|
ايامي الحلوه في جزيرة كوسوماي Koh Samui الرائعه العرب المسافرون الجزر السلام عليكم حبايبي أشكر من كل قلبي الغاليه أم عزيز اللي بذلت جهدها باخراج هذا الفيديو الجميل واللي يختصر رحلتي بتنسيق جميل ... جزاج الله الف خير :(125): عرض بسيط لبعض الصور و اللقطات من الرحله https://www.youtube.com/watch?v=LIMa...ature=youtu.be . |
رد: ايامي الحلوه في جزيرة كوسوماي Koh Samui الرائعه يسعدني صباحكم ومساكم اليوم حبيت أتشارك وياكم بتفاصيل رحلتي الجميله لجزيرة كوسوماي في تايلند واللي كانت بتاريخ 21 / 12 / 2014 الى 24 / 12 / 2014 مدة 3 ليالي وسافرنا من مطار بانكوك ع طيران اير بانكوك وكان حجزنا عن طريق النت ولكن للاسف نسيت كم سعر التذكره ، ولكن ممكن تعرفون الاسعار عن طريق موقعهم وبالنسبه للسكن في البدايه حجزت السكن عن طريق بوكينج وحجزت في فندق بانيان تري كوسوماي فيلا من غرفتين نوم وحمام سباحه خاص مدة 3 ليالي طلع علينا بـ 13 الف درهم موقعهم ع النت وقبل سفرنا بفتره لما حسبت السكن والطيران والاكل والسياحه في هاي المده شفت انه المبلغ بيطلع وايد كبير فوق الـ 20 الف وشفته مايسوى وكنت بكنسل رحلة الجزيره وبكتفي برحلتنا للعاصمه بانكوك أساسا نحن سافرنا لبانكوك تاريخ 19 / 12 وعقب سافرنا الجزيره وبعدها رجعنا لبانكوك وكملنا رحلتنا لين 2/ 1 / 2015 المهم كلمت بوعيسى والعيال واتفقنا نلغي رحلة الجزيره ودخلت بوكينج وكنسلت حجزنا وعقب قلت في خاطري شوفي خيارات ثانيه يمكن تحصلين شي مناسب المشكله ماكانت في السكن لأنه السكن متوفر وكثير وفيه كل المستويات ، المشكله كانت فيني مب أي سكن يدخل راسي وهاي جزيره وانا خاطري بفيلا وفيها حمام سباحه خاص وأنا أدور وأبحث فجأه حصلت اللي أدور عليه حصلت منتجع 5 نجوم والفلل عندهم عباره عن فيلا فيها غرفة نوم وحده وحمام كبيره وحديقة وحوض سباحه خاص والمفاجأه الأكبر انه هاي الفيلا قيمتها ف اليوم 500 درهم بدون استرجاع ع طول حجزت فيلتين عدال بعض وحده لي مع بوعيسى ، والثانيه للعيال البنتين مع عبادي وطلع الاجمالي 3000 درهم مع الافطار ع طول حجزتها وغامرت وتوكلت ع الله وحجزتها بدون استرجاع اسم الفندق أكس 2 ساموي موقعهم في بوكينج موقعهم ع النت طبعا الصور والتفاصيل عقب ان شاءالله بالنسبه للمعلومات عن الجزيره قبل سفري بحثت عن معلومات عنها ومالقيت الكثير وبعطيكم اللي جمعته من تقارير الاعضاء جزاهم الله خيرها عنا جزيرة كوسوماي ماذا تفعل في كوسوماي: عرض القرود رحلة السفاري على الفيله او بالسيارات او بالدراجات ذات الاربع عجلات تعليم الطيخ التايلندي الشلالات: شلال Na Muang وشلال Hin Lad مطعم يقع جبل التنقلات والمواصلات:التكاسي (ولكن لايوجد بها ميتر وتبدأ المشاوير ب 100 بات وانت زايد) فندق الرينسانس هي أحد العلامات التجارية التابعة لشركة ماريوت العالمية قرب الفندق من منطقة التسوق في شاطئ "شوينغ وبعض المعلومات خذيناها من ولد أخويي ومن الفندق اللي سكنا فيه تابعوني في تفاصيل رحلتنا لجزيرة كوسوماي |
رد: ايامي الحلوه في جزيرة كوسوماي Koh Samui الرائعه يوم الذهاب للجزيره قصتنا قبل رحلتنا للجزيره تعرفون هداوه لازم عندها قصص وحكايات ومغامرات ومواقف ومقالب ولا مابكون أنا يوم وصولنا لبانكوك الله يسلمكم نحن سافرنا بانكوك يوم 19 ووصلنا بانكوك بالليل متأخر أول مره أحجز توقيت خايس جيه وكانت لها اسبابها المهم لين وصلنا الفندق وحطينا راسنا بنرقد يمكن صارت الساعه 3 اليوم الثاني ثاني يوم الصبح من نشينا من النوم ع طول سرنا المستشفى كانت عندنا فحوصات وفي المستشفى تريقنا وماخلصنا الا العصر وكنا وايد منهكين وتعبانين وعقب ماخلصنا سرنا سنتر سيام براغون عشان نآكل لين الحين ماتغدينا وتقريبا الوقت كان المغرب تغدينا وتمشينا شوي وعقب رجعنا الفندق تصريف الفلوس وتأجير السياره خليت العيال في الفندق يرتبون حالهم وانا وبوعيسى ع طول سرنا شارع العرب عشان نصرف فلوس وبغينا نأجر سياره توصلنا الفجر للمطار عشان رحلتنا للجزيره وحصلنا سياره فان كبيره وجديده واتفقنا مع صاحبها انه ايينا الفندق ع الساعه 5 الفجر وعطيناه أرقامنا وعطانا أرقامه والحلو انه طلع أخوه يشتغل في الجزيره سواق وعطانا رقمه عشان نتواصل وياه هناك وعقب رجعنا الفندق مرض بوعيسى المفاجئ قبل لانوصل الفندق كنت أحس بوعيسى تعبان ويقوللي أنا حاس بالتعب ومن وصلنا الفندق ونحن نمشي في الممر باتجاه غرفتنا تقريبا كنا عدال الغرفه الا بوعيسى يرجع كل اللي في معدته ركضنا أنا والعيال نفازعه وكان الوقت متأخر وبعد ما أرتاح شويه الا يرجع مره ثانيه وعقب ثالثه خفت عليه وع طول اتصلت في الفندق وطلبت ايييني طبيب وقمت عطيت بوعيسى خلطه من زنجبيل بودر مع ماي وبعد ماشربه بشوي بعد رجع للمره الرابعه في العاده الزنجبيل ممكن يمسك الزواع ولكن معاه مالحق يسوي مفعوله ع طوله رجعه خليت العيال يرقدون والحمدالله كنا مآخذين غرفتين بينهم باب ووصل الطبيب وعطى بوعيسى ابره توقف الترجيع وعطاه ادويه وبعدها قدر يرقد شويه وظليت أنا أردد الاغراض لين الساعه 3 ويمكن غفلت نص ساعه ورجعت قمت أتجهز وأصحي العيال وخليته هو نايم لين آخر الوقت عشان يرتاح مقلب ماتوقعناه استوت 5 ونص والسايق ما أتصل نتصل عليه ومايرد في الأخير قررنا ننزل ونسوي شيك أوت ونترك بعض من شنطنا في الامانات وطول هالوقت ونحن نتصل ومحد يرد حسبي الله عليه مثل ماسوى فينا هالمقلب وعقب الحمدالله الموظف دبرلنا سياره وكانت الساعه 6 ونحن أعتقد طيارتنا كانت ع الساعه 8 ونص او 9 كان الوقت قصير بس الحمدالله لحقنا وطرنا الى جزيرة كوساموي ولكن تخيلوا التعب والارهاق اللي عشناه واللي أنا عشته في هاليومين خصوصا قبل سفرنا من الامارات أصلا انا كنت ناشه بدري وأعابل كل شي قبل السفر صدق تعبت وهلكت وكنت أحاول أتماسك واكون قويه عشانهم والحمدالله عدت ع خير http://i1050.photobucket.com/albums/...pso0ygwzju.jpg http://i1050.photobucket.com/albums/...psmozjazk3.jpg والحمدالله طرنا بدون أي مشاكل ولاتعقيدات في المطار http://i1050.photobucket.com/albums/...psc0zfxhba.jpg انتظروني في تفاصيل وصولنا وأحداث هاليوم |
رد: ايامي الحلوه في جزيرة كوسوماي Koh Samui الرائعه يوم وصولنا للجزيره http://i1050.photobucket.com/albums/...psjaq2rdf9.jpg وصلنا مطار كوساموي http://i1050.photobucket.com/albums/...pscylzay7f.jpg http://i1050.photobucket.com/albums/...psra1ubah7.jpg http://i1050.photobucket.com/albums/...ps3dfbjxij.jpg وركبونا في الباصات المكشوفه http://i1050.photobucket.com/albums/...psu45qazj2.jpg الاجراءات كانت سريعه ومطارهم أو صالة القادمون كانت صغيره ما اتذكر كم كانت رحلتنا بالضبط يمكن ساعه أو ساعه ونص وبعد ما استلمنا الشنط شفنا كاونتر وعن طريقه نأجر مواصلات للسكن http://i1050.photobucket.com/albums/...pszsvf9i9t.jpg أجرنا سياره خاصه تودينا المنتجع وما أتذكر كم كلفتنا السياره وصلنا المنتجع والمسافه كانت تقريبا 40 دقيقه يتبع ... |
رد: ايامي الحلوه في جزيرة كوسوماي Koh Samui الرائعه وصولنا المنتجع وصلنا المنتجع وكنا تعبانين ومنهكين سوينا الشك ان وعطونا الفلل وكانوا عدال بعض انبهرنا بالفلل وعجبونا بس كنا تعبانين ومانبا الا نرقد والجو كان يخبل غيم ومطر https://www.youtube.com/watch?v=gDT3...ature=youtu.be طلبنا غدا من مطعم المنتجع http://i1050.photobucket.com/albums/...psmsp69pvi.jpg http://i1050.photobucket.com/albums/...pscnxclvcc.jpg وكنا طالبين بعد باستا بس نسيت أصورها http://i1050.photobucket.com/albums/...pshryrrfji.jpg حد تغدى وحد ماقدر يقاوم النوم وعقب رقدنا كلنا لين العصر أول مانشينا قررنا انه نتسبح في الحوض وجهزنا عمارنا وحتى بوعيسى الحمدالله استوى بخير وطفينا كلنا في الحوض http://i1050.photobucket.com/albums/...psp9hypgk2.jpg وكان الوقت قبل المغرب ، وكان كل شي جميل وبعد ماتسبحنا بشوي دخل علينا المغرب وبدأت تظلم وبدت تطلع الطياييييير http://i1050.photobucket.com/albums/...pstrjii1lb.jpg نحن في الحوض وهم ع الليدار يطلعون من مخابئهم وبدت الحشرات تطير مني ومناك هاي هي الجزر الاسيويه للاسف من شفنا جيه كلنا لصقنا في بوعيسى ونحن نصرخ وعقب طلعنا كلنا من الحوض ياروح مابعدك روح وقررنا مانتسبح الا في النهار ، لكن هل تسبحنا عقب ولا لأ ؟ بتعرفون هالشي من تفاصيل رحلتنا شوفوا الحين صور منتجعنا وعقب بنكمل سوالفنا هذا مخطط منتجعنا http://i1050.photobucket.com/albums/...psmmrjfxfl.jpg المنتجع عباره عن 27 فيلا متوزعين في صفين مجابلين بعض http://i1050.photobucket.com/albums/...psgjwymnqw.jpg http://i1050.photobucket.com/albums/...pscxca3dhm.jpg http://i1050.photobucket.com/albums/...ps97grkwyk.jpg http://i1050.photobucket.com/albums/...psusenhcuy.jpg تقريبا كلهم قوم بوغرفة نوم وحده مع حمامها وحوض السباحه اما الفيلا رقم 6 وهي أكبر بس ما أدري كم غرفه والفيلا رقم 4 فهي لأصحاب المنتجع مثل ماخبرنا الموظف ووقتها كانوا يسون صيانه لفيلتهم وماكانوا موجودين جان سلمنا عليهم وعطيتهم ملاحظاتي المنتجع مب كبير وماكان فيه ناس وايد وهالشي أنا ما أحبه أحب وجود الناس حواليه ما أحب الهدوء الكبير بهالشكل لكن كمنتجع وايد حلو وله سلبيات بخبركم عنها ان شاءالله لو كنا سايرين قروب مع كم عائله من أهلنا وسكنا هالمنتجع أتصور وايد بنستمتع وبنسوي جو فيه ومب بعيده فليل نيلس ندق ونغني ونسوي سهرات وعقب يحطون الخليجين في القايمه السوداء بسببنا هذا باركن السيارات ومدخل الفندق http://i1050.photobucket.com/albums/...psntdzg27z.jpg وعلى طول من دخلنا في ويهنا الرسبشن وهو مفتوح في الهواء الطلق وبدون أي حواجز وحصلت بس صوره وحده للرسبشن http://i1050.photobucket.com/albums/...psd0zlydef.jpg http://i1050.photobucket.com/albums/...ps0txpiviu.jpg المنتجع فيه حوض سباحه عام في نهاية هذا الممر ايينا الحوض والمطعم ونطلع ع البحر http://i1050.photobucket.com/albums/...ps5m4tecet.jpg http://i1050.photobucket.com/albums/...psp9on34gs.jpg المسبح العام العائلي http://i1050.photobucket.com/albums/...psk1waduo3.jpg http://i1050.photobucket.com/albums/...psjk1d9sna.jpg http://i1050.photobucket.com/albums/...pstedeahju.jpg http://i1050.photobucket.com/albums/...pszcisldpp.jpg http://i1050.photobucket.com/albums/...psszthzyft.jpg وفيه مطعم يقدم بوفيه افطار وما أدري اذا يقدم وجبات ثانيه بس أعتقد ممكن أي وقت تيلسون فيه وتشربون اي مشروبات تبونها وبفلوس طبعا مدخل المطعم http://i1050.photobucket.com/albums/...psqn2tk1xv.jpg http://i1050.photobucket.com/albums/...psdfkhoxcs.jpg http://i1050.photobucket.com/albums/...pswlbuet4q.jpg http://i1050.photobucket.com/albums/...psg8vcrgio.jpg وفيه حديقة مطله ع البحر وع المسبح http://i1050.photobucket.com/albums/...ps0empjunx.jpg http://i1050.photobucket.com/albums/...pscsuvgdgl.jpg في محل صغير يبيع بعض ادوات السباحه والتسليه وفيه شاطئ خاص ويلسات ع البحر http://i1050.photobucket.com/albums/...pszaqnd6m5.jpg http://i1050.photobucket.com/albums/...psp6onvtx9.jpg http://i1050.photobucket.com/albums/...psim3opkfv.jpg وبس هذا كل اللي فيه قلتلكم ترا هو صغيرون وحليوي الحين بندخلكم فيلتنا http://i1050.photobucket.com/albums/...psu7emqnsw.jpg http://i1050.photobucket.com/albums/...ps1qtrwdop.jpg http://i1050.photobucket.com/albums/...pstm33fmnk.jpg http://i1050.photobucket.com/albums/...psuynze2ls.jpg http://i1050.photobucket.com/albums/...psagv8ete0.jpg يالقهر ماأدري وين اختفت صور الغرفه والحمام أنا متأكده اني صورتهم طلعتكم صوره من النت وممكن تشوفون أكثر من موقعهم http://i1050.photobucket.com/albums/...pson0vi2v3.jpg تابعوني في .. تفاصيل هذا اليوم |
رد: ايامي الحلوه في جزيرة كوسوماي Koh Samui الرائعه العشاء في المطعم اللبناني أول ماوصلنا لما سوينا شيك ان كان في الرسبشن موظف أجنبي وكان هو مدير المنتجع يمكن كان استرالي ممتذكره عدل المهم هالمدير كان وايد طيب ومتعاون وتم وايد يسولف ويانا والبنات تموا يسألونه عن الالعاب البحريه والانشطه الموجوده في الجزيره وبعد سألناه عن مطاعم تقدم أكل حلال وخبرنا عن مطعم لبناني وعموما في الجزيره ماشي وايد مطاعم تقدم أكل حلال نرجع لتفاصيل هذا اليوم الطويل بعد ماطلعنا من الحوض مصروعين من الزواحف والحشرات تسبحنا ولبسنا وقررنا نطلع ندور مطعم نتعشى فيه واول ماوصلنا الرسبشن الا نشوف الطياطيير مصطفه ع ليدرا ( جدار ) الرسبشن من كل صوب حشا انصرعنا منهم وحسيت عبادي بدأ يخاف وحليله زيغناه ههههههههههههه المهم سألناهم كيف نقدر نسير المطعم قالوا هم عندهم خدمة تأجير السياره والساعه بـ 400 بات تقريبا بـ 50 درهم بس ناسيه هالمبلغ حق كم ساعه احتمال ساعه أو 4 ساعات أوووف ليش ناسيه هالمعلومات والقهر لما أسأل البنات أو بوعيسى عن أي معلومه كلهم يقولون مانذكر الحمدالله كانت السياره متوفره وأفضل تحجزون السياره قبلها بفتره عشان تضمنون انها موجوده طلبنا من الموظفه تسال المدير عن العنوان وتعطي السائق بس للاسف ماحصلناه فاعتمدنا ع نفسنا شغلنا جوجل ماب وحطينا اسم المطعم وطلعلنا مكانه وتمينا نحن ندلي الدريول تخيلوا فليل والاضاءه قليله والدرب طويل خذينا أكثر من نص ساعه ورغم هذا كنا نوجه السايق ونقوله وين يمشي ووين يلف لين وصلنا للمطعم بدون مانخربط ماشاءالله علينا حتى هو استغرب هههههههه أول ماوصلنا كان المطعم فاضي وهالشي ما أحبه أستقبلونا الموظفين اللبنانيين بحفاوه وسالناهم وأكدوا انه أكلهم حلال ( في ذمتهم ) يلسنا وتعشينا وكان مستوى أكلهم جيد بس عبادي هو اللي أكثر حب أكلهم بس عشان قالوا انه حلال الولد من وصل بانكوك وهو متعقد من هالموضوع وكله قرفان منهم ومن أكلهم ، حتى قالنا : مره ثانيه أنا مابسافر وياكم اي بلد أسيوي بس اوروبا والسبب انه متعقد من أيام كوريا لما تلعوزنا ونحن ندور اكل مناسب ومن الروائح الخايسه اللي كنا نشمها في كوريا فخلاص ربط في مخه انه تايلند مثل كوريا الحين بتركم تشوفون عشانا في المطعم اللبناني ع فكره المطعم له فروع في العاصمه بانكوك http://i1050.photobucket.com/albums/...ps260c9xm4.jpg http://i1050.photobucket.com/albums/...ps5yxvipjp.jpg http://i1050.photobucket.com/albums/...ps7p9giati.jpg http://i1050.photobucket.com/albums/...ps9gq6zplx.jpg ماصورت وايد المطعم كنا يوعانين المطعم له يلسات مطله ع البحر ويلسات داخليه في البدايه يلسنا صوب البحر بس كان هوا وشويه برد فخفت نمرض فقمنا ودخلنا داخل في فترة سفرنا كان الجو معتدل ولكن تكثرفيه الامطار والرياح http://i1050.photobucket.com/albums/...psjqrtzbgf.jpg هاي طلباتنا http://i1050.photobucket.com/albums/...psu1jxn1ri.jpg http://i1050.photobucket.com/albums/...pskyyy0za7.jpg http://i1050.photobucket.com/albums/...pscsuyknww.jpg http://i1050.photobucket.com/albums/...pst4tsf735.jpg http://i1050.photobucket.com/albums/...psaqkzh2sg.jpg http://i1050.photobucket.com/albums/...psvmtxrb8e.jpg http://i1050.photobucket.com/albums/...psmeuq1vev.jpg http://i1050.photobucket.com/albums/...psgrhsyv2n.jpg بعد ماتعشينا رجعنا مع السائق اللي خليناه يتريانا خفنا مانحصل سياره تكسي وبعد وحليله اشتريناله عشا ويانا وفي ردتنا مرينا اشترينا خبز سلايس للريوق في حالة لو ماقمنا حق ريوق الفندق وانا شاله ويايي أجبان وعسل وجام لزوم الافطار ولما وصلنا المنتجع حسيت عبادي خايف من الطياطير لأنه فعلا عددهم كبير خفت انه يلعوزني فليل ومايرقد بسبب هالموضوع ويتني فكره اني أحول خوفه لشي ثاني وقلتلهم شو رآيكم نعدهم كل يوم ويلسنا نعدهم ونضحك وطلعوا 17 واحد وعبادي نسى خوفه واندمج وعاش الدور وكل يوم يعدهم بس هذا مامنع انه أول ليله عاشها بصعوبه ولعوز خواته ومارقد بسرعه انا بعيده الحمدالله خواته كلوها ههههههه تابعوني في أحداث اليوم الثاني والمغامرات اللي عشناها في الجزيره |
رد: ايامي الحلوه في جزيرة كوسوماي Koh Samui الرائعه اليوم الثاني في جزيرة كوساموي نشينا انا وبوعيسى من النوم بدري وخلينا العيال راقدين ياخذون كفايتهم من النوم ونحن تمشينا لين مطعم المنتجع وشالين الجبن ويانا اليلسه حلوه الريوق لابأس فيه مب هذاك الزود لاتنسون انه المنتجع مافي حد الا نحن ويمكن عايله أجنبيه ريال ويا زوجته واظن روحوا عقب لأنه ماشفناهم وثاني يوم شفنا الاسيويات وعقب بعد ماشفناهم توا بوعيسى يقوللي انه منتجعنا كان فل ، هم قالوله جيه بس انا متأكده انه جذابين عنبوه فل وماشفنا حد طلع من فيلته فل والمطعم فاضي والرسبشن فاضي والمسبح فاضي والشاطئ فاضي كيف فل بالله عليكم هاي صور ريوقنا http://i1050.photobucket.com/albums/...psu2fy804k.jpg اخترنا طاولتنا تطل ع البحر http://i1050.photobucket.com/albums/...pspozzmw1j.jpg http://i1050.photobucket.com/albums/...ps8xd2otdx.jpg وفه يلسات من صوب الحديقه http://i1050.photobucket.com/albums/...psmslpi5ft.jpg http://i1050.photobucket.com/albums/...psb7gf11n8.jpg ما أدري ليش ماصورت صور أكثر لليلسات مع انه المكان كبير http://i1050.photobucket.com/albums/...psqohrzr8j.jpg http://i1050.photobucket.com/albums/...ps4j4nxdi7.jpg http://i1050.photobucket.com/albums/...psg2un6q0b.jpg http://i1050.photobucket.com/albums/...ps6kl7q2ch.jpg http://i1050.photobucket.com/albums/...psuspq4p2v.jpg http://i1050.photobucket.com/albums/...ps52tkactl.jpg وطلبنا بيض وسوولنا ياه http://i1050.photobucket.com/albums/...ps0cbzemol.jpg وهذا الشيخ اللي مرتز ويانا في كل سفراتنا http://i1050.photobucket.com/albums/...pss8dppauj.jpg وعقب ماخلصنا ريوقنا تمشينا ع البحر وعقب رجعنا عند العيال وريقناهم وتجهزنا واستعدينا لأول انطلاقه حقيقه في الجزيره واللي عشنا فيها وايد مغامرات قبل لآ أنتقل لأحداث هذا اليوم خلوني أخبركم بسلبيات المنتجع ورغم انها ماتعتبر سلبيات كبيره أكبر سلبيه في نظري كانت الوانالمنتجع وأقصد المطعم اليلسات ديكورات الفلل تشوفون الغالب اللون الابيض والاسود والرمادي وخصوصا المطعم كئيب رغم انه يلسته وموقعه ممتاز من وجهة نظري المنتجع محتاج لألوان فريحيه كوشنات فيها زخارف وورود المنتجع محتاج من يرويه بالالوان ويضيف بهجه وسعاده لم شفت الصور من موقعهم شفت انه فيه مخدات برتقاليه محطوطه ع الارض مجابله الشاطئ بس لما كنا هناك ماشفتها ولما كلمت المدير في هاي النقطه خذا نفس عميق ورد وهو متطفر الظاهر بعد هو يعاني من هاي النقطه ، وقال انه أصحاب المنتجع وهم استراليين يحبون هاي الالوان ومايحبون الوان ثانيه قلتله اللي يحبونه يسووونه في بيتهم ع ذوقهم ، ولكن حق البزنسس لازم يشوفون أذواق الزبائن السلبيه الثانيه المنظر الخلفي من الفيلا ممعتنين فيه مثلا غرفتنا جدارها الامامي والخلفي كله زجاج والحمام عزكم الله الجزء الخلفي منه زجاج ويطل ع الجهه الخلفيه وهالمكان ميت وفيه بقايا أوساخ ومن رأيي انه يسوون حديقه جميله من الورود والاشجار وتكون نظيفه ومرتبه وتعطي منظر جمالي للخلفيه المطله ع الغرفه والحمام السلبيه الثالثه الريوق كان مقبول ولازم يهتمون فيه مب شرط الكميه انما في الاختيارات والتنسيق لأنه اذا الزبون عجبه المكان من كل النواحي فهو بيجذب زبائن غير السلبيه الرابعه موقع المنتجع كان شوي بعيد عن الحياه ومركز المدينه في الأخير رغم السلبيات اللي قلتلكم ياها الا انه مايمنع انه المنتجع حلو وسعره حلو ويستاهل التجربه تابعوني في مغامراتنا في هاليوم |
رد: ايامي الحلوه في جزيرة كوسوماي Koh Samui الرائعه الله المستعان الحمدلله انه عندج نسخة ثانية و الا جان الضغط ارتفع:yolks00210: انا ساعه يالسه اكتب موضوع من غير صور في الايباد و يوم ييت بسوي كوبي انمسح:yolks00400: متابعين الغالية |
رد: ايامي الحلوه في جزيرة كوسوماي Koh Samui الرائعه ما قصرتي ام عيسي وشاكرين لك المواقف شينه وتسبب قلق للواحد لكن نقول خيره والحمدلله ابوعيسي صار زين أجل كلكم اذا شفتو هالزواحف ورا ابوعيسي علي طول الله يخليه لكم المنظر حلو http://i1050.photobucket.com/albums/...ps0empjunx.jpg ما فيه شيء يكون حلو والسلبيات شاكرين لك ذكرتيها بس قلتي مسبح عائلي عام ممكن توضحين اكثر |
رد: ايامي الحلوه في جزيرة كوسوماي Koh Samui الرائعه الله يسعدك يا ام عيسى دوم صاحبة قلب كبير و الله المنتجع روعة رغم السلبيات وقفة شامخة للشيخ كرافت يعجبكم مثلي :(37): |
رد: ايامي الحلوه في جزيرة كوسوماي Koh Samui الرائعه ما شاء الله أي شيء له علاقة بالماء ( بحر أو مطر ) يكوون جميييييييل موضوع أكثر من راائع .. الله يعطيك العافية |
رد: ايامي الحلوه في جزيرة كوسوماي Koh Samui الرائعه معك حق الألوان الها دور كبييير جدا في النفسية ... حتى لما تشوفي صورك في مكان فرايحي بتحبيها أكتر من مكان بالأبيض والأسود .. متابعين معك وشاكرين لنقل الصورة الكاملة مع السلبيات |
رد: ايامي الحلوه في جزيرة كوسوماي Koh Samui الرائعه شكرا لك ام عيسى على هالتقرير الجميل بخاطري ازور هالجزيرة من كثر ما سمعت عنها ناس تقول هادية وتقهر من هدوءها وناس تمدحها لجمالها وتصلح للعرسان بس ان شاء الله ازورها قريب اما الزواحف الكريهه وخصوصا البريعصي فهو عدوي اللدود في كل شرق اسيا كريييييييييييييييييه ويشوفته تقمت القلب واصلي متابعينك،،:(89): |
رد: ايامي الحلوه في جزيرة كوسوماي Koh Samui الرائعه الحمدلله على سلامة بوعيسى تقاريرج دائما مميزه وسجلنيي من المتابعين |
رد: ايامي الحلوه في جزيرة كوسوماي Koh Samui الرائعه اقتباس:
لكن الحمدالله رجعنالكم بس موقفج يقهر وياما استوتلي مثل هالحركات اقتباس:
العفو فيصل واللي صار مب ايديكم ههههههههههههههههههههههه ع طول المسكين تشلبحنا فيه مسبح عائلي عام يعني أقصد انه المسبح في المنتجع للجميع للعوائل أو غيرهم ولكن بدون خصوصيه ولكن مسبحنا كان خاص اقتباس:
ويسعدك ربي انتوا تستاهلون كل خير ومنتدانا يديد وممكن تصير مثل هالمواقف ، ونحن ان شاءالله بنتخط المصاعب معاكم فعلا المنتجع روعه ههههههههههههههههههههه الصراحه يتساهل نسميه شيخ :(47): مايخلى من بيتنا اقتباس:
ويعافيك ربي اللي يحب البحر بيحب الجزر وانا مب راعيت بحر ورغم انه وايد حبينا الجزيره بس ممتشجعه أسير مره ثانيه جزر اقتباس:
الالوان وايد لها تأثير ممكن تسعدج وممكن تضايقج والصراحه رغم جمال المكان اللي انه اشعرني بالاكتئاب وخصوصا المطعم اقتباس:
زوريها وايد بتحبينها ، أحسها نظيفه وراقيه وفيها وايد أنشطه وماحسيت بالهدوء الكبير اللي سمعتي عنه اقتباس:
الله يسلمك يارب ياسلام وهذا من حظي الحلو متابعتكم لي ومشاركاتكم |
رد: ايامي الحلوه في جزيرة كوسوماي Koh Samui الرائعه يوم المغامرات قبل مانبدأ برحلة اليوم خلوني أخبركم عن موقع فندقنا هاي خريطة الجزيره http://i1050.photobucket.com/albums/...pshhwgsvrb.jpg لها عدة شواطئ بس أشهرها شاطئ ليماي وهو اللي تتركز فيه الكثير من الفنادق وسنتر ليماي هو الحيوي واللي فيه تكثر المطاعم والاسواق تشوفون السهم هنيه موقع فندقنا عاد لاتضحكون عليه أنا مال أول وبدائيه أصورلكم من فوني وأحددلكم بقلمي http://i1050.photobucket.com/albums/...psc8vwlxbe.jpg الدائره الثانيه اللي عقب فندقنا هنيه موقع فندق بنيان تري اللي كنا بنسكن فيه http://i1050.photobucket.com/albums/...pstadn7vmo.jpg والدائره اللي فوق هذا فندق W http://i1050.photobucket.com/albums/...pshfqr4oq9.jpg مثل ماتلاحظون انه نحن شويه بعيد يعني المطار كان يبعد ساعه أو ساعه الاربع بس تدرون ماكنا نحس بالبعد ولما نتمشى بالسياره نيلس نتفرج ع الجزيره رحلة اليوم لما سرنا عند الرسبشن سالناهم عن مكان مناسب نزوره والاماكن كثيره http://i1050.photobucket.com/albums/...psyzjzhqoa.jpg وبعد مناقشات طلبنا منهم نزور شلالات وتكون قريبه منا والجزيره فيها وايد شلالات شوفوا موقعها من الخريطه http://i1050.photobucket.com/albums/...psc8vwlxbe.jpg أجرنا السياره لمدة كم ساعه بمبلغ معين نسيت كم ؟ وقلنا بنزور الشلال وعقب بنزور مكان فيه صخره معينه ع البحر مثل معلم سياحي والمنظر من هناك حلو للتصوير حسب كلامهم وبنسير كم مكان ، ولكن اللي صار وتفاجأنا فيه لما وصلنا مكان الشلال اكتشفنا انه المكان سياحي ويشمل عدة أنشطه http://i1050.photobucket.com/albums/...psmzl7vx4d.jpg الشلالات عروض للقرود عروض للطيور ركوب الدراجات http://i1050.photobucket.com/albums/...psfg4zzhtg.jpg ركوب الفيله http://i1050.photobucket.com/albums/...psnlexakat.jpg وفيه كوفي شوب والصراحه ما أدري اذا فيه أشياء ثانيه ماانتبهت عليها http://i1050.photobucket.com/albums/...psmyqlmvmk.jpg انبهرنا بالمكان ويلسنا فيها تقريبا 4 ساعات اللي يبا يسير مثل هاي الرحله لابد يراعي هالنقاط : 1- تسيرون بدري 2- لبس ملابس قطنيه خفيفه 3- جواتي أو نعله مريحه 4- اليهال لبسوهم كابات تحميهم من الشمس 5- ماتحتاجون ماي وعصاير هناك موجود 6- ممكن مظله لو مطرت فجأه 7- لبس السباحه وفوط ولوازمه للشباب واليهال للي يبا يتسبح عند الشلال نتابع رحلتنا أول مانزلنا سرنا الكاونتر وحجزنا تذاكر للشلال ولركوب الفيله حق العيال بس أنا وبوعيسى مابغينا وحجزنا حق ركوب الدراجات انا والعيال بس http://i1050.photobucket.com/albums/...psjac4zysp.jpg http://i1050.photobucket.com/albums/...psuh3tb6ed.jpg http://i1050.photobucket.com/albums/...ps2e37yhjc.jpg http://i1050.photobucket.com/albums/...ps5z2ji2c6.jpg http://i1050.photobucket.com/albums/...ps2e37yhjc.jpg http://i1050.photobucket.com/albums/...pskgyjfof9.jpg المكان حلو ومرتب http://i1050.photobucket.com/albums/...pslax9ve7x.jpg http://i1050.photobucket.com/albums/...psizj1wqdk.jpg http://i1050.photobucket.com/albums/...pskdvkten1.jpg عشان نشوف الشلال لازم نركب سياره جيب ونربط الاحزمه وفيه كرسيين فوق السياره الجيب اللي يبا ايلس فوق http://i1050.photobucket.com/albums/...psfhq8cwmi.jpg البنات صعدوا فوق عشان يصورون وانا وبوعيسى وعبادي ركبنا ورا في الجيب مع الاجانب وتحركت السياره اللي تصعدنا ع جبل وتمشي في ممرات وعره تخبطنا عدل والبنات فوق أسمع صريخهن ، الصراحه خفت وحده منهن تطيح وعقب مسافه وقفت السياره ونزلونا وبدينا نمشي ع جسور متهالكه وحبال لين نوصل الشلال وهنيه عندي ملاحظه صحيح المكان مب خطر وايد بس المفروض هالجسور يضبطونها ويخلونها أكثر أمان لو لاسمح الله حد طاح ممكن يتعور لأنه تحت كله حصا http://i1050.photobucket.com/albums/...psgkyj3jbo.jpg http://i1050.photobucket.com/albums/...psao0poywl.jpg طبعا أنا اوقف وانا ع الجسر واصور الشلال http://i1050.photobucket.com/albums/...psskpgvre1.jpg http://i1050.photobucket.com/albums/...psygdmtqer.jpg http://i1050.photobucket.com/albums/...psm4uloxeh.jpg http://i1050.photobucket.com/albums/...pswigj4kzx.jpg وبعد ماعبرنا الجسور وصلنا لمنطقه وجابلنا هالشلال اللي صورته لكم ، ولكن هاي كانت المرحله الأولى http://i1050.photobucket.com/albums/...ps3utjr23z.jpg http://i1050.photobucket.com/albums/...ps678cat2r.jpg المرحله الثانيه نصعد الجبل وبعض الصعدات فيها درج وبعضها منحدر نمشي عليه قال بوعيسى لين هنيه وبس ومافي داعي نسير المرحله الثانيه :yolks00700: انا والبنات احتجينا وقلناله نبا نشوف الشلال العود:yolks00430: قال المكان خطر ويزحلق :yolks00800: قلناله مثل ما الاجانب يركبون نحن بعد :yolks00210: تحت اصرارنا ماقدر المسكين يعترض :(34): وبدينا المرحله الثانيه :(127): ونفس الملاحظه واللي فعلا مستغربه منها ليش مايعدلون هالمكان ويحافظون ع سلامة الناس مستحيل في اوروبا تلقون أماكن سياحيه مثل جيه وممهتمين فيها توكلنا ع الله بوعيسى ماسك عبادي وأنا والبنات كل وحده شاله عمرها وبدينا مرحله صعبه من التسلق http://i1050.photobucket.com/albums/...psxxwdwdwq.jpg http://i1050.photobucket.com/albums/...pse2afsmh0.jpg نمشي ونشوف الماي اللي نازل من الشلال http://i1050.photobucket.com/albums/...ps9nwbxokr.jpg الصراحه المكان وعر وصعب ويزحلق ولازم تتحذرون وايد وتكون نعلتكم مناسبه والافضل تكون جوتي http://i1050.photobucket.com/albums/...pspwugbtej.jpg وصلنا بعد جهد كبير وصلنا وعرقنا وايد من الحر والمجهود وكنا وايد عطشانين ، بس الحمدالله شفنا هاي الصندقه في ويهنا http://i1050.photobucket.com/albums/...psvftsqmpz.jpg ع طول تناولنا شي بارد نشربه وكان فيه طاولات وكراسي يعني هي استراحه وعداله الشلال العود والناس عدال الشلال ، منهم يتسبح ومنهم يتصور ومنهم يالس يتفرج ووايد يهال وعوائل عاد انا وبناتي سرنا عدال الشلال وهناك كلها أحجار كبيره لازم تحاسبون وانتوا تمشون بوعيسى وياعبادي يلسوا عند الاستراحه وهالثنين دوم متعاونين علينا :yolks00700: وطبعا بوعيسى مب عايبنه انه يينا هنيه :(48): الصراحه أنا ما الومه لأنه كان وايد خايف علينا http://i1050.photobucket.com/albums/...psnduon2vv.jpg http://i1050.photobucket.com/albums/...ps4f17symg.jpg http://i1050.photobucket.com/albums/...pszmo7mtpw.jpg المكان حلو وأحلى من الشلال الصغير وانا بعد انشغلت بموضوع ثاني :(34): الله يسلمكم لفت نظري واحد هندي يصور زوجته بكاميرا احترافيه وهي تسوي حركات وهو يصورها وياخذلها اللقطات وانا فاجه حلجي أتفرج هههههههههه لين يانا النداء من بوعيسى :(49): يالا بنروح من هالمكان رجعنا عنده وجان نقوله يقولون فيه بعد مرحله ثالثه وشلال ثاني فوق وطيور :(148): مافي داعي أقولكم الجواب :203: رجعنا نجر أذيال الخيبه انه ماصعدنا المرحله الثالثه هههههههههههههههه :203: وطبعنا رجعنا من نفس الاماكن ونفس الجسور والمنحدرات وكله وفي الأخير ركبنا السياره الجيب وهاي المره البنات ركبوا ويانا لأنه فيه أجانب خذوا مكانهم اللي فوق وعقب مانزلنا سرنا النشاط الثاني :(34): |
رد: ايامي الحلوه في جزيرة كوسوماي Koh Samui الرائعه __ تقرير مممتاز والله اقتباس:
هههههههههههههههههههههههههههههههههههههه :(47): والله رحلة حلوة وابو عيسسى الله يهديه مايحب المغامرات هي حلات السفر بمغامراته يعطيك العافيه |
رد: ايامي الحلوه في جزيرة كوسوماي Koh Samui الرائعه رووووعه ام عيسى مغامرات رائعه .. كل الشكر لك ماقصرتي هولمز |
رد: ايامي الحلوه في جزيرة كوسوماي Koh Samui الرائعه مغامراتك حلوة ويا ركره الشلالات كل الطرق لها نفس الطريقة اتذكر بتايلند زرنا شلال وعصبت على ابو العيال على هالمكان :(2): كنت خايفه ازلق انا والا العيال ونبتلش ونقول يا ريت اللى جرا ماكان لكن الحمد لله دائما استودع نفسي وعائلتي بكل مكان متابعينك كملي,,, |
رد: ايامي الحلوه في جزيرة كوسوماي Koh Samui الرائعه قريت التقرير بس ما شفت الصور ... بس ما عليه برجع اقرا التقرير من البيت ... |
رد: ايامي الحلوه في جزيرة كوسوماي Koh Samui الرائعه ان شاء الله خيره ان التقرير راح الله يعطيج العافيه ام عيسى وعساج على القوه على هالمجهود الكبير والتقارير الممتعه :(114): اقتباس:
ههههههههههههههه اي والله ندري :shutup: الفندق وااااااايد عجبني واضائته فليل روعه احب هالنوع من الاضاءات تستاهلين سلامه ابوعيسى خطاه الشر ان شاء الله اي والله مقلب السايق بعظهم ماعندهم اخلاق مهنيه على الاقل يعتذر مب يوهقكم بهالطريقه بس الحملله رب لعالمين يسرها لكم ولحقتو هلى الطياره حمام السباحه والريوق روعه بهالمكان توفقتو في اختيار السكن ماشاء الله حتى البريعصي مالهم مرتب احسن من الي عندنا الدفش هههههههههه الله يسامحج ام عيسى :( اعجيتني الفله من الداخل في خاطري اسكن فيها الديكورات ناعمه ومودرن والمان يشرح الصدر ويشيل الهموم وللمره الثانيه اقولج توفقتو في السكن ماشاء الله الف شكر على ذكر السلبيات بالمنتجع بس الحمدلله اشوف الايجابيات تغلب السلبيات بمراحل وراجع ليوم المغامرات ان شاء الله ماشاء الله عليج يا ملكه التقارير دوووم مبدعه في طرحج عساج على القوه :(114): |
رد: ايامي الحلوه في جزيرة كوسوماي Koh Samui الرائعه الجيب اللي ركبتوه كان من ضمن رسوم الدخول او له رسوم خاصه مشكله الشلالات دائما او اغلبها طريقها مو سهل خاصه بالصعود واللي ما عنده لياقه شكرا لك |
رد: ايامي الحلوه في جزيرة كوسوماي Koh Samui الرائعه اقتباس:
هههههههههههههههههههههههههههه لاتحاتي لو ماحطيت الصوره جان كتبت بكل اللغات وفهمتكم منو هو الطيطار هههههههه ابو عيسى دومه جيه مكسر مجاديفنا بما معنى محبطنا يوم كنا في أفريقيا البنات بغوا يسيرون رحله بحريه يطعمون فيها القروش وطبعا رفض ولما احتجوا البنات قال أنا مابسير وقلتله مستحيل أخلي بناتي بروحهم هو تم وياعبادي وانا والبنات سرنا هاي الرحله اللي تعبتر من أخطر واصعب الرحلات اللي سويتها في حياتي وقلنا زين مايا ويانا جان بيتم يلومنا طول الوقت هههههههههههههههه بس شو صار وشو سويت هاي بعدني مابخبركم عنها لازال عندي أمل أنزل تقريري الافريقي وأزيدك بعد كنت ناويه أنزل بالباراشوت أنا والبنات وكنا حاجزين خلاص وبوعيسى مستغرب ويقول صدق بتنزلين أقوله هيه اذا يابولي حرمه بنزل بالبراشوت شو يعني اقتباس:
الجزء الياي فيها مغامرات أحلى لاتفوتكم بحاول اليوم فليل أنزل شي يديد الحين ما أقدر ورايه هياته يعني طلعه هههههه اقتباس:
نحن العكس بو العيال هو اللي يعصب علينا ونحن كله نحتج هههههههههههه ياختي الاجانب كلهم مجدمين شمعنى نحن فينا هالخوف والجبن المغامره اليايه أحلى بس خليج متابعتني |
رد: ايامي الحلوه في جزيرة كوسوماي Koh Samui الرائعه الحمدلله على سلامة بوعيسى وأجر عافية إن شاء الله تعالى ام عيسى كل يوم تثرين البوابة بتقارير وصور ..... ما شاء الله عليج والله يبارك فيج وفي صحتج على جهودك ونشاطك الف شكر لج على تعبك |
رد: ايامي الحلوه في جزيرة كوسوماي Koh Samui الرائعه اقتباس:
بترياج تشوفينه وتعطيني رآيج ياجميل اقتباس:
هيه والله يمكن خيره ، الحمدالله ع كل حال الله يعافيك ويسلمك الاضاءه رومانسيه الله يسلمك يارب ويبعد عنكم الشر صدقت والله ماعنده أخلاق ، ويمكن حصلت عرض أفضل وعشان جيه طنشنا المنتجع جميل ورايق وسلبياته بسيطه طيطارنا وولد عز تلقى كل واحد كرشته شكبرها ههههههههههههههه شكرا ع مشاركاتك الحلوه :(114): اقتباس:
زيارة الشلال برسوم وكل عرض أو نشاط له رسوم وتقدر تجمع كم نشاط مع بعض واعتقد يكون السعر خاص ولما حجزنا الشلال أعتقد انه الجيب كان من ضمنه لأنك ماتقدر تروح للشلال بدون صح كلامك بس في أوروبا يسهلولك الوصول عند الشلال وبدون خوف ع سلامتك بس في الجزيره كانت الجسور عباره خشب متباعد والجوانب حبال وفتحات وسيعه بصراحه المكان مافيه آمان ولازم الواح يحاسب ويسحاسب ع اليهال بالذات اقتباس:
الله يعافيك ويسلمكم العفو أخويي كم يسوى انه أحصل دعوه جميله بظهر الغيب من شخص أستفاد مني ونورت طريجه في السفر والحمدالله انه الله قدرني ع العطاء والله يقدرني وأعطي أكثر اللهم آمين ولك بالمثل |
رد: ايامي الحلوه في جزيرة كوسوماي Koh Samui الرائعه اقتباس:
تستاهلين كل خير وفوقهم شهادة ودرع من المنتدى |
رد: ايامي الحلوه في جزيرة كوسوماي Koh Samui الرائعه نتابع معاكم مغامراتنا عقب ماخلصنا جولتنا عند الشلال يادور ركوب الفيله وهالنشاط بس حق اليهال أنا وبوعيسى مابغينا ، سبق ركبنا الفيل ومالنا خاطر اركبوا عيالي وراحوا في جوله مع الفيل وأنا وبوعيسى يلسنا في كوفي شوب نشربنا شي ومجابلين منصة ركوب الفيله ونتريا العيال يوصلون عشان نصورهم http://i1050.photobucket.com/albums/...psnb3edpzw.jpg http://i1050.photobucket.com/albums/...psv96p4qlz.jpg http://i1050.photobucket.com/albums/...pslce2qxac.jpg http://i1050.photobucket.com/albums/...psju2ioyfb.jpg http://i1050.photobucket.com/albums/...ps2bcupcal.jpg http://i1050.photobucket.com/albums/...pssro54hf0.jpg http://i1050.photobucket.com/albums/...psekhsm261.jpg سامحوني مابقدر اعطيكم اليوم الا هالجزء الصغير فيي رقاد ، ان شاءالله بكمله في أقرب فرصه بس عندي لكم خبر حلو حصلت صور زياده للشلال ما انتبهت عليهم ، بنزله تحت صور الشلال تابعوني ... |
رد: ايامي الحلوه في جزيرة كوسوماي Koh Samui الرائعه متابعين معاك الله يسلمج |
رد: ايامي الحلوه في جزيرة كوسوماي Koh Samui الرائعه ] |
رد: ايامي الحلوه في جزيرة كوسوماي Koh Samui الرائعه رووووووووووووعة قليل في حقه بس الا سالفة الطياطير ... ما كنتي تدرين انهم موجودين صح .. بس ما عليه اذا قررتي تسيرين مره ثانية شلي وياج تفج ( امسجبة ) :(58): احلى شي كان الحوض .. انا لو منج بتم فيه طول الوقت ... اطلع حرتي ع الاقل خخخخخخ ان شاء الله في المرات الياية تنزلين في فنادق ثانية ... من وجهة نظرج هدواه الجزيرة كم يوم تستاهل ... |
رد: ايامي الحلوه في جزيرة كوسوماي Koh Samui الرائعه اختي هداوه تقرير جميل وجزيره ساحره جدا بس لو تكرمتي تعطينا اسعار الفلل والكاكولات وثمن التذكره وفي اي شهر سافرتي اختي العزيزه |
رد: ايامي الحلوه في جزيرة كوسوماي Koh Samui الرائعه [SIZE="5"] هلا و غلا بأم عيسى اولا الحمدلله على عودة المنتدى ....و ثانيا حمدلله على سلامتكم أنا ما قرأت شي من التقرير لحد الحين بس متأكدة أنه رائع كروعة تقاريرك السابقة....و ان شاء الله لي عودة لقراءة التفاصيل الجميلة بس أنا ما فاهمة انتي ليش تخافي من الحشره اياها...على قولتك الزواحف...تحسسيني كأنكم شفتوا تمساح:yolks00500:...بالعكس أن أحس الوزغ مسالم و خجول. |
رد: ايامي الحلوه في جزيرة كوسوماي Koh Samui الرائعه vرائع التفاصيل والصووووووووووووووووووووووووووووور |
رد: ايامي الحلوه في جزيرة كوسوماي Koh Samui الرائعه اقتباس:
ويسلمك يارب اقتباس:
اقتباس:
ههههههههههههه أعجبج :(153): عساه دوم الضحكه ع ثغرج الجزء الياي مغامرتها أحلى اقتباس:
حبيبتي ، شكرا :(125): كنت أدري اني بحصله ومهيأه نفسي لهم :yolks00700: لو شفتي الطياطير والحشرات مابتقولين جيه ما أعتقد أزورها مره ثانيه ، أصلا ما أظن أزور جزر مره ثانيه الا اذا جزر مب اسيويه مال 5 أيام جيه اقتباس:
انا خبرتكم عن سعر الفلل وعموما سعر الفلل ولا التذاكر تختلف بحسب الاوقات اللي بتسافرون فيها ونحن سافرنا في شهر 1 الظاهر قاري التقرير ع السريع لأني كاتبه التفاصيل :(153): اقتباس:
الله يسلمج يالغاليه وشكرا حبيبتي هذا من ذوقج التمساح عندي أهون منه ما أدري سبحان الله أقرف منه ، كل أحس انه بيطيح عليه أصلا من السنه انه نقتله اقتباس:
ومشاركتك أروع |
رد: ايامي الحلوه في جزيرة كوسوماي Koh Samui الرائعه نتابع فعاليات هذا اليوم بعد ماخلصوا العيال ركوب الفيله سرنا عند النشاط الأحلى وهو ركوب الدراجات http://i1050.photobucket.com/albums/...psfg4zzhtg.jpg عاد أنا تحمست أركب الدراجه وبيني وبينكم كنت خايفه لأني من زمان ماركبت لبسونا خوذه وكل واحد من عيالي ركب دراجته وكان معانا أجانب وكنا مجموعه وطلعوا معانا اثنين من المرشدين واحد جدامنا بدراجته والثاني ورانا في البدايه استغربت ليش نحن قروب وليش هم معانا ، ولكن بعد ما انطلقنا معاهم قلت الحمدالله انهم معانا يمشونا وسط الزراعه في ممرات خاصه ووعره بالاضافه انه فيه صعدات ونزلات ومنحيات وساعات نمشي ع الماي وع حصى وع طريق مرصوف وع رمله http://i1050.photobucket.com/albums/...psjm4vnk1b.jpg والأخطر انه نمشي والفيله تمشي عدالنا ونحن منطلقين فجأه دعمني عبادي ودخل جزء من دراجته في دراجتي والله الحمدالله الله سلمنا نحن الاثنين وتمينا فتره واقفين لين ماقدروا يفكون الدراجتين والاجانب متضايقين لأنه معطلينهم وبعد مافكها الريال قال لعبادي انه يركب معاه طبعا عبادي احتج يبا بروحه وانا قلت الحمدالله انه الريال عصب وخذاه معاه في دراجته أرتحت وبعدها انطلقنا عدل http://i1050.photobucket.com/albums/...ps0ie9as8w.jpg http://i1050.photobucket.com/albums/...pswvz3v0w5.jpg وانا أسوق وأنبه البنات تصدقون طلعت انا أسوق أحسن عن بناتي وشفت اني وايد أعرف أتحكم فيها يمكن عشان أنا أسوق سياره وعندي خبره وماتتخيلون كيف انبسطت وااااايد استانست ماتوقعت اني بعيش هاي المشاعر حسيت اني رجعت صغيره فله والله لايفوتكم :(34): بعد ماخلصنا ركوب الدراجات خلص الوقت ولازم نطلع لأنه مافيه شي نسويه عروض القرود والثعابين فاتنا مالحقنا عليهم كان السائق يتريانا طلبنا منه يودينا نتعشى في مطعم من اختيار البنات تابعوني .. |
رد: ايامي الحلوه في جزيرة كوسوماي Koh Samui الرائعه الحمدلله على سلامتكم وزين سويتي خليتي عبادي مع الريال وعليكم بالف عافية متابعين معاج ..........والف شكر لج على نشاطك وجهدك |
رد: ايامي الحلوه في جزيرة كوسوماي Koh Samui الرائعه بالعافيه عليكم يوم قلتي ركبت الدراجة على طول تذكرت عمري و يتني الضحكه :yolks00250::yolks00250: انا وأيد اخاف من الدراجات بس أجازف و اركب و امشي شوي شوي :(155): و مرة في خاطري اركب بس النسايب ويانا استحيت جان أسير فوق عَل العرقوب و نتمشى ورا شفت ولد اختي قلت عطني شوي بسوق و عطاني و اول ما مشيت الا رفعة و شيرة صغيرة جدامي و اركب و ترتفع الدراجة بس الله سلمني ما انجلبت و الشعب طبعا كلهم يضحكون عليه :yolks00520: لأنهم يالسين فوق و اليهال مصخروني صراحة ما شاء الله عليهم أحسن عني و ما يخصه اذا تسوقين سيارة عادي انا أسوِّق بس السياره غير عن الدراجة لين الحين فيني الضحكة :yolks0010: متابعين المناظر الجميلة |
رد: ايامي الحلوه في جزيرة كوسوماي Koh Samui الرائعه ذكرني هذا الشلال بشلال زرناه في اندونيسيا...نفس المغامرات و الصعوبة... خاصة كان معنا 4 أطفال بس لحد الحين أعاني من مشكلة في الركبة بسبب زيارتي للشلال [BIMG]http://i1050.photobucket.com/albums/s417/hadawauae/Bankok/water%20fall/Image00032_zpszmo7mtpw.jpg[/BIMG] |
رد: ايامي الحلوه في جزيرة كوسوماي Koh Samui الرائعه مرحبتين بأم عيسى تقرير رائع كما تعودنا منك و اريد استشارة بحكم خبرتك و تجربتك، ايهما ترشحي للي يزور تايلاند لأول مره: جزيرة بوكيت و الا جزيرة كوسوماي؟ وصلي ابداعك و نحن نواصل متابعتك |
| الساعة الآن 12:00 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO