذا حنقعد يومين في فرنسا اخد معايا حجز الفندق من ضمن اوراق طلب الفيزا ؟؟ وشكرا :e022:

جواز البنت في نفس اليوم يطلع ..وقدموه مع جوازاتكم يوم 25 .

التأشيرة كحد اقصى اسبوعين وتطلع .. وممكن تقدمو الجواز تبع البنت مع جوازاتكم ..يعني تروحو كلكم كاملين ومعاكم الجوازات (لان الجوازات بياخذوها عندهم عشان يطبعوا عليها التأشيرة).


حجوزات الفنادق للرحلة كاملة لازم تكون معاكم ..ممكن يطلبوها منكم.


وبالتوفيق

دحين محتاجه خبرتكم :e328:
الرحله من يوم 16 اكتوبر ل 26 الوصول حيكون جنيف الساعه 4 ونص بتوقيتهم العصر والمغادرة يوم 26 الساعه 6 المغررب


ابغى يومين في فرنسا اقترحو عليه متى وكيف اوزع الايام مابين جنيف انترلاكن و باريس

حنستاجر سياره في جنيف ونروح فرنسا بالسياره ولو تقولولي فين اروح كلكم كرم وطيبه :e32d:حستاجر الفنادق بعد اقتراحاتكم

أهلاً بك
اشوف تطلعوا ع طول لانترلاكن 4 ايام
ثم جنيف 3 ايام عشان تروحوا انسي وشاموني والا جنيف م اعجبتني أبداً [emoji58] مافيها غير النافورة
وبعدين لباريس يومين دزني لو حابين تسكنوا فيها ويومين بباريس نفسها


أرسلت بواسطة iPhone بإستخدام Tapatalk

حبيت كذا وجا ف بالي بس يمدينا نلحق نطلع انترلاكن قبل غروب الشمس ؟ بحكم اول زياره مافي خبره

ومادري كيف فالليل الطريق صعب او لا وفين البقيه تأيدو الفكره ؟؟

الطريق من جنيف لانترلاكن ساعتين ونص أقصى شي ممكن توصلوا 9 وتناموا [emoji1] لأنه بيكون الوقت بالمغرب والطريق بالعكس سريع وجداً آمن


أرسلت بواسطة iPhone بإستخدام Tapatalk

طيب ياستي اخذت بنصيحتك وانا خايفه الدنيا تظلم ماوصلنا

دورنر روستيك شاليه في غستيغفيلر منها ع انترلاكن
بارك اند سويتس فيلاج إيفيان لجنيف

احد جربها ! لسى متردده فيها كثير من اللي عجبتني اول للاسف انحجزت وسارت فل

من جنيف

انا فهمت انو عودتكم من باريس ووصولكم جنيف
لذلك قلت لك رأيي
بس اذا عودتكم جنيف لازم تطلعوا لسويسرا بدري لان المسافة طويلة


أرسلت بواسطة iPhone بإستخدام Tapatalk