سفرتي ليلة العيد ولين الحين ضايعه ، أرشدوني :D

وجهات أوروبية · 22-09-2015, 12:15 AM

اقتباس : المشاركة الأصلية كتبت بواسطة deer

السلام عليكم

عليكم السلام ورحمه الله وبركاته

كيف حالكم يالمسافرون

بخير يا مسافره بالعيد ههههه
وانتي شخبارج

سفرتي ليلة العيد يوم 23 بالليل والوصول يوم العيد بإذن الله يوم الخميس ، الظاهر بنعيد في الطياره : /
كنا متوقعين الشهر ناقص وبنعيد في ديرتنا ونعين خير بس مازبطت معنا

الله يكتب لكم الخير والتوفيق ان شاء الله

طبعا اول سفره لي لاوروبا و لي شهر أحوس يابلفيت ابي اعتمد على نفسي بس بالنهايه خفت
حنا 3 ، أنا و أمي و أخوي

بنقعد ان شاء الله 6 ليالي في باريس من 24 الى 30 سبتمبر ؛ حجزت في شقق فريزر في اللاديفانس
و 3 ليالي في ديزني من 30 الي 3

على خير ان شاء الله

الحين انا حددت وين ابي اروح بس مابي يضيع وقتي بالتنقلات
وبعد بعض الايام احس انها فاضيه يبيلها تعبأه وانتو مو مقصرين

انا برتب لج الاماكن حسب قربها من بعض
تطمني لاتحاتين

أول يوم
بنريح شوي بالفندق وبعدها بنتمشى في الشانز ونروح قوس النصر و نتسوق ؛ من اولها سوق
برج ايفل ؛ بس للآسف مالقيت حجز على موقعهم طول فترة اقامتي
كفايه كذا حق اول يوم ؟ ولا اضيف شي بعد ؟

بالنسبه لتذاكر برج ايفل صعبه تحصلين من موقعهم دايما مليانه وخاصه اذا سفركم قريب

ثاني يوم

كمان بنروح برج ايفل اذا ماصعدنا اول يوم
ورحله بنهر السين

حلوو تمام وحطي معاهم مجمع لي بون
بالنسبه للرحله الي في نهر السين اذا بتطلعين من المراكب الموجوده في ساحه الما مايورك بتحصلين جسر وهذا الجسر تحته النفق الي ماتت فيه الاميره ديانا فقط للمعلومات )

ثالث يوم
قصر فرساي
ساحة الكونكورد
جسر الكسندر الثالث

ممكن وتقدرين تخلين قصر فرساي مع برج ايفل
يعني القصر الصبح وبرج ايفل العصر لما ترجعون مباشره من قصر فرساي
لان من قصر فرساي لو تاخذون الرير C ينزلكم في محطه برج ايفل

رابع يوم
غاليري لافاييت
الاوبرا
متحف الشمع
الحي اللاتيني
تحسونها واجد ولا عادي ؟

لا الحي اللاتيني لاتحطينه مع الاوبرا وطختها
الحي اللاتيني مع كنيسه روتردام و حديقه لوكمسبورغ واذا تبين تضيفين معاهم بعد مجمع لي بون كلهم بنفس المنطقه

خامس يوم
هضبة مونمارت
قرية بيرسي

هضبه مونمار مع اليوم الي بتروحين فيه الاوبرا يعني استبدلي الحي اللاتيني وحطي مكانها الهضبه
وممكن بدل حديقه لوكمسبورغ
يعني كنيسه نوتردام مع الحي اللاتيني وقريه بيرسي
وبنفس الخط اذا تبغين تاخذون وتتسوقون في بريمارك باريس
بكون في مجمع بنفس خط بيرسي وايضا من ضمن المجمع في محل c&a وهي من المحلات الرخيصه

باقي اليوم السادس

بعبيه لج ان شاء الله

واليوم السابع بنتمشى بالمنطقه شوي و عقب بنروح ديزني ؛ اوكي كذا ؟

اي عادي من باريس الى دزني تقريبا 40 دقيقه
وحاليا معظم الفنادق اذا عليها ضغط تسجيل الدخول الساعه 3 العصر
يعني لاتستعجلون في الروحه الى دزني

نروح نسوي تشيك ان وبعدها نروح للمول والاوت ليت
واليوم الثاني بيكون كامل حق ديزني لاند
واليوم الثالث نبي نروح حق مزرعه نتمشى فيها و نقطف فراوله و تفاح اجواء ريفيه يعني
فيه شي قريب للمنطقه ؟ وكيف اقدر اروح لها ؟

بالنسبه للمزارع هناك ماجربت اروح لها لكن بشوف لج
ومشرفتنا ام ريم ماراح تقصر اكيد معاج

بس هذا اللي طلع معي
باقي فيه اماكن بس مدري وين احطها
مثل : منطقة سان جيرمان
شارع افنيو مونتان
متحف اللوفر
سوق لي بون مارشيه
غابة بولونيا
حدائق لوكسمبورغ
حديقة دي بوت شومون
وكمان ابي اروح الحديقه اللي فيها معالم باريس مصغره

بالنسبه لباريس المصغره يعني بخاطر بخاطرج تروحين لها او عادي !!!

لانها مو قريبه اذا جذي ولازم تروحين لها وبخاطرج
هذي لازم تخلينها مع قصر فرساي
لان وانتي طالعه من باريس توصلين قصر فرساي
وفرانس مونيتور بعد قصر فرساي على نفس الخط
يعني قصر فرساي بالنص بين وسط باريس وفرانس مونيتور

بالنسبه للمترو ؛ وش اللي يناسبني اي تذكره ؟ لان الاسبوعيه بتبدأ يوم الاثنين وانا بوصل الخميس

بالنسبه للبطاقه خذي العاديه لخمس ايام + 1
لزون 1-3
وهالزون من دون دزني ولا قصر فرساي فقط لوسط باريس

شوفي الرابط هذا
انا حطيت لكم التذاكر المناسبه لكم للمترو

3 تذاكر لمده خمس ايام لــ 3 اشخاص
6 تذاكر RER لان بالموقع حاطين الون وي 4 يورو
اختارو 6 تذاكر لكم كلكم 3 للذهاب و 3 للعوده

بيطلع لكم السعر للمواصلات كلها وللمده كلها لثلاث اشخاص 141.90 يورو

http://booking.parisinfo.com/z6200e2...transport.aspx

ارقامنا بناخذ من ليبارا بناءً على التوصيات هنا

انا دايما اكتب هنا
ليبارا ولايكا للمكالمات ممتازه جدا ورخيصه
لكن للنت ليبارا شبكتها ضعيفه انا مرجربها وتلعوزت معاها
لايكا افضل من ليبارا بالنت
و شركه SFR شبكتها جدا قويه بالنت
بس وايد غاليه بالمكالمات

وش بقى ؟

بقى ارتب لج الجدول وكلشي انتظريني لين بكره بالكثير ان شاء الله

الاجابه فوق باللون الاحمر

تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ِأنــتـالـــيـا ( أنطاليا ) ومدن الريفيرا التركية 2015 ، حكايا ماجد الفهد	ماجد الفهد	تركيا	169	13-03-2017 12:56 AM
ليلتين ضايعه في الجدول ساعدوني!	نجود	بوابة سويسرا	8	01-07-2015 12:11 PM
مطعم «قمر الدين» في بيروت لبنان بالصور	عامر	بوابة الدول الاخرى	16	08-03-2015 12:56 PM