07-01-2015, 11:56 AM
|
#7 |
عضو قدير
تاريخ التسجيل : Dec 2014 رقم العضوية : 128 المشاركات : 965
|  رد: فندق كانتون Canton Hotel .. و المناطق المجاوره له ..
شارع بكين , قريب من فندق كانتون
مشي تقريباً 5 دقائق
و هذا الممر المؤدي لشارع بكين
و هوشبه فاضي لانه تقريباً خاص بالفندق
اول ما ندخل شارع بكين , تقابلنا هذي الزينه مغطيه الاشجار بامتداد الشارع
في الصوره عاليسار بالارض غرف زجاج
هذا الزجاج يغطي مقابر لجنود صينيين ,
تم تخليد ذكراهم و المحافظه على شارع بكين بصورته الاصليه بتغطية الاجزاء المتبقيه بالزجاج ..
ممنوع احد يمشي عالزجاج , و كل ما طاحت ورقة شجر , نظفوها .
.
يتميز شارع بكين بانه ما يقفل بالليل بدري , يمكن الى الساعه 12 بالليل المحلات مفتوحه
في الشارع مطاعم و كفيهات
و محلات كبيره و كوشكات
من اهم المطاعم اللي نعرفها ماكدونالدز و ستار بوكس
و فيه اللي يجمعون تبرعات لبناء مساجد - لكن صاحب المكتب حذرنا من التعامل معهم
و فيه بائعين متجولين كثير , الجمله اللي راح تسمعها طول ما انت بالشارع :
copy bag - copy watch
copy bag - copy watch
طبعاً الشارع مزدحم جداً , لكن زحمه ممتعه , و تقابل جميع الجنسيات اللي ما تخطر لك على بال
و نصيحه / المكاسره و المفاوضه بالسعر مطلوبه
و بقولكم على موقف بسيط : في سوق الالكترونيات لقينا شواحن جوال بـ 100 ريممبي
و بعد المكاسره اخذنها بـ 18 ريممبي
و في المقابل : في سوق الشنط لقينا شنطه بـ 1000 ريممبي
و طلبناها بـ 500 , و عصبت صاحبة المحل و رفضت تنزل واحد ريممبي , و رفضت تبيعنا - اعتبرتها اهانه !!!!
فيه محلات تشبه محلات العطاره تبيع شغلات مجففه غريبه عجيبه
و فيه كشك يبيع آلة تغليف يدويه صغيره
فكرتها رائعه , و شفتها بتقرير اخت اماراتيه - الله يجزاها خير - و اعجبتني
لكن للاسف البياع غشاش - كان مفروض جربنا كل القطع عنده
اشتريت من عنده تقريباً 30 قطعه
و طلبها من المستودع , و انتظار و شحن و عفسه , و بالاخير طلع نصاب
فتحنا الاله من الداخل و لقينها فقط هيل خارجي و مكان للبطاريه 
و هذي صورته للتنبيه
.
في شارع بكين مجسمات كثيره , يصعب تصويرها من كثرة البشر
هذا واحد من المجسمات
رأيي الشخصي في فندق كانتون
الفندق قديم بصفه عامه و الغرف فيها شوي كآبه و جمود ..
بالنسبه لفنادق نفس المنطقه , يعتبر تقريباً الاغلى ..
مره وحده نزلنا نفطر و كانت ريحة الاكل لا تطاق غير ان اكلهم ما يجوز لنا
((( ذهبنا للصين عدة مرات - و لهذي الاسباب و اسباب اخرى - رفضت الاقامه فيه )))
الا ان من اهم ميزاته :
وجود مسجد - حديقه و قربه من شارع بكين
قريب من المطاعم العربيه و شارع العرب - مشي 15-20 دقيقه , كنا نروح نتعشى مشي و نرجع مشي ..
قريب من مركز مساج علاجي رائع , مشي 7-10 دقائق
توفر آالات الصرف داخل بهو الفندق - يعني تسحب و تصرف بأمان
التاكسي دائماً متوفر عند الفندق , و اي تاكسي من اي مكان يعرف فندق كانتون
موظفي الاستقبال يتحدوثون انجليزي بطلاقه و متعودين على جميع الجنسيات
المصاعد مريحه و سريعه
اعجبني انهم مغطين الفندق تماماً بالاكسسوارات الصينيه : تنين و كور حمر و ورد احمر
اخيراً .. هذي اجمل صوره
فيها صورة منتداي الحبيب - معي في الحل و الترحال
و بما ان هذا اول تقاريري في منتدانا الجديد , بهذي المناسبه الجميله , احب اقدم شكر خاص :
لمديرنا و اخونا فيصل
و اخونا المسؤل الاداري zazaz
و اخونا مشرف بوابة الصين kenken
(( اتحملو استفساراتي و ملاحظاتي طول الرحله ))
جعلنا الله و اياكم مفاتح للخير مغاليق للشر ..
| توقيع : ام عزيـــز | |
اذا قرأت "اليس الله بكاف عبده" فكل المخاوف تتبدد ..
و إذا قرأت "ادعوني استجب لكم" فكل الاحلام تتجدد ..
|
التعديل الأخير تم بواسطة ام عزيـــز ; 07-01-2015 الساعة 11:11 PM |
|  |
35الاعجاب
العرض الشجري
المواضيع المتشابهه 
