|
سفرتي لتركيا في النيو يير 2016 السلام عليكم قبل فتره كنت متخوف من سفرتي لتركيا في هذي الفترة وبشكل عام لانها فترة توترات سياسية تركيا وروسيا وسوريا المهم المدام كان في خاطرها تروح اسطنبول وجاء ذاك اليوم اشوف عروض الطيران الا ناس اظاهر شخصين مع اختيار المقعد طلعت علينا ب 1800 ريال للشخصين قلت احجز على النيو يير طبعا مع الوقت حصلت الشركات تسوي عروض قريبه من هذا السعر يعني فرق تقريبا 900 ريال الخطوط السعودية والتركية وقبل الرحلة بشهر يمكن المهم ومن حجزت وانا ماودي في هالديرة بس عشان المدام وجلست اتابع واقراء واسال الي سافروا لتركيا وخلني اقولكم السلبيات الي قالوا لي عنها او الصورة الي خذتها عنها قبل اسافر: اسطنبول مدينة وسخه بيئياً قذارة متسولين في كل متر مواصلات متعبة وصعبة وزحمة لاتطاق نصب في الاسعار في كل مكان حتى المتسولين لو تعطية ليرة يلعب عليك وياخذ منك 10 :34: المطاعم والمقاهي لازم يضيفون على الفاتورة طبق او طبقين ميب لك لازم سائق خاص عشان تستانس وتاخذ راحتك السائق الخاص يتاخر ويدخل معك المقهى والمطعم ويطلب طلبات بدون ما يستاذن منك اسطنبول يكفيها اربع ايام تعاملهم اوسخ منه مافيه ودفشين تزوير عملات بشكل علني عيني عينك وخاصة التكاسي انتبه منهم لازم تحول فلوس معك كاش من السعودية اضمن لك تقسيم منطقة قريبة من كل شئ وفي نفس الوقت كلها متسولين ومنطقة فساد **** :12: مطار صبيحه الجوازات حيوانات في تعاملهم هذي اظاهر اغلب الامور الي كنت اسمعها ومتخوف منها ومضيقة صدري لكن الان بحاول اعطيكم لمحات عن الرحلة الي كانت من تاريخ 25 ديسمبر الى 8 يناير الرحلة كانت عن طريق طيران ناس الساعة 9 ص اظاهر ووصولنا الساعة 12 الظهر كنت حاجز سيارة من موقع رينتل كار من شركة Circular Car Hire حجزت عن طريق النت قابل للالغاء طبعا سحبوا المبلغ اول ما حجزت لكن يقولون لو الغيت بنرجعه لك ويوم احجز ما حطيت بيانات الرحلة في الحجز وهالنقطة خلتني انلطع في المطار اول ما وصلت مطار صبيحة كانت كل الاجراءات سهله جدا جدا :10: مطلع التاشيره من النت وحاط موعد الوصول قبلها بيوم جيت عند الجوازات عطيته الجوازين وطقطق في الجهاز وناظرني وناظر المدام وقال توكل على الله فيه شباب قدامي ثلاثة وقف واحد منهم وقال لعسكريه خذيه معك واخوياه مشاهم ويوم رحت للعفش لقيت خويهم رجع لهم ماخذ له عشر دقايق العفش على طول وصل ، وطلعت لمنطقة استقبال القادمين فيه كان حملات تبع السوريين وبعضهم كاتبين اسامي على ورق انا طلعت ورحت لمكاتب تاجير السيارات ولا حصلت الشركة وسالتهم قالوا برى المطار وكل من اسال يساعدني في المطار حتى فيه موظفينهم يجون يسالون تبي مساعدة :yolks00320: الشاهد جيت بطلع من المطار وخفت قلت لا اضيع يوم قريت ورقت الحجز حق السيارة حصلته مكتوب انه بيستقبلك في المطار مالهم مكتب المهم سالت العسكري الي عند الباب ولا يعرف انجليزي مره وريته الورقة وطلع جواله وكلمهم وقالي انتظر جوا بيجونك تشكرت منه وجلست الشاهد طولوا ماجوني رجعت وجلست ادور احد يكلمهم مالقيت الا واحد اظاهر سوري من ضمن الي يساعدون في المطار وخليته يكلمهم وكلمهم وقالهم تراه بيحتريكم في مكان معياً خارج المطار وانلطعنا لنا ثلث ساعه وجاني وناظر الحجز وقال فيه مشكله قلت اشلون قال ملغي حجزك قلت كيف وذا الورقة كلم التلفون وقالي ان المندوب جاء الساعة وحدة ولا حصلك والغاء الحجز لكن انت الان موجود طيب وش رايك في هالسياره تاخذها عشان ما نتاخر عليك وهي وصخه يبي لها ربع ساعه ولا تاخذها وصخه :20: قلت هات وبس .. وطلع هذي الشركة ماتقبل التامين الي انا مشترك فيه يوم احجز من الموقع فقالوا لي انت لازم تامن معنا او ما تامن بكيفك لكن لو صار شئ بتدفع لنا وتاخذ الفواتير وتتفاهم مع الموقع يرجعونها لك قلت يصير خير ودفعت لهم التامين لان سيارتهم محككه وثلج قلت الله يستر تتزحلق علي ولا شئ:e433: رحت لسبانجا خط ووصلت الى الفندق استقبلوني بحفاوه ......واليوم الثاني تمشيت فيها ورحت لمعشوقة وثم طلعت لبورصا وبحثت في قوقل عن الشجرة المعمرة وطلعت لي في الطريق بين سبانجا وبورصا وتوجهت طبعاً اكتشفت بعدين ان فيه اكثر من شجرة معمره عندهم وفي هالقرية الي بروح لها موجود شجره لكنها محوطه موب مقهى زي الي في بورصا .. الشاهد في الموضوع وصلت للشجرة هذي بعد مشوارنا طبعاً انا ما اعرفها ماقد جيتها لكن اعرف ان فيه كراسي وجلسات تحتها وتختلف عن الي انا جالس عندها قلت خلني اسال احد ماشي واوريه صورتها يمكني حولها ، لقيت شايب عند بقاله سالته طلع مايتكلم الا تركي وريته الصورة ناظرها وكانه يقول بورصا ثم يوم شافني ما فهمت ولا اعرف اتكلم تركي قام يدور احد يشرح لي وسال وحده في مكتب وطلعت بعد ماتعرف فقام يشرح لي بالاشاره ولا فهمت ومروا شباب صغار يمكن في الثنوي او الجامعة فسالهم تعرفون فاظاهر قاول ايه يطقطقون كلمه كلمتين انجليزي لكن يقولون الي يمين ليفت والارقام يلخبطون فيها فما عرفت الوصف يوم شافوني ما فهمت واحد منهم نقز وجاب دبابه وقالي الشايب الحقه بيوصلك :20: هنا كانت ثاني صدمه لي يقولون اخلاق الاتراك زباله !! طبعاً انا قلت خلاص بروح لبورصا وبس دام يومي راح بس وتشكرت منهم صراحه احرجوني ليتهم بس كانوا يفهمون لغتي عشان يفهمون اني شكرتهم في تنقلاتي كنت ماشي على قوقل ماب وصراحه وداني مع خطوط عجيبه :(155): يقاله بيختصر بس اكتشفت ان خرائط قوقل توها ما تحدثت لان فيه اماكن يقول خذ منعطف يمين ثم يسار وفي الواقع يكون الطريق جديد سيده هذا ثاني موقف احتك مع اتراك واشوف تعاملهم يختلف عن كلام الناس !! في بورصا جيت اركب التلفريك على طول التركي يتكلم عربي يشرح لي ويقول لي اسعار التذاكر ويرحب فينا وحتى يوم جينا نركب التلفريك يضحكون ورحنا للمطعم الي في جبل اولداغ حق الشوي ونفس المعامله طبعاً بورصا يكفيها يوم اذا انت تبي تمرها مرور الكرام وعلى السريع اذا انت والله ماتبي توفر شئ وتشوف كل معالمها يمكن يومين كافيه رحت جبل اولداغ وتغديت فيه والقرية التراثيه والكهف ما امداني عليه وصلت الليل والشجرة التاريخية فيه الشلالات ما رحت لها ويقولون مصنع الحلقوم وفيه محل شاورما مشهور كلها ما رحت لها ثم رجعت من بورصه وتوجهت الى اقفا شمال اسطنبول كانوا يقولون ماتصلح في الشتاء الشاهد اني قلبت رالي في الريف البين بورصا واقفا صراحه يوسع الصدر وفي الصيف احلا وصلنا لاقفا وهي على الي شفته عباره عن مدينة صغيره مطله على البحر الاسود وفيها نهر وعلى النهر فيه منتجعات رايقه اكواخ دخلنا واحد من هالمنتجعات نتقهوى فيه ونريح عقب الخط وكان المنتجع شبه فاضي حتى المقهى انا جلست ادور احد يجي يقهوينا ثم قلنا بنصلي سالت حق المقهى فيه مصلى راح يسال وجاني عقب قال بنفتح لك كوخ وعطاني مفرش وقال توض وصل وخذ راحتك اذا خلصت عط الاستقبال المفتاح هذا موقف ثالث بخصوص التعامل :(57): ثم سلمت السياره في المطار وخذت لي "اوبير" من المطار للفندق قلت العب على المضمون شركة وما يلعبون علي حقين التكاسي بمزور وخرابيطهم وكنت متفق مع سواق تركي يتكلم عربي لمدة خمس ايام اليوم ب 110$ تبدأ المدة من ثاني يوم اوصل فيه لاسطنبول السواق يبي له فقره لحاله انا من الاساس ماكنت مرتاح لفكرة اخذ سواق :yolks00160: بس من كلام الي يروحون لتركيا لازم سواق واريح لك متى ماتطلع تحصله عند الباب ومدري وشو وعارف كل الاماكن ..الخ قلت اتفق معه كم يوم اجربه اذا جاز لي مددت ولا خلاص ، فعليا جلست مع السواق ثلاث ايام فقط بالاتفاق فيما بينا لانه ثاني يوم قالي تسمح لي صديق عزيز علي جاي وعنده مشوار الى العصر قال انت اذا تبي تكنسل يوم خلاص لاني كنسلت يوم بس اذا ماتبي عادي اجيك وانا اصلا ابي الفكه منه بس لاني متفق معه الخلاصة لو جيت مره ثانيه لتركيا منيب ماخذ سواق السواق فيه اماكن ما يعرفها او يسوي نفسه ما يعرفها عشان مايروح مشاوير بعيده السواق يفضل انه هو الي يسوي لك الجدول عشان يريح راسه السواق في بعض الاماكن يوقف في مواقف بفلوس ويقولك ادفعها السواق يحاول يروح مع طرق بعيده اوقات عشان تتاخر في الطريق وتمل وتقول خلاص ارجع لان كنت اتابعه في قوقل ماب السواق ملقوف مثال رحت لنصرت نزل معي وراح يكلم المنسق ويقوله هذولا شخصين وزين انهم جلسونا في جلسات الدور الثاني ولا كان جلس يتابعنا من بعيد وش نطلب ولا وش ناكل يوم طلعنا سالني بكم طلبتوا اكيد غالي في مطعم ثاني قصر عادله جيناه الساعه 11 على اساس بنفطر طلع مافيه فطور وجانا يقالك يترجم وانا فاهم انجليزي ان مافيه فطور يبينا نطلع، رحنا نفطر في مطعم لقمه اظاهر وجلس مقابل البوفيه وكل ما نزلت يناظر السواق كان يدخن فاذا ركب السياره تطلع ريحة السيارة دخان انا كنت احتريه بس يقولي اطلب لي معك اكل ولا يطلب ولا يشاورني زي الي سولفوا لي عنهم يقوولون يجلس ويطلب له طلب ثم يضيفونه على الفاتوره على كل حال هالسواق يمكن يصلح لبعض الناس خاصه الي تبي توفر لان سعره حلو بالمقارنه بغيره اغلبهم 130 وطالع وفيه شركه واحد مدحها لنا قالوا السواق ب 250$ ومحدد الوقت الي يبي رقمه يعلمني ارسله له احس اني طولت في هالقسم في الرد الجاي بتكلم عن بقية الملاحظات :yolks00260: |
من بعد ما تركت السواق صارت كل تنقلاتي عن طريق برنامج اوبير وصار لي موقف معهم سواق اوبير ضيع الفندق وخذ بي لفه طويله طبعاً بعد ما شغلت قوقل ماب وجلست اوصف له عشان يوصل لباب الفندق فاول ما وصلت الفندق ارسلت لاوبير رساله ترى سواقكم ضيع وانا دليته بقوقل ماب وخذ بي لفه وحسبتوها علي ردو علي اليوم الثاني ان البرناج توه جديد في اسطنبول وانا نشكرك انك ساعدت سواقنا وبنرجع لك الزيادة :25: سيارات اوبير اغلبها فان مرسيدس طبعا تختلف داخليتها بعضها فخمه وبعضها عاديه مره واحد حاط مكينة قهوه وموية ومناديل واضاءه خافته ومره مافيها شيء طبعا تعامل سواقين اوبير تعاملهم يعاملونك كانهم سواقين خاصين يرحب فيك ويفتح الباب لك طبعا يوبير اريح من السواق ليش لاني قبل انزل من الفندق ابحث واحط مشواري وخمس دقايق الا هو عند الباب يحتريك تنزل خلاص لاتعرفه ولا يعرفك خلصت من مشواري قبل اطلع اطلبه وتتابعه على الخريطه الزحمه صادفتنا بشكل رهيب كانت في ليلة الثلج تقفلت الشوارع فاتوقع في الصيف تكون الزحمه اعظم الجسر كثير من السواقين مايحبون يروحون معه مدري عشان الزحمه او عشان الضريبه والترام كنت اشوفه مليان والباصات بعد تكون مليانه خاصه اخر اليوم اول يوم خذت تذكرة الباص السياحي وكان فيه عرض يومين بسعر يوم وكان حلو مر فينا اغلب الاماكن وخنا عنها فكره عامه ميدان تقسيم وشارع الاستقلال :11: طبعا ما دخلت الدواعيس الي بين العماير والسكك لكن ميدان تقسيم فيه شرط وشارع الاستقلال زحمه امة محمد وعادي مدري وش فكرة هذي الزحمه ؟؟ وتعشينا في مطعم المدينة كنت متوقعه شئ خورافي وكله خليجيين خذنا لنا دجاجه بالملح طبعا دجاجتهم اظاهر مقاسها 1000 احسها تكفي اربع اشخاص او ثلاثه وكان تعامل الي في المطعم عادي زي المطاعم الي عندنا مافيهم شوفة نفس ولا نفوسهم في خشمهم والسعر جلست اناظر الفاتوره عشر مرات ابي اشوف الزيداه لقيت كلمه غريبه وفيه خدمة سالته قال هذي حقت الخبز والموية طبعا اجباري تاخذها لاني سالت مطعم الملك عنها وقالي كلهم يدفعونها موب انت لحالك وتشرب ولا ماتشرب بتدفعها ولا يشاورك يجي يصب مويه على طول حتى لو ما تبي طبعا سالفة المويه والخبز هذي تقريبا في جميع المطاعم والمقاهي وياخذون بعد رسوم خدمة ومسجله في الفاتوره اللعب الي صار لي مع واحد من المطاعم Kuleli Yakamoz Restoran حلو مكانه لكن اكله وسط الشاهد اول ما دخلنا جاب لي المنيوم وذكرت تحذيرات بعض الناس من المنيو المكتوب باليد وجلست اقلب واخترنا لنا الطلبات وبعد ما طلبنا شفت فيه اجهزه تابلت موزعه على الطاولات قلت خل اشوف وشي وطلعت منيو لكن بالتركي وجلست اضغط وفيه صور ولقيت طلبي الشوربه قلت خل اسال بكم وجلست اصور الشاشه بجوالي ويوم شافوني اصور جلسو يتساسرون من بعيد ويوم رجعته مكانه جاء الجرسون ومسك التابلت وقفله << حركته غبيه ثبت على نفسه انه مسوي شئ غلط :32: المهم يوم جاء قلت بكم هذا الطلب قام راح نقز وجاب المنيو حقنا وقال هذا 15 ليره تركي قمت ناظرت الصوره الا هي ب 10 ليره طبعا ماتفرق معي فرق تافه لكن بس ببين له اننا صاحين ترى موب استغفال طبعا كنت متوقع وش بيقولي لان سبق وسوها في مكان ثاني وقريت عن هالحركه انهم يقولون لك ان هذا منيو قديم وما تحدث طبعا هذا جلس يقول مطر ومدري وشو وماسوينا ابديت للجهاز قلت زين زين اما باقي المطاعم ماشفتهم زودو علينا طلبات ولا شئ حتى نصرت نفس السعر بس اظاهر بعض الناس من كثر طلباتهم يلخبطونهم زي عائله جمبي عباره عن زوج وزوجته وبنت وولد طلبوا لكل واحد طلب طبعا اغلب الطلبات تكفي لشخصين ويوم خلصو طلبوا لكل واحد كنافه بالعافيه عليهم اذا انهم بياكلونه لكن بس تجميع وفي الاخير يرمى في الزباله التكمله في الرد القادم ان شاء الله بكره او الاسبوع الجاي :yolks00230: |
الحمدالله اخوي على السلامة توني قريت الفقرة الاولى وبعد شوي اكمل ان شاء الله بس لو تحط الصور شوية كل الود |
الحمد لله على السلامة يبدو انكم استمتعتوا بالرحلة ماشاء الله ملاحظاتك ايجابية عن الاتراك واضح صرت خبير بالتعامل معهم برافو عليك |
وعليكم السلام حمدلله علي السلامه من اسطنبول الي بورصا ما جربت تطلع علي العباره الطريق كم أخذ منك وقت الشركه اللي استأجرت ذكرت سمعت أن تعاملها سيئ وش رأيك |
تقرير رائع يعطيك العافيه تفاصيل رائعه ودقيقه تفيد الجميع |
تفصيلاتك جميلة جداً .. وسردك للمواقف أشوف فيها إيجابية للسفر لتركيا .. |
شكرا لك لنقل تجربتك ... والحمدلله على السلامه |
الحمد لله على السلامة تقرير رائع يعطيك العافيه |
يازين هرجك شعبي كانه تقرير ماشاء الله تبارك الله شكلك مدرس :7: والحمدلله على السلامه متابع معك :58: |
اقتباس:
وانا اكتب الموضوع في الدوام لكن قلت احط سمايلات يعني تعطي جو :29: اقتباس:
لا وش خبرته بس من كثر ما كنت متخوف كنت حذر :7: اقتباس:
وطلعت من سبانجا الى بورصا فكرت في العباره وانا راجع من بورصا لاسطنبول لكن بعد مشاورات مع المدام قررنا نكملها خط منها نتمشى في مناطق تركيا ونستكشف اماكن والعباره يبي لها حول ساعتين تمشي في قارب ومويه :e202: وبالنسبه للشركة لو بروح مره ثانيه لاي دوله بحاول ابحث عن شركة عليها الكلام ويكون لها مكتب في نفس المطار شركه عليها الكلام عشان تعطيك سياره جديدة ونظيفه ولا فيها ريحة دخان ويكون عقدهم واضح ويكون لهم مكتب في نفس المطار عشان ما اجلس انتظر واتمرمط اتجه للمكتب وتكون سياراتهم جاهزه في المطار ويوصلني موظفهم لها اقتباس:
اقتباس:
اقتباس:
اقتباس:
اقتباس:
لا وش مدرس :yolks00620: بس ماحبيت اتكلف في الكتابه لاني بكتب كلام واجد فبيكون ممل اكثر من الحين فقلت خلها على السجيه عشان مايكون جامد وممل :yolks00610: سعدت بطلتكم جميعاً، شكرا |
انا صراحه تشتت مخي مدري كيف كان تسلسل افكاري :8: حسيت اني لو سولفت بكتب سرد عن الرحله كاملة ويبي لها كتيب :29: فمدري محتار اكمل سرد عن بعض الاماكن الي رحت لها ولا احط لكل مكان موضوع لحاله على كل حال باختم بنقطه وهي اسطنبول يكفيها اربع ايام فقط ...!! قبل اسافر كل الناس تقول اربع خمس ايام اسطنبول وين عشر ايام كثيرة بتمل مافيها شئ وخساره :8: لكن لو اعدد لكم الاماكن الي ما رحت لها او الي مريتها بتقولون اجل مارحت لشئ :20: طبعاً سياستي قبل لا اسافر كان ودي اسافر على روقان واروح لاي مكان وانا رايق موب افكر في المشوار الي بعده ولازم اليوم اروح لاربع اماكن بحثت في النت مواقع عربيه واجنبية وحصلت اكثر من متحف واكثر من مطعم واكثر من مدينة وكل شئ يقول انا عندي شئ مميز :e449: لكن انا يالخليجيين عندنا سياسة لاتغامر ورح للمكان الي راحوا له حقين السناب والانستجرام وتقارير منتديات السفر والاصدقاء :yolks00320: انا ما احب هالحركه خاصه اذا ترتب على سفرتي او جدولي اني ارتبط باماكن معينه مثال مطعم "مشاري" على سبيل المثال مكانه في شمال الدولة وباقي المناطق السياحية في جنوب الدولة فانا لو انه اشهر مطعم في العالم عادي اضحي فيه ولا اروح له عشان اتمشى في باقي الاماكن على راحتي ففيه ايام يروح علينا الوقت عشان المشوار يعني مشوار لمطعم او حديقه ياخذ له روحه وجيه يمكن ساعتين خلال هذي الساعتين يمديني اروح لمتحفين او معلمين او سوق ومعلم اسطنبول للي متوقع يزورها اكثر من مره او عنده سكن دائم فيها انصحه انه في كل سفره يبحث عن اماكن جديده ولا يحاول يكرر زيارته لبعض الاماكن والمطاعم طبعاً هذي القاعده تنطبق على جميع المدن السياحية ولو حصل لك تبحث في المواقع الاجنبية افضل بتحصل اماكن حلوه ويمكن رخيصه اعذروني على الاطاله لكن السرد كان مرتجل والذاكره شوي مشتته لكن ا تمنى اني افدتكم ولو بالبسيط وكان تبوني اتكلم عن الاسواق والمطاعم الي زرتها بلغوني بالطريقه الي تفضلونها ومالكم الا طيبت الخاطر |
الحمد لله على السلامه ماشاء الله عليك اول سفره ورحت كل الاماكن شي طيب انك غيرت فكرتك عن الشعب التركي من واقع تجربه يعطيك العافية على طرح تجربتك واصل فما زلنا مستمتعين معك |
من اصدق ماقرأت بارك الله فيك وحفظك........ متابعون..... |
اقتباس:
:7: اقتباس:
شكراً لكم وسعدت بطلتكم :e307: |
امس وانا استرجع المواقف والاحداث ذكرت موقفين تستحق الذكر :e530: الاول السوق المسقوف والسوق المصري المسقوف تقريباً اغلبهم نفس البضاعه لكن السعر يختلف الشاهد الخليجيين الانظار عليهم خاصه في البيالات او الفناجيل "استكانت التشاي" :e30b: الشاهد جازت لنا اشكالهم وسالنا اول واحد قالنا ب 120 ليره الطقم 6 حبات مع صحونها المدام الهمها ربي وقالت لا مافيه ب 60 نص السعر :e445: فكر شوي ثم قال ب 80 :20: عاد طمعت المدام حست بالنصر قالت بكسر راسه بعد دام الدعوه نصب في نصب :52: قالت ب 60 فكر ثم فكر قال يالله شيل، المدام حست بمدري وش اوصفه لكن جازت لها سالفة المكاسر نصف السعر قلنا اكيد بنحصل قدام ونكاسره اكثر خليناه ورحنا كل ما رحنا محل ماش اقل سعر قدرنا عليه 80 ومافيه الا خوينا الاول ذاك لكن مدري وين محله :20: واحد يرحب ويهلل ويطلع نفس العلبه ونفس الطقم بكم عشانكم ب 120 :yolks00760: العب على غيرنا محصلينها ب 60 قال خذ هذي مني واذا حصلت باقل عطيتك الفرق، خليته ورحت وانا مسكت معي الا اخذها ب 60 عشان بس هذا الي تو :yolks00800: وافر افر سكه سكه اغلب المحلات تتشابه واستعين بخرائط قوقل وبالصدفه واظاهر شكلهم العشاء يقفلون اغلب المحلات او بعضها لان حسيت الحركه خفت عن النهار الشاهد حصلت نفس البيالات خويتنا واساله بكم قال ب 120 قلت 60 من الاخر تبي ولا سلام ومشيت قال تعال 80 قلت 60 محصلها بهالسعر وانا اصلا زهقان وابي اخلص كلم خويه في المحل وقال يالله تعال ب60 :yolks00520: السوق المصري يفرق شوي لكن يبي لك ماتشتري من اول نظره انا رحت لمحل حلقوم مدحوه لي وكان محله موب في وجه السوق صاد يقدر السعوديين لان فيه سعودي في التويتر سوا له دعايه وجاب له زباين يضفون منه الشاهد ان الحلقوم عنده اظاهر كان الكيلو بعد المكاسر ب 39 او 40 ليره وداخل السوق المصري اسعارهم في حدود الـ 60 ليره وطازج حتى انه قبل يومين قدمته لضيوف عندي وكلهم حبوه وواحد يقول ماشاء الله طري وحلوه نكهته انا شريت من واحد وطلع فيه سوس وقاسي لكن مدري من وين شاريه العبره من هالموقفين انكم كاسروهم في الاسواق الشعبيه بنصف السعر وخلك صامل ورح دور غيره ثم ارجع له واوقات اذا كان السوق كبير احتمال تحصل اشكال ثانيه احلا في المحلات الي داخل لاتشتري من اول محل تشوفه الموقف الثاني والي يحسب لتركيا كنا نتمشى في شارع بغداد والمعزبه تقول فيه مشغل يمدحونه هنا تبي تقص شعرها نمشي الا صدفه شفت مشغل لكن رجاجيل يقصون لحريم قلت خل اسال هالمحجبات وين يروحون لين جو يقصون شعورهم سلام سلام فيه حريم يقصون للمدام قال ايه تعال دخلت قلت غرفه خاصه قال ايه طبعا بعد ماخلصت المعزبه اكتشفت ان مافيه غرفه خاصه لكنهم دخلوها غرفت العاملات الي يشتغلون في المحل طبعا اول ما دخلنا كان الشغل كله لغة اشاره :D انا كل شوي اشرح لهم غرفه مستقله ابي اتاكد انها غرفه خاصه الا طلع الله يجزاها خير وحده تركيه جالسه تقص شعرها تتطقطق انجليزي وفزعت لنا ولهم قالت هذي غرفه للنساء فقط وانت تقدر تنتظر هنا، قلت زين طمنتينا دخلت شوي الا الي بتقص للمعزبه نادت هالي تتكلم انجليزي شوي الا اشوفهم قالو لموظف جالس يغسل شعر وحده اخلص بسرعه رح الجهه الثانيه قالت لي المدام بعدين ان الي تقص شعري قالت لازم نغسله قبل قلت لها مابي اطلع رجاجيل عادي نغسله في الحمام قالت لا ممنوع، ثم نادت مره ثانيه الي تتكلم انجليزي انا حسيت فيه شئ غلط اول شئ وش وضعهم رايحين جايين ويكلمون بعض زي الي وش نسوي شوي خلص الي يغسل الشعر لوحده وراح عقبها طلعت هالي تتكلم انجليزي وجابت حاجز وحطته بين مكان غسيل الشعر وبين مكان الرجاجيل وثم جلست تمشي جمب حرمتي زيادة حرص انهم ما يشوفونها وهي اصلا متحجبه عشان تروح يغسلون شعرها انا كنت في كرسي جمبها اراقب الرجاجيل الي يقصون :yolks00380: ولا واحد فيهم جاب خبري ولا خبر زوجتي كلن في حاله ويقصقص الي معه وشدتني حركة موظف عندهم دخل اظاهر صديق لهم او موظف معهم من الشارع وكان متجه للغرفه الداخليه او مكان الغسيل قام الموظف ويمسك الرجال وكلمه تركي الترجمه "ياولد فيه حريم ديور" :D والله ويرجع ما دخل صراحه بعد هذا الموقف زاد تقديري للاتراك مع عيوبهم :yolks00260: وللبنات سعرهم ارخص من عندنا في الرياض بمراحل وشغلهم زين لكن يمكننا وفقنا بمحل زين لاتدرعمون اي محل تدخلونه واحرصوا على الستر هدانا الله جميعا :(59)::(114): |
والله هذا الي شفت من الشعب بس يمكن تصير مواقف استثنائية وربعنا يعممون |
ياسلام عليك التكملة شيء جميل واضيف بأن اسمك يذكرنا يوم 25 من كل شهر ATM ههههههههه شكرا لك اخي على ذكر الايجابيات والسلبيات |
يا رجال ديور فيه حريم خخخخخخخخخخخخخخخخخخخخخخخخخخخخخ مواقف طيبه تذكر مهما كان وتشكر عليها |
الحمدلله رحلتك جات ميسره من كثر ماكنت شايل همها :14: حتى احنا اكثر شي فاتوره المطاعم اجلس اقرأ فيها ادور زياده بس الحمدلله تساهيل وتوفيق بالنهايه وبالنسبه للكاسات المويه اول مانجلس بالمطعم يجيبوها ع عددنا اكلمه يشيلها بدون حساب وهو مبتسم يشيلها ومايضيفها بالفاتوره اكثر من مطعم المدينه والملك وحمدي لانه اساسا انا ماشرب بالكاسه ومالها داعي الحركه |
شارع بغداد جميل يعجبني بصراحة رايق وهادي وفيه كل اللي تبي المواقف كثيرة لكن واضح إنك عاشق :) الله يعينك |
اقتباس:
اقتباس:
ATL <--- اختصار لمدينة اتلانتا الحبيبة :6: اقتباس:
اقتباس:
المشكله اوقات المدام تبي مويه لحالها ومره قلت مابي وراح جاء القرسون الثاني ويصب على السريع مايمديك تقول ما ابي قلت يالله واجلس اشرب منها بس عشان احلل الدراهم بس في كلا الحالتين بياخذ قيمتها عشان الخبز سعدت بمروركم العطر .. وشكراً :e030: |
اقتباس:
شارع بغداد قلت للسواق بنروح له على طول قال مافيه شي مايبينا نروح له لانه مشوار عليه :yolks00770: ويوم رحت له تبي الجد هو ودك انه يكون هو الشارع السياحي عندهم زي الشانز لانه وسيع ومرتب وفيه محلات زينه وفيه عاديه لكن من ضمن الاشياء الي اعجبتنا فيه انهم حاطين زينه على امتداد الشارع ومجسمات مضيئة على الرصيف شجرت الكريسمس وعلبة هديه كبيره ومقهى مادو طبعاً مادوا زي منتوا عارفين في كل زاويه عندهم كانه جافا تايم عندنا :20: لكن قبل نروح كانوا يقولون لايفوتكم مادو حق ارتاكوي :yolks00780: طلع عااادي وضيق وخاصه يوم شفنا فرعهم حق بغداد احلا واوسع وخيارات الجلسه اكثر مافهمت وش تقصد واضح انك عاشق :yolks0030: تقصد اسطنبول ... تبي الجد وقلتها لزوجتي لو خيروني تروح اسطنبول خمس ايام ولا تاخذ سياره وتدور في الريف وكل شوي توقف في مدينه كان اخترت الخيار الثاني حلو انك تكون حر وموب مرتبط بحجز ولازم تطلع بكره او بكره الرحله الساعه 10 الصباح تتمشى وتوقف في المكان الي تبي <<--- يبي لي رحله لارياف اوربا :52: الله ييسرها وشكراً على مرورك، ولك شكراً لك مره اخرى على توجيهاتك على استفساراتي السابقة :(60): |
تفاصيل حلوه تشكر وسرد ممتع فيه روح الغشمره والعاميه كسرت روتين كتابة التقارير |
تقرير جميــــل الله يعطيك العافيه |
هلا بك حجي اطلانطا الحمد الله على السلامه مبين من سردك انكم ارتحتوا ولله الحمد في سفرتكم هذي عندي سؤال أرجو ترد عليه بالسرد الطويل الممل تقول انك رحت لبورصه ولجبل الالوداغ في يناير وانت تسوق بالسياره يعني طلعت الالوداغ ايام الثلوج ابي اعرف اذا صادفتكم ثلوج بالطلعه شلون وضع السياره تتزحلق او لا ؟ حطيت سلاسل للكفرات او لا ؟ لأني حاجز على الشمال في بداية مارس ومايزال يوجد على المرتفعات ثلوج وانا ماعمري سقت في مرتفعات ثلوج ، واسمع عن تزحلق السيارات وخايف الله يبعد الشر اذا صادفكم في سفرتكم ثلج على طريق او مرتفعات ارجو ان توضّح لي اش الحل ومشكور ياعزيزي |
اقتباس:
اقتباس:
اقتباس:
بخصوص جبل اولداغ انا تحسفت اني ماطلعت الطلعه بسيارتي وخذت التلفريك التلفريك اريح لكن السياره تمشي على مزاجك وتوقف ومافيه تصف طابور على التلفريك وقت روحتي ماكان فيه ثلج ي الطريق بس على اطراف الشارع وفوق الجبل بس لكن كان الطريق الى التلفريك والى الشجره التاريخيه يخوف شوي لانه كان مسارين رايح جاي وطلعات مع منحنيات وانا صراحه ماقد جربت اسوق سياره بسلاسل قد جربت اسوق في الثلج في امريكا وكانت الشوارع اوسع من كذا واقل خطوره لكن اذكر وانا في اسطنبول كنت اتابع واحد من اهل تركيا في السناب فجاب طاري ان فيه واحد خليجي في بورصا صار له حادث خفيف بسبب الثلج انحرفت السياره شوي وتاثرت السياره شوي لكن كان يقول احرصوا انكم تاخذون تامين شامل على السياره عشان ترتاحون وانتبهو من السواقه في الثلج وخلكم حذرين طبعا بعد ماطلعنا للجبل بالتلفريك فيه وصله ثانيه ناخذها بالسياره لانهم يقولون التلفريك الثاني كان صيانه فيوم خذنا السياره عشان نطلع القمه كنت اشوف الطريق مسارين رايح جاي وبعدين منحدر وشجر فاذا جاء وقت السفره وكان فيه تساقط للثلوج فالافضل تروح مع التلفريك لكن لو ان الثلج له فتره مانزل عليهم فهو بيبقى على اطراف الشوارع والبلديه بتنظف الشارع وبتسوق بدون سلاسل بعد واتوقع في مارس شهر ثلاثه خلاص ماينزل عليهم ثلوج فبتكون الشوارع سالكه ولا فيها بلاك ايس لان اظاهر عز البرد عندهم في يناير وفبراير الحل زي ما قلت لك والاسلم انك تاخذ التلفريك من وسط المدينة ويطلعك للجبل او تاخذ تاكسي لمحطة التلفريك لان المواقف بفلوس :e14f: واذا كان لهم فتره مانزل ثلج فتوكل على الله الشوارع بتكون سالكه لانهم بعد ماينزل الثلج البلديه تكب ملح على الشوارع المهمه وبعد ما يسيح يكنسونه رحله موفقه :e304: |
الله يعطيك العافيه ... تقرير جميل وبالفعل الشعب التركي جميل جداا وراقي في تعامله بشكل عام ... والمواقف السلبيه التي قد تحصل لبعض المسافرين لاتمثل اغلبية الشعب التركي |
تقرير جميل ينقصة بس بعض الصور عشان نعيش الاجواء |
اقتباس:
بس حبيت اضافه لو احد ساق في مرتفعات الشمال بشهر مارس يضيف لنا معلوممات عن الوضع > |
اقتباس:
اساسا اوزنجول وقتها ثلوج يعني مايحتاج تروح مرتفعات لانه بتكون ثلوج مابتشوف غيرها |
اقتباس:
:65: مشكوره ام ريمو على النصيحه |
الله يبارك فيكم |
يعطيك العافية احلى موقف مع زوجتك بالصالون ههههههههههههه:1: |
ما شاء الله تجربه جميله مررت بكثير منها سيما تجربتي بالقيادة بسيارة باسطنبول واستنتجت ان القايدة بسيارة اجار بسطنبول غلط متعبه في المواقف السيارات ومعرفة الطريق و المشاوير الافضل سيارة بسائق لسطنبول فقط وانت تحط شروطك بدون اي استحياء لاتدخن ان عزمته على غداء من نفسك وليس واجب عليك وضوح الصورة هل البنزين عليه او عليك كم ساعة بيكون معاك وتحت امرك انت من تقترح عليه وليس هو ارى ان عيب السائق الخاص هو انك تريد سوق معين ورخيص وهو يبحث لك عن محلات هو يتعامل معها بقصد التربح منهم ولا يضع مصلحتك في الاعتبار حتى بورصة ودخول العبارة لايكلف شي لو دخلت بالعبارة خاصة من الجانب الاسوي و الطريق سالك و شرح موضوعك ذكرني يوم ان تهت في بورصة لااعرف اين الشجره العملاقة واعتمدت كثيرا على القارمن وابعدني كثيرا عن جبل اولداغ وهي قريبه جدا حتى استعنت باهل ابلد في الوصف وهم كما قلت خدومين جدا ومحبين للسياح بشكل عام و العرب من اهل مكة و المدينة ولي عودة لبقية تقريرك الجميل |
اقتباس:
وخاصة ان السوق مليان سواقين لكن في النهاية مافيه احد كامل او عبد بيسوي كل شئ تبيه يعني سددوا وقاربوا سعدت بمرورك، وشكراً :(125): اقتباس:
اقتباس:
|
تقرير رايق وجميل .. بأيدك في كتير من أفكارك وخاصة انه ما نلحق ربع الانستغرام والسناب وين ما راحوا ههههه :D المنتدى والمواقع بشكل عام فيها تنوع اكبر وتقييم واضح لكل مكان ... مواقفك مع الأتراك صادفني متلها وفعلا شعب متعاون من موظفين او ناس بالشارع وما شفت منهم الا كل خير .. كانت عندي فكرة مماثلة لفكرتك السابقة وخوفتني فعلياً من زيارة المدينة لفترة طويلة .. يعطيك العافية وعقبال سفرات جديدة وتقارير حلوة |
قليل من المواضيع السياحيه التي تشدني وبدون صور يمكن لانك حذر من فكره وصلت لك ومعلومة وتريد تشوفها صحيحه او لا اما المطاعم كل شي شوف سعره كم وحط في الاعتبار شوي زيادة اما بيقولك ضريبه او شي يخترع قصة وكل ما ابتعدت من المدت تشوف العكس يعني المطعم يقدم لك اشياء اكرامية منه مش العكس مثلا شاي اكرام وسلطه اكرام بل هناك من اهل الشمال من لاياخذ منك شي وفعلا هذا حصل لكذا شخص في مطاعم في الارياف واكثر ما يحبونه فيك هو دينك وارتباطهم بك بانك عربي مسلم من الجزيرة العربية |
اقتباس:
اقتباس:
ماعندي مشكلة لكن نكون على بينه موب يقالك استغفال وبلعب عليك احط سعر ثم اقولك سعر هذي تغبن :yolks00800: الريف للاسف ما تعمقت فيه كثير بس على قولتك كم واحد قال لي عن هالاطباع مع اني اخاف من ربعنا على اجتياحهم لطرابزون والي حولها انهم يخربونهم :(90): سعدت بطلتك الثانية شكراً :25: |
جميل التقرير ومفيد شكرا لك |
| الساعة الآن 01:14 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO