|
ورجعت من باريس مراحب على الناس الجميلة* توني راجعه من باغي كما يطلق عليها من يعشقها باريس *تحت مجهري انا كراميلا سفرتي 13 يناير وجيت 25 يناير 2015* بسم الله نبدأ* 1_ في المطار قمة بالرقي وروتين سلس ( لابسه كمامه ) لدرجه مافتح المؤظف عند المطابقة فمه علي بكلمه بس أشر علي .. شيلي الكمامه وبعدين رجعتها ؟؟ زوجي المصون طمع بأناقه تعامل الفرنسيين معي وطلب مني اشيل الكمامه والبس اللثام !!! وحنا نمشي فجأة تجمع علي ثلاثة من شرطه امن المطار* تفتيش جامد .. طلبوا اشيل اللثام وقالوا ممنوع .. طلبوا أوراق الفنادق وحجز التذاكر وكم معانا مال* هذا الروتين يسونها في المطارات الاوربيه عند مطابقه الجواز* لكن فرنسا يوم شلت الكمامه ولبست اللثام 2_ الأمن والامان* ولاكأن صار فيها احداث *!! الوضع مستتب* والناس رايحه جاية 3_ الناس ونقابي* في المترو اذا دخلت قاموا وراحوا لكبينه ثانيه* وانا وافقه يبتعدون عني كأن فيني مرض خطير ومعدي* الناس عايشه في هلع *من جراء الاحداث* إخواننا العرب في باريس يحاولون قدر المستطاع الابتعاد عنا لأننا وضع شبهه* في المزرات الرسمية واجب ولازم اشيل اللثام علشان ادخل* في برج ايفل* المتاحف انا اصلا شاطبه عليها مع اني رحت لساحة اللوفر بس ما دخلت المتحف* في المطاعم* تم كرشي على مستوى مرتفع من الغطرسة *من قبل كافيه الفوكيت* ممنوع ادخل بلثامي في مطعم في الهضبة دخلت بلثامي جابوا الطلبات بدينا بالإكل جت صاحبه المطعم وقالت ممنوع ي تشيلين ي تطلعين* في مطعم العجمي معامله عنصريه لنا ودهم يقشعوننا قشع من مطعمهم الخايس ( اكل مش ولا بد+ أسعاره غاليه ) بسبب تنرفز الفرنسيين من شكلي وحنا جاييين بوقت مافيه خلجيين زي الصيف *( تصرفهم كسب الزبون الفرنسي ) بعض البوتيكات طلبوا اشيل اللثام علشان ادخل لدرجه شلت لثامي وحاطه قبع البالطو على راسي قالوا نزلي* القبع* 4_ مترو باريس* جميل وبسيط ومريح وسهل بس رائحه البول وانتم بكرامه مقرفه والرائحة منتشره* شفتهم رجال يسوونها قدامك ي تاجر* 5_ الاكل في باريس* العجمي ماحبيته نورا مره لذيذ واسعاره معقوله* اليزيه شتورا في الشانز في مجمع 66 حليل والحرمه طارت بنا* المطعم الكشميري في نفس المجمع لذيذ ورخيص مره المطعم الباكستاني اللي قدام فندق ديربي الما القريب من ايفل مسلمين شالونا من الارض شيل يهبلون* والأكل حليل* بيتزا بينو سلطة السيزر بدون دجاج خياليه واسباجتي بحري قمه باللذاذه ومطعم كويك Quek طلع مش حلال بس وجبه الفيش مره لذيذه* مطعم مفتوح بالطابق الاخير من قاليري لافييت محترمين الناس اللي فيه يعلمون بالحلال وأكلهم لذيذ ويلبي جميع الرغبات* بول اللي *بمول اللي عند الاوت لت النادل الفرنسي الشايب مره متفهم على اني منقبه *تعامل معي برقي كان الفطور لذيذ لذيذ* نورا اللي بنفس المول زحمه رهيبه بس لذيذ الاكل فيه* مقهى *لادوريه عجبني ولا عجب زوجي* مقهى دوفيل مره لذيذ خاصه البسكت مع النوتيلا .. جينا علشان يشوف *زوجي المباراة *وكان الدخول داخل الكافي بحجز وجلسنا برى تحت الدفايات ودرجه الحراره تحت الصفر* والناس رايحه وجايه والهوت شوكليت *والجو خيال وشاعري عجبني ولا عجب زوجي (يبي يشوف المباراة )* الهاقن داز لذيذ وسعره معقول* دخلت كافيهات كثيره واغلب طلبي بروليه الفرنسي ولا كيكه العسل ( الكيكه الشيشانيه ) الماكرون لاتروح الا عند لادوريه بس زحمه مره وسرا عند طلبات التيك اواي الكريب على قفى من يشيل بس ماهب لذيذ مره كلهم ريحه البيض طالعه!! حبيت بلح الشام حقهم مره لذيذ خاصه المحشي نوتيلا بالحي اللاتيني حلويات تونسية جربنا قرن الغزال لذيذ* طبعا اول مانصحى نسوي قهوتنا العربيه وكل يوم نجرب شكولاته فرنسيه علشان نشوف الزين ونشتري منه في نهايه السفره* بس الكوكيز والتارت والبساكيت طلعت الذ من شكولاتهم* 6_ديزني* مالعبت لأني خوافه درجه اولى بس *دخلت لعبه الطباخ والفأر* بس العروض جميله* الأستديو القطار وعروض السيارات* مقفل في شهر يناير* رحت لملاهي يوربارك في رست ورحت ديزني باريس* مقدر اقول هذه أحلى من الثانية كل وحده لها وضعها الخاص وكلهم يتساهلون العنوه وانا اصلاً مو راعية لعب* 7_ التسوق في باريس* زحمه زحمه زحمه* تخفيضات بالهبل 70 بالمية* وشي يسوى والناس على بعضها الصراحة البضاعة بلاش* جاكيت *رجالي خفيف بزارا الرياض 900 ريال وزارا باريس بالطو شتوي أنيق ويدفي وطويل ب 150 ريال* النظارات عند مغربي *الرياض ما تقل عن الف وطالع وباريس اغلب اللوقو على 350 ريال* الاوت لت زحمه زحمه وانا بالزحمه تضيع علومي* قمصان الحريمي عند ارماني على 150 ريال* فلات عند كارولينا هيريرا على 400 ريال* احس تاجرات الانستقرام هناك باوربا وقش بضاعه وتعالي بيعي على الناس باضعاف مضاعفه* السوق بهالوقت جميل ورخيص* جاليري لافييت* اغلب تسوقي منه مره راقي خاصه الملابس الداخليه والمشدات والكالونات* الفصول الاربعه* سيفورا أخذت منه العطور *الجزائرية خديجة حماني اللي تشتغل فيه عاملتني بذوق لدرجه عطتني بطاقتها عند الكاشير وحصلت 20 بالمية تخفيض هي وحرمه كبيره مغربيه جميله تعرف اللي تبي وتحتاج !! الله يسعدهم* كيكو في المول اللي عند الاوت لت خطير بس زحمه بعض العاملات تعامل عنصري الرجل اللي فيه احسنهم السوبر ماركت اللي بالشانز الطابق الاول كله ميك آب *اغلبه مش موجود عندنا بالسعودية *فيه مغربيه اسمها درر تهبل وتعلمك بالأشياء الزينه* 8_ باريس بأختصار * اللي بيروح بالنقاب ينسى الفكرة *تماماً .. صعبه جداً* اللي يحب الكفيهات والتكية يروح باريس* اللي يحب يمتر الشانز بالطول والعرض يروح باريس* اللي يبي يتسوق *ويحب التسوق بعمق يروح باريس* باريس عذراً* لايوجد بك ما يستحق* فقط مدينه وختمت بجوازي اني مررت بك لاتستحقين اعادة الزيارة او تكرار المحاوله* باغي مدينه النور والعطور وعاصمه العشاق والهيام* اجتمع بك الفن *والتاريخ ورائحه القهوة* ولكن لم ترضي ذايقتي كما فعلت بي اسطنبول برحلتي الشتويه السابقة* هذه باريس من خلال تجربتي* ودمتوا سالمين* |
رد: ورجعت من باريس الحمدلله على السلامه اختي سلامه الاسفار وسرد جميل جدا واستمتعت وانا اقراه وفيه نصايح ومعلومات مهمه وخاصه للمسافرين خلال الفتره القريبه القادمه انا دايما اقول لهم العجمي اكله ولا شي بالنسبه لمطعم نورا روووعه ومره ثانيه الحمدلله على السلامه :(127): |
رد: ورجعت من باريس حيا الله القطري الأنيق تسلم وما عليك زود |
رد: ورجعت من باريس الحمدلله على السلامه ومعلومات مفيدة وجميلة شكراً لكي سيدتي |
رد: ورجعت من باريس شكراً الله يسلمك |
رد: ورجعت من باريس حمدلله علي السلامه تفاصيل رائعه ما اشاء الله عليك حتي اسامهين عرفتيها صح باريس مش كل ذاك بس تستحق التكيه والفله ما قصرتي حقيقه علي نقل الصوره كما رأيتيها انصدمت بكويك |
رد: ورجعت من باريس الحمد لله عالسلامه قد تختلف باريس عن الكثير من الدول الاوروبيه في الطبيعه والأجواء ولكن يبقى لها سحر خاص تشكرين على طرح تجربتك المهمه خصوصا في هالوقت |
رد: ورجعت من باريس باريس جميله ورائعه رحت لها مرتين وودي اكرر الزايارة بس مو الحين لان توني راجعه منها اعتقد انتي لان رايحة بهالوقت بعد الحوادث الاخيرة صار تفتيش قوي عليج اما اللي استغربه من العرب والخليجين ليش تروحون المطاعم العربية في اوربا وهي عندنا متروسه وملينا منها في ديرتنا انا ما افضل الاكل في المطاعم العربيه لانها تستغل الوضع وترفع اسعارها اما كويك متأكده انه غير حلال لان اللي في الشانز اعتقد حلال وحتى لو احنا ناكل من اهل الكتاب بس سمي عليه وخاصه الدجاج والبيف والله اعلم المهم عليج بالعافية السفرة ولولا الاذواق لبارت السلع شكراااااا لذكر تجربتك وياريت حطيتي لنا صور عن السفرة |
رد: ورجعت من باريس تسلمي أختي كراميلا على التقرير الوافي والشافي ما تركتي مكان رحتيه إلا وقلتي خبره وكل واحد وظروفه يناسبه يروح لا يناسبه لا يروح وهذه فائده مهمه في تقريرك ولو أني كنت أود مشاهدة بعض الصور ليصبح تقرير تليفزيوني ولكن شرحك راديوي جميل وأحنا نتخيل براختنا :(47): ولكن لي سؤال واحد هل المشكلات العنصريه التي ذكرتيها فقط في حالات النقاب لكن الحجاب العادي غير موجوده ولا موجوده برضو بالنسبه للمحجبات ؟؟؟ وشكرا كتير أختي على تقريرك ومجهودك بارك الله فيكي |
رد: ورجعت من باريس الحمد لله ع السلامه يا جاي من السفر ملخص الرحله جميل و مفيد شكراً لك :(90): |
رد: ورجعت من باريس حمدلله على السلامة .. بعد العودة بالسلامة خصوصا بعد الاحداث الأخيرة .. لكن مثل ما قلتي التجول آمن والحمدلله .. ومافي أختلاف كثير عن السابق .. والحمدلله .. المهم .. يعني نقدر كعرب نروح باريس وأروبا عادي .. ذكرت انكم روحتوا رست .. عن طريق سترازبورغ ولا بسيارة خاصة؟؟ .. لانو كان تخطيطنا انو نروح باريس روست .. ومنها الى كونستانس .. بيرتساو .. زيلامسي ميونيخ .. شكرا لك وتجربة في وقت كان عصيب شوية .. لكن الحمد لله على تطمينك لنا .. |
رد: ورجعت من باريس تفاصيل مفيده ونصائح رائعة شكرا كراميلا |
رد: ورجعت من باريس شكرا لنقل تجربتج الباريسية |
رد: ورجعت من باريس ألف حمدلله على سلامتك وشكراً على نقل تجربتك ونصائحك :(114)::(114): ويلومونا في تعصبنا لتركيا :(3): |
رد: ورجعت من باريس كارميلا شكراً لسرد تجربتك |
رد: ورجعت من باريس شكرًا للجميع* والله يسلمكم ... حتى لا اظلم باريس .. *نعم لها سحرها الخاص .. نعم وبقوة .. سبحان الله* عبق الماضي فيها .. بعثر مشاعري على الرغم من عندم دخولي للمتاحف* فقط مشاهده ( القصور .. الجسور .. التماثيل )* *نعم لها سحرها الخاص .. عندما أتذكر عروض ديزني وكيف انها أخرجت الطفله من بين* اضلعي .. *وانا بلغت من العمر عتيا !!* لا أنسى ماحيييت عرض الليزر والساعة فوق العاشرة مساءً وبرودة الجو* وكوب اللاتيه الدافئ بين يدي على صراخ الصغار وتصفيق الكبار* شعور جميل ونادر تكراره* نعم لها سحرها الخاص .. وانا برحله السين ومشاهده الغروب والأجواء غائمه وبدأت أخيراً السماء بالهطول وانا اضع سماعه المتحدث باللغه العربيه في اذني وهو ويتغزل بمأثر وروعه باريس ..* نعم لها سحرها الخاص .. وانا قابعه تحت برج ايفل بأنواره الخلابة المضيئة كل مساء على صراخ وتصفير* الآسيويين وفلاشات كاميراتهم ..* نعم لها سحرها الخاص .. عندما امر من امام كوشكاتها المتناثرة والتي تبيع مالذ وطاب* نعم لها سحرها الخاص .. وانا اتلذذ بأكل البروليه وحبيبات الفانيلا تعوم فيها .. وكوب القهوة الذي أنعش* خلايا رأسي ..* ولكن باريس لا تستحق ان أزورها من جديد ؟؟ لانها انتزعت نقابي مني .. وغلقت ابوابها بوجهي .. حتى اخيراً نزعته !! (النقاب) شعور جعلني أنسى سحرها الخاص والذي اصبح بنظري مزعوم* لاتستحقين .. لانها تدعي الحريه وهي أبعد من ذلك بكثير ..* عندما نزعت اللثام اختفت العنصريه .. اصبحت فرداً من المجتمع الفرنسي .. اصول واجول لا احد يمنعني* او نظرات تتبعني ..* او انهم يهربون من حولي .. اصبح الوضع طبيعي .. سبحان الله* العله بالنقاب وليس الحجاب ..* .... اعتذر لعدم وجود صور لسفرتي لأني انشغلت بصور السناب* .... مطعم كويك انا سألت فرع مول الفصول الاربعه قالي مش حلال* اللي بالشانز مدري عنه .. بس جد وجبه الفيش لذيذه (قلوب )من هنا الي باريس غرقانه بالصوص تستحق التجربة .... يجوز اكل اهل الكتاب .. بس مش لذيذ زي الحلال فيه نكهه غريبه *مااعجبتني* وحرصنا على المطاعم العربيه عن قوله مريناهم* .... بالنسبة لملاهي يوربارك اللي برست انا رحت لها بسفرتي السابقة للغابات السود* مارحت لها من باريس* . . . وبس ي جميلين* |
رد: ورجعت من باريس الله عليك ابدعتِ في نقل الصورة من غير صورة فجمال الاسلوب ودقة الشرح فتح لنا المجال للخيال وكأني انا من زرت تلك المعالم وفي رأي كفة لا تستحق الزيارة رجحت على كفة سحرها الخاص :) لان الحرية المزعومه ماهي الا شعارات يتشدقون بها ..! الحمدلله على السلامة كراميلا |
رد: ورجعت من باريس يعجبني اللي يطرح راية .. سرد جميل كراميلا هولمز |
رد: ورجعت من باريس اعجبني طرحك الحيادي للموضوع تشكرين مرة اخرى |
رد: ورجعت من باريس ردك شافي وجميل تسلم إيدك أختنا كراميلا |
رد: ورجعت من باريس كلامك جميل وتجربتك جميلة برغم النعصب والاستغراب عموما صدقيني يوم ما راح تلاقين نفسك حاجزة لباريس بدون شعور زي ماسويت انا في اي فندق سكنتي |
رد: ورجعت من باريس حجابك هو أهم شيء وتنعاف الديرة اللي تمنع الحجاب وبدالها ألف ديرة وبالتوفيق لك اختي |
رد: ورجعت من باريس اهلا ً بالجميع ويعطيكم العافية ومروركم يشرفني وزاد الجمال على موضوعي |
رد: ورجعت من باريس هو شكله بعد الاحداث الاخيره الواحد يتحاشى باريس ... شكرا لك على السرد والنقل وحلوه حركة الكمامه:yolks00230: |
رد: ورجعت من باريس بسألك اختي انت لما شلتي اللثام قعدتي بالكمامه ؟ وصار الوضع طبيعي ولا بدون كمامه وشاكره عرض تجربتك عندي سفرة قريب وانا منقبة |
رد: ورجعت من باريس اهلاً بالجميع بالنسبة للكمامه لبستها في الطياره قبل انزل لمطار شارل ديغول يعني في المطار بس لانها تكتم الصراحة يوم شلت لثمتي صرت احط الشال الشتوي على فكره وانا بالطياره قبل انزل باريس لبست بالطو ونزلت عباتي السودا قريبتي راحت باريس بنفس توقيتي تقول خلوني اشيل العباية السودا قدام الله وخلقه :yolks00450: لانها نزلت بالعباة والنقاب الاسود الصراحه اللي حريص على حجابه يأجل زياره باريس وسفر سعيد للجميع |
رد: ورجعت من باريس يعطيك العافيه اختي كراميلا على طرح تجربتج افاده الاعضاء والعضوات بشكل خاص :204: جزاج الله خير |
رد: ورجعت من باريس اهلاً اخوي قطري يسعدني مرورك .. ويا ليت تقريري ذو فائدة زي وجودك وبذلك المساعدة للاخرين الله يرزقك على نيتك . . . ي جميلين اللي ناوين على فرنسا حالها كحال الدول الأوربية الثانية امن وأمان وأكل حلال .. ولذيذ .. وأحلى الكافي ماضي عريق للي يحب التاريخ لكثره المتاحف ووجود القصور والتماثيل اماكن التسوق راقيه فيه الغالي والرخيص بس باريس عذروبها ( ماتحب النقاب ) نصيحه لخواتي اللي ناويات على باريس (راعيه العبايه السودا ) البسي بالطو ولا عبأه ملونه حريصة على نقابك البسي كمامه وكنسلي على مزارات باريس وبس هذه كل الحكاية ... ودمتم سالمين |
رد: ورجعت من باريس إجابات شافيه وشامله بكلمات بسيطه تسلمي أختنا كراميلا واضح أنك معلمة لغة عربيه |
رد: ورجعت من باريس تسلمين يا كراميلا على الاجابات الشافية يعطيج العافية |
رد: ورجعت من باريس الحممممد الله على سسلامتكك .. لآتقولييييين النقاب مقدر اشيله وش الحل ؟؟ ناويه افصل بالطو ات ملونه .. بس ناويه بنقاب ملون وش اسسووووي ؟ رحلتي في شهر مايو .. الذهاب لندن والعوده باريس ..؟ |
رد: ورجعت من باريس حمدلله على السلامة لو تكرمتي عند اسئلة ، كم اسعار التاكسي من المطار للشانز او حول الشانز ، وهل يتم الاتفاق على سعر او على حسب العداد ، ياليت توضحين لي ، كيف كانت وسيلة النقل تاكسي او المترو كامل التنقلات ، لو مترو كيف عرفتوا المحطات استخدمتوا برامج معينة او قوقل مابز ، او مايحتاج ، :(92): صعب هالمترو الباريسي |
رد: ورجعت من باريس اقتباس:
يا هلا ومرحبا والله حط موضوعك با الاستفسارات وأبشر ان شاء الله با الاجابات الشافيه وبأنتظار الاخت بطرح تجربتها لك وعندك هذا راح يفيدك ان شاء الله بواسطه مشرفتنا ام ريم http://www.arabtrvl.com/vb/t1435.html |
رد: ورجعت من باريس شككراا لك عالرد السريع صراحة احمدلله نا مستاانس جدا جدا اني حصلت المنتدى بعد ماكان على مكتوب وقفل ، كنت اقول في نفسي وين منتدى العرب المسافرون اهل الفزعة ^_^ توي حصلته الحين |
رد: ورجعت من باريس ولمفرداتك سحر خاص يا كراميلا سرد جميل لتجربتك في باريس وعن نفسي دوما أفضل تذوق أكل البلد اللي أزورها وابتعد عن المطاعم العربية. |
رد: ورجعت من باريس سلام ي جميلين اعتذر على تأخري بشكركم الغردقاوي صح عليك معلمة بس مش لغة عربيه :yolks00250: اشكر مرورك اخوي ام حسين حلم نايس قطر أماني شكرًا ع المرور اخوي نايس بالنسبة كم اخذ التاكسي من المطار للفندق والعكس حنا شخصين ثلاث شنط وسيارة التاكسي من البوابة الخارجية للمطار مش من الداخل من المطار لفندق بالقرب من ايفل 45 يورو من فندق بالشانز للمطار 47 يورو ولديزني سياره خاصة بسائق عربي 105 يورو ودمتم سالمين |
رد: ورجعت من باريس الحمد الله على السلامه الصراحه كتبيتي عن باريس بإختصار انا عن نفسي زرتها مره ومش راح افكر بمره ثانيه و كل شخص عنده رأي مختلف عن الثاني |
رد: ورجعت من باريس اقتباس:
المهم معلمه وفي السرد معلمه يعطيكي العافيه |
رد: ورجعت من باريس باريس الحب الابدي بالنسبه لي :(149): انا ولا مره كليت بمطاعم عربيه ليش اصلا ناكل بمطاعم عربيه بدول اوربيه !! بس اهم شي الوضع والامن مستتب :(34): |
رد: ورجعت من باريس عزيزتي ممكن تقولين أسامي الاوت لت اللي رحتي لهم؟ وجزاك الله خير.. |
| الساعة الآن 03:20 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO