|
فيزتي تهكرت والسفر بكرة..عاجل جدا السلام عليكم أنا سفري بكرة ان شاء الله حجزت السيارة وخصموا المبلغ.. وحجزت الفنادق كلها الغاء مجاني واخترت الدفع نقدا.. ما عدا فندق واحد غير قابل للاسترداد اول ما حجزته حاولوا يخصمون المبلغ بس الفيزا ماكان فيها مبلغ كافي وارسلولي انه فيه مشكلة في الخصم.. وعبيت الفيزا وحدثت بيانات الفيزا في حجز الفندق وبعدها وصلتني رسالة خصم مبلغ اقل من مبلغ الفندق وباسم غير.. استفسرت من البنك قالي انه من طرابزون بس طبعا الاسم غير قلت يمكن هو نفس الفندق.. هذا الكلام قبل يمكن 10 ايام او أقل.. وحجزت الطيران الداخلي وخصموا المبلغ وطلعت الفيزا التركية من النت والحمدلله.. لكن اليوم جاتني رسايل كثيرة عمليات شراء عن طريق استخدام الفيزا لمواقع ما اعرفها ولا تعاملت معاها ( مواقع امريكية ) بالمختصر الفيزا تهكرت وما عرفت ايش الحل طبعا الرصيد اللي فيها صفروه واتصلت ع الراجحي قالي الموظف دوام الفروع كلها يوم الأربعاء ع اساس اقدم شكوى طيب انا سفري بكرة ايش الحل؟ وللاسف ما عندي فيزا غيرها وماني عارف هل ممكن الفنادق يطلبون مني الفيزا ولا احاسبهم كاش وخلاص؟؟ هل السيارة يحتاجون الفيزا رغم انهم خصموا كامل المبلغ ما عدا قيمة التأمين هل لو اخذت فيزا لشخص ثاني ممكن تمشي ولا فيها مشاكل؟؟ علما اني للحين ما لغيت الفيزا http://www.sfari.com/forums/images/smilies/051.gifhttp://www.sfari.com/forums/images/smilies/051.gifhttp://www.sfari.com/forums/images/smilies/051.gif |
رد: فيزتي تهكرت والسفر بكرة..عاجل جدا عليكم السلام تطمن اخوي امورك تمام ان شاء الله ولا تشيل هم شي الامر بسيط الفنادق تسددها كاش ما فيه أي مشكلة عندك مشكلة في التأمين على السيارة بس حاول انك تشرح لهم المشكلة و تدفع لهم كاش الفيزا بما انها لا يوجد بها رصيد لا تستعجل في الغاءها اما فيزا شخص اخر ما تمشي |
رد: فيزتي تهكرت والسفر بكرة..عاجل جدا اخوي يا ليت تذكر اسم الموقع اللي حجزت منه الفنادق والسيارة |
رد: فيزتي تهكرت والسفر بكرة..عاجل جدا لو قدمت شكوى يوم الأربعاء بداية العمل فسيوقف المصرف صرف المبالغ التي لم تصرفها أنت المهم أنك تبادر مستعجلا حتى توقف عملية الصرف و بعد ذلك يجب تغيير الفيزا |
رد: فيزتي تهكرت والسفر بكرة..عاجل جدا اقتباس:
|
رد: فيزتي تهكرت والسفر بكرة..عاجل جدا عزيزي مع رأي الأخ الردادي ..لا تلغي إلا لما تستلم السياره وبعدين من النت ألغى البطاقه ...وتفاهم مع البنك وراح يكون فيه تعويض لك عن المبالغ المخصومه إن شاء الله... |
رد: فيزتي تهكرت والسفر بكرة..عاجل جدا ان شاء الله خير والله ييسرها.. الفنادق كلها حجزتها من بوكينج والسيارة من موقع avis أنا قلت اخلي الفيزا ع اساس اذا طلبوها مني يكون واضح انها شغالة بس ماراح احط فيها اي مبلغ..ولمن ارجع بالسلامة الغيها ع طول واقدم شكوى بالمبلغ اللي راح.. فما ادري اذا تصرفي صح ولالا؟؟ وللأسف هذي ثاني مرة تتهكر علي.. الأولى تهكرت قبل كم شهر وانا وقتها كنت حاجز فيها الفنادق وكان فيها تقريبا 40 ريال واللي هكرها كان يشتري بمبالغ اكثر وتجيني رسايل انه المبلغ ما يكفي واتصلت ع البنك ولغيتها فورا وطلعت فيزا شحن جديدة ودخلت ع بوكينج وغيرت بيانات الفيزا القديمة.. وهذي المرة اودعت فيها مبلغ 2700 ريال ع اساس الفندق في طرابزون يسحب منها 1500 والباقي للاحتياط لكن انخصم منها 1100 بإسم فندق غريب ومو معروف ( هل يمكن وقتها تهكرت او الفندق خصم المبلغ من فندق ثاني وطلعلي اسم الفندق الثاني؟ خاصة انه الفندق اللي حجزته جديد ) اتصلت الحين ع بوكينج واستعلمت قالي مو واضح عندنا شي واتصل بالفندق بس محد يرد.. وقالي انه بيرسلهم ايميل ويتأكد اذا هم اللي خصموا ولالا ويرد علي. وباقي المبلغ راح بسبب التهكير.. احس بتردد وخوووف وتوتر مرررررة الله يستر |
رد: فيزتي تهكرت والسفر بكرة..عاجل جدا طيب ياخى للفائده شو المواقع الى تعاملت معها ومن بعدها تهكرت البطاقة ثانيا عندنا في الامارات فى نظام حلو مو عارف اذا موجود فى كل لبنوك ام لا الفيزا عندى شغاله فقط محلي داخل الامارات واذا ابا افتح اى دوله اتصل فيهم يفتحوها لى للفتره الى انا اطلبها ومجرد ماارجع من السفر ارد اسكرها مره ثانيه وحتى اذا احد عنده بيانات الفيزا ما يقدر يستعملها اون لاين لان عليها رقم سري واحس هذا اامن وافضل |
رد: فيزتي تهكرت والسفر بكرة..عاجل جدا يا ساتر ثاني مره تتهكر ............ اخوي الحاتمي شوف الجهاز اللي تستخدمة في عمليات الحجز و الفيزا يبدوا لي انه مخترق واي استفسار يجيك عن طريق البريد الالكتروني يقول لك بيانات الفيزا غير صحيحة او شي من هذا القبيل ويرسل لك رابط لا تستخدم هذه الروابط انما اذهب للموقع مباشرة اللي حجزة منه وعدل هناك |
رد: فيزتي تهكرت والسفر بكرة..عاجل جدا اتوقع والله اعلم إنك مخزن بيانات الفيزا من رقم البطاقه وتاريخ نهايتها والارقام الثلاثه الخلفيه بموقع حجوزات سواء بوكنق والا غيره علشان تختصر على نفسك الوقت ماتجلس تسجلها مره ثانيه اذا حبيت تحجز اذا انت مسوي هالشي فهو سبب رئيسي للأختراقات الله يعوضك خير |
| الساعة الآن 07:15 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO